കൊച്ചി: ലോക്സഭാ തെരഞ്ഞെടുപ്പിൽ എറണാകുളം മണ്ഡലത്തിലെ കോൺഗ്രസ് സ്ഥാനാർഥിയും എംഎൽഎയുമായ ഹൈബി ഈഡന് പീഡിപ്പിച്ചെന്ന യുവതിയുടെ പരാതിയിൽ അന്വേഷണം നടത്താന് അമിക്കസ് ക്യൂറിയെ നിയമിച്ചു. ഹൈക്കോടതിയാണ് അമിക്കസ് ക്യൂറിയെ നിയമിച്ചത്. അഭിഭാഷക മിത സുധീന്ദ്രനാണ് അമിക്കസ് ക്യൂറി. ഹൈബിക്കെതിരായ പരാതിയില് അന്വേഷണം ത്വരിതപ്പെടുത്തണമെന്നാവശ്യപ്പെട്ട് പരാതിക്കാരി ഹൈക്കോടതിയെ സമീപിച്ചിരുന്നു. ഇതിന്റെ അടിസ്ഥാനത്തിലാണ് നടപടി. ഹര്ജിയിലെ ആരോപണങ്ങളും കേസിലെ സാഹചര്യങ്ങളും കണക്കിലെടുക്കുമ്പോള് അമിക്കസ് ക്യൂറിയുടെ സേവനം ആവശ്യമുണ്ടന്നു കണ്ടാണ് കോട തിയുടെ ഉത്തരവ്. 2011 സെപ്റ്റംബറിലാണ് കേസിനാസ്പദമായ സംഭവം നടന്നത്. ടീം സോളാര് കമ്പനിയുടെ ചുമതലയിലിരിക്കെ പച്ചാളം സൗന്ദര്യവത്ക്കരണ പദ്ധതിയുടെ ഭാഗമായി ഹൈബി ഈഡന് ഹോസ്റ്റലില് വിളിച്ചു വരുത്തി പീഡിപ്പിച്ചെന്നാണ് യുവതി പരാതിയില് പറയുന്നത്.
Read MoreCategory: Kochi
ഭാര്യയുടെ കിടപ്പറരംഗങ്ങൾ പ്രചരിപ്പിച്ച യുവാവ് അറസ്റ്റിൽ; പോലീസ് ചോദ്യം ചെയ്യലിൽ യുവാവ് പറഞ്ഞ കാരണം ഇങ്ങനെ…
വൈപ്പിൻ: ഭാര്യയുമൊത്തുള്ള കിടപ്പറരംഗങ്ങൾ മൊബൈൽ കാമറയിൽ പകർത്തി സമൂഹമാധ്യമങ്ങളിൽ പോസ്റ്റ് ചെയ്തുവെന്ന പരാതിയിൽ യുവാവ് അറസ്റ്റിൽ. വൈപ്പിനിൽ മാലിപ്പുറത്ത് വാടകയ്ക്ക് താമസിക്കുന്ന ആലുവ എൻഎഡി സ്വദേശിയാണ് അറസ്റ്റിലായത്. ഭാര്യയുടെ പരാതിയിലാണ് അറസ്റ്റ്. എട്ടുവർഷം മുന്പ് വിവാഹിതരായ ഇവർ ഏറെനാളുകളായി അകന്നു കഴിയുകയായിരുന്നു. ഇതിനിടെ കുട്ടിക്ക് അസുഖമാണെന്നു പറഞ്ഞു മാലിപ്പുറത്തുള്ള വാടകവീട്ടിൽ ഭാര്യയെ വിളിച്ചുവരുത്തിയാണു പ്രതി രംഗങ്ങൾ പകർത്തിയതെന്നു പോലീസ് പറഞ്ഞു. ഭാര്യയോടുള്ള വൈരാഗ്യം തീർക്കാനാണ് ഇങ്ങിനെ ചെയ്തതെന്നാണു പ്രതിയുടെ മൊഴി. ഞാറക്കൽ സിഐ സജിൻ ശശി, എസ്ഐ സംഗീത് ജോബ് എന്നിവർ ചേർന്നാണ് പ്രതിയെ അറസ്റ്റ് ചെയ്തത്. അറസ്റ്റിലായ പ്രതിയെ ഞാറക്കൽ ഫസ്റ്റ് ക്ലാസ് മജിസ്ട്രേറ്റ് കോടതിയിൽ ഹാജരാക്കി.
Read Moreഎൽഡിഎഫിന്റെ തെരഞ്ഞെടുപ്പ് കമ്മിറ്റി ഓഫീസിൽ കയറി സെക്രട്ടറിയെ മർദിച്ചതായി പരാതി
പിറവം: എൽഡിഎഫിന്റെ തെരഞ്ഞെടുപ്പ് കമ്മിറ്റി ഓഫീസിൽ കയറി ഓഫീസ് സെക്രട്ടറിയെ ഒരു സംഘം യുവാക്കൾ മർദിച്ചു. ഡിവൈഎഫ്ഐ മേഖല സെക്രട്ടറികൂടിയായ നിതിൻ രാജിനാണ് മർദനമേറ്റത്. ഇന്നലെ പകൽ നടന്ന സംഭവവുമായി ബന്ധപ്പെട്ട് രാത്രിയിൽ വീണ്ടും സംഘർഷാവസ്ഥയുണ്ടായി. പിഒ ജംഗ്ഷന് സമീപം പ്രവർത്തിക്കുന്ന ഒരു സ്ഥാപനം കേന്ദ്രീകരിച്ച് ഒരു സംഘമാളുകൾ തന്പടിക്കുന്നത് പതിവാണന്ന് സിപിഎം ആരോപിക്കുന്നു. ഇവരാണ് ഓഫീസ് സെക്രട്ടറിയെ മർദിച്ചതെന്നും പറയുന്നു. ഇതിനൊപ്പം ചില എഐവൈഎഫ് പ്രവർത്തകരും ഉൾപ്പെട്ടിട്ടുള്ളതായി ആരോപണമുയർന്നിട്ടുണ്ട്. ഇന്നലെ രാത്രിയിൽ ഓഫീസ് സെക്രട്ടറിയെ മർദിച്ചത് സംബന്ധിച്ച് അന്വേഷിക്കുന്നതിന് സിപിഎം നേതാക്കൾ ഇവിടെയെത്തിയിരുന്നു. വീണ്ടും വാക്കുതർക്കമുണ്ടായതിനേത്തുടർന്നാണ് സംഘർഷാവസ്ഥയുണ്ടായത്. ഇവിടെയുണ്ടായിരുന്ന സിഐടിയുക്കാരുമായി ബഹളമുണ്ടാവുകയും ചെയ്തു. ഇതിനിടെ സ്ഥാപന ഉടമയായ തൊടുപുഴ സ്വദേശിയും അവിടുത്തെ യൂത്ത് കോണ്ഗ്രസ് നേതാവുമായ എബിക്ക് പരിക്കേറ്റതായി പറയുന്നു. എബി പിറവം താലൂക്ക് ആശുപത്രിയിൽ ചികിത്സയിലാണ്. പിറവത്തെ മയക്കുമരുന്നു വ്യാപാരവുമായി പുറത്തുനിന്നും ഇവിടെയെത്തുന്ന ചില…
Read Moreബിനാലെയില്ലാത്ത കേരളത്തെക്കുറിച്ച് ചിന്തിക്കാൻ സാധിക്കില്ലെന്ന് അടൂർ ഗോപാലകൃഷ്ണൻ
കൊച്ചി: സാധാരണക്കാരിൽപോലും ബിനാലെയുടെ സ്വാധീനം ഇറങ്ങിച്ചെന്നതായി കാണാമെന്ന് വിഖ്യാത ചലച്ചിത്രകാരൻ അടൂർ ഗോപാലകൃഷ്ണൻ. കൊച്ചി-മുസിരിസ് ബിനാലെ നാലാം ലക്കത്തിന്റെ ഒൗപചാരിക സമാപന സമ്മേളനം ഉദ്ഘാടനം ചെയ്യുകയായിരുന്നു അദ്ദേഹം.ബിനാലെയുടെ വലിയ സ്വാധീനം കുട്ടികളിൽ കാണാൻ സാധിക്കുന്നു. വിദ്യാർഥികളും അധ്യാപകരും ബിനാലെയിലെ സ്ഥിരം കാഴ്ചയാണ്. കലയെക്കുറിച്ചുള്ള മലയാളിയുടെ ധാരണകളെ മാറ്റാൻ ബിനാലെയ്ക്കു സാധിച്ചു. ബിനാലെയില്ലാത്ത കേരളത്തെക്കുറിച്ച് ചിന്തിക്കാൻ സാധിക്കില്ല. ലോകത്തെ തന്നെ പ്രധാനപ്പെട്ട ബിനാലെകളിലൊന്നായി കൊച്ചി മാറിക്കഴിഞ്ഞുവെന്നും അടൂർ പറഞ്ഞു. അടുത്ത തവണ മുതൽ കൊച്ചി മുസിരിസ് ബിനാലെയുടെ ദൈർഘ്യം 108 ദിവസത്തിൽ നിന്നും 120 ദിവസമാക്കുമെന്ന് കൊച്ചി ബിനാലെ ഫൗണ്ടേഷൻ പ്രസിഡന്റ് ബോസ് കൃഷ്ണമാചാരി പറഞ്ഞു. സമാപന സമ്മേളനത്തിൽ സ്വാഗതം പറയുകയായിരുന്നു അദ്ദേഹം. 2020 ലെ ബിനാലെ അഞ്ചാം ലക്കത്തിലെ ക്യൂറേറ്ററെ മേയ് രണ്ടാം വാരം പ്രഖ്യാപിക്കും. 6.2 ലക്ഷം പേർ ബിനാലെ സന്ദർശിച്ചതായും ബോസ് പറഞ്ഞു. പ്രളയത്തിന്റെ…
Read Moreവൈപ്പിനിലെ കുടിവെള്ളക്ഷാമം; വെള്ളം ഊറ്റുന്നത് പരിശോധിക്കാൻആന്റി തെഫ്റ്റ് സ്ക്വാഡ് ഇറങ്ങും
വൈപ്പിൻ: വൈപ്പിൻകരയിലെ തെക്കൻ പഞ്ചായത്തുകളായ എളങ്കുന്നപ്പുഴ, ഞാറക്കൽ മേഖലകളിലെ കുടിവെള്ളക്ഷാമം പരിഹരിക്കുന്നതിനുള്ള ശാശ്വത നടപടികൾ സ്വീകരിക്കാനായി എറണാകുളത്ത് വാട്ടർ അഥോറിറ്റി സൂപ്രണ്ടിംഗ് എൻജിനീയറുടെ ഓഫീസിൽ ഇന്ന് യോഗം ചേരും. ഹഡ്കോ പദ്ധതിയുമായി ബന്ധപ്പെട്ട വൈപ്പിനിലെ കുടിവെള്ള വിതരണത്തിന്റെ ചുമതലയുള്ള എല്ലാ വാട്ടർ അഥോറിറ്റി ഉദ്യോഗസ്ഥരും യോഗത്തിൽ സംബന്ധിക്കണമെന്ന് ചീഫ് എൻജിനീയർ നിർദേശം നൽകിയിട്ടുണ്ട്. വടുതലയിൽനിന്നും പുതുവൈപ്പിലേക്ക് പന്പ് ചെയ്യുന്ന വെള്ളത്തിൽ ഗണ്യമായ കുറവുണ്ടായിട്ടുണ്ടെന്നും പാതിവഴിയിൽ വൈപ്പിനിലേക്കുള്ള വെള്ളം ഊറ്റുന്നുണ്ടെന്നും ഇന്നലെ എളങ്കുന്നപ്പുഴ പഞ്ചായത്തംഗങ്ങൾ സൂപ്രണ്ടിംഗ് എൻജിനീയറുടെ ഓഫീസ് ഉപരോധിച്ചപ്പോൾ ആരോപണമുന്നയിച്ചിരുന്നു. ഇത് പരിഹരിക്കാനായി വൈപ്പിൻ ഹഡ്കോ ഫീഡറിൽ നിന്നും കുടിവെള്ളം ചോർത്തൽ പരിശോധിക്കാൻ ആന്റി തെഫ്റ്റ് സ്ക്വാഡിനെ പരിശോധനയ്ക്കിറക്കാമെന്നും ചീഫ് എൻജിനീയർ ഉറപ്പ് നൽകിയിട്ടുണ്ട്. പഞ്ചായത്ത് പ്രസിഡന്റ് കെ.കെ. ഉണ്ണികൃഷ്ണൻ, വൈസ് പ്രസിഡന്റ് റസിയാ ജമാൽ, സ്റ്റാൻഡിംഗ് കമ്മിറ്റി ചെയർമാൻമാരായ ആർ.സി. റോസിലിൻ, കെ.എസ്. രാധാകൃഷ്ണൻ, മാത്യു…
Read Moreഎംഎൽഎമാർ മത്സരിക്കുന്നതിൽ അപാകതയില്ല; എറണാകുളം സ്വദേശി നൽകിയ ഹർജിയിൽ ഹൈക്കോടതിയുടെ നിരീക്ഷണം ഇങ്ങനെ…
കൊച്ചി: ലോക്സഭാ തെരഞ്ഞെടുപ്പിൽ എംഎൽഎമാർ മത്സരിക്കുന്നതിൽ നിയമപരമായി അപാകതയില്ലെന്നും ഇവർ ജയിച്ചാലുണ്ടാകുന്ന ഉപതെരഞ്ഞെടുപ്പിന്റെ ചെലവ് വഹിക്കാൻ ഇവരോടു നിർദേശിക്കാനാവില്ലെന്നും ഹൈക്കോടതി. ഒരു സാമാജികൻ മരിച്ചാലും അവിശ്വാസ പ്രമേയത്തിലൂടെ ഒരു സർക്കാർ വീണാലും തെരഞ്ഞെടുപ്പു വേണ്ടിവരും. ഇത്തരം ഘട്ടങ്ങളിലൊക്കെ ചെലവ് ആരു വഹിക്കണമെന്നു പറയാനാവുമോ എന്നു ഡിവിഷൻ ബെഞ്ച് വാക്കാൽ ചോദിച്ചു. ലോക്സഭാ തെരഞ്ഞെടുപ്പിൽ എംഎൽഎമാർ ജയിച്ചാൽ വേണ്ടിവരുന്ന ഉപതെരഞ്ഞെടുപ്പിന്റെ ചെലവ് ഇവർ വഹിക്കണമെന്നാവശ്യപ്പെട്ട് എറണാകുളം തിരുവാങ്കുളം സ്വദേശി എം. അശോകൻ നൽകിയ ഹർജിയിലാണു ചീഫ് ജസ്റ്റീസ് ഉൾപ്പെട്ട ഡിവിഷൻ ബെഞ്ചിന്റെ ഉത്തരവ്. ഹർജി സദുദ്ദേശ്യപരമല്ലെന്നു ചൂണ്ടിക്കാട്ടിയ ഡിവിഷൻ ബെഞ്ച് പിഴ ചുമത്തേണ്ടി വരുമെന്നു മുന്നറിയിപ്പു നൽകിയതിനെത്തുടർന്നു പിൻവലിച്ചു. ലോക്സഭാ തെരഞ്ഞെടുപ്പിൽ മത്സരിക്കാൻ എംഎൽഎമാർക്കു ഭരണഘടനാപരമായി അനുവാദമുണ്ട്. ഇവർ മത്സരിക്കുന്നതു നിയമവിരുദ്ധമല്ലെന്നിരിക്കേ ചെലവ് എങ്ങനെ ഈടാക്കാനാവും. നിയമവിരുദ്ധമല്ലാത്ത പ്രവൃത്തികളുടെ പേരിൽ ആരുടെയും പക്കൽനിന്നു കാശ് ഈടാക്കണമെന്നു കോടതിക്കു പറയാനാവില്ല.…
Read Moreപ്രായപൂർത്തിയാകാത്ത പെണ്കുട്ടിയെ പീഡിപ്പിക്കാൻ ശ്രമിച്ച എസ്എൻഡിപി നേതാവ് പിടിയിൽ; സംഭവം പിറവത്ത്
പിറവം: പ്രായപൂർത്തിയാകാത്ത പെണ്കുട്ടിയെ പീഡിപ്പിക്കാൻ ശ്രമിച്ച എസ്എൻഡിപി നേതാവിനെ പോലീസ് അറസ്റ്റു ചെയ്തു. പേപ്പതി പാഴൂർ സ്വദേശി ചീരക്കാട്ടിൽ സുധീർ കുമാറി (60) നെയാണ് പിറവം എസ്ഐ വി.ഡി. റെജിരാജ് അറസ്റ്റു ചെയ്തത്. വിമുക്ത ഭടൻ കൂടിയായ പ്രതി എസ്എൻഡിപി പാഴൂർ ശാഖാ പ്രസിഡന്റാണ്. ആറാം ക്ലാസ് വിദ്യാർഥിനിയെയാണ് പീഡിപ്പിക്കാൻ ശ്രമിച്ചത്. കോടതിയിൽ ഹാജരാക്കിയ പ്രതിയെ പോക്സോ വകുപ്പുകൾ ചുമത്തി റിമാൻഡ് ചെയ്തു. സ്കൂളിൽ നടത്തിയ കൗണ്സിലിംഗിലാണ് പീഡിപ്പിക്കാൻ ശ്രമിച്ച വിവരം അറിയുന്നത്.
Read Moreകെഎസ്എഫ്ഇ ബ്രാഞ്ചിൽ മുക്കുപണ്ടം തട്ടിപ്പ്; റിട്ടയേർഡ്എസ്ഐയും കൂട്ടാളിയും പോലീസ് പിടിയിൽ
മൂവാറ്റുപുഴ: കെഎസ്എഫ്ഇ ബ്രാഞ്ചിൽ മുക്കുപണ്ടം പണയം വച്ചു 2,35,000 രൂപ തട്ടിയെടുത്ത കേസിൽ റിട്ട. എസ്ഐ അടക്കം രണ്ടുപേരെ അറസ്റ്റുചെയ്തു. റിട്ട. എസ്ഐ കോട്ടപ്പടി അയക്കാട് അയപ്പാറ ചിറ്റേത്തുകൂടി സി.എം. മക്കാർ (56), തൊടുപുഴ കാരിക്കോട് കന്പക്കലായിൽ ആഷിക് എം. നാസർ (23) എന്നിവരെയാണ് മൂവാറ്റുപുഴ ഡിവൈഎസ്പി ഷാജിമോൻ ജോസഫിന്റെ നേതൃത്വത്തിലുള്ള പോലീസ് അറസ്റ്റു ചെയ്തത്. ഇവരെ ഇന്ന് കോടതിയിൽ ഹാജരാക്കും. മൂവാറ്റുപുഴ കെഎസ്എഫ്ഇ ബ്രാഞ്ചിൽനിന്ന് 1,65,000 രൂപയും തൊടുപുഴ ബ്രാഞ്ചിൽനിന്ന് 70,000 രൂപയും തട്ടിയെടുത്തെന്നാണു കേസ്. മക്കാർ സമാനമായ നിരവധി കേസുകളിൽ എറണാകുളം ജില്ലയിലെ ഒട്ടുമിക്ക പോലീസ് സ്റ്റേഷനുകളിലും പ്രതിയാണ്. നിരവധിത്തവണ ജയിൽവാസം അനുഭവിച്ചിട്ടുമുണ്ട്. ജാമ്യത്തിൽ ഇറങ്ങി ഗോവയിൽ ഒളിവിലായിരുന്നു. പ്രത്യേക അന്വേഷണ സംഘം മക്കാരിനെ തന്ത്രത്തിലൂടെ കേരളത്തിൽ എത്തിച്ചാണ് അറസ്റ്റ് ചെയ്തതെന്നു ഡിവൈഎസ്പി പറഞ്ഞു. സിസി ടിവി കാമറകൾ ഇല്ലാത്ത ബ്രാഞ്ചുകൾ തെരഞ്ഞെടുത്തു വ്യാജതിരിച്ചറിയൽ…
Read Moreപുതുവൈപ്പിലെ നിർദിഷ്ട എൽപിജി ടെർമിനൽ പദ്ധതി ; ‘സ്ഥാനാർഥികൾ നിലപാട് വ്യക്തമാക്കണം’
വൈപ്പിൻ: നിർദിഷ്ട എൽപിജി സംഭരണി പദ്ധതി പുതുവൈപ്പിൽ സ്ഥാപിക്കാൻ അധികൃതർ കാണിക്കുന്ന പിടിവാശിയിൽ എറണാകുളം ലോക്സഭാ മണ്ഡലത്തിലെ സ്ഥാനാർഥികൾ അവരുടെ നിലപാട് വ്യക്തമാക്കണമെന്ന് പുതുവൈപ്പ് എൽപിജി ടെർമിനൽ വിരുദ്ധ സമിതിയോഗം ആവശ്യപ്പെട്ടു. ജനങ്ങളുടെ വാസഗൃഹങ്ങളോട് ചേർന്ന് 15450 ടണ് ശേഷിയുള്ള കൂറ്റൻ എൽപിജി സംഭരണി സ്ഥാപിക്കുന്നതിനെതിരേ 2009 മുതൽ പുതുവൈപ്പിലെ ജനങ്ങൾ പ്രക്ഷോഭത്തിലാണ്. ഈ പദ്ധതിയുടെ പ്രോജക്ട് സൈറ്റും ജനങ്ങളുടെ വീടുകളും തമ്മിൽ കേവലം 30 മീറ്റർ മാത്രമാണ് അകലമുള്ളത്. മാത്രമല്ല മത്സ്യത്തൊഴിലാളികൾ തിങ്ങിപ്പാർക്കുന്ന പ്രദേശത്ത് പദ്ധതി വരുന്നതുമൂലം അവരുടെ തൊഴിലും തൊഴിലിടവും ജീവിതവുമാണ് തകർക്കപ്പെടുന്നത്. ഈ സാഹചര്യത്തിൽ അന്പലമേടിൽ സർക്കാർ ഏറ്റെടുത്തിട്ടുള്ള 600 ഏക്കർ സ്ഥലത്ത് കിഫ്ബി പ്രോജക്ടായ നിർദിഷ്ട പെട്രോകെമിക്കൽ കോംപ്ലക്സിലേക്ക് സംഭരണി മാറ്റി സ്ഥാപിക്കുക എന്ന ബദൽ നിർദേശം സമര സമിതി സർക്കാരിന് സമർപ്പിച്ചിരിക്കുകയാണ്. ഇക്കാര്യത്തിൽ സ്ഥാനാർഥികൾ തുറന്ന അഭിപ്രായം പറയണമെന്നും യോഗം…
Read Moreമാതാവിനൊപ്പം ചികിത്സയ്ക്ക് ആശുപത്രിയിലെത്തിയ മകനെ കാണ്മാനില്ലെന്ന് ബന്ധുക്കളുടെ പരാതി
വൈപ്പിൻ: അമ്മക്കൊപ്പം ചികിത്സക്കായി എറണാകുളം ജനറൽ ആശുപത്രിയിലെത്തിയ 45 കാരനെ കാണ്മാനില്ലെന്ന് പരാതി. എളങ്കുന്നപ്പുഴ 15-ാം വാർഡിൽ അഴീക്കക്കടവിൽ പരേതനായ ശശിയുടെ മകൻ സജു(45)വിനെയാണ് കാണാതായത്. കഴിഞ്ഞ 16ന് ചികിത്സയ്ക്കായി അമ്മ വള്ളിയമ്മയ്ക്കൊപ്പം പോയതാണ്. എന്നാൽ ഡോക്ടറുടെ പരിശോധനയിൽ കാര്യമായ രോഗമൊന്നും കാണാഞ്ഞതിനാൽ അഡ്മിറ്റ് ചെയ്തില്ല. എന്നാൽ അമ്മയും മകനും തിരിച്ചുപോരാതെ അന്ന് ആശുപത്രി വരാന്തയിൽ തങ്ങി. അടുത്തദിവസം വള്ളിയമ്മ മാത്രം വീട്ടിലേക്ക് തിരികെ പോന്നു. രണ്ടുദിവസം കഴിഞ്ഞും സജുവിനെ കാണാതായപ്പോൾ ആശുപത്രിയിൽ ബന്ധുക്കൾ അന്വേഷിച്ച് ചെന്നെങ്കിലും സജുവിനെ കണ്ടെത്തിയില്ല. ഇയാൾ കിടന്നിരുന്ന ഭാഗത്ത് ഇയാളുടെ ചെറുപ്പും ബിഗ്ഷോപ്പറും ഷീറ്റും മാത്രം കണ്ടെത്തി. ഇതേത്തുടർന്ന് ബന്ധുക്കൾ എറണാകുളം സെൻട്രൽ സ്റ്റേഷനിൽ പരാതി നൽകി. പോലീസ് തെരഞ്ഞെങ്കിലും ആളെ കണ്ടെത്താനായില്ല.
Read More