പത്തനംതിട്ട: ഓടുന്ന വാഹനത്തിൽ ഒന്പത് വയസുകാരിയെ അപമാനിച്ചയാൾ അറസ്റ്റിൽ. ഏപ്രിൽ 17നാണ് സംഭവം. ശബരിമല ദർശനം കഴിഞ്ഞ് മടങ്ങിയ വാഹനത്തിലാണ് കുട്ടിയെ ഉപദ്രവിച്ചത്. സംഘത്തിൽ ഉണ്ടായിരുന്ന കുടുംബത്തിന്റെ അയൽവാസിയാണ് പ്രതി. പമ്പയിൽ നിന്ന് വാഹനം യാത്ര തുടങ്ങി കുറച്ച് കഴിഞ്ഞ് എല്ലാവരും ഉറക്കമായി. ഇതിനിടെ അടുത്തിരുന്ന കുഞ്ഞിനോട് ഇയാൾ മോശമായി പെരുമാറി. യാത്ര കഴിഞ്ഞ് വീട്ടിലെത്തിയ കുട്ടി അമ്മയോട് വിവരം പറഞ്ഞു. പരാതി പോലീസിന് കൈമാറി. തിരുവനന്തപുരം ജില്ലയിലുള്ള പ്രതിയെ അറസ്റ്റ് ചെയ്തു. പമ്പ സിഐയാണ് കേസ് അന്വേഷിക്കുന്നത്.
Read MoreCategory: Alappuzha
ആദിവാസി യുവാവിന്റെ ദുരൂഹ മരണം ; ബിജെപി ആഹ്വാനം റാന്നിയിൽ ഹർത്താൽ തുടങ്ങി
റാന്നി: ആദിവാസി യുവാവിന്റ ദുരൂഹ മരണത്തിൽ പ്രതിഷേധിച്ച് റാന്നി നിയോജക മണ്ഡലത്തിൽ ബിജെപി ആഹ്വാനം ചെയ്ത ഹർത്താൽ തുടങ്ങി. അടിച്ചപുഴ തേക്കുംമൂട്ടിൽ പരേതനായ ബാലന്റെ മകൻ ബാലു (19) ആണ് ഇന്നലെ രാവിലെ ഏഴരയോടെ ജണ്ടായിക്കൽ – അത്തിക്കയം റോഡിൽ നിറപ്പുപാറ ജംഗ്ക്ഷനു സമീപം ഓടയിൽ മരിച്ച നിലയിൽ കണ്ടെത്തിയത്. ശരീരത്തിൽ മുറിവുകളും ചതവുകളും ഉള്ളതിനാൽ മരണത്തിൽ സംശയമുള്ളതായി ബന്ധുക്കൾ പറയുന്നു. സ്വകാര്യ ബസിലെ ക്ലീനറായിരുന്നു ബാലു. മൃതദേഹം പോസ്റ്റ്മോർട്ടം നടത്തി ബന്ധുക്കൾക്ക് വിട്ടുകൊടുത്തു. സംസ്കാരം നടത്തി. സമീപത്തെ ക്ഷേത്രത്തിൽ ഉത്സവത്തിനിടെ അടിപിട നടന്നെന്നും ശേഷം രാത്രിയോടെ രണ്ടുപേരെ സംശയാസ്പഥമായ സാഹചര്യത്തിൽ കണ്ടിരുന്നതായും മരണപ്പെട്ട ബാലുവിന്റെ സഹോദരൻ ലാലു പറയുന്നു. പോസ്റ്റ്മോർട്ടം റിപ്പോർട്ടിന്റെ അടിസ്ഥാനത്തിൽ കൂടുതൽ അന്വേഷണം നടന്നാൽ മാത്രമെ മരണം സംബന്ധിച്ച കാര്യങ്ങൾ വ്യക്തമാവുകയുള്ളുവെന്ന് പോലീസ് പറഞ്ഞു.രാവിലെ ആറു മുതൽ വൈകുന്നേരം ആറു വരെയാണ് ഹർത്താൽ…
Read Moreതുറവൂരിൽ കടലേറ്റം രൂക്ഷം ; തിരമാലകളുയരുമെന്ന മുന്നറിയിപ്പിനെത്തുടർന്ന് തീരദേശ വാസികൾ ഭീതിയിൽ
തുറവൂർ: തീരദേശ മേഖലയിൽ കടലേറ്റം രൂക്ഷം. തിരമാലയായും അല്ലാതേയും കരയിലേയ്ക്ക് രൂക്ഷമായ രീതിയിൽ വെള്ളം തള്ളിക്കയറുകയാണ്. ഒറ്റമശേരി തൈക്കൽ ഭാഗങ്ങളിൽ കുറച്ചു വീടുകൾക്ക് ഇന്നലെയുണ്ടായ കടലാക്രമണത്തിൽ നാശനഷ്ടം സംഭവിച്ചിട്ടുണ്ട്. ശക്തമായ കടൽഭിത്തി ഇല്ലാത്ത പ്രദേശങ്ങളിൽ പല വീടുകളും കടലാക്രമണ ഭീഷണിയിലാണ്. തിരമാലകളുയരുമെന്ന മുന്നറിയിപ്പിനെത്തുടർന്ന് തീരദേശം ജാഗ്രതയിലും ഭീതിയിലുമാണ്. മത്സ്യതൊഴിലാളികൾ കടലിൽ പോയിട്ടില്ല. തീരക്കടലിൽ നങ്കൂരമിടുന്ന വള്ളങ്ങൾ പൂർണമായും കരയിലേയ്ക്ക് മറ്റിയിരിക്കുകയാണ്. ചെല്ലാനം ഹാർബറിൽ നിന്നും, ചാപ്പക്കടവ്, അന്ധകാരനഴി, വെട്ടയ്ക്കൽ, തൈക്കൽ ഭാഗങ്ങളിൽ നിന്ന് നൂറു കണക്കിന് ചെറുവള്ളങ്ങളും, മുറി വള്ളങ്ങളും പുലർച്ചേ കടലിൽ പോകുന്നതാണ്. എന്നാൽ തിരമാലകൾ ഉയരുമെന്നും, കടൽക്ഷോഭത്തിന്േറയും മുന്നറിയിപ്പ് ലഭിച്ചതോടെ ഇന്നലെ പുലർച്ചേ മുതൽ ഒരു വള്ളവും കടലിൽ പോയിട്ടില്ല. കൂടാതെ കടൽ തീരത്തു നിന്ന് വള്ളങ്ങൾ സുരക്ഷിത സ്ഥാനങ്ങളിലേയ്ക്ക് മാറ്റിയിരിക്കുകയാണ്. കഴിഞ്ഞയിടെ രാത്രിയിലുണ്ടായ തിരയിളക്കത്തിൽ വള്ളങ്ങൾ തകർന്നിരുന്നു. ഇതിന്റെ കൂടി വെളിച്ചത്തിലാണ് വള്ളങ്ങൾ…
Read Moreജിഎസ്ടിയിലെ അപാകത: വ്യാപാരമേഖലകൾ തിരിച്ചടി നേരിടുകയാണെന്ന് ടാക്സ് കണ്സൾട്ടന്റ് അസോസിയേഷൻ
ആലപ്പുഴ: ജിഎസ്ടിയിലെ അപാകതയും സാങ്കേതിക തകരാറുകളും മൂലം സംസ്ഥാനത്തെ നികുതി വ്യാപാര മേഖലകൾ തിരിച്ചടി നേരിടുകയാണെന്നും ടാക്സ് കണ്സൾട്ടന്റ് അസോസിയേഷൻ. ജിഎസ്ടി നടപ്പാക്കി ഒന്പത് മാസം പിന്നിടുന്പോഴും നിയമങ്ങളിലും ചട്ടങ്ങളിലും സുതാര്യത വരുത്താനോ വ്യക്തത വരുത്താനോ കഴിഞ്ഞിട്ടില്ല. പല മേഖലകളിലും നികുതി ഘടനയിൽ മാറ്റമുണ്ടായതോടെ വ്യാപാര- നികുതി മേഖലകളിൽ പിന്നോട്ടടിയുണ്ടായിട്ടുണ്ടെന്നും അസോസിയേഷൻ സംസ്ഥാന പ്രസിഡന്റ് എ.എൻ.പുരം ശിവകുമാർ പറഞ്ഞു. ടാക്സ് കണ്സൾട്ടന്റ് അസോസിയേഷൻ നേതൃത്വത്തിൽ അംഗങ്ങൾക്കായി 22, 23 തീയതികളിൽ വാഗമണ്ണിൽ ജിഎസ്ടിയുമായി ബന്ധപ്പെട്ട് പരിശീലന ക്ലാസ് സംഘടിപ്പിച്ചിട്ടുണ്ട്. കോലാഹലമേട് ഗ്രീൻ പാലസിൽ സംഘടിപ്പിച്ചിരിക്കുന്ന പരിപാടിയിൽ നികുതി മേഖലയുമായി ബന്ധപ്പെട്ട വിദഗ്ധർ ക്ലാസുകൾ നയിക്കും. പത്രസമ്മേളനത്തിൽ അസോസിയേഷൻ സംസ്ഥാന ജനറൽ സെക്രട്ടറി എം.ആർ. മണികണ്ഠൻ, കെ. രവീന്ദ്രൻ എന്നിവരും പങ്കെടുത്തു.
Read Moreദേശീയപാത: പുതിയ അലൈൻമെന്റ് ഹരിപ്പാട് പട്ടണത്തെ തകർക്കുമെന്ന് സംരക്ഷണസമിതി
ആലപ്പുഴ: എൻഎച്ച് 66 മായി ബന്ധപ്പെട്ട പുതിയ അലൈൻമെന്റ് ഹരിപ്പാട് പട്ടണത്തെ തകർക്കുമെന്ന് ഹരിപ്പാട് ടൗണ് സംരക്ഷണ സമിതി ഭാരവാഹികൾ പത്രസമ്മേളനത്തിൽ ആരോപിച്ചു. ഹരിപ്പാട് ആശുപത്രി ജംഗ്ഷൻ മുതൽ ആർ.കെ. ജംഗ്ഷൻ വരെയുള്ള ദേശീയ പാത വികസനത്തിന് 2013 ലെ അലൈയ്മെന്റ് പ്രകാരം സാറ്റലൈറ്റ് സർവേ നടത്തി കല്ലിട്ടിരുന്നതാണ്. എന്നാൽ പുതിയ കണ്സൾട്ടൻസി മുഖേന തയാറാക്കിയ അലൈയ്മെന്റ് പ്രകാരം 2013ലെ അലൈയ്മെന്റിലുൾപ്പെട്ടിരുന്ന സ്ഥാപനങ്ങൾ കൂടാതെ ഹരിപ്പാട് കഐസ്ആർടിസി ഡിപ്പോയിലെ പുതിയ കെട്ടിടമുൾപ്പെടെ 60-ൽപരം സ്ഥാപനങ്ങളും പത്തോളം വീടുകളും 15 ഓളം ബഹുനില കെട്ടിടങ്ങളും പൊളിച്ചുനീക്കേണ്ടതായി വരും. മാത്രമല്ല ആർ.കെ. ജംഗ്ഷന്റെ വടക്കുഭാഗത്ത് ഒരു ഭാഗത്തുനിന്നു മാത്രം സ്ഥലമെടുക്കുന്നതോടെ പുതിയ വളവ് ഉണ്ടാകുകയും ചെയ്യും. 2013 ലെ അലൈയ്മെന്റ് പ്രകാരം ആശുപത്രിയ്ക്ക് സമീപമുള്ള വളവ് പരിഹരിച്ച് നാമമാത്രമായ സ്ഥാപനങ്ങളെയും വീടുകളെയും ഏറ്റെടുത്ത് ദേശീയപാത വികസിപ്പിക്കാനായിരുന്നു ലക്ഷ്യമിട്ടിരുന്നത്. എന്നാൽ ചില…
Read Moreകരകളിൽ ഉത്സവമേളം; വെട്ടിയാറിൽ ചരിത്ര പ്രസിദ്ധമായ പത്താമുദയ കെട്ടുകാഴ്ചകൾ ഒരുങ്ങുന്നു
മാങ്കാംകുഴി : വെട്ടിയാർ പള്ളിയറക്കാവ് ദേവീക്ഷേത്രത്തിൽ മേടം പത്തിന് നടക്കുന്ന പത്താമുദയ മഹോത്സവത്തിന് നാടും കരകളും ഒരുങ്ങി. മധ്യതിരുവിതാംകൂറിലെ പുരാതനവും ചരിത്ര പ്രസിദ്ധവുമായ പള്ളിയറക്കാവ് ക്ഷേത്രത്തിലെ പത്താമുദയമഹോത്സവത്തോടെ ഈ വർഷത്തെ ഓണാട്ടുകരയിലെ കെട്ടുത്സവങ്ങൾക്ക് സമാപനമാകും. ക്ഷേത്രവുമായി ബന്ധപ്പെട്ട ഏഴ് എൻഎസ്എസ് കരകളുടെയും സംയുക്തസമിതികളുടെയും നേതൃത്വത്തിൽ കെട്ടുകുതിരകളുടെ നിർമാണം കരകളിൽ പുരോഗമിക്കുകയാണ്. ക്ഷേത്ര മൈതാനിയിലും, വെട്ടിയാർ ഗവണ്മെന്റ് എൽപി സ്കൂളിന് സമീപവുമായാണ് കെട്ടുകുതിരകളുടെ നിർമാണം ഇപ്പോൾ പുരോഗമിക്കുന്നത്. മേടം പത്തായ തിങ്കളാഴ്ചയാണ് പത്താമുദയ മഹോത്സവം. ഉച്ചകഴിഞ്ഞ് മൂന്നിന് കെട്ടുകാഴ്ചകളുടെ ക്ഷേത്രത്തിലേക്കുള്ള വരവ് ആരംഭിക്കും . വെട്ടിയാർ ഗവ. എൽപിസ്കൂൾ ജംഗ്ഷനിൽ നിന്ന് എൻഎസ്എസ് കരയോഗങ്ങളുടെ കെട്ടുകുതിരകളും വെട്ടിയാർ പടിഞ്ഞാറ് ശ്രീമുരുക ഹൈന്ദവ പൗരസമിതിയുടെ മയിൽ വാഹനരഥവും മാങ്കാംകുഴി യുവജന സമാജത്തിന്റെ കൈലാസോദ്ധാരണം കലാരൂപവും മറ്റ് വഴിപാട് കെട്ടുകാഴ്ചകളും ചേർന്ന് ഘോഷയാത്രയായി ക്ഷേത്രത്തിലേക്ക് എത്തിച്ചേരും. തുടർന്ന് കെട്ടുകാഴ്ചകൾക്ക് മുന്പിൽ എഴുന്നള്ളത്ത്…
Read Moreആശിക്കും ഭൂമി ആദിവാസിക്ക് പദ്ധതി; ഭരണകക്ഷിയുമായി ഇടഞ്ഞ് കളക്ടർ അവധിയിൽ; വിജിലൻസ് അന്വേഷണം ആവശ്യപ്പെട്ട് ഡിസിസി
പത്തനംതിട്ട: ആശിക്കും ഭൂമി ആദിവാസിക്ക് എന്ന പദ്ധതിയിൽ കൊല്ലമുള വില്ലേജിലെ വെച്ചൂച്ചിറ പരുവയിൽ സ്ഥലം വാങ്ങുന്നതു സംബന്ധിച്ച് സിപിഎം ജില്ലാ നേതൃത്വം നിലപാട് സ്വീകരിച്ചിരിക്കേ ജില്ലാ കളക്ടർ അവധിയിൽ പ്രവേശിച്ചതു വിവാദത്തിൽ. നേരത്തെ സിപിഐ ജില്ലാ നേതൃത്വവും കളക്ടറുമായി ഇടഞ്ഞിരുന്നു. എന്നാൽ ആയുർവേദ ചികിത്സയ്ക്കുവേണ്ടിയാണ് കളക്ടർ അവധിയിൽ പോയതെന്നാണ് ഔദ്യോഗിക വിശദീകരണം. മേയ് 18 വരെയാണ് കളക്ടർ അവധിയെടുത്തിരിക്കുന്നത്. എഡിഎമ്മിനാണ് ചുമതല. കളക്ടറെ മാറ്റണമെന്ന് സിപിഎം, സിപിഐ നേതൃത്വങ്ങൾ സർക്കാരിനോട് ആവശ്യപ്പെട്ടിരുന്നു. എന്നാൽ സിപിഎം ഉന്നയിച്ച ആരോപണങ്ങൾ മുഖവിലയ്ക്കെടുത്ത് കളക്ടറെ മാറ്റാനാകില്ലെന്ന നിലപാടാണ് റവന്യുവകുപ്പ് എടുത്തത്. പരുവ ഭൂമി ഇടപാടിലൂടെ കളക്ടർ സർക്കാരിനു സാന്പത്തികനഷ്ടം ഒഴിവാക്കി കൊടുക്കുകയാണുണ്ടായത്. ഇത്തരമൊരു സാഹചര്യത്തിൽ പാർട്ടി സമ്മർദം അനുസരിച്ച് നടപടി വേണ്ടെന്ന് റവന്യുമന്ത്രിയും നിലപാടെടുത്തു. കളക്ടറെ മാറ്റുന്നതിനു മുഖ്യമന്ത്രിയും സന്നദ്ധനായിരുന്നില്ലെന്നു പറയുന്നു. എന്നാൽ പാർട്ടി നേതൃത്വങ്ങളുടെ നിലപാട് ശക്തമായി തുടരുകയും കളക്ടറുമായി…
Read Moreകായംകുളത്തെ പെണ്ണുങ്ങളെ കണ്ട്ക്കാ; ബിവറേജിൽ ക്യൂവിൽ നിന്ന് മദ്യം വാങ്ങാൻ എത്തിയ ആളെ കണ്ട് പുരുഷന്മാർ ഞെട്ടി; യാതൊരു ഞെട്ടലുമില്ലാതെ ഒരു കുപ്പി വിസ്കിയും വാങ്ങി കൂളായി യുവതിയും
കായംകുളം: ബിവേറേജസ് കോർപ്പറേഷന്റെ ഒൗട്ട് ലെറ്റിൽ സാധാരണ ക്യൂവിൽ നിന്ന് പരസ്യമായി മദ്യം വാങ്ങാൻ എത്തുന്നത് പുരുഷന്മാരാണ്. എന്നാൽ കായംകുളത്ത് പരസ്യമായി പുരുഷന്മാരുടെ ഇടയിൽ നിന്ന് മദ്യം വാങ്ങാൻ ഒരു യുവതി എത്തിയത് പുരുഷന്മാരുടെ സംഘത്തെ ഞെട്ടിച്ചു. കായംകുളത്ത് ബിവറേജസ് ഒൗട്ട് ലെറ്റിലാണ് സംഭവം നടന്നത്. മദ്യം വാങ്ങാൻ പുരുഷൻമാർ ഇവിടെ ക്യൂ നിൽക്കുകയായിരുന്നു.ക്യൂവിലേക്ക് ചുരിദാറും ഹെൽമെറ്റും ഓവർ കോട്ടും ധരിച്ച് ടൗവൽ കൊണ്ട് മുഖത്തിന്റെ കുറച്ചു ഭാഗം മറച്ച് ഒരാൾ എത്തി. പുരുഷൻമാർ ഇത് ആദ്യം ശ്രദ്ധിച്ചില്ല. പിന്നീട് ഇവർ ധരിച്ചിരുന്ന വസ്ത്രം കണ്ടാണ് ക്യൂവിൽ നിൽക്കുന്നത് യുവതിയാണെന്നറിയുന്നത്. ഇതോടെ പുരുഷന്മാരുടെ ഭാഗത്തു നിന്നും ചില കമന്റുകൾ ഉയർന്നു. എന്നാൽ ഇതൊന്നും കാര്യമാക്കാതെ യുവതി ഒരു കുപ്പി വിസ്കിയും വാങ്ങി കൂളായി സ്കൂട്ടറിൽ കയറി സ്ഥലം വിട്ടു.
Read Moreഹരിപ്പാട് രാത്രിയിൽ ട്രെയിനിനു നേരേകല്ലേറ്: വിമുക്തഭടന്റെ പല്ലുകൾ നഷ്ടപ്പെട്ടു; വായിൽ ഇരുപതോളം തുന്നൽ; ഗുരുതര പരുക്കുകളോടെ കോട്ടയം മെഡിക്കൽ കോളിൽ പ്രവേശിപ്പിച്ചു
ഹരിപ്പാട്: ട്രെയിനിന് നേരേ നടത്തിയ കല്ലേറിൽ വിമുക്ത ഭടന്റെ പല്ലുകൾ നഷ്ടപ്പെട്ടു. പത്തിയൂർ അശ്വതിയിൽ ശിവൻകുട്ടി നായർ (54) ക്കാണ് പരിക്കേറ്റത്. വലിയ മെറ്റൽ കഷണം കൊണ്ടുള്ള ഏറിൽ ഇദ്ദേഹത്തിന്റെ പല്ലുകൾ അടർന്നുപോയി. വായ്ക്കുള്ളിൽ 20 ഓളം തുന്നലുകളുണ്ട്. എറണാകുളത്ത് സെക്യൂരിറ്റി ജോലി നോക്കുന്ന ഇദ്ദേഹം ഡ്യൂട്ടി കഴിഞ്ഞ് എറണാകുളം- കൊല്ലം മെമുവിൽ കായംകുളത്തേക്ക് വരുന്ന വഴി ഇന്നലെ രാത്രി 9.30 ഓടെ കരുവാറ്റയ്ക്കും ഹരിപ്പാടിനും ഇടയിൽ വച്ച് കല്ലേറിൽ പരിക്കേൽക്കുകയായിരുന്നു. ഗുരുതരമായി പരിക്കേറ്റ ഇദ്ദേഹത്തെ ആദ്യം ഹരിപ്പാട് ഗവ.ആശുപത്രിയിലും തുടർന്ന് വണ്ടാനം മെഡിക്കൽ കോളേജ് ആശുപത്രിയിലും പ്രവേശിപ്പിച്ചുവെങ്കിലും സ്ഥിതി ഗുരുതരമായതിനാൽ കോട്ടയത്തെ സ്വകാര്യ ആശുപത്രിയിലേക്ക് മാറ്റി. സംഭവം സംബന്ധിച്ച് ഹരിപ്പാട് പോലീസിൽ പരാതി നല്കി.
Read Moreകാനകൾ നിറഞ്ഞ് കക്കൂസ് മാലിന്യമടക്കമുള്ള മലിന ജലം റോഡിലേക്ക് പരന്നൊഴുകുന്നു; മൂക്കുപൊത്തി ജനം
ചേർത്തല: നഗരമധ്യത്തിലെ സുപ്രധാന കേന്ദ്രങ്ങളിൽ കക്കൂസ് മാലിന്യം ഉൾപ്പെടെ മാലിന്യം റോഡിലൂടെ ഒഴുകുന്നത് ജനജീവിതം ദുസഹമാക്കുന്നു. നഗരസഭയുടെ ഉടമസ്ഥതയിലുള്ള ഗാന്ധി ബസാർ ഷോപ്പിംഗ് കോംപ്ലക്സ് അങ്കണത്തിൽ കൂറ്റൻ കക്കൂസ് ടാങ്ക് പൊട്ടിയൊലിക്കാൻ തുടങ്ങിയിട്ട് നാളേറെയായി. അസഹ്യമായ ദുർഗന്ധത്തോടെ മലിനജലവും കക്കൂസ് മാലിന്യവും ഇവിടെ പരന്നൊഴുകുകയാണ്. ഇരുനില കെട്ടിടത്തിന്റെ വിശാലമായ അങ്കണ നടുവിലാണ് സെപ്റ്റിക് ടാങ്കിന്റെ സ്ഥാനം. നിരവധി വർഷങ്ങൾക്കു മുന്പ് പ്രവർത്തനം ആരംഭിച്ച വ്യാപാര സമുച്ചയമാണിത്. എന്നാൽ ഇതേവരെ സെപ്റ്റിക് ടാങ്ക് വൃത്തിയാക്കിയിട്ടില്ല. ഇതുമൂലമാണ് ടാങ്ക് പൊട്ടിയൊലിച്ച് മാലിന്യം ചുറ്റും പരന്നൊഴുകുന്നത്. ഭക്ഷ്യമന്ത്രിയുടെ ക്യാന്പ് ഓഫീസ്, എസ്ബിഐ ശാഖ, ചുമട്ടുതൊഴിലാളി ക്ഷേമബോർഡ് ഓഫീസ് തുടങ്ങിയവ ഉൾപ്പെടെ 40ൽപരം സ്ഥാപനങ്ങൾ ഇവിടെയുണ്ട്. നൂറുകണക്കിനാളുകളാണ് നിത്യേന ഇവിടെയെത്തുന്നത്. മുനിസിപ്പാലിറ്റിക്ക് വാടകയിനത്തിൽ പ്രതിവർഷം ലക്ഷങ്ങൾ ലഭിക്കുന്പോഴും ശുചിത്വ പരിപാലനം ഉൾപ്പെടെയുള്ള പ്രാഥമിക കടമകൾ പോലും അധികൃതർ നിർവഹിക്കുന്നില്ലെന്ന് വാടകക്കാരും പൊതുജനങ്ങളും ആരോപിക്കുന്നു.…
Read More