ആ​ശി​ക്കും ഭൂ​മി ആ​ദി​വാ​സി​ക്ക്  പ​ദ്ധ​തി​; ഭ​ര​ണ​ക​ക്ഷി​യു​മാ​യി ഇ​ട​ഞ്ഞ് ക​ള​ക്ട​ർ അ​വ​ധി​യി​ൽ; വി​ജി​ല​ൻ​സ് അ​ന്വേ​ഷ​ണം ആ​വ​ശ്യ​പ്പെ​ട്ട് ഡി​സി​സി

പ​ത്ത​നം​തി​ട്ട: ആ​ശി​ക്കും ഭൂ​മി ആ​ദി​വാ​സി​ക്ക് എ​ന്ന പ​ദ്ധ​തി​യി​ൽ കൊ​ല്ല​മു​ള വി​ല്ലേ​ജി​ലെ വെ​ച്ചൂ​ച്ചി​റ പ​രു​വ​യി​ൽ സ്ഥ​ലം വാ​ങ്ങു​ന്ന​തു സം​ബ​ന്ധി​ച്ച് സി​പി​എം ജി​ല്ലാ നേ​തൃ​ത്വം നി​ല​പാ​ട് സ്വീ​ക​രി​ച്ചി​രി​ക്കേ ജി​ല്ലാ ക​ള​ക്ട​ർ അ​വ​ധി​യി​ൽ പ്ര​വേ​ശി​ച്ച​തു വി​വാ​ദ​ത്തി​ൽ. നേ​ര​ത്തെ സി​പി​ഐ ജി​ല്ലാ നേ​തൃ​ത്വ​വും ക​ള​ക്ട​റു​മാ​യി ഇ​ട​ഞ്ഞി​രു​ന്നു. എ​ന്നാ​ൽ ആ​യു​ർ​വേ​ദ ചി​കി​ത്സ​യ്ക്കു​വേ​ണ്ടി​യാ​ണ് ക​ള​ക്ട​ർ അ​വ​ധി​യി​ൽ പോ​യ​തെ​ന്നാ​ണ് ഔ​ദ്യോ​ഗി​ക വി​ശ​ദീ​ക​ര​ണം.

മേ​യ് 18 വ​രെ​യാ​ണ് ക​ള​ക്ട​ർ അ​വ​ധി​യെ​ടു​ത്തി​രി​ക്കു​ന്ന​ത്. എ​ഡി​എ​മ്മി​നാ​ണ് ചു​മ​ത​ല. ക​ള​ക്ട​റെ മാ​റ്റ​ണ​മെ​ന്ന് സി​പി​എം, സി​പി​ഐ നേ​തൃ​ത്വ​ങ്ങ​ൾ സ​ർ​ക്കാ​രി​നോ​ട് ആ​വ​ശ്യ​പ്പെ​ട്ടി​രു​ന്നു. എ​ന്നാ​ൽ സി​പി​എം ഉ​ന്ന​യി​ച്ച ആ​രോ​പ​ണ​ങ്ങ​ൾ മു​ഖ​വി​ല​യ്ക്കെ​ടു​ത്ത് ക​ള​ക്ട​റെ മാ​റ്റാ​നാ​കി​ല്ലെ​ന്ന നി​ല​പാ​ടാ​ണ് റ​വ​ന്യു​വ​കു​പ്പ് എ​ടു​ത്ത​ത്. പ​രു​വ ഭൂ​മി ഇ​ട​പാ​ടി​ലൂ​ടെ ക​ള​ക്ട​ർ സ​ർ​ക്കാ​രി​നു സാ​ന്പ​ത്തി​ക​ന​ഷ്ടം ഒ​ഴി​വാ​ക്കി കൊ​ടു​ക്കു​ക​യാ​ണു​ണ്ടാ​യ​ത്.

ഇ​ത്ത​ര​മൊ​രു സാ​ഹ​ച​ര്യ​ത്തി​ൽ പാ​ർ​ട്ടി സ​മ്മ​ർ​ദം അ​നു​സ​രി​ച്ച് ന​ട​പ​ടി വേ​ണ്ടെ​ന്ന് റ​വ​ന്യു​മ​ന്ത്രി​യും നി​ല​പാ​ടെ​ടു​ത്തു. ക​ള​ക്ട​റെ മാ​റ്റു​ന്ന​തി​നു മു​ഖ്യ​മ​ന്ത്രി​യും സ​ന്ന​ദ്ധ​നാ​യി​രു​ന്നി​ല്ലെ​ന്നു പ​റ​യു​ന്നു. എ​ന്നാ​ൽ പാ​ർ​ട്ടി നേ​തൃ​ത്വ​ങ്ങ​ളു​ടെ നി​ല​പാ​ട് ശ​ക്ത​മാ​യി തു​ട​രു​ക​യും ക​ള​ക്ട​റു​മാ​യി ഭ​ര​ണ​ക​ക്ഷി എം​എ​ൽ​എ​മാ​രി​ൽ ചി​ല​രും അ​ഭി​പ്രാ​യ​വ്യ​ത്യാ​സ​ത്തി​ലാ​ണ്.

ആ​ശി​ക്കും ഭൂ​മി വി​വാ​ദ​ത്തി​ൽ പ​ത്ത​നം​തി​ട്ട ജി​ല്ലാ ക​ള​ക്ട​റെ സി​പി​എം ജി​ല്ലാ നേ​തൃ​ത്വം പ​ര​സ്യ​മാ​യി ആ​ക്ഷേ​പി​ച്ച​തി​നെ തു​ട​ർ​ന്ന് ജി​ല്ലാ ക​ള​ക്ട​ർ അ​വ​ധി​യി​ൽ പ്ര​വേ​ശി​ച്ച​തി​നു പി​ന്നി​ലു​ള്ള നി​ഗൂ​ഢ​ത വി​ജി​ല​ൻ​സ് അ​ന്വേ​ഷ​ണ​ത്തി​നു വി​ധേ​യ​മാ​ക്ക​ണ​മെ​ന്നാ​വ​ശ്യ​വു​മാ​യി ഡി​സി​സി നേ​തൃ​ത്വം രം​ഗ​ത്തെ​ത്തി.

കൊ​ല്ല​മു​ള​യി​ലെ ഭൂ​മി വാ​ങ്ങ​ൽ, ടൂ​റി​സം പ​ദ്ധ​തി​ക്ക​ൾ​ക്ക് സ്ഥ​ലം വി​ട്ടു​ന​ൽ​ക​ൽ തു​ട​ങ്ങി​യ​വ​യു​മാ​യി ബ​ന്ധ​പ്പെ​ട്ട് ക​ള​ക്ട​റെ ചൊ​ൽ​പ്പ​ടി​ക്കു നി​ർ​ത്തി സാ​ന്പ​ത്തി​ക ലാ​ഭം ല​ക്ഷ്യ​മി​ടു​ന്ന സി​പി​എം ജി​ല്ലാ നേ​തൃ​ത്വം അ​ഴി​മ​തി ന​ട​ത്താ​ൻ ജി​ല്ലാ ക​ള​ക്ട​റെ പ്രേ​രി​പ്പി​ക്കു​ക​യാ​യി​രു​ന്നെ​ന്നും ഡി​സി​സി കു​റ്റ​പ്പെ​ടു​ത്തി.

സി​പി​എ​മ്മി​ന്‍റെ ചൊ​ൽ​പ്പ​ടി​ക്ക് നി​ന്ന ജി​ല്ലാ ക​ള​ക്ട​ർ പൊ​ടു​ന്ന​നെ ല​അ​ന​ഭി​മ​ത ആ​യ​ത് സാ​ന്പ​ത്തി​ക വ​ശ​ങ്ങ​ളി​ലെ സി​പി​എ​മ്മി​ന്‍റെ അ​തി​മോ​ഹ​ങ്ങ​ൾ​ക്ക് കു​ട​പി​ടി​ക്കാ​ൻ നി​ന്നു കൊ​ടു​ക്കാ​തി​രു​ന്ന​ത് മൂ​ല​മാ​ണ​ന്നു സം​ശ​യി​ക്കേ​ണ്ടി​യി​രി​ക്കു​ന്നു​വെ​ന്ന് ഡി​സി​സി പ്ര​സി​ഡ​ന്‍റ് ബാ​ബു ജോ​ർ​ജ് പ​റ​ഞ്ഞു.

സി​പി​എം ജി​ല്ലാ നേ​തൃ​ത്വ​ത്തി​ന്‍റെ സ​മ്മ​ർ​ദ്ദ​ത്തെ തു​ട​ർ​ന്ന് ഭൂ​മി വാ​ങ്ങാ​ൻ ക​ള​ക്ട​ർ സ​മ്മ​തി​ച്ചെ​ങ്കി​ലും ഒ​രു കോ​ടി രൂ​പ​യു​ടെ ക്ര​മ​ക്കേ​ട് ഉ​ണ്ടെ​ന്നാ​ണ് ഉ​ന്ന​ത​ങ്ങ​ളി​ലെ വി​ല​യി​രു​ത്ത​ൽ. അ​ഴി​മ​തി​ക്ക് കൂ​ട്ടു​നി​ൽ​ക്കാ​ൻ മ​ടി​ക്കു​ന്ന ക​ള​ക്ട​റെ നാ​ടു​ക​ട​ത്താ​നു​ള്ള ഭ​ര​ണ​ക​ക്ഷി നേ​താ​ക്ക​ളു​ടെ സ​മ്മ​ർ​ദ്ദ​മാ​ണ് അ​വ​ധി​ക്കു കാ​ര​ണ​മാ​യ​തെ​ന്നും ഡി​സി​സി പ്ര​സി​ഡ​ന്‍റ് പ​റ​ഞ്ഞു