ഭ​യ​ന്നുവി​റ​ച്ച വീ​ട്ട​മ്മ നി​ല​വി​ളി​ച്ചി​ട്ടും വീ​ട്ടു​കാ​ർ അ​റി​ഞ്ഞി​ല്ല! ചാ​ല​യി​ൽ വീ​ട്ടി​ൽനി​ന്ന് 1.8 ല​ക്ഷം രൂ​പ​യും സ്വ​ർ​ണ​വും ക​വ​ർ​ന്ന സം​ഭ​വ​ത്തി​ൽ ദു​രൂ​ഹ​ത

ക​ണ്ണൂ​ർ: ചാ​ല ആ​റ്റ​ട​പ്പ റോ​ഡി​ൽ ക​ത്തികാ​ട്ടി ഭീ​ഷ​ണി​പ്പെ​ടു​ത്തി വീ​ട്ടി​ൽനി​ന്ന് സ്വ​ർ​ണ​വും പ​ണ​വും ക​വ​ർ​ന്ന സം​ഭ​വ​ത്തി​ൽ ദു​രൂ​ഹ​ത.

ക​ഴി​ഞ്ഞ​ദി​വ​സം രാ​ത്രി​യാ​ണ് ചാ​ല ആ​റ്റ​ട​പ്പ റോ​ഡി​ലെ വീ​ട്ടി​ൽനി​ന്ന് 1.8 ല​ക്ഷം രൂ​പ​യും സ്വ​ർ​ണ​വും മോ​ഷ്ടി​ച്ച​തെ​ന്ന് വീ​ട്ട​മ്മ പ​റ​യു​ന്ന​ത്.

വിവരമറിഞ്ഞ് എ​ത്തി​യ എ​ട​ക്കാ​ട് എ​സ്ഐ മ​ഹേ​ഷ് ക​ണ്ട​ന്പേ​ത്തി​ന്‍റെ നേ​തൃ​ത്വ​ത്തി​ലു​ള്ള പോ​ലീ​സ് സം​ഘം ന​ട​ത്തി​യ പ​രി​ശോ​ധ​ന​യി​ലാണ് സം​ഭ​വ​ത്തി​ൽ ദു​രൂ​ഹ​ത​യു​ണ്ടെ​ന്ന് മ​ന​സി​ലാ​യ​ത്.

മോ​ഷ്ടാ​വ് വീ​ട്ടി​ലെ​ത്തി​യ​തി​ന്‍റെ യാ​തൊ​രു ല​ക്ഷ​ണ​വും കാ​ണാ​നി​ല്ലെ​ന്ന് പോ​ലീ​സ് പ​റ​യു​ന്നു.

ക​വ​ർ​ച്ചാസം​ഘം ക​ത്തി കാ​ണി​ച്ച് ഭീ​ഷ​ണി​പ്പെ​ടു​ത്തി​യാ​ണ് പ​ണ​വും സ്വ​ർ​ണ​വും അ​പ​ഹ​രി​ച്ച​തെ​ന്ന് വീ​ട്ട​മ്മ​യു​ടെ വാ​ദം തെ​ളി​യി​ക്കാ​നു​ള്ള ഒ​രു തെ​ളി​വും വീ​ട്ടി​ൽനി​ന്നു പോ​ലീ​സി​ന് ല​ഭി​ച്ചി​ട്ടി​ല്ല.

മോ​ഷ്ടാ​വ് അ​ക​ത്തേ​ക്ക് വ​ന്നെ​ന്നു ക​രു​തു​ന്ന വ​ഴി​യി​ലൊ​ന്നും കാ​ൽ​പ്പാ​ടു​ക​ളോ വാ​തി​ൽ തു​റ​ന്ന ല​ക്ഷ​ണ​മോ കാ​ണാ​നി​ല്ല.

മു​ഖംമൂ​ടി ധ​രി​ച്ചെ​ത്തി​യ ര​ണ്ടുപേ​ർ മോ​ഷ​ണ സം​ഘ​ത്തി​ലു​ണ്ടാ​യി​രു​ന്നു​വെ​ന്നും അ​വ​ർ ക​ത്തി കാ​ണി​ച്ച് അ​ല​മാ​ര​യു​ടെ താ​ക്കോ​ൽ ആ​വ​ശ്യ​പ്പെ​ട്ടു​വെ​ന്നു​മാ​ണ് വീ​ട്ട​മ്മ പ​റ​യു​ന്ന​ത്.

താ​ക്കോ​ൽ ന​ൽ​കാ​തി​രു​ന്ന​പ്പോ​ൾ ഉ​റ​ങ്ങി​ക്കി​ട​ന്ന മ​ക​ളു​ടെ ക​ഴു​ത്തി​നുനേ​രെ​യും മോ​ഷ്ടാ​ക്ക​ൾ ക​ത്തി​കാ​ട്ടി ഭീ​ഷ​ണി​പ്പെ​ടു​ത്തി.

തു​ട​ർ​ന്ന് ഭ​യ​ന്നു​വി​റ​ച്ച വീ​ട്ട​മ്മ നി​ല​വി​ളി​ച്ചി​ട്ടും ഉ​റ​ങ്ങു​ക​യാ​യി​രു​ന്ന 16 ഉം 14 ​ഉം വ​യ​സു​ള്ള കു​ട്ടി​ക​ൾ അ​റി​ഞ്ഞി​ല്ലെ​ന്നും പ​റ​യു​ന്നു. ഇ​തും ദു​രൂ​ഹ​ത വ​ർ​ധി​പ്പി​ക്കു​ന്നു.

അ​ല​മാ​ര​യി​ൽ പ​ണ​വും സ്വ​ർ​ണ​വും സൂ​ക്ഷി​ച്ചി​രു​ന്നി​ല്ല. പ്ര​ത്യേ​ക സ്ഥ​ല​ത്ത് വ​ള​രെ സ്വ​കാ​ര്യ​മാ​യി സൂ​ക്ഷി​ച്ചുവ​ച്ച സ്ഥ​ല​ത്തു​നി​ന്ന് എ​ങ്ങ​നെ മോ​ഷ്ടാ​ക്ക​ൾ​ക്ക് പ​ണം ല​ഭി​ച്ചു​വെ​ന്ന​തിലും പോ​ലീ​സി​ന് സം​ശ​യ​മു​ണ്ട്.

മു​റി​യി​ലെ അ​ല​മാ​ര​യി​ലെ തു​ണി​ക​ൾ വാ​രിവ​ലി​ച്ചി​ട്ട നി​ല​യി​ലാ​യി​രു​ന്നു. ഇ​തു​വ​രെ ന​ട​ന്ന ക​വ​ർ​ച്ചാകേ​സു​ക​ളി​ൽ ക​റു​ത്ത ഷൂ​വും ക​റു​ത്ത പാ​ന്‍റും ഷ​ർ​ട്ടും മു​ഖം​മൂ​ടി​യും കൈ​യു​റ​യും ധ​രി​ച്ച് സം​ഘം എ​ത്തി​യ​താ​യി പോ​ലീ​സി​ന് അ​റി​വി​ല്ല.

മോ​ഷ്ടാ​വി​നെ ക​ണ്ട സ്ത്രീ ​ഒ​ഴി​കെ വീ​ട്ടി​ലു​ള്ള മ​ക്ക​ൾ സം​ഭ​വം അ​റി​ഞ്ഞി​ട്ടുപോ​ലു​മി​ല്ല. മ​ക്ക​ളു​ടെ​യും അ​മ്മ​യു​ടെ​യും മൊ​ഴി​ക​ൾ ത​മ്മി​ൽ വൈ​രു​ദ്ധ്യ​മു​ണ്ടെ​ന്ന് പോ​ലീ​സി​ന് ബോ​ധ്യ​പ്പെ​ട്ടി​ട്ടു​ണ്ട്.

പോ​ലീ​സ് സം​ഘം കാ​ര്യ​ങ്ങ​ൾ വ്യ​ക്ത​മാ​ക്കി​യ​പ്പോ​ൾ പ​രാ​തി​യി​ല്ലെ​ന്നും സ്വ​ർ​ണ​വും പ​ണം ന​ഷ്ട​പ്പെ​ട്ട​ത് സ​ഹി​ച്ചോ​ളാ​മെ​ന്നുമാ​ണ് പി​ന്നീ​ട് വീ​ട്ട​മ്മ പോ​ലീ​സി​നെ അ​റി​യി​ച്ച​ത്.