പന്തളം: വാടകയ്ക്കെടുത്ത കാർ സുഹൃത്തിൽ നിന്നും വാങ്ങി മറ്റൊരാളിന് പണയപ്പെടുത്തി പണം തട്ടിയെന്ന പരാതിയിൽ യുവാവിനെ പന്തളം പോലീസ് അറസ്റ്റ് ചെയ്തു. കൊല്ലം ഇരവിപുരം വാളത്തിങ്കൽ തട്ടാമല മങ്കുഴിതെക്കേതിൽ അഫ്സലാണ്(24) അറസ്റ്റിലായത്. അടൂർ കോടതിയിൽ ഹാജരാക്കി പ്രതിയെ റിമാൻഡ് ചെയ്തു. കേസിലെ ഒന്നാം പ്രതിയും പന്തളം മുടിയൂർക്കോണം സ്വദേശിയുമായ ശ്രീജിത്ത് ഒളിവിലാണ്. എറണാകുളത്ത് ആശുപത്രിയിലേക്ക് പോകാനെന്നു പറഞ്ഞ്, പന്തളം കടയ്ക്കാട് സുമയ്യ മൻസിലിൽ അഷ്റഫ് റാവുത്തറുടെ കാർ ശ്രീജിത്ത് വാടകയ്ക്കെടുക്കുകയായിരുന്നു. ഇയാളുടെ സുഹൃത്തായ അഫ്സലിന് പിന്നീട് കാർ കൈമാറി. അഫ്സൽ കൊല്ലം സ്വദേശിക്ക് കാർ പണയപ്പെടുത്തി 1,20,000 രൂപ വാങ്ങി മുങ്ങുകയായിരുന്നു. കാറിന്റെ ഉടമ പന്തളം പോലീസിൽ നല്കിയ പരാതിയിൽ നടത്തിയ അന്വേഷണത്തിലാണ് അഫ്സലിനെ പിടികൂടിയത്. ഇതിനിടെ ശ്രീജിത്ത് രക്ഷപെട്ടു. സിഐ ഇ.ഡി. ബിജു, എസ്ഐ സജീഷ്കുമാർ, ജൂണിയർ എസ്ഐ സുജിത്ത്, സിവിൽ പോലീസ് ഓഫീസർമാരായ രാജേഷ്,…
Read MoreCategory: Alappuzha
പകയും വിദ്വേഷവും തീര്ക്കാന് തല്ല് കൂടാനും പരസ്പരം വെട്ടാനുമുള്ള സ്ഥലം; ഉത്സവ പറമ്പുകളില് നിന്ന് കുടുംബങ്ങള് അകലന്നു: നെടുമുടി വേണു
കരുനാഗപ്പള്ളി : സ്ത്രീകളും കുട്ടികളും ഉൾപ്പടെ കൂട്ടത്തോടെ എത്തിയിരുന്ന ഉത്സവ പറമ്പുകളിൽ നിന്ന് കുടുംബങ്ങൾ ഇന്ന് അകലുകയാണെന്ന് ചലച്ചിത്ര നടൻ നെടുമുടി വേണു പറഞ്ഞു. കരുനാഗപ്പള്ളി വ്യാസാ കഥകളി ക്ലബ് സംഘടിപ്പിച്ച സമ്മേളനം ഉദ്ഘാടനം ചെയ്തു പ്രസംഗിക്കുകയായിരുന്നു അദ്ദേഹം. വ്യക്തിപരമായ പകയും വിദ്വേഷവും തീർക്കാൻ തല്ല് കൂടാനും പരസ്പരം വെട്ടാനും ഉത്സവ പറമ്പുകളെ ഉപയോഗപ്പെടുത്തിയതോടെ രാത്രി ഒൻപതിന് ശേഷം കുടുംബങ്ങൾക്ക് ഉത്സവ പറമ്പുകളെ ഉപേക്ഷിക്കേണ്ടി വരികയാണ്. പുതിയ തലമുറയിൽപ്പെട്ടവർ കഥകളിയെ അറിയാൻ കടന്നു വരുന്നത് നല്ല ലക്ഷണമാണെന്നും അദ്ദേഹം പറഞ്ഞു. കന്നേറ്റി ധന്വന്തരി ക്ഷേത്രാങ്കണത്തിൽ നടന്ന പരിപാടിയിൽ വ്യാസാ കഥകളി ക്ലബ് പ്രസിഡന്റ് ഡോ.ടി ആർ ശങ്കരപ്പിള്ള അധ്യക്ഷനായി. വി രാജശേഖരനുണ്ണിത്താൻ മുഖ്യപ്രഭാഷണം നടത്തി. മുതിർന്ന കഥകളി കലാകാരൻമാരെയും ആദ്യകാല പ്രവർത്തകരെയും ആർ രാമചന്ദ്രൻ എം എൽ എ ആദരിച്ചു. എസ് ശ്രീനിവാസൻ, ഡോ. പി വേണുഗോപാൽ,…
Read Moreകായംകുളം ചേരാവള്ളിയിൽ ക്ഷേത്രത്തിൽ കവർച്ച; കാണിക്കവഞ്ചി ഇളക്കിയെടുത്തുകൊണ്ടുപോയി; ആറുമാസത്തെ പണം കാണിക്കയിലുണ്ടായിരുന്നതായി ക്ഷേത്രം സെക്രട്ടറി
കായംകുളം: ചേരാവള്ളിയിൽ ക്ഷേത്രത്തിന്റെ കാണിക്ക വഞ്ചി കുത്തിത്തുറന്ന് പണം അപഹരിച്ചു. ചേരാവള്ളി മുട്ടേത്ത് ശ്രീകൃഷ്ണ സ്വാമി ക്ഷേത്രത്തിന്റെ കാണിക്ക വഞ്ചിയാണ് ഇന്ന് പുലർച്ചെ മോഷണ സംഘം കുത്തിത്തുറന്ന് പണം അപഹരിച്ചത്. കന്പികൊണ്ട് നിർമിച്ച വഞ്ചിയുടെ ഗ്രില്ലിന്റെ പൂട്ട് കുത്തിത്തുറന്ന ശേഷം കന്പി പ്പാര ഉപയോഗിച്ച് വഞ്ചി ഇളക്കിയെടുത്തായിരുന്നു മോഷണം. പണം എടുത്ത ശേഷം വഞ്ചിപ്പെട്ടി സമീപത്തെ തോട്ടിൽ ഉപേക്ഷിച്ച നിലയിൽ പോലീസ് കണ്ടെത്തി. വഞ്ചിയിലെ പണം എടുത്തിട്ട് ആറുമാസമായെന്നും ഏകദേശം പതിനായിരം രൂപയോളം മോഷണം പോയെന്നും ക്ഷേത്ര സെക്രട്ടറി സിജു രാഷ്ട്രദീപികയോട് പറഞ്ഞു. ക്ഷേത്ര ഓഫീസും ഉൗട്ടുപുരയും കുത്തിത്തുറക്കാൻ മോഷ്ടാക്കൾ ശ്രമിച്ചിട്ടുണ്ട്. ഉച്ചക്ക് ശേഷം വിരലടയാള വിദഗ്ധരും ഡോഗ് സ്ക്വോഡും സ്ഥലത്തെത്തി തെളിവെടുപ്പ് നടത്തും. സമീപത്തെ സിസിടിവി ദൃശ്യങ്ങളും പോലീസ് പരിശോധിച്ച് വരികയാണ്. രാവിലെ കായംകുളം പോലീസ് സ്ഥലത്തെത്തി പ്രാഥമിക അന്വേഷണം നടത്തി. രാത്രി കാലങ്ങളിൽ പ്രദേശത്ത്…
Read Moreകെഎസ്ആർടിസി ബസിനുനേരേ കല്ലേറ്: ഡ്രൈവർക്കും യാത്രക്കാരനും പരിക്ക്; പുലർച്ചെ രണ്ടിന് അമ്പലപ്പുഴ വളഞ്ഞവഴി ഭാഗത്തു വച്ചായിരുന്നു ആക്രമണം
അമ്പലപ്പുഴ: കെഎസ്ആർടിസി ബസിനുനേരെയുണ്ടായ കല്ലേറിൽ് ഡ്രൈവർക്കും യാത്രക്കാരനും പരിക്ക്. കഐസ്ആർടിസി ഡ്രൈവർ കോഴിക്കോട് സ്വദേശി പ്രജി ചന്ദ്രൻ (33), യാത്രക്കാരനായ തിരുവനന്തപുരം തിരുമല, രാജ് നിവാസിൽ രാജുവിന്റെ മകൻ ലിജിത് (30) എന്നിവർക്കാണ് പരിക്കേറ്റത്. ഇന്നു പുലർച്ചെ രണ്ടോടെ ദേശീയപാതയിൽ അന്പലപ്പുഴ വളഞ്ഞവഴിഭാഗത്തായിരുന്നു സംഭവം. തൃശൂരിൽ നിന്നും തിരുവനന്തപുരത്തേക്കു പോകുകയായിരുന്ന ബസിന് ആരോ കല്ലെറിയുകയായിരുന്നു. ഗ്ലാസ് പൊട്ടി ചില്ലുകൊണ്ട് ഡ്രൈവർക്കും, കല്ല് മൂക്കിൽ കൊണ്ട് യാത്രക്കാരനും പരിക്കേൽക്കുകയായിരുന്നു. അന്പലപ്പുഴ പോലീസെത്തി ഇവരെ ആലപ്പുഴ മെഡിക്കൽ കോളേജാശുപത്രിയിൽ പ്രവേശിപ്പിച്ചു. അമ്പലപ്പുഴ പോലീസ് കേസെടുത്തു.
Read Moreനടൻ ഫഹദ് ഫാസിലിന് മുൻകൂർ ജാമ്യം; നികുതി വെട്ടിച്ച് ആഡംബര വാഹനം വ്യാജ വിലാസത്തിൽ പോണ്ടിച്ചേരിയിൽ രജിസ്റ്റർ ചെയ്ത കേസിലാണ് ജാമ്യം
ആലപ്പുഴ: പോണ്ടിച്ചേരിയിൽ വ്യാജ വിലാസത്തിൽ ആഡംബര വാഹനം രജിസ്റ്റർ ചെയ്ത് സർക്കാരിന് വരുമാന നഷ്ടമുണ്ടാക്കിയെന്ന കേസിൽ നടൻ ഫഹദ് ഫാസിലിന് കോടതി മുൻകൂർ ജാമ്യം അനുവദിച്ചു. ആലപ്പുഴ ജില്ലാ സെഷൻസ് കോടതിയാണ് നടന് മുൻകൂർ ജാമ്യം നൽകിയത്. കേസിൽ ഫഹദ് ഫാസിൽ ക്രൈംബ്രാഞ്ചിന്റെ നിർദ്ദേശപ്രകാരം 19 ലക്ഷം രൂപ നികുതി അടച്ചിരുന്നു. വ്യാജ വിലാസത്തിൽ പോണ്ടിച്ചേരിയിൽ രജിസ്റ്റർ ചെയ്ത കാർ കേരളത്തിൽ ഓടിക്കുന്നുവെന്ന് കണ്ടെത്തിയതോടെയാണ് കേസെടുക്കാൻ ക്രൈംബ്രാഞ്ച് തീരുമാനിച്ചത്. ഇതോടെയാണ് മുൻകൂർ ജാമ്യാം തേടി ഫഹദ് കോടതിയെ സമീപിച്ചത്. അതിനിടെ പുതുച്ചേരിയിൽ വാഹന രജിസ്ട്രേഷനുമായി ബന്ധപ്പെട്ട് ഇന്ന് ഫഹദിനെതിരേ പുതിയ കേസ് രജിസ്റ്റർ ചെയ്തിട്ടുണ്ട്. വ്യാജരേഖ ചമച്ച് ഫഹദ് രണ്ടാമതും വാഹനം വാങ്ങിയതിനാണ് കേസെടുത്തിരിക്കുന്നത്. മോട്ടോർ വാഹന വകുപ്പാണ് കേസ് രജിസ്റ്റർ ചെയ്തിരിക്കുന്നത്.
Read Moreഒന്ന് ഒന്നര പണിയായിപ്പോയി..! ഇന്റർലോക്ക് പാകി ടി ബി റോഡ് നവീകരിച്ചു; പക്ഷേ റോഡിനു മധ്യത്തിലെ ഡിവൈഡർ മറികടക്കണമെങ്കിൽ ഡ്രൈവർമാർ സാഹസികരാവണം
കായംകുളം : ഇന്റർലോക്ക് പാകി കായംകുളം ടി ബി റോഡ് നവീകരിച്ചെങ്കിലും റോഡിനു മധ്യത്തിലെ ഡിവൈഡർ വളഞ്ഞു പോകണമെകിൽ ഡ്രൈവർമാർക്ക് ഇപ്പോൾ സാഹസികത വേണം. പൊതുമരാമത്ത് ലക്ഷങ്ങൾ വിനിയോഗിച്ച് കഴിഞ്ഞ മാസമാണ് റോഡ് നവീകരിച്ചത്. എന്നാൽ മുനിസിപ്പൽ ജംഗ്ഷനിലെ റോഡിലെ വളവിൽ മതിയായ വീതിയില്ലാത്ത ഭാഗത്ത് റോഡിനു മധ്യത്തിലായി സ്ഥാപിച്ച പുതിയ ഡിവൈഡറാണ് ഇപ്പോൾ വാഹനയാത്രക്കാർക്ക് ദുരിതമായി തീർന്നത് .കൂടുതലും ബസുൾപ്പടെയുള്ള വലിയ വാഹനങ്ങൾക്കാണ് ഡിവൈഡർ വഴിമുടക്കിയായി മാറുന്നത് .നഗര സൗന്ദര്യവൽക്കരണത്തിന്റെ ഭാഗമായാണ് ടി ബി റോഡ് നവീകരിച്ചത് .ഇതിൻറ്റെ ഭാഗമായാണ് മുനിസിപ്പൽ ജംഗ്ഷനിൽ പുതിയ ഡിവൈഡർ സ്ഥാപിച്ചത്. ടെസ്മോ ജംഗ്ഷൻ-പാർക്ക് ജംഗ്ഷൻ റോഡിൽ നിന്നും ടി.ബി റോഡിലേക്ക് പ്രവേശിക്കുവാൻ വലിയ വാഹനങ്ങൾ വളവ് തിരിയാൻ ശ്രമിക്കുന്പോൾ ഡിവൈഡറിൽ തട്ടി വാഹനങ്ങൾക്ക് കേടുപാടുകൾ സംഭവവിക്കുന്നതും അപകടവും ഇപ്പോൾ പതിവായി .രാത്രികാലങ്ങളിലാണ് അപകടങ്ങൾ ഏറെയും നടക്കുന്നത്. ഡിവൈഡർ ഉണ്ടെന്ന്…
Read Moreഓട്ടോയിൽ ഇടിക്കാതിരിക്കാൻ വെട്ടിക്കുന്നതിനിടെ നിയന്ത്രണം വിട്ട് സ്വകാര്യ ബസ് കനാലിലേക്കു മറിഞ്ഞു; വൻദുരന്തം ഒഴിവായി; നിസാര പരുക്കുകളോടെ കണ്ടക്ടറും ഡ്രൈവറും രക്ഷപ്പെട്ടു
ആലപ്പുഴ: ഓട്ടോറിക്ഷയിൽ ഇടിക്കാതിരിക്കാൻ വെട്ടിക്കുന്നതിനിടെ നിയന്ത്രണം വിട്ട സ്വകാര്യ ബസ് കനാലിലേക്കു മറിഞ്ഞു. സംഭവത്തിൽ ബസ് ഡ്രൈവർ അൻഷാദ് (27), കണ്ടക്ടർ രതീഷ്(25) എന്നിവർ നിസാര പരിക്കുകളോടെ രക്ഷപ്പെട്ടു. ആലപ്പുഴ- കട്ടക്കുഴി റൂട്ടിൽ സർവീസ് നടത്തുന്ന അനശ്വര എന്ന ബസാണ് അപകടത്തിൽ പെട്ടത്. ഇന്നലെ വൈകുന്നേരം 3.45നായിരുന്നു സംഭവം. ഉച്ചകഴിഞ്ഞ് മൂന്നോടെ ആലപ്പുഴ വഴിച്ചേരിയിലെ സ്റ്റാൻഡിൽ എത്തിയ ബസ് തിരിച്ച് കട്ടക്കുഴിയിലേക്ക് പോകാനായി സ്റ്റാൻഡിൽ നിന്നും റോഡിലേക്ക് ഇറക്കവേ, വലതുഭാഗത്തു നിന്നു വന്ന ഓട്ടോറിക്ഷയിൽ ഇടിക്കാതിരിക്കാൻ വെട്ടിക്കുന്നതിനിടെ ബ്രേക്ക് നഷ്ടപ്പെട്ട് നിയന്ത്രണം വിട്ട് കനാലിലേക്കു മറിയുകയായിരുന്നു. ബസിന്റെ മുൻഭാഗം പൂർണമായും വെള്ളത്തിൽ മുങ്ങിയ നിലയിലാണ്. താരതമ്യേന ഗതാഗത തിരക്കേറിയ റോഡിലേക്കിറങ്ങുന്നതിനിടെയായിരുന്നു അപകടം. ഈ സമയം വാഹനങ്ങൾ കുറവായിരുന്നതിനാൽ വൻദുരന്തം ഒഴിവായി. സംഭവ സമയം ബസിൽ ഡ്രൈവറും കണ്ടക്ടറും മാത്രമേ ഉണ്ടായിരുന്നുള്ളൂ എന്നതും അപകടത്തിന്റെ വ്യാപ്തി കുറച്ചു.
Read Moreപുതുച്ചേരി വാഹന രജിസ്ട്രേഷൻ: ഫഹദ് ഫാസിലിന്റെ മുൻകൂർ ജാമ്യാപേക്ഷ വിധി ഇന്ന്; ആലപ്പുഴ ജില്ലാ സെഷൻസ് കോടതിയാണ് വിധി പറയുക
ആലപ്പുഴ: പുതുച്ചേരിയിൽ കാർ രജിസ്റ്റർ ചെയ്ത് നികുതി തട്ടിപ്പ് നടത്തിയെന്ന ക്രൈംബ്രാഞ്ച് കേസിൽ മുൻകൂർ ജാമ്യം തേടി ചലച്ചിത്ര താരം ഫഹദ് ഫാസിൽ സമർപ്പിച്ച അപേക്ഷയിൽ ഇന്ന് കോടതി വിധി പറയും. ആലപ്പുഴ ജില്ലാ സെഷൻസ് കോടതിയാണ് വിധി പറയുക. ഹർജിയിൽ ഇന്നലെ വാദം പൂർത്തിയായിരുന്നു.ഫഹദിന് മുൻകൂർ ജാമ്യം നൽ കുന്നതിനെ പ്രോസിക്യൂഷൻ എതിർത്തിരുന്നു. പുതുച്ചേരിയിലെ വ്യാജ വിലാസത്തിൽ വ്യാജ രേഖകളുടെ അടിസ്ഥാനത്തിൽ കാർ രജിസ്റ്റർ ചെയ്തു നികുതി വെട്ടിപ്പ് നടത്തിയതിനാണ് ഫഹദിനെതിരേ ക്രൈംബ്രാഞ്ച് ജാമ്യം ലഭിക്കാത്ത വകുപ്പ് പ്രകാരം കേസെടുത്തിരിക്കുന്നത്.കഴിഞ്ഞ 19 ന് ഹാജരാകണമെന്ന് ക്രൈംബ്രാഞ്ച് നടനോട് ആവശ്യപ്പെട്ടെങ്കിലും നടൻ മൂന്നാഴ്ചത്തെ സമയം ആവശ്യപ്പെട്ടിരിന്നു. രജിസ്ട്രേഷൻ വിവാദമായതോടെ ഫഹദ് ആലപ്പുഴ ആർ.ടി.ഓഫീസിൽ നികുതി അടച്ചിരുന്നു
Read Moreവെട്ടിനിരത്തൽ കായംകുളത്തും..! ജൈവ കൃഷി പ്രോത്സാഹിപ്പിക്കാൻ ആശുപത്രി വളപ്പിൽ വാഴകൃഷി; വിളകളുടെ കാര്യത്തിൽ സൂപ്രണ്ടും ജീവനക്കാരും തമ്മിൽ കടുത്തുപോര് ; ഒടുവിൽ ജീവനക്കാർ വാഴ വെട്ടിനിരത്തി
കായംകുളം: ആശുപത്രി വളപ്പിൽ ജൈവ കൃഷി പ്രോത്സാഹിപ്പിക്കാൻ തുടങ്ങിയ കൃഷി ഒടുവിൽ ആശുപത്രി ജീവനക്കാർ തന്നെ വെട്ടി നിരത്തി. കായംകുളം താലൂക്ക് ആശുപത്രി വളപ്പിലെ വാഴകൃഷിയാണ് മൂടോടെ വെട്ടിനശിപ്പിച്ചത്. സൂപ്രണ്ടും ജീവനക്കാരും തമ്മിലുള്ള ശീതസമരമാണ് വെട്ടിനിരത്തലിന് പിന്നിലെന്നാണ് ആരോപണം. കുലച്ച വാഴകളടക്കമുള്ളവയാണ് പരിസര ശുചീകരണത്തിന്റ മറവിൽ വെട്ടിനശിപ്പിക്കപ്പെട്ടത്. ആശുപത്രിയിലെ ശസ്ത്രക്രിയ വാർഡിനോട് ചേർന്നാണ് വാഴയും ചേന്പുമുൾപ്പടെ കൃഷി ചെയ്തിരുന്നത്. ആശുപത്രി പരിസരം വൃത്തിയായി കിടക്കുന്നതിനും ജൈവ കൃഷിയെ പ്രോത്സാഹിപ്പിക്കുന്നതിനും വേണ്ടി വർഷങ്ങൾക്ക് മുന്പാണ് ഇവിടെ കൃഷി ആരംഭിച്ചത്. താൽക്കാലിക ജീവനക്കാർക്കായിരുന്നു കൃഷിയുടെ മേൽനോട്ട ചുമതല. കൃഷി പരിപാലനവും വിളവും ഇവരായിരുന്നു നടത്തിയിരുന്നത്. എന്നാൽ പുതിയ സൂപ്രണ്ട് വിളകൾ ലേലം ചെയ്തു. ഇത് ജീവനക്കാരിൽ അസംതൃപ്തിക്ക് കാരണമായതായി പറയുന്നു. ഇതേ തുടർന്നാണ് വാഴകൾ ഉൾപ്പടെയുള്ള കൃഷികൾ വെട്ടിനിരത്തിയത്. അതേസമയം ആശുപത്രി പരിസരത്ത് കൊതുക് പെരുകിയെന്നും അതിനാൽ പരിസരമാകെ വൃത്തിയാക്കണമെന്ന്…
Read Moreആരെയെങ്കിലും പോലീസ് ഭയക്കുന്നുണ്ടേ? ഏഴുവയസുകാരനും പിതാവിനും നേരേ പട്ടാപ്പകൽ ഗുണ്ടാ ആക്രമണം; മർദനത്തിന്റെ സിസിടിവി ദൃശ്യം കിട്ടിയിട്ടും നടപടി സ്വീകരിക്കാതെ പോലീസ്
മാവേലിക്കര: ഏഴുവയസുകാരനും പിതാവിനും നേരെ പട്ടാപ്പകൽ ഗുണ്ടാ ആക്രമണം നടന്ന സംഭവത്തിൽ പോലീസ് നടപടി സ്വീകരിക്കുന്നില്ലെന്ന് ആക്ഷേപം. കഴിഞ്ഞ ഞായറാഴ്ച വൈകുന്നേരം 4.30 ഓടെയായിരുന്നു സംഭവം. പോനകം കല്ലുകുഴിയിൽ പ്രദീപ്(38), മകൻ പ്രണവ്(ഏഴ്) എന്നിവരാണ് പുന്നമൂട് ജംഗ്ഷന് സമീപം മൂന്നംഗ സംഘത്തിന്റെ അക്രമണത്തിന് ഇരയായത്. കോടതി ജംഗ്ഷനിൽ നിന്ന് ളാഹയിൽ ജംഗ്ഷനിലേക്ക് പോകുകയായിരുന്നു പ്രദീപും മകനും ഈ സമയം പിന്നാലെ വന്ന സംഘത്തിന്റെ വാഹനത്തിന് സൈഡ് നൽകാൻ വൈകിയെന്ന് ആരോപിച്ച് അസഭ്യം പറഞ്ഞ ഇവർ പ്രദീപും മകനും സഞ്ചരിച്ചിരുന്ന വാഹനം തടയുകയും ക്രൂരമായി മർദ്ദിക്കുകയുമായിരുന്നു. മർദ്ദനത്തിൽ പരിക്കേറ്റ പ്രദീപും മകനും മാവേലിക്കര ജില്ലാ ആശുപത്രിയിൽ ചികിത്സതേടി. മാവേലിക്കര പോലീസിൽ പരാതി നൽകിയിട്ടുണ്ട്. മൃഗീയമായ മർദ്ദനത്തിന്റെ ദൃശ്യങ്ങൾ സമീപത്തെ കടയിലെ സിസിടിവിയിൽ നിന്ന് പോലീസിന് ലഭിച്ചെങ്കിലും പ്രതികളെ അറസ്റ്റ് ചെയ്യാൻ തയ്യാറാകുന്നില്ലെന്നും ഇവർ ആരോപിക്കുന്നു.
Read More