നേതാവിന്‍റെ ഇഷ്ടത്തിന് വഴങ്ങിയില്ല; റവന്യൂ ജീ​വ​ന​ക്കാ​രി​യോ​ട് അ​പ​മ​ര്യാ​ദ കാ​ട്ടി​യ സം​ഭ​വം; ന​ട​പ​ടി വൈ​കു​ന്ന​താ​യി ആക്ഷേപം


ചെ​ങ്ങ​ന്നൂ​ർ: താ​ലൂ​ക്ക് ഒാ​ഫീ​സി​ലെ ജീ​വ​ന​ക്കാ​രി​യെ സി​പി​ഐയു​ടെ സം​ഘ​ട​നാ നേ​താ​വാ​യ ഉ​ദ്യോ​ഗ​സ്ഥ​ൻ മാ​ന​സി​ക​മാ​യി ബു​ദ്ധി​മു​ട്ടി​ക്കു​ക​യും അ​പ​മ​ര്യാ​ദ​യാ​യി പെ​രു​മാ​റു​ക​യും ചെ​യ്ത സം​ഭ​വ​ത്തി​ൽ ന​ട​പ​ടി വൈ​കു​ന്ന​താ​യി പ​രാ​തി. ത​ന്‍റെ ഇ​ഷ്ട​ത്തി​ന് വ​ഴ​ങ്ങാ​തെ വ​ന്ന ജീ​വ​ന​ക്കാ​രി​യെ സ്ഥ​ലം മാ​റ്റി​ച്ച​താ​യാ​ണ് പ​രാ​തി.

മ​റ്റ് പ​ല​രോ​ടും ഇ​ത്ത​ര​ത്തി​ൽ പെ​രു​മാ​റി​യി​ട്ടു​ണ്ടെ​ന്നും ജീ​വ​ന​ക്കാ​രി പ​രാ​തി​യി​ൽ പ​റ​യു​ന്നു. 2019 ജൂ​ലൈ​യി​ലാ​ണ് ജീ​വ​ന​ക്കാ​രി ഇ​തു സം​ബ​ന്ധി​ച്ച് ജി​ല്ലാ ക​ള​ക്ട​ർ, മു​ഖ്യ​മ​ന്ത്രി, വ​നി​താ ക​മ്മീ​ഷ​ൻ, മ​നു​ഷ്യാ​വ​കാ​ശ ക​മ്മീ​ഷ​ൻ എ​ന്നി​വ​ർ​ക്കു പ​രാ​തി ന​ൽ​കി​യ​ത്.

ജീ​വ​ന​ക്കാ​രി ന​ൽ​കി​യ പ​രാ​തി​ക​ൾ തു​ട​ർ​ന​ട​പ​ടി​ക്കു വേ​ണ്ടി ജി​ല്ലാ ക​ള​ക്ട​റു​ടെ ഓ​ഫീ​സി​ൽ എ​ത്തു​കയും അ​ടി​യ​ന്തര​മാ​യി ജീ​വ​ന​ക്കാ​രി​യു​ടെ മൊ​ഴി രേ​ഖ​പ്പെ​ടു​ത്തി റി​പ്പോ​ർ​ട്ട് സ​മ​ർ​പ്പി​ക്ക​ണ​മെ​ന്നും ക​ള​ക്ട​ർ താ​ലൂ​ക്ക് അ​ധി​കൃ​ത​ർ​ക്ക് ഉ​ത്ത​ര​വ് ന​ൽ​കി.

പ​രാ​തി​ക്കാ​രി ഉ​ദ​ര​സം​ബ​ന്ധ​മാ​യ ശ​സ്ത്ര​ക്രിയയ്​ക്കു ശേ​ഷം വീ​ട്ടി​ൽ വി​ശ്ര​മി​ക്കു​ക​യാ​ണെ​ന്ന് താ​ലൂ​ക്കി​ൽ നി​ന്നും ക​ള​ക്‌‌ടറു​ടെ ഓ​ഫീ​സി​ൽ അ​റി​യി​ച്ച​തി​നെ​ത്തു​ട​ർ​ന്ന് അ​വ​രു​ടെ വീ​ട്ടി​ലെ​ത്തി മൊ​ഴി എ​ടു​ക്ക​ണ​മെ​ന്നാ​യി​രു​ന്നു ക​ള​ക്ട​റു​ടെ ഉ​ത്ത​ര​വ്.

എ​ന്നാ​ൽ താ​ലൂ​ക്ക് ഓ​ഫീ​സി​ൽ നി​ന്നും ജീവനക്കാരിയുടെ വീട്ടിൽ അ​ധി​കൃ​ത​ർ പോ​കാ​ൻ ത​യ്യാ​റാ​യി​രു​ന്നി​ല്ല. പി​ന്നീ​ട് പ​രാ​തി​ക്കാ​രി​ ക​ഴി​ഞ്ഞ മാ​സം ആ​റി​ന് വീ​ട്ടി​ൽ നി​ന്നും വാ​ഹ​ന​ത്തി​ൽ താ​ലൂ​ക്ക് ഓ​ഫീ​സി​ൽ എ​ത്തി മൊ​ഴി ന​ൽ​കി.

താ​ലൂ​ക്ക് വ​നി​താ പ​രാ​തി പ​രി​ഹാ​ര സെ​ൽ ഉ​ണ്ടാ​യി​രു​ന്നി​ട്ടും പ​രാ​തി​ക്കാ​രി​യോ​ട് ആ ​വി​വ​രം ഉ​ദ്യോ​ഗ​സ്ഥ​ർ മ​റ​ച്ചു​വ​ച്ചു. ഇ​തു സം​ബ​ന്ധി​ച്ച് ആ​രോ​പ​ണ വി​ധേ​യ​നാ​യ ഉ​ദ്യോ​ഗ​സ്ഥ​ന്‍റെ മൊ​ഴി​യെ​ടു​ക്കു​ക​യും പ​രാ​തി​യി​ൽ മേ​ൽ റി​പ്പോ​ർ​ട്ട് അ​യ​ച്ച​തും സം​ഭ​വം ന​ട​ന്ന് ഒ​രു വ​ർ​ഷം പി​ന്നി​ട്ട​പ്പോ​ഴാ​ണ്.

ഉ​ദ്യോ​ഗ​സ്ഥ​ന്‍റെ ഉ​ന്ന​ത രാ​ഷ്ട്രീ​യ സ്വാ​ധീ​നം ​ഉ​പ​യോ​ഗി​ച്ചാ​ണ് ന​ട​പ​ടി​ക​ൾ വൈ​കി​ച്ച​തെ​ന്ന് ആ​ക്ഷേ​പ​മു​ണ്ട്. പ​രാ​തി​ക്കാ​രി ചെ​ങ്ങ​ന്നൂ​ർ ജു​ഡീ​ഷ്യ​ൽ ഒ​ന്നാം ക്ലാ​സ് മ​ജി​സ്ട്രേ​റ്റ് കോ​ട​തി​യി​ലും വി​ഷ​യം സം​ബ​ന്ധി​ച്ച് ഹ​ർ​ജി ന​ൽ​കി​യി​ട്ടു​ണ്ട്.

Related posts

Leave a Comment