കണ്ണൂർ: മാധ്യമപ്രവർത്തകനെയും ഭാര്യയെയും കെട്ടിയിട്ടു കവർച്ച നടത്തിയത് ബംഗ്ലാദേശ് സംഘമെന്ന് പോലീസ് ഉറപ്പിച്ചു. പ്രതികളെകുറിച്ച് വ്യക്തമായ സൂചന ലഭിച്ചതായി അന്വേഷണ ഉദ്യോഗസ്ഥർ പറഞ്ഞു. അന്വേഷണത്തിനായി പ്രത്യേകസംഘത്തിലെ ഒരു സ്ക്വാഡ് മുംബൈയിൽ എത്തിയിട്ടുണ്ട്. മുംബൈയിൽ സമാനമായ രീതിയിൽ നേരത്തെ കവർച്ച നടന്നിരുന്നു. ഇവിടുത്തെ ഡിവൈഎസ്പിയുമായും അന്വേഷണസംഘം ചർച്ചനടത്തി. സംസ്ഥാനത്തുണ്ടായ സമാനമായ കവർച്ചാസംഭവങ്ങൾ പരിശോധിച്ചതിൽനിന്നാണ് ബംഗ്ലാദേശുകാർ ഉൾപ്പെട്ട സംഘമാണ് കവർച്ചയ്ക്ക് പിന്നിലെന്ന് വിലയിരുത്തലിൽ അന്വേഷണ സംഘം എത്തിച്ചേർന്നത്. മോഷ്ടാക്കളുടെ ഉയരക്കുറവ്, ഹിന്ദിയും ഇംഗ്ലീഷും കലർന്നുള്ള സംസാരം, ആക്രമണരീതി തുടങ്ങിയവയിൽനിന്നാണ് പോലീസ് നിഗമനത്തിലെത്തിയത്. കണ്ണൂർ ഡിവൈഎസ്പി പി.പി.സദാനന്ദന്റെ നേതൃത്വത്തിലുള്ള പ്രത്യേകസംഘമാണ് കേസ് അന്വേഷിക്കുന്നത്. അഞ്ച് സ്ക്വാഡുകളായി തിരിഞ്ഞാണ് അന്വേഷണം. ഇതിൽ ഒരു ടീമാണ് മുംബൈയിലേക്ക് പുറപ്പെട്ടത്. മറ്റൊരു ടീം എറണാകുളത്തും എത്തിയിട്ടുണ്ട്. എറണാകുളം ജില്ലയിലെ വിവിധ പ്രദേശങ്ങളിൽ പത്തിലേറെ വീടുകൾ കൊള്ളയടിച്ച സംഘമാണു കണ്ണൂരിലും എത്തിയതെന്നാണു പോലീസ് നിഗമനം. ബംഗ്ലാദേശ് അതിർത്തിയിൽ…
Read MoreCategory: Kannur
മാക്കൂട്ടം ചുരം റോഡ് അറ്റകുറ്റപ്പണി ഇഴയുന്നു; വിദ്യാർഥികളും വ്യാപാരികളും ദുരിതത്തിൽ
ഇരിട്ടി: ഉരുള്പൊട്ടലും മണ്ണിടിച്ചലും കാരണം തകര്ന്ന റോഡ് നവീകരിക്കുന്നതിനുള്ള പ്രവര്ത്തനങ്ങള് ഇഴഞ്ഞുനീങ്ങുന്നതിനാൽ ഇരിട്ടി- വീരാജ്പേട്ട അന്തര്സംസ്ഥാന പാതയില് മാക്കൂട്ടം ചുരം റോഡില് ബസുകള് ഉള്പ്പെടെ വലിയവാഹനങ്ങള്ക്കുള്ള നിരോധനം നീങ്ങാന് ഇനിയും മാസങ്ങളെടുക്കും..80 ദിവസമായി അന്തര്സംസ്ഥാന പാതയില് ബസ് ഗതാഗതം നിലച്ചിട്ട്. മാക്കൂട്ടം വനത്തില് എട്ട് ഇടങ്ങളിലുണ്ടായ ഉരുള്പൊട്ടലിനെ തുടര്ന്ന് ചുരം റോഡിന്റെ പലഭാഗങ്ങളും ഇടിഞ്ഞിരുന്നു. മാക്കൂട്ടം മുതല് പെരുമ്പാടി വരെയുള്ള ഭാഗങ്ങളില് 90 സ്ഥലങ്ങളിലാണ് മണ്ണിടിച്ചിലും മരങ്ങൾ വീഴുകയും ചെയ്തത്. ഒരുമാസം പൂര്ണമായും അടച്ചിട്ട റോഡ് താത്കാലിക അറ്റകുറ്റപണികള് നടത്തി ചെറിയ വാഹനങ്ങള്ക്കായി തുറന്നുകൊടുത്തിരുന്നു. കര്ണാടക സംസ്ഥാന ഹൈവെ 91ന്റെ ഭാഗമാണ് 86 കിലോമീറ്ററുള്ള മാക്കൂട്ടം റോഡ്. ഇതില് 16.5 കിലോമീറ്റര് മാക്കൂട്ടം മുതല് പെരുമ്പാടി വരെയുള്ള ഭാഗമാണ് സ്ഥിരം അപകടമേഖല. 16 കിലോമീറ്റര് റോഡില് 15 ഇടങ്ങളില് കൊടും വളവുകളാണ്. മൂന്നിടങ്ങളില് മുമ്പ് കോണ്ക്രീറ്റ് ചെയ്തു…
Read Moreസാമൂഹിക സുരക്ഷാ പെൻഷൻ; എങ്ങും പരാതി പ്രളയം; 59,621 പേർ അനർഹര്
മുക്കം: സാമൂഹ്യ സുരക്ഷാ പെൻഷൻ ലിസ്റ്റിൽ നിന്നും അനർഹരെന്ന് കണ്ടെത്തി ഒഴിവാക്കിയവരുടെ വിവരങ്ങൾ വീണ്ടും പരിശോധിക്കുന്നു. തദ്ദേശസ്വയംഭരണ സ്ഥാപനങ്ങളിൽ നിന്നും തെറ്റായി നൽകിയ വിവരങ്ങളുടെ അടിസ്ഥാനത്തിൽ അർഹരായ നിരവധിപേർക്ക് പെൻഷൻ നിഷേധിച്ചതായുള്ള പരാതികൾ സംസ്ഥാന വ്യാപകമായി ഉയർന്നതിനെത്തുടർന്നാണ് സർക്കാർ തീരുമാനം. സംസ്ഥാനത്ത് സാമൂഹിക സുരക്ഷാ പെൻഷൻ വാങ്ങുന്ന 40,61,393 ഗുണഭോക്താക്കളിൽ അനർഹരായ നിരവധിപേർ ഉൾപ്പെട്ടിട്ടുണ്ടെന്ന പരാതിയുടെ അടിസ്ഥാനത്തിൽ നടത്തിയ പരിശോധനയിലാണ് 64,238 പേരെ ലിസ്റ്റിൽ നിന്നും നീക്കിയിരുന്നത്. എന്നാൽ അനർഹരുടെ പട്ടിക തയ്യാറാക്കിയതിൽ അപാകതകളുണ്ടെന്ന പരാതിയുടെ അടിസ്ഥാനത്തിൽ വീണ്ടുമൊരു പരിശോധന കൂടി നടത്തി തടഞ്ഞു വയ്ക്കപ്പെട്ട 4617 പേർക്കുകൂടി പെൻഷൻ വിതരണം ചെയ്തിരുന്നു. എന്നാൽ വീണ്ടും പരാതികൾ ഉയർന്നതിനെ തുടർന്നാണ് ലിസ്റ്റ് പരിശോധിക്കുവാൻ സർക്കാർ തീരുമാനിച്ചത്. ആയിരം സിസിയിൽ കൂടുതൽ എൻജിൻ കപ്പാസിറ്റിയുള്ള വാഹനങ്ങൾ സ്വന്തമായുള്ളവർക്ക് സാമൂഹിക സുരക്ഷാ പെൻഷൻ വാങ്ങാൻ അർഹതയില്ലെന്ന മാനദണ്ഡം ഉൾപ്പെടുത്തിയതിനാൽ മോട്ടോർ…
Read Moreദുരിതാശ്വാസനിധിയിലേക്ക് തുക നൽകാൻ പഴയ പത്രങ്ങൾ ശേഖരിച്ച് കുടുംബശ്രീ കൂട്ടായ്മ
മട്ടന്നൂർ: പഴയ പത്രങ്ങളും പുസ്തകങ്ങളും വിറ്റുകിട്ടുന്ന പണം ദുതിതാശ്വാസ നിധിയിലേക്ക് നല്കി മട്ടന്നൂരിലെ കുടുംബശ്രീ കൂട്ടായ്മ. വീടുകളിലും സ്ഥാപനങ്ങളിലും കയറിയിറങ്ങി പഴയ പത്രങ്ങളും പുസ്തകങ്ങളും ശേഖരിച്ച് ഇവ വിറ്റുകിട്ടുന്ന പണം മുഖ്യമന്ത്രിയുടെ ദുരിതാശ്വാസ നിധിയിലേക്ക് കൈമാറാനാണ് ഇവരുടെ തീരുമാനം. പദ്ധതിയുടെ നഗരസഭതല ഉദ്ഘാടനം മട്ടന്നൂര് കനറാ ബാങ്ക് സീനിയര് മാനേജര് എന്.കെ. മനോജില് നിന്നും പഴയ പത്രങ്ങള് സ്വീകരിച്ചുകൊണ്ട് നഗരസഭ ചെയര്പേഴ്സണ് അനിത വേണു നിര്വഹിച്ചു. നഗരസഭ വൈസ് ചെയര്മാന് പി. പുരുഷോത്തമന്, സ്റ്റാൻഡിംഗ് കമ്മിറ്റി ചെയർമാൻമാരായ എം.റോജ, വി.പി.ഇസ്മായിൽ, കുടുംബശ്രീ ചെയർപേഴ്സൺ പി. രേഖ, എഡിഎസ് മെമ്പർ സെക്രട്ടറി കെ.പി.രമേശ് ബാബു, കുടുംബശ്രീ പ്രവര്ത്തകര്, ബാങ്ക് ജീവനക്കാര് എന്നിവരുടെ സാന്നിധ്യത്തിലാണ് പത്രക്കെട്ടുകള് ഏറ്റുവാങ്ങിയത്. രണ്ടുദിവസം കൊണ്ട് നഗരസഭയ്ക്ക് കീഴിലുള്ള മുഴുവന് വീടുകളില് നിന്നും സ്ഥാപനങ്ങളില് നിന്നും പത്രങ്ങളും മറ്റും ശേഖരിക്കാനാണ് പദ്ധതി തയാറാക്കിയിരിക്കുന്നത്. സിഡിഎസ്, എഡിഎസ്,…
Read Moreമട്ടന്നൂരിനെ കുരുക്കിലാക്കാൻ പരസ്യബോർഡുകളും; വീതികുറഞ്ഞ റോഡിൽ 20 മീറ്റർ ഇടവിട്ട് ഇരുമ്പുതൂണുകൾ നാട്ടിയതുമൂലം കാൽ നടയാത്രയും വാഹന ഗതാഗതവും താറുമാറായി
മട്ടന്നൂർ: വീർപ്പുമുട്ടുന്ന മട്ടന്നൂർ നഗരത്തിൽ സിസിടിവി കാമറ സ്ഥാപിക്കുന്നതിന്റെ മറവിൽ പരസ്യ ബോർഡുകളും വയ്ക്കുന്നത് വാഹനങ്ങളെയും കാൽനടയാത്രക്കാരെയും ദുരിതത്തിലാക്കും. മട്ടന്നൂർ നഗരത്തിന്റെ വിവിധ ഭാഗങ്ങളിലായാണ് പരസ്യബോർഡുകൾ സ്ഥാപിക്കുന്നത്.കണ്ണൂർ വിമാനത്താവളം യാഥാർഥ്യമാകുന്നതോടെ മട്ടന്നൂർ നഗരം സിസിടിവി നിരീക്ഷണത്തിലാക്കാൻ നഗരസഭ തീരുമാനിച്ചിരുന്നു. കൂത്തുപറമ്പിലെ ഒരു സ്ഥാപനത്തിന്റെ സഹായത്തോടെയാണ് നഗരത്തിൽ കാമറ സ്ഥാപിക്കുന്നത്. കാമറ സ്ഥാപിക്കുന്നതിനെന്നു പറഞ്ഞ് റോഡിന്റെ ഒരു ഭാഗത്തു 20 മീറ്റർ ഇടവിട്ട് ഇരുമ്പ് തുണുകൾ സ്ഥാപിച്ചാണ് പരസ്യബോർഡുകളും വയ്ക്കുന്നത്. വായാന്തോട് മുതൽ മട്ടന്നൂർ ടൗൺ വഴി തലശേരി റോഡ് വരെയാണ് തൂണുകൾ സ്ഥാപിച്ചിട്ടുള്ളത്. വാഹനങ്ങളുടെയും കാൽനടയാത്രക്കാരുടെയും തിരക്ക് അനുഭവപ്പെടുന്ന സ്ഥലങ്ങളിലാണ് റോഡിനോടു ചേർന്നു തൂണുകൾ സ്ഥാപിച്ചിട്ടുള്ളത്. മട്ടന്നൂർ -കണ്ണൂർ റോഡിൽ മരുതായി ജംഗ്ഷനിൽ വീതി കുറഞ്ഞ സ്ഥലമായതിനാൽ ഏതു സമയത്തും ഗതാഗതക്കുരുക്ക് പതിവാണ്. ഇവിടെ റോഡിൽ തൂണുകൾ സ്ഥാപിച്ചതിനാൽ വാഹനങ്ങൾ കടന്നുപോകാൻ പ്രയാസപ്പെടുകയാണ്.നടക്കാൻ പോലും കഴിയാത്ത രീതിയിൽ…
Read Moreതൃക്കരിപ്പൂർ ടൗണിലെ വാട്ടർ അതോറിറ്റിയുടെ ടാങ്ക് തകർച്ചാ ഭീഷണിയിൽ ; പ്രധാന തൂണുകൾ രണ്ടെണ്ണം പൊട്ടി വിണ്ടുകീറിയ നിലയിൽ
തൃക്കരിപ്പൂർ: പഞ്ചായത്തിലെ പ്രധാനപ്പെട്ട പത്തു കേന്ദ്രങ്ങളിലേക്ക് കുടിവെള്ള വിതരണം നടത്തുന്ന തൃക്കരിപ്പൂർ ടൗണിന്റെ ഹൃദയ ഭാഗത്തുള്ള വാട്ടർ അതോറിറ്റിയുടെ കുടിവെള്ള സംഭരണ ടാങ്ക് അപകടാവസ്ഥയിൽ. സംഭരണിയിൽ കുഴപ്പമില്ലെങ്കിലും അത് താങ്ങി നിർത്തുന്ന പ്രധാന തൂണുകൾ രണ്ടെണ്ണം പൊട്ടി വിണ്ടുകീറിയ നിലയിലായിട്ട് മാസങ്ങളായി. കെട്ടിടത്തിന്റെ കോണ്ക്രീറ്റ് സ്ളാബിന്റെ കന്പി തുരുന്പിച്ച് പുറത്തേക്ക് തള്ളി വന്നിട്ട് വർഷങ്ങളായെന്ന് പ്രദേശത്തെ വ്യാപാരികൾ പറയുന്നു. പന്പ് ഹൗസിന്റെ ചുറ്റുമതിലും ചാഞ്ഞ് ഏതു നിമിഷവും നിലം പൊത്താവുന്ന അവസ്ഥയിലായിട്ടുണ്ട്. അഞ്ചു പതിറ്റാണ്ട് മുന്പാണ് കുടിവെള്ള വിതരണത്തിനായി ശുദ്ധജലം ധാരാളമായി ലഭിക്കുന്ന തൃക്കരിപ്പൂർ തിരഞ്ഞെടുത്ത് കിണറും ടാങ്കും പണിതത്. തൃക്കരിപ്പൂർ പഞ്ചായത്തിന്റെ തെക്ക് ഭാഗത്തെ ഒളവറ, ഉളിയം, തലിച്ചാലം പ്രദേശങ്ങളിലും തൃക്കരിപ്പൂർ റെയിൽവേ സ്റ്റേഷൻ ഉൾപ്പെടെ ടൗണിലെ ഭാഗങ്ങളിലും ചെറുകാനം, എടാട്ടുമ്മൽ, നടക്കാവ് ഭാഗങ്ങളിലും വിതരണത്തിനായി 30,000 ലിറ്റർ സംഭരിക്കാനുള്ള ടാങ്കാണ് ഇവിടുള്ളത്. തങ്കയം, ഇളന്പച്ചി,…
Read Moreപരിയാരം സെന്ട്രലിലെ അപകടവളവില് ‘പ്ലാസ്റ്റിക് ’ പ്രതിരോധം തീർത്ത് അധികൃതർ
പരിയാരം: വാഹനാപകടത്തിനിടയാക്കുന്ന പരിയാരം സെന്ട്രലിലെ അപകടവളവില് ദേശീയപാത അധികൃതരുടെ പ്ലാസ്റ്റിക് ഷീറ്റ് പ്രതിരോധം. കഴിഞ്ഞമാസം 12ന് ഈ വളവില് നിന്നും തോട്ടിലേക്കു സ്വകാര്യബസ് മറിഞ്ഞ് 26 പേര്ക്കു പരിക്കേറ്റിരുന്നു. നേരത്തേയും നിരവധി വാഹനാപകടങ്ങള് നടന്ന ഇവിടെ മുന്നറിയിപ്പു ബോര്ഡുകളും ക്രാഷ്ബാരിയറും സ്ഥാപിക്കണമെന്നു രണ്ടുവര്ഷമായി നാട്ടുകാര് ആവശ്യപ്പെട്ടുവരുന്നതിനിടെയായിരുന്നു ബസപകടം നടന്നത്. എന്നാല് ഏറെ പഴി കേള്ക്കേണ്ടി വന്നിട്ടും ദേശീയപാത അധികൃതര് ഒന്നും ചെയ്തില്ല. രണ്ടുവര്ഷം മുമ്പ് പോത്തുകളുമായി വരികയായിരുന്ന ലോറി മറിഞ്ഞ് ഒന്പതു പോത്തുകളാണ് ഈ വളവില് മരിച്ചത്. അതിനുശേഷം സുരക്ഷാഭിത്തി നിര്മിക്കണമെന്ന് നാട്ടുകാര് ദേശീയപാത വിഭാഗത്തോടു നിരന്തരമായി ആവശ്യപ്പെട്ടുവരികയായിരുന്നു. കോരന്പീടിക കഴിഞ്ഞാല് പരിയാരം സെന്ട്രലില് എത്തുന്നതിന് മുമ്പായിട്ടാണു കൊട്ടിയൂര് നന്മഠം ക്ഷേത്രത്തിനു മുന്നിലായി കൊടുംവളവുള്ളത്. അപകടം നടന്ന തോടും റോഡുമായി ഒരുമീറ്റര് അകലം മാത്രമാണുള്ളത്. റോഡ് പരിചയമില്ലാത്തവര് അപകടത്തില് പെടാനുള്ള എല്ലാ സാധ്യതകളുമുണ്ട്. എന്നാല് പേരിനൊരു മുന്നറിയിപ്പു…
Read Moreകണ്ണൂരിൽ മാധ്യമപ്രവർത്തകനെയും ഭാര്യയേയും കെട്ടിയിട്ടു കവർച്ച; കവർച്ചാ സംഘം കേരളം കടന്നു; അന്വേഷണം പുറത്തേക്ക് ; അന്വേഷണത്തിന് 28 അംഗസംഘം
കണ്ണൂർ: മാധ്യമപ്രവർത്തകനെയും ഭാര്യയേയും കെട്ടിയിട്ട് വീട് കൊള്ളയടിച്ച സംഘം കേരളം വിട്ടതായി സൂചന. കണ്ണൂർ ഡിവൈഎസ്പി പി.പി. സദാനന്ദന്റെ നേതൃത്വത്തിലുള്ള പ്രത്യേക അന്വേഷണസംഘം കേരളത്തിന് പുറത്തേക്ക് അന്വേഷണം വ്യാപിപ്പിച്ചു. മാതൃഭൂമി കണ്ണൂർ യൂണിറ്റിലെ ന്യൂസ് എഡിറ്റർ കെ. വിനോദ് ചന്ദ്രന്റെ കണ്ണൂർ സിറ്റി ഉരുവച്ചാലിലെ വീട്ടിലാണ് ഇന്നലെ പുലർച്ചെ ഒന്നരയോടെ കവർച്ച നടന്നത്. മുഖംമൂടി ധരിച്ചെത്തിയ മോഷ്ടാക്കളുടെ ക്രൂരമർദനത്തിന് ഇരയായ വിനോദ് ചന്ദ്രൻ (55), ഭാര്യ സരിതകുമാരി (50) എന്നിവർ കണ്ണൂരിലെ സ്വകാര്യ ആശുപത്രിയിൽ ചികിത്സയിലാണ്. പ്രഫഷണൽ രീതിയിലുള്ള കവർച്ചയാണ് നടന്നതെന്ന നിഗമനത്തിലാണ് പോലീസ്. കണ്ണൂർ ഡിവൈഎസ്പി പി.പി. സദാനന്ദൻ, കണ്ണൂർ സിറ്റി സിഐ പ്രദീപൻ കണ്ണിപൊയിൽ, ടൗൺ സിഐ ടി.കെ.രത്നകുമാർ, എസ്ഐമാർ, എഎസ്ഐമാർ, എസ്പിയുടെ സ്പെഷൽ സ്ക്വാഡ് എന്നിവരുടെ നേതൃത്വത്തിൽ 28 പേരടങ്ങുന്ന സംഘമാണ് അന്വേഷണത്തിന് ചുക്കാൻ പിടിക്കുന്നത്. അന്വേഷണ സംഘത്തെ പല സ്ക്വാഡുകളായി തിരിച്ച്…
Read Moreലീവില്ല, ശമ്പളം കൃത്യമല്ല, പെരുമാറ്റം മാന്യമല്ല; പെട്രോൾ പമ്പ്-ഗ്യാസ് തൊഴിലാളികൾ പണിമുടക്കിലേക്ക്
കണ്ണൂർ: വിവിധ ആവശ്യങ്ങൾ ഉന്നയിച്ച് പെട്രോൾ പന്പ്-ഗ്യാസ് തൊഴിലാളികൾ പണിമുടക്കിലേക്കു നീങ്ങുമെന്ന് കണ്ണൂർ ഡിസ്ട്രിക്ട് ഫ്യൂയൽ എംപ്ലോയീസ് യൂണിയൻ (സിഐടിയു) ജില്ലാകമ്മിറ്റി. ഗവൺമെന്റ് പ്രഖ്യാപിച്ച ലീവുകളൊന്നും ഉടമകൾ തൊഴിലാളികൾക്ക് അനുവദിക്കുന്നില്ല. ഇഎസ്ഐ, പിഎഫ് നടപ്പിലാക്കുന്നില്ല. മാസ ശന്പളം മാസത്തിന്റെ ആദ്യ ആഴ്ച നൽകുന്നില്ലെന്നും തൊഴിലാളികളോട് മാന്യമായി പെരുമാറുന്നില്ലെന്നും യൂണിയൻ ആരോപിച്ചു. ഇതുസംബന്ധിച്ച് ലേബർ ഓഫീസർക്ക് പരാതി നൽകിയെങ്കിലും ഇതേവരെ ഒരു നടപടിയും എടുത്തിട്ടില്ല. ഇന്ന് തൊഴിലാളികൾക്കു ലഭിക്കുന്ന കൂലി 320 രൂപയാണ്. അതു തന്നെ കൃത്യമായി നൽകാത്ത ഉടമകളുണ്ടെന്നും യൂണിയൻ പറയുന്നു. യോഗത്തിൽ കെ.വി. രാമചന്ദ്രൻ അധ്യക്ഷത വഹിച്ചു. ജനറൽ സെക്രട്ടറി എ. പ്രേമരാജൻ റിപ്പോർട്ട് അവതരിപ്പിച്ചു. പി. ചന്ദ്രൻ, പി. പ്രകാശ്കുമാർ, എ.കെ. ഉമേഷ് ബാബു, ടി. സുരേന്ദ്രൻ എന്നിവർ പ്രസംഗിച്ചു.
Read Moreകൂത്തുപറമ്പ് മണ്ഡലത്തിൽ സിപിഎം നടത്തുന്ന സർവേക്ക് ഗൂഢലക്ഷ്യങ്ങളെന്ന് മുസ്ലിംലീഗ്
പാനൂർ: കൂത്തുപറമ്പ് മണ്ഡലത്തിന്റെ പല ഭാഗങ്ങളിലും സർവേ എന്ന പേരിൽ സിപിഎം പ്രവർത്തകർ വീടുകൾ കയറി വ്യക്തിഗത വിവരങ്ങൾ ശേഖരിക്കുകയാണ്. തദേശസ്വയം ഭരണ സ്ഥാപനത്തിൽ നിന്നും വില്ലേജ് ഓഫീസിൽ നിന്നുമുള്ള ഉദ്യോഗസ്ഥരാണെന്നു തെറ്റിദ്ധരിപ്പിച്ചാണു സർവേ നടത്തുന്നത്. ഇത്തരം വിവരശേഖരണം പ്രതിഷേധാർഹമാണെന്നും സർക്കാർ ഉദ്യോഗസ്ഥർ നടത്തേണ്ട സർവേ പാർട്ടി നടത്തുന്നതിൽ ചില ഗൂഢലക്ഷ്യങ്ങൾ ഉള്ളതായും മുസ്ലിംലീഗ് കൂത്തുപറമ്പ് മണ്ഡലം പ്രസിഡന്റ് പൊട്ടങ്കണ്ടി അബ്ദുള്ളയും ജനറൽ സെക്രട്ടറി വി. നാസറും പറഞ്ഞു. പാർട്ടി പ്രാദേശിക നേതാക്കളുടെ നേതൃത്വത്തിൽ വീടുകളിൽ കയറി സർവേ നടത്തുന്നവർ വീട്ടുകാരുടെ മൊബൈൽ നമ്പർ, വിദേശത്തുള്ളവർ, ക്ഷേമ പെൻഷൻ വാങ്ങുന്നവർ, മെരിറ്റൽ സ്റ്റാറ്റസ്, വോട്ട് ചേർക്കൽ സംബന്ധമായ വിവരങ്ങൾ ശേഖരിക്കുന്നതായും നേതാക്കൾ ആരോപിച്ചു. അനധികൃതമായി സിപിഎം നടത്തുന്ന ഈ സർവേക്കെതിരേ നിയമനടപടിക്ക് ഒരുങ്ങുകയാണ് മണ്ഡലം ലീഗ് കമ്മിറ്റി.
Read More