സിജോ പൈനാടത്ത് കൊച്ചി: അതിജീവനവും പരിസ്ഥിതി സ്നേഹവും സമന്വയിപ്പിച്ച യുവത്വം. മൂന്നു വർഷത്തോളമായി തളർന്ന ശരീരവുമായി ചക്രക്കസേരയിലിരിക്കുന്പോഴും തളരാത്ത മനസുമായി സ്വപ്നങ്ങളെഴുതുന്ന സി.പി. ഷിറാഫുദ്ദിൻ എന്ന മുപ്പതുകാരന്റെ ജീവിതം ഇങ്ങനെ ചുരുക്കി വായിക്കാം. ഉപയോഗശൂന്യമായ പേപ്പർ ഉപയോഗിച്ചു പരിസ്ഥിതി സൗഹൃദ പേനകൾ നിർമിക്കുന്നവർ നിരവധി പേരുണ്ടാകും. ഷൊർണൂർ നന്പ്രം സ്വദേശി സി.പി. ഷറഫുദ്ദിന്റെ കൈകളിൽ രൂപപ്പെട്ട ഒന്നര ലക്ഷത്തോളം പേപ്പർ പേനകൾക്കു പറയാനുള്ളത് പരിസ്ഥിതി സൗഹൃദത്തിനൊപ്പം നിലനില്പിന്റെ പോരാട്ടത്തെക്കുറിച്ചു കൂടിയാണ്. 2016 ജൂലൈയിലുണ്ടായ വാഹനാപകടത്തിൽ നട്ടെല്ലും സുഷുമ്നാ നാഡിയും തകർന്നതാണ് ഈ ചെറുപ്പക്കാരനെ എന്നന്നേക്കുമായി ചക്രക്കസേരയിലേക്ക് ഇരുത്തിയത്. ബസ് കാത്തു നിൽക്കുന്നതിനിടെ പാഞ്ഞുവന്ന ലോറിയിടിച്ചായിരുന്നു അപകടം. ദുബായിൽ മൊബൈൽ ഫോണ് ടെക്നീഷനായിരുന്ന ഷറഫുദ്ദിൻ നാട്ടിൽ അവധിക്കെത്തിയപ്പോഴാണ് അപകടമുണ്ടായത്. ചക്രക്കസേരയിലാക്കപ്പെട്ടവർക്കായി 2017ൽ റോട്ടറി ക്ലബ് നടത്തിയ സ്വയം തൊഴിൽ പരിശീലന ക്യാന്പിൽ പങ്കെടുത്തതാണു പേപ്പർ പേന നിർമാണത്തിനു നിമിത്തമായത്.…
Read MoreCategory: Kochi
മോദിയുടെ രണ്ടാമൂഴം, ഗുരുവായൂർ കണ്ണനെ കാണാൻ പ്രധാനമന്ത്രി നരേന്ദ്ര മോദി നാളെ തൃശൂരിൽ
കൊച്ചി: ഗുരുവായൂർ ക്ഷേത്ര ദർശനത്തിനായി കേരളത്തിലെത്തുന്ന പ്രധാനമന്ത്രി നരേന്ദ്ര മോദി നാളെ രാത്രി 11.35 ന് കൊച്ചിയിലെത്തും. കൊച്ചി നാവിക വിമാനത്താവളത്തിലിറങ്ങുന്ന പ്രധാനമന്ത്രി എറണാകുളം ഗവ. ഗസ്റ്റ് ഹൗസിൽ തങ്ങും. എട്ടിന് രാവിലെ 8.55 ന് ഗസ്റ്റ് ഹൗസിൽ നിന്നിറങ്ങി 9.15ന് കൊച്ചി നാവിക വിമാനത്താവളത്തിൽ പ്രത്യേക ഹെലികോപ്ടറിൽനിന്ന് ഗുരുവായൂരിലേക്കു പോകും.
Read Moreപരിഭ്രാന്തി ഉണ്ടാകേണ്ട സാഹചര്യം ഇല്ല; മൃഗങ്ങളിൽ നിപ്പയുടെ രോഗലക്ഷണങ്ങൾ റിപ്പോർട്ട് ചെയ്തിട്ടില്ലെന്ന് മൃഗ സംരക്ഷണ വകുപ്പ്
കൊച്ചി: മൃഗസംരക്ഷണ വകുപ്പ് അധികൃതരുടെ നേതൃത്വത്തിൽ നടത്തിയ പരിശോധനകളിൽ ജില്ലയിൽ ഇതുവരെ മൃഗങ്ങളിൽ നിപയ്ക്ക് സമാനമായ രോഗലക്ഷണങ്ങളൊന്നും തന്നെ റിപ്പോർട്ട് ചെയ്യപ്പെട്ടിട്ടില്ലെന്ന് അധികൃതർ വ്യക്തമാക്കി. ജില്ലയിലെ എല്ലാ വെറ്ററിനറി സ്ഥാപനങ്ങളിലും മൃഗ രോഗങ്ങൾ നിരന്തര നിരീക്ഷണത്തിന് വിധേയമാക്കുന്നതിനും നിപ്പാ സമാനമായ രോഗലക്ഷണങ്ങൾ കണ്ടാൽ അടിയന്തരമായി റിപ്പോർട്ട് ചെയ്യുന്നതിനും നിർദേശം നൽകിയിട്ടുണ്ട്. നിലവിൽ ഇത് സംബന്ധിച്ച് പരിഭ്രാന്തി ഉണ്ടാകേണ്ട സാഹചര്യം ഇല്ലെന്ന് മൃഗ സംരക്ഷണ വകുപ്പ് ഡയറക്ടറേറ്റിൽനിന്നെത്തിയ ഉന്നതസംഘം അറിയിച്ചു. ഇതുമായി ബന്ധപ്പെട്ട ജാഗ്രത ഇനിയൊരു അറിയിപ്പ് ഉണ്ടാകുന്നതുവരെ തുടരുന്നതിനും ക്ലിനിക്കൽ സർവൈലൻസ് തുടരുന്നതിനും ഉന്നതസംഘം നിർദേശം നൽകി. വന്യജീവികളിലെ രോഗസാധ്യത സംബന്ധിച്ച് നിരീക്ഷണ നടപടികൾ തുടർന്നുവരികയാണ്. തൃശൂർ, ഇടുക്കി ജില്ലകളിൽ മൃഗസംരക്ഷണ വകുപ്പ് ഉദ്യോഗസ്ഥർ സന്ദർശനം നടത്തി സ്ഥിതിഗതികൾ വിലയിരുത്തി. ഇവിടെ ജാഗ്രത നടപടികൾക്ക് നിർദേശങ്ങൾ നൽകി. ഇത് സംബന്ധിച്ച് വിശദമായ പഠനം നടത്തി നിർദേശങ്ങൾ നൽകുന്നതിനായി…
Read Moreസിപിഎം-സിപിഐ സംഘർഷമേഖലയായ പിറവത്ത് ഡിവൈഎഫ്ഐ പ്രവർത്തകന്റെ വീടിനു നേരെ ബോംബേറ്
പിറവം: പിറവത്ത് ഡിവൈഎഫ്ഐ പ്രവർത്തകന്റെ വീടിനു നേരെ ബോംബേറ്. ഡിവൈഎഫ്ഐ മേഖലാ സെക്രട്ടറി നിതിൻ രാജിന്റെ വീടിനുനേരെയാണ് വ്യാഴാഴ്ച പുലർച്ചെ ആക്രമണമുണ്ടായത്. സംഭവത്തിൽ ആർക്കും പരിക്കേറ്റിട്ടില്ല. സിപിഎം-സിപിഐ സംഘർഷം നിലനിൽക്കുന്ന മേഖലയാണ് ഇവിടം. ആക്രമണം ഇതിന്റെ ഭാഗമാണെന്ന് സംശയിക്കുന്നതായി നിതിൻ രാജ് പറഞ്ഞു. സംഭവത്തിൽ പോലീസ് കേസെടുത്ത് അന്വേഷണം തുടങ്ങി.
Read Moreസംഭാവനകള് കൂമ്പാരമാകുമ്പോള് പരിപാടി ഗംഭീരമാകും! കൃത്യമായ വിവരമില്ലാത്ത രസീതുമായി പണപ്പിരിവ്; ജില്ലാ ആശുപത്രിക്കെതിരേ പരാതി
ആലുവ: ആശുപത്രി വികസന സമിതിയുടെ പേരിൽ ആലുവ ജില്ലാ ആശുപത്രിയിലെ രോഗികളിൽനിന്ന് അനധികൃതമായി പണം പിരിക്കുന്നതായി പരാതി. രസീതിൽ കൃത്യമായ വിവരങ്ങളില്ലാതെ കൂപ്പണ് മാതൃകയിൽ പണം പിരിക്കുന്നതാണ് പ്രതിഷേധത്തിനിടയാക്കിയത്. രോഗികളുടെ പേരോ തിയതിയോ സീലോ ഇല്ലാതെ 50, 100 രൂപയുടെ കൂപ്പണുകളാണ് വിതരണം ചെയ്തിരുന്നത്. സ്കാനിംഗ്, എക്സറേ തുടങ്ങിയവ ആവശ്യമായിവരുന്ന രോഗികളുടെ പക്കൽനിന്നാണ് ഇത്തരത്തിൽ പണം ഈടാക്കുന്നത്. ഇതിലെ ക്രമക്കേടുകൾ ചൂണ്ടിക്കാട്ടി സിപിഐ പ്രതിനിധികളാണ് കമ്മിറ്റിയിൽ വിഷയം അവതരിപ്പിച്ചത്. ഇതോടെ കൃത്യമായ രസീതില്ലാതെ നടത്തിയിരുന്ന പണപ്പിരിവ് അവസാനിപ്പിക്കാൻ ജില്ല പഞ്ചായത്ത് ജനറൽ കമ്മിറ്റി തീരുമാനിക്കുകയായിരുന്നു. അടുത്ത ദിവസം മുതൽ രസീതിൽ തീയതി, വിശദാംശങ്ങൾ എന്നിവ ഉൾപ്പെടുത്തി പുതിയ രസീത് തയാറാക്കുമെന്ന് ജില്ലാ പഞ്ചായത്ത് അധികൃതർ അറിയിച്ചു.
Read Moreഅറ്റകുറ്റപ്പണിയിൽ കാര്യമില്ല! പാലാരിവട്ടം മേൽപ്പാലം ഗുരുതരാവസ്ഥയിൽ
കൊച്ചി: പാലാരിവട്ടം മേൽപ്പാലം അതീവ ഗുരുതരാവസ്ഥയിലാണെന്നും പുതുക്കി പണിയണമെന്നും റിപ്പോർട്ട്. പാലത്തിന്റെ നിർമാണത്തിലെ ക്രമക്കേടുമായി ബന്ധപ്പെട്ട് വിജിലൻസ് സമർപ്പിച്ച അന്വേഷണ റിപ്പോർട്ടിലാണ് ഇതു സംബന്ധിച്ചു ശിപാർശയുള്ളത്. അറ്റകുറ്റപ്പണികൊണ്ടു കാര്യമില്ലെന്നും ദീർഘകാല അടിസ്ഥാനത്തിൽ ഇതു ഗുണം ചെയ്യില്ലെന്നും എഫ്ഐആറിൽ പറയുന്നു. പാലം പുതുക്കിപ്പണിയുന്നതിന്റെ ചെലവ് കരാറുകാരിൽനിന്ന് ഈടാക്കണമെന്നും എഫ്ഐആറിൽ പറയുന്നു. റോഡ്സ് & ബ്രിഡ്ജസ് കോർപ്പറേഷൻ, കിറ്റ്കോ എന്നിവയിലെ ഉന്നത ഉദ്യോഗസ്ഥരെ ഉൾപ്പെടെ പ്രതിസ്ഥാനത്തു നിർത്തിയാണ് എഫ്ഐആർ സമർപ്പിച്ചത്. കരാർ കന്പനിയായ ആർഡിഎസിന്റെ എംഡിയടക്കം ആകെ അഞ്ച് പ്രതികളാണുള്ളത്. പാലത്തിന്റെ നിർമാണത്തിന്റെ കരാറുകാരായ ആർഡിഎസ് കന്പനി എംഡി സുമിത് ഗോയലാണ് കേസിലെ ഒന്നാം പ്രതി. ക്രമക്കേടു നടന്നതായി പ്രാഥമികാന്വേഷണത്തിൽ കണ്ടെത്തിയതിനെ തുടർന്നാണ് എഫ്ഐആർ റജിസ്റ്റർ ചെയ്ത് അന്വേഷണം നടത്താൻ വിജിലൻസ് തീരുമാനിച്ചത്. പ്രാഥമിക അന്വേഷണത്തിൽ പാലത്തിന്റെ രൂപകൽപന മുതൽ ക്രമക്കേടുകൾ നടന്നതായി അന്വേഷണ സംഘം കണ്ടെത്തി. കരാറുകാരനുമായി ചേർന്ന്…
Read More‘ഫുൾ ജാർ സോഡ’: കുട്ടി ഗ്ലാസുകൾക്ക് വില കൂടി; ഗ്ലാസ് ഒന്നിന് 40 രൂപ; ഓഫ് സീസണിലെ വ്യാപാരത്തിൽ സന്തോഷിച്ച് കടക്കാരും
കളമശേരി: ‘ഫുൾ ജാർ സോഡ’ തരംഗമായതോടെ കുട്ടി ഗ്ലാസുകൾക്ക് ഇരട്ടി വിലയായെന്ന പരാതിയിൽ വ്യാപാരികൾ. 20 രൂപ വരെയുണ്ടായിരുന്ന ചെറിയ ഗ്ലാസിന് 40 രൂപ മേടിക്കുന്നതായാണ് പരാതി.കുട്ടി ഗ്ലാസിൽ നിറച്ച മിശ്രിതം അതോടുകൂടി സോഡ നിറച്ച വലിയ ഗ്ലാസിലേക്ക് ഇട്ട് കുടിക്കുന്നതാണ് പുതിയ രീതി. നുരഞ്ഞ് പതഞ്ഞ് പൊങ്ങുന്ന ഈ പുതുപാനീയത്തിന് ആവശ്യക്കാരേറെ വരുന്നതിനാൽ വ്യാപാരികളും തിരക്കേറിയ ജംഗ്ഷനുകൾ കേന്ദ്രീകരിച്ച് ഈ രംഗത്ത് കൂടുതലായെത്തുകയാണ്. പക്ഷെ മിശ്രിതം ഇടാൻ ഉപയോഗിക്കുന്ന ചെറിയ ഗ്ലാസിന്റെ വില വർധിച്ചു കൊണ്ടിരിക്കുന്നത് വ്യാപാരികളെ ബുദ്ധിമുട്ടിലാക്കുകയാണ്. വലിയ ഗ്ലാസിന് 12 രൂപയുള്ളപ്പോഴാണ് അതിലിടുന്ന ചെറിയ ഗ്ലാസിന് 40 രൂപയായിരിക്കുന്നത്. അതേ സമയം ആവശ്യാനുസരണം ചെറിയ ഗ്ലാസുകൾ ലഭ്യമാക്കാനാകുന്നില്ലെന്നാണ് ചില്ല്ഗ്ലാസ് വിൽപ്പന കടക്കാർ പറയുന്നത്. സാധാരണയായി ക്രിസ്മസ് പുതുവർഷക്കാലത്താണ് കുട്ടി ഗ്ലാസുകൾക്ക് ഡിമാൻഡ് ഉണ്ടാകാറ്. കേക്കിനൊപ്പം മുന്തിരി വൈൻ കഴിക്കാനാണ് ഗ്ലാസുകളുടെ വിൽപ്പന നടക്കാറുള്ളത്.…
Read Moreഅമ്മയെ കൊലപ്പെടുത്തിയ ശേഷം മകളെ ബലാത്സംഗം ചെയ്ത കേസിലെ പ്രതി പോലീസ് പിടിയിൽ
പെരുമ്പാവൂർ: ഒഡീഷയിൽ വീട്ടമ്മയെ കൊലപ്പെടുത്തി അവരുടെ മകളെ ബലാൽസംഗം ചെയ്ത കേസിലെ മുഖ്യപ്രതിയെ പെരുമ്പാവൂരിൽനിന്ന് പോലീസ് അറസ്റ്റുചെയ്തു. ഒഡീഷ സ്വദേശി ബിജയകുമാർ ബെഹ്റ ( 20) യെയാണ് പെരുമ്പാവൂർ, ഒഡീഷ പോലീസ് സംയുക്തമായി അറസ്റ്റുചെയ്തത്. ഇയാൾ അല്ലപ്രയിലെ പ്ലൈവുഡ് കമ്പനിയിൽ ജോലി ചെയ്ത് ഒളിവിൽ കഴിയുകയായിരുന്നു. ഒരു മാസം മുമ്പായിരുന്നു കേസിനാസ്പദമായ സംഭവം. ഈ പെൺകുട്ടിയെ പ്രായപൂർത്തിയാകുന്നതിന് മുമ്പ് പീഡിപ്പിച്ച കേസിൽ ജാമ്യത്തിലിറങ്ങിയ ബിജയകുമാർ, കൂട്ടുകാരൻ വിക്കിയെയും കൂട്ടി പെൺകുട്ടിയെയും അമ്മയെയും ആളൊഴിഞ്ഞ കുന്നിലേക്ക് തട്ടിക്കൊണ്ടുപോവുകയായിരുന്നു . പഴയ കേസ് പിൻവലിക്കണമെന്നാവശ്യപ്പെട്ടാണ് തട്ടിക്കൊണ്ടുപോയത്. ഇതു നിരസിച്ച പെൺകുട്ടിയെ അമ്മയുടെ മുന്നിലിട്ട് ബലാൽസംഗം ചെയ്തു. ഇത് തടയാൻ ചെന്ന അമ്മയെ പ്രതികൾ ചേർന്ന് കൊലപ്പെടുത്തുകയായിരുന്നു. പെൺകുട്ടിയെ അവിടെ ഉപേക്ഷിച്ച് ഇരുവരും രക്ഷപ്പെടാൻ ശ്രമിച്ചെങ്കിലും വിക്കിയെ പോലീസ് പിടികൂടി. ഇയാളിൽനിന്നു ലഭിച്ച വിവരത്തിന്റെ അടിസ്ഥാനത്തിലാണ് ബിജയകുമാറിനെ തേടി പോലീസ് പെരുമ്പാവൂരിലെത്തിയത്.…
Read Moreപണത്തിനോടുളള ആർത്തിയിൽ പാലത്തിന്റെ രൂപകൽപനയിൽ വരെ മാറ്റം വരുത്തി; പാലാരിവട്ടം മേൽപ്പാല നിർമാണത്തിൽ വൻ അഴിമതിയെന്നു വിജിലൻസ്; കണ്ടെത്തലുകൾ ഞെട്ടിക്കുന്നത്
കൊച്ചി: പാലാരിവട്ടം മേൽപ്പാലം നിർമാണത്തിലെ ക്രമക്കേടുകളുമായി ബന്ധപ്പെട്ടു വിജിലൻസിന്റെ പ്രത്യേക അന്വേഷണ സംഘം കോടതിയിൽ ചൊവ്വാഴ്ച എഫ്ഐആർ സമർപ്പിക്കും. റോഡ്സ് & ബ്രിഡ്ജസ് കോർപ്പറേഷൻ, കിറ്റ്കോ എന്നിവയിലെ ഉദ്യോഗസ്ഥരെ ഉൾപ്പെടെ പ്രതിസ്ഥാനത്തു നിർത്തിയാകും എഫ്ഐആർ സമർപ്പിക്കുന്നത്. കരാർ കന്പനിയായ ആർഡിഎസിന്റെ എംഡിയടക്കം ആകെ അഞ്ച് പ്രതികളാണുള്ളത്. പാലത്തിന്റെ നിർമാണത്തിന്റെ കരാറുകാരായ ആർഡിഎസ് കന്പനി എംഡി സുമിത് ഗോയലാണ് കേസിലെ ഒന്നാം പ്രതി. പാലത്തിന്റെ രൂപരേഖ തയാറാക്കിയ ബംഗളുരുവിലെ നാഗേഷ് കണ്സൾട്ടന്റ്സ് രണ്ടാം പ്രതിയുമാകും. ക്രമക്കേടു നടന്നതായി പ്രാഥമികാന്വേഷണത്തിൽ കണ്ടെത്തിയതിനെ തുടർന്നാണ് എഫ്ഐആർ റജിസ്റ്റർ ചെയ്ത് അന്വേഷണം നടത്താൻ വിജിലൻസ് തീരുമാനിച്ചത്. പ്രാഥമിക അന്വേഷണത്തിൽ പാലത്തിന്റെ രൂപകൽപന മുതൽ ക്രമക്കേടുകൾ നടന്നതായി അന്വേഷണ സംഘം കണ്ടെത്തി. കരാറുകാരനുമായി ചേർന്ന് ഉദ്യോഗസ്ഥർ ഒത്തുകളിച്ചുവെന്നും അമിത ലാഭമുണ്ടാക്കാൻ പാലത്തിന്റെ രൂപകല്പന മാറ്റിയെന്നും അടക്കമുള്ള കാര്യങ്ങൾ ചൂണ്ടിക്കാണിച്ചുള്ള റിപ്പോർട്ട് വിജിലൻസ് ഡിവൈഎസ്പി ആർ.…
Read Moreനിപ്പ: സർക്കാരിന് പൂർണ പിന്തുണ; വൈറസിനെ ഫലപ്രദമായി ചെറുക്കുക എന്നതാണ് നമ്മുടെ ലക്ഷ്യമെന്ന് ചെന്നിത്തല
കൊച്ചി: എറണാകുളത്ത് യുവാവിന് നിപ്പ രോഗം സംശയിക്കുന്ന ലക്ഷണങ്ങൾ കണ്ടെത്തിയ സാഹചര്യത്തിൽ പ്രതിരോധ പ്രവർത്തനങ്ങളിൽ സർക്കാരിന് പൂർണ പിന്തുണ നൽകുന്നതായി പ്രതിപക്ഷ നേതാവ് രമേശ് ചെന്നിത്തല അറിയിച്ചു. എറണാകുളം ഗസ്റ്റ്ഹൗസിൽ ആരോഗ്യമന്ത്രി കെ.കെ. ശൈലജയുമായി കൂടിക്കാഴ്ച നടത്തിയശേഷം മാധ്യമങ്ങളോട് സംസാരിക്കുകയായിരുന്നു അദ്ദേഹം. നിപ്പയെക്കുറിച്ച് സമൂഹമാധ്യമങ്ങളിലൂടെ ഭീതിപരത്തുന്ന നടപടികൾ ഉണ്ടാകാൻ പാടില്ല. വൈറസിനെ ഫലപ്രദമായി ചെറുക്കുക എന്നതാണ് നമ്മുടെ ലക്ഷ്യമെന്നും ചെന്നിത്തല പറഞ്ഞു.
Read More