കൊച്ചി: സമൂഹമാധ്യമത്തിലൂടെ അപമാനിച്ചുവെന്ന കേസില് നിലവിലെ അന്വേഷണ ഉദ്യോഗസ്ഥനെ മാറ്റണമെന്ന ആവശ്യവുമായി നടി അന്സിബ ഹസന് എറണാകുളം മജിസ്ട്രേറ്റ് കോടതിയെ സമീപിച്ചു.
അന്സിബയുടെ പരാതിയില് മജിസ്ട്രേറ്റ് കോടതിയുടെ നിര്ദേശപ്രകാരം പാലാരിവട്ടം പൊലിസ് ലക്ഷ്മിപ്രിയക്കെതിരെ ജാമ്യമില്ല വകുപ്പ് ചുമത്തി കേസ് എടുത്തിരുന്നു. ലക്ഷ്മിപ്രിയയും യുട്യൂബ് ചാനല് ഉടമയും നടി ശ്വേത മേനോനും ചേര്ന്നുള്ള ഗൂഢാലോചനയുടെ ഭാഗമായാണ് തനിക്കെതിരെ വ്യാജപ്രചാരണം നടത്തുന്നതെന്നായിരുന്നു അന്സിബയുടെ പരാതി.
ഇതില് ലക്ഷ്മിപ്രിയക്കെതിരെ മാത്രമാണ് കേസ് എടുത്തത്, ബാക്കിയുള്ളവരെ പൊലിസ് മനപൂര്വം ഒഴിവാക്കി എന്നാണ് അന്സിബ ഹര്ജിയില് പറയുന്നത്. അതിനാല് നിലവിലുള്ള അന്വേഷണ ഉദ്യോഗസ്ഥനെ മാറ്റി പുതിയ ഉദ്യോഗസ്ഥന് ചുമതല നല്കണമെന്നാണ് അന്സിബയുടെ ആവശ്യം
