മല്ലപ്പള്ളി: പിഡബ്ല്യുഡി റെസ്റ്റു ഹൗസിൽ താമസിച്ചിരുന്ന ഷോർട്ട് ഫിലിം ഡയറക്ടർക്കും അഭിനയിക്കാനെത്തിയ സ്ത്രികൾക്കും കുട്ടികൾക്കും മർദനമേറ്റതായി പരാതി. ഇന്നലെ രാത്രി 12.30 ഓടെയായിരുന്നു സംഭവം. മുറിവാടകയെച്ചൊല്ലിയുണ്ടായ തർക്കമാണ് മർദനത്തിൽ കലാശിച്ചത്. കുട്ടികളുടെ ഹൃസ്വ ചിത്രത്തിന്റെ ചിത്രീകരണവുമായി ബന്ധപ്പെട്ട് നാലു ദിവസമായി ഇവർ ഈ ലോഡ്ജിൽ താമസിച്ചിരുന്നതായിരുന്നു പറയുന്നു. സർക്കാർ നിശ്ചയിച്ച വാടകയിലും കൂടുതൽ തുക ഇവർ ഈടാക്കിയതായി പറയുന്നു. മുറി ഒഴിയാൻ വേണ്ടി ബിൽ ചോദിച്ചപ്പോൾ ബിൽ നൽകാനാവില്ലെന്നും ഇതേച്ചൊല്ലിയുള്ള വാഗ്വാദവുമാണ് മർദനത്തിൽ കലാശിച്ചത്. ലോഡ്ജിലെ ജീവനക്കാരും മറ്റ് താമസക്കാരും ചേർന്ന് അഭിനയിക്കാനെത്തിയ സ്ത്രീയുടെ വസ്ത്രങ്ങൾ വലിച്ചുകീറുകയായിരുന്നുവെന്ന് പറയുന്നു. ഇവരുടെ ഭർത്താവിനും മർദനമേറ്റു. ജീവനക്കാർ ഇവരുടെ വാഹനങ്ങളിൽ പോറൽ വീഴ്ത്തിച്ചു. മർദനത്തിൽ പങ്കുള്ള ഒരാളെ പോലീസ് കസ്റ്റഡിയിലെടുത്തു. മല്ലപ്പള്ളി സിഐ കെ. സലിം, എസ് ബി. രമേശൻ, റാന്നി എഇ സന്തോഷ് എന്നിവർ സ്ഥലത്തെത്തി മേൽ നടപടി…
Read MoreCategory: Alappuzha
വിദ്യാഭ്യാസത്തിന്റെ ലക്ഷ്യം..!മനുഷ്യനെ മനുഷ്യനാക്കി മാറ്റുന്ന പ്രക്രിയയാണ് വിദ്യാഭ്യാസം; പ്രകൃതിയെ സ്നേഹിക്കുവാനും ഇതിലൂടെ സാധ്യമാകുമെന്ന് വിദ്യാഭ്യാസ മന്ത്രി
റാന്നി: പ്രകൃതിയെ സ്നേഹിക്കുന്ന ഒരു തലമുറയെ വാർത്തെടുക്കുകയെന്നത് വിദ്യാഭ്യാസത്തിന്റെ ലക്ഷ്യമാകണമെന്ന് മന്ത്രി പ്രഫ.സി. രവീന്ദ്രനാഥ്. റാന്നിയിൽ ക്നാനായ കോണ്ഗ്രസിന്റെ ആഭിമുഖ്യത്തിൽ നടന്നുവരുന്ന 1672ാമത് സിറിയൻക്നാനായ വാർഷിക സംഗമം സെന്റ് തോമസ് വലിയ പള്ളിയിൽ ഉദ്ഘാടനം ചെയ്തു പ്രസംഗിക്കുകയായിരുന്നു അദ്ദേഹം.എല്ലാവരെയും തന്നെപ്പോലെതന്നെ സ്നേഹിക്കുകയെന്ന മഹത്തായ ബൈബിൾ വചനമാണ് തന്റെ അയൽക്കാരൻ ആരാണ് എന്ന അന്വേഷണത്തിലൂടെ തനിക്കു ലഭിച്ചതെന്ന് മന്ത്രി പറഞ്ഞു. മനുഷ്യനെ മാത്രമല്ല, താനുൾപ്പെടുന്ന പ്രകൃതിയെയും ജീവജാലങ്ങളെയും സ്നേഹിക്കാൻ മതങ്ങൾ പഠിപ്പിക്കുന്നു. പ്രകൃതിയുടെ നിലനില്പിനെക്കുറിച്ച് മനുഷ്യൻ കൂടുതൽ ബോധവാൻമാരാകണം. വിദ്യാഭ്യസത്തിലൂടെ ഇതു സാധ്യമാകണമെന്നും മന്ത്രി പറഞ്ഞു. മനുഷ്യനെ മനുഷ്യനാക്കി മാറ്റുന്ന പ്രക്രിയയാണ് വിദ്യാഭ്യാസം. മാനവികതയാകണം വിദ്യാഭ്യാസത്തിന്റെ മുഖമുദ്രയെന്നും മന്ത്രി പറഞ്ഞു. കുര്യാക്കോസ് മാർ ഗ്രീഗോറിയോസ് മെത്രാപ്പോലീത്ത അധ്യക്ഷത വഹിച്ചു. ആർച്ച് ബിഷപ് കുര്യാക്കോസ് മാർ സേവേറിയോസ് വലിയ മെത്രാപ്പോലീത്ത, കുര്യാക്കോസ് മാർ ഈവാനിയോസ് മെത്രാപ്പോലീത്ത എന്നിവർ അനുഗ്രഹപ്രഭാഷണങ്ങൾ നടത്തി.…
Read Moreസൂക്ഷിച്ചാൽ ദുഃഖിക്കേണ്ട..! 63-ാംവയസിൽ മികച്ച ഡ്രൈവർക്കുള്ള അവാർഡ് ഏറ്റു വാങ്ങി ശിവസദാസ് പറഞ്ഞു;ചിട്ടയായ് ഡ്രൈവിംഗാണ് ഇതിന് തന്നെ അഹർഹനാക്കിയത്
ഡൊമിനിക് ജോസഫ് മാന്നാർ: അപകട പരന്പരകളുടെ വാർത്തകൾ അറിഞ്ഞാണ് ഒാരോ ദിനവും കടന്ന് പോകുന്നത്. ചെറുതും വലുതുമായ അപകടങ്ങൾ ഉണ്ടാകാത്ത ദിനങ്ങൾ വളരെ വിരളമാണ്. അമിതവേഗം, ട്രാഫിക് നിയമങ്ങൾ കർശനമായി പാലിക്കപ്പെടാത്തത്, മറ്റ് വാഹനങ്ങളെ അമിത വേഗത്തിൽ മറികടക്കൽ, മദ്യപിച്ച് വാഹനം ഓടിക്കൽ, അശ്രദ്ധ, റോഡുകളുടെ അപര്യാപ്തത തുടങ്ങി അപകടങ്ങൾ ഉണ്ടാകുന്നതിനുള്ള കാരണങ്ങൾ ഏറെയാണ്.എന്നാൽ അല്പമൊന്നു ശ്രദ്ധിച്ചാൽ കുറെയൊക്കെ അപകടങ്ങൾ ഒഴിവാക്കുവാൻ കഴിയുമെന്നാണ് 35 വർഷമായി വാഹനം ഓടിക്കുന്ന ശിവദാസിന്റെ ഭാഷ്യം. ഇത്രയും നാൾ വാഹനങ്ങൾ ഓടിച്ചിട്ടും മാന്നാർ കുട്ടംപേരൂർ കുളഞ്ഞി കാരാഴ്മ പുത്തൻപുരയിൽ ശിവദാസ് ഇതുവരെ അപകടങ്ങൾ ഒന്നും ഉണ്ടാക്കിയിട്ടില്ല. ചിട്ടയായ് ഡ്രൈവിംഗാണ് ഇതിന് കാരണമെന്ന് അദ്ദേഹം പറയുന്നു. പുത്തുവിളപ്പടി ജംഗ്ഷനിൽ ടാക്സി ഡ്രൈവറായായ ശിവദാസ് സ്വന്തമായിട്ടുള്ളത് അംബാസിഡർ കാറാണെങ്കിലും ഓട്ടം കുറയുന്പോൾ മറ്റ് വാഹനങ്ങളും ഓടിക്കുവാൻ പോകും. ഇത്തരത്തിൽ അപകടരഹിതമായി വാഹനം ഓടിച്ചതിന് മാതൃകാ…
Read Moreവിളിച്ചിറക്കി യുവാവിനെ വെട്ടിക്കൊലപ്പെടുത്തിയ സംഭവം: പ്രധാന പ്രതികളെ കസ്റ്റഡിയിൽ വാങ്ങും; പ്രതികൾക്ക് സഹായം നൽകിയ യുവാവിനെ റിമാൻഡ് ചെയ്തു
ആലപ്പുഴ: യുവാവിനെ രാത്രി വീട്ടിൽ നിന്നും വിളിച്ചിറക്കി വെട്ടിക്കൊലപ്പെടുത്തിയ സംഭവത്തിൽ അറസ്റ്റിലായി റിമാൻഡ് ചെയ്ത പ്രതികളെ വിശദമായ അന്വേഷണത്തിനും തെളിവെടുപ്പിനുമായി പോലീസ് കസ്റ്റഡിയിൽ വാങ്ങും. ഇതിനായി അന്വേഷണ ഉദ്യോഗസ്ഥൻ കോടതിയിൽ അപേക്ഷ നൽകും. കേസിലെ ഒന്നും രണ്ടും പ്രതികളായ സാജൻ ബോബൻ, നന്ദു ഉദയൻ എന്നിവരെയാണ് പോലീസ് കസ്റ്റഡിയിൽ വാങ്ങുന്നത്. കഴിഞ്ഞദിവസം അന്പലപ്പുഴ കോടതിയിൽ കീഴടങ്ങാൻ ശ്രമിക്കവെ പോലീസ് അറസ്റ്റ് ചെയത ഇരുവരെയും ചോദ്യം ചെയ്യുകയും കൃത്യം നടന്ന സ്ഥലത്ത എത്തിച്ച് പരിശോധന നടത്തുകയും ചെയ്തിരുന്നു. കൂടുതൽ വിശദമായ അന്വേഷണങ്ങൾ നടത്താൻ സമയപരിമിതി മൂലം പോലീസിന് സാധിച്ചിരുന്നില്ല. സ്ഥലത്തെത്തിയ പ്രതികളെ പ്രദേശവാസികൾ തിരിച്ചറിഞ്ഞിരുന്നു. ഇന്നലെ വൈകുന്നേരത്തോടെ അന്പലപ്പുഴ കോടതിയിൽ ഹാജരാക്കിയ പ്രതികളെ മജിസ്ട്രേറ്റ് റിമാൻഡ് ചെയ്തിരുന്നു. കൊലക്കേസ് പ്രതികൾക്ക് സഹായം: യുവാവ് റിമാൻഡിൽ ആലപ്പുഴ: യുവാവിനെ വെട്ടിക്കൊലപ്പെടുത്തിയ കേസിലെ പ്രധാന പ്രതികൾക്ക് സഹായം നൽകിയ യുവാവ് റിമാൻഡിൽ.…
Read More244 വ്യാജ സിഡികളും 11000 രൂപയും! ബാഹുബലി 2 വ്യാജസിഡികളുമായി തമിഴ്നാട് സ്വദേശി പിടിയിൽ
പത്തനംതിട്ട: അടുത്തയിടെ പുറത്തിറങ്ങിയ ബാഹുബലി 2 സിനിമയുടെ 127 വ്യാജ സിഡികളുമായി തമിഴ്നാട് സ്വദേശിയെ പന്പയിൽ പിടികൂടി. 244 വ്യാജ സിഡികളും 11000 രൂപയും ഇയാളിൽ നിന്നു പിടികൂടി. മധുര സ്വദേശി ഇമാം അലിയാണ് പിടിയിലായത്. ബാഹുബലിയുടെ തീയറ്റർ പതിപ്പുകളാണ് ഇയാളിൽ നിന്നു കണ്ടെടുത്തത്. പന്പ സിഐ വിദ്യാധരന്റെ നേതൃത്വത്തിലുള്ള പോലീസ് സംഘമാണ് ഇയാളെ പിടികൂടിയത്. തമിഴിൽ അടുത്തയിടെ പുറത്തിറങ്ങിയ ചലച്ചിത്രങ്ങളുടെ വ്യാജസിഡികളും പിടികൂടിയവയിൽ ഉൾപ്പെടുന്നു.
Read Moreപകരം വീട്ടാൻ അവർ വീണ്ടുമെത്തി..! മാവേലിക്കരക്കാരെ കുത്തി പരിക്കേൽ പ്പിക്കാൻ സിവിൽ സ്റ്റേഷനിൽ വീണ്ടും അവർ കൂട്ടമായെത്തി; ഭീതിയോടെ ജനം
മാവേലിക്കര: സിവിൽ സ്റ്റേഷനിൽ ഒരിടവേളയ്ക്ക് ശേഷം വീണ്ടും കടന്നൽ കൂടുകൂട്ടി. സിവിൽ സ്റ്റേഷൻ കെട്ടിടത്തിന്റെ ഏറ്റവും മുകളിലെ നിലയിലെ സണ്ഷെയ്ഡിലാണ് കടന്നലുകൾ കൂട് കൂട്ടിയിരിക്കുന്നത്. മുൻപ് സിവിൽസ്റ്റേഷൻ കെട്ടിടത്തിൽ ഇതേ സ്ഥാനത്ത് ഉണ്ടായിരുന്ന കടന്നൽ കൂട്ടിലെ കടന്നലുകൾ ഇളകി നടത്തിയ ആക്രണത്തിൽ നിരവധി പേർക്ക് പരിക്കേറ്റിരുന്നു. ഇതിനുശേഷം വാവാ സുരേഷിനെ എത്തിച്ചാണ് കടന്നൽ കൂട് നശിപ്പിച്ചത്. വീണ്ടും അതേ സ്ഥാനത്ത് തന്നെയാണ് കടന്നൽ കൂട് കൂട്ടിയിരിക്കുന്നത്. ദിവസേന നിരവധി പേർ എത്തിചേരുന്ന ആർടിഒ ഓഫീസ്, എംപ്ലോയിമെന്റ് ഓഫീസ്, കൃഷിഭവൻ, എപിപി ഓഫീസ്, വാണിജ്യനികുതി ഓഫീസ്, സഹകരണ വകുപ്പ് അസി. രജിസ്ട്രാർ ഓഫീസ്, സാമൂഹിക ക്ഷേമ വകുപ്പ് ഓഫീസ്, ലേബർ ഓഫീസ് എന്നിങ്ങനെ 15 ഓളം ഓഫീസുകളാണ് സിവിൽ സ്റ്റേഷനിൽ പ്രവർത്തിക്കുന്നത്. ഇതിൽ എംപ്ലോയ്മെന്റ് ഓഫീസിലും ആർടിഒ ഓഫീസിലും ദിനം പ്രതി എത്തിചേരുന്നത് ആയിരക്കണക്കിന് ആളുകളാണ്. തൊട്ടു സമീപത്ത്…
Read Moreപിഴ കഠിനമാക്കണം..! മദ്യപിച്ച് ബസ് ഓടിക്കുന്നവരുടെ എണ്ണം വർധിക്കുന്നു; പിടിയിലാകുന്നവർ പിഴയടച്ച് രക്ഷപ്പെടുന്നു; കർശന പരിശോധന വേണമെന്ന് യാത്രക്കാർ
മാന്നാർ: മദ്യപിച്ച് സ്വകാര്യബസുകൾ ഓടിക്കുന്നവരുടെ എണ്ണം വർദ്ധിക്കുന്നു. കായംകുളം-തിരുവലാ സംസ്ഥാന പാതയിലും, ചെങ്ങന്നൂർ-മാന്നാർ റൂട്ടിലും ഇത്തരത്തിൽ ബസുകൾ ഓടിച്ച് നിരവധി സംഭവങ്ങളാണ് സമീപകാലത്തായി ഉണ്ടായത്. ബസിന്റെ അമിത വേഗതയും അശ്രദ്ധയോടെയുള്ള ഡ്രൈവിംഗും ശ്രദ്ധയിൽപെടുന്ന യാത്രക്കാർ അടുത്തുള്ള പോലീസ് സ്റ്റേഷനുകളിൽ വിവരം അറിയിച്ച് പോലീസ് പരിശോധന നടത്തുന്പോഴാണ് പലപ്പോഴും ഇത്തരക്കാർ കുടുങ്ങുന്നത്. അല്ലാത്ത അവസരങ്ങളിൽ ഇവർ ആരെയും ഭയക്കാതെ യാത്രക്കാരുമായി പായുകയാണ്. തിരുവല്ലാ ട്രാഫിക് പോലീസ് കഴിഞ്ഞ ആഴ്ച രാവിലെ നടത്തിയ പരിശോധനയിൽ രണ്ട ് സ്വകാര്യ ബസുകളുടെ ഡ്രൈവർമാർ മദ്യപിച്ചിരുന്നതായി കണ്ടെ ത്തിയിരുന്നു. രാവിലെ മുതൽ തന്നെ മദ്യപിച്ച് ബസ് ഓടിക്കുന്നവർ യാത്രക്കാർക്കാരുടെ ജീവന് യാതൊരു വിലയും കൽപ്പിക്കാതെയാണ് പായുന്നത്. രണ്ട് മാസം മുന്പ് മാവേലിക്കരയിൽ സിഗ്നൽ തെറ്റിച്ച് വന്ന ഒരു സ്വകാര്യ ബസ് രണ്ട് ജീവനുകളാണ് കവർന്നത്. ഇതിലെ ഡ്രൈവർ മദ്യപിച്ചിരുന്നതായി പോലീസ് കണ്ടെ ത്തിയിരുന്നു.…
Read Moreമന്ത്രിയുടെ ശ്രദ്ധയ്ക്ക്..! ശുചിത്വ ബോധവത് ക്കരണത്തിന് കോടികൾ ചിലവഴിക്കുമ്പോൾ ആലപ്പുഴ ജനറല് ആശുപത്രിയിലെ മാലിന്യം ഒഴുകിയെത്തുന്നത് വേമ്പനാട്ട് കായലിൽ
ആലപ്പുഴ: വ്യക്തി ശുചിത്വത്തിനും പരിസര ശുചിത്വത്തിനുമുള്ള ബോധവത്കരണ പരിപാടികള്ക്കായി ആരോഗ്യവകുപ്പ് പ്രതിവര്ഷം കോടികള് ചിലവഴിക്കുമ്പോഴും അനാരോഗ്യം വളര്ത്തി ഒരു ആതുരാലയം. ആലപ്പുഴ ജനറല് ആശുപത്രിയാണ് പൊതുജനാരോഗ്യത്തിന് ഭീഷണിയാകുന്ന തരത്തില് ശുചിമുറി മാലിന്യങ്ങള് കാനയില് തള്ളുന്നത്. ആശുപത്രിയിലെ ഒരു വിഭാഗം കെട്ടിടങ്ങളില് നിന്നുള്ള ശുചിമുറി മാലിന്യങ്ങളാണ് ഇത്തരത്തില് ആശുപത്രി കെട്ടിടത്തിനു മധ്യഭാഗത്തുകൂടി കടന്നുപോകുന്ന കാനയിലേക്ക് പതിറ്റാണ്ടുകളായി തള്ളുന്നത്. ആശുപത്രിയിലെ ജനറേറ്റര് റൂമിന് പടിഞ്ഞാറുഭാഗത്തുള്ള സെപ്റ്റിക് ടാങ്കിനു സമീപത്തുനിന്നും ആരംഭിക്കുന്ന കാനയിലാണ് മാലിന്യങ്ങള് തള്ളുന്നത്. കാനയിലെ തുടക്കം മുതലുള്ള സ്ഥലത്തു സ്ലാബുകളുപയോഗിച്ച് മറച്ചിട്ടുള്ളതിനാല് ഇതധികം ആരുടെയും ശ്രദ്ധയില് പെടാറുമില്ല. പുതുതായി നിര്മിക്കുന്ന ഡയാലിസിസ് യൂണിറ്റിനു സമീപത്തായി കടന്നുപോകുന്ന കാനയിലേക്കാണ് നഴ്സിംഗ് സൂപ്രണ്ട് ഓഫീസ്, ഡോക്ടര്മാരുടെ വിശ്രമ മുറികള്, രണ്ടാം വാര്ഡ് ഉള്പ്പെടെയുള്ള രണ്ടുവാര്ഡുകള് എന്നിവയില് നിന്നുള്ള ശുചിമുറി മാലിന്യങ്ങള് തള്ളുന്നത്. ഈ കാന അവസാനിക്കുന്നത് കൊട്ടാരത്തോട്ടിലുമാണ്. തോട്ടിലേക്ക് ഒഴുകിയെത്തുന്ന ശുചിമുറി…
Read Moreഎല്ലാം ശരിയാക്കുന്നത് മൂന്ന് മാഫിയകൾ..! സ്വാശ്രയ, ഭൂമി, മദ്യ മാഫിയകളാണ് സംസ്ഥാന സർക്കാരിനെ നിയന്ത്രിക്കുന്നതെന്ന് ഡീൻ കുര്യാക്കോസ്
പത്തനംതിട്ട: സ്വാശ്രയ, ഭൂമി, മദ്യ മാഫിയകളാണ് സംസ്ഥാന സർക്കാരിനെ നിയന്ത്രിക്കുന്നതെന്ന് യൂത്ത് കോൺഗ്രസ് സംസ്ഥാന പ്രസിഡന്റ് ഡീൻ കുര്യാക്കോസ് പത്ര സമ്മേളനത്തിൽ ആരോപിച്ചു. എൽഡിഎഫിന് അധികാരത്തിലേറാൻ പണം നൽകി സഹായിച്ചവർക്കുളള പ്രത്യുപകാരമായാണ് സ്വാശ്രയ ഫീസ് ഇരിട്ടിയാക്കി ഉയർത്തിയത്. സ്വാശ്രയ വിഷയത്തിൽ മുഖ്യമന്ത്രിയുടെ ധാർഷ്ട്യം അംഗീകരിക്കാനാകാത്തതു കൊണ്ടാണ് സിപിഐയ്ക്ക് വിദ്യാർഥി സംഘടനയെ സമര രംഗത്തിറക്കേണ്ടി വന്നത്. സ്വാശ്രയ ലോബി സർക്കാരിൽ വൻ സ്വാധീനമുറപ്പിച്ചിരിക്കുകയാണ്. മുഖ്യമന്ത്രിയുടെ പിടിവാശി കാരണമാണ് ഫീസ് കുറയ്ക്കാൻ പറ്റാത്തത്.ഭൂമാഫിയയിൽ നിന്ന് ലാഭ വിഹിതം മുഖ്യമന്ത്രിക്കു കിട്ടുന്നതു കൊണ്ടാണ് ഭൂമി കൈയേറ്റത്തെ തളളിപ്പറയാത്തത്. എം. എം. മണിയെയും സഹോദരനെയും മുഖ്യമന്ത്രി സംരക്ഷിക്കുകയാണ്.സംസ്ഥാനത്ത് ഭരണത്തകർച്ച പൂർണമായി. വിവാദങ്ങളുടെ ഫാക്ടറിയാണ് സർക്കാർ. സംസ്ഥാന സർക്കാരിന്റെ ഒന്നാം വാർഷിക ദിനമായ 25ന് യൂത്ത് കോൺഗ്രസിന്റെ 25000 വാളണ്ടിയർമാർ രാവിലെ ആറ് മുതൽ വൈകുന്നേരം ആറ് വരെ സെക്രട്ടേറിയറ്റ് ഉപരോധിക്കും. ദേശീയ നേതാക്കൾ…
Read Moreവസ്ത്ര വ്യാപാര ശാലയിലെത്തിയ 15കാരിയെ കടയുടമ പീഡിപ്പിച്ചതായി പരാതി
ആലപ്പുഴ: വസ്ത്ര വ്യാപാര ശാലയിലെത്തിയ 15കാരിയെ കടയുടമ പീഡിപ്പിച്ചതായി പരാതി. സംഭവവുമായി ബന്ധപ്പെട്ടു മാരാരിക്കുളം തെക്കു പഞ്ചായത്ത് പൂങ്കാവ് ലെവൽക്രോസിനു സമീപത്തെ കൂട്ടുകാരൻസ് വസ്ത്രവ്യാപാര ശാല ഉടമയും കാളാത്ത് വെളിയിൽ അബ്ദുൾ റസാഖിന്റെ മകനുമായ ഷാജി(41)യെ നോർത്ത് പോലീസ് അറസ്റ്റു ചെയ്തു. കഴിഞ്ഞ തിങ്കളാഴ്ച വസ്ത്രം വാങ്ങുന്നതിനായി എത്തിയ പെണ്കുട്ടിയെ ഷാജി കടന്നുപിടിക്കുകയും പീഡിപ്പിക്കുകയുമായിരുന്നെന്നാണ് പോലീസിനു മാതാപിതാക്കൾ നൽകിയ പരാതിയിൽ പറയുന്നത്. സംഭവമറിഞ്ഞ പ്രദേശവാസികളും ബന്ധുക്കളും ഇന്നലെ ഇയാളെ പിടികൂടി പോലീസിനെ ഏൽപ്പിക്കുകയായിരുന്നു. നോർത്ത് പോലീസ് ഇയാളെ വിശദമായി ചോദ്യം ചെയ്തതിനുശേഷം അറസ്റ്റു രേഖപ്പെടുത്തി. ഇയാളെ ഇന്നു കോടതിയിൽ ഹാജരാക്കും. സംഭവത്തിനുശേഷം വീട്ടിലെത്തിയ പെണ്കുട്ടി മാതാവിനോട് വിവരം പറയുകയും തുടർന്ന് ഇവർ ഇന്നലെ പോലീസിൽ പരാതി നൽകുകയായിരുന്നു. പെണ്കുട്ടിയെ വൈദ്യപരിശോധനയ്ക്ക് വിധേയയാക്കി.
Read More