വൈപ്പിൻ: കടൽക്ഷോഭം നാശംവിതക്കുന്നത് തടയാൻ തുടങ്ങിവച്ച എടവനക്കാട്ടെ പുലിമുട്ട് നിർമാണം കാലവർഷം തുടങ്ങിയിട്ടും എങ്ങുമെത്തിയില്ല. കാലവർഷം എത്തുന്നതിനു മുന്നേ നിർമാണം പൂർത്തിയാക്കുമെന്നായിരുന്നു മാർച്ച് നാലിനു പുലിമുട്ടുകളുടെ നിർമാണോദ്ഘാടന സമയത്ത് മന്ത്രിയും എംഎൽഎയും പറഞ്ഞത്. നിർമാണത്തിന്റെ പേരിൽ പഴങ്ങാട് കടൽത്തീരത്തു കുറെ കല്ലുകൾ കൊണ്ടുവന്ന് ഇറക്കിയതല്ലാതെ നിർമാണം ആരംഭിക്കാൻ കരാറുകാരൻ ഇതുവരെ കൂട്ടാക്കിയിട്ടില്ല. അതേ സമയം ഉത്തരവാദിത്വം മുഴുവൻ ഇറിഗേഷൻ വകുപ്പ് ഉദ്യോഗസ്ഥൻമാരുടെ തലയിൽ വച്ചുകെട്ടുകയാണ് കരാറുകാരൻ. നിർമാണത്തിനു മുന്നോടിയായുള്ള നടപടികൾ പൂർത്തിയാക്കി തരേണ്ടത് ഇറിഗേഷൻ വകുപ്പാണ്. ഇതുവരെ ഇവരുടെ ഭാഗത്ത് നിന്നും അങ്ങിനെയൊന്ന് ഉണ്ടായിട്ടില്ലത്രേ. കല്ലുകളുടെ തൂക്കം തിട്ടപ്പെടുത്താൻ വേ- ബ്രിഡ്ജ് സ്ഥാപിക്കണം. അത് ഇതുവരെ ആയില്ല. അണിയൽ ഭാഗത്തെ പുലിമുട്ട് നിർമിക്കാൻ കല്ല് ലോറിയിൽ എത്തിക്കണമെങ്കിൽ ഈ ഭാഗത്തെ തീരദേശ റോഡിലെ മണൽ നീക്കം ചെയ്യണം. ഇറിഗേഷന്റെ ഭാഗത്ത് നിന്ന് ഇതിനായി നടപടികളില്ല. കൂടാതെ പുലിമുട്ട്…
Read MoreCategory: Kochi
ട്രോളിംഗിൽ ചവിട്ടിക്കയറി പച്ചക്കറി വില മേലോട്ട്; മഴക്കാലത്ത് കുടുംബ ബജറ്റ് താളം തെറ്റുമെന്ന ഭീതിയിൽ വീട്ടമ്മമാർ
കൊച്ചി: ട്രോളിംഗ് നിരോധനം വന്നതിനു പിന്നാലെ പച്ചക്കറി വിലയും മേലോട്ട്. ആവശ്യക്കാരുടെ എണ്ണം കൂടിയതും തമിഴ്നാട്ടിൽനിന്നുള്ള പച്ചക്കറി വരവ് കുറഞ്ഞതും വിലക്കയറ്റത്തിന് ആക്കംകൂട്ടുന്നു. എറണാകുളം മാർക്കറ്റിൽ കഴിഞ്ഞ കുറേ നാളുകളായി തമിഴ്നാട്ടിൽനിന്നുള്ള പച്ചക്കറി വരവ് കുറഞ്ഞ നിലയിലാണെന്നു വ്യാപാരികൾ പറയുന്നു. പയർ ആവശ്യാനുസരണം ലഭിക്കുന്നത് ഒഴിച്ചാൽ മറ്റ് പച്ചക്കറികളുടെ വരവ് കുറഞ്ഞു. ചുട്ടുപൊള്ളുന്ന വെയിലിൽ തമിഴ്നാട്ടിലെ കൃഷിയിടങ്ങൾ കരിഞ്ഞുണങ്ങിയതാകാം അവിടെനിന്നുള്ള വരവ് കുറയുന്നതിനു കാരണമായതെന്ന് വ്യാപാരികൾ പറയുന്നു. ട്രോളിംഗ് നിരോധനം ആരംഭിച്ചതോടെ കൂടുതൽപേർ പച്ചക്കറികളിലേക്കു തിരിഞ്ഞിട്ടുണ്ട്. ആവശ്യക്കാരുടെ എണ്ണം വർധിക്കുകയും വരവ് കുറയുകയും ചെയ്ത സാഹചര്യത്തിലാണ് പച്ചക്കറിവില വർധിച്ചതെന്നാണ് വ്യാപാരികളുടെ ഭാഷ്യം. ചില്ലറ വ്യാപാരമേഖലയിൽ പലതിനും ഒരാഴ്ചയ്ക്കിടെ അഞ്ചു മുതൽ 10 രൂപയുടെ വരെ വില വ്യത്യാസമാണ് ഉണ്ടായിട്ടുള്ളത്. ബീൻസ്, പച്ചമുളക്, തക്കാളി, വെണ്ടയ്ക്ക, കാരറ്റ്, പാവക്ക തുടങ്ങിയവയ്ക്കൊക്കെ വില വർധിച്ചു. ബീൻസിനാണ് വില വർധന കൂടുതൽ.…
Read Moreകുട്ടികളാണ്, കുത്തിനിറയ്ക്കണ്ട..!വിട്ടുവീഴ്ചയില്ലാതെ മോട്ടോർവാഹന വകുപ്പ്; കുട്ടികളെ കൊണ്ടുപോകുന്ന വാഹനങ്ങളിൽ പരിശോധന ശക്തമാക്കി
കൊച്ചി: സ്കൂൾ കുട്ടികളെ എത്തിക്കുന്ന വാഹനങ്ങളിൽ മോട്ടോർ വാഹന വകുപ്പിന്റെ നേതൃത്വത്തിൽ നടത്തുന്ന പരിശോധനകൾ തുടരുന്നു. രാവിലെയും വൈകിട്ടുമാണ് പരിശോധന. സ്കൂൾ തുറന്ന കഴിഞ്ഞ ആറിന് രണ്ടു വാഹനങ്ങൾക്കു താക്കീത് നൽകിയിരുന്നു. സ്കൂൾ കുട്ടികളെ കുത്തിനിറച്ച് എത്തിച്ചതിനാണ് താക്കീത് ചെയ്തത്. അനുവദനീയമായതിൽ കൂടുതൽ കുട്ടികളെ കയറ്റിയാൽ പിടികൂടുന്നതടക്കം കർശന നടപടികൾക്കാണു വകുപ്പ് ഒരുങ്ങുന്നത്. സ്കൂളുകളുടെ സ്വന്തം ബസുകളിലും വാടകയ്ക്ക് സർവീസ് നടത്തുന്ന വാഹനങ്ങളിലുമടക്കം പരിശോധന കർശനമാക്കുമെന്നു മോട്ടോർ വാഹന വകുപ്പ് അധികൃതർ പറഞ്ഞു. കഴിഞ്ഞ ദിവസം നടത്തിയ പരിശോധനയിൽ ടാക്സ് അടയ്ക്കാതെ സർവീസ് നടത്തിയ വാഹനവും കണ്ടെത്തിയിരുന്നു. വാടകയ്ക്ക് സർവീസ് നടത്തുന്ന വാഹനമാണ് കണ്ടെത്തിയതെന്നും കുട്ടികളുടെ സുരക്ഷയിൽ യാതൊരു വിധത്തിലുമുള്ള വിട്ടുവീഴ്ചകൾക്ക് തയാറല്ലെന്നും അധികൃതർ വ്യക്തമാക്കി. സ്കൂൾ തുറക്കുന്നതിനുമുന്പേ സ്കൂൾ വാഹനങ്ങളിൽ കർശന പരിശോധനകളും ബോധവത്കരണവും വകുപ്പ് നടത്തിയിരുന്നു. എന്നിട്ടും നിയമം ലംഘിക്കുന്നത് അംഗീകരിക്കാനാകില്ലെന്ന നിലപാടിലാണ് അധികൃതർ.…
Read Moreഓടി മാറും മുൻപ്…! കൊടുംവേനലിൽ തണലേകിയ മരം കാലവർഷത്തിൽ ചതിച്ചു; കാക്കനാട് കാറ്റിൽ മരം വീണ് മരിച്ച അഷറഫ് ഈ മരത്തണലിലെ സ്ഥിരം ലോട്ടറി വിൽപ്പനക്കാരൻ
കാക്കനാട്: വർഷങ്ങളോളം തണൽ നൽകിയ മരംതന്നെ ഒടുവിൽ അഷ്റഫിന്റെ ഘാതകനായി എത്തി. ഓലിമുകൾ-കാക്കനാട് റോഡിൽ കെബിപിഎസ് കവാടത്തിനു സമീപത്തായി കളക്ടറേറ്റ് വളപ്പിനുള്ളിൽ വളർന്നു പന്തലിച്ചു നിന്ന തണൽമരച്ചില്ലകൾക്ക് താഴെ നടപ്പാതയോട് ചേർന്നായിരുന്നു ലോട്ടറി വില്പന നടത്തിയിരുന്നത്. ഈ മരമാണ് കടപുഴകി മതിലും തകർത്ത് അഷ്റഫിന്റെ ദേഹത്തേക്കു വീണത്. അപകടത്തെ തുടർന്ന് അഷ്റഫ് തൽക്ഷണം മരിച്ചു. കൊടുംചൂടിൽ ഈ മര തണലിലാണ് എന്നും ലോട്ടറി വിൽപ്പന ന്നടത്തിയിരുന്നത്. വർഷങ്ങൾ പഴക്കമുള്ള തണൽമരമാണ് ചുവട് മറിഞ്ഞ് വീണത്. മതിലിനോട് ചേർന്നു നിന്ന മരം മറിഞ്ഞപ്പോൾ ചുറ്റുമതിലിലാണ് കടഭാഗം തട്ടിയത്. തടിയോടെയുള്ള വലിയ ചില്ലകൾ റോഡിലേക്ക് വീണത് അതുവഴി പോയ കാറിന്റെ മുകളിലേക്കാണ്. കാറിന്റെ മുൻഭാഗം ഭാഗികമായി തകർന്നെങ്കിലും കാറിലുണ്ടായിരുന്നവർക്ക് പരിക്കോന്നും പറ്റിയില്ല. മതിൽ മറിഞ്ഞുവീണത് സ്കൂട്ടറിലും അഷ്റഫിന്റെ തലയിലുമാണ്. മരം മറിയുന്നതു കണ്ട് എതിർ ഭാഗത്തു നിന്നവർ ഓടി മാറുകയായിരുന്നു.…
Read Moreഎറണാകുളം ഉപതെരഞ്ഞെടുപ്പ്; കോൺഗ്രസിൽ സ്ഥാനാർഥി മോഹികളുടെ പിടിവലി; താരങ്ങളെ പരീക്ഷിക്കാൻ ബിജെപി, സ്വതന്ത്ര്യ ചിഹ്നത്തിൽ പൊതുസമ്മതരെ തേടി സിപിഎം
കൊച്ചി: എറണാകുളം നിയമസഭ മണ്ഡലത്തിൽ വരാൻ പോകുന്ന ഉപതെരഞ്ഞെടുപ്പിൽ സ്ഥാനാർഥികളെ സംബന്ധിച്ചുള്ള ചർച്ച സജീവമാക്കി മുന്നണികൾ. എറണാകുളം എംഎൽഎ ഹൈബി ഈഡൻ ലോക്സഭ തെരഞ്ഞെടുപ്പിൽ ജയിച്ചതോടെ ഒഴിവുവന്ന സീറ്റിൽ സ്ഥാനാർഥിയായി ആരെ പരിഗണിക്കണമെന്ന ചർച്ച പാർട്ടി തലങ്ങളിൽ അനൗദ്യോഗികമായി ആരംഭിച്ചു കഴിഞ്ഞു. കോണ്ഗ്രസിന്റെ കുത്തക മണ്ഡലമാണ് എറണാകുളം. മണ്ഡലം നഷ്ടപ്പെടാതെ സൂക്ഷിക്കേണ്ടതു കോൺഗ്രസിന്റെ അഭിമാന പ്രശ്നമാണ്. അതുകൊണ്ടുതന്നെ ജയസാധ്യതയുള്ള സ്ഥാനാർഥിയെ മത്സരിപ്പിക്കാനാകും കോൺഗ്രസ് നേതൃത്വം തീരുമാനിക്കുക. ഗ്രൂപ്പ്-സമുദായിക ഘടകങ്ങൾ കോൺഗ്രസിനു പരിഗണിക്കേണ്ടിവരും. അതേസമയം സീറ്റ് തരപ്പെടുത്താൻ കോണ്ഗ്രസിൽ പിടിവലി തുടങ്ങിയതായാണു സൂചന. അരങ്ങിലും അണിയറയിലും സ്ഥാനാർഥിമോഹികൾ നിരന്നിട്ടുണ്ട്. ലോക്സഭ തെരഞ്ഞെടുപ്പിൽ മത്സരിച്ച ഹൈബി ഈഡന് എറണാകുളം നിയോജകമണ്ഡലത്തിൽ മാത്രം ലഭിച്ച ഭൂരിപക്ഷം 31,000 വോട്ടാണ്. കഴിഞ്ഞതവണ നിയമസഭയിലേക്കു മത്സരിച്ചപ്പോൾ ലഭിച്ച ഭൂരിപക്ഷമാകട്ടെ 21,949 വോട്ടും. ഹൈബി ഈഡൻ 57,819, സിപിഎം സ്ഥാനാർഥി എം. അനിൽകുമാർ 35,870, ബിജെപി…
Read Moreനിപ്പ വൈറസ് ബാധയുടെ ഉറവിടം; ആലുവ, പറവൂർ മേഖലകളിൽ നിന്നു വീണ്ടും സാമ്പിളുകൾ ശേഖരിക്കും
കൊച്ചി: നിപ്പ വൈറസ് ബാധയുടെ ഉറവിടം തേടി വിദഗ്ധ സംഘത്തിന്റെ നേതൃത്വത്തിൽ നടത്തുന്ന പരിശോധന തുടരുന്നു. പഴം തീനി വവ്വാലുകളിൽനിന്ന് സാന്പിളുകൾ ശേഖരിക്കുന്നതിനുള്ള പ്രവർത്തനങ്ങളാണ് നടന്നുവരുന്നത്. പൂനെ നാഷണൽ ഇൻസ്റ്റിറ്റ്യൂട്ട് ഓഫ് വൈറോളജിയിൽനിന്നുള്ള വിദഗ്ധ സംഘം ഇന്നുവീണ്ടും ആലുവ, പറവൂർ മേഖലകളിൽനിന്ന് സാന്പിളുകൾ ശേഖരിക്കും. ഡോ. സുദീപിന്റെ നേതൃത്വത്തിലുള്ള സംഘത്തിൽ ഡോ. ഗോഖലെ, ഡോ. ബാലസുബ്രഹ്മണ്യൻ എന്നീ ശാസ്ത്രജ്ഞരുമുണ്ട്. തൊടുപുഴ, മുട്ടം മേഖലകളിൽനിന്നുള്ള 52 പഴം തീനി വവ്വാലുകളിൽനിന്ന് സംഘം ഇതേവരെ സാന്പിളുകൾ ശേഖരിച്ചു. ഇന്നലെമാത്രം ഇവിടെനിന്ന് 22 സാന്പിളുകളാണ് വനം വകുപ്പ് ഉദ്യോഗസ്ഥരുടെ സഹായത്തോടെ പൂനെ എൻഐവി സംഘം ശേഖരിച്ചത്. ഈ സാന്പിളുകൾ ശേഖരിച്ച് പുനെയിലേക്ക് അയക്കും. അതേസമയം, എറണാകുളം മെഡിക്കൽ കോളജിൽ പുതുതായി പ്രവേശിപ്പിച്ച ഒരു രോഗിയുടേതടക്കം ഇന്നലെ പരിശോധനയ്ക്കായി ശേഖരിച്ച അഞ്ച് സാന്പിളുകളുടെ ഫലവും ഇന്ന് പുറത്തുവരും. വരാപ്പുഴ സ്വദേശിയെയാണു പുതിയതായി മെഡിക്കൽ…
Read Moreതൃപ്പൂണിത്തുറ സ്റ്റാച്യു ജംഗ്ഷനിൽ വഴിക്കെണിയായി മരക്കെമ്പ്;മഴക്കാലമെത്തിയതോടെ കടക്കാരും യാത്രക്കാരും ഭീതിയിൽ
തൃപ്പൂണിത്തുറ: സ്റ്റാച്യു ജംഗ്ഷനിലെ മരത്തിന്റെ ശിഖിരം വഴിയാത്രക്കാർക്ക് ഭീഷണിയാകുന്നു. സ്റ്റാച്ചു ജംഗ്ഷനിലെ കൂറ്റൻ തണൽമരത്തിന്റെ ഉണങ്ങി ദ്രവിച്ച ശിഖരം കാലവർഷം തുടങ്ങിക്കഴിഞ്ഞിട്ടും മുറിച്ചുമാറ്റാത്തതാണ് ആശങ്ക ഉയർത്തുന്നത്. സ്റ്റാച്ചു ജംഗ്ഷന് നടുവിൽ നിൽക്കുന്ന കൂറ്റൻ തണൽമരത്തിന്റെ മുകളിൽ കിഴക്കുഭാഗത്തുള്ള വലിയൊരു ശിഖരമാണ് ഉണങ്ങി ദ്രവിച്ച നിലയിൽ തൊലി പൊളിഞ്ഞും താനെ പൊടിഞ്ഞും റോഡിന് നടുവിൽ വീണു കൊണ്ടിരിക്കുന്നത്. സ്റ്റാച്യുവിന് കിഴക്കു ഭാഗത്തുള്ള ലായം റോഡിലേക്ക് പോകുന്നവരും വടക്കുഭാഗത്തു കൂടി കിഴക്കോട്ടു യാത്ര ചെയ്യുന്നവരുമെല്ലാം ഉണങ്ങി ദ്രവിച്ച മരക്കൊമ്പിന് കീഴെ കുടി വേണം കടന്നു പോകേണ്ടത്. റോഡിലെ യാത്രക്കാരുടെയും വാഹനങ്ങളുടെയും തലക്ക് മുകളിൽ ഏകദേശം 40 അടിയോളം ഉയരത്തിൽ നിൽക്കുന്ന ഉണങ്ങി ദ്രവിച്ച നിലയിലാണ് വൃക്ഷക്കൊമ്പ്. മഴയും കാറ്റും ഇനിയും ശക്തി പ്രാപിക്കുമെന്നിരിക്കെ ഉണങ്ങിയ വൃക്ഷ ശിഖരം നനഞ്ഞു കതിർന്ന് നിലംപതിക്കുന്നതിന് അപകടം ഉണ്ടാക്കുന്നതിന് മുമ്പ് അധികൃതർ ഇടപെട്ട് പെട്ടെന്ന്…
Read Moreഉദയംപേരൂരിൽ ക്ഷേത്രത്തിലും സമീപത്തെ വീട്ടിലും വൻ കവർച്ച; പണവും സ്വർണാഭരണവും നഷ്ടപ്പെട്ടതായി ക്ഷേത്രം ഭാരവാഹികൾ
ഉദയംപേരൂർ: ഉദയംപേരൂരിൽ രണ്ടിടങ്ങളിൽ മോഷണം. തിരുവിതാംകൂർ ദേവസ്വം ബോർഡ് മേജർ ഏകാദശി പെരുംതൃക്കോവിൽ മഹാദേവ ക്ഷേത്രത്തിലും സമീപത്തു താമസിക്കുന്ന കാഞ്ഞിരക്കാട്ടിൽ വത്സൻ മാത്യുവിന്റെ വീട്ടിലുമാണ് മോഷണം നടന്നത്. ഇന്നലെ രാത്രിയിലാണ് സംഭവം. മോഷ്ടാക്കൾ ക്ഷേത്രത്തിലെ മതിൽ ചാടി കടന്ന് ചുറ്റമ്പലത്തിന്റെ കിഴക്കേ വാതിൽ പൂട്ട് തകർത്താണ് അകത്ത് കയറിയത്. നാലമ്പലത്തിൽ കയറിയ മോഷ്ടാക്കൾ ശ്രീകോവിലിന് മുന്നിലെ വലിയ കാണിക്കവഞ്ചിയും മണ്ഡപത്തിലെ മറ്റ് കാണിക്കവഞ്ചികളും എടുത്ത് പുറത്ത് നാലമ്പലത്തിന് തെക്ക് വശം എത്തിച്ച് തകർത്താണ് പണം കവർന്നത്. കൂടാതെ ക്ഷേത്രത്തിലെ എണ്ണ കൗണ്ടറിന്റെയും പൂട്ട് തകർത്ത് മോഷണം നടത്തിയിട്ടുണ്ട്. മണിക്കൂറുകളോളം മോഷ്ടാക്കൾ ക്ഷേത്രത്തിൽ വിലസിയിട്ടും ക്ഷേത്രത്തിൽ വാച്ചർ ഉൾപ്പെടെ സംഭവം അറിഞ്ഞില്ല. പണവും സ്വർണാഭരണവും ഉൾപ്പടെ നഷ്ടപ്പെട്ട കണക്കുകൾ തിട്ടപ്പെടുത്തി വരുന്നു. ക്ഷേത്രത്തിനു സമീപത്തെ പൂട്ടി കിടന്നിരുന്ന വത്സൻ മാത്യുവിന്റെ വീട്ടിലും മുൻവാതിൽ തകർത്താണ് മോഷ്ടാക്കൾ അകത്തു കടന്നത്.…
Read Moreതൽസ്ഥിതി തുടരട്ടെ…! മരടിലെ ഫ്ലാറ്റ് സമുച്ചയം പൊളിക്കുന്നതിന് താത്ക്കാലിക സ്റ്റേ
എറണാകുളം മരട് മുനിസിപ്പാലിറ്റിയിൽ നിർമിച്ച ഫ്ലാറ്റ് സമുച്ചയം പൊളിക്കണമെന്ന സുപ്രീംകോടതി ഉത്തരവിന് താത്ക്കാലിക സ്റ്റേ. ഫ്ലാറ്റിലെ താമസക്കാർ നൽകിയ റിട്ട് ഹർജിയിലാണ് സുപ്രീംകോടതി ഉത്തരവ്. ആറ് ആഴ്ചത്തേക്ക് തൽസ്ഥിതി തുടരാനാണ് സുപ്രീംകോടതിയുടെ ഉത്തരവ്. സുപ്രീംകോടതി അവധിക്കാല ബെഞ്ചിന്റേതാണ് വിധി. ഫ്ലാറ്റ് സമുച്ചയം പൊളിക്കണമെന്ന ഉത്തരവ് അടിയന്തരമായി സ്റ്റേ ചെയ്യണമെന്ന് ആവശ്യപ്പെട്ട് 32 താമസക്കാരാണ് കോടതിയെ സമീപിച്ചത്. താമസക്കാരുടെ ഭാഗം കേൾക്കാതെയാണ് സുപ്രീംകോടതി ഉത്തരവെന്നും താമസക്കാർ ഹർജിയിൽ ചൂണ്ടിക്കാട്ടിയിരുന്നു. തീരദേശ പരിപാലന ചട്ടം ലംഘിച്ചു നിർമിച്ച ഫ്ലാറ്റുകൾ പൊളിച്ചു നീക്കി റിപ്പോർട്ട് സമർപ്പിക്കണമെന്നായിരുന്നു കോടതി ഉത്തരവ്. അനധികൃത നിർമാണങ്ങൾ കാരണം ഇനിയും കേരളത്തിനു പ്രളയവും പേമാരിയും താങ്ങാനാവില്ലെന്നും ജസ്റ്റീസ് അരുണ് മിശ്ര അധ്യക്ഷനായ ബെഞ്ച് നിരീക്ഷിച്ചിരുന്നു. ഹോളിഡേ ഹെറിറ്റേജ്, ഹോളി ഫെയ്ത്ത്, ജെയിൻ ഹൗസിംഗ്, കായലോരം അപ്പാർട്ട്മെന്റ്, ആൽഫാ വെഞ്ചേഴ്സ് എന്നിവയ്ക്കെതിരേയാണു നടപടി.
Read Moreനിപ്പയിൽ ആശങ്കകൾ ഒഴിയുന്നു; നിരീക്ഷണത്തിലുണ്ടായിരുന്ന 52 പേർക്കും രോഗലക്ഷണങ്ങളില്ല
കൊച്ചി: നിപ്പ വൈറസ് ബാധ പ്രതിരോധ പ്രവർത്തനങ്ങളുടെ ഭാഗമായി സൂക്ഷ്മ നിരീക്ഷണത്തിലുണ്ടായിരുന്ന 52 പേർക്കും രോഗലക്ഷണങ്ങൾ ഇല്ല. നിപ്പ ബാധിച്ച് സ്വകാര്യ ആശുപത്രിയിൽ ചികിത്സയിൽ കഴിയുന്ന രോഗിയുമായി അടുത്ത് സന്പർക്കമുണ്ടായിരുന്ന 52 പേരെയാണ് ഹൈ റിസ്ക് വിഭാഗത്തിൽപ്പെടുത്തി സൂക്ഷ്മ നിരീക്ഷണം നടത്തിയത്. ഇവർക്കും നിപ്പ രോഗലക്ഷണങ്ങൾ ഇല്ലെന്ന് കണ്ടെത്തിയതോടെ നിപ്പ വൈറസ് ബാധയുമായി ബന്ധപ്പെട്ട ആശങ്ക ഏറെക്കുറെ ഒഴിഞ്ഞു. അതേസമയം, നിപ്പ് സ്ഥീരികരിച്ച് സ്വകാര്യ ആശുപത്രിയിൽ കഴിയുന്ന രോഗിയുടെ രണ്ടാംഘട്ട പരിശോധനക്ക് അയച്ച മൂന്ന് സാന്പിളുകളിൽ രണ്ടെണ്ണം നെഗറ്റീവെന്ന് തെളിഞ്ഞതും ആശ്വാസമായിട്ടുണ്ട്. കളമശേരി മെഡിക്കൽ കോളജിലെ താൽക്കാലിക ലാബിൽ നടത്തിയ പരിശോധനയുടെ ഫലം കൂടുതൽ സ്ഥിരീകരണത്തിനായി പൂനെയിലെ നാഷണൽ ഇൻസ്റ്റിറ്റ്യൂട്ട് ഓഫ് വൈറോളജിയിൽ അയച്ചതിന്റെ ഫലമാണ് ലഭിച്ചത്.മൂന്നു സാന്പിളുകൾ പരിശോധിച്ചതിൽ ഒരെണ്ണം പോസിറ്റീവും രണ്ടെണ്ണം നെഗറ്റീവുമാണ്. രോഗിയുടെ ആരോഗ്യനില കൂടുതൽ മെച്ചപ്പെട്ടതായി ആശുപത്രി അധികൃതർ പറഞ്ഞു. നിലവിൽ…
Read More