നെടുന്പാശേരി: കനത്ത മഴയിൽ റണ്വേയിൽ വെള്ളം കയറിയതിനെ തുടർന്ന് താൽക്കാലികമായി അടച്ചിരുന്ന കൊച്ചി അന്താരാഷ്ട്ര വിമാനത്താവളത്തിന്റെ പ്രവർത്തനങ്ങൾ സാധാരണനിലയിലായി. തിങ്കളാഴ്ച സാധാരണ ഷെഡ്യൂൾ അനുസരിച്ചിട്ടുള്ള അന്താരാഷ്ട്ര, ആഭ്യന്തര സർവീസുകൾ എല്ലാം തന്നെ നടന്നു. ഇക്കഴിഞ്ഞ ഒന്പതിന് രാത്രി ഒന്പതിനാണ് വിമാനത്താവളം താൽക്കാലികമായി അടച്ചത്. റണ്വേയിൽനിന്നു വെള്ളം ഇറങ്ങിയതിനെതുടർന്ന് ഞായറാഴ്ച ഉച്ചയോടെ പ്രവർത്തനം പുനരാരംഭിച്ചു. അന്ന് ഉച്ചയ്ക്ക് 12.15 ന് അബുദാബിയിൽ നിന്നുള്ള ഇൻഡിഗോ വിമാനമാണ് കൊച്ചിയിൽ ആദ്യമെത്തിയത്. തിങ്കളാഴ്ച ഉച്ചയ്ക്കുശേഷം വിവിധ ആഭ്യന്തര, അന്താരാഷ്ട്ര സർവീസുകൾ ഷെഡ്യൂൾ ചെയ്തിട്ടുണ്ട്. സാധാരണയായി നെടുന്പാശേരിയിലെ അന്താരാഷ്ട്ര ടെർമിനലിൽ പ്രതിദിനം 88 ലാൻഡിംഗും 88 ടേക്ക് ഓഫും ആഭ്യന്തര ടെർമിനലിൽ 150 ലാൻഡിംഗും 150 ടേക്ക് ഓഫുമാണ് നടന്നുവന്നിരുന്നത്. വിമാനത്താവളം തുറന്നതിനുശേഷവും ശുചീകരണ പ്രവർത്തനങ്ങൾ നടക്കുന്നുണ്ട്. വിമാനങ്ങൾ ഇറങ്ങേണ്ട റണ്വേ ഉൾപ്പടെയുള്ള ഭാഗങ്ങളാണ് ആദ്യം വൃത്തിയാക്കിയത്. ബാക്കിഭാഗങ്ങളിൽ ശുചീകരണം പുരോഗമിക്കുകയാണ്. യാത്രക്കാർക്ക്…
Read MoreCategory: Kochi
ഇത് ശരിയല്ല, സിപിഎമ്മിന്റെ ദുരിതാശ്വാസ കളക്ഷനെതിരേ വി.ഡി. സതീശൻ എംഎൽഎ
പറവൂർ: വെള്ളപ്പൊക്ക ദുരിതബാധിതർക്ക് സഹായം എത്തിക്കുന്നതിനായി അവശ്യവസ്തുക്കൾ സ്വരൂപിക്കുന്നതിൽ മുഖ്യമന്ത്രി നൽകിയ നിർദ്ദേശം പാലിക്കാത്തതിനെതിരേ വി.ഡി. സതീശൻ എംഎൽഎ രംഗത്ത്.ദുരിതാശ്വാസ ക്യാമ്പുകളിൽ ചില വ്യക്തികളും സംഘടനകളും ഉത്തരവാദിത്തപ്പെട്ടവരുടെ അനുമതിയില്ലാതെ സാധനസാമഗ്രികൾ എത്തിക്കുന്നത് കർശനമായി നിരോധിക്കുമെന്ന് മുഖ്യമന്ത്രി അറിയിച്ചിരുന്നു. മുഖ്യമന്ത്രിയുടെ ഉത്തരവിന് വിപരീതമായി പറവൂരിൽ മുഖ്യമന്ത്രിയുടെ പാർട്ടിക്കാർതന്നെ പാർട്ടിയുമായി ബന്ധപ്പെട്ട ഓഫീസുകളിൽ കളക്ഷൻ സെന്റർ തുടങ്ങിയത് ഒരുതരത്തിലും ന്യായീകരിക്കാനാകുന്നതല്ലെന്ന് സതീശൻ പറഞ്ഞു. സിപിഎമ്മിന്റെ നേതൃത്വത്തിലുള്ള പറവൂരിലെ ഒരു സംഘടനയുടെ ഒാഫീസിൽ അവശ്യവസ്തുക്കൾ സ്വീകരിച്ച് വാഹനം തിങ്കളാഴ്ച പുറപ്പെടുമെന്ന് പ്രചരിപ്പിച്ചതിനെ തുടർന്നാണ് സതീശൻ രംഗത്തെത്തിയത്.
Read Moreകോർമലയിലെ “ജലബോംബ്’; ആശങ്ക ഒഴിയാതെ നാലുവർഷം; ഭീതിയോടെ കുടുംബങ്ങൾ
മൂവാറ്റുപുഴ: വെള്ളൂർക്കുന്നം കോർമല ഇടിഞ്ഞിട്ട് നാലു വർഷം തികയുന്പോഴും സംരക്ഷണത്തിനായി ഒന്നും ചെയ്യാതെ അധികൃതർ. 2015 ജൂലൈയിലാണ് എംസി റോഡിലേക്ക് വെള്ളൂർക്കുന്നം കോർമല ഇടിഞ്ഞത്. മലയിടിച്ചിലിൽ ബഹുനില മന്ദിരമടക്കം നശിച്ചിരുന്നു. നഗരത്തെയാകെ മുൾമുനയിലാക്കി രാത്രിയിലാണ് കോർമല ഇടിഞ്ഞത്. ഇടയ്ക്കിടെ ചെറിയ തോതിൽ ഇടിഞ്ഞുകൊണ്ടിരിക്കുന്ന കോർമലയിൽ മഴ ശക്തിയായാൽ മണ്ണിടിച്ചിൽ രൂക്ഷമാകുമെന്ന ഭീതിയിലാണ് ജനങ്ങൾ. നാട്ടുകാർ പലവട്ടം അധികൃതരോട് പരാതി പറഞ്ഞെങ്കിലും സുരക്ഷാ നടപടികളൊന്നും എടുത്തിട്ടില്ല. പ്രദേശത്താകെ ഭീഷണി നിലനിർത്തിക്കൊണ്ട് കൂറ്റൻ ജല സംഭരണിയും മലയുടെ മുകളിൽ സ്ഥിതി ചെയ്യുന്നുണ്ട്. അപകട ഭീഷണി മുന്നിൽകണ്ട് ടാങ്കിന്റെ സംഭരണശേഷി കുറച്ചിരുന്നു. വെള്ളം കൂടുതൽ സമയം ടാങ്കിൽ സംഭരിച്ചു സൂക്ഷിക്കാറുമില്ല. അപ്പപ്പോൾ വിതരണം ചെയ്യുകയാണ് നിലവിൽ. മണ്ണിടിച്ചിലിനെ തുടർന്നു റവന്യൂ, ജല അഥോറിറ്റി, ജിയോളജി വകുപ്പ് അധികൃതർ പരിശോധിച്ച് റിപ്പോർട്ട് തയാറാക്കിയെങ്കിലും കാര്യമായ നടപടികളൊന്നുമുണ്ടായിട്ടില്ല. അന്നത്തെ ജില്ലാ കളക്ടർ എം.ജി. രാജമാണിക്യം…
Read Moreകെഎസ്ആർടിസിയുടെ ചതി; കനത്ത മഴയിൽ ചെളിക്കുളമായി സ്റ്റാന്റ്; ആലുവയിൽ യാത്രക്കാർ പെരുവഴിയിൽ തന്നെ
ആലുവ: ഇടിച്ചു നിരത്തിയ കെഎസ്ആർടിസി ബസ് സ്റ്റാൻഡ് മഴയെത്തുടർന്ന് ചെളിക്കുളമായതോടെ കനത്ത മഴയിൽ ദീർഘദൂര യാത്രക്കാരടക്കം കടുത്ത ദുരിതത്തിൽ. ഒരു മാസം മുമ്പ് കെഎസ്ആർടിസി ബസ് ഡിപ്പോ പൂർണമായി ഇല്ലാതായതോടെയാണ് ശക്തമായ കാറ്റത്തും കനത്ത മഴയത്തും കയറി നിൽക്കാനൊരിടമില്ലാതെ സ്ത്രീകളും കുട്ടികളുമടങ്ങുന നൂറു കണക്കിന് യാത്രക്കാരാണ് കഷ്ടപ്പെടുന്നത്. വർഷകാലമായതിനാൽ ഒരു കാത്തുനിൽപ്പ് കേന്ദ്രം യാത്രക്കാർക്കായി താത്ക്കാലികമായി നിർമിക്കാൻ മൂന്നാഴ്ച മുമ്പ് ചേർന്ന യോഗം തീരുമാനിച്ചെങ്കിലും ഇതുവരെയും നടപ്പിലായിട്ടില്ല. ഡിപ്പോ പൊളിച്ചുനീക്കുന്നതിന് മുന്നോടിയായി സ്വകാര്യ ബസ് സ്റ്റാൻഡിലേക്ക് നീക്കിയ കെഎസ്ആർടിസി ബസുകൾ തിരികെയെത്തി. എന്നാൽ ആകെ ചെളിക്കുളമായ ബസ് സ്റ്റാൻഡിൽ ബസുകൾ എവിടെയാണ് നിർത്തുന്നത് അറിയാത്തതിൽ യാത്രക്കാർ പലപ്പോഴും ഓട്ടത്തിലാണ്. ചില ബസുകൾ പുറത്ത് റോഡിൽ തന്നെയാണ് നിർത്തുന്നത്. എന്നാൽ ബസുകളുടെ വരവ് പോക്കുകളെക്കുറിച്ച് അന്വേഷണം നടത്താൻ സംവിധാനവുമില്ല. ചോദിക്കാനോ പറയാനോ ആരുമില്ലാതായതോടെ തോന്നിയപോലെയാണ് ബസുകൾ പുറപ്പെടുന്നതെന്നും ആക്ഷേപം…
Read Moreവെള്ളക്കെട്ട് നീക്കാൻ സ്വകാര്യ ഫ്ലാറ്റിന്റെ മതിൽ പൊളിക്കാൻ മന്ത്രി പറഞ്ഞിട്ടും നടപടിയില്ല; പഞ്ചായത്ത് പ്രസിഡന്റിനെ തടഞ്ഞു നാട്ടുകാർ
ആലങ്ങാട്: വെള്ളക്കെട്ട് നീക്കാൻ സ്വകാര്യ ഫ്ലാറ്റിന്റെ മതിൽ പൊളിച്ചുനീക്കണമെന്നാവശ്യപ്പെട്ട് നാട്ടുകാർ പഞ്ചായത്ത് പ്രസിഡന്റിനെയും സെക്രട്ടറിയെയും തടഞ്ഞുവച്ചു. ഇന്നലെയായിരുന്നു സംഭവം.കൃഷിമന്ത്രി മന്ത്രി സുനിൽകുമാറും കളമശേരി എംഎൽഎ ഇബ്രാഹിം കുഞ്ഞും വെള്ളക്കെട്ട് രൂപപ്പെട്ട സ്ഥലങ്ങളിലും തിരുവാലൂരിലെ ഫ്ലാറ്റ് നിർമാണം നടത്തിയിരിക്കുന്ന സ്ഥലത്തും സന്ദർശനം നടത്തിയിരുന്നു. തിരുവാലൂരിലെ ഫ്ലാറ്റ് സമുച്ചയത്തിൽ അനധികൃതമായി നിർമിച്ച മതിൽക്കെട്ടിന്റെ ഒരു ഭാഗം ഉടൻ തന്നെ നാട്ടുകാരുടെ നേതൃത്വത്തിൽ പൊളിച്ചുമാറ്റൻ കൃഷിമന്ത്രി നിർദേശിച്ചിരുന്നു. സന്ദർശനം നടത്തിയ മന്ത്രി മടങ്ങിയെങ്കിലും നാട്ടുകാർ ആരും തന്നെ മതിൽ പൊളിച്ച് മാറ്റൻ തയാറായില്ല. മതിൽ പൊളിച്ചു മാറ്റണമെന്ന ആവശ്യവുമായി രോഷാകുലരായ നാട്ടുകാർ ആലങ്ങാട് പഞ്ചായത്ത് പ്രസിഡന്റ് രാധാമണി ജെയ്സിംഗിനെയും പഞ്ചായത്ത് സെക്രട്ടറിയേയും തടഞ്ഞുവച്ചു. ഈ ഭാഗത്തെ മതിൽ പൊളിച്ച് മാറ്റി എളമനത്തോടിന് വീതി കൂട്ടണമെന്നാണ് നാട്ടുകാരുടെ ആവശ്യം. ഉടൻ ആലങ്ങാട് പോലീസ് സംഭവസ്ഥലത്തെത്തി. ഈ പ്രദേശത്ത് 200 ഓളം കുടുംബങ്ങൾ ഇപ്പോഴും…
Read Moreഅഞ്ച് ജില്ലകളിലെ വിദ്യാഭ്യാസ സ്ഥാപനങ്ങൾക്ക് ചൊവ്വാഴ്ച അവധി; കേന്ദ്രീയ വിദ്യാലയങ്ങൾ ഐസിഎസ്ഇ, സിബിഎസ്ഇ സ്കൂളുകൾക്കും അവധി ബാധകം
കൊച്ചി: അഞ്ച് ജില്ലകളിലെ പ്രൊഫഷണൽ കോളജ് ഉൾപ്പടെയുള്ള മുഴുവൻ വിദ്യാഭ്യാസ സ്ഥാപനങ്ങൾക്കും ജില്ലാ കളക്ടർമാർ അവധി പ്രഖ്യാപിച്ചു. തൃശൂർ, കോഴിക്കോട്, എറണാകുളം, വയനാട്, മലപ്പുറം എന്നീ ജില്ലകളിലാണ് അവധി. ഈ ജില്ലകളിലെ പല പ്രദേശങ്ങളിലും വെള്ളക്കെട്ട് നിലനിൽക്കുന്നതും സ്കൂളുകളിൽ ഭൂരിഭാഗവും ദുരിതാശ്വാസ ക്യാന്പുകളായി പ്രവർത്തിക്കുന്നതുമാണ് അവധി നൽകാൻ കാരണം. കേന്ദ്രീയ വിദ്യാലയങ്ങൾ ഐസിഎസ്ഇ, സിബിഎസ്ഇ സ്കൂളുകൾ എന്നിവയ്ക്കെല്ലാം അവധി ബാധകമായിരിക്കും. ആരോഗ്യവിദ്യാഭ്യാസ കാര്യാലയം ചൊവ്വാ, ബുധൻ ദിവസങ്ങളിൽ നടത്താനിരുന്ന പാരാമെഡിക്കൽ പരീക്ഷ മാറ്റിവച്ചു. പുതുക്കിയ തീയതി പിന്നീട് അറിയിക്കും.
Read Moreപോലീസും എക്സൈയും പ്രളയദുരിതാശ്വാസ തിരക്കിലാണെന്ന ധാരണ പാളി; പ്രളയത്തിന്റെ മറവിൽ കഞ്ചാവ് കച്ചവടത്തിനെത്തിയ രണ്ടുപേർ പോലീസ് പിടിയിൽ
കൊച്ചി: പ്രളയത്തിന്റെ മറവിൽ കടത്തിയ കഞ്ചാവ് വിൽപ്പന നടത്തിയവർ എക്സൈസിന്റെ വലയിൽ കുരുങ്ങി. കേരളത്തിനു പുറത്തുനിന്നു കഞ്ചാവ് മൊത്തമായി വാങ്ങി എറണാകുളത്തെത്തിച്ച് ചെറുപായ്ക്കറ്റുകളിലാക്കി വിൽപ്പന നടത്തിയിരുന്ന കുണ്ടന്നൂർ സ്വദേശി അമൽ കൃഷ്ണ, കോഴിക്കോടുനിന്നു കഞ്ചാവെത്തിച്ച് വിൽപ്പന നടത്താൻ ശ്രമിച്ച കോഴിക്കോട് ചെറുവണ്ണൂർ സ്വദേശി യൂസഫലി എന്നിവരാണു എറണാകുളം എക്സൈസിന്റെ വിലയിലായത്. കേരളത്തിനു പുറത്തുനിന്നു മറുനാടൻ തൊഴിലാളികൾ വഴി കഞ്ചാവ് കടത്തിക്കൊണ്ടുവന്ന് എറണാകുളം റെയിൽവേ സ്റ്റേഷനിൽ വച്ച് കൈമാറുകയായിരുന്നു അമൽ കൃഷ്ണയുടെ രീതി. ഇപ്രകാരം കൊണ്ടുവന്ന അഞ്ചു കിലോ കഞ്ചാവിൽ നിന്നു വിൽപ്പന നടത്തിയശേഷം ബാക്കി വന്ന മൂന്നു കിലോ കഞ്ചാവാണ് എക്സൈസ് പിടിച്ചെടുത്തത്. മൊത്ത വിതരണക്കാരിൽനിന്നു കിലോയ്ക്ക് 14000 രൂപ നിരക്കിലാണ് അമൽ കഞ്ചാവ് വാങ്ങിയിരുന്നത്. കടത്തികൊണ്ടുവരുന്ന കഞ്ചാവ് 10 ഗ്രാമിന്റെ ചെറിയ പൊതികളാക്കി 1000 രൂപ നിരക്കിൽ യുവാക്കൾക്കും കോളജ് വിദ്യാർഥികൾക്കുമാണ് വിറ്റിരുന്നതെന്ന് ഇയാൾ പറഞ്ഞു.…
Read Moreആനവണ്ടി മുത്താണ്! ട്രെയിന് ഗതാഗതം താറുമാറായി, ആശ്വാസമായി കെഎസ്ആര്ടിസി
കൊച്ചി: സംസ്ഥാനത്തു മഴ അതിശക്തമായി തുടരുന്നതിനാൽ തുടർച്ചയായ മൂന്നാം ദിവസവും വടക്കൻ കേരളത്തിലേക്കുള്ള ട്രെയിൻ ഗതാഗതം സ്തംഭിച്ചു. യാത്രക്കാരുടെ തിരക്ക് കണക്കിലെടുത്തു കെഎസ്ആർടിസി എറണാകുളം ഉൾപ്പെടെയുള്ള വിവിധ ഡിപ്പോകളിൽനിന്ന് അധിക സർവീസ് നടത്തിയത് ദീർഘദൂര യാത്രക്കാർക്ക് ഏറെ ആശ്വാസമായി. മഴയെത്തുടർന്ന് ഒന്പതിന് റദ്ദ് ചെയ്ത ഷൊർണൂർ, പാലക്കാട്, കോഴിക്കോട് വഴിയുള്ള ട്രെയിൻ ഗതാഗതം ഇന്നലെയും പുനഃസ്ഥാപിക്കാനായില്ല. ദീർഘദൂര, പാസഞ്ചർ ട്രെയിനുകൾ അടക്കം അന്പതിലേറെ സർവീസുകൾ ഇന്നലെയും റെയിൽവേ റദ്ദാക്കിയതോടെ എറണാകുളം, തിരുവനന്തപുരം ഭാഗങ്ങളിൽനിന്നു മലബാർ ഭാഗത്തേക്കുള്ള യാത്രക്കാർ തുടർച്ചയായ മൂന്നാം ദിവസവും പെരുവഴിയിലായി. പെരുന്നാൾ അവധിക്കായി നേരത്തെ യാത്ര ബുക്ക് ചെയ്തിരുന്ന യാത്രക്കാർക്കു പോലും ലക്ഷ്യ സ്ഥാനങ്ങളിലെത്താനായില്ല. കെഎസ്ആർടിസി 35ഓളം അധിക സർവീസുകളാണ് കോഴിക്കോട്, പാലക്കാട് ഭാഗങ്ങളിലേക്ക് ഇന്നലെ നടത്തിയത്. എന്നാൽ, മാനന്തവാടി, ബത്തേരി, ഇടുക്കി, മൂന്നാർ എന്നിവിടങ്ങളിലേക്കുള്ള സർവീസുകൾ ഇന്നലെയും നടന്നില്ല.
Read Moreറോഡും വെള്ളത്തില്, ആളും വെള്ളത്തില്! മദ്യലഹരിയിൽ യുവാക്കൾ കാർ റോഡിലെ വെള്ളക്കെട്ടിലേക്ക് ഓടിച്ചിറക്കി; ഒടുവില്…
ആലുവ: യുവാക്കൾ സഞ്ചരിച്ച കാർ നാല് അടിയോളം വെള്ളക്കെട്ട് നിറഞ്ഞ റോഡിലേക്ക് മദ്യലഹരിയിൽ ഓടിച്ചിറക്കി. നഗരത്തോട് ചേർന്ന് എടയപ്പുറം ടൗൺഷിപ് റോഡിൽ എൽപിജി ഗ്യാസ് ഗോഡൗണിന് സമീപം വെള്ളിയാഴ്ച രാത്രി 12ഓടെയായിരുന്നു സംഭവം. എടയപ്പുറം, ഏലൂർ സ്വദേശികളാണ് കാറിലുണ്ടായിരുന്നത്. നാട്ടുകാർ വിവരമറിയിച്ചതിനെ തുടർന്ന് സ്ഥലത്തെത്തിയ പോലീസ് ഇരുവരെയും താക്കീത് നൽകി വിട്ടയച്ചു. പവർഹൗസ് ജംഗ്ഷനിൽ എസ്പി ഓഫീസിനോട് ചേർന്നുള്ള നേതാജി റോഡ് വഴി ടൗൺഷിപ് റോഡിലേക്കെത്തിയ സ്വിഫ്റ്റ് കാർ ആണ് മഴവെള്ളം കെട്ടിനിന്ന റോഡിലൂടെ മുന്നോട്ടെടുത്തത്. 50 മീറ്റർ ആയപ്പോഴേക്കും എൻജിന്റെ പ്രവർത്തനം നിലക്കുകയും കാർ പൂർണമായി വെള്ളത്തിലാകുകയും ചെയ്തു. ഇരുവശത്തും പാടം ആയതിനാൽ ആയതിനാൽ റോഡ് തിരിച്ചറിയാൻ ആകുമായിരുന്നില്ല. സമീപത്തെ ഫ്ളാറ്റിൽ ഉണ്ടായിരുന്നവരാണ് വിവരം പോലീസിനെ അറിയിച്ചത്. ഇതിനിടെ കാറിലുണ്ടായിരുന്ന ഡ്രൈവറും മറ്റൊരാളും ഒരുവിധം പുറത്തിറങ്ങിയിരുന്നു. കുറച്ചുദിവസം സ്ഥലത്തുണ്ടായിരുന്നില്ലെന്നും അതിനാൽ റോഡ് വെള്ളത്തിൽ മുങ്ങിയത് അറിയില്ലായിരുന്നുവെന്നുമാണ്…
Read Moreവിദ്യാർഥിനികൾ വിഷം കഴിച്ച സംഭവം: മജിസ്ട്രേറ്റ് രഹസ്യമൊഴി രേഖപ്പെടുത്തി
വൈപ്പിൻ: മൂന്നു പ്ലസ് വണ് വിദ്യാർഥിനികൾ സ്കൂളിൽ വച്ച് വിഷം കഴിച്ച് ആശുപത്രിയിലായ സംഭവത്തിൽ മജിസ്ട്രേറ്റ് വിദ്യാർഥിനികളുടെ രഹസ്യമൊഴി രേഖപ്പെടുത്തി. പോലീസും ഇവരുടെ മൊഴി വീണ്ടുമെടുത്തു. നേരത്തെ ഞാറക്കൽ സിഐക്ക് നൽകിയ മൊഴി വിദ്യാർഥിനികളുടെ നിസഹകരണം മൂലം അപൂർണമായതിനാലാണ് മജിസ്ട്രേറ്റിനെക്കൊണ്ട് മൊഴി എടുപ്പിച്ചത്. മൂന്നുപേരും ഒരുമിച്ച് വിഷം കഴിച്ചതാണ് ദുരൂഹതയുണ്ടാക്കിയിട്ടുള്ളത്. സംഭവത്തിൽ പോലീസ് അന്വേഷണം തുടരുകയാണ്. ഇതുവരെ കേസുകളൊന്നും രജിസ്റ്റർ ചെയ്തിട്ടില്ല. മജിസ്ട്രേറ്റ് എടുത്ത മൊഴിയിൽ കേസെടുക്കേണ്ട എന്തെങ്കിലും സാഹചര്യമുണ്ടെങ്കിൽ പോലീസ് കേസെടുക്കും. രണ്ടു വിദ്യാർഥിനികൾ കളമശേരി മെഡിക്കൽ കോളജ് ആശുപത്രിയിലും ഒരാൾ എറണാകുളത്തെ സ്വകാര്യ ആശുപത്രിയിലും ചികിത്സയിലാണ്. വ്യാഴാഴ്ച വൈകുന്നേരമാണ് വിദ്യാർഥിനികൾ വിഷം കഴിച്ചത്.
Read More