വൈപ്പിൻ: സ്ത്രീയുടേതെന്നു സംശയിക്കുന്ന രണ്ടു കാലുകൾ മുറിച്ചുമാറ്റിയനിലയിൽ പുതുവൈപ്പ് എൽഎൻജി ടെർമിനലിനു സമീപം കടൽത്തീരത്തു കണ്ടെത്തിയ സംഭവത്തിൽ പോലീസ് വിശദമായ അന്വേഷണം ആരംഭിച്ചു. വെള്ളിയാഴ്ച വൈകുന്നേരം മത്സ്യത്തൊഴിലാളികളാണു തീരത്ത് അടിഞ്ഞനിലയിൽ കാലുകൾ കണ്ടെത്തിയത്. എറണാകുളം ജനറൽ ആശുപത്രി മോർച്ചറിയിൽ സൂക്ഷിച്ചിരിക്കുന്ന കാലുകൾ ഫോറൻസിക് പരിശോധന നടത്തും. അടുത്തകാലത്തു കാണാതായ സ്ത്രീകളെക്കുറിച്ചുള്ള വിവരങ്ങളും മുളവുകാട് പോലീസ് ശേഖരിക്കുന്നുണ്ട്. കാലുകളിൽ ഒരു കാൽ മുറിച്ചുമാറ്റിയനിലയിലും രണ്ടാമത്തേതു കാൽപ്പാദം വേർപെട്ട് രണ്ടായ നിലയിലുമാണ്. ഇടതും കാലും വലതുകാലും അടിഞ്ഞിരിക്കുന്നതിനാൽ കാൽ രണ്ടും ഒരാളുടേതാണെന്നു കരുതുന്നു. ചികിത്സയുടെ ഭാഗമായി മുറിച്ചുനീക്കിയ കാലുകൾ ആശുപത്രിയിൽനിന്നു കടലിൽ തള്ളിയതാകാമെന്ന വാദം ഉയർന്നെങ്കിലും അതു ശരിയല്ലെന്നാണു പോലീസിന്റെ പ്രാഥമിക നിഗമനം. കഴിഞ്ഞ ഓഗസ്റ്റിൽ ഈ ഭാഗത്ത് ഉണങ്ങിയനിലയിൽ പുരുഷന്റെ തലയും ഉടലിന്റെ കുറെഭാഗവും ലഭിച്ചിരുന്നു. ഇതുസംബന്ധിച്ച് അന്വേഷണം നടത്തിയെങ്കിലും മൃതദേഹം ആരുടേതാണെന്നു കണ്ടെത്താനായിരുന്നില്ല. ഇതിനു പിന്നാലെയാണു സ്ത്രീയുടേതെന്നു…
Read MoreCategory: Kochi
പാതാളം ഇഎസ്ഐ സൂപ്പർ സ്പെഷ്യാലിറ്റി ഹോസ്പിറ്റൽ; പദ്ധതി പ്രഖ്യാപനം ഉടൻ
കളമശേരി: പാതാളത്തെ ഇഎസ്ഐ ജില്ലാ ആശുപത്രിയെ സൂപ്പർ സ്പെഷ്യാലിറ്റി ഹോസ്പിറ്റലായി ഉയർത്തുന്നതിന്റെ ഭാഗമായി 100 കോടി രൂപയുടെ പദ്ധതി ഒരുങ്ങുന്നു. ഇതിനുള്ള നടപടിക്രമങ്ങൾ പൂർത്തിയായാൽ ഉടൻ പ്രഖ്യാപനമുണ്ടാകും. നിലവിൽ ജില്ലാ ആശുപത്രിയിൽ ചികിത്സ തേടിയെത്തുന്നവരെ തുടർചികിത്സയ്ക്കായി ഗവ. മെഡിക്കൽ കോളജ് ആശുപത്രിയിലേക്കോ സ്വകാര്യ ആശുപത്രികളിലേക്കോ ആണ് വിടുന്നത്. ഇതിന് പകരം വിദഗ്ദ്ധ ചികിത്സ ജില്ലാശുപത്രിയിൽ തന്നെ ലഭ്യക്കാനാണ് പദ്ധതി വിഭാവനം ചെയ്യുന്നത്. ഒരു വർഷത്തിന്നുള്ളിൽ 180 ബെഡുകൾ, ഐസിയു, വെൻറിലേറ്റർ, എൻഐ സിയു, മോർച്ചറി, മൊബൈൽ ഫ്രീസർ, തുടങ്ങിയവയും ഒരുവർഷത്തിനുള്ളിൽ പാതാളം ഇഎസ്ഐയിൽ വരും. ഒരു വാർഡ് അമ്മയ്ക്കും കുഞ്ഞിനുമായി നീക്കിവയ്ക്കും. റിസപ്ഷനിലും വാർഡുകളിലും ശീതീകരണ സംവിധാനവും ഉണ്ടാകും. കെട്ടിട നിർമാണങ്ങൾക്ക് ഇനിയും തുക അനുവദിക്കുമെന്ന് സ്ഥലം സന്ദർശിച്ച ഇഎസ്ഐ കോർപ്പറേഷൻ ബോർഡ് സ്റ്റാൻഡിംഗ് കമ്മറ്റി അംഗവുമായ വി. രാധാകൃഷ്ണൻ പറഞ്ഞു. വർഷകാല രോഗങ്ങളുടെ മുന്നൊരുക്കങ്ങളെക്കുറിച്ചും നിപ്പയടക്കമുള്ള…
Read Moreകൈയോടെ പൊക്കും..! മൂവാറ്റുപുഴ നഗരം കാമറാ നിരീക്ഷണത്തിൽ; ദൃശ്യങ്ങൾ കൗൺസിലർമാരുടെ മൊബൈലിലും
മൂവാറ്റുപുഴ: അനധികൃത മാലിന്യ നിക്ഷേപവും കുറ്റകൃത്യങ്ങളും തടയുന്നതിന്റെ ഭാഗമായി നഗരസഭയുടെ നേതൃത്വത്തിൽ മൂവാറ്റുപുഴ നഗരത്തിൽ നിരീക്ഷണ കാമറകൾ സ്ഥാപിക്കുന്നു. 10നു രാവിലെ 11നു കച്ചേരിത്താഴത്ത് ചെയർപേഴ്സണ് ഉഷ ശശിധരൻ ഉദ്ഘാടനം നിർവഹിക്കും. വൈസ് ചെയർമാൻ പി.കെ. ബാബുരാജ് അധ്യക്ഷതവഹിക്കും. ഒന്നാംഘട്ടമായി വാഴപ്പിള്ളി ലിസ്യൂ സെന്റർ, കച്ചേരിത്താഴം, ഇഇസി മാർക്കറ്റ് റോഡ്, പോസ്റ്റോഫീസ് ജംഗ്ഷൻ, എവറസ്റ്റ് ജംഗ്ഷൻ എന്നിവിടങ്ങളിലാണ് ആദ്യഘട്ടം കാമറകൾ സ്ഥാപിക്കുന്നത്. നഗരത്തിൽ 15 ഇടങ്ങളിൽ കാമറ സ്ഥാപിക്കാനാണ് നഗരസഭ തീരുമാനിച്ചിരിക്കുന്നത്. പോലീസിന്റെയും നഗരസഭ ഹെൽത്ത് വിഭാഗം ഉദ്യോഗസ്ഥരുടെയും സ്ഥിരം നിരീക്ഷണമുണ്ടാകും. ഇതിനു പുറമെ മുഴുവൻ കൗണ്സിലർമാരുടെയും മൊബൈൽ ഫോണിലേയ്ക്കും കാമറ ബന്ധിപ്പിക്കാനുള്ള സൗകര്യമൊരുക്കും. നഗരത്തിൽ മാലിന്യം തള്ളുന്നവരെ പിടികൂടുകയെന്നതാണ് കാമറ സ്ഥാപിച്ചതിന്റെ പ്രധാനലക്ഷ്യമെന്നു ചെയർപേഴ്സണ് ഉഷ ശശിധരൻ പറഞ്ഞു. ഇവർക്കെതിരേ കർശന നടപടി സ്വീകരിക്കുമെന്നും ചെയർപേഴ്സണ് വ്യക്തമാക്കി. നഗരത്തിലെ ഗതാഗത നിയമ ലംഘനം, സാമൂഹ്യ വിരുദ്ധരുടെ…
Read Moreകേരളതീരത്ത് നാളെ അർധരാത്രി മുതൽ ട്രോ ളിംഗ് നിരോധനം; 52 ദിവസത്തേക്കാണ് നിരോധനം ഏർപ്പെടുത്തിയിരിക്കുന്നത്
വൈപ്പിൻ: കേരളതീരത്ത് നാളെ അർധരാത്രിമുതൽ 52 ദിവസത്തേക്ക് ട്രോളിംഗ് നിരോധനം. കഴിഞ്ഞ വർഷം 47 ദിവസത്തേക്കായിരുന്നു നിരോധനമെങ്കിൽ ഇത്തവണ അഞ്ചുദിവസം കൂട്ടിയിരിക്കുകയാണ്. തീരത്തെത്തിയ ബോട്ടുകൾ ഇനി ജൂലൈ 31 നു അർധരാത്രിക്ക് ശേഷമെ കടലിലേക്ക് പോകു. മുനന്പം, മുരുക്കുംപാടം മേഖലയിലെ 80 ശതമാനം മത്സ്യബന്ധന ബോട്ടുകളും ഇന്നലെയും ഇന്നുമായി തീരമണഞ്ഞു. ശേഷിക്കുന്നവ ഇന്നു രാത്രിയിലും നാളെ വൈകുന്നേരത്തോടെയും തിരിച്ചെത്തും. ഇക്കുറി വേനൽ മഴ കുറഞ്ഞതുമൂലം സീസണിന്റെ അവസാന നാളുകളിൽ പതിവു പോലെയുള്ള ചാകരക്കോള് ഉണ്ടായില്ല. ഇത് മത്സ്യബന്ധന വ്യാവസായത്തിനു കനത്ത നഷ്ടമാണ് ഉണ്ടാക്കിയതെന്നാണ് ബോട്ടുടമകളും തൊഴിലാളികളും പറയുന്നത്. മത്സ്യലഭ്യത കുറഞ്ഞതിനാൽ ട്രോളിംഗ് നിരോധനത്തിനു ആഴ്ചകൾക്ക് മുന്പേ തന്നേ പല ബോട്ടുകളും മത്സ്യബന്ധനം അവസാനിപ്പിച്ചിരുന്നു. സാധാരണ മേയ് പകുതിയോടെ വേനൽ മഴപെയ്യുന്പോൾ ബോട്ടുകൾക്ക് ധാരാളം കണവ, കരിക്കാടി, പൂവാലൻ ചെമ്മീൻ തുടങ്ങിയവ ലഭിക്കാറുണ്ട്. എന്നാൽ കാലാവസ്ഥ അനുകൂലമല്ലാതിരുന്നതിനാൽ ഇക്കുറി…
Read Moreനിപ്പ ഭീതി ഒഴിയുന്നു; കളക്ടറേറ്റിൽ തുറന്ന കോൾ സെന്ററുകളിലേക്കു വിളിക്കുന്നവരുടെ എണ്ണത്തിൽ കുറവ്; ജനങ്ങളുടെ ആശങ്ക മാറിയതിന്റെ സൂചനയായാണ് അധികൃതർ
കൊച്ചി: നിപ്പ വൈറസ് ഭീതി ഒഴിയുന്നതിന്റെ സൂചന നൽകി കോൾ സെന്ററുകളിലേക്കു വിളിക്കുന്നവരുടെ എണ്ണത്തിലും കുറവ്. 22 പേർ മാത്രമാണ് എറണാകുളം കളക്ടറേറ്റിൽ താത്കാലികമായി തുറന്ന കോൾ സെൻററിലേക്ക് ഇന്നലെ വിളിച്ചത്. കോൾ സെന്ററിലേക്കുള്ള വിളികളുടെ എണ്ണത്തിൽ കുറവു വന്നതു ജനങ്ങളുടെ ആശങ്ക മാറിയതിന്റെ സൂചനയായാണ് അധികൃതരുടെ കണക്കുകൂട്ടൽ. നിപ്പ സ്ഥിരീകരിച്ചതിനെത്തുടർന്ന് ഇതുവരെ ആകെ 512 പേരാണ കോൾ സെന്ററിലേക്ക് വിളിച്ചിട്ടുള്ളത്. ഇതിനിടെ, നിപ്പ സ്ഥിരീകരിച്ച് കൊച്ചിയിലെ സ്വകാര്യ ആശുപത്രിയിൽ ചികിത്സയിൽ കഴിയുന്ന യുവാവിന്റെ രക്ത സാന്പിൾ ഇന്ന് വീണ്ടും പരിശോധിച്ചേക്കും. വൈറസ് സാന്നിധ്യം പൂർണമായും മാറിയോ എന്നറിയുവാൻ എറണാകുളം മെഡിക്കൽ കോളജിൽ ഒരുക്കിയ പ്രത്യേക ലാബിലാകും സാന്പിൾ പരിശോധിക്കുകയെന്നാണു വിവരങ്ങൾ. അതിനിടെ, ഇന്നലെ രാത്രിയോടെ നിപ്പ ബാധിച്ചിട്ടുണ്ടോയെന്ന സംശയത്താൽ ഒരു വയോധികനെ മെഡിക്കൽ കോളജ് ആശുപത്രിയിൽ എത്തിച്ചിട്ടുണ്ട്. ഒരാഴ്ചയായി പനിബാധിച്ച് കോതമംഗലം സ്വകാര്യ ആശുപത്രിയിൽ ചികിത്സയിലായിരുന്ന…
Read Moreപുതു അധ്യായന ദിവസത്തിൽ സൗജന്യ യാത്രയൊരുക്കി മാതൃകയായി എറണാകുളത്തെ സ്വകാര്യ ബസുകൾ
പിറവം: പുതു അധ്യായന ദിവസത്തിൽ എല്ലാ വിദ്യാർഥികൾക്കും സൗജന്യ യാത്രയൊരുക്കിയ സ്വകാര്യ ബസ് ശ്രദ്ധേയമായി. കൂത്താട്ടുകുളം-പിറവം-എറണാകുളം റൂട്ടിലോടുന്ന “അഷ്റിക’ ബസാണ് സൗജന്യമായി സർവീസ് നടത്തിയത്. ബസിന്റെ മുന്നിൽ വിദ്യാർഥികൾക്ക് പുതു അധ്യായന വർഷത്തിലേക്ക് ആശംസകൾ അർപ്പിച്ചുകൊണ്ട് യാത്ര സൗജന്യമാണന്നുള്ള ഫ്ളക്സ് ബാനറും സ്ഥാപിച്ചിരുന്നു. കൂടാതെ ബസിൽ കയറിയ വിദ്യാർഥികൾക്ക് മധുരപലഹാരങ്ങളും വിതരണം ചെയ്തിരുന്നു. അഷ്റിക് സർവീസിന്റെ അഞ്ചോളം ബസുകൾ പിറവം മേഖലയിൽ സർവീസ് നടത്തുന്നുണ്ട്. സ്വകാര്യ ബസ് ജീവനക്കാരും വിദ്യാർഥികളുമായുള്ള അകൽച്ച കുറക്കുവാനും അധ്യായന ദിവസങ്ങളിൽ ശുഭയാത്ര സാധ്യമാക്കുക എന്ന ലക്ഷ്യത്തോടെയാണ് സൗജന്യ യാത്രയൊരുക്കിയതെന്ന് ബസ് ഉടമയായ പിറവം സ്വദേശി ഏലിയാസ് ഇടയത്തുപാറ പറയുന്നു. ഇദേഹം വർഷങ്ങളോളം സ്വകാര്യ ബസ് ഡ്രൈവറായി ജോലി നോക്കിയിട്ടുള്ളതാണ്. വൈപ്പിൻ: വിദ്യാർഥി-ബസ് തൊഴിലാളി സൗഹൃദത്തിന്റെ ഭാഗമായി പ്രവേശനോത്സവ ദിനത്തിൽ സൗജന്യ ബസ് യാത്ര ഒരുക്കി ദോസ്ത് ഗ്രൂപ്പ് രക്ഷിതാക്കളുടെയും അധ്യാപക സമൂഹത്തിന്റെയും…
Read Moreഇൻകം ടാക്സ് ഉദ്യോഗസ്ഥൻ ചമഞ്ഞ് തട്ടിപ്പ്; മഹാരാഷ്ട്ര സ്വദേശി കബളിപ്പിച്ചത് പെരുമ്പാവൂരിലെ പ്രമുഖ വ്യവസായിയെ
പെരുമ്പാവൂർ: സംസ്ഥാനത്തെ പ്രമുഖ വ്യവസായികളെ ഭീഷണിപ്പെടുത്തി പണം തട്ടുന്ന ഇതരസംസ്ഥാനക്കാരനായ യുവാവിനെ പോലീസ് പിടികൂടി. മഹാരാഷ്ട്ര അമരാവതി ദാമംഗാവ് സ്വദേശി ആശിഷ് രമേശ് ബിസ (32) യെയാണ് പെരുമ്പാവൂർ പോലീസ് പിടികൂടിയത്. പ്രമുഖ വ്യവസായികളെയും വ്യാപാരികളെയും ഫോണിൽ വിളിച്ചു ഇൻകം ടാക്സ് അസി. കമ്മീഷണർ ആണെന്നു പറഞ്ഞാണു തട്ടിപ്പ്. സ്ഥാപനത്തിൽ ടാക്സ് തട്ടിപ്പ് നടന്നിട്ടുണ്ടെന്നും വിവരങ്ങൾ കൈവശമുണ്ടെന്നും ഉടൻ പരിശോധന നടത്തുമെന്നും അത് ഒഴിവാക്കണമെങ്കിൽ ആവശ്യപ്പെടുന്ന പണം നൽകണമെന്നും കടയുടമകളെ അറിയിക്കും. പ്രതി വിചാരിക്കുന്ന തരത്തിൽ കാര്യങ്ങൾ എത്തിയാൽ സിഡിഎം മെഷീൻ വഴി കാഷ് ഡെപ്പോസിറ് ചെയ്യണമെന്നും അറിയിക്കും. അഡ്വാൻസ് ആയി പണം നൽകിയാൽ രേഖകളുടെ പകർപ്പ് മെയിൽ വഴി അയച്ചുനൽകുമെന്ന് അറിയിക്കും. മുഴുവൻ പണം നൽകിയാൽ എല്ലാ ഒറിജിനൽ രേഖകളും നൽകാമെന്നും പറയും. പെരുമ്പാവൂരിലെ പ്രമുഖ വ്യവസായിയെ ഇത്തരത്തിൽ കബളിപ്പിച്ചതിനെത്തുടർന്ന് ഇദേഹം നൽകിയ പരാതിയുടെ അടിസ്ഥാനത്തിലാണ്…
Read Moreതട്ടിപ്പിന്റെ പുതിയ വെർഷൻ; കടയുടെ ഷട്ടറുകളിൽ മനുഷ്യ വിസർജ്യം ഇട്ട് കടയുടമയുടെ ശ്രദ്ധ തിരിക്കും; കോതമംഗലത്ത് നടന്ന തട്ടിപ്പിൽ വ്യാപാരിക്ക് നഷ്ടമായത് ഒന്നരലക്ഷം രൂപയും ഫോണും
കോതമംഗലം: വ്യാപരസ്ഥാപനത്തിന് മുന്നിൽ മനുഷ്യവിസർജ്യം ഇട്ട് ഉടമയുടെ ശ്രദ്ധതിരിച്ച് ഒന്നര ലക്ഷം രൂപയടങ്ങുന്ന ബാഗും മൊബൈൽ ഫോണും കവർന്നു. നഗരത്തിൽ തിരക്കേറിയ കോതമംഗലം കെഎസ്ആർടിസി ജംഗ്ഷനിൽ എസ്എൻ സ്റ്റോഴ്സ് പലചരക്കു കടയിൽ ഇന്നു രാവിലെയാണ് സംഭവം. സ്ഥാപന ഉടമ മുരളി കടതുറക്കുവാനായി പതിവ് പോലെ രാവിലെ എത്തിയതായിരുന്നു. അപ്പോഴാണ് കടയുടെ ഷട്ടറുകൾക്ക് ചേർന്ന് തിണ്ണയിൽ മനുഷ്യ വിസർജ്യം ശ്രദ്ധയിൽപ്പെട്ടത്. ഇത് വ്യത്തിയാക്കുന്നതിനായി ബിൽഡിംഗിന് പിന്നിലെ ടോയ്ലറ്റിൽ പോയി ബക്കറ്റിൽ വെള്ളമെടുത്ത് എത്തിയ ഉടമ ശുചീകരണം നടത്തുകയായിരുന്നു ആദ്യം. ഇതിന് ശേഷം സ്കൂട്ടറിൽ നിന്നും ബാഗും താക്കോലുമെടുത്ത് കടതുറക്കാൻ നോക്കിയപ്പോഴാണ് പണവും മൊബൈലും നഷ്ടപ്പെട്ടത് ശ്രദ്ധയിൽപ്പെട്ടത്. സ്കൂട്ടറിന്റെ താക്കോൽ ഊരുവാനും തിരക്കിനിടയിൽ ഉടമ മറന്നിരുന്നു. താക്കോൽ ഉപയോഗിച്ച് സ്കൂട്ടറിന്റെ ബോക്സ് തുറന്നാണ് മോഷണം നടത്തിയത്. ഉടൻ വിവരം അറിയിച്ചതിനെ തുടർന്ന് കോതമംഗലം പോലീസ് സംഭവസ്ഥലത്തെത്തി പരിശോധന നടത്തി. പരിസരത്തെ…
Read Moreഒന്നാം ക്ലാസുകാരന്റെ ജീവൻ രക്ഷിച്ച പ്രജിത്തിന്റെ ധീരതയ്ക്ക് ആദിശങ്കരയുടെ സ്നേഹോപഹാരം
കാലടി: ഒന്നാം ക്ലാസ് വിദ്യാർഥിയുടെ ജീവൻ രക്ഷിച്ച പ്രജിത്തിന് ഉപരിപഠനത്തിനു അവസരമൊരുക്കി ആദിശങ്കര ട്രസ്റ്റ്. മാണിക്കമംഗലം സ്വദേശിയായ പ്രജിത്തിനാണ് ആദിശങ്കര ട്രസ്റ്റ് അവരുടെ കീഴിലുളള വിദ്യാഭ്യാസ സ്ഥാപനങ്ങളിൽ സൗജന്യ വിദ്യാഭ്യാസം നൽകുന്നത്. 2017 ജൂണ് 14 ന് മാണിക്കമംഗലം തുറയിൽ കാൽവഴുതി വീണ ഒന്നാം ക്ലാസ് വിദ്യാർഥി കണ്ണനെ അതിസാഹസികമായി പ്രജിത്ത് രക്ഷപ്പെടുത്തിയിരുന്നു. പ്രജിത്തിന്റെ ഈ ധീരതയ്ക്കുള്ള അംഗീകാരമായാണ് ആ വർഷത്തിൽ തന്നെ ട്രസ്റ്റ് അവരുടെ സ്ഥാപനങ്ങളിൽ ഉപരി വിദ്യാഭ്യാസത്തിനുള്ള വാഗ്ദാനം നൽകിയത്. ഇതേത്തുടർന്ന് പത്താം ക്ലാസ് കഴിഞ്ഞതോടെ പ്രജിത്ത് ശ്രീശാരദ വിദ്യാലയത്തിൽ ഉപരി പഠനത്തിനു തുടക്കം കുറിച്ചു. 2017 ജൂണിൽ തുറയുടെ അടുത്ത് കളിച്ചു കൊണ്ടിരുന്നപ്പോൾ കണ്ണൻ കാൽവഴുതി വെളളത്തിൽ വീഴുകയായിരുന്നു. തുറയുടെ ഒരു വശത്ത് കളിച്ചു കൊണ്ടിരുന്ന കൊച്ചുകുട്ടികൾ കണ്ണൻ വെളളത്തിൽ മുങ്ങിത്താഴുന്നതുകണ്ട് ബഹളം വച്ചു. ഇത് കേട്ട് ഓടിയെത്തിയ പ്രജിത്ത് മറ്റൊന്നും ആലോചിക്കാതെ…
Read Moreപീഡനശ്രമം ചിത്രകലാ അധ്യാപകൻ അറസ്റ്റിൽ; വീട്ടിലെത്തി ചിത്രകല പഠിക്കുന്ന മധ്യാവയസ്കനായ അധ്യാപകനെ പോലീസ് അറസ്റ്റു ചെയ്തു
മരട്: പെൺകുട്ടിയെ പീഡിപ്പിക്കാൻ ശ്രമിച്ചെന്ന പരാതിയിൽ നെട്ടൂർ സ്വദേശിയായ ചിത്രകലാ അധ്യാപകനെ പോലീസ് അറസ്റ്റു ചെയ്തു. തേവരയിൽ നടന്ന സംഭവത്തിൽ വീട്ടുകാരുടെ പരാതിയെ തുടർന്നാണ് പോലീസ് നടപടി. ചിത്രം വര പഠിപ്പിക്കാൻ വീട്ടിലെത്താറുള്ള അൻപതുകാരനാണ് പെൺകുട്ടിയെ പീഡിപ്പിച്ചതെന്നാണ് പരാതി. വിദ്യാർഥിനിക്ക് ചിത്രരചനയിൽ താല്പര്യക്കുറവ് ശ്രദ്ധയിൽപ്പെട്ട മാതാപിതാക്കൾ കാരണം തിരക്കിയപ്പോഴാണ് പീഡനം സംബന്ധിച്ച സൂചന ലഭിച്ചത്. തുടർന്ന് പോലീസിൽ പരാതി നൽകുകയായിരുന്നു. പെൺകുട്ടിയിൽനിന്നും ലഭിച്ച മൊഴിയുടെ അടിസ്ഥാനത്തിൽ മധ്യവയസ്കനെ ചോദ്യം ചെയ്തശേഷം അറസ്റ്റു രേഖപ്പെടുത്തുകയായിരുന്നെന്ന് പോലീസ് പറഞ്ഞു. കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു.
Read More