എ​ന്ത് കാ​മ​റ! പഴയങ്ങാടി റോഡിൽ വീ​ണ്ടും അ​റ​വ് മാ​ലി​ന്യം; ചോദിക്കാനും പറയാനും ഇവിടെ ആരുമില്ലല്ലോ

പാ​പ്പി​നി​ശേ​രി: നി​രീ​ക്ഷ​ണ കാ​മ​റ​ക​ളെ വെ​ല്ലു​വി​ളി​ച്ച് പാ​പ്പി​നി​ശേ​രി പ​ഞ്ചാ​യ​ത്തി​ലെ പ​ഴ​യ​ങ്ങാ​ടി റോ​ഡ് ജം​ഗ്ഷ​നി​ലും സ​മീ​പ​ത്തെ പാ​ത​യോ​ര​ത്തും മാ​ലി​ന്യം ത​ള്ളു​ന്നു.​റോ​ഡി​നു സ​മീ​പ​ത്തെ ക​ണ്ട​ൽ ക്കാ​ട്ടി​നു​ള്ളി​ലാ​കെ അ​റ​വ് മാ​ലി​ന്യ​ങ്ങ​ൾ ചാ​ക്കു​ക​ളി​ൽ നി​റ​ച്ച് ത​ള്ളി​യ നി​ല​യി​ലാ​ണ്. വ​ള​പ​ട്ട​ണം പാ​ല​ത്തി​ന്‍റെ താ​ഴെ ഇ​രു​ഭാ​ഗ​ത്തും മാ​ലി​ന്യ ചാ​ക്കു​ക​ളു​ടെ കൂ​മ്പാ​ര​മാ​ണ്. ഏ​റേ​യും അ​റ​വ് മാ​ലി​ന്യ​ങ്ങ​ളാ​ണ് ഇ​വി​ടെ ത​ള്ളി​യി​രി​ക്കു​ന്ന​ത്.

മാ​ലി​ന്യം ത​ള്ളു​ന്ന​ത് ത​ട​യു​ന്ന​തി​നാ​യി ഇ​വി​ടെ കാ​മ​റ​ക​ൾ സ്ഥാ​പി​ച്ച​തി​നെ തു​ട​ർ​ന്നു കാ​മ​റ ഇ​ല്ലാ​ത്ത മേ​ഖ​ല​യി​ലാ​ണ് ഇ​പ്പോ​ൾ മാ​ലി​ന്യം ത​ള്ളു​ന്ന​ത്. കാ​മ​റയു​ടെ പ​രി​ധി​യി​ൽ മാ​ലി​ന്യം ത​ള്ളി​യാ​ൽ പ​ഞ്ചാ​യ​ത്ത് അ​ധി​കൃ​ത​ർ​ക്ക് അ​പ്പ​പ്പോ​ൾ വി​വ​രം ല​ഭി​ക്കു​ന്ന സം​വി​ധാ​ന​ത്തോ​ടു കൂ​ടി​യു​ള്ള കാ​മ​റ​യാ​ണ് സ്ഥാ​പി​ച്ച​ത്.

ഇ​തു മ​ന​സി​ലാ​ക്കി​യ​വ​ർ കാ​മ​റ​യു​ടെ നി​രീ​ക്ഷ​ണ പ​രി​ധി​യി​ല്ലാ​ത്ത പ്ര​ദേ​ശം മാ​ലി​ന്യം​ത​ള്ള​ൽ കേ​ന്ദ്ര​മാ​യി തെ​ര​ഞ്ഞെ​ടു​ത്തി​രി​ക്കു​ക​യാ​ണ്. മാ​ലി​ന്യ നി​ക്ഷേ​പ​ത്തി​നെ​തി​രെ ഇ​ത​ര സം​സ്ഥാ​ന തൊ​ഴി​ലാ​ളി​ക​ൾ​ക്ക് കൂ​ടി ന​ല്ല ബോ​ധ​വ​ത്ക​ര​ണം അ​നി​വാ​ര്യ​മാ​ണെ​ന്ന് പാ​പ്പി​നി​ശേ​രി ടൈം​സ് കോ-​ഓ​ർ​ഡി​നേ​റ്റ​ർ പ്ര​കാ​ശ​ൻ പാ​പ്പി​നി​ശേ​രി ആ​വ​ശ്യ​പ്പെ​ട്ടു.