ചേർത്തല: ബിന്ദുവിന്‍റെ സഹോദരൻ ഇറ്റലിയിലുള്ള പ്രവീണ്‍കുമാർ അടിയന്തരമായി നാട്ടിലെത്താൻ പോലീസ് ആവശ്യപ്പെട്ടു. ബിന്ദുവിന്‍റെ തിരോധാനവുമായി ബന്ധപ്പെട്ട കേസിലെ ആവശ്യത്തിനാണ് അന്വേഷണ ഉദ്യോഗസ്ഥൻ ആലപ്പുഴ നാർക്കോട്ടിക്സെൽ ഡിവൈഎസ്പി എ. നസീം പ്രവീണിനെ ചൊവ്വാഴ്ച ഫോണിൽ ബന്ധപ്പെട്ട് മടങ്ങിയെത്താൻ ആവശ്യപ്പെട്ടത്.
വ്യാഴാഴ്ച നാട്ടിലെത്തി അന്വേഷണ ഉദ്യോഗസ്ഥന് മുന്നിൽ ഹാജരാകുമെന്നാണ് വിവരം. പ്രവീണാണ് ബിന്ദുവിന്‍റെ തിരോധാനവും സ്വത്ത് തട്ടിയെടുക്കലും അന്വേഷിക്കണമെന്ന് ആവശ്യപ്പെട്ട് ആഭ്യന്തര വകുപ്പിന് പരാതി നൽകിയത്. നേരത്തെ ചേർത്തല ഡിവൈഎസ്പിയുടെ നേതൃത്വത്തിൽ പ്രവീണിന്‍റെ മൊഴി രേഖപ്പെടുത്തിയിരുന്നു.
