സമരജ്വാല അണയാതെ പ്രതിഷേധം തുടരുന്നു; ഡ​ൽ​ഹി സ​മ​ര​ത്തി​നി​ടെ​യു​ള്ള കൈ​യേ​റ്റ​ത്തി​ൽ എ​ൻ​എ​സ്‌‌‌​യു​ഐ നേ​താ​വ് ആ​തി​ര വി​ജ​യ​ന്‍റെ പ​രാ​തി​യി​ൽ കേ​ര​ള​ത്തി​ൽ കേ​സ്

തി​രു​വ​ന​ന്ത​പു​രം: ഡ​ൽ​ഹി സ​മ​ര​ത്തി​നി​ടെ​യു​ള്ള കൈ​യേ​റ്റ​ത്തി​ൽ കേ​ര​ള​ത്തി​ൽ കേ​സ്. എ​ൻ​എ​സ്‌‌‌​യു​ഐ നേ​താ​വ് ആ​തി​ര വി​ജ​യ​ന്‍റെ പ​രാ​തി​യി​ലാ​ണ് കേ​സ്.

മ്യൂ​സി​യം പോ​ലീ​സാ​ണ് കേ​സെ​ടു​ത്ത​ത്. ഡി​ജി​പി​ക്കാ​ണ് ആ​തി​ര പ​രാ​തി ന​ൽ​കി​യ​ത്. ഡ​ൽ​ഹി സമരത്തിനിടെ പരിക്കേറ്റ ആതിര ഉൾപ്പെടെയുള്ളവർ ക്രൂരമായ മർദനത്തിന് ഇരയായതായി പ്രതികരിച്ചിരുന്നു.

സമരജ്വാല അണയ്ക്കാതെ പ്രതിഷേധക്കാർ

ന്യൂ​ഡ​ൽ​ഹി: രാ​ജ്യ​ത്തെ തെ​ര​ഞ്ഞെ​ടു​പ്പ് ക്ര​മ​ക്കേ​ടു​ക​ൾ​ക്കെ​തി​രേയും പ്ര​തി​ഷേ​ധ​ക്കാ​ർ​ക്കെ​തി​രാ​യ പൊ​ലി​സ് അ​ക്ര​മ​ങ്ങ​ൾ​ക്കെ​തി​രേയും ജ​ന്ത​ർ മ​ന്ത​ർ സ​മ​ര​ഭൂ​മി​യാ​യി പു​നഃ​സ്ഥാ​പി​ക്ക​ണ​മെ​ന്ന് ആ​വ​ശ്യ​പ്പെ​ട്ടും ത​ല​സ്ഥാ​ന​ത്ത് ഇ​ന്ന​ലെ​യും ശ​ക്ത​മാ​യ പ്ര​തി​ഷേ​ധ​മു​ണ്ടാ​യി. ഫി​റോ​സ് ഷാ ​റോ​ഡി​ൽ​നി​ന്ന് ജ​ന്ത​ർ മ​ന്ത​റി​ലേ​ക്ക് ഇ​ട​ത് വി​ദ്യാ​ർ​ഥി-​യു​വ​ജ​ന സം​ഘ​ട​ന​ക​ളാ​യ ഡി​വൈ​എ​ഫ്ഐ​യും എ​സ്എ​ഫ്ഐ​യും സം​യു​ക്ത​മാ​യി പ്ര​തി​ഷേ​ധ​മാ​ർ​ച്ച് ന​ട​ത്തി​യ​പ്പോ​ൾ യൂ​ത്ത് കോ​ൺ​​ഗ്ര​സ് പൊ​ലി​സ് അ​തി​ക്ര​മ​ങ്ങ​ൾ​ക്കെ​തി​രേ പാ​ർ​ല​മെ​ന്‍റ് സ്ട്രീ​റ്റ് പൊ​ലി​സ് സ്റ്റേ​ഷ​നി​ലേ​ക്കു മാ​ർ​ച്ച് ന​ട​ത്തി. ര​ണ്ട് മാ​ർ​ച്ചു​ക​ളും പൊ​ലി​സ് ത​ട​യാ​ൻ ശ്ര​മി​ച്ചു. പി​രി​ഞ്ഞു​പോ​കാ​ൻ കൂ​ട്ടാ​ക്കാ​തി​രു​ന്ന നൂ​റോ​ളം പേ​രെ പൊ​ലി​സ് ക​സ്റ്റ​ഡി​യി​ലെ​ടു​ത്തു നീ​ക്കി.
ഫി​റോ​സ് ഷാ ​റോ​ഡി​ൽ​നി​ന്ന് ആ​രം​ഭി​ച്ച ഡി​വൈ​എ​ഫ്ഐ-​എ​സ്എ​ഫ്ഐ മാ​ർ​ച്ച് ജ​ന്ത​ർ മ​ന്ത​റി​ലേ​ക്കു​ള്ള റോ​ഡി​ലേ​ക്ക് ക​ട​ക്കു​ന്ന​തി​നു മു​മ്പേ പൊ​ലി​സ് ബാ​രി​ക്കേ​ഡു​ക​ളി​ട്ടു ത​ട​ഞ്ഞു. എം​പി​മാ​രാ​യ എ.​എ. ​റ​ഹിം, വി.​ ശി​വ​ദാ​സ​ൻ, യു​വ​ജ​ന​നേ​താ​ക്ക​ളാ​യ ആ​ദ​ർ​ശ് എം. ​സ​ജി, ജെ​യ്ക് സി.​ തോ​മ​സ് എ​ന്നി​വ​രു​ടെ നേ​തൃ​ത്വ​ത്തി​ലാ​യി​രു​ന്നു മാ​ർ​ച്ച്. ബാ​രി​ക്കേ​ഡു​ക​ൾ മ​റി​ക​ട​ക്കാ​ൻ ചി​ല പ്ര​വ​ർ​ത്ത​ക​ർ ശ്ര​മി​ച്ചെ​ങ്കി​ലും പി​ന്നീ​ട് പ്ര​തി​ഷേ​ധ​ക്കാ​ർ റോ​ഡി​ൽ കു​ത്തി​യി​രു​ന്ന് മു​ദ്രാ​വാ​ക്യം വി​ളി​ക്കു​ക​യാ​യി​രു​ന്നു. പ്ര​തി​ഷേ​ധം അ​വ​സാ​നി​പ്പി​ക്കാ​ൻ ഇ​വ​രോ​ട് പൊ​ലി​സ് ആ​വ​ശ്യ​പ്പെ​ട്ടെ​ങ്കി​ലും അ​ര മ​ണി​ക്കൂ​റി​ലേ​റെ പ്ര​തി​ഷേ​ധം തു​ട​ർ​ന്ന​തോ​ടെ നേ​താ​ക്ക​ളെ​യും വ​നി​താ പ്ര​വ​ർ​ത്ത​ക​രെ​യു​മ​ട​ക്കം വ​ലി​ച്ചി​ഴ​ച്ച് ക​സ്റ്റ​ഡി​യി​ലെ​ടു​ക്കു​ക​യാ​യി​രു​ന്നു.

പാ​ർ​ല​മെ​ന്‍റ് സ്ട്രീ​റ്റ് സ്റ്റേ​ഷ​നി​ലേ​ക്കു മാ​ർ​ച്ച്
ജ​ന്ത​ർ മ​ന്ത​ർ സ​മ​ര​വേ​ദി​യാ​യി പു​നഃ​സ്ഥാ​പി​ക്ക​ണ​മെ​ന്നാ​വ​ശ്യ​പ്പെ​ട്ടും പ്ര​തി​ഷേ​ധ​ക്കാ​ർ​ക്കു​ നേ​രേ​യു​ള്ള പൊ​ലി​സ് അ​ക്ര​മ​ങ്ങ​ൾ​ക്കെതിരേയും യൂ​ത്ത് കോ​ൺ​​ഗ്ര​സ് ആ​സ്ഥാ​ന​ത്തു​നി​ന്ന് പാ​ർ​ല​മെ​ന്‍റ് സ്ട്രീ​റ്റ് പൊ​ലി​സ് സ്റ്റേ​ഷ​നി​ലേ​ക്ക് പ്രവർത്തകർ മാ​ർ​ച്ച് ന​ട​ത്തി. ത്രി​വ​ർ​ണ​പ​താ​ക​ക​ളേ​ന്തി​യു​ള്ള മാ​ർ​ച്ചി​നി​ടെ പ​ട്ടേ​ൽ ചൗ​ക്ക് മെ​ട്രോ സ്റ്റേ​ഷ​നു സ​മീ​പം ഇ​വ​ർ അ​ൽ​പ​സ​മ​യം കു​ത്തി​യി​രു​ന്നും പ്ര​തി​ഷേ​ധി​ച്ചു. പി​ന്നീ​ട് നൂ​റോ​ളം പ്ര​വ​ർ​ത്ത​ക​രു​മാ​യി പാ​ർ​ല​മെ​ന്‍റ് സ്ടീ​റ്റ് പൊ​ലി​സ് സ്റ്റേ​ഷ​നി​ലേ​ക്കെ​ത്തി​യ ഇ​വ​ർ അ​വി​ടെ​ നി​ന്ന് മു​ദ്രാ​വാ​ക്യം വി​ളി​ച്ചു.

സെൻട്രൽ പാർക്കിൽ പ്രതിഷേധത്തിനൊരുങ്ങി സിജെപി
ന്യൂ​​​​​ഡ​​​​​ൽ​​​​​ഹി: കൊണാ​​​​​ട്ട് പ്ലേ​​​​​സി​​​​​ലെ സെ​​​​​ൻ​​​​​ട്ര​​​​​ൽ പാ​​​​​ർ​​​​​ക്കി​​​​​ൽ പ്ര​​​തി​​​ഷേ​​​ധ​​​സ​​​മ​​​രം പ്ര​​​ഖ്യാ​​​പി​​​ച്ച് കോ​​​ക്രോ​​​ച്ച് പാ​​​ർ​​​ട്ടി. അ​​​​​നു​​​​​മ​​​​​തി​​​​​യി​​​​​ല്ലാ​​​​​തെ ജ​​​​​ന്ത​​​​​ർ​​​​​ മ​​​​​ന്തറി​​​​​ൽ ക​​​​​ട​​​​​ന്നു​​​​​വെ​​​​​ന്ന​​​​​തു​​​​​ൾ​​​​​പ്പടെയുള്ള കു​​​​​റ്റ​​​​​ങ്ങ​​​​​ൾ​​​​​ക്ക് പാ​​​​​ർ​​​​​ട്ടി നേ​​​​​താ​​​​​ക്ക​​​​​ളാ​​​​​യ അ​​​​​ശു​​​​​തോ​​​​​ഷ് റാ​​​​​ങ്ക​​​​​യെ​​​​​യും സൗ​​​​​ദ​​​​​വ് ദാ​​​​​സി​​​​​നെ​​​​​യും അ​​​​​ഞ്ചു​​​​​ദി​​​​​വ​​​​​സ​​​​​ത്തെ ജു​​​​​ഡീഷ്യൽ ക​​​​​സ്റ്റ​​​​​ഡി​​​​​യി​​​​​ൽ അ​​​​​യ​​​​​ച്ച​​​​​തി​​​​​ലു​​​​​ള്ള പ്ര​​​​​തി​​​​​ഷേ​​​ധ​​​മാ​​​യാ​​​ണ് നാ​​​ള​​​ത്തെ ഒ​​​ത്തു​​​ചേ​​​ര​​​ൽ. വൈ​​​​​കു​​​​​ന്നേ​​​​​രം അ​​​​​ഞ്ചു​​​​​മ​​​​​ണി​​​​​ക്ക് ഒ​​​​​ത്തു​​​​​ചേ​​​​​രാ​​​​​നാ​​​​​ണ് സ​​​​​മൂ​​​​​ഹ​​​​​മാ​​​​​ധ്യ​​​​​മ​​​​​ങ്ങ​​​​​ളി​​​​​ലൂ​​​​​ടെ അ​​​​​ഭി​​​​​ജീ​​​​​ത് ദീ​​​​​പ്കെ​​​യു​​​ടെ ആ​​​​​ഹ്വാ​​​​​നം.
ലെ​​​​​ഹ്‌​​​​​ര ദോ ​​​​​തി​​​​​രം​​​​​ഗ എ​​​​​ന്ന പേ​​​​​രി​​​​​ലു​​​​​ള്ള പ്ര​​​​​തി​​​​​ഷേ​​​​​ധ പ​​​​​രി​​​​​പാ​​​​​ടി​​​​​യി​​​​​ലൂ​​​​​ടെ വീ​​​​​ണ്ടും സ​​​​​മ​​​​​രം ശ​​​​​ക്തി​​​​​പ്പെ​​​​​ടു​​​​​ത്തു​​​​​ക​​​​​യാ​​​​​ണ് ല​​​​​ക്ഷ്യം.

ഡൽഹിയിലെ സമരക്കാർക്കുവേണ്ടി ലണ്ടനിലും പ്രതിഷേധം
ല​​ണ്ട​​ൻ: മു​ഖ്യ തെ​ര​ഞ്ഞെ​ടു​പ്പു ക​മ്മി​ഷ​ണ​റു​ടെ രാ​ജി​യാ​വ​ശ്യ​പ്പെ​ട്ട് ഡ​ൽ​ഹി​യി​ൽ ന​ട​ക്കു​ന്ന സ​മ​ര​ത്തെ അ​നു​കൂ​ലി​ച്ച് ല​ണ്ട​നി​ലും പ്ര​തി​ഷേ​ധം. ല​ണ്ട​നി​ലെ ഇ​ന്ത്യ​ൻ ഹൈ​ക്ക​മ്മി​ഷ​ൻ ഓ​ഫീ​സി​നു പു​റ​ത്താ​യി​രു​ന്നു സൗ​ത്ത് ഏ​ഷ്യ സോ​ളി​ഡാ​രി​റ്റി ഗ്രൂ​പ്പ്, ഹി​ന്ദു​ത്വ​ത്തി​നെ​തി​രേ​യു​ള്ള കേം​ബ്രി​ജ് സൗ​ത്ത് ഏ​ഷ്യ​ൻ കൂ​ട്ടാ​യ്മ, ഇ​ന്ത്യ​ൻ വ​ർ​ക്കേ​ഴ്സ് അ​സോ​സി​യേ​ഷ​ൻ, അം​ബേ​ദ്ക​ർ സൊ​സൈ​റ്റി തു​ട​ങ്ങി​യ സം​ഘ​ട​ന​ക​ളു​ടെ നേ​തൃ​ത്വ​ത്തി​ൽ പ്ര​തി​ഷേ​ധം.
ഗ്യാ​നേ​ഷ് കു​മാ​റി​ന്‍റെ രാ​ജി ആ​വ​ശ്യ​പ്പെ​ട്ടും, പ്ര​തി​ഷേ​ധ​ക്കാ​ർ​ക്കെ​തി​രേ​യു​ള്ള പോ​ലീ​സ് ന​ട​പ​ടി​യെ അ​പ​ല​പി​ച്ചു​മു​ള്ള പ്ലാ​ക്കാ​ർ​ഡു​ക​ൾ പ്ര​തി​ഷേ​ധ​ക്കാ​ർ ഉ​യ​ർ​ത്തി.

പൊലിസ് അതിക്രമങ്ങൾക്കെതിരേ മാധ്യമപ്രവർത്തകർ സുപ്രീംകോടതിയിൽ
ന്യൂ​ഡ​ൽ​ഹി: മു​ഖ്യ തെ​ര​ഞ്ഞെ​ടു​പ്പു ക​മ്മി​ഷ​ണ​ർ ​ഗ്യാ​നേ​ഷ് കു​മാ​റി​ന്‍റെ രാ​ജി ആ​വ​ശ്യ​പ്പെ​ട്ടു​ള്ള പ്ര​തി​ഷേ​ധ​ങ്ങ​ൾ റി​പ്പോ​ർ​ട്ട് ചെ​യ്യാ​നെ​ത്തി​യ മാ​ധ്യ​മ​പ്ര​വ​ർ​ത്ത‌​ക​രെ ക​സ്റ്റ​ഡി​യി​ലെ​ടു​ത്ത​തി​നും അ​വ​ർ​ക്കെ​തി​രേയു​ള്ള പൊ​ലി​സ് അ​ക്ര​മ​ങ്ങ​ൾ​ക്കു​മെ​തി​രേ ഡ​ൽ​ഹി യൂ​ണി​യ​ൻ ഓ​ഫ് ജേ​ണ​ലി​സ്റ്റ്സ് (ഡി​യു​ജെ) സു​പ്രീം​കോ​ട​തി​യെ സ​മീ​പി​ച്ചു. റി​പ്പോ​ർ​ട്ടിം​ഗി​നി​ടെ മാ​ധ്യ​മ​പ്ര​വ​ർ​ത്ത​ക​രെ പൊ​ലി​സ് ബ​ല​മാ​യി നീ​ക്കം ചെ​യ്തെ​ന്നും സം​ഭ​വ​ങ്ങ​ൾ ചി​ത്രീ​ക​രി​ക്കു​ന്ന​തി​ൽ​നി​ന്ന് ത​ട​ഞ്ഞെ​ന്നും ബ​ല​പ്ര​യോ​ഗം ന​ട​ത്തി​യെ​ന്നും സം​ഘ​ട​ന സു​പ്രീം​കോ​ട​തി​യെ അ​റി​യി​ച്ചി​ട്ടു​ണ്ട്.
നി​യ​മ​പ​ര​മാ​യ റി​പ്പോ​ർ​ട്ടിം​ഗി​ന്‍റെ സം​ര​ക്ഷ​ണം, സ്വ​ത​ന്ത്ര​വും സ​മ​യ​ബ​ന്ധി​ത​വു​മാ​യ അ​ന്വേ​ഷ​ണം, പ്ര​സ​ക്ത​മാ​യ തെ​ളി​വു​ക​ൾ ഉ​ട​ന​ടി സം​ര​ക്ഷി​ക്ക​ൽ, നി​യ​മ​വി​രു​ദ്ധ​മാ​യി അ​ധി​കൃ​ത​ർ കൈ​വ​ശം വ​ച്ചി​രി​ക്കു​ന്ന മാ​ധ്യ​മ​പ്ര​വ​ർ​ത്ത​ക​രു​ടെ ഉ​പ​ക​ര​ണ​ങ്ങ​ൾ തി​രി​കെ ന​ൽ​ക​ൽ, ലം​ഘ​ന​ങ്ങ​ൾ ക​ണ്ടെ​ത്തി​യാ​ൽ ഉ​ചി​ത​മാ​യ ന​ട​പ​ടി​യും ന​ഷ്‌​ട​പ​രി​ഹാ​ര​വും എ​ന്നി​വ​യും ഹ​ർ​ജി​യി​ൽ ആ​വ​ശ്യ​പ്പെ​ട്ടി​ട്ടു​ണ്ട്.