കോന്നി: കിടപ്പാടം കത്തിനശിച്ചതിനു പിന്നാലെ ഗൃഹനാഥന്‍ മരിച്ച സംഭവത്തില്‍ ദുരൂഹതയുണ്ടെന്ന് ബന്ധുക്കള്‍. കൂടല്‍ പോത്തുപാറ അമ്മൂമ്മപ്പാറ പൊന്നച്ചനാണ് (50) മരിച്ചത്. 28ന് ഉച്ചകഴിഞ്ഞ് മൂന്നിനാണ് വീട് കത്തിനശിച്ചത്. ഇതേസമയം മറ്റൊരു ആവശ്യവുമായി ബന്ധപ്പെട്ട് പൊന്നച്ചന്‍ കൂടല്‍ പോലീസ് സ്‌റ്റേഷനിലെത്തിയിരുന്നു. തിരികെ എത്തിയപ്പോഴാണ് വീട് കത്തിനശിച്ചതായി കാണുന്നത്. പിറ്റേന്ന് സ്റ്റേഷനിലെത്തി പരാതി എഴുതി നല്‍കിയെങ്കിലും പോലീസ് കേസെടുത്തിരുന്നില്ലെന്നാണ് ആരോപണം. ഒന്നിന് ബന്ധു തേവരുപറമ്പില്‍ സന്തോഷ് പോലീസ് സ്റ്റേഷനിലെത്തി മൊഴി നല്കിയതോടെയാണ് കേസെടുക്കുന്നത്. വീട് നശിച്ചതിന്‍റെ മനോവിഷമം മൂലം ഭക്ഷണം കഴിക്കാതെ അവശനായ പൊന്നച്ചനുമായി പോലീസ് സ്‌റ്റേഷനില്‍ എത്തിയപ്പോഴാണ് മൊഴിയെടുക്കാന്‍ പോലീസ് സമ്മതിച്ചതെന്ന് ബന്ധുക്കള്‍ പറഞ്ഞു. ശ്വാസം മുട്ടലുള്ളതിനാല്‍ മൊഴിയെടുക്കാനുമായില്ല. തുടര്‍ന്ന് ഇയാളെ കൂടല്‍ പ്രാഥമികാരോഗ്യ കേന്ദ്രത്തിലും അവിടെനിന്ന് കോന്നി താലൂക്ക് ആശുപത്രിയിലും പിന്നീട് കോട്ടയം മെഡിക്കല്‍ കോളജിലും കൊണ്ടുപോയെങ്കിലും ഒന്നിനു രാത്രി മരിച്ചു. ഇന്നലെ മൃതദേഹവുമായി എത്തിയ ബന്ധുക്കളും…
Read Moreകിടപ്പാടം കത്തിനശിച്ചതിനു പിന്നാലെ ഗൃഹനാഥന്‍റെ മരണം; ദുരൂഹതയുണ്ടെന്ന് ബന്ധുക്കള്‍
