കൊച്ചി: ഇ കൊമേഴ്സ് വിപണന പ്ലാറ്റ്ഫോമായ ഫ്ളിപ്കാർട്ടിന്റെ ഫ്ളാഗ്ഷിപ് പരിപാടിയായ ’ദ ബിഗ് ബില്യണ് ഡേയ്സ് വീണ്ടുമെത്തുന്നു. 29 മുതൽ ഒക്ടോബർ നാലു വരെയാണ് ബിഗ് ബില്യണ് ഡേയ്സ് വിപണനമേള. 29ന് അർധരാത്രി മുതലാണു സീസണ് ആരംഭിക്കുന്നതെങ്കിലും ഫ്ളിപ്കാർട്ട് പ്ലസ് ഉപയോക്താക്കൾക്കു നാലു മണിക്കൂർ മുന്പു തന്നെ ഓഫറുകൾ കാണാനാകും. ഉപയോക്താക്കൾക്കു ഷോപ്പിംഗ് ആയാസരഹിതമാക്കുന്നതിന് ആക്സിസ്, ഐസിഐസിഐ ബാങ്കുകളുമായി ഫ്ളിപ്കാർട്ട് ധാരണയായിട്ടുണ്ട്. ഫാഷൻ, ടിവി, അപ്ലയൻസസ്, വീട്ടുപകരണങ്ങൾ, ഫർണീച്ചറുകൾ, ബ്യൂട്ടി, സ്പോർട്സ്, കളിപ്പാട്ടങ്ങൾ, പുസ്തകങ്ങൾ, സ്മാർട്ട് ഡിവൈസുകൾ, പേഴ്സണൽ കെയർ അപ്ലയൻസസ്, ട്രാവൽ തുടങ്ങിയ വിഭാഗത്തിലുള്ള ഉത്പന്നങ്ങൾ 29 നും മൊബൈൽ ഫോണുകൾ, ഇലക്ട്രോണിക് ഉപകരണങ്ങൾ എന്നിവ 30നും വിപണനം ആരംഭിക്കും. ബിഗ് ബില്യണ് ഡേയ്സിനോടനുബന്ധിച്ചു കൂടുതൽ പിൻ കോഡുകളിൽ ഉത്പന്നങ്ങൾ ലഭ്യമാകും. ഉപകരണങ്ങൾക്ക് ഇൻഷ്വറൻസ് പരിരക്ഷ വാങ്ങാനാവുന്ന അവസരവും ഒരുക്കിയിട്ടുണ്ട്. 200 വിഭാഗങ്ങളിലായി പതിനായിരത്തിലധികം ഉത്പന്നങ്ങളാണു…
Read MoreCategory: Kochi
പ്രളയക്കെടുതിയിൽ സഹായമെത്തിച്ച യുവാവ് ബൈക്കപകടത്തിൽ മരിച്ചു; വയനാട് മേഖലയിലേക്ക് 10 ടണ് സാധനങ്ങളാണ് കഴിഞ്ഞ മാസം റിസ്വാനും സുഹൃത്തുക്കളും ചേർന്ന് എത്തിച്ചത്
വൈപ്പിൻ: ബൈക്കപകടത്തിൽ യുവാവ് മരിച്ചു. നായരന്പലം തയ്യെഴുത്തു വഴി കോച്ചാംപറന്പിൽ ഇക്ബാലിന്റെ മകൻ റിസ്വാനാ (24)ണ് മരിച്ചത്. അതിരപ്പിള്ളി റോഡിൽ ഇന്നലെയായിരുന്നു അപകടം. മൊബൈൽ ഫോണ് ടെക്നീഷ്യനായ റിസ്വാൻ പ്രളയക്കെടുതി അനുഭവിച്ചവർക്ക് സഹായവുമായി ദുരന്തമുഖത്ത് സജീവമായിരുന്നു. പ്രളയത്തിൽ തകർന്ന വയനാട് മേഖലയിലേക്ക് 10 ടണ് സാധനങ്ങളാണ് കഴിഞ്ഞ മാസം റിസ്വാനും സുഹൃത്തുക്കളും ചേർന്ന് എത്തിച്ചത്. റിസ്വാനും സുഹൃത്തുക്കളായ ജെറി, എബി, ഇമ്മാനുവൽ, അബിൻ, അർജുൻ ബാബു, സൽമാൻ, സഫ്വാൻ, ടോണി ജോഷ്, ജനിഫർ എന്നിവരുൾപ്പെടുന്ന സൗഹൃദക്കൂട്ടായ്മ എടവനക്കാട് യൂണിയൻ ബാങ്കിന്റെ പരിസരത്ത് തന്പടിച്ച് പലരിൽ നിന്നായി ശേഖരിച്ച സാധനങ്ങൾ ലോറിയിൽ കയറ്റി വയനാട്ടിലെത്തിക്കുകയായിരുന്നു. അമ്മ: ഷാഹിദ, സഹോദരങ്ങൾ: റിയാസ്, റിസീൻ, റിനീഷ്.
Read Moreകാമറകള് കണ്ണ് പൊത്തി! രാത്രി കാലങ്ങളില് ഈ പ്രദേശത്ത് വെളിച്ചവുമില്ല; ജോളി നഴ്സറി റോഡില് വീണ്ടും മാലിന്യക്കൂമ്പാരം
അങ്കമാലി: അങ്കമാലിയിലെ പ്രധാന ഇടറോഡായ ജോളി നഴ്സറി റോഡിൽ സ്ഥാപിച്ചിരിക്കുന്ന കാമറകൾ പ്രവർത്തന രഹിതമായതോടെ പ്രദേശത്ത് വീണ്ടും മാലിന്യം കുമിഞ്ഞുകൂടുന്നു. ഹോട്ടലുകൾ, ബാർബർ ഷോപ്പ്, തുടങ്ങിയ സ്ഥലങ്ങളിൽ നിന്നുള്ള മാലിന്യങ്ങൾ ഇവിടെ നിരന്തരം നിക്ഷേപിച്ചതിനാൽ നഗരസഭ മുൻകൈയെടുത്ത് ആദ്യം കാവൽക്കാരെ നിർത്തുകയും പിന്നീട് കാമറ സ്ഥാപിക്കുകയും ചെയ്തിരുന്നു. തുടർന്നുള്ള ദിവസങ്ങളിൽ മാലിന്യം നിക്ഷേപിച്ചവർക്ക് നഗരസഭ കനത്ത പിഴ ചുമത്തിയിരുന്നു. അങ്കമാലിയിലെ പ്രശസ്ത വസ്ത്ര വ്യാപാര ശാലകൾക്ക് വരെ പിഴ ലഭിച്ചത് വാർത്തയായതിനാൽ മാലിന്യം നിക്ഷേപിക്കുന്നത് അവസാനിച്ചിരുന്നു. പിന്നീട് ചെറിയ തോതിൽ മാലിന്യം നിക്ഷേപിക്കുന്നത് ആരംഭിച്ചിരുന്നെങ്കിലും നഗരസഭയുടെ നേതൃത്വത്തിൽ കൃത്യമായി നീക്കം ചെയ്തിരുന്നു. എന്നാൽ ഇരുവശത്തും സ്ഥാപിച്ചിരിക്കുന്ന കാമറകൾ പ്രവർത്തന രഹിതമായതോടെയാണ് വീണ്ടും മാലിന്യ നിക്ഷേപം രൂക്ഷമായിരിക്കുന്നത്. ഇരുവശത്തും എട്ട് അടിയോളം ഉയരത്തിൽ മതിലുകൾ ഉള്ളതിനാലും രാത്രി കാലങ്ങളിൽ ഈ പ്രദേശത്ത് വെളിച്ചമില്ലാത്തതിനാലും മാലിന്യം നിക്ഷേപിക്കുവാൻ വരുന്നവർക്ക് ഏറ്റവും…
Read Moreമരടിൽ കൂടുതൽ പരിശോധനയ്ക്ക് ഒരുങ്ങി തീരദേശ പരിപാലന അഥോറിറ്റി; പൊളിച്ചുനീക്കാൻ ഉത്തരവിട്ടിരിക്കുന്നവയില് ഒരു പഞ്ചനക്ഷത്ര ഹോട്ടലും
മരട്: സുപ്രീംകോടതി വിധിയുമായി ബന്ധപ്പെട്ട് നടപടിക്രമങ്ങൾ പുരോഗമിക്കുമ്പോൾ തന്നെ മരട് പ്രദേശത്തെ മറ്റ് അനധികൃത നിർമാണങ്ങൾ കണ്ടെത്താനുള്ള പരിശോധനകളുമായി കേരളാ സംസ്ഥാന തീരദേശ പരിപാലന അഥോറിറ്റി (കെസിഇസെഡ്എംഎ ) അധികൃതർ മുന്നോട്ട്. പഞ്ചായത്ത് ആയിരുന്ന 2006 കാലഘട്ടം മുതലുള്ള നിർമാണ അനുമതികൾ സംബന്ധിച്ച രണ്ടായിരത്തോളം ഫയലുകളുടെ സൂഷ്മ പരിരോധനയുമായി ബന്ധപ്പെട്ട നടപടികളാണ് പുരോഗമിച്ചു വരുന്നത്. കേരളത്തിലെ പാരിസ്ഥിതിക പ്രാധാന്യമുള്ള പ്രദേശത്തെ അനധികൃത നിർമാണങ്ങൾ സംബന്ധിച്ച വിവരങ്ങൾ തയാറാക്കി നൽകാൻ കേന്ദ്ര വനം-പരിസ്ഥിതി മന്ത്രാലയത്തിന്റെ നിർദേശം ലഭിച്ചതിനെ തുടർന്നു തീരദേശ പരിപാലന അഥോറിറ്റി ജൂൺ മാസത്തിൽ ചേർന്ന 103-ാം മത് യോഗത്തിൽ സംസ്ഥാനത്ത് ചട്ടലംഘനങ്ങൾ കണ്ടെത്തിയ അൻപതോളം വൻകിട നിർമാണങ്ങളുടെ പട്ടിക തയാറാക്കിയിരുന്നു. ഇതിൽ 34 നിർമാണങ്ങൾ മരട് ഉൾപ്പെടുന്ന കൊച്ചി വേമ്പനാട്ടു കായലിന്റെ തീരങ്ങളാലുള്ളവയാണ്. പൊളിച്ചുനീക്കാൻ സുപ്രീംകോടതി ഉത്തരവിട്ടിരിക്കുന്ന മരടിലെ ഫ്ളാറ്റ് സമുച്ചയങ്ങളും കൂടാതെ ഒരു പഞ്ചനക്ഷത്ര…
Read Moreനാട്ടുകാർ ചോദിക്കുന്നു, ഇതൊന്നു റോഡാക്കാമോ? പ്രദേശത്ത് അപകടങ്ങൾ തുടർക്കഥ
കോതമംഗലം: നെല്ലിക്കുഴി-ചെറുവട്ടുർ റോഡ് സഞ്ചാരയോഗ്യമാക്കണമെന്ന ആവശ്യം ശക്തമാകുന്നു. ദിനംതോറും നൂറുകണക്കിന് ആളുകൾ യാത്ര ചെയ്യുന്ന റോഡാണ് അധികൃതരുടെ അനാസ്ഥ മൂലം മാസങ്ങളായി തകർന്ന് കിടക്കുന്നത്. കെഎസ്ആർടിസി അടക്കം എട്ട് ബസുകളും നിരവധി സ്കൂൾ ബസുകളും സർവീസ് നടത്തുന്ന റോഡിനാണ് ഈ ദുർഗതി. കുടിവള്ള വിതരണ പൈപ്പ് പൊട്ടിയതിനെത്തുടർന്നു നെല്ലിക്കുഴി മുതൽ സ്കൂൾപ്പടി വരെയുള്ള റോഡിന്റെ 750 മീറ്ററോളം തകർന്നു തരിപ്പണമായി കിടക്കുകയാണ്. മെറ്റലും മറ്റും ഇളകി റോഡിൽ വൻ കുഴി രൂപപ്പെട്ടതോടെ അപകട സാധ്യതയും വർധിച്ചിരിക്കുകയാണ്. ഗതാഗത യോഗ്യമല്ലാതായതോടെ നെല്ലിക്കുഴി ജംഗ്ഷനിലടക്കം ഗതാഗതക്കുരുക്കും വർധിച്ചിട്ടുണ്ട്. ഇരുചക്ര വാഹനങ്ങളും മറ്റും കുഴികളിൽ വീണ് അപകടത്തിൽപ്പെടുന്നത് നിത്യസംഭവമായിക്കുകയാണ്. റോഡ് നവീകരണത്തിന് 3.70 കോടി അനുവദിച്ചതായി പ്രഖ്യാപനമുണ്ടായെങ്കിലും നിർമാണം ഇതുവരെയും ആരംഭിച്ചിട്ടില്ല. തുക വകമാറ്റി ഉപയോഗിച്ചതായും നാട്ടുകാർ ആരോപിക്കുന്നു. റോഡ് സഞ്ചാരയോഗ്യമാക്കുന്നതിന് ആവശ്യമായ നടപടി സ്വീകരിക്കാത്ത പക്ഷം പ്രതിഷേധ പരിപാടികൾ ആവിഷ്കരിക്കുമെന്നു…
Read Moreമറ്റൂരിൽ മോഷണ ശ്രമത്തിനിടെ കുത്തേറ്റ് ചികിത്സയിലായിരുന്ന വയോധിക മരിച്ചു; സംഭവം നടന്നത് കഴിഞ്ഞ മാസം എട്ടിന് രാവിലെ 9.30 ന്
കാലടി: മറ്റൂരിൽ കവർച്ച ശ്രമത്തിനിടെ കുത്തേറ്റ് ചികിത്സയിലായിരുന്ന വയോധിക മരിച്ചു. മറ്റൂർ സ്വദേശി തുറവൂപാല ഓമന(68)ആണ് ഇന്ന് പുലർച്ചെ മരിച്ചത്. കേസുമായി ബന്ധപ്പെട്ട് കോതമംഗലം കുട്ടംന്പുഴ സ്വദേശി അന്പഴചാലിൽ ഷിബുവിനെ (44) കാലടി പോലീസ് അറസ്റ്റു ചെയ്തിരുന്നു. കഴിഞ്ഞ മാസം എട്ടിനാണ് രാവിലെ 9.30 ന് സംഭവം നടന്നത്. മറ്റൂരിലെ സ്വകാര്യ വിദ്യഭ്യാസ സ്ഥാപനത്തിലെ ഹോസ്റ്റൽ ജീവനക്കാരിയായ ഓമന ദിവസങ്ങളോളം സുഖമില്ലാതെ വീട്ടിൽ കഴിയുകയായിരുന്നു. അവിവാഹിതയായ ഓമനയെ ഇതേ സ്ഥാപനത്തിലെ ട്രീന്റ് മെന്റ് പ്ലാന്റിലെ ജീവനക്കാരനായ ഷിബു കാണാനെത്തിയപ്പോൾ വീട്ടിൽ ആരും ഉണ്ടായിരുന്നില്ല. ഈ തക്കത്തിൽ കഴുത്തിൽ കിടന്ന മാലയും കൈയിൽ കിടന്ന മൂന്നു വളകളും പിടിച്ചുപറിക്കുന്നതിനിടയിൽ, മോഷണം ശ്രമം തടഞ്ഞ ഓമനയെ കൈയിലിരുന്ന കത്തി കൊണ്ട് കുത്തി പരിക്കേൽപ്പിക്കുകയായിരുന്നു. ഗുരുതരമായി പരിക്കേറ്റ ഓമനയെ ശബ്ദം കേട്ട അയൽവാസികൾ ചേർന്ന് അങ്കമാലിയിലെ സ്വകാര്യ ആശുപത്രിയിൽ പ്രവേശിപ്പിക്കുകയായിരുന്നു. പിന്നീട്…
Read Moreസംഘാടകരുമായുള്ള പ്രശ്നങ്ങള്! പ്രീ സീസണ് ഉപേക്ഷിച്ച് ബ്ലാസ്റ്റേഴ്സ് തിരിച്ചെത്തി
കൊച്ചി: യുഎഇയിലെ പ്രീ സീസണ് പരിശീലനം അവസാനിപ്പിച്ച് കേരള ബ്ലാസ്റ്റേഴ്സ് താരങ്ങൾ കൊച്ചിയിൽ തിരിച്ചെത്തി. സംഘാടകരുമായുള്ള പ്രശ്നങ്ങളെ തുടർന്നാണ് യുഎഇ പര്യടനം ബ്ലാസ്റ്റേഴ്സ് അവസാനിപ്പിച്ചത്. ഇന്നലെ വൈകുന്നേരം എട്ടോടെ കൊച്ചി വിമാനത്താവളത്തിൽ തിരിച്ചെത്തിയ ടീമംഗങ്ങൾക്ക് ആരാധകർ സ്വീകരണം നൽകി. ഈ മാസം നാലിനാണ് ബ്ലാസ്റ്റേഴ്സ് യുഎഇയിൽ എത്തിയത്. ഒരു മത്സരം മാത്രമാണു ടീമിന് അവിടെ കളിക്കാനായത്. ദിബാ അൽ ഫുജൈയ്റ ക്ലബായിരുന്നു എതിരാളികൾ. പിന്നീട് സ്പോണ്സർമാരായ മിച്ചി സ്പോർട്സുമായി അഭിപ്രായ ഭിന്നത ഉണ്ടായതിനെ തുടർന്നാണ് ടീം നാട്ടിലേക്കു മടങ്ങിയത്. വാഗ്ദാനം ചെയ്ത സൗകര്യങ്ങൾ സ്പോണ്സർമാർ ടീമിന് നൽകിയില്ലെന്ന് ബ്ലാസ്റ്റേഴ്സ് മാനേജ്മെന്റ് പറഞ്ഞു. മുൻ നിശ്ചയിച്ച പ്രകാരം മൂന്ന് മത്സരങ്ങൾ കൂടി യുഎഇയിൽ ബ്ലാസ്റ്റേഴ്സ് കളിക്കേണ്ടതായിരുന്നു. യുഎഇയിൽ ചെന്ന് പത്ത് ദിവസം പോലും തികയും മുന്പാണ് ടീമിന് നാട്ടിലേക്ക് മടങ്ങേണ്ടി വന്നിട്ടുള്ളത്. ഇതോടെ വിദേശ ടീമുകളുമായി മത്സരിക്കാനുള്ള അവസരമാണ്…
Read Moreമണീട് സഹകരണ ബാങ്ക് തെരഞ്ഞെടുപ്പ് പ്രഖ്യാപിച്ചു! കോണ്ഗ്രസുകാര് തമ്മിലടി ആരംഭിച്ചു
പിറവം: മണീട് സഹകരണ ബാങ്ക് തെരഞ്ഞെടുപ്പ് പ്രഖ്യാപിച്ചതോടെ കോണ്ഗ്രസിൽ തമ്മിലടി ആരംഭിച്ചു. അഡ്മിനിസ്ട്രേറ്റർ ഭരണത്തിലിരിക്കുന്ന ബാങ്കിന്റെ തെരഞ്ഞെടുപ്പ് ഒക്ടോബർ ആറിനാണ് നടക്കുന്നത്. ജില്ലയിൽ വർഷങ്ങളായി കോണ്ഗ്രസ് ഭരണം നടത്തുന്ന സഹകരണ ബാങ്കാണ് മണീടിലേത്. അഴിമതി ആരോപണങ്ങളെ തുടർന്നാണ് ഏതാനും മാസം മുന്പ് അഡ്മിനിസ്ട്രേറ്റർ ഭരണം ഏർപ്പെടുത്തിയത്. ജില്ലാ ജോയിന്റ് രജിസ്ട്രാറാണ് ഇതു സംബന്ധിച്ച് അന്വേഷണം നടത്തിയത്. ലക്ഷങ്ങളുടെ ക്രമക്കേടുകൾ ഇവിടെ നടന്നിട്ടുണ്ടെന്ന് ഏറെക്കുറെ വ്യക്തമായിരുന്നു. നിരവധി വായ്പകൾ അനധികൃതമായി നൽകിയിരുന്നതായി കണ്ടെത്തിയിരുന്നു. കൂടാതെ ഒരു ഭൂമിയുടെ പേരിൽ പല വായ്പകളും കരസ്ഥമാക്കിയിരുന്നു. ബിനാമികളുടെ പേരിലും ലക്ഷങ്ങളുടെ വായ്പകളാണ് തിരിമറി നടത്തിയിരുന്നതെന്ന് സിപിഎം ആരോപിക്കുന്നു. ഇതു സംബന്ധിച്ച് ഒരു വിഭാഗം കോണ്ഗ്രസുകാർ തന്നെ നേതൃത്വത്തിന് പരാതി നൽകിയിരുന്നു. പ്രശ്നങ്ങൾ രൂക്ഷമായിരിക്കെ കഴിഞ്ഞ ദിവസം മണീടിൽ കോണ്ഗ്രസിന്റെ മണ്ഡലം കമ്മറ്റി യോഗം ചേർന്നിരുന്നു. ബാങ്ക് തെരഞ്ഞെടുപ്പിന് മുന്നോടിയായി ഒരു ഉപസമിതി…
Read Moreപാലത്തിന്റെയും അപ്രോച്ച് റോഡിന്റെയും പുനർനിർമാണം! നടുറോഡിൽ തെരുവോണ സദ്യ വിളന്പി ഐഎൻടിയുസി
വൈപ്പിൻ: നായരന്പലം പഞ്ചായത്തിലെ നെടുങ്ങാട് ദ്വീപിന്റെ തെക്കൻ മേഖലയിലേക്കുള്ള ഏകമാർഗമായ ഹെർബർട്ട് പാലത്തിന്റെയും അപ്രോച്ച് റോഡിന്റെയും പുനർ നിർമാണം സംബന്ധിച്ചുള്ള എംഎൽഎയുടെ വാഗ്ദാനലംഘനത്തിനെതിരേ ഉത്രാടനാളിൽ നടുറോഡിൽ ഓണസദ്യ വിളന്പി പ്രതിഷേധിച്ചു. ഐഎൻടിയുസി നായരന്പലം മണ്ഡലം കമ്മറ്റിയുടെ നേതൃത്വത്തിലായിരുന്നു ജനശ്രദ്ധ പിടിച്ചുപറ്റിയ ഈ പ്രതീകാത്മക പ്രതിഷേധം സംഘടിപ്പിച്ചത്. വലിയവാഹനങ്ങൾക്ക് സഞ്ചരിക്കാൻ പറ്റാത്തതും ബലക്ഷയം സംഭവിച്ചതുമായ പാലവും തകർന്ന് തരിപ്പണമായ റോഡും പുനർനിർമിക്കാൻ എംഎൽഎ കോടികളുടെ പദ്ധതി വാഗ്ദാനം ചെയ്യുന്നതല്ലാതെ മറ്റ് നടപടികൾ ഒന്നും തന്നെ ഇതുവരെ ഉണ്ടായിട്ടില്ലെന്നാണ് സമരം സംഘടിപിച്ചിച്ച ഐഎൻടിയുസി നേതൃത്വം ആരോപിക്കുന്നത്. ഈ സാഹചര്യത്തിലാണ് ഐഎൻടിയുസി സമരം സംഘടിപ്പിച്ചത്. പഞ്ചായത്ത് പ്രതിപക്ഷ നേതാവ് ജോബി വർഗീസ് സമരം ഉദ്ഘാടനം ചെയ്തു. ഐഎൻടിയുസി മണ്ഡലം പ്രസിഡന്റ് ശ്രീജിത്ത് സത്യൻ , ടിറ്റോ ആന്റണി, സെബാസ്റ്റ്യൻ മങ്കുഴി, വാർഡ് മെന്പർ ജെസി ഷിജു, കെ.കെ. ദിശി, കെ.കെ. സുമേഷ്,…
Read Moreഇനി ഇതിവിടെ വേണ്ട..! മൃതദേഹം എത്തിക്കാൻ വഴിയില്ല; വഴിമുടക്കി തോട് കൈയേറി നിർമിച്ച മതിൽ പൊളിച്ചു നീക്കി
ഉദയംപേരൂർ: ഒന്നാം വാർഡിൽ മാലികാടിൽ അടിമപ്പറമ്പ്-മാന്തി തോട് കൈയേറി സ്വകാര്യ വ്യക്തി നിർമിച്ച മതിൽ കോൺഗ്രസ് പ്രവർത്തകർ പൊളിച്ചു. തിങ്കളാഴ്ച തൃപ്പൂണിത്തുറയിൽ വൈക്കം റോഡിൽ ബസ് അപകടത്തിൽ മരിച്ച കൊത്തേത് മാധവന്റെ വീട്ടിലേക്കുള്ള വഴി അടച്ചു കെട്ടിയാണ് മതിൽ നിർമിച്ചിരുന്നത്. ഈ മതിൽ പൊളിച്ചു നീക്കാൻ ഉദയംപേരൂർ പഞ്ചായത്ത് കമ്മിറ്റി തീരുമാനിക്കുകയും കഴിഞ്ഞ ഏപ്രിൽ 20നു മുൻപായി പൊളിക്കാൻ നിർദേശവും നൽകിയിരുന്നു. മതിൽ പൊളിച്ചു നീക്കാൻ ശ്രമിക്കാത്ത പഞ്ചായത്ത് സെക്രട്ടറിക്കെതിരേ കോൺഗ്രസ് പരാതിയും നല്കിയിരുന്നു. കഴിഞ്ഞ തവണ കൂടിയ താലൂക് വികസന സമിതിയും പഞ്ചായത്ത് സെക്രട്ടറിക്കെതിരേ നടപടിയെടുക്കാൻ ജില്ലാ കളക്ടറോട് ശുപാർശ ചെയ്തിരുന്നു. ഇന്നലെ പോസ്റ്റുമോർട്ടം ചെയ്തു മാധവന്റെ മൃതദേഹം കൊണ്ടുവരുന്നതിനു മുൻപായി കോൺഗ്രസ് പ്രവർത്തകർ ചേർന്ന് മതിൽ പൊളിച്ചു നീക്കുകയായിരുന്നു. കൈയേറ്റം മുഴുവനായി പൊളിച്ചു നീക്കിയില്ലെങ്കിൽ പ്രത്യക്ഷ സമരവുമായി മുന്നോട്ടു പോവുമെന്ന് ഡിസിസി ജനറൽ സെക്രട്ടറി…
Read More