തൃപ്പൂണിത്തുറ: ഗർത്തങ്ങൾ നിറഞ്ഞ് തൃപ്പുണിത്തുറ നഗരത്തിലെ പ്രധാന റോഡുകൾ ഗതാഗത യോഗ്യമല്ലാതായി. അറ്റകുറ്റ പണികൾ ചെയ്തെങ്കിലും ദിവസങ്ങൾക്കുള്ളിൽ റോഡിൽ വീണ്ടും കുഴികൾ രൂപപ്പെടുകയാണ്. തൃപ്പൂണിത്തുറ നഗരത്തിലേക്ക് വാഹനങ്ങൾ തിരിയുന്ന എസ്എൻ ജംഗ്ഷനിലെ കുഴികളും പേട്ട പാലത്തിൽ അടുത്ത കാലത്തായി രൂപപ്പെട്ട വലിയ കുഴികളും കാരണം ഗതാഗതക്കുരുക്ക് മണിക്കൂറുകളോളം നീളുകയാണ്. കൊച്ചി മെട്രോ നിർമാണവുമായി ബന്ധപ്പെട്ട് കൊച്ചിൻ റിഫൈനറിയിൽ നിന്നും എറണാകുളം വാർഫിലേക്ക് പോകുന്ന എണ്ണക്കുഴൽ കണ്ടെത്തുന്നതിനായി പേട്ട പാലത്തിന്റെ കിഴക്ക് ഭാഗം മുതൽ എസ്എൻ ജംഗ്ഷൻ-മിൽമ വരെയുള്ള റോഡിൽ പല സ്ഥലങ്ങളിലായി ജെസിബി കൊണ്ട് കുഴികൾ എടുക്കുകയും ചെയ്തിരുന്നു. എന്നാൽ പിന്നീട് ഈ ഭാഗത്തെ കുഴികൾ ശരിയായ രീതിയിൽ മൂടാതെ കിടന്നതിനാൽ മഴക്കാലം ആരംഭിച്ചതോടെ കുഴികളുടെ വലിപ്പവും കൂടി. ഓരോ ദിവസവും ഈ റോഡിൽ കൂടി ശരാശരി 40 ടൺ ഭാരം കയറ്റിയ ആയിരക്കണക്കിന് ടോറസുകളാണ് കടന്നുപോകുന്നത്.…
Read MoreCategory: Kochi
രാവിലെ മുതൽ വൈദ്യുതി മുടങ്ങി; ബേക്കറി ജീവനക്കാർ സബ് എൻജിനീയറെ തല്ലി; സംഭവം ആലുവയില്
ആലുവ: രാവിലെ മുതൽ വൈദ്യുതി മുടങ്ങിയതിൽ പ്രകോപിതരായ ബേക്കറി ജീവനക്കാർ കെഎസ്ഇബി സബ് എൻജിനീയറെ മര്ദിച്ചതായി പരാതി. ആലുവ നോര്ത്ത് സെക്ഷനിലെ സബ് എൻജിനീയര് പി. ജിനു ജോണിനാണ് മര്ദനമേറ്റത്. ഇദ്ദേഹം ആലുവ ജില്ലാ ആശുപത്രിയില് ചികിത്സയിലാണ്. ബേക്കറി ജീവനക്കാരന് ഉളിയന്നൂര് സ്വദേശി അസ്ലത്തിനെതിരേ ആലുവ പോലീസ് ജാമ്യമില്ലാ വകുപ്പ് പ്രകാരം കേസെടുത്തു. ഇയാള് ഒളിവിലാണ്. ആലുവ ബസ് സ്റ്റാൻഡിനു മുന്നിലുള്ള ബേക്കറിക്കു സമീപമാണ് സംഭവം നടന്നത്. അറ്റകുറ്റപ്പണികളെത്തുടര്ന്ന് വെള്ളിയാഴ്ച നോര്ത്ത് സെഷന്റെ പരിധിയില് വരുന്ന പ്രദേശങ്ങളില് വൈദ്യുതി മുടങ്ങുമെന്ന് നേരത്തെതന്നെ കെഎസ്ഇബി അധികൃതര് പത്രങ്ങൾ വഴി അറിയിപ്പ് നൽകിയിരുന്നു. വൈദ്യുതി ലൈനുകളിൽ തട്ടിനിൽക്കുന്ന മരച്ചില്ലകളും മറ്റും നീക്കം ചെയ്യുന്നതിനാണ് വൈദ്യുതി മുടക്കം അറിയിച്ചത്. ഈ പ്രവൃത്തികൾക്ക് മേൽനോട്ടം വഹിക്കാനാണ് സബ് എൻജിനീയര് സ്ഥലത്തെത്തിയത്. വൈദ്യുതി മുടങ്ങിയതിന്റെ പേരിൽ ബേക്കറി ജീവനക്കാർ തർക്കത്തിലേർപ്പെടുകയും തുടർന്ന് ഉദ്യോഗസ്ഥനെ മർദിച്ചെന്നുമാണ്…
Read Moreപോയി ബോധവല്കരണ ക്ലാസില് പങ്കെടുക്ക്! യാത്രക്കാരനെ ചീത്ത വിളിച്ച ഓട്ടോ ഡ്രൈവറുടെ ലൈസന്സ് തെറിച്ചു; സംഭവം കാക്കനാട്
കാക്കനാട്: യാത്രക്കാരനെ ചീത്ത വിളിച്ച ഓട്ടോ ഡ്രൈവറുടെ ലൈസന്സ് തെറിച്ചു. എരൂര് സ്വദേശിയായ സുരേഷ് ബാബുവിന്റെ ലൈസന്സാണ് രണ്ടു മാസത്തേക്കു സസ്പെൻഡ് ചെയ്തത്. മോട്ടോർ വാഹന വകുപ്പിന്റെ ബോധവൽകരണ ക്ലാസിൽ പങ്കെടുക്കാനും നിർദേശിച്ചു. എറണാകുളം ആര്ടി ഓഫീസിലെ വെഹിക്കിള് ഇന്സ്പെക്ടറായ കെ.ആര്. തമ്പിയെ അസഭ്യം പറഞ്ഞതിനെത്തടര്ന്ന് ആര്ടിഒ കെ. മനോജ് കുമാറാണ് ഇയാള്ക്കെതിരേ നടപടി എടുത്തത്. തമ്പിയുടെ പരാതിയെത്തുടര്ന്ന് സുരേഷ് ബാബുവിനെ ഓഫീസില് വിളിച്ച വരുത്തി അന്വേഷണം നടത്തി ബോധ്യപ്പെട്ടശേഷമായിരുന്നു നടപടി. ഒരാഴ്ച മുമ്പ് തൃപ്പൂണിത്തുറയ്ക്കടുത്ത് പൂത്തോട്ടയിലായിരുന്നു സംഭവം. ഓട്ടോയ്ക്ക് കൈ കാണിച്ച തമ്പിയോട് ഓട്ടം പോകുന്നില്ലെന്ന് ഇയാൾ പറഞ്ഞു. കാരണമന്വേഷിച്ചപ്പോള് സൗകര്യമില്ലെന്നായിരുന്നു മറുപടി. ഓട്ടോയുടെ നമ്പര് ഫോട്ടോ എടുത്തതോടെ ഡ്രൈവര് തെറിയഭിഷേകം നടത്തുകയായിരുന്നെന്നു പറയുന്നു.
Read Moreഹൈക്കോടതി കേസെടുത്താലും മഴ മാറാതെ റോഡ് നന്നാക്കാനാവില്ലെന്ന് ജി. സുധാകരൻ
കൊച്ചി: ഹൈക്കോടതി കേസെടുത്താലും മഴ മാറാതെ റോഡ് നന്നാക്കാനാവില്ലെന്ന് പൊതുമരാമത്ത് മന്ത്രി ജി. സുധാകരൻ. കൊച്ചിയിലെ റോഡുകള് നന്നാക്കാത്ത സര്ക്കാരിനെതിരെ ഹൈക്കോടതി സ്വമേധയാ കേസെടുത്ത സാഹചര്യത്തിലായിരുന്നു പൊതുമരാമത്ത് മന്ത്രിയുടെ പ്രതിരണം. പഞ്ചായത്ത് കോര്പറേഷന് റോഡുകളുടെ ശോച്യാവസ്ഥയില് ധനവകുപ്പിനെയും മന്ത്രി കുറ്റപ്പെടുത്തി. ഒറ്റത്തവണ അറ്റകുറ്റപ്പണിക്കായി മൂന്നു വര്ഷമായി സര്ക്കാര് ഒരു പൈസപോലും അനുവദിച്ചിട്ടില്ലെന്നും അദ്ദേഹം പറഞ്ഞു. പിഡബ്ല്യുഡി റോഡുകളേക്കാള് കഷ്ടമാണ് പഞ്ചായത്ത് കോര്പറേഷന് റോഡുകളുടെ അവസ്ഥ. അവരെക്കുറ്റം പറഞ്ഞിട്ട് കാര്യമില്ലെന്നും സര്ക്കാര് ഫണ്ട് നല്കാതെ പഞ്ചായത്തുകള് എന്ത് ചെയ്യാനാണെന്നും സുധാകരന് കൂട്ടിച്ചേർത്തു.
Read Moreകുഴൽപ്പണം, മയക്കുമരുന്ന് റാഞ്ചാനും ക്വട്ടേഷൻ സംഘം; കൊച്ചിയിൽ കഞ്ചാവുമായി പിടിയിലായവർ ക്വട്ടേഷൻ സംഘത്തിലെ കണ്ണികളെന്ന് എക്സൈസ്
കൊച്ചി: കുഴൽപ്പണം, മയക്കുമരുന്ന് എന്നിവ റാഞ്ചാനും ക്വട്ടേഷൻ സംഘം സജീവമെന്നു വിവരം. കേരള-തമിഴ്നാട് അതിർത്തിയിൽ പ്രവർത്തിച്ചുവരുന്ന സംഘത്തെ സംബന്ധിച്ച വിവരങ്ങൾ അധികൃതർക്കു ലഭിച്ചതായാണു സൂചന. ഇന്നലെ എക്സൈസ് പിടിയിലായ സംഘം ഇത്തരത്തിലുള്ള ക്വട്ടേഷൻ സംഘങ്ങളുടെ കണ്ണികൾ മാത്രമാണോയെന്നും അധികൃതർ പരിശോധിച്ചുവരികയാണ്. ഹൈവേ സ്റ്റഫ് തഗ്സ് എന്ന പേരിൽ കേരള-തമിഴ്നാട് അതിർത്തിയിൽ കഞ്ചാവ് കടത്തി കൊണ്ടുവരുന്നവരെ ഭീഷണിപ്പെടുത്തി കഞ്ചാവു തട്ടിയെടുത്ത് വിൽപ്പന നടത്തി വന്നിരുന്ന മലപ്പുറം സ്വദേശികളായ നാലംഗ ക്വട്ടേഷൻ സംഘത്തെ എക്സൈസ് സ്പെഷ്യൽ സ്ക്വാഡാണു പിടികൂടിയത്. മലപ്പുറം തിരൂർ മുത്തൂർ സ്വദേശി ചെന്ത്രത്തിൽ റാഫിദ് (27), കൂട്ടാളികളായ പുത്തൂർ സ്വദേശി അനൂപ് (27), തിരൂർ കാവഞ്ചേരി സ്വദേശി യാസീർ (31), കുട്ടായി സ്വദേശി അൻവർ (37) എന്നിവരാണ് പിടിയിലായത്. ഇവരിൽനിന്നും നാല് കിലോ കഞ്ചാവും കാറും പിടിച്ചെടുത്തു. മയക്കു മരുന്നു മാഫിയയ്ക്കെതിരേ എക്സൈസ് വകുപ്പ് ആരംഭിച്ച ഓപ്പറേഷൻ…
Read Moreആൽപം ആശ്വാസം…! സ്വർണവിലയിൽ വൻ ഇടിവ്; 29000 നിന്ന് കൂപ്പുകുത്തി 28,480 രൂപയിൽ വ്യാപാരം
കൊച്ചി: പവന് റിക്കാർഡ് വില രേഖപ്പെടുത്തിയശേഷം സ്വർണവിലയിൽ വൻ ഇടിവ്. ഇന്നും ഇന്നലെയുമായി പവന് 640 രൂപയുടെ കുറവാണു രേഖപ്പെടുത്തിയത്. ഇന്നു ഗ്രാമിന് 60 രൂപയും പവന് 480 രൂപയും കുറഞ്ഞ സ്വർണവില 28,480 രൂപയിലാണ് വ്യാപാരം പുരോഗമിക്കുന്നത്. ഇന്നലെ ഗ്രാമിന് 20 രൂപയും പവന് 160 രൂപയുമാണ് കുറഞ്ഞത്. കഴിഞ്ഞ നാലിന് പവൻ വില 29,120 രൂപയിലെത്തിയാണ് റിക്കാർഡ് രേഖപ്പെടുത്തിയത്
Read Moreറോഡോ, തോടോ… കൊച്ചിയിലെ റോഡുകളുടെ ശോചനീയാവസ്ഥ; ഹൈക്കോടതി സ്വമേധയാ കേസെടുത്തു
കൊച്ചി: കൊച്ചിയിലെ റോഡുകളുടെ ശോചനീയാവസ്ഥയിൽ ഹൈക്കോടതി സ്വമേധയാ കേസെടുത്തു. ചീഫ് ജസ്റ്റീസാണ് സ്വമേധയാ കേസെടുത്തത്. സർക്കാരിനും കൊച്ചി കോർപറേഷനും ഇതുസംബന്ധിച്ച് കോടതി നോട്ടീസ് അയച്ചു. ജസ്റ്റീസ് ദേവൻ രാമചന്ദ്രൻ നൽകിയ കത്തിനെ തുടർന്നാണ് നടപടി. കലൂർ കടവന്ത്ര റോഡ്, തമ്മനം പുല്ലോപ്പടി റോഡ്, തേവര റോഡ്, പൊന്നുരുന്നി പാലം റോഡ്, ചളിക്ക വട്ടം റോഡ്, വൈറ്റില കുണ്ടന്നൂർ ഭാഗങ്ങളിൽ വാഹനമോടിക്കാൻ കഴിയില്ലെന്ന് ചൂണ്ടിക്കാട്ടിയായിരുന്നു കത്ത്.
Read Moreകെഎസ്ആർടിസി ബസുകൾ സമയക്രമംപാലിക്കുന്നില്ല; പണ്ടപ്പിള്ളി – മൂവാറ്റുപുഴ റൂട്ടില് യാത്രാക്ലേശം രൂക്ഷം
മൂവാറ്റുപുഴ : പണ്ടപ്പിള്ളി – മൂവാറ്റുപുഴ റൂട്ടില് വൈകുന്നേരങ്ങളില് യാത്രക്ലേശം രൂക്ഷം. രണ്ടു കെഎസ്ആര്ടിസി ബസുകള് സമയക്രമം പാലിക്കാത്തതാണ് സ്ത്രീകളും കുട്ടികളുമടങ്ങുന്ന യാത്രക്കാരെ ബുദ്ധിമുട്ടിലാക്കിയിരിക്കുന്നത്. ഒട്ടുമിക്കദിവസങ്ങളിലും വൈകുന്നേരം 6.15നു സ്വകാര്യ ബസ് മൂവാറ്റുപുഴയില് നിന്നും പണ്ടപ്പിള്ളിക്ക് സര്വീസ് നടത്തി കഴിഞ്ഞാല് പിന്നീട് രാത്രി എട്ടുവരെ ബസ് സര്വീസ് ഇല്ലാത്ത അവസ്ഥയാണ്. ഇതോടെ പണ്ടപ്പിള്ളി ഭാഗത്തേയ്ക്കു പോകേണ്ട നൂറുകണക്കിനു യാത്രക്കാര് മണിക്കൂറോളം പെരുവഴിയിലാവുകയാണ്. രണ്ടു മാസം മുമ്പുവരെ 6.30നും ഏഴിനും കെഎസ്ആര്ടിസി സര്വീസ് നടത്തിയിരുന്നുവെങ്കിലും സാങ്കേതിക കാരണങ്ങള് പറഞ്ഞ് നിര്ത്തലാക്കിയിരുന്നു. കഴിഞ്ഞ ദിവസം മുതല് ഇവ വീണ്ടും ആരംഭിച്ചെങ്കിലും യാത്രക്കാര്ക്കു പ്രയോജനമില്ലാതെ തോന്നുംപടിയാണ് സര്വീസ് നടത്തുന്നത്. 6.30നു മൂവാറ്റുപുഴയില് നിന്നും പണ്ടപ്പിള്ളി, പാറക്കടവ് വഴി തൊടുപുഴയ്ക്കു പോയിരുന്ന കെഎസ്ആര്ടിസി ബസ് ഇപ്പോള് 6.10നാണ് മൂവാറ്റുപുഴയില് നിന്നും പോകുന്നത്. ആറിനും 6.15നും രണ്ടു ബസുകളുള്ളപ്പോഴാണ് ഇതിനിടയില് മറ്റൊരു സര്വീസ്. ഏഴിനു…
Read Moreആസ്വാദർക്ക് ഇരുട്ടടിയായി സിനിമാ ടിക്കറ്റിൽ ഇരട്ട നികുതി; തിയേറ്ററിൽ സിനിമ കാണുന്നതിന് ചെലവേറും
വൈപ്പിൻ: സിനിമാ ടിക്കറ്റിൽ ഇരട്ട നികുതി ഏർപ്പെടുത്താനുള്ള സർക്കാർ നീക്കം സിനിമ വ്യവസായത്തിനും സിനിമ ആസ്വാദർക്കും ഇരുട്ടടിയാകുന്നു. രാജ്യത്തു നികുതിനിരക്ക് ഏകീകരിച്ചു ഗുഡ്സ് സർവീസ് ടാക്സ് (ജിഎസ്ടി) നിലവിൽവന്നപ്പോൾ സിനിമാശാലകൾ തദ്ദേശ സ്വയംഭരണ സ്ഥാപനങ്ങൾക്കു നൽകിയിരുന്ന വിനോദ നികുതി ഇല്ലാതായതാണ്. എന്നാൽ ഈ മാസം ഒന്നുമുതൽ വീണ്ടും വിനോദ നികുതി അടയ്ക്കണമെന്നു സർക്കാർ ഉത്തരവിറക്കി. ഇതിനെതിരേ തിയറ്റർ ഉടമകളുടെ സംഘടനകൾ കോടതിയെ സമീപിച്ചിട്ടുണ്ട്. വിധി അനുകൂലമല്ലെങ്കിൽ സിനിമാ ശാലകളിൽ ടിക്കറ്റ് നിരക്ക് ഉയരും. 100 രൂപയ്ക്ക് മേലേയുള്ള ടിക്കറ്റുകളിൽ ഇപ്പോൾ നൽകുന്ന 18 ശതമാനം ജിഎസ്ടി, ഒരു ശതമാനം പ്രളയസെസ്, രണ്ട് രൂപ സർവീസ് ചാർജ്, മൂന്ന് രൂപ സെസ് എന്നിവ കൂടാതെ 8.5 ശതമാനം വിനോദ നികുതിയും കൂടി വരുന്പോൾ ടിക്കറ്റ് നിരക്ക് കുത്തനേ കൂടും. 100 രൂപ വരെയുള്ള ടിക്കറ്റുകൾക്ക് ജിഎസ്ടി 12 ശതമാനവും…
Read Moreറോഡുകളുടെ ശോച്യാവസ്ഥ പരിഹരിക്കാന് രണ്ടാഴ്ച സമയം; ഇല്ലെങ്കില് ബന്ധപ്പെട്ട ഉദ്യോഗസ്ഥനെതിരെ നിയമനടപടി
കൊച്ചി: ജില്ലയിലെ റോഡുകളുടെ ശോച്യാവസ്ഥ പരിഹരിക്കാന് രണ്ടാഴ്ചയ്ക്കകം നടപടി സ്വീകരിക്കണമെന്ന് ജില്ലാ കളക്ടറുടെ കര്ശനനിര്ദേശം. റോഡുകള് നന്നാക്കിയില്ലെങ്കില് ബന്ധപ്പെട്ട ഉദ്യോഗസ്ഥർക്കെതിരേ നിയമനടപടി സ്വീകരിക്കുമെന്ന് ജില്ലാ കളക്ടര് എസ്. സുഹാസ് അറിയിച്ചു. ഇതുമായി ബന്ധപ്പെട്ട് പോലീസിനു നിര്ദേശം നല്കിയിട്ടുണ്ട്. റോഡുകളുടെ ശോച്യാവസ്ഥ പരിഹരിക്കുന്നതുമായി ബന്ധപ്പെട്ട് ജില്ലാ കളക്ടറുടെ അധ്യക്ഷതയില് ഗവ. ഗസ്റ്റ് ഹൗസില് അവലോകന യോഗത്തിൽ സംസാരിക്കുകയായിരുന്നു കളക്ടർ. കൊച്ചി നഗരത്തിലും സമീപപ്രദേശങ്ങളിലുമുള്ള 45 റോഡുകളാണ് അടിയന്തരമായി അറ്റകുറ്റപ്പണി നടത്താനുള്ളത്. ബന്ധപ്പെട്ട വകുപ്പുകള് ഈ റോഡുകളുടെ പണി ഉടന് പൂര്ത്തിയാക്കണം. പൊതുമരാമത്ത് വകുപ്പ്, ജിസിഡിഎ, എന്എച്ച്, കൊച്ചി കോര്പറേഷന്, എന്എച്ച് 66, എന്എച്ച് 85, കൊച്ചി മെട്രോ, റോഡ്സ് ആന്ഡ് ബ്രിഡ്ജസ് ഡെവലപ്മെന്റ് കോര്പറേഷന്, കൊച്ചിന് റിഫൈനറീസ് ലിമിറ്റഡ്, എന്എച്ച്എഐ എന്നീ വകുപ്പുകളുടെ കീഴിലുള്ള റോഡുകളാണ് അടിയന്തരമായി നന്നാക്കാന് നിര്ദേശിച്ചിട്ടുള്ളത്. കലൂര്-പാലാരിവട്ടം റോഡ് (കലൂര് ട്രാക്ക്), കലൂര്-പാലാരിവട്ടം റോഡ്…
Read More