പറവൂർ: യുവതിയുടെ മൃതദേഹം വീടിനു സമീപത്തെ പുഴയിൽ കണ്ടെത്തി. ഗോതുരുത്ത് തെക്കേത്തുരുത്ത് മതിരപ്പിള്ളി അഗസ്റ്റിന്റെ ഭാര്യ ടെസി (24)യുടെ മൃതദേഹമാണ് ഇന്നു പുലർച്ചെ പുഴയിൽ കണ്ടെത്തിയത്.ടെസിയുടെ കുട്ടിക്ക് രണ്ടരമാസം പ്രായമേ ആയിട്ടുള്ളൂ. ഒരാഴ്ച മുൻപായിരുന്നു കുഞ്ഞിന്റെ മാമോദീസ. ഇക്കാര്യം ടെസിയുടെ വീട്ടുകാരെ അറിയിച്ചിരുന്നില്ലെന്നും പ്രസവം കഴിഞ്ഞപ്പോഴും ആശുപത്രിയിൽ നിന്ന് ടെസിയെ വീട്ടിലേക്ക് പോകുവാൻ അനുവദിച്ചിരുന്നില്ലെന്നും ടെസിയുടെ ബന്ധുക്കൾ ആരോപിച്ചു. മരണത്തിൽ ദുരൂഹതയുണ്ടെന്നും ഇതേക്കുറിച്ച് അന്വേഷിക്കണമെന്നും ആവശ്യപ്പെട്ടു പോലീസിൽ പരാതി നൽകുമെന്നും ബന്ധുക്കൾ അറിയിച്ചു. ആർഡിഒ എത്തിയശേഷമേ ഇൻക്വസ്റ്റ് തയാറാക്കി മൃതദേഹം പോലീസ് സർജനെക്കൊണ്ട് പോസ്റ്റുമോർട്ടത്തിനായി കൊണ്ടുപോകുകയുള്ളൂ.
Read MoreCategory: Kochi
അഗ്നിശമന സംവിധാനങ്ങളില്ല, എല്ലായിടത്തും കാലപ്പഴക്കംചെന്ന വയറിംഗ് ; അഗ്നിഗോളങ്ങൾ ഉള്ളിലമർത്തി ബ്രോഡ്വേയിലെ കടകൾ
കൊച്ചി: എപ്പോൾവേണമെങ്കിൽ കത്തിയമർന്നേക്കാവുന്ന അഗ്നിഗോളങ്ങൾ ഉള്ളിലമർത്തിയാണ് നഗരത്തിലെ പ്രധാന വ്യാപാര മേഖലയായ ബ്രോഡ് വേയിലെ കടകൾ പ്രവർത്തിക്കുന്നത്. പഴയ കെട്ടിടങ്ങളായതിനാൽ ഇലക്ട്രിക്കൽ വയറിംഗുകളൊക്കെ കലപ്പഴക്കമേറി അപകടാവസ്ഥയിലാണ്. ചെറിയൊരു ഷോർട്ട്സർക്യൂട്ട് ഉണ്ടായാൽപോലും വൻ അഗ്നിബാധിയിലേക്ക് വഴിയൊരുക്കുന്നതിലെ പ്രധാന കാരണവും ഇതാണ്. അഗ്നിബാധയുണ്ടായാൽ പ്രാഥമിക രക്ഷാമാർഗമെന്ന നിലയിൽ തീ അണയ്ക്കാനുള്ള ഫയർഫൈറ്റിംഗ് സംവിധാനങ്ങൾ ഇവിടെ ഒരു കടകളിലുമില്ല എന്നതും അത്യന്തം ഗൗരവമേറിയതാണ്. അഗ്നിസുരക്ഷാ മനദണ്ഡങ്ങൾ പാലക്കാത്ത കെട്ടിടങ്ങൾക്കെതിരേ നടപടിയെടുക്കുമെന്നൊക്കെ ഓരോ തീപിടിത്തത്തിന് ശേഷവും കോർപറേഷൻ അധികൃതർ വാതോരാതെ പറയുന്നുണ്ടെങ്കിൽ നടപടിയെടുക്കുന്നതിൽ കാര്യശേഷി കാണിക്കുന്നില്ല. പതിറ്റാണ്ടുകൾ പഴക്കമുള്ള കെട്ടിടങ്ങളാണ് ബ്രോഡ് വേയിലുള്ളത്. അക്കാലം മുതലുള്ള വയറിംഗുകളും ഇലക്ട്രിക്കൽ ഉപകരണങ്ങളുമാണ് ഇപ്പഴും മിക്ക കടകളിലും. ഇതൊന്നും ആരും പുതുക്കി ഉപയോഗിക്കാറില്ല. അതാണ് അഗ്നിബാധ പോലുള്ള അപകടങ്ങളുടെ പ്രധാന കാരണം. കഴിഞ്ഞ മൂന്നു മാസത്തിനിടെ നഗരത്തിലുണ്ടായ ചെറുതും വലുതുമായ പത്തോളം അഗ്നിബാധകൾക്കു കാരണമായത് ഷോർട്ട്…
Read Moreനീരൊഴുക്കിനും ഗതാഗതത്തിനും തടസം; കുമ്പളങ്ങി കായലിലെ ചീനവലകൾ രണ്ടാഴ്ചയ്ക്കകം നീക്കണം; വലകളുടെ ഉടമസ്ഥരിൽ വൻകിട വ്യവസായികളും സർക്കാർ ഉദ്യോഗസ്ഥരും
പള്ളുരുത്തി: കുമ്പളങ്ങി കായലിൽ നീരൊഴുക്കിനും ഗതാഗതത്തിനും തടസമായി നിൽക്കുന്ന 200ഓളം അനധികൃത ചീനവലകൾ നീക്കം ചെയ്യണമെന്നാവശ്യപ്പെട്ട് ഫിഷറീസ് വകുപ്പ് നോട്ടീസ് പതിച്ചു. രണ്ടാഴ്ചയ്ക്കകം നീക്കണമെന്ന നിർദേശിച്ചാണ് ചീനവലകൾക്കു പുറത്ത് ഫിഷറീസ് ഉദ്യോഗസ്ഥർ നോട്ടീസ് പതിച്ചിരിക്കുന്നത്. ചെറുവള്ളങ്ങളിൽ എത്തിയാണ് ഉദ്യോഗസ്ഥർ നേരിട്ട് വലകളിൽ നോട്ടീസ് പതിച്ചത്. കുമ്പളങ്ങി, കല്ലഞ്ചേരി കായലിലുകളിൽ ലൈസൻസില്ലാത്ത എഴുന്നൂറോളം ചീനവലകൾ പ്രവർത്തിക്കുന്നുണ്ടെന്നാണ് കണക്കുകൾ. ഇത്തരം ചീനവലകൾ കായലിലെ മത്സ്യസമ്പത്ത് വൻതോതിൽ ചൂഷണം ചെയ്യുന്നതിനു കാരണമാകുന്നു. പരമ്പരാഗത മത്സ്യത്തൊഴിലാളികൾക്ക് ചെറുവള്ളങ്ങളിൽ മത്സ്യബന്ധനം നടത്തുന്നതിനും നടുക്കായലിൽ സ്ഥാപിച്ചിട്ടുള്ള വലകൾ തടസമാകുന്നു. ഉൾനാടൻ മത്സ്യബന്ധന നിയമപ്രകാരമുള്ള മുഴുവൻ നിയമങ്ങളും ലംഘിച്ചാണ് ഇത്തരം വലകൾ പ്രവർത്തിക്കു ന്നതെന്ന് ഫിഷറീസ് ഡെപ്യൂട്ടി ഡയറക്ടർ എസ്. മഹേഷ് പറഞ്ഞു. സർക്കാർ ഉദ്യോഗസ്ഥർ മുതൽ വൻകിട വ്യാപാരികൾ വരെ ആറും ഏഴും ചീനവലകളുടെ ഉടമകളാണെന്ന് ഫിഷറീസ് ഉദ്യോസ്ഥർ നടത്തിയ അന്വേഷണത്തിൽ കണ്ടെത്തിയതായി ഉദ്യോഗസ്ഥർ പറഞ്ഞു.…
Read Moreഅത് കള്ളപരാതിയാണെന്നു പറയാന് കഴിയില്ല! സരിതാ നായര്ക്കുനേരേ കൈയേറ്റ ശ്രമം നടത്തിയ പ്രതികളെ കണ്ടെത്താനായില്ല
കൊച്ചി: കാർ യാത്രയ്ക്കിടെ തനിക്കുനേരെ കൈയേറ്റ ശ്രമം നടന്നെന്ന സരിതാ നായരുടെ പരാതിയിൽ അന്വേഷണം ഉൗർജിതമെന്ന് പോലീസ്. കേസുമായി ബന്ധപ്പെട്ട് ഇതുവരെ യാതൊരുവിധത്തിലുമുള്ള തെളിവുകൾ ലഭിച്ചിട്ടില്ലെന്നും അന്വേഷണവുമായി മുന്നോട്ട് പോകുകയാണെന്നും പോലീസ് പറഞ്ഞു. ഹൈവേയോട് ചേർന്നുള്ള ഭാഗത്താണ് ആക്രമണം നടന്നത്. ഈ ഭാഗത്തുള്ള ഏതാനും സിസിടിവി കാമറകൾ പരിശോധന വിധേയമാക്കിയെങ്കിലും തെളിവുകളൊന്നും ലഭിച്ചില്ല. കൂടാതെ ഒരു വാഹനാപകടവുമായി ബന്ധപ്പെട്ട് അന്വേഷണം നടത്തിയെങ്കിലും പ്രതികളെ സംബന്ധിച്ച് വിവരങ്ങളാന്നുമില്ലെന്നും പോലീസ് പറഞ്ഞു. സരിതാ നായരുടേത് കള്ള പരാതിയാണെന്നു പറയാൻ കഴിയില്ലെന്നും പോലീസ് കൂട്ടിച്ചേർത്തു. ആക്രമണത്തിൽ തകർന്ന നിലയിലാണു കാർ സംഭവ ദിവസം സ്റ്റേഷനിലെത്തിച്ചത്. പരാതി രജിസ്റ്റർ ചെയ്ത് ഉടൻ അന്വേഷണം ആരംഭിച്ചെങ്കിലും പ്രതികളെ സംബന്ധിച്ച് സൂചനകളൊന്നുമില്ലെന്നാണു പോലീസ് ഭാഷ്യം. കഴിഞ്ഞ ആറിന് രാത്രിയിൽ പാലാരിവട്ടം ചളിക്കവട്ടം ഭാഗത്തുവച്ചായിരുന്നു ആക്രമണം. രണ്ടു ബൈക്കുകളിലായെത്തിയ മൂന്നുപേരുടെ നേതൃത്വത്തിൽ കാർ അടിച്ചുതകർത്ത് അസഭ്യവാക്കുകൾ ചൊരിയുകയായിരുന്നുവെന്നായിരുന്നു…
Read Moreവല വിരിച്ച് പോലീസ് കാത്തിരിക്കുന്നു; കൊച്ചിയിലെ മോഷണപരമ്പര; പോലീസ് തേടുന്ന മുത്തുശെൽവം ഒളിവിൽതന്നെ
കൊച്ചി: കൊച്ചി നഗരത്തെ ഭീതിയിലാഴ്ത്തി വിവിധയിടങ്ങളിൽ മോഷണം നടത്തിയ തമിഴ്നാട് സ്വദേശി മുത്തുശെൽവത്തെ തേടി പോലീസ് പരക്കം പായുന്പോഴും പ്രതി ഒളിവിൽതന്നെ. ഇതിനോടകം നിരവധി സ്ഥലങ്ങളിൽ പ്രതിക്കായി തെരച്ചിൽ നടത്തിയെങ്കിലും പിടികൂടാനായിട്ടില്ലെന്ന് പോലീസ് പറയുന്നു. എറണാകുളം ദിവാൻസ് റോഡിലെ രണ്ടു സ്ഥാപനങ്ങളിൽ മോഷണവും നാലിടത്ത് മോഷണശ്രമവും നടന്നതിനു പിന്നാലെയാണ് മുത്തുശെൽവം കൊച്ചിയിലെത്തിയതായി പോലീസ് തിരിച്ചറിഞ്ഞത്. ദിവാൻസ് റോഡിൽ പ്രവർത്തിക്കുന്ന ശ്രീറാം ഫിനാൻസ്, സൈൻ പ്രിന്റിംഗ് എന്നീ സ്ഥാപനങ്ങളിലാണു ഏതാനും ദിവസംമുന്പ് മോഷണം നടന്നത്. സ്വർണ നാണയവും പണവുമാണു രണ്ടിടങ്ങളിൽനിന്നായി നഷ്ടമായത്. മുന്പ് പലകുറി എറണാകുളം നഗരത്തിന്റെ വിവിധ ഭാഗങ്ങളിൽ മോഷണം നടത്തിയിട്ടുള്ളയാളാണ് മുത്തുശെൽവം. പിന്നീട് തമിഴ്നാട് പോലീസ് പിടികൂടി റിമാൻഡ് ചെയ്ത പ്രതി ജയിൽശിക്ഷ കഴിഞ്ഞിറങ്ങി മോഷണം നടത്തിവരികയായിരുന്നു. പ്രതിയെത്തേടി എറണാകുളം സെൻട്രൽ പോലീസ് അന്വേഷണം ഉൗർജിതമാക്കിയിരിക്കെ രണ്ടിടങ്ങളിൽകൂടി മുത്തുശെൽവം മോഷണം നടത്തി. ഇതിൽ ഒരു വീട്ടിൽനിന്നു…
Read Moreപഠനത്തോടൊപ്പം പണിയും തരും; എംജി സർവകലാശാലയുടെ ഏകജാലകം വഴി ഫീസടച്ചവരുടെ പണം നഷ്ടപ്പെട്ടതായി പരാതി
കളമശേരി: എംജി സർവകലാശാലയിൽ ഏകജാലകം വഴിയുള്ള ഒന്നാം വർഷ ബിരുദ കോഴ്സുകളിലേക്കുള്ള പ്രവേശനത്തിന് ഓൺലൈൻ വഴി ഫീസടയ്ക്കുന്ന സംവിധാനം ശരിയായരീതിയിൽ പ്രവർത്തിക്കുന്നില്ലെന്നു പരാതി. വാഴ്സിറ്റിയുടെ അക്കൗണ്ടിലേക്കു ബാങ്കിൽനിന്നു പണം ക്രെഡിറ്റാകുന്നുണ്ടെങ്കിലും ബന്ധപ്പെട്ട ഓഫീസിൽ ഫീസ് എത്തുന്നില്ല. ഗേറ്റ് വേ എറർ എന്നാണ് മെസേജ് വരുന്നത്. എന്നാൽ അഡ്മിഷൻ ഫീസായ 750 രൂപ ഇതേരീതിയിൽ വീണ്ടും അടയ്ക്കുമ്പോൾ കിട്ടുന്നുണ്ടെന്നും പറയുന്നു. ഫീസ് അടയ്ക്കുന്ന എല്ലാവർക്കും ഈ പ്രശ്നം ഉണ്ടാകാറില്ല. ഇടയ്ക്കിടയ്ക്കാണ് ഈവിധം സംഭവിക്കുന്നതെന്നും പരാതിക്കാർ ചൂണ്ടിക്കാട്ടുന്നു. എംജി സർവകലാശാല വെബ്സൈറ്റിൽ ബിരുദവിദ്യാർഥികൾക്ക് അപേക്ഷ നൽകണമെങ്കിൽ ആദ്യം ഫീസ് അടയ്ക്കണം. എന്നാൽ മാത്രമേ കോഴ്സുകളും കോളജുകളും തെരഞ്ഞെടുക്കാനാകൂ. ഇതുമൂലം ഫീസ് ലഭിച്ചില്ലെന്നു പറഞ്ഞാൽ വിദ്യാർഥികൾ ഓൺലൈൻ ഫോം പൂരിപ്പിക്കാനായി അപ്പോൾതന്നെ വീണ്ടും പണമടയ്ക്കുന്നു. ബാങ്കിനും യൂണിവേഴ്സിറ്റിക്കുമിടയിലെ പണമിടപാട് നടത്തുന്ന സംവിധാനത്തിലെ പാളിച്ചകാരണം നിരവധി പേരുടെ പണമാണ് ഈവിധം ദിനംപ്രതി നഷ്ടപ്പെടുന്നത്.…
Read Moreഹൈബി പകരം ആര് ? സ്ഥാനാർഥിമോഹികളിൽ ലോക്സഭാ സീറ്റ് നഷ്ടപ്പെട്ട നേതാവു മുതൽ പുതുതലമുറയിലെ നേതാക്കൾ വരെ
കൊച്ചി: ലോക്സഭ തെരഞ്ഞെടുപ്പിൽ ഹൈബി ഈഡൻ വിജയിച്ചതോടെ എറണാകുളത്ത് ഉപതരെഞ്ഞെടുപ്പിനു കളമൊരുങ്ങി. ഇനി ആരാണ് സ്ഥാനാർഥിയെന്ന ചിന്തകളും ചർച്ചകളും ആരംഭിച്ചു കഴിഞ്ഞു. കോണ്ഗ്രസിൽ മികച്ച സ്ഥാനാർഥികൾ നിരവധിയാണ്. ഇതിനകം കഴിവുതെളിച്ച നേതാക്കളുടെ ഒരു പടതന്നെയുണ്ട് എറണാകുളത്ത്. ഗ്രൂപ്പ് സമവാക്യങ്ങളും സമുദായ സമവാക്യങ്ങളും കോണ്ഗ്രസിനുള്ളിൽ കത്തിക്കയറിയാൽ സ്ഥാനാർഥി പ്രഖ്യാപനം നീളാനുള്ളസാധ്യതയുണ്ട്. എന്നാൽ, കെപിസിസി പ്രസിഡന്റ് മുല്ലപ്പള്ളി രാമചന്ദ്രന്റെ ശക്തമായ നിലപാട് ഇതിൽ നിർണായകമാകും. കോണ്ഗ്രസിന്റെ കുത്തക സീറ്റാണ് എറണാകുളം. ഹൈബിക്കു ഈ മണ്ഡലം മാത്രം നൽകിയിരിക്കുന്നതു 31,000 വോട്ടിന്റെ ഭൂരിപക്ഷമാണ്. അതു കൊണ്ടു തന്നെ ആരായിരിക്കും സ്ഥാനാർഥി. സ്ഥാനാർഥിമോഹികളിൽ പ്രമുഖരും ഉൾപ്പെടുന്നു. ലോക്സഭാ സീറ്റ് നഷ്ടപ്പെട്ട കെ.വി തോമസ് മുതൽ പുതുതലമുറയിലെ നേതാക്കൾ വരെ സീറ്റ് പിടിക്കാൻ ഇറങ്ങുമെന്നാണ് സൂചന. ആരായാലും ജയസാധ്യതയ്ക്കാവും മുൻഗണനയെന്നാണ് നേതൃത്വത്തിന്റെ നിലപാട്.യുഡിഎഫിന്റെ കുത്തക സീറ്റെന്നതു മാത്രമല്ല, ലോക്സഭാ തരെഞ്ഞെടുപ്പിൽ എറണാകുളം നിയമസഭാ മണ്ഡലത്തിൽ…
Read Moreവീരേന്ദ്രകുമാർ സോഷ്യലിസ്റ്റ് ജനതാദളാകും; ഇനി സംസ്ഥാന രാഷ്ട്രീയം മാത്രം
ജോണ്സണ് വേങ്ങത്തടം കൊച്ചി: എം.പി. വീരേന്ദ്രകുമാർ ദേശീയ തലത്തിലുള്ള സഖ്യം ഉപേക്ഷിച്ചു സംസ്ഥാന പാർട്ടിയായി മാറാനുള്ള തീരുമാനത്തിലേക്ക്. ലോക് താന്ത്രിക ജനതാദൾ പാർട്ടിയെ പിരിച്ചുവിട്ടു പഴയ സോഷ്യലിസ്റ്റ് ജനതാദൾ പാർട്ടിയെ പുനഃസൃഷ്ടിക്കും. ലോക് താന്ത്രിക് ജനതാദൾ ദേശീയ അധ്യക്ഷൻ ശരത് യാദവ് ആർജെഡി പാർട്ടിയിൽ ചേർന്നു മത്സരിച്ചതോടെയാണ് വീരേന്ദ്രകുമാറിനു വിനയായത്. ഇതോടെ ദേശീയ പാർട്ടിയെ ആശ്രയിച്ചു സോഷ്യലിസറ്റ് ചിന്താഗതിയുള്ള ദേശീയപാർട്ടികളുടെ ഐക്യത്തിനു ശ്രമിച്ച വീരേന്ദ്രകുമാറിനു തിരിച്ചടിയാണ് ലഭിച്ചത്. ലോക്സഭ തെരഞ്ഞെടുപ്പ് കഴിഞ്ഞതോടെ പഴയ സോഷ്യലിസ്റ്റ് ജനതാദൾ പാർട്ടിയെ വീണ്ടും പുനഃ നാമകരണം ചെയ്തു കേരളത്തിൽ അവതരിപ്പിക്കാനാണ് തീരുമാനം. അടുത്തമാസം ആദ്യവാരം തന്നെ സംസ്ഥാന സമിതി ചേർന്നു പ്രഖ്യാപനം ഉണ്ടാകും. കർണാടകയിലെ ജനതാദൾ എസുമായി ബന്ധം സ്ഥാപിക്കാനുള്ള നീക്കം തുടക്കത്തിൽ തന്നെ ഉപേക്ഷിച്ചു. ദേശീയതലത്തിലോ മറ്റു സംസ്ഥാനങ്ങളിലെ സോഷ്യലിസ്റ്റ് പാർട്ടികളുമായി ബന്ധം വേണ്ടെന്നാണ് ഇപ്പോഴത്തെ തീരുമാനം. ഇതുമൂലം പാർട്ടിക്കു…
Read Moreരാഹുൽതരംഗം ആഞ്ഞടിച്ചപ്പോൾ കെട്ടിവച്ച പണം നഷ്ടപ്പെട്ട് തുഷാർ; ബിഡിജെഎസ് പ്രതിസന്ധിയിൽ
ജോണ്സണ് വേങ്ങത്തടം കൊച്ചി: രാഹുൽതരംഗം ആഞ്ഞടിച്ചപ്പോൾ ബിഡിജെഎസ് സംസ്ഥാന പ്രസിഡന്റ് തുഷാർ മങ്ങി പോയി. ഒരു ലക്ഷം വോട്ടു പോലും പിടിക്കാൻ കഴിയാതെ വെറും 78816 വോട്ടു മാത്രമാണ് ലഭിച്ചത്. 706367 വോട്ടാണ് രാഹുൽ ഗാന്ധി വയനാട്ടിൽ നിന്നും നേടിയത്. ഇതിൽ ഭൂരിപക്ഷമായി ലഭിച്ചത് 431770 വോട്ടാണ്. സംസ്ഥാന പ്രസിഡന്റ് മത്സരിച്ചിട്ടുപോലും ബിഡിജെഎസിനു കാര്യമായി ഒന്നും ചെയ്യാൻ കഴിഞ്ഞില്ല. തൃശൂരിൽ മത്സരിക്കാൻ തീരുമാനിച്ചിരുന്ന തുഷാർ വയനാട് ചോദിച്ചു വാങ്ങുകയായിരുന്നു. ബിജെപി അഖിലേന്ത്യനേതൃത്വം ആവശ്യപ്പെട്ടതു പ്രകാരമാണ് മത്സരിച്ചതെന്നാണ് തുഷാർ അവകാശപ്പെട്ടിരുന്നത്. എന്നാൽ, ആലത്തൂരിലും മാവേലിക്കരയിലും നേടിയ വോട്ടുകൾ പോലും വാങ്ങാൻ തുഷാറിനു സാധിച്ചില്ല. ഇടുക്കിയിലെ ബിഡിജെഎസ് സ്ഥാനാർഥി വാങ്ങിയവോട്ടിനടുത്താണ് തുഷാറും വാങ്ങിയിരിക്കുന്നത്. വെറും 168 വോട്ട് മാത്രമാണ ഇടുക്കിയിലെ ബിഡിജഐസ് സ്ഥാനാർഥിയെക്കാൾ കൂടുതലുള്ളത്. മാവേലിക്കരയിൽ ഒരു ലക്ഷത്തിലധികം വോട്ടു നേടിയിട്ടുണ്ട്. ആലത്തൂരിൽ രമ്യ ഹരിദാസിന്റെ തരംഗത്തിലും 89,000 വോട്ടു…
Read Moreഇരുന്നൂറ് പേരിൽ നിന്ന് പിരിച്ച ഒരുകോടിയുമായി മുങ്ങിയ കരുവേലിമറ്റം ചിട്ടി തട്ടിപ്പു കേസിലെ പ്രതി മൂന്ന് വർഷത്തിനു ശേഷം പിടിയിൽ
ആലുവ: കോടിയുടെ ചിട്ടി തട്ടിപ്പ് നടത്തി ഒളിവിൽ കഴിഞ്ഞിരുന്ന മുഖ്യ പ്രതി ഒടുവിൽ റൂറൽ ജില്ലാ ക്രൈംബ്രാഞ്ചിന്റെ പിടിയിലായത് മൂന്ന് വർഷത്തിനുശേഷം. കരിവേലിമറ്റം ചിട്ടി തട്ടിപ്പ് കേസിലെ രണ്ടാം പ്രതി തമ്മനം മട്ടുമ്മൽ ജോർജാണ് (61) കഴിഞ്ഞ ദിവസം പിടിയിലായത്. ഇയാളെ കോടതി റിമാൻഡ് ചെയ്തു. കരുവേലിമറ്റം ചിട്ടികന്പനിയുടെ കുന്നുകര ബ്രാഞ്ചിന്റെ മാനേജരായിരിക്കേ ഡയറക്ടർമാരോടൊപ്പം ചേർന്ന് 200 പേരിൽനിന്നു ഒരു കോടി രൂപ പിരിച്ചെടുത്തു മുങ്ങുകയായിരുന്നുവെന്നാണ് കേസ്. ഡയറക്ടർമാർ കേസിൽ നേരത്തെ പിടിയിലായിരുന്നു. ഇടപ്പള്ളി ഐശ്വര്യനഗറിലെ വീട്ടിൽനിന്നാണ് ക്രൈംബ്രാഞ്ച് ഡിവൈഎസ്പി ജവഹർ ജനാർദിന്റെ നേതൃത്വത്തിൽ പ്രതിയെ കസ്റ്റഡിയിലെടുത്തത്. എസ്ഐമാരായ ദീപക്, കുര്യാക്കോസ്, എഎസ്ഐ ജാഫർ, സിപിഒമാരായ പ്രസാദ്, സാബു, ശ്രീരാജ്, സുനിൽ, മനോജ് എന്നിവരും അന്വേഷണ സംഘത്തിലുണ്ടായിരുന്നു.
Read More