വൈപ്പിൻ : ഗോശ്രീ ബസുകളുടെ നഗരപ്രവേശനം സാധ്യമാക്കുന്നതിൽ മുഖ്യമന്ത്രിയും എംഎൽഎയും തന്ന ഉറപ്പ് ഇനിയും പാലിക്കാത്തതിൽ പ്രതിഷേധിച്ച് തിരുവനന്തപുരത്ത് മുഖ്യമന്ത്രിയുടെ വസതിക്ക് മുന്നിൽ സമരം നടത്തുമെന്ന് ഗോശ്രീ മനുഷ്യാവകാശ സംരക്ഷണ സമിതി അറിയിച്ചു. രണ്ട് വർഷം മുന്പ് സമിതി എറണാകുളത്ത് വഞ്ചി സ്ക്വയറിൽ പ്രതിഷേധ സംഘടിപ്പിക്കുകയും വൈപ്പിൻകരയിലെ ജനങ്ങൾ ഒപ്പിട്ട ഭീമ ഹർജി മുഖ്യമന്ത്രിയെ നേരിൽകണ്ട് സമർപ്പിക്കുയും ചെയ്തിരുന്നു. ഇതേ തുടർന്ന് മുഖ്യമന്ത്രിയുടെ പ്രൈവറ്റ് സെക്രട്ടറിയുമായി ചർച്ച നടത്തുകയും അദ്ദേഹം എറണാകുളം ജില്ലാ കളക്ടറോട് ഇക്കാര്യത്തിൽ റിപ്പോർട്ട് സമർപ്പിക്കാൻ നിർദ്ദേശിക്കുകയും ചെയ്തു. ഇതേ തുടർന്ന് പൊതുജനത്തിൻറെ യാത്രാ ക്ലേശം നേരിൽ മനസ്സിലാക്കുവാൻ കളക്ടർ ബസ്സിൽ യാത്ര ചെയ്ത് അനുകൂല റിപ്പോർട്ട് നൽകിയിരുന്നതാണ്. എംഎൽഎ എസ്. ശർമ്മയുടെ നേതൃത്വത്തിൽ വൈപ്പിനിൽ വിവിധ കക്ഷിനേതാക്കളുടെയും പഞ്ചായത്ത് നേതാക്കളുടെയും യോഗം സംഘടിപ്പിക്കുയും ആ യോഗത്തിൽ വച്ചുണ്ടായ തീരുമാനപ്രകാരം മുഖ്യമന്ത്രിക്ക് മറ്റൊരു…
Read MoreCategory: Kochi
കടമ്പ്രായാറിലെ ടൂറിസം വികസനം കരയ്ക്കുതന്നെ; ജനപ്രതിനിധികളുടെ ഭാഗത്തു നിന്നും വികസനത്തിനു വേണ്ട ഒരു നടപടിയും ഉണ്ടാകുന്നില്ലെന്ന് നാട്ടുകാർ
കിഴക്കന്പലം : 2007 ൽ ആരംഭിച്ച കടന്പ്രയാർ ടൂറിസം പദ്ധതികൾ വികസന തുടർച്ചയില്ലാത നശിക്കുന്നു.പുതുതായി വന്ന തൂക്കുപാലമൊഴിച്ചാൽ മറ്റൊരു വികസന പ്രവർത്തനവും ഇവിടെ നടന്നിട്ടില്ല. ഒട്ടേറെ അനുബന്ധ ടൂറിസം പദ്ധതികൾ വിഭാവനം ചെയ്തൈങ്കിലും കടവടുക്കാതെ കടന്പ്രയാർ ടൂറിസം പ്രദേശം മുരടിക്കുകയാണെന്നാണ് നാട്ടുകാരുടെ ആരോപണം.കിഴക്കന്പലം, കുന്നത്തുനാട് പഞ്ചായത്തുകളിലായി പദ്ധതിക്കായി വാക്ക് വേയും, വാച്ച് ടവറും ബോട്ട് ജെട്ടിയും സ്ഥാപിച്ചെങ്കിലും രാത്രിയായാൽ ഇവിടം സാമൂഹ്യ വിരുദ്ധരുടെ താവളമാണ്. ഇവിടെ നടപ്പാതയുടെ കൈവരികൾ തുരുന്പിച്ച് തകർന്ന് വീണ അവസ്ഥയിലാണ്.ലക്ഷങ്ങൾ മുടക്കി വാങ്ങിയ ബോട്ടുകളും നശിക്കുകയാണ്.പോളപ്പായലും വള്ളിപ്പായലും ഒപ്പം പുല്ലും നിറഞ്ഞതോടെ മനയ്ക്കക്കടവിൽ നിന്നുള്ള ബോട്ടിംഗിന് തടസം നേരിടുന്നുണ്ട്. പുല്ല് നിറഞ്ഞ് വലിയ കൂനയായി രൂപപ്പെട്ട നിലയിലാണ്. പുല്ലും പായലും നിറഞ്ഞതോടെ നാടൻ മത്സ്യങ്ങളുടെ കലവറയായ കടന്പ്രയാറിലേക്ക് വലയിറക്കാൻ പറ്റാത്ത സ്ഥിതിയാണ്.മലിനീകരണം മൂലം ശരീരത്തിൽ ചൊറിച്ചിൽ അനുഭവപ്പെടുന്നതായും മത്സ്യത്തൊഴിലാളികൾ പറഞ്ഞു. വില്ലേജ് ടൂറിസം…
Read Moreപാലാരിവട്ടം വഴി വന്നാൽ കുടുങ്ങിയതു തന്നെ ; അറ്റകുറ്റപ്പണികൾ പൂർത്തിയാക്കാതെ കരാർ കമ്പനി; ബ്ലോക്കിൽ കുടുങ്ങി യാത്രക്കാർ
കൊച്ചി: നിർമാണത്തിലെ ക്രമക്കേടുകളെത്തുടർന്ന് ബലക്ഷയം സംഭവിച്ച പാലാരിവട്ടം മേൽപ്പാലം അറ്റകുറ്റപ്പണികൾക്കായി അടച്ച് ഒരുമാസം പിന്നിടുന്പോഴും തുറന്നു നൽകാത്തതിനെത്തുടർന്ന് പ്രദേശത്ത് ഗതാഗതകുരുക്ക് രൂക്ഷമാകുന്നു. പണികൾ ഒരുമാസത്തിനകം പൂർത്തിയാക്കി പാലം ഗതാഗതത്തിനായി തുറന്ന് നൽകുമെന്ന് പാലം നിർമാണത്തിനു മേൽനോട്ടം വഹിക്കുന്ന റോഡ്സ് ആൻഡ് ബ്രിഡ്ജസ് ഡെവലപ്മെന്റ് കോർപറേഷൻ കേരള(ആർബിഡിസികെ) നേരത്തെ അറിയിച്ചിരുന്നെങ്കിലും അറ്റകുറ്റപ്പണികൾ പൂർത്തിയാകാത്ത സാഹചര്യത്തിൽ പാലം തുറന്നിട്ടില്ല. പാലത്തിൽ നിലവിലുണ്ടായിരുന്ന ടാറിംഗ് ഇളക്കി പുതിയ ടാറിംഗ് നടത്തുക. ഡെക് കണ്ടിന്യൂവിറ്റി ടെക്നോളജിയിൽ നിർമിച്ച പാലത്തിലെ എക്സ്പാൻഷൻ ജോയിന്റുകൾ ഉറപ്പിക്കുക തുടങ്ങിയ ജോലികളാണ് നടക്കുന്നത്. അധ്യയന വർഷം ആരംഭിക്കാനിരിക്കെ വരുംദിവസങ്ങളിൽ പണികൾ പൂർത്തിയാക്കി പാലം ഗതാഗത യോഗ്യമാക്കിയില്ലെങ്കിൽ വാഹനതിരക്ക് ഇനിയും വർധിക്കാനാണ് സാധ്യത. നിലവിൽ വൈറ്റിലയിലും കുണ്ടന്നൂരും മേൽപ്പാലങ്ങളുടെ പണി നടക്കുന്നത് മൂലം രാവിലെയും വൈകിട്ടും പ്രദേശത്ത് ഗതാഗതക്കുരുക്ക് രൂക്ഷമാണ്. നേരത്തെ പാലാരിവട്ടം കാക്കനാട് ഭാഗങ്ങളിലേക്ക് പോകേണ്ട വാഹനങ്ങൾ സിഗ്നലിൽനിന്ന്…
Read Moreലാബ് പരിശോധനാ ഫലം ഉച്ചയോടെ; നിപ്പ സ്ഥിരീകരിച്ചാൽ പ്രതിരോധത്തിന് സജ്ജമെന്ന് മന്ത്രി
കൊച്ചി: എറണാകുളത്ത് സ്വകാര്യ ആശുപത്രിയിൽ ചികിത്സയിലുള്ള രോഗിക്ക് നിപ്പ വൈറസ് ബാധയുണ്ടോ എന്നറിയാന് നടത്തിയ ലാബ് പരിശോധനാ ഫലം ഉച്ചയോടെ പുറത്തുവരും. പുനെ വൈറോളജി ഇൻസ്റ്റ്യൂട്ടിന്റെ റിപ്പോർട്ടിനാണ് കാക്കുന്നത്. നിപ്പ വൈറസ് ബാധ സ്ഥിരീകരിച്ചാൽ പ്രതിരോധത്തിന് സജ്ജമാണെന്നും ആരോഗ്യമന്ത്രി കെ.കെ. ശൈലജ പറഞ്ഞു. തൃശൂരിലെ സ്വകാര്യ സ്ഥാപനത്തിൽ ഇന്റേൺഷിപ്പ് ചെയ്തിരുന്ന 21കാരനായ എറണാകുളം സ്വദേശിയാണ് നിരീക്ഷണത്തിൽ കഴിയുന്നത്. രോഗിയുടെ സ്രവം നാഷണൽ വൈറോളജി ഇൻസ്റ്റിറ്റ്യൂട്ടിലേക്കും മണിപ്പാലിലേക്കും അയച്ചിട്ടുണ്ട്. നിപ്പയാണെന്നതിന് വിദൂരസാധ്യത മാത്രമാണെന്നാണ് വിദഗ്ധരെല്ലാം പറയുന്നത്. തൃശൂരിലും ആരോഗ്യ വകുപ്പ് ജാഗ്രതയിലാണ്. യുവാവ് ഇന്റേൺഷിപ്പിനെത്തിയ സ്ഥാപനവും ഒപ്പം ജോലി ചെയ്തവരും നിരീക്ഷണത്തിലുണ്ട്.
Read Moreമരം ഒരു വരം! നേര്യമംഗലം-അടിമാലി റോഡിൽ അഗാധമായ കൊക്കയിലേക്കു മറിഞ്ഞ കാർ മരത്തിൽ തങ്ങിനിന്നു; യാത്രക്കാർ അത്ഭുതകരമായി രക്ഷപ്പെട്ടു
കോതമംഗലം: ദേശീയ പാതയിൽ നേര്യമംഗലം-അടിമാലി റോഡിലെ അഞ്ചാം മൈലിൽ കൊക്കയിലേക്ക് കരണം മറിഞ്ഞ കാർ മരത്തിൽ തങ്ങിനിന്നു. യാത്രക്കാർ നിസാര പരിക്കുകളോടെ അത്ഭുതകരമായി രക്ഷപ്പെട്ടു. ഇന്നലെ ഉച്ചയോടെയാണ് അപകമുണ്ടായത്. മൂന്നാറിൽനിന്ന് ആലപ്പുഴക്കു പോകുകയായിരുന്ന ആന്ധ്രയിൽ നിന്നുള്ള കുടുബമാണ് കാറിലുണ്ടായിരുന്നത്. എതിരെ വന്ന ബസിനു സൈഡ് കൊടുക്കുന്നതിനിടെ റോഡിൽ നിന്നു തെന്നിമാറി കരണംമറിഞ്ഞ കാർ മരത്തിൽ തങ്ങി നിൽക്കുകയായിരുന്നു. സംഭവമറിഞ്ഞെത്തിയ നാട്ടുകാരും അതുവഴി വന്ന യാത്രക്കാരും ചേർന്നാണ് കാറിലുണ്ടായിരുന്നവരെ പുറത്തെടുത്തത്. പോലിസും സ്ഥലത്തെത്തിയിരുന്നു. ഡ്രൈവർ ഉൾപ്പടെ എല്ലാവർക്കും നിസാര പരിക്കുകകളോടെ രക്ഷപ്പെട്ടു. അഗാധമായ കൊക്കയിലേക്ക് പതിക്കുമായിരുന്ന കാർ തലനാരിഴയ്ക്കു രക്ഷപ്പെടുകയായിരുന്നു. റോഡരികിലെ ക്രാഷ് ബാരിയറും തകർത്താണ് ടവേര കാർ മറിഞ്ഞത്. വാഹനത്തിലുണ്ടായിരുന്നനവരെ ആശുപത്രിയിലെത്തിച്ച് പ്രഥമ ശുശ്രുഷ നൽക്കി വിട്ടയച്ചു. ദേശീയപാതയോരത്ത് കുറ്റിക്കാട് നിറഞ്ഞുനിൽക്കുന്നത് വാഹനങ്ങൾക്ക് ഭീഷണിയാകുന്നുണ്ട്. മഴക്കാലം ആരംഭിക്കുന്നതിനു മുന്പേ കാട് വെട്ടിയില്ലെങ്കിൽ മേഖലയിൽ അപകടങ്ങൾ തുടർക്കഥയാകും.
Read Moreനാട്ടുകാരുടെ കാലങ്ങളായുള്ള ചിരകാലാഭിലാഷം! സുന്ദരന്റെ ഓഡിറ്റോറിയം വ്യത്യസ്തമാകുന്നതിങ്ങനെ..
നെടുമ്പാശേരി: പാവപ്പെട്ടവര് തിങ്ങിത്താമസിക്കുന്ന നാല് സെന്റ് കോളനിയില് മനോഹരമായ ഓഡിറ്റോറിയം നിര്മിച്ച് അതു പാവങ്ങളുടെയും മറ്റും മക്കളുടെ കല്യാണത്തിനും സാമൂഹ്യപ്രതിപദ്ധതയുള്ള പ്രവർത്തനങ്ങൾക്കും സൗജന്യമായി നൽകുമെന്ന് പ്രഖ്യാപിച്ച് നാടിനു മാതൃകയാവുകയാണ് മുൻ പഞ്ചായത്തംഗം കൂടിയായ എം.വി. സുന്ദരൻ. നാട്ടുകാരുടെ കാലങ്ങളായുള്ള ചിരകാലാഭിലാഷമാണ് കഴിഞ്ഞദിവസം നടന്ന ഓഡിറ്റോറിയം ഉദ്ഘാടനത്തിലൂടെ അദ്ദേഹം പൂർത്തീകരിച്ചത്. സാധാരണക്കാരും കൂലിപ്പണിക്കാരുമായ വിവിധ ജാതി മതസ്ഥര് തിങ്ങിത്താമസിക്കുന്ന ചെങ്ങമനാട് പഞ്ചായത്തിലെ അഞ്ചാം വാര്ഡിലാണ് സുന്ദരന് 1,500 ഓളം പേര്ക്കെങ്കിലും പങ്കെടുക്കാവുന്ന ചടങ്ങുകൾ നടത്താവുന്ന അത്യാധുനിക സൗകര്യങ്ങളോടുകൂടിയ മനോഹരമായ ഡ്രീംലാൻഡ് എന്ന ഓഡിറ്റോറിയം നിര്മിച്ചിട്ടുള്ളത്. തന്റെ വീടിന് ചുറ്റും താമസിക്കുന്ന സാധാരണക്കാര് വിവാഹം അടക്കമുള്ള ആവശ്യങ്ങള്ക്ക് സൗകര്യമില്ലാതെ വലയുന്നതും ദൂരെ സ്ഥലങ്ങളില് ഭീമമായ തുക നല്കി ആവശ്യം നിര്വഹിക്കുന്നതും കാലങ്ങളായി കണ്ടുവരുന്ന സുന്ദരന് അതിനൊരു പരിഹാരമെന്നോണമാണ് വീടിനടുത്ത് തന്റെ പെണ്മക്കളായ സുനിത പ്രവീണ്, സ്മിത ജഗദീഷ് എന്നിവര്ക്ക് നല്കിയ…
Read Moreഫോൺ ചെയ്യുന്നതിനിടെ കിണറ്റിൽ വീണു, രക്ഷപ്പെടുത്താൻ നാട്ടുകാർ ശ്രമം നടത്തിയെങ്കിലും പരാജയപ്പെട്ടു; രക്ഷകരായി ഫയർഫോഴ്സ്
കിഴക്കമ്പലം: പെരിങ്ങാല അമ്പലംപടിയിൽ കിണറ്റിൽ വീണയാളെ പട്ടിമറ്റം ഫയർഫോഴ്സ് രക്ഷപെടുത്തി. ഇന്നലെ ഉച്ചക്ക് 12.15നാണ് സംഭവം. കല്ലുങ്കൽ കരീം എന്നയാളുടെ വീട്ടിൽ വാടകയ്ക്കു താമസിച്ചിരുന്ന ചിത്രപ്പുഴ സ്വദേശിയായ തത്തനാട്ട് രഘു (43)വാണ് അപകടത്തിൽപ്പെട്ടത്. കിണറിന്റെ സമീപത്തുനിന്ന് ഫോൺ ചെയ്യുന്നതിനിടെ കാൽ വഴുതി കിണറ്റിലേക്ക് വീഴുകയായിരുന്നു. അൻപത് അടിയിലേറെ ആഴവും നാലടിയോളം വെള്ളവുമുണ്ടായിരുന്ന കിണറ്റിൽനിന്നും രഘുവിനെ രക്ഷപ്പെടുത്താൻ നാട്ടുകാർ ശ്രമം നടത്തിയെങ്കിലും സാധിക്കാത്തതിനാൽ സഹായത്തിനായി ഫയർഫോഴ്സിൽ വിവരം അറിയിക്കുകയായിരുന്നു. ഉടൻതന്നെ അസിസ്റ്റന്റ് സ്റ്റേഷൻ ഓഫീസർ ടി. കെ. സുരേഷിന്റെ നേതൃത്വത്തിൽ പട്ടിമറ്റം ഫയർഫോഴ്സ് സംഭവസ്ഥലത്തെത്തി. തുടർന്ന് സേനാംഗങ്ങൾ റെസ്ക്യു നെറ്റ് കിണറ്റിലിറക്കി ആളിനെ കയറ്റിയതിനുശേഷം സുരക്ഷിതമായി വലിച്ച് കരക്കെത്തിക്കുകയായിരുന്നു. വീഴ്ച്ചയിൽ ചെറിയ പരിക്കുകൾ പറ്റിയ രഘുവിനെ ഫയർഫോഴ്സിന്റെ ആംബുലൻസിൽ സമീപത്തുള്ള സ്വകാര്യ ആശുപത്രിയിൽ എത്തിച്ചു. കരിമുകൾ പോലീസും സഹായത്തിനുണ്ടായിരുന്നു. കിണർ അപകടങ്ങൾ ഉണ്ടാകുമ്പോൾ കിണറ്റിൽ ഓക്സിജൻ ഉണ്ടോ എന്നറിയുന്നതിന്…
Read Moreപാലാരിവട്ടം മേൽപ്പാലം! മുൻമന്ത്രി വി.കെ. ഇബ്രാഹിം കുഞ്ഞിനെതിരേ നടത്തുന്ന നുണപ്രചാരണം; ഉമ്മന് ചാണ്ടി പറയുന്നു
കളമശേരി: പാലാരിവട്ടം പാലത്തിന്റെ പേരില് മുൻമന്ത്രി വി.കെ. ഇബ്രാഹിം കുഞ്ഞിനെതിരേ നടത്തുന്ന നുണപ്രചാരണം സിപിഎമ്മിനും എല്ഡിഎഫിനും തിരിച്ചടിയാകുമെന്ന് മുൻ മുഖ്യമന്ത്രി ഉമ്മന് ചാണ്ടി പറഞ്ഞു. പാലാരിവട്ടം പാലത്തിന്റെ നിര്മാണവുമായി ബന്ധപ്പെട്ട് ഇടതു മുന്നണി നടത്തുന്ന നുണപ്രചാരണം അവസാനിപ്പിക്കണമെന്നും പാലം ഉടന് ഗതാഗത്തിന് തുറന്നു കൊടുക്കണമെന്നും അദ്ദേഹം ആവശ്യപ്പെട്ടു. യുഡിഎഫ് കളമശേരി നിയോജക മണ്ഡലം കമ്മിറ്റി എച്ച്എംടി ജംഗ്ഷനില് സംഘടിപ്പിച്ച പ്രതിഷേധക്കൂട്ടായ്മ ഉദ്ഘാടനം ചെയ്തു സംസാരിക്കുകയായിരുന്നു ഉമ്മന് ചാണ്ടി. യുഡിഎഫിന്റെ കഴിഞ്ഞ അഞ്ചു വര്ഷത്തെ ഭരണത്തില് പൊതുമരാമത്ത് വിഭാഗം നിരവധി പദ്ധതികളാണ് ഏറ്റെടുത്തു നടപ്പിലാക്കിയത്. കേരളത്തില് 400 ദിവസത്തിനുള്ളില് 100 പാലങ്ങള്ക്കുള്ള പദ്ധതികള് ആവിഷ്കരിച്ച് നടപ്പാക്കുന്നതില് ഇബ്രാഹിംകുഞ്ഞ് വിജയം കണ്ടതായും അദേഹം പറഞ്ഞു. ഇടപ്പിള്ളി ഫ്ളൈ ഓവറിന്റെ പണി പൂര്ത്തിയാക്കിയതും പാലാരിവട്ടം ഫ്ളൈഓവറിന്റെ 75 ശതമാനം പദ്ധതിയും പൂര്ത്തിയാക്കിയതും യുഡിഎഫ് ഭരണകാലത്താണ്. പാലാരിവട്ടം പാലത്തിന്റെ ബാക്കി 25 ശതമാനം…
Read Moreപരാജയങ്ങളില് പതറരുത്! പരീക്ഷയ്ക്ക് തയാറെടുത്തു കൊണ്ടിരിക്കെയാണ് പ്രളയത്തില് വീടു മുങ്ങിയത്; കേരളത്തില് നിന്ന് ഒന്നാം റാങ്കു നേടിയ ആര്. ശ്രീലക്ഷ്മി പറയുന്നു
കൊച്ചി: സമൂഹത്തിനുവേണ്ടി പ്രവര്ത്തിക്കുകയാണ് തന്റെ ലക്ഷ്യമെന്ന് സിവില് സര്വീസ് പരീക്ഷയില് ദേശീയതലത്തില് 29-ാം റാങ്കും, കേരളത്തില് നിന്ന് ഒന്നാം റാങ്കും നേടിയ ആർ. ശ്രീലക്ഷ്മി. എറണാ കുളം ചാവറ കള്ച്ചറല് സെന്ററില് പ്രതിമാസപ്രഭാഷണ പരമ്പരയില് “നാളെയെ ഇന്നുകൊണ്ടു നേടണം’ എന്ന വിഷയത്തില് പ്രഭാഷണം നടത്തുകയായിരുന്നു ശ്രീലക്ഷ്മി. ഏതു വിഷമഘട്ടത്തിലും പിന്തിരിഞ്ഞു പോകരുത് എന്നതാണ് എനിക്കു ലഭിച്ച പാഠം. പഠനത്തോടൊപ്പം പാഠ്യേതര വിഷയങ്ങളിലും പങ്കെടുത്തത് കൂടുതല് ഗുണകരമായി. ഒപ്പം വായനയാണ് എന്നും മുതല്ക്കൂട്ട്. പരീക്ഷയ്ക്ക് തയാറെടുത്തു കൊണ്ടിരിക്കെയാണ് പ്രളയത്തില് വീടു മുങ്ങിയത്. മാതാപിതാക്കള് വീടിനുമുകളില് നിന്നപ്പോള് ഹെലികോപ്റ്റര് വന്നാണ് രക്ഷിച്ചത്. അറിവിലും വ്യക്തിത്വത്തിലും ഒത്തിരി മാറ്റങ്ങള് വരുത്താന് സിവില് സര്വീസ് പരീക്ഷയിലൂടെ കഴിഞ്ഞിട്ടുണ്ട്. പ്രതീക്ഷച്ചതിലും മികച്ച അവസരമാണ് ലഭിച്ചത്, ഒപ്പം വലിയ ഉത്തരവാദിത്വവും തന്നിലുണ്ടെന്ന് ശ്രീലക്ഷ്മി പറഞ്ഞു. വികാരസംയമനമാണ് സംസ്കാരത്തിന്റെ അടിസ്ഥാന സ്വഭാവമെന്ന് പ്രഫ. എം.കെ. സാനു അനുഗ്രഹപ്രഭാഷണത്തില്…
Read Moreഇഷ്ടമില്ലാത്ത ആളുകളെ പുറത്താക്കുക, അവർക്ക് അവസരങ്ങൾ നിഷേധിക്കുക ! സിനിമാ മേഖലയിൽ സംഘടിത ചൂഷണം: വി.ഡി. സതീശൻ
കൊച്ചി: സിനിമാ മേഖലയിൽ സംഘടിത ചൂഷണവും കുത്തകവൽക്കരണവുമാണ് നടക്കുന്നതെന്ന് വി.ഡി. സതീശൻ എംഎൽഎ. ഐഎൻടിയുസിക്ക് കീഴിൽ പ്രവർത്തിക്കുന്ന സിനിമ സീരിയൽ പ്രവർത്തകരുടെ സംഘടനയായ ഇൻഡിപെൻഡന്റ് ഫിലിം ടെലിവിഷൻ ആർട്ടിസ്റ്റ് ആൻഡ് ടെക്നീഷ്യൻ അസോസിയേഷന്റെ(ഇഫ്റ്റ) സംസ്ഥാന കണ്വൻഷൻ എറണാകുളം ടൗണ് ഹാളിൽ ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം. ഇഷ്ടമില്ലാത്ത ആളുകളെ പുറത്താക്കുക, അവർക്ക് അവസരങ്ങൾ നിഷേധിക്കുക തുടങ്ങിയ കാര്യങ്ങളാണ് സിനിമയുമായി ബന്ധപ്പെട്ടുള്ള സംഘടനയിൽ നടക്കുന്നത്. പൊതുപരിപാടികളിൽ സിനിമാതാരങ്ങളെ പങ്കെടുപ്പിക്കണമെങ്കിൽ ലക്ഷങ്ങൾ കൊടുക്കേണ്ട അവസ്ഥയാണ്. ബ്ലേഡ് കന്പനികളുടെ പ്രവർത്തന ശൈലിക്ക് സമാനമാണ് സംഘടനകളുടേതെന്നും അദ്ദേഹം പറഞ്ഞു. ഇഫ്റ്റ സംസ്ഥാന പ്രസിഡന്റ് ആർ. ചന്ദ്രശേഖരൻ അധ്യക്ഷത വഹിച്ചു. ജനറൽ സെക്രട്ടറി ടി.വി പുരം രാജു, വി.ജെ. ജോസഫ്, പ്രമോദ് കോഴിക്കോട്, വി.ആർ. പ്രതാപൻ, അനിൽ രാഘവ്, നടൻ വിനോദ് കോവൂർ എന്നിവർ പങ്കെടുത്തു. ചടങ്ങിൽ എസ്എസ്എൽസി പരീക്ഷയിൽ ഉന്നത വിജയം നേടിയ…
Read More