പാനൂർ: പൊതുസ്ഥലത്ത് മദ്യപിച്ച് ബഹളം വെച്ചതിന് പോലീസ് പിടികൂടിയ പ്രതി സ്റ്റേഷനിൽ അക്രമാസക്തനായി. സ്റ്റേഷനിലെ ഗ്ലാസുകൾ തകർത്തു. പാറാട് ടൗണിൽ മദ്യപിച്ച് ബഹളം വയ്ക്കുകയും വാഹനങ്ങളും തടയുകയും ചെയ്തതിനെ തുടർന്ന് പാറാട്ടെ പടിഞ്ഞാറെ പൊന്നത്ത് അഭിലാഷിനെ(22) യാണ് കൊളവല്ലൂർ പോലീസ് കസ്റ്റഡിയിൽ എടുത്തത്. അഭിലാഷിനെ ജാമ്യത്തിലെടുക്കാനെത്തിയ ബന്ധുക്കളുടെ മുന്നിൽ വെച്ചാണ് സ്റ്റേഷനിലെ ഗ്ലാസുകൾ മദ്യലഹരിയിൽ അടിച്ചു തകർത്തത്.അക്രമത്തിനിടയിൽ ഗ്ലാസ് കൊണ്ട് അഭിലാഷിന്റെ കൈയുടെ ഞരമ്പ് മുറിയുകയും ഗുരുതരമായി പരിക്കേൽക്കുകയും ചെയ്തു. പരിക്കേറ്റ ഇയാളെ കൊളവല്ലൂർ പോലീസ് തലശേരി സഹകരണാശുപത്രിയിൽ പ്രവേശിപ്പിച്ചു. കൈയുടെ ഞരമ്പ് മുറിഞ്ഞതിനെ ഉടൻ ഇയാളെ ശസ്ത്രക്രിയയ്ക്ക് വിധേയനാക്കി. പൊതുമുതൽ നശിപ്പിച്ചതിനും മദ്യപിച്ച് പൊതുസ്ഥലത്ത് ബഹളം വെച്ചതിനും അഭിലാഷിനെതിരെ കൊളവല്ലൂർ പോലിസ് കേസെടുത്തു.
Read MoreCategory: Kannur
കേരളത്തിൽ കുറ്റകൃത്യം; വിദേശത്ത് സുഖവാസം; വിദേശത്തു കഴിയുന്ന കുറ്റവാളികളെ തിരികെയെത്തിക്കാൻ പോലീസിന്റെ ആക്ഷൻ പ്ലാൻ; അഞ്ച് ജില്ലകളിലെ പോലീസ് ഉദ്യോഗസ്ഥർക്ക് പ്രത്യേക പരിശീലനം
നവാസ് മേത്തര് തലശേരി: വടക്കന് കേരളത്തിലെ അഞ്ച് ജില്ലകളില് നിന്നും കുറ്റകൃത്യങ്ങളില് ഏര്പ്പെട്ട ശേഷം വിദേശ രാജ്യങ്ങളിലേക്ക് കടന്ന കുറ്റവാളികളെ അതാത് രാജ്യങ്ങളില് നിന്ന് പിടികൂടാന് സൂപ്പര് ആക്ഷന് പ്രോഗ്രാമുമായി പോലീസ് രംഗത്ത്. നോര്ത്ത് സോണ് ഐജി മഹിപാല് യാദവിന്റെ നേതൃത്വത്തില് കോഴിക്കോട്, കോഴിക്കോട് റൂറല്, കണ്ണൂര്, കാസര്ഗോഡ്, വയനാട് എന്നീ പോലീസ് ജില്ലകളിലെ എസ്ഐ മുതല് ഡിവൈഎസ്പിവരെയുള്ള ഉദ്യോഗസ്ഥര്ക്ക് ഇത് സംബന്ധിച്ച വിദഗ്ധ പരിശീലനം കഴിഞ്ഞ ചൊവ്വാഴ്ച പോലീസ് ആസ്ഥാനത്ത് നല്കി. ഐജി എസ്.ശ്രീജിത്തിന്റെ നേതൃത്വത്തിലുള്ള ഉന്നത പോലീസ് സംഘമാണ് പരിശീലനം നല്കിട്ടുള്ളത്. കേസില് ഉള്പ്പെട്ട ശേഷം പ്രതികള് വിദേശത്തേക്ക് കടന്നതിനെ തുടര്ന്ന് നിരവധി കേസുകള് കെട്ടിക്കിടക്കുന്ന സാഹചര്യം വിലയിരുത്തിയാണ് പുതിയ നീക്കവുമായി പോലീസ് രംഗത്തെത്തിയിട്ടുള്ളത്.കുറ്റകൃത്യത്തിലേര്പ്പെട്ട ശേഷം വിദേശ രാജ്യങ്ങളില് സുഖമായി കഴിയുന്ന എല്ലാ പ്രതികളേയും രാജ്യത്തേക്ക് മടക്കി കൊണ്ടു വന്ന് നിയമത്തിനു മുന്നില് ഹാജരാക്കാനുള്ള…
Read Moreകണ്ണൂരിൽ മാധ്യമപ്രവർത്തകനെയും ഭാര്യയെയും കെട്ടിയിട്ട് കവർച്ച; കള്ളൻമാർ എത്തിയത് ആന്ധ്രയിൽ നിന്ന്; എത്തിയത് ഇൻഡിക്ക കാറിൽ
കണ്ണൂർ: മാതൃഭൂമി കണ്ണൂർ യൂണിറ്റിലെ ന്യൂസ്എഡിറ്റർ കെ.വിനോദ്ചന്ദ്രനെയും ഭാര്യയെയും കെട്ടിയിട്ട് കവർച്ച നടത്തിയ സംഘം എത്തിയത് ആന്ധ്രപ്രദേശിലെ തിരുട്ടുഗ്രാമത്തിൽ നിന്നുള്ള സംഘമെന്ന് സൂചന. കവർച്ച നടത്തിയ രീതിയും ഇവർ സംസാരിച്ച ഹിന്ദിയും ഇംഗ്ലീഷും കലർന്ന ഭാഷയും അടിസ്ഥാനമാക്കിയാണ് പോലീസിന്റെ പ്രാഥമിക നിഗമനം. ആന്ധ്രപ്രദേശിലെ ശ്രീറാംപൂറിലെ തിരുട്ടുസംഘത്തെപ്പറ്റിയാണു പ്രധാനമായും പോലീസ് അന്വേഷിക്കുന്നത്. കണ്ണൂർ ഡിവൈഎസ്പി പി.പി. സദാനന്ദൻ, സിറ്റി സിഐ പ്രദീപൻ കണ്ണിപ്പൊയിൽ എന്നിവരുടെ നേതൃത്വത്തിലുള്ള പോലീസ് സംഘത്തിനാണ് അന്വേഷണച്ചുമതല. ഇന്നു പുലർച്ചെ 5.30 ഓടെ ഡിവൈഎസ്പിയുടെ നേതൃത്വത്തിലെ സംഘം കവർച്ച നടന്ന വീടും പരിസരവും പരിശോധന നടത്തി. പ്രദേശത്തെ നിരീക്ഷണ കാമറകളും പരിശോധിക്കുന്നുണ്ട്. തൊട്ടടുത്ത വീട്ടിലും കവർച്ചാശ്രമം ഉണ്ടായതായി പോലീസ് പറഞ്ഞു. മാത്രമല്ല സമീപവാസികളോടും വിവരങ്ങൾ ശേഖരിച്ചിട്ടുണ്ട്. കവർച്ച നടത്തിയശേഷം ഇൻഡിക്ക കാറിലാണു മോഷ്ടാക്കൾ രക്ഷപ്പെട്ടതെന്നു പോലീസിനു തെളിവുലഭിച്ചു. കവർച്ചാസംഘം ജില്ല വിട്ടു പുറത്തേക്കു പോകാതിരിക്കാൻ റെയിൽവേ…
Read Moreഎയർപോർട്ടിലേക്ക് ജോലി വാഗ്ദാനം നൽകി തട്ടിപ്പ്: കൊല്ലം സ്വദേശി അറസ്റ്റിൽ
കണ്ണൂർ: എയർപോർട്ടുകളിലേക്കു ജോലി വാഗ്ദാനം ചെയ്തു പത്രങ്ങളിൽ പരസ്യംനൽകി ഉദ്യോഗാർഥികളെ കബളിപ്പിച്ചെന്ന പരാതിയിൽ ഒരാൾ അറസ്റ്റിൽ. പള്ളിക്കുന്ന് പന്നേൻപാറ റോഡിലെ ഇക്കന്പൂസ് എഡ്യുക്കേഷണൽ റിസേർച്ച് ഫൗണ്ടേഷൻ സിഇഒ കൊല്ലം സ്വദേശി വിശാഖിനെ (28) യാണ് കണ്ണൂർ ടൗൺ പോലീസ് അറസ്റ്റുചെയ്തത്. ഇന്നലെ രാവിലെ സ്ഥാപനത്തിൽ ഇന്റർവ്യൂ നടത്തുന്നതിനിടെയാണ് ഇയാളെ പോലീസ് കസ്റ്റഡിയിലെടുത്തത്. തുടർന്ന് ഉദ്യോഗാർഥിയായ വടകര സ്വദേശി സോണിയയുടെ പരാതിപ്രകാരം ഇയാളുടെ അറസ്റ്റ് രേഖപ്പെടുത്തുകയായിരുന്നു.കണ്ണൂർ ഉൾപ്പെടെയുള്ള വിവിധ എയർപോർട്ടുകളിലെ നിയമനത്തിന് ഇന്റർവ്യൂ നടത്തുന്നുവെന്ന പരസ്യം കണ്ടാണ് കൊല്ലം, കോട്ടയം, മലപ്പുറം, കോഴിക്കോട്, വടകര എന്നിവിടങ്ങളിൽ നിന്നായി അന്പതോളം ഉദ്യോഗാർഥികൾ ഇന്നലെ രാവിലെ ഒൻപതോടെ സ്ഥാപനത്തിൽ എത്തിയത്. ഒരാളിൽ നിന്ന് 3500 രൂപയാണ് ഫീസ് ഈടാക്കിയിരുന്നത്. ഇവർക്ക് ഒരു ദിവസത്തെ പരിശീലനം നൽകുകയും ബാക്കി കാര്യങ്ങൾ വീട്ടിൽനിന്ന് പഠിച്ചാൽ മതിയെന്ന് പറയുകയുമായിരുന്നു. ജോലിക്കു വേണ്ടിയുള്ള ഇന്റർവ്യൂവിന് എത്തിയവരോട് ഒരു…
Read Moreപിണറായി കൂട്ടക്കൊല: കുറ്റപത്രങ്ങള് കോടതി മടക്കിയ സംഭവത്തില് ആഭ്യന്തര വകുപ്പ് റിപ്പോര്ട്ട് തേടി
തലശേരി: പിണറായി കൂട്ടക്കൊല കേസിലെ കുറ്റപത്രങ്ങള് കോടതി മടക്കിയ സംഭവത്തില് ആഭ്യന്തര വകുപ്പ് റിപ്പോര്ട്ട് തേടി. പിണറായി പടന്നക്കരയിലെ കല്ലട്ടി വണ്ണത്താന് വീട്ടില് കുഞ്ഞിക്കണ്ണന്, ഭാര്യ കമല, പേരക്കുട്ടി ഐശ്വര്യ കിഷോര് എന്നിവരെ കൊലപ്പെടുത്തിയ കേസിന്റെ കുറ്റപത്രങ്ങള് തലശേരി ജുഡീഷല് ഫസ്റ്റ്ക്ലാസ് മജിസ്ട്രേറ്റ് കോടതി മടക്കിയ സംഭവത്തെക്കുറിച്ചാണ് ആഭ്യന്തര വകുപ്പ് ബന്ധപ്പെട്ടവരില് നിന്നും റിപ്പോര്ട്ട് തേടിയിട്ടുള്ളത്. മുഖ്യമന്ത്രി നേരിട്ട് ഇടപെട്ട കേസില് വേണ്ടത്ര ജാഗ്രത പുലര്ത്താതെ മൂന്ന് കുറ്റപത്രങ്ങളും മടങ്ങാനുള്ള സാഹചര്യമുണ്ടായതില് ആഭ്യന്തര വകുപ്പ് അതൃപ്തി പ്രകടിപ്പിച്ചതായിട്ടാണ് അറിയുന്നത്. സംസ്ഥാനതലത്തില് ഏറെ ശ്രദ്ധിക്കപ്പെട്ട കൂട്ടക്കൊലക്കേസിലെ പ്രതി വനിതാ ജയിലില് തൂങ്ങി മരിക്കുകയും കേസിലെ കുറ്റപത്രങ്ങൾ കോടതി മടക്കുകയും ചെയ്തത് ആഭ്യന്തര വകുപ്പിന് നാണക്കേടുണ്ടാക്കിയതായി സംസ്ഥാന പോലീസ് ചീഫിനെ ബന്ധപ്പെട്ടവര് അറിയിച്ചിട്ടുണ്ട്. കുറ്റപത്രം മടങ്ങാനിടയാക്കിയ നിയമപരമായ സാഹചര്യങ്ങളെ കുറിച്ച് ഡിജിപി ലോക്നാഥ് ബഹ്റ പ്രോസിക്യൂഷനുമായി ടെലഫോണില് സംസാരിക്കുകയും ചെയ്തിട്ടുണ്ട്.ഇതിനടിയില്…
Read Moreഇരിട്ടി ലീഗ് ഓഫീസ് കെട്ടിടത്തിൽ നിന്ന് ബോംബുകളും ആയുധങ്ങളും പിടിച്ചെടുത്ത സംഭവം: മുസ്ലിം ലീഗ് പ്രാദേശിക നേതാക്കൾ അറസ്റ്റിൽ
കണ്ണൂർ: ഇരിട്ടിയിൽ മുസ്ലിം ലീഗ് പ്രാദേശിക ഓഫീസിൽ നിന്നും ബോംബുകളും ആയുധങ്ങളും പിടിച്ചെടുത്ത സംഭവത്തിൽ പ്രാദേശിക നേതാക്കളെ പോലീസ് അറസ്റ്റ് ചെയ്തു. ഇരിട്ടി ടൗണ് കമ്മിറ്റി പ്രസിഡന്റ് പി.വി.നൗഷാദ്, സെക്രട്ടറി പി.സക്കറിയ, ജോയിന്റ് സെക്രട്ടറി എം.കെ.ഷറഫുദ്ദീൻ, വൈസ് പ്രസിഡന്റ് കെ.മുഹമ്മദ് എന്നിവരാണ് അറസ്റ്റിലായത്. കഴിഞ്ഞ ദിവസം പോലീസ് ഇവരെ ചോദ്യം ചെയ്തിരുന്നു. ഇതിന് പിന്നാലെയാണ് അറസ്റ്റുണ്ടായിരിക്കുന്നത്. ലീഗ് ഓഫീസിലെ മിനിട്സ് ബുക്ക് ഉള്പ്പെടെയുള്ള രേഖകൾ പോലീസ് കഴിഞ്ഞ ദിവസം പരിശോധിച്ചിരുന്നു. ബോംബ് സ്ഫോടനത്തില് പങ്കില്ലെന്നും ലീഗ് ഓഫീസിലല്ല സ്ഫോടനം നടന്നതെന്നും സ്ഫോടനത്തിനുശേഷം പോലീസ് ഗോവണിപ്പടിയില് നിന്നും മറ്റുമായി കണ്ടെത്തിയ ബോംബുകളും ആയുധങ്ങളും മറ്റാരോ കൊണ്ടുവച്ചതാണെന്നുമാണ് ലീഗ് നേതാക്കളുടെ മൊഴി. സ്ഫോടനം നടന്ന പ്രദേശത്തെ സിസിടിവി ദൃശ്യങ്ങളും പോലീസ് പരിശോധിച്ചിരുന്നു. ഇരിട്ടി ഡിവൈഎസ്പി പ്രജീഷ് തോട്ടത്തിലിന്റെ നേതൃത്വത്തില് സിഐ രാജീവന് വലിയവളപ്പിലാണ് കേസ് അന്വേഷിക്കുന്നത്. അറസ്റ്റിലായ നേതാക്കളെ പോലീസ്…
Read Moreരാത്രിയിൽ വീട്ടിലേക്ക് നടന്നുപോകുകയായിരുന്ന യുവാവിന്റെ സ്വർണമാല കവർന്ന നാലംഗസംഘം അറസ്റ്റിൽ
കണ്ണൂർ: അർധരാത്രിയിൽ ട്രെയിൻ ഇറങ്ങി വീട്ടിലേക്കു പോവുകയായിരുന്ന കേളകം സ്വദേശിയുടെ മൂന്നരപ്പവന്റെ മാല കവർന്ന കേസിൽ നാലുപേർ അറസ്റ്റിൽ. ചാലാട് ജയന്തി അപ്പാർട്ട്മെന്റിൽ താമസിക്കുന്ന കേളകം ചെട്ടിയാപ്പറന്പ് കാർത്തികയിലെ മഹേഷ് എം. നായരുടെ (28) മൂന്നരപ്പവൻ സ്വർണമാല കവർന്ന കേസിൽ കാഞ്ഞിരോട് സ്വദേശി ജുനൈസ് (29), ഏച്ചൂർ കമാൽപീടികയിലെ ടിഷാദ് (23), കുടുക്കിമെട്ട ഹാജിമൊട്ടയിലെ ഇർഷാദ് (25), കാഞ്ഞിരോട് പുറവൂരിലെ അബ്ദുൾ നസീർ (34) എന്നിവരെയാണു അറസ്റ്റ് ചെയ്തത്. ടൗൺ ഇൻസ്പെക്ടർ ടി.കെ. രത്നകുമാറിനു ലഭിച്ച വിവരത്തിന്റെ അടിസ്ഥാനതത്തിൽ ടൗൺ എസ്ഐ ശ്രീജിത്ത് കൊടേരിയുടെ നേതൃത്വത്തിലുള്ള പോലീസ് സംഘമാണ് ഇവരെ അറസ്റ്റ് ചെയ്തത്. 28ന് രാത്രി 11.30 ഓടെയാണ് കേസിനാസ്പദമായ സംഭവം. ട്രെയിൻ ഇറങ്ങി ചാലാട്ടെ അപ്പാർട്ട്മെന്റിലേക്കു പോകുന്നവഴിയാണ് മഹേഷിന്റെ മാല കവർന്നത്.
Read Moreഇരിട്ടി ലീഗ് ഓഫീസിലെ സ്ഫോടനം; ഉന്നത നേതാക്കളെ ചോദ്യം ചെയ്തു ; പ്രതികളെ ഉടൻ അറസ്റ്റുചെയ്യണമെന്ന് സിപിഎം
ഇരിട്ടി: ഇരിട്ടി ലീഗ് ഓഫീസ് ഓഫീസ് കെട്ടിടത്തിലുണ്ടായ ബോംബ് സ്ഫോടനം സംബന്ധിച്ച അന്വേഷണം ഊര്ജിതം. ലീഗ് ഉന്നത നേതാക്കള് ഉള്പ്പെടെയുള്ളവരെ പോലീസ് ചോദ്യം ചെയ്തു. ലീഗ് ഓഫീസിലെ മിനിട്സ് ബുക്ക് ഉള്പെടെയുളള രേഖകളും പോലീസ് പരിശോധിച്ചു. ഇരിട്ടി ഡിവൈഎസ്പി പ്രജീഷ് തോട്ടത്തിലിന്റെ നേതൃത്വത്തില് സിഐ രാജീവന് വലിയവളപ്പിലാണ് കേസ് അന്വേഷിക്കുന്നത്. ബോംബ് സ്ഫോടനത്തില് പങ്കില്ലെന്നും ലീഗ് ഓഫീസിലല്ല സ്ഫോടനം നടന്നതെന്നും സ്ഫോടനത്തിന് ശേഷം പോലീസ് ഗോവിണിപ്പടിയില് നിന്നും മറ്റുമായി കണ്ടെത്തിയ ബോംബുകളും ആയുധങ്ങളും മറ്റാരോ കൊണ്ടുവച്ചതാണെന്നുമാണ് ലീഗ് നേതാക്കളുടെ മൊഴി. സമീപത്തെ കെട്ടിടങ്ങളിലെ സിസിടിവി ദൃശ്യങ്ങളും പോലീസ് പരിശോധിച്ചിട്ടുണ്ട്. സംഭവം ഒരാഴ്ച കഴിഞ്ഞിട്ടും പ്രതികളെ പിടികൂടാത്തതില് നാടിന് കടുത്ത ഉത്കണ്ഠയും ആശങ്കയുമുണ്ടെന്ന് സിപിഎം ഇരിട്ടി ഏരിയാ കമ്മിറ്റി പ്രസ്താവിച്ചു. കള്ളക്കേസ് ചുമത്തുന്നു എന്ന മട്ടില് ചില നേതാക്കള് നടത്തുന്ന പ്രചാരണം ആടിനെ പട്ടിയാക്കലാണ്. ലീഗില് മിതവാദികളും അക്രമത്തിന്…
Read Moreഹണിട്രാപ്പ് കേസ്; ചികിത്സയിലിരിക്കെ രക്ഷപ്പെട്ട കുറുമാത്തൂർ സ്വദേശിക്കായി റൂബൈസിനുവേണ്ടിയുള്ള അന്വേഷണം ഊർജിതമാക്കി
തളിപ്പറമ്പ്: ചികിത്സയിലിരിക്കെ രക്ഷപ്പെട്ട ഹണിട്രാപ്പ് കേസിലെ മുഖ്യപ്രതി കുറുമാത്തൂര് ചൊറുക്കള റഹ്മത്ത് മന്സിസിലെ കൊടിയില് റൂബൈസ്(22) നെ കണ്ടെത്താൻ പോലീസ് അന്വേഷണം ഊർജിതമാക്കി. ഇയാൾ പോകാനിടയുള്ള കാസർഗോഡ്, മംഗലാപുരം, മലപ്പുറം എന്നിവിടങ്ങളിലെ പോലീസിന് തളിപ്പറമ്പ് ഡിവൈഎസ്പി വിവരം നൽകിയിട്ടുണ്ട്. ഇന്നലെ രാത്രി 9.50നാണ് പോലീസിന്റെ കണ്ണുവെട്ടിച്ച് ഇയാൾ രക്ഷപ്പെട്ടത്. രക്താര്ബുദ രോഗിയായ റുബൈസിനെ മൂന്ന് ദിവസം മുമ്പാണ് കണ്ണൂര് സ്പെഷല് സബ് ജയിലില് റിമാന്ഡില് കഴിയവെ രക്തം ഛര്ദ്ദിച്ചതിനെ തുടര്ന്ന് മെഡിക്കല് കോളജിലേക്ക് മാറ്റിയത്. നേരത്തെ ലൂക്കിമിയ ബാധിച്ച റുബൈസ് സ്വകാര്യ ആശുപത്രിയിലെ ചികില്സയിലൂടെ രോഗവിമുക്തനായിരുന്നു. കഴിഞ്ഞമാസം 20നാണ് ഇയാള് പോലീസിന്റെ പിടിയിലായത്. കഴിഞ്ഞ ഏപ്രില് മൂന്നിന് ഏഴാംമൈലിലെ റിഫായി മസ്ജിദില് നിസ്ക്കാരത്തിനെത്തിയ ചെറുകുന്നോന് ഹൗസില് ഷബീറിന്റെ ഹോണ്ട ആക്ടീവ സ്കൂട്ടര് മോഷ്ടിച്ച കേസിലായിരുന്നു അറസ്റ്റ്. പിന്നീട് പോലീസ് നടത്തിയ അന്വേഷണത്തിലാണ് ഇയാളുടെ നേതൃത്വത്തില് നടന്ന ഹണിട്രാപ്പും…
Read Moreഗ്രാമപഞ്ചായത്തംഗത്തെ ആക്രമിച്ച കേസിൽ അറസ്റ്റിലായ ഡിവൈഎഫ്ഐ നേതാവിനെ പ്രവർത്തകർ സ്റ്റേഷനിൽ നിന്ന് മോചിപ്പിച്ചു;പത്തുപേർക്കെതിരേ പോലീസ് കേസ്
കേളകം: ഗ്രാമപഞ്ചായത്തംഗത്തെ ആക്രമിച്ച കേസിൽ അറസ്റ്റിലായ ഡിവൈഎഫ്ഐ നേതാവിനെ പ്രവർത്തകർ പോലീസ് സ്റ്റേഷനിലെത്തി ബലമായി മോചിപ്പിച്ചു. ഡിവൈഎഫ്ഐ നേതാവ് ജോയൽ ജോബിനെയാണ് നേതാക്കളടക്കമുള്ള പ്രവർത്തകർ കേളകം സ്റ്റേഷനിലെത്തി മോചിപ്പിച്ചത്. അന്പായത്തോട് ക്ഷീരസംഘം തെരഞ്ഞെടുപ്പുദിവസം കൊട്ടിയൂർ ഗ്രാമപഞ്ചായത്തംഗം രാമൻ ഇടമനയെ ആക്രമിച്ച കേസിലെ ഒന്നാംപ്രതിയാണ് ജോയൽ ജോബ്. ദുരിതാശ്വാസ ക്യാന്പിലേക്ക് ഭക്ഷണം വാങ്ങാൻ പോയ രാമൻ ഇടമനയെ ജോയൽ ജോബ് അടക്കമുള്ള സിപിഎം പ്രവർത്തകർ ആക്രമിക്കുകയായിരുന്നു. കൈയ്ക്ക് ഗുരുതര പരിക്കേറ്റ ഇദ്ദേഹം തലശേരിയിലെ സ്വകാര്യ ആശുപത്രിയിൽ ചികിത്സയിലായിരുന്നു. ഇന്നുപുലർച്ചെ അഞ്ചോടെ ചുങ്കക്കുന്നിലുള്ള വീടു വളഞ്ഞാണ് ജോയലിനെ കേളകം പോലീസ് പിടികൂടിയത്. തുടർന്ന് സ്റ്റേഷനിലെത്തിച്ച പ്രതിയെ ഡിവൈഎഫ്്ഐ നേതാക്കളടക്കമുള്ളവരെത്തി ബലമായി മോചിപ്പിക്കുകയായിരുന്നു. സംഭവത്തിൽ 10 പേർക്കെതിരേ കേസെടുത്തതായി പോലീസ് പറഞ്ഞു.
Read More