വൈപ്പിൻ: ഉയർന്ന പലിശ വാഗ്ദാനം ചെയത് നാട്ടുകാരിൽനിന്നു 25 ലക്ഷത്തോളം രൂപ തട്ടിയെടുത്തതിനു ഞാറക്കൽ പോലീസ് അറസ്റ്റ് ചെയ്ത നായരന്പലം ദി ട്രേഡിംഗ് ആന്റ് ചിട്ടി ഫണ്ട്സ് എംഡി നായരന്പലം കാട്ടിപ്പറന്പിൽ ജോഷി-57യെ ഞാറക്കൽ ഫസ്റ്റ് ക്ലാസ് മജിസ്ട്രേറ്റ് കോടതി റിമാന്ഡ് ചെയ്തു. നിലവിൽ വഞ്ചനാകുറ്റത്തിനാണ് കേസെടുത്തിട്ടുള്ളതെങ്കിലും അനധികൃത പണമിടപാട് നടത്തിയതിനും കേസെടുത്തേക്കുമെന്ന് ഞാറക്കൽ എസ്ഐ സംഗീത് ജോബ് അറിയിച്ചു. 89 വർഷമായി പ്രവർത്തിച്ചു വരുന്ന ഈ സ്വകാര്യപണമിടപാട് സ്ഥാപനം ഒരു ട്രസ്റ്റ് എന്നതിലുപരി നിക്ഷേപം സ്വീകരിക്കാനോ, വായ്പ നൽകാനോ സർക്കാരിൽ നിന്നുള്ള ഒരു ലൈസൻസും ഇല്ലെന്നാണ് പോലീസിന്റെ ഇതുവരെയുള്ള അന്വേഷണത്തിൽ അറിയാൻ കഴിഞ്ഞിട്ടുള്ളത്. ലഭ്യമായ രേഖകൾ പോലീസ് പരിശോധിച്ചുവരികയാണ്. കൂട്ടത്തിൽ തട്ടിപ്പ് സംബന്ധിച്ച രേഖകളും പോലീസ് പിടിച്ചെടുത്തിട്ടുണ്ട്. എംഡിയെക്കൂടാതെ കന്പനിയുടെ ബാക്കി നാല് ഡയറക്ടർമാരും വഞ്ചനാക്കേസിൽ പ്രതികളാണെന്ന് പോലീസ് പറഞ്ഞു. ഇവരെല്ലാം ഒളിവിലാണ്. 89 വർഷമായി…
Read MoreCategory: Kochi
പാസ്പോർട്ടിൽ കൃത്രിമം; നെടുമ്പാശേരിയിൽ രണ്ട് യാത്രക്കാർ അറസ്റ്റിൽ
നെടുമ്പാശേരി: പാസ്പോർട്ടിൽ കൃത്രിമം കാണിച്ച രണ്ടുയാത്രക്കാർ നെടുമ്പാശേരിയിൽ അറസ്റ്റിലായി. ക്വാലാലംപൂരിൽനിന്നും മിലിന്റ എക്സ്പ്രസിൽ കൊച്ചി അന്താരാഷ്ട്ര വിമാനത്താവളത്തിലേക്ക് വന്ന ഹരിയാന സ്വദേശി അജിത്ത് കുമാർ (28), കൊച്ചിയിൽനിന്നും ക്വാലാലംപൂരിലേക്കു പോകാനെത്തിയ തമിഴ്നാട് സ്വദേശി അനന്തരാജ് (30) എന്നിവരാണ് സുരക്ഷ പരിശോധനയിൽ പിടിയിലായത്. അജിത്ത് കുമാറിന്റെ പാസ്പോർട്ടിലെ ഒരുപേജ് കീറിമാറ്റിയ നിലയിലായിരുന്നു. അനന്തകുമാറിന്റെ പാസ്പോർട്ടിൽ ഒരുപേജ് കീറിമാറ്റിയ ശേഷം മറ്റൊരു പേജ് ഒട്ടിച്ച നിലയിലായിരുന്നു. ഇരുവരെയും നെടുമ്പാശേരി പോലീസിനു കൈമാറി.
Read Moreവയനാട്, തൃശൂർ പ്രഖ്യാപിക്കില്ല; രാഹുൽ വന്നാൽ വയനാട്ടിൽ തുഷാർ
ജോണ്സണ് വേങ്ങത്തടം കൊച്ചി: ലോക്സഭാ തെരഞ്ഞെടുപ്പിൽ ബിജെപിയിൽനിന്നും പിടിച്ചു വാങ്ങിയ തൃശൂർ സീറ്റിലും വയനാട്ടിലും സ്ഥാനാർഥികളെ പ്രഖ്യാപിക്കാതെ ബാക്കിവരുന്ന മൂന്നു സീറ്റുകളിൽ മാത്രം തീരുമാനമെടുക്കാൻ ബിഡിജെഎസ്. ആലത്തൂർ, ഇടുക്കി, മാവേലിക്കര എന്നീ സീറ്റുകളിൽ മാത്രമാണ് ഇന്നു പ്രഖ്യാപനം ഉണ്ടാകുകയുള്ളൂ. വയനാട്ടിൽ രാഹുൽ ഗാന്ധി സ്ഥാനാർഥിയായി വന്നാൽ അവിടെ തുഷാർ മത്സരിക്കാനുള്ള നീക്കമാണ് പാർട്ടി നടത്തുന്നത്. ഇതിനിടയിൽ ബിഡിജെഎസിൽനിന്നും സീറ്റു വാങ്ങി ബിജെപിക്കു മത്സരിക്കണമെന്ന ആഗ്രഹമുണ്ടെങ്കിലും സസ്പെൻസ് നിലനിർത്താനാണ് ബിഡിജെഎസിന്റെ തീരുമാനം. തുഷാർ മത്സരിക്കണമെന്നു പാർട്ടി ആവശ്യപ്പെട്ടു കഴിഞ്ഞു. ഇത്തരമൊരു സാഹചര്യത്തിൽ തൃശൂരിൽ പുതിയ ആളെ കണ്ടെത്തേണ്ട ബാധ്യത ബിഡിജെഎസിനുണ്ട്. എന്നാൽ ബിജെപിക്കു ഈ നീക്കത്തോട് താല്പര്യമില്ല. ഇതിൽ അന്തിമതീരുമാനം ബിജെപി ദേശീയ നേതൃത്വം കൈക്കൊള്ളും. ലോക്സഭാ തെരഞ്ഞെടുപ്പിൽ ബിജെപി മുഴുവൻ സീറ്റിലേക്കും സ്ഥാനാർഥികളെ പ്രഖ്യാപിച്ചിട്ടും ബിഡിജെഎസിന്റെ അഞ്ച് സീറ്റിലേക്കുള്ള സ്ഥാനാർഥികളെ ഇതുവരെ പ്രഖ്യാപിച്ചിട്ടില്ല. ബിഡിജെഎസ് സ്ഥാനാർഥികളുടെ പ്രഖ്യാപനം…
Read Moreകെഎസ്എഫ്ഇയിൽ മുക്കുപണ്ടം പണയംവച്ച് ഒന്നരലക്ഷം രൂപ തട്ടിയെടുത്തയാൾ പിടിയിൽ
മൂവാറ്റുപുഴ: കെഎസ്എഫ്ഇയിൽ മുക്കുപണ്ടം പണയംവച്ച് ഒന്നര ലക്ഷത്തോളം രൂപ തട്ടിയെടുത്ത കേസിലെ പ്രതിയെ പോലീസ് കസ്റ്റഡിയിലെടുത്തു. തൊടുപുഴ കുന്പംകല്ല് സ്വദേശി ആഷിഖ് (23) ആണ് മൂവാറ്റുപുഴ പോലീസിന്റെ പിടിയിലായിരിക്കുന്നത്. കെഎസ്എഫ്ഇ മൂവാറ്റുപുഴ ബ്രാഞ്ചിൽ മുക്കുപണ്ടം പണയംവച്ച് ഇയാൾ പണം തട്ടിയെടുക്കുകയായിരുന്നു. സംശയം തോന്നിയ ജീവനക്കാർ കൂടുതൽ പരിശോധന നടത്തിയപ്പോഴാണ് മുക്കുപണ്ടമാണെന്നു മനസിലായത്. ബാങ്കിൽ കൊടുത്തിരുന്ന ആധാർ കാർഡും വ്യാജമാണെന്ന് കണ്ടെത്തിയിരുന്നു. ഇതേത്തുടർന്ന് കെഎസ്എഫ്ഇ അധികൃതർ പോലീസിൽ പരാതി നൽകുകയായിരുന്നു. തുടർന്ന് നടത്തിയ അന്വേഷണത്തിലാണ് ഇയാൾ പോലീസിന്റെ പിടിയിലായത്. പ്രതിയെ പോലീസ് കൂടുതൽ ചോദ്യം ചെയ്തുവരികയാണ്.
Read Moreമദ്യ ലഹരിയില് അയൽവാസിയെ കുത്തിക്കൊന്നു: പ്രതി ഒളിവിൽ; പരിശോധന ശക്തമാക്കി പോലീസ്
കിഴക്കമ്പലം: മദ്യ ലഹരിയില് അയൽവാസിയെ കുത്തിക്കൊന്ന പ്രതിയെ കണ്ടെത്താനായില്ല. വിവിധ സോഷ്യല് മീഡിയ വഴി പ്രതിയുടെ ചിത്രങ്ങള് സഹിതം പ്രചരിപ്പിച്ചും പ്രതിയെ കണ്ടെത്താന് പോലീസ് ശ്രമം തുടങ്ങി. ഇന്നലെ രാത്രി ഒൻപതോടെയാണ് മദ്യപിച്ച ശേഷമുണ്ടായ വാക്കുതര്ക്കത്തില് കുത്തേറ്റ കരിമുഗള് പീച്ചിങ്ങചിറ നാല് സെന്റ് കോളനിയില് വെള്ളിമനക്കുഴി കരോട്ട് വീട്ടില് സുരേഷ് (ബടാ ഭായ്-32) മരിച്ചത്. സമീപവാസിയായ ഷണ്മുഖന് എന്നയാളുമായി ചേര്ന്ന് മദ്യപിച്ച ശേഷം ഉണ്ടായ വാക്കുതര്ക്കമാണ് കത്തിക്കുത്തില് കലാശിച്ചത്. കുത്തേറ്റയുടന് തൃപ്പൂണിത്തുറ താലൂക്ക് ആശുപത്രിയിലെത്തിച്ചെങ്കിലും ജീവന് രക്ഷിക്കാനായില്ല. കുത്തിയ ശേഷം ഒളിവില്പോയ അയല്വാസി വേളൂര് വടക്കനോടി വീട്ടില് ഷണ്മുഖനെ (45) കണ്ടെത്താന് അമ്പലമേട് പോലീസ് രാത്രി തന്നെ വിവിധയിടങ്ങളില് പരിശോധന നടത്തിയെങ്കിലും കണ്ടെത്താനായില്ല. രാവിലെയും പരിശോധന തുടരുകയാണ്. ഷണ്മുഖന്റെ മൊബൈല് ഫോണ് സ്വിച്ച് ഓഫ് ചെയ്ത നിലയിലായതിനാല് മൊബൈല് ടവര് ലൊക്കേഷന് നോക്കിയുള്ള അന്വേഷണവും സാധ്യമായിട്ടില്ല.
Read Moreജനസേവ ശിശുഭവന്റെ ചെയർമാൻ സ്ഥാനത്തുനിന്നും ജോസ് മാവേലി രാജിവച്ചു, പുതിയ അധ്യക്ഷയായി കവിയൂർ പൊന്നമ്മ
ആലുവ: തെരുവു ബാല്യങ്ങളുടെ അത്താണിയായ ജനസേവ ശിശുഭവന്റെ ചെയർമാൻ സ്ഥാനത്തുനിന്നും ജോസ് മാവേലി രാജിവച്ചു. നടി കവിയൂർ പൊന്നമ്മ അധ്യക്ഷ സ്ഥാനം ഏറ്റെടുത്തു. ഇന്നലെ ആലുവ മഹനാമി ഓഡിറ്റോറിയത്തിൽ നടന്ന 23 മത് ജനസേവ വാർഷിക പൊതുയോഗത്തിലാണ് പ്രഖ്യാപനം നടന്നത്. പലരുടേയും ലക്ഷ്യം താനാണെന്നും അതിനായി ജനസേവയെ തകർക്കാൻ ശ്രമിക്കുകയാണെന്നും സത്യം തെളിയുന്നതുവരെ മാറി നിൽക്കുമെന്നും ജോസ് മാവേലി പറഞ്ഞു. സ്ഥാപനത്തിനെതിരേ ഉയർത്തിയ ആരോപണങ്ങൾ കോടതിയിൽ തെളിയിക്കപ്പെടുന്നത് വരെ നിയമപോരാട്ടം തുടരാൻ തീരുമാനിച്ചു. സെക്രട്ടറി ഇന്ദിരാ ശബരിനാഥ് പൊതുയോഗ റിപ്പോർട്ട് അവതരിപ്പിച്ചു. മെയ് 20 മുതൽ സർക്കാർ ഏറ്റെടുത്തുവെങ്കിലും ഒരു രൂപ പോലും സർക്കാർ ഇതുവരെ നൽകുന്നില്ലെന്ന് പൊതുയോഗം കുറ്റപ്പെടുത്തി. ചാർലി പോൾ അധ്യക്ഷനായി പുതിയ മാനേജിംഗ് കമ്മിറ്റിയെയും തെരഞ്ഞെടുത്തു. അഡ്വൈസറി സമിതിയേയും തെരഞ്ഞെടുത്തു. വരവ് ചെലവ് കണക്ക് മാനേജർ ജെയിംസ് അവതരിപ്പിച്ചു. സംഭാവന ലഭിക്കുന്നത് നിലച്ചതോടെ…
Read Moreകളമശേരിക്കാരന്റെ ബൈക്ക് ബംഗാളി യുവാവിന് വിറ്റത് ആലുവയിലെ വീട്ടമ്മയുടെ പേരിൽ; • തട്ടിപ്പ് പുറത്തറിഞ്ഞത് ഇൻഷ്വറൻസ് പുതുക്കാനുള്ള നോട്ടീസ് വന്നപ്പോൾ
ബോബൻ ബി. കിഴക്കേത്തറ കളമശേരി: യൂസ്ഡ് ഷോറൂമിനെ വിൽക്കാൻ ഏൽപ്പിച്ച ബൈക്ക് പരിചയമില്ലാത്ത വീട്ടമ്മയുടെ പേരിൽ രജിസ്റ്റർ ചെയ്ത് ഇതര സംസ്ഥാന യുവാവിന് മറിച്ച് വിറ്റതായി പരാതി. ബൈക്കിന്റെ ഒരു വർഷം പൂർത്തിയായ ഇൻഷ്വറൻസ് തുക പുതുക്കാൻ ആലുവയിലെ വീട്ടമ്മയ്ക്ക് നോട്ടീസ് വന്നതോടെയാണ് വിവരം പുറത്തറിയുന്നത്. കളമശേരി എച്ച്എംടി ജംഗ്ഷനിൽ കാഞ്ഞിരത്തിങ്കൽ വീട്ടിൽ കെ.എസ്. ഷിബുവിന്റെ ബൈക്കാണ് പുതിയ ഉടമയറിയാതെ വീട്ടമ്മയുടെ പേരിൽ രജിസ്റ്റർ ചെയ്യപ്പെട്ടത്. ആലുവ സ്വദേശിനിയായ വീട്ടമ്മയുടെ തിരിച്ചറിയൽ കാർഡും ആധാർ കാർഡും അവരറിയാതെ ഉപയോഗിച്ച് രജിസ്റ്റർ ചെയ്ത് ബംഗാളി സ്വദേശിയായ സന്യാറിന് വിറ്റതാണ് പ്രശ്നങ്ങൾ സൃഷ്ടിച്ചിരിക്കുന്നത്. ആദ്യ ഉടമ ഷിബു, വീട്ടമ്മ, ബംഗാളി യുവാവ് എന്നിവർ പരസ്പരം അറിയാതെയാണ് ഈ ഇടപാട് നടന്നത്. ആലുവയിലുള്ള ഷോറൂമിലാണ് കെഎൽ 07 ബികെ 1032 എന്ന നമ്പർ ഹീറോ ഹോണ്ട പാഷൻ പ്ലസ് ഡ്രം എന്ന…
Read Moreചോദിച്ച് വാങ്ങിയ സീറ്റിലിരിക്കാൻ വോട്ട് ചോദിച്ചത് ചാലക്കുടി മണ്ഡലം കാരോട്; ഒടുവിൽ പറ്റിയ അമിളിക്ക് കണ്ണന്താനത്തിന്റെ മറുപടിയിങ്ങനെ
കൊച്ചി: മണ്ഡലം മാറി വോട്ടു ചോദിച്ച സംഭവത്തിൽ വിശദീകരണവുമായി എറണാകുളത്തെ ബിജെപി സ്ഥാനാർഥിയും കേന്ദ്രമന്ത്രിയുമായ അല്ഫോന്സ് കണ്ണന്താനം. നെടുമ്പാശേരി വിമാനത്താവളം വേറെ മണ്ഡലത്തിലായിപ്പോയത് തന്റെ കുഴപ്പമല്ലെന്നായിരുന്നു അദ്ദേഹം വിശദീകരിച്ചത്. തെരഞ്ഞെടുപ്പ് പ്രചരണത്തിന്റെ ആദ്യ ദിവസം തന്നെയാണ് കണ്ണന്താനത്തിന് വമ്പൻ അമളിപറ്റിയത്. ഡല്ഹിയില് നിന്നും കൊച്ചിയില് വിമാനത്തിലാണ് കണ്ണന്താനം എത്തിയത്. ഇവിടെ അദ്ദേഹത്തിനു ബിജെപി പ്രവര്ത്തകര് സ്വീകരണം നല്കി. വിമാനത്താവളത്തില് ജോലിക്ക് വന്ന അന്യസംസ്ഥാന തൊഴിലാളികളോടായിരുന്നു കേന്ദ്രമന്ത്രി ആദ്യം വോട്ട് അഭ്യർഥിച്ചത്. എന്നാൽ നെടുമ്പാശേരി എറണാകുളം മണ്ഡലത്തിലല്ലെന്ന് പ്രവർത്തകർ അറിയിച്ചതോടെ അമളി മനസിലാക്കി അവിടെ നിന്ന് യാത്ര തിരിച്ചു. കെഎസ്ആർടിസി ബസിലാണു എറണാകുളത്തേക്ക് തിരിച്ചത്. എന്നാൽ ആലുവ പറവൂര് കവലയായപ്പോൾ മന്ത്രി അവിടെ ഇറങ്ങി. ബസില് നിന്നും ഇറങ്ങിയ കണ്ണന്താനം നാട്ടുകാരോട് വോട്ട് അഭ്യർഥിക്കാൻ തുടങ്ങി. ഉടനെ പ്രവര്ത്തകര് ഇത് ചാലക്കുടി മണ്ഡലത്തില് ഉള്പ്പെടുന്ന പ്രദേശമാണെന്ന് കേന്ദ്രമന്ത്രിയെ അറിയിച്ചു.…
Read Moreആദ്യ വിവാഹത്തില് ഭാര്യയും മക്കളുമുള്ള കാര്യം മറച്ചുവച്ചു രണ്ടുവിവാഹം! ഒടുവില് അമലിന്റെ തന്ത്രം പാളി, കുടുങ്ങി
കൊച്ചി: വിവാഹത്തട്ടിപ്പിലൂടെ യുവതിയെ പീഡിപ്പിച്ച കേസിൽ യുവാവ് അറസ്റ്റിൽ. നെയ്യാറ്റിൻകര തോട്ടുങ്കര പെരുമാഞ്ചേരിയിൽ അനിലിന്റെ മകൻ അമലിനെ (31) ആണ് എറണാകുളം സ്വദേശിനിയുടെ പരാതിയിൽ പാലാരിവട്ടം പോലീസ് അറസ്റ്റ് ചെയ്തത്. മൂന്നാമതായി വിവാഹം കഴിച്ച യുവതിയെ ഉപേക്ഷിച്ചു മുങ്ങാൻ ശ്രമിക്കുന്നതിനിടെയായിരുന്നു അറസ്റ്റ്. ആദ്യ വിവാഹത്തിൽ ഭാര്യയും മക്കളുമുള്ള കാര്യം മറച്ചുവച്ചായിരുന്നു തുടർന്നുള്ള രണ്ടു വിവാഹങ്ങളും നടത്തിയത്. ബലാത്സംഗം, ശാരീരിക പീഡനം, ബഹുഭാര്യാത്വം, വഞ്ചന എന്നീ കുറ്റങ്ങൾ ചുമത്തിയാണ് കേസെടുത്തിരിക്കുന്നത്. വിവാഹത്തട്ടിപ്പിനും സ്വർണം കൈക്കലാക്കിയതിനും അമലിനെതിരേ പാറശാല പോലീസിൽ നേരത്തെ കേസുണ്ട്. നെയ്യാറ്റിൻകര സ്വദേശിനിയാണ് അവിടെ പരാതി നൽകിയത്. വിദേശത്തു രണ്ടു ലക്ഷം രൂപ ശന്പളമുള്ള ജോലിയുണ്ടെന്നു തെറ്റിധരിപ്പിച്ചായിരുന്നു വിവാഹം. 130 പവൻ സ്വർണാഭരണവും പണവും തട്ടിയെടുത്തുവെന്നു നെയ്യാറ്റിൻകര സ്വദേശിനിയുടെ പരാതിയിൽ പറയുന്നു. ഈ വിവാഹബന്ധം വേർപെടുത്താനുള്ള നടപടി തുടങ്ങിയതോടെയാണ് എറണാകുളത്തെ യുവതിയെ വിവാഹം കഴിച്ചത്. കോടതിയിൽ ഹാജരാക്കിയ…
Read Moreഓപ്പറേഷന് ‘ഫ്രീക്കന്’! രൂപമാറ്റം വരുത്തിയും വലിയ ശബ്ദമുണ്ടാക്കിയും അമിതവേഗത്തില് ചീറിപ്പാഞ്ഞ 65 വാഹനങ്ങള് പിടികൂടി
കൊച്ചി: രൂപമാറ്റം വരുത്തിയും വലിയ ശബ്ദമുണ്ടാക്കിയും അമിതവേഗത്തിൽ ചീറിപ്പാഞ്ഞ് യാത്രക്കാർക്കു ശല്യമുണ്ടാക്കിയിരുന്ന ബൈക്ക് ഉൾപ്പെടെയുള്ള വാഹനങ്ങളെ ഓപ്പറേഷൻ ഫ്രീക്കനിലൂടെ മോട്ടോർ വാഹനവകുപ്പ് പിടികൂടി. പനമ്പിളളിനഗറിലെ വിവിധ റോഡുകളിൽ നടത്തിയ രാത്രികാല പരിശോധനയിലാണ് ഇത്തരത്തിലുള്ള 65 വാഹനങ്ങൾ പിടികൂടിയത്. 10 ലക്ഷം രൂപ വരെ മുടക്കി മോടിപിടിപ്പിച്ച ജീപ്പും ഇക്കൂട്ടത്തിൽപ്പെടുന്നു. പിടികൂടിയ എല്ലാ വാഹനങ്ങൾക്കും പിഴ അടയ്ക്കാൻ നോട്ടീസും നൽകിയശേഷം വിട്ടയച്ചു. രണ്ടു ഷാഡോ സ്ക്വാഡ് ഉൾപ്പെടെ ഏഴു ടീമുകൾ പരിശോധനയിൽ പങ്കെടുത്തു. പരിശോധനയിൽനിന്ന് രക്ഷപ്പെടാൻ ഉൾവഴികളിൽ നിർത്തിയിട്ട വാഹനങ്ങളിൽ സ്ക്വാഡ് നോട്ടീസ് പതിച്ചു. ഈ വാഹനങ്ങൾ രേഖകൾ ഉൾപ്പെടെ അടുത്ത ദിവസം കാക്കനാട് ആർടി ഓഫീസിൽ ഹാജരാക്കിയില്ലെങ്കിൽ തുടർനടപടികളുമായി മുന്നോട്ടു പോകുമെന്ന് എൻഫോഴ്സ്മെന്റ് ആർടിഒ കെ. മനോജ് കുമാർ അറിയിച്ചു. കൈകാണിച്ചിട്ടും മൂന്നു വാഹനങ്ങൾ നിർത്താതെ പോയതിനെ തുടർന്നു ഉടമകളുടെ വീട്ടിൽ ചെന്ന് കേസെടുത്തു. പരിശോധന കണ്ട്…
Read More