ഉ​പ​ജീ​വ​നം വ​ഴി​മു​ട്ടി​യാ​ൽ പി​ന്നെ… ഓ​ട്ടോ​റി​ക്ഷ​യെ  സ്റ്റേ​ഷ​ന​റി​ക്ക​ട​യാ​ക്കി  ബ​ഷീ​റി​ന്‍റെ ചെ​റു​ത്തു​നി​ൽ​പ്; ‘സ​ഹാ​യി’ ഓ​ട്ടോ  അ​ത്ഭു​ത​വും അ​നു​ഗ്ര​ഹ​വു​മാ​ണെ​ന്ന് നാ​ട്ടു​കാ​രും…

ഡൊ​മ​നി​ക് ജോ​സ​ഫ്

മാ​ന്നാ​ർ: കോ​വി​ഡ് ത​ക​ർ​ത്തെ​റി​ഞ്ഞ അ​നേ​കാ​യി​രം ജീ​വി​ത​ങ്ങ​ൾ നി​ല​നി​ൽ​പ്പി​നാ​യി പു​ത്ത​ൻ മേ​ഖ​ല​ക​ൾ പ​രീ​ക്ഷി​ക്കു​ക​യാ​ണ്.വ്യാ​പാ​ര, ചെ​റു​കി​ട​ വ്യ​വ​സാ​യ മേ​ഖ​ല​യി​ലെ പ്ര​തി​സ​ന്ധി​ക​ൾ​ക്കൊ​പ്പം ബ​സ്, ടാ​ക്സി, ഓ​ട്ടോ മേ​ഖ​ല​ക​ളും പ്ര​ശ്ന​ത്തി​ൽ ആ​യി. ഇ​തി​ൽ ത​ന്നെ കോ​വി​ഡ് കാ​ല​ത്ത് ഏ​റെ ബു​ദ്ധി​മു​ട്ടി​യ​ത് സാ​ധാ​ര​ണ​ക്കാ​രാ​യ ഓ​ട്ടോ​റി​ക്ഷാ തൊ​ഴി​ലാ​ളി​ക​ളാ​ണ്.

അ​ന്ന​ന്ന​ത്തെ അ​ന്നം തേ​ടി ഓ​ട്ടോ​റി​ക്ഷ​യു​മാ​യി സ്റ്റാ​ൻ​ഡു​ക​ളി​ൽ എ​ത്തു​ന്ന​വ​ർ​ക്ക് കോവി​ഡ് കാ​ലം ശ​രി​ക്കും ദു​രി​ത​മാ​യി​രു​ന്നു. കോവിഡ് ഇല്ലാത്ത പ്പോൾ പോ​ലും ക​ഷ്ടി​ച്ച് കാ​ര്യ​ങ്ങ​ൾ ന​ട​ത്തി വ​ന്നി​രു​ന്ന ഇ​വ​ർ​ക്ക് കോ​വി​ഡ് കാ​ല​ത്ത് ഓ​ട്ടം കി​ട്ടാ​റേ​യി​ല്ല.

ജീ​വി​തം പ്ര​യാ​സപൂ​ർ​ണ​മാ​യ​പ്പോ​ഴാ​ണ് ബ​ഷീ​ർ പു​തി​യ ആ​ശയ​വു​മാ​യി രം​ഗ​ത്തെ​ത്തി​യ​ത്. ഓ​ട്ടോ ഓ​ടി​ച്ച് ല​ഭി​ച്ചി​രു​ന്ന തു​ച്ഛ​മാ​യ വ​രു​മാ​ന​ത്തി​ന്‍റെ ഒ​രു ഭാ​ഗം ജീ​വ​കാ​രു​ണ്യ പ്ര​വ​ർ​ത്ത​ന​ങ്ങ​ൾ​ക്ക് നീ​ക്കി വ​ച്ചി​രു​ന്നു ഇദ്ദേഹം.​

എ​ന്നാ​ൽ ക​ഴി​ഞ്ഞ കു​റേ നാ​ളുകളാ​യി ഓ​ട്ടോ​യി​ൽ നി​ന്ന് വ​രു​മാ​നം ഇ​ല്ലാ​താ​യ​തോ​ടെ ജീ​വി​തം വ​ഴി​മു​ട്ടി​യ ബ​ഷീ​ർ ഓ​ട്ടോ ഒ​രു സ്റ്റേഷ​ന​റി ക​ട​യാ​ക്കി മാ​റ്റു​ക​യാ​യി​രു​ന്നു.

ഈ ​സ​ഞ്ച​രി​ക്കു​ന്ന ഓ​ട്ടോ സ്റ്റേ​ഷ​ന​റി ക​ട​യി​ൽ ല​ഭി​ക്കാ​ത്ത​താ​യി ഒ​ന്നു​മി​ല്ല. അ​ലൂമി​നി​യം പാ​ത്ര​ങ്ങ​ൾ, പ്ലാ​സ്റ്റി​ക് ബ​ക്ക​റ്റു​ക​ൾ, സ്റ്റീ​ൽ പാ​ത്ര​ങ്ങ​ൾ, ക​ളിപ്പാ ട്ട​ങ്ങ​ൾ തു​ട​ങ്ങി ചെ​റു​തും വ​ലു​തു​മാ​യ നൂ​റോ​ളം വി​വി​ധ സാ​ധ​ന​ങ്ങ​ൾ ഈ ​സ​ഞ്ച​രി​ക്കു​ന്ന ക​ട​യി​ലു​ണ്ട്.​

കോ​റോ​ണ കാ​ര​ണം പു​റ​ത്തേ​ക്ക് ഇ​റ​ങ്ങാ​ത്ത​വ​ർ​ക്ക് അ​വ​രവരു​ടെ വീ​ട്ടു​പ​ടി​ക്ക​ലേ​ക്ക് സ്റ്റേ​ഷ​ന​റിക്ക​ട എ​ത്തു​ന്ന​ത് വ​ലി​യ അ​നു​ഗ്ര​ഹ​മാ​ണ്. ‘സ​ഹാ​യി’ എ​ന്ന് വി​ളി​ക്കു​ന്ന ബ​ഷീ​റി​ന്‍റെ ഓ​ട്ടോ​റി​ക്ഷ ഇന്ന് എല്ലാവർക്കും ഒരു അദ്ഭുതമാണ്.