ആലുവ: എടയാറിലെ ജലശുദ്ധീകരണശാലയായ സിജിആർ മെറ്റലോയ്സിലേക്ക് കൊണ്ടുവന്ന 20 കിലോ സ്വർണഉരുപ്പടികൾ കവർന്ന സംഭവത്തിലെ പ്രതികൾ ഇതേ സ്ഥാപനത്തിലെ മുൻ ജീവനക്കാർ. മാസങ്ങൾക്ക് മുന്പേ ഗൂഢാലോചന നടന്നതും ഇതേകന്പനിയിൽ വച്ചുതന്നെ. കേസിൽ കസ്റ്റഡിയിലായ കന്പനിയിലെ മുൻ ജീവനക്കാരൻ ഇടുക്കി മുരിക്കാശേരി സ്വദേശി ബിബിൻ ജോർജിനെ ചോദ്യം ചെയ്തതിൽ നിന്നു കവർച്ച സംഘത്തെക്കുറിച്ചുള്ള വ്യക്തമായ സൂചനകൾ പ്രത്യേക അന്വേഷണസംഘത്തിന് ലഭിച്ചിട്ടുണ്ട്. ഇയാളുടെ മൊഴി പ്രകാരം കേസിലെ മുഖ്യ പ്രതിയെന്ന് കരുതുന്ന കന്പനിയിലെ മുൻ ഡ്രൈവർ ഇടുക്കി സ്വദേശി സതീഷ് സെബാസ്റ്റ്യനെതിരേ പോലീസ് ലുക്കൗട്ട് സർക്കുലർ പുറപ്പെടുവിച്ചു. അറസ്റ്റിലായ ബിബിനെ ഗൂഡാലോചന കുറ്റം ചുമത്തി ഇന്ന് കോടതിയിൽ ഹാജരാക്കും. കഴിഞ്ഞ ഒൻപതിനു രാത്രി പത്തോടെ എടയാറിലായിരുന്നു സംഭവം. എറണാകുളത്തെ സ്ഥാപനത്തിൽനിന്നും കാറിൽ കൊണ്ടുവന്ന സ്വർണമാണ് ശുദ്ധീകരണശാലയ്ക്ക് മുൻവശം ബൈക്കിലെത്തിയ രണ്ടംഗസംഘം ചില്ല് തകർത്ത് കവർന്നത്. ആറു കോടി വിലമതിക്കുന്ന 20…
Read MoreCategory: Kochi
പാർട്ടിയുടെ സംഘടനാ തലത്തിൽ പാളിച്ച; തെരഞ്ഞെടുപ്പ് തോൽവിയിൽ കോണ്ഗ്രസ് നേതൃത്വത്തെ വിമർശിച്ച് കെ.വി. തോമസ്
കൊച്ചി: ലോക്സഭാ തെരഞ്ഞെടുപ്പിലെ തോൽവിയിൽ കോണ്ഗ്രസ് നേതൃത്വത്തിനെതിരേ വിമർശനവുമായി മുൻ എംപി കെ.വി. തോമസ്. വിവിധ സംസ്ഥാനങ്ങളിൽ മികച്ച സഖ്യങ്ങളുണ്ടാക്കാൻ കോണ്ഗ്രസിനു കഴിയാതിരുന്നതാണ് പരാജയത്തിനു കാരണമായതെന്ന് തോമസ് വിലയിരുത്തി. പാർട്ടിയുടെ സംഘടനാ തലത്തിൽ പാളിച്ചകളുണ്ടായിരുന്നെന്നും ഇത് പരിശോധിക്കണമെന്നും തോമസ് ആവശ്യപ്പെട്ടു. കോണ്ഗ്രസ് അധ്യക്ഷൻ രാഹുൽ ഗാന്ധിക്കും എഐസിസി ജനറൽ സെക്രട്ടറി പ്രിയങ്ക ഗാന്ധിക്കും ജനപിന്തുണ ലഭിച്ചെങ്കിലും വോട്ടാക്കി മാറ്റാനായില്ലെന്നും അദ്ദേഹം കുറ്റപ്പെടുത്തി. ലോക്സഭാ തെരഞ്ഞെടുപ്പിൽ എറണാകുളത്തു സീറ്റ് നിഷേധിക്കപ്പെട്ടതിനെ തുടർന്ന് കെ.വി. തോമസ് പരാതിയുമായി രംഗത്തെത്തിയിരുന്നു. തനിക്ക് മാന്യമായി പിൻമാറാൻ പോലും അവസരം നൽകിയില്ലെന്നായിരുന്നു പരാതി. സീറ്റില്ലെന്ന് നേരത്തെ സൂചന ലഭിച്ചിരുന്നുവെങ്കിൽ സ്വയം പിൻമാറിയേനെ എന്നും അദ്ദേഹം പറഞ്ഞു.
Read Moreകടലിലെ മത്സ്യശോഷണം! വൈപ്പിന് മേഖലയില് മാന്ദ്യം; വേനല് മഴ ചതിച്ചണ് കാരണമെന്ന് ഒരു വിഭാഗം; അശാസ്ത്രീയമായ മത്സ്യബന്ധന രീതിയാണ് കാരണമെന്ന് മറ്റൊരു വിഭാഗം
വൈപ്പിൻ: കടലിലെ മത്സ്യസന്പത്ത് കുറഞ്ഞത് വൈപ്പിനിലെ മത്സ്യമേഖലയിലും അനുബന്ധമേഖലയിലും കടുത്ത ആശങ്കയ്ക്ക് ഇടയാക്കുന്നു. ദ്വീപിലെ പ്രധാന സാന്പത്തിക സ്രോതസായിരുന്ന മത്സ്യമേഖലയിൽ മാന്ദ്യം അനുഭവപ്പെട്ടതിന്റെ പ്രത്യാഘാതങ്ങൾ വ്യാപാരസ്ഥാപനങ്ങളിലും മറ്റ് മേഖലകളിലും പ്രതിഫലിച്ചു തുടങ്ങിയിട്ടുണ്ട്. മൂന്നര ലക്ഷത്തോളം ജനസംഖ്യയുള്ള വൈപ്പിനിൽ പകുതിയോളം ആളുകൾ മത്സ്യമേഖലയിലും അനുബന്ധമേഖകളിലുമായി ബന്ധപ്പെട്ട് ഉപജീവനം കഴിക്കുന്നവരായതിനാലാണ് പ്രത്യാഘാതങ്ങൾ പെട്ടെന്ന് പ്രതിഫലിക്കുന്നത്. കഴിഞ്ഞ വർഷം ഇതേ നാളുകളിൽ കരിക്കാടി ചെമ്മീനും തളയൻ, അയ്ല, ഉടുപ്പൂരി തുടങ്ങിയ തരം മത്സ്യങ്ങളും വൻതോതിൽ ലഭിച്ചിരുന്നു. എന്നാൽ ഈ വർഷം ഇതെല്ലാം ഓർമകൾ മാത്രമായി അവശേഷിക്കുകയാണെന്ന് മത്സ്യത്തൊഴിലാളികൾ പറയുന്നു. അതേസമയം കടലിലെ മത്സ്യശോഷണത്തിനു കാരണമായി പല അഭിപ്രായങ്ങളാണ് മത്സ്യമേഖലയിൽ നിന്നുയരുന്നത്. വേനൽ മഴ ചതിച്ചതാണ് മത്സ്യശോഷണത്തിനു കാരണമെന്ന് ഒരു വിഭാഗം പറയുന്പോൾ അശാസ്ത്രീയമായ മത്സ്യബന്ധന രീതിയാണ് കാരണമെന്ന് പരന്പരാഗത മത്സ്യമേഖലയലുള്ള മറ്റൊരു വിഭാഗം ചൂണ്ടിക്കാണിക്കുന്നു. സാധാരണ ഏപ്രിൽ അവസാനത്തോടുകൂടി ആരംഭിക്കുന്ന വേനൽമഴ…
Read Moreമോഹൻലാലിന്റെ നടനവിസ്മയ ഭാവങ്ങൾ കാൻവാസിലാക്കി ഡോ. നിഖിൽ വർണ
കൊച്ചി: മഞ്ഞിൽ വിരിഞ്ഞ പൂക്കൾ മുതൽ ലൂസിഫർ വരെ മലയാളത്തിന്റെ മഹാനടൻ മോഹൻലാലിന്റെ ഭാവപ്പകർച്ചകൾ നിറഞ്ഞ കാൻവാസുകൾ. രൗദ്രവും ശാന്തവും പൗരുഷവുമൊക്കെ നിറഞ്ഞതാണ് അവയിലൊരോന്നും. എറണാകുളം ദർബാർ ഹാൾ ആർട്ട് ഗാലറിയുടെ ഉൾച്ചുവരുകളിൽ മോഹൻലാൽ ചിത്രങ്ങളുടെ കാൻവാസൊരുക്കിയിരിക്കുകയാണു ചിത്രകാരനായ തൃശൂർ സ്വദേശി ഡോ. നിഖിൽ വർണ. തുടക്കം മുതൽ ഒടുക്കംവരെ ഒന്നു കണ്ണോടിച്ചാൽ കാണാം മോഹൻലാലിന്റെ സിനിമാ ജീവിതകഥകൾ. മോഹൻലാൽ അനശ്വരമാക്കിയ 333 ചിത്രങ്ങളിലെ വ്യത്യസ്ത മുഖഭാവങ്ങളാണ് അതിഭാവുകത്വങ്ങളില്ലാതെ നിഖിൽ കാൻവാസിലേക്ക് പകർത്തിയിരിക്കുന്നത്. രാജാവിന്റെ മകനിലെ വിൻസെന്റ് ഗോമസും ഗാന്ധിനഗർ സെക്കൻഡ് സ്ട്രീറ്റിലെ ഗൂർഖ രാംസിംഗും നാടോടിക്കാറ്റിലെ അറബി വേഷവും ലൂസിഫറിലെ സ്റ്റീഫൻ നെടുന്പുള്ളിയുമൊക്കെ ഒന്നിനൊന്ന് മികച്ചുനിൽക്കുന്നു. നൂൽചാക്ക് കാൻവാസാക്കിയും മൈലാഞ്ചിയില അരച്ച് മഷിയാക്കിയും മുളങ്കന്പുകൾ ഫ്രെയിമാക്കിയുമാണ് ഓരോ ചിത്രങ്ങളും. മൂന്നു മാസം നീണ്ട പരിശ്രമത്തിലൊടുവിലാണ് ഓരോ ചിത്രങ്ങളും പിറവിയെടുത്തതെന്നു നിഖിൽ പറയുന്നു. അവിചാരിതമായാണെങ്കിലും മോഹൻലാലിന്റെ 59-ാം…
Read Moreകാല്നടയാത്രക്കാരിയുടെ മരണം: പിക്കപ്പ് വാന് ഡ്രൈവര് അറസ്റ്റില്; കൊലപാതകശ്രമമാണെന്ന് സോഷ്യല്മീഡിയ; ഡ്രൈവര് ഉറങ്ങിപ്പോയതാണെന്ന് പോലീസ്
കരുമാലൂർ: ആലുവ-പറവൂര് റോഡില് ആനച്ചാൽ പമ്പിനു സമീപത്തുണ്ടായ വാഹനാപകടത്തില് കാല്നടയാത്രക്കാരി മനക്കപ്പടി സ്വദേശിനി ജസീന്ത ഗോപിനാഥ് (58) മരിച്ച സംഭവത്തിൽ പിക്കപ്പ് വാന് ഡ്രൈവര് പാറശാല മണലിവില്ലയില് ഷാരോണിനെ (26) ആലുവ വെസ്റ്റ് പോലീസ് അറസ്റ്റ് ചെയ്തു. പമ്പിനു സമീപത്തുള്ള റോഡരികിലൂടെ നടന്നുപോകുമ്പോള് ആലുവയിൽനിന്നു പറവൂർക്കു പോകുന്ന പിക്കപ്പ് വാൻ ജസീന്തയെ പുറകില്നിന്നിടിച്ചു തെറിപ്പിക്കുകയായിരുന്നു. നാട്ടുകാര് ആശുപത്രിയിൽ പ്രവേശിപ്പിച്ചെങ്കിലും ഇവരുടെ ജീവൻ രക്ഷിക്കാനായില്ല. വീട്ടമ്മയെ ഇടിച്ചിട്ട പിക്കപ്പ് വാന് നിര്ത്താതെ പോകുകയായിരുന്നു. ആനച്ചാൽ മനയ്ക്കപ്പടിയില് പുതുതായി തുടങ്ങിയ പെട്രോള് പമ്പിന്റെ സിസിടിവി കാമറയില് അപകടത്തിന്റെ ദൃശ്യങ്ങള് പതിഞ്ഞിരുന്നു. ഇതടിസ്ഥാനമാക്കി നടത്തിയ അന്വേഷണത്തിലാണു പിക്കപ്പ് വാന് ഡ്രൈവറെ ആലുവ വെസ്റ്റ് പോലീസ് അറസ്റ്റ് ചെയ്തത്. ഡ്രൈവര് ഉറങ്ങിപ്പോയതാണ് അപകടകാരണമെന്നു പോലീസ് പറഞ്ഞു. സംഭവം അപകടമല്ലെന്നും കൊലപാതകശ്രമമാണു നടന്നതെന്നുമുള്ള രീതിയില് സാമൂഹമാധ്യമങ്ങളില് സിസിടിവി ദൃശ്യങ്ങള് വ്യാപകമായി പ്രചരിച്ചിരുന്നു. റോഡ് മറികടക്കാനായി…
Read Moreതെരഞ്ഞെടുപ്പു കഴിഞ്ഞു, ഇന്ധനവില വര്ധിച്ചു! രണ്ടുദിവസത്തിനിടെമാത്രം പെട്രോള് വിലയില് 14 മുതല് 17 പൈസയുടെയും ഡീസലിന് 24 മുതല് 30 പൈസയുടെയും വര്ധനവ്
കൊച്ചി: തെരഞ്ഞെടുപ്പു കഴിഞ്ഞതോടെ രാജ്യത്ത് ഇന്ധനവിലയിൽ വർധന. രണ്ടുദിവസത്തിനിടെമാത്രം പെട്രോൾ വിലയിൽ 14 മുതൽ 17 പൈസയുടെയും ഡീസലിന് 24 മുതൽ 30 പൈസയുടെയും വർധനവാണു രേഖപ്പെടുത്തിയത്. കൊച്ചിയിൽ പെട്രോളിന് 73.04 രൂപയും ഡീസലിന് 69.67 രൂപയുമാണ് ഇന്നത്തെ വില. തിരുവനന്തപുരത്ത് പെട്രോളിന് 74.37 രൂപയും ഡീസലിന് 71.11 രൂപയുമായപ്പോൾ കോഴിക്കോട് പെട്രോൾ വില 73.31 രൂപയും ഡീസലിന് 70.13 രൂപയുമാണ്. ഇന്ധനവിലയിൽ ഇന്ന് വർധനവ് രേഖപ്പെടുത്തിയിട്ടില്ല. രാജ്യത്ത് അവസാനഘട്ട വോട്ടെടുപ്പും അവസാനിച്ച കഴിഞ്ഞ ഞായറാഴ്ചത്തെ വിലയിൽനിന്നുമാണ് രണ്ടുദിവസത്തിനിടെ ഇന്ധന വില വർധിച്ചത്. കഴിഞ്ഞ ഞായറാഴ്ച ഡൽഹിയിൽ പെട്രോൾ വില 71.03 രൂപയായിരുന്നെങ്കിൽ ഇന്നത്തെ വില 71.17 രൂപയാണ്. ഡീസൽ വിലയാകട്ടെ 65.96 രൂപയിൽനിന്നും 66.20 രൂപയായി. കൊൽക്കത്തയിൽ ഡീസൽ വില 67.71 രൂപയിൽനിന്നും 67.96 രൂപയായപ്പോൾ പെട്രോൾ വില 73.11 രൂപയിൽനിന്നും 73.24 രൂപയായി ഉയർന്നു.…
Read Moreപ്രമാദ കേസുകൾ പെരുകുന്നു; വട്ടം കറങ്ങി റൂറൽ പോലീസ്
ആലുവ: ഊർജിത അന്വേഷണങ്ങൾ ആവശ്യമായ പ്രമാദമായ കേസുകളുടെ എണ്ണം പെരുകിയതോടെ വട്ടംകറങ്ങി എറണാകുളം റൂറൽ പോലീസ്. ആലുവ ഈസ്റ്റ്, ബിനാന്പുരം സ്റ്റേഷനുകളിൽ രജിസ്റ്റർ ചെയ്ത കേസുകൾക്ക് പുറമേ സിറ്റി പോലീസ് അന്വേഷിച്ചു വരുന്ന സീറോ മലബാർ സഭ വ്യാജരേഖ കേസിന്റെ ചുമതലയും കൂടി റൂറൽ എഎസ്പി എം.ജെ. സോജന്റെ നേതൃത്വത്തിലുള്ള സംഘത്തിനു അധികമായി വന്നതോടെ എല്ലായിടത്തും ഓടിയെത്താൻ ഉദ്യോഗസ്ഥർക്ക് കഴിയാത്ത അവസ്ഥയാണ്. റൂറൽ പോലീസിന് ഏറെ തലവേദന സൃഷ്ടിച്ച കേസുകളിലൊന്നായിരുന്നു മുനന്പം മനുഷ്യകടത്ത്. ഈ കേസിലെ ചില പ്രതികളെ പിടികൂടിയെങ്കിലും സംഭവത്തിന്റെ ദുരൂഹതയകറ്റാൻ പോലീസിന് ഇനിയും സാധിച്ചിട്ടില്ല. ലാൻഡ് റവന്യൂ കമ്മീഷണറുടെയും ആർഡിഒയുടെയും പേരിൽ വ്യാജ ഉത്തരവ് നിർമിച്ച് ചൂർണിക്കരയിൽ നടത്തിയ ഭൂമി ഇടപാട് കേസ് അന്വേഷിക്കുന്നതും എഎസ്പിയുടെ നേതൃത്വത്തിലുള്ള സംഘം തന്നെയാണ്. ആലുവ ഈസ്റ്റ് പോലീസ് രജിസ്റ്റർ ചെയ്ത ഈ കേസിലെ നടപടികൾ പൂർത്തിയാക്കി വിജിലൻസിന്…
Read Moreമുനന്പം അങ്ങാടിയിലെ തണൽ മരം മുറിക്കാൻ ശ്രമം; ഭാവിയിൽ പോടുണ്ടായേക്കുമെന്ന് വനം വകുപ്പ് റിപ്പോർട്ട് ഉണ്ടെന്ന് പഞ്ചായത്ത്
ചെറായി: പള്ളിപ്പുറം മുനന്പം അങ്ങാടിയിൽ പൊതുസ്ഥലത്ത് കഴിഞ്ഞ 50 വർഷങ്ങളായി നാട്ടുകാർക്ക് തണലേകി സ്ഥിതിചെയ്യുന്ന തണൽ മരം മുറിക്കുന്നതിനു വീണ്ടും സ്വകാര്യ വ്യക്തിയുടെ ശ്രമം നടത്തുന്നതായി പള്ളിപ്പുറം വികസന ജനകീയ സമിതി ആരോപിച്ചു. ഇയാൾ പുതുതായി നിർമിച്ചിട്ടുള്ള കെട്ടിടത്തിനു തടസമാകുമെന്ന കാരണത്താൽ പഞ്ചായത്തിന സ്വാധീനിച്ചാണ് വീണ്ടും ശ്രമം നടത്തുന്നത്. കാലാവസ്ഥ വ്യതിയാനത്തെ നേരിടാൻ ഹരിത വൈപ്പിൻ പദ്ധതി ആവിഷ്കരിച്ച് എംഎൽഎയും ബ്ലോക്ക് പഞ്ചായത്തും ഗ്രാമപഞ്ചായത്തുകളും വ്യാപകമായി മരങ്ങൾ നട്ടുപിടിപ്പിക്കുന്നതിനിടയിലാണ് യാതൊരു കേടുപാടുകളുമില്ലാതെ കഴിഞ്ഞ അരനൂറ്റാണ് കാലമായി സ്ഥിതിചെയ്യുന്ന തണൽ മരം മുറിച്ചു മാറ്റാൻ ശ്രമം നടക്കുന്നത്. പഞ്ചായത്ത് അനുവാദം നൽകിയെന്ന് പറഞ്ഞ് ഈ വർഷം ഫെബ്രുവരിയിൽ മരം മുറിക്കാൻ ശിഖരങ്ങൾ വെട്ടിമാറ്റിയിരുന്നു. എന്നാൽ സംരക്ഷണ സമിതി പഞ്ചായത്ത് സെക്രട്ടറിക്കും പോലീസിനും പരാതി നൽകിയതിനെത്തുടർന്ന് പഞ്ചായത്ത് ഇടപെട്ട് തടയുകയും സമിതിയെ ചർച്ചക്ക് ക്ഷണിക്കുകയും ചെയ്തതിന്റെ അടിസ്ഥാനത്തിൽ വനം വകുപ്പ്…
Read Moreമുത്തുശെൽവത്തിനു പിന്നാലെ മറ്റ് മോഷ്ടാക്കളും രംഗത്ത്? നഗരവാസികൾ ഭീതിയിൽ
കൊച്ചി: ഒരിടവേളയ്ക്കുശേഷം കൊച്ചി നഗരത്തിൽ മോഷണം വർധിക്കുന്നു. തമിഴ്നാട് സ്വദേശി മുത്തുശെൽവത്തെത്തേടി പോലീസ് പരക്കം പായുന്നതിനിടെ നഗരത്തിൽ വീണ്ടും മോഷണം അരങ്ങേറി. ചിറ്റൂർ റോഡിലാണ് രണ്ടാം വട്ടവും മോഷണമുണ്ടായത്. വളഞ്ഞന്പലത്തിനു സമീപം യന്ത്രത്തിന്റെ ഭാഗങ്ങൾ വിൽക്കുന്ന കടയിലാണ് ഞായറാഴ്ച മോഷണം നടന്നത്. 2.39 ലക്ഷം രൂപയാണ് ഇവിടെനിന്ന് മോഷ്ടാവ് കവർന്നത്. മോഷ്ടാവ് മുഖം മറച്ചാണു മോഷണം നടത്തിയതെന്ന് സിസിടിവി ദൃശ്യങ്ങളിൽനിന്നു കണ്ടെത്തിയിട്ടുണ്ട്. ടോർച്ചുമായി കടയിൽ കയറുന്നതും മറ്റും സിസിടിവി ദൃശ്യങ്ങളിലുണ്ട്. മോഷ്ടാവ് മുത്തുസെൽവമല്ലെന്നാണ് പോലീസിന്റെ നിഗമനം. മോഷണ രീതിവച്ചും മുഖം മറച്ചതു കൊണ്ടും മുത്തുസെൽവമല്ലെന്നാണ് പോലീസ് കരുതുന്നത്. വാതിൽ തകർക്കാതെ, പൂട്ട് പൊളിച്ചാണു മോഷ്ടാവ് അകത്തു കയറിയിരിക്കുന്നത്. മുത്തുസെൽവത്തിന്റെ രീതി വാതിൽ തകർത്ത് അകത്ത് കയറുന്നതാണ്. ഇതാണ് മോഷ്ടാവ് മുത്തുസെൽവമല്ലെന്ന് പോലീസ് കരുതാൻ കാരണം. മുത്തുസെൽവത്തിനെ പിടികൂടാനായി പോലീസ് ശക്തമായ രാത്രി പട്രോളിങ് നടത്തുന്നതിനിടെയാണ് നഗരത്തിൽ വീണ്ടും…
Read Moreപറവൂരിനു പിന്നാലെ ചെറായിയിലും ഭക്ഷണം ഒാർഡർ ചെയ്തു തട്ടിപ്പ്; പറവൂരിൽ നടന്ന സംഭവം ഇങ്ങനെ…
ചെറായി: ഫോണിലൂടെ ഭക്ഷണം ഓർഡർ ചെയ്ത അജ്ഞാതസംഘം ചെറായി ദേവസ്വം നടയ്ക്ക് കിഴക്കുള്ള ഹോട്ടലുടമയെ കബളിപ്പിച്ച് അക്കൗണ്ടിൽനിന്ന് 25,000 രൂപ കവർന്നതായി പരാതി. ഫോണിൽ വിളിച്ച് 3,000 രൂപയുടെ ഭക്ഷണം ഓർഡർ ചെയ്തശേഷം ചെറായി ബീച്ചിലെ ഒരു റിസോർട്ടിൽ എത്തിക്കാനായിരുന്നു ആവശ്യപ്പെട്ടത്. താൻ നേവിയിലെ ഉദ്യോഗസ്ഥനാണെന്ന് സ്വയം പരിചയപ്പെടുത്തി ഹിന്ദിയിലായിരുന്നു സംസാരം. പണം ട്രാൻസ്ഫർ ചെയ്യാൻ ഹോട്ടലുടമ ഒരു ജീവനക്കാരന്റെ അക്കൗണ്ട് നന്പറും ഡെബിറ്റ് കാർഡിന്റെ നന്പറും നൽകി. അല്പം കഴിഞ്ഞ് ഫോണ് നോക്കിയപ്പോൾ അക്കൗണ്ടിൽ നിന്നും 25,000 രൂപ പിൻവലിച്ചതായി കണ്ട ഹോട്ടൽ അധികൃതർ ഞെട്ടി. ഇതോടെയാണ് സംഭവം തട്ടിപ്പായിരുന്നുവെന്ന് മനസിലായത്. തട്ടിപ്പ് മനസിലായതിനെത്തുടർന്ന് മുനന്പം പോലീസിൽ പരാതി നൽകിയിട്ടുണ്ട്. സൈബർ സെല്ലിന്റെ സഹായത്തോടെ അന്വേഷണം ആരംഭിച്ചതായി പോലീസ് അറിയിച്ചു. തട്ടിപ്പ് വ്യാപകമായ സാഹചര്യത്തിൽ ഓണ്ലൈൻ വഴിയോ ഫോണ് മുഖേനയോ നടത്തുന്ന വ്യാപരങ്ങളിൽ ജാഗ്രത പുലർത്തണമെന്ന്…
Read More