പെരുമ്പാവൂർ: എംസി റോഡിൽ ചേലാമറ്റം കാരിക്കോട് പമ്പിനു സമീപം ലോറിക്കു പിറകിൽ കാറിടിച്ച് കാറിലുണ്ടായിരുന്ന ഒരാൾ മരിച്ചു. മൂന്നു പേരെ ഗുരുതര പരിക്കുകളോടെ എറണാകുളം മെഡിക്കൽ ട്രസ്റ്റിൽ പ്രവേശിപ്പിച്ചു. കാലടി മെട്രോ ഗ്രൂപ്പ് ഉടമ ഇട്ടിയാട്ടുകര കോയയുടെ മകൻ ആദിൽ (24) ആണ് മരിച്ചത്. കൂടെ ഉണ്ടായിരുന്ന നിസാം (23), വൈശാഖ് (26), രാഹുൽ (24) എന്നിവർക്കാണ് പരിക്കേറ്റത്. ഇന്ന് പുലർച്ചെ ഒരു മണിയോടെയായിരുന്നു അപകടം. പെരുമ്പാവൂർ ഭാഗത്തേക്കു വരികയായിരുന്ന ലോറിക്ക് പിറകിലാണ് കാർ ഇടിച്ചത്. അപകടകാരണം വ്യക്തമല്ല. ആദിലിന്റെ സംസ്കാരം ഇന്ന് വൈകുന്നേരം നാലിന് ശ്രീ മൂലനഗരം ചുള്ളിക്കാട് ജുമാ മസ്ജിദിൽ നടക്കും.
Read MoreCategory: Kochi
നിയമത്തിന് ആരും എതിരല്ല; മരട് ഫ്ലാറ്റ് വിഷയത്തിൽ ജുഡീഷൽ അന്വേഷണം വേണമെന്ന് കോണ്ഗ്രസ്
കൊച്ചി: മരട് ഫ്ലാറ്റ് വിഷയത്തിൽ നിലപാട് കടുപ്പിച്ച് കോണ്ഗ്രസ്. തീരദേശ പരിപാലന നിയമം ലംഘിച്ച് ഫ്ലാറ്റ് നിർമിച്ചവർക്കെതിരേയും നിർമാണത്തിന് അനുമതി നൽകിയവർക്കെതിരേയും നടപടി വേണമെന്ന് എഐസിസി ജനറൽ സെക്രട്ടറി ഉമ്മൻ ചാണ്ടി ആവശ്യപ്പെട്ടു. വിഷയത്തിൽ ജുഡീഷൽ അന്വേഷണം ആവശ്യപ്പെട്ട് നടത്തിയ മാർച്ച് ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം. നിയമത്തിന് ആരും എതിരല്ലെന്നും നിയമലംഘനത്തിന് കൂട്ടുനിന്നവർക്കെതിരേ നടപടി വേണമെന്നും അദ്ദേഹം ആവശ്യപ്പെട്ടു. ഫ്ലാറ്റുകൾ ഒഴിയേണ്ടി വന്നാൽ ഉടമകൾക്ക് നഷ്ടപരിഹാനം നൽകണം. പുനരധിവാസത്തിന് സർക്കാർ നടപടി സ്വീകരിക്കണമെന്നും ഉമ്മൻ ചാണ്ടി വ്യക്തമാക്കി. മുസ്ലിം ലീഗ് ജനറൽ സെക്രട്ടറി പി.കെ.കുഞ്ഞാലിക്കുട്ടി, ഹൈബി ഈഡൻ എംപി, മുൻ കേന്ദ്രമന്ത്രി കെ.വി.തോമസ് തുടങ്ങി നിരവധി നേതാക്കൾ പ്രതിഷേധ മാർച്ചിൽ പങ്കെടുത്തു. മരടിലെ ഫ്ലാറ്റ് പ്രശ്നം ചർച്ച ചെയ്യാൻ മുഖ്യമന്ത്രി ചൊവ്വാഴ്ച സർവകക്ഷി യോഗം വിളിച്ചിട്ടുണ്ട്. ഉച്ചകഴിഞ്ഞാണ് യോഗം നിശ്ചയിച്ചിരിക്കുന്നത്.
Read Moreതൊടുപുഴയിൽ യുവതീയുവാക്കൾക്കു നേരെ സദാചാര ഗുണ്ടായിസം; അക്രമിക്കാൻ ശ്രമിച്ച യുവാവിനു കുത്തേറ്റു
തൊടുപുഴ: തൊടുപുഴയിൽ യുവതീയുവാക്കൾക്കു നേരെ സദാചാര ഗുണ്ടായിസം. ഇതേതുടർന്ന് ഉടലെടുത്ത സംഘർഷത്തിൽ നാലുപേർക്കു പരിക്കേറ്റു. യുവാവിനെ ആക്രമിച്ച സംഘത്തിലെ ഒരാൾക്കു കുത്തേൽക്കുകയും ചെയ്തു. സ്വകാര്യ ബസ്റ്റാൻഡിനു സമീപം പെണ്കുട്ടിയുമായി സംസാരിച്ചുനിന്ന യുവാവിനെ മൂന്നംഗ അക്രമിസംഘം ചോദ്യം ചെയ്തതാണു പ്രശ്നങ്ങൾക്കു കാരണമായത്. മൂന്നംഗ സംഘവുമായി ഉടലെടുത്ത വാക്കേറ്റം സംഘർഷത്തിൽ കലാശിക്കുകയുമായിരുന്നു. അക്രമി സംഘാംഗമായ മലങ്കര പ്ലാന്േറഷൻ ചേലത്തിൽ ലിബിൻ ബേബിക്കാണു തോളിൽ കുത്തേറ്റത്. യുവതിക്ക് ഒപ്പമുണ്ടായിരുന്ന യുവാവിനെ ആക്രമിക്കാൻ ലിബിൻ കത്തി എടുത്തപ്പോൾ, ആക്രമണത്തിനിരയായ യുവാവു കത്തി പിടിച്ചു വാങ്ങി ലിബിനെ കുത്തുകയായിരുന്നു. പരിക്കേറ്റ ലിബിനെ കോലഞ്ചേരിയിലെ സ്വകാര്യ ആശുപത്രിയിൽ പ്രവേശിപ്പിച്ചു. സംഭവത്തിൽ പോലീസ് കേസെടുത്തു.
Read Moreബാറിൽ ആക്രമണം: ഡിവൈഎഫ്ഐ നേതാക്കളെ പുറത്താക്കി ; മദ്യം നൽകാത്തത് പ്രകോപന കാരണം
തൊടുപുഴ: മദ്യനിരോധന ദിവസം നഗരത്തിലെ ബാർ ഹോട്ടലിൽ അക്രമം നടത്തിയ സംഭവത്തിൽ രണ്ടു പേർ കസ്റ്റഡിയിലെന്ന് സൂചന. എന്നാൽ പ്രതികൾ ഒളിവിലെന്നാണ് പോലീസ് നൽകുന്ന വിവരം. സംഭവത്തിൽ ഡിവൈഎഫ്ഐ മുതലക്കോടം യൂണിറ്റ് സെക്രട്ടറി മാത്യൂസ് കൊല്ലപ്പിള്ളി, പ്രസിഡന്റ് ജിത്തു ജോയി, ലിജോ ജോസ്, ഗോപീകൃഷ്ണൻ എന്നിവർക്കെതിരേയാണ് പോലീസ് കേസെടുത്തത്. കവർച്ചയ്ക്കും കൈയേറ്റത്തിനുമാണ് പോലീസ് കേസെടുത്തത്. സംഭവം വിവാദമായതോടെ കേസിൽ ഉൾപ്പെട്ട ഡിവൈഎഫ്ഐ നേതാക്കളായ മാത്യൂസ് കൊല്ലപ്പിള്ളി, ജിത്തു ജോയി എന്നിവരെ സംഘടനയുടെ പ്രാഥമികാംഗത്വത്തിൽ നിന്നും പുറത്താക്കി. തൊടുപുഴ -ഇടുക്കി റോഡിലെ സിസിലിയ ഹോട്ടലിലാണ് വെള്ളിയാഴ്ച പുലർച്ചെ അക്രമം നടന്നത്. പുലർച്ചെ രണ്ടോടെ ഹോട്ടലിലെത്തിയ സംഘം വാതിലിൽ തട്ടി വിളിച്ച് മദ്യം ആവശ്യപ്പെട്ടു. എന്നാൽ ഈ സമയം മദ്യം നൽകാൻ കഴിയില്ലെന്ന് റിസപ്ഷനിസ്റ്റ് ടോണി അറിയിച്ചു. മദ്യം നൽകാൻ വിസമ്മതിച്ചതോടെയാണ് നാലംഗ സംഘം ടോണിയെ തള്ളി മാറ്റി ഹോട്ടലിലേക്കു…
Read Moreപോലീസിന്റെ സംയോജിതമായ ഇടപെടൽ; യാത്രയ്ക്കിടെ നഷ്ടപ്പെട്ട സ്വർണം കണ്ടെത്തി ഉടമയ്ക്കു കൈമാറി
തൃപ്പൂണിത്തുറ: യാത്രയ്ക്കിടെ നഷ്ട്ടപ്പെട്ട സ്വർണം ഹിൽപാലസ് പോലീസിന്റെ സംയോജിതമായ ഇടപെടൽ മൂലം സ്വർണ പണിക്കാരനായ ഉടമയ്ക്കു ലഭിച്ചു. തൃപ്പൂണിത്തുറയിൽനിന്നു പിറവത്തേക്കുള്ള കെഎസ്ആർടിസി ബസിൽ യാത്രയ്ക്കിടെയാണ് മുളന്തുരുത്തി ഇഞ്ചിമല തൊട്ടിപ്പറമ്പ് വീട്ടിൽ ഗോപാലകൃഷ്ണന്റെ (50) അഞ്ചു പവൻ സ്വർണം അടങ്ങിയ പഴ്സ് ബസിൽ നഷ്ടപ്പെട്ടത്. പരാതി ലഭിച്ചതിനെ തുടർന്ന് പിറവം ഡിപ്പോയുമായി തൃപ്പൂണിത്തുറ എസ്ഐ കെ.ആർ. ബിജു ഉടൻ ബന്ധപ്പെടുകയും സ്റ്റാൻഡിൽ എത്തിയ കെഎസ്ആർടിസി അധികൃതർ ബസ് പരിശോധിച്ച് നഷ്ടപ്പെട്ട പഴ്സ് കണ്ടെത്തുകയായിരുന്നു. തൃപ്പൂണിത്തുറ പോലീസ് സ്ഥലത്തെത്തി സ്വർണം കസ്റ്റഡിയിൽ വാങ്ങി ഉടമയ്ക്ക് കൈമാറുകയും ചെയ്തു.
Read Moreഒരാഴ്ചത്തെ അവധി; അന്പാട്ടുകാവ് മെട്രോസ്റ്റേഷനു സമീപം വീണ്ടും മാലിന്യക്കൂന്പാരം
ആലുവ: ജില്ലാ കളക്ടറുടെ നേതൃ ത്വത്തിൽ വൃത്തിയാക്കിയ കൊച്ചി മെട്രോ അമ്പാട്ടുകാവ് സ്റ്റേഷന് സമീപം റോഡരികിൽ വീണ്ടും വൻതോതിൽ മാലിന്യ നിക്ഷേപം. പ്ലാസ്റ്റിക്-ജൈവ മാലിന്യങ്ങൾ വൻതോതിലാണ് ഇവിടെ കൊണ്ടു വന്നു തള്ളിയിരിക്കുന്നത്.അവധി ആരംഭിച്ചതോടെയാണ് ഇവിടെ ചിലർ വാഹനങ്ങളിൽ കൊണ്ടുവന്ന് മാലിന്യം ഉപേക്ഷിക്കുന്നത്. മെട്രോ പില്ലർ 123 ന് സമീപമാണ് ദുർഗന്ധം വമിപ്പിച്ച് മാലിന്യം കുന്നുകൂടി കിടക്കുന്നത്. ജില്ലയെ മാലിന്യമുക്തമാക്കാന് കളക്ടര് എസ്. സുഹാസ് മുന്കൈയെടുത്ത് ആവിഷ്കരിച്ച ക്ലീൻ എറണാകുളത്തിന്റെ ആദ്യ ഘട്ടത്തിൽ മുട്ടം മെട്രോ സ്റ്റേഷൻ മുതൽ അമ്പാട്ട്കാവ് വരെ വൃത്തിയാക്കിയിരുന്നു. റോഡിന്റെ ഇരുവശവും 100 മീറ്റർ പാതയോരമാണ് സന്നദ്ധപ്രവര്ത്തനത്തിലൂടെ ശുചീകരിച്ചത്. എന്നാൽ രണ്ട് മാസം പിന്നിട്ടതോടെ എല്ലാം പഴയപടിയായെന്ന് നാട്ടുകാരും യാത്രക്കാരും ചൂണ്ടിക്കാണിക്കുന്നു. ശുചീകരിച്ച സ്ഥലങ്ങളില് മാലിന്യം ഇടുന്നത് ഒഴിവാക്കാന് നിരീക്ഷണം ഏര്പ്പെടുത്തുമെന്ന് സംഘാടകർ പ്രഖ്യാപിച്ചിരുന്നെങ്കിലും അതു വെറുതെയായി. ചൂർണിക്കര പഞ്ചായത്തും ഇക്കാര്യത്തിൽ താത്പര്യമെടുക്കുന്നില്ലെന്ന് ആക്ഷേപമുണ്ട്.…
Read Moreചെറായി ബീച്ചിലെത്തുന്നവരുടെ സുരക്ഷയ്ക്ക് ആറ് വർഷം മുമ്പ് നിർമിച്ച കെട്ടിടം പോലീസില്ലാതെ അനാഥം
വൈപ്പിൻ: കെട്ടിടം പൂർത്തിയായി ആറ് വർഷം കഴിഞ്ഞിട്ടും ചെറായിൽ പോലീസ് സ്റ്റേഷൻ തുടങ്ങാനായില്ല. ചെറായി ബീച്ചിലും കുഴുപ്പിള്ളി ബീച്ചിലും എത്തുന്ന സന്ദർശകരുടെ സുരക്ഷ കണക്കിലെടുത്താണ് ഇവിടം കേന്ദ്രീകരിച്ച് ടൂറിസ്റ്റ് പോലീസ് സ്റ്റേഷൻ ആരംഭിക്കണമെന്ന ആവശ്യം ഉയരുന്നത്. ഏറെ താമസിക്കാതെ ഇതിനുള്ള കെട്ടിടം പൂർത്തിയായെങ്കിലും പോലീസ് സ്റ്റേഷൻ അനുവദിച്ചില്ല. ആറ് വർഷം മുന്പ് ചെറായി ബീച്ചിൽ പോലീസ് സ്റ്റേഷനായി കെട്ടിടം പണികഴിപ്പിച്ച കെട്ടിടം ഇപ്പോൾ ലൈഫ് ഗാർഡുകൾ ഉപയോഗിക്കുകയാണ്. നിരവധി വിദേശ സ്വദേശ ടൂറിസ്റ്റുകൾ എത്തുന്ന സ്ഥലം കൂടിയാണ് ചെറായി. പലപ്പോഴും കടൽ കടന്നുള്ള ആക്രമണ ഭീഷണിയും നിലനിൽക്കുന്നുണ്ട്. ഇപ്പോൾ പോലീസുകാർ തന്നെയാണ് സ്റ്റേഷൻ ആരംഭിക്കണമെന്ന് ആവശ്യം ഉന്നയിച്ചിരിക്കുന്നത്. റിസോർട്ടുകളിലെ കണക്കുകൾ പ്രകാരം ഏതാണ്ട് 150 ൽ പരം രാജ്യങ്ങളിലെ വിദേശികൾ കഴിഞ്ഞ വർഷം ചെറായി ബീച്ചിൽ എത്തിയിട്ടുണ്ട്. ബീച്ചിനോട് ചേർന്ന് റിസോർട്ടുകളും ഹോം സ്റ്റേകളുമായി 60 ഓളം…
Read Moreവിമാനത്താവളത്തിലേക്കു പോകവേ യുവതിയുടെ രേഖകൾ നഷ്ടപ്പെട്ടു; വിദേശ പഠനത്തിനായി ജർമനിയിലേക്ക് പോകുകയായിരുന്നു യുവതി
മൂവാറ്റുപുഴ: നെടുന്പാശേരി വിമാനത്താവളത്തിലേക്കുള്ള യാത്രയ്ക്കിടെ യുവതിയുടെ പാസ്പോർട്ട് ഉൾപ്പെടെ നിരവധി രേഖകളടങ്ങിയ ബാഗ് നഷ്ടപ്പെട്ടു. രണ്ടാർ വെള്ളായങ്കൽ ബേബിയുടെ മകൾ രേണുവിന്റെ ബാഗാണ് നഷ്ടപ്പെട്ടത്. പഠനത്തിനായി ജർമനിയിലേക്കു പോകുകയായിരുന്നു രേണു. ഇന്നലെ പുലർച്ചെ 3.30ന് കാറിന്റെ ഡിക്കിയിൽ ബാഗ് വച്ചാണു വിമാനത്താവളത്തിലേക്കു പുറപ്പെട്ടത്. 4.30ഓടെ വാഹനം വിമാനത്താവളത്തിലെത്തിയപ്പോൾ ഡിക്കി തുറന്ന നിലയിലായിരുന്നു. തുടർന്നു പരിശോധന നടത്തിയെങ്കിലും ബാഗ് കണ്ടെത്താനായില്ല. പാസ്പോർട്ടിനു പുറമെ ഐഡി കാർഡ്, പാൻ കാർഡ്, പണം, മറ്റു രേഖകൾ തുടങ്ങിയവയും ബാഗിലുണ്ടായിരുന്നു. മൂവാറ്റുപുഴയ്ക്കും നെടുന്പാശേരിക്കും ഇടയിലാണു ബാഗ് നഷ്ടപ്പെട്ടത്. രേഖകൾ നഷ്ടപ്പെട്ടതിനാൽ യുവതിയുടെ ജർമനി യാത്ര മുടങ്ങി. തുടർപഠനവും പ്രതിസന്ധിയിലായിരിക്കുകയാണ്. പോലീസിൽ പരാതി നൽകിയിട്ടുണ്ട്. എന്തെങ്കിലും വിവരങ്ങൾ ബന്ധപ്പെടുക. ഫോണ്: 9447004761, 9447909244.
Read Moreചരിത്രത്തിലാദ്യം! കൊച്ചി മെട്രോയിലെ ഇന്നലത്തെ യാത്രികരുടെ എണ്ണം 1,01,983
കൊച്ചി: കൊച്ചി മെട്രോയുടെ ചരിത്രത്തിലാദ്യമായി ഒരു ദിവസത്തെ യാത്രക്കാരുടെ എണ്ണം ഒരു ലക്ഷം കവിഞ്ഞു. ഇന്നലെ 1,01,983 പേരാണ് മെട്രോയിൽ യാത്ര ചെയ്തത്. തൈക്കൂടംവരെ സർവീസ് ആരംഭിച്ചതിനു ശേഷം കഴിഞ്ഞ ഏഴിനാണ് ഇതിനു മുന്പ് ഏറ്റവും കൂടുതൽ യാത്രക്കാർ മെട്രോയിൽ സഞ്ചരിച്ചത്. 99,680 പേർ അന്ന് മെട്രോയിൽ യാത്ര ചെയ്തു. തൈക്കൂടത്തേക്ക് നീട്ടുന്നതിന് മുന്പുള്ള കണക്കുകൾ പ്രകാരം 2017 ജൂണ് 26നായിരുന്നു ഏറ്റവുമധികം ആളുകൾ യാത്ര ചെയ്തത്. കൊച്ചി മെട്രോ വാണിജ്യാടിസ്ഥാനത്തിൽ സർവീസ് ആരംഭിച്ചതിന് ശേഷമുള്ള ആദ്യ ഞായറാഴ്ചയായ അന്ന് 98,310 പേർ മെട്രോയിൽ സഞ്ചരിച്ചു. കൊച്ചി മെട്രോ തൈക്കൂടം വരെ നീട്ടിയതിന് ശേഷം ഇതുവരെ 6.73 ലക്ഷം പേർ മെട്രോയിൽ യാത്ര ചെയ്തു. പുതിയപാതയിൽ സർവീസ് ആരംഭിച്ചതോടെ റിക്കാർഡ് വർധനയാണ് യാത്രക്കാരുടെ എണ്ണത്തിൽ ഉണ്ടായിക്കൊണ്ടിരിക്കുന്നത്. ആലുവ-മഹാരാജാസ് റൂട്ടിൽ ശരാശരി 40,000 പേർ ദിനംപ്രതി യാത്ര ചെയ്തിരുന്നുവെന്നതാണ്…
Read Moreവീണ്ടുമെത്തുന്നു! 29 മുതൽ ഒക്ടോബർ നാലു വരെ ഓഫറുകളുമായി ഫ്ളിപ്കാർട്ട് ബിഗ് ബില്യണ് ഡേയ്സ്
കൊച്ചി: ഇ കൊമേഴ്സ് വിപണന പ്ലാറ്റ്ഫോമായ ഫ്ളിപ്കാർട്ടിന്റെ ഫ്ളാഗ്ഷിപ് പരിപാടിയായ ’ദ ബിഗ് ബില്യണ് ഡേയ്സ് വീണ്ടുമെത്തുന്നു. 29 മുതൽ ഒക്ടോബർ നാലു വരെയാണ് ബിഗ് ബില്യണ് ഡേയ്സ് വിപണനമേള. 29ന് അർധരാത്രി മുതലാണു സീസണ് ആരംഭിക്കുന്നതെങ്കിലും ഫ്ളിപ്കാർട്ട് പ്ലസ് ഉപയോക്താക്കൾക്കു നാലു മണിക്കൂർ മുന്പു തന്നെ ഓഫറുകൾ കാണാനാകും. ഉപയോക്താക്കൾക്കു ഷോപ്പിംഗ് ആയാസരഹിതമാക്കുന്നതിന് ആക്സിസ്, ഐസിഐസിഐ ബാങ്കുകളുമായി ഫ്ളിപ്കാർട്ട് ധാരണയായിട്ടുണ്ട്. ഫാഷൻ, ടിവി, അപ്ലയൻസസ്, വീട്ടുപകരണങ്ങൾ, ഫർണീച്ചറുകൾ, ബ്യൂട്ടി, സ്പോർട്സ്, കളിപ്പാട്ടങ്ങൾ, പുസ്തകങ്ങൾ, സ്മാർട്ട് ഡിവൈസുകൾ, പേഴ്സണൽ കെയർ അപ്ലയൻസസ്, ട്രാവൽ തുടങ്ങിയ വിഭാഗത്തിലുള്ള ഉത്പന്നങ്ങൾ 29 നും മൊബൈൽ ഫോണുകൾ, ഇലക്ട്രോണിക് ഉപകരണങ്ങൾ എന്നിവ 30നും വിപണനം ആരംഭിക്കും. ബിഗ് ബില്യണ് ഡേയ്സിനോടനുബന്ധിച്ചു കൂടുതൽ പിൻ കോഡുകളിൽ ഉത്പന്നങ്ങൾ ലഭ്യമാകും. ഉപകരണങ്ങൾക്ക് ഇൻഷ്വറൻസ് പരിരക്ഷ വാങ്ങാനാവുന്ന അവസരവും ഒരുക്കിയിട്ടുണ്ട്. 200 വിഭാഗങ്ങളിലായി പതിനായിരത്തിലധികം ഉത്പന്നങ്ങളാണു…
Read More