കൊച്ചി: നടിയെ ആക്രമിച്ച കേസിൽ വിചാരണ നടപടികൾ എറണാകുളം പ്രത്യേക സിബിഐ കോടതിയിൽ തുടങ്ങി. പ്രാഥമിക വാദം കേൾക്കുന്നത് അടുത്ത മാസം അഞ്ചിലേക്ക് മാറ്റിയതായും കോടതി അറിയിച്ചു. ഹൈക്കോടതി വിധിയനുസരിച്ച് വനിത ജഡ്ജി അധ്യക്ഷയായ സിബിഐ കോടതിയാണ് കേസ് വിചാരണയ്ക്ക് പരിഗണിക്കുന്നത്. ആറ് മാസത്തിനകം വിചാരണ പൂർത്തിയാക്കണമെന്ന് ഹൈക്കോടതി വിചാരണ കോടതിക്ക് നിർദ്ദേശം നൽകിയിരുന്നു. 2017 ഫെബ്രുവരി 17 നാണ് കൊച്ചിയിൽ യുവ നടി ആക്രമണത്തിനിരയായത്. പൾസർ സുനിയുടെ നേതൃത്വത്തിലുള്ള ക്വട്ടേഷൻ സംഘം നടിയുടെ വാഹനം ആക്രമിച്ച് അശ്ലീല ദൃശ്യങ്ങൾ പകർത്തിയെന്നാണ് കേസ്. നടൻ ദിലീപും പൾസർ സുനിയുമടക്കം കേസിൽ 11 പ്രതികളുണ്ട്.
Read MoreCategory: Kochi
തെറ്റുകണ്ടാൽ ആപ്പിലിടാം..,കോളജുകളിലെത്തി വോട്ടു തേടൽ പെരുമാറ്റച്ചട്ട ലംഘനമെന്ന് തെരഞ്ഞെടുപ്പു കമ്മീഷൻ
കൊച്ചി: കോളജുകളിൽ കൂട്ടമായോ ഒറ്റയ്ക്കോ എത്തി വോട്ട് ചോദിക്കുന്നതു പെരുമാറ്റച്ചട്ട ലംഘനമെന്നു മുഖ്യ തെരഞ്ഞെടുപ്പ് കമ്മീഷണർ ടിക്കാറാം മീണ. കോളജുകൾ സർക്കാർ നിയന്ത്രണത്തിലുള്ള സ്ഥാപനങ്ങളാണ്. സർക്കാർ, അർധ സർക്കാർ സ്ഥാപനങ്ങളിൽ തെരഞ്ഞെടുപ്പ് പ്രചാരണം പാടില്ല. കേരളത്തിൽ പതിവായി ഇത്തരം പ്രചാരണം നടക്കാറുണ്ടെന്നു മാധ്യമ പ്രവർത്തകർ ശ്രദ്ധയിൽപ്പെടുത്തിയപ്പോൾ കീഴ്വഴക്കങ്ങൾ ലംഘിക്കാനില്ലെന്നും ആലോചിച്ചു നടപടി സ്വീകരിക്കുമെന്നും അദ്ദേഹം പറഞ്ഞു. ശബരിമല വിഷയം പ്രചാരണായുധമാക്കരുതെന്നു പറഞ്ഞിട്ടില്ല. ശബരിമലയുമായി ബന്ധപ്പെട്ടുള്ള ഏതു വിഷയവും തെരഞ്ഞെടുപ്പിൽ ഉയർത്താം. അയ്യപ്പന്റെ പേരു പറഞ്ഞു വോട്ടു ചോദിക്കാൻ പാടില്ല. പെരുമാറ്റച്ചട്ടലംഘനങ്ങൾ ശ്രദ്ധയിൽപ്പെട്ടാൽ പൊതുജനങ്ങൾക്കു വിവരം കൈമാറാൻ സി വിജിൽ എന്ന മൊബൈൽ ആപ്ലിക്കേഷൻ തെരഞ്ഞെടുപ്പ് കമ്മീഷൻ പുറത്തിറക്കിയിട്ടുണ്ട്. പെരുമാറ്റച്ചട്ടലംഘനങ്ങൾ മൊബൈൽഫോണിൽ പകർത്തി കണ്ട്രോൾ റൂമിലേക്ക് അയയ്ക്കാം. സന്ദേശം ലഭിച്ച് അഞ്ച് മിനിറ്റിനുള്ളിൽ കേസ് രജിസ്റ്റർ ചെയ്യും. നൂറു മിനിറ്റിനുള്ളിൽ നടപടി കൈക്കൊള്ളും. ഗ്രീൻ പ്രോട്ടോക്കോൾ കർശനമായി നടപ്പാക്കാൻ…
Read Moreകീടനാശിനിയുടെ അംശത്തെക്കുറിച്ച് അവർ പറഞ്ഞോ? മണിയുടെ മരണവുമായി ബന്ധപ്പെട്ടുള്ള താരങ്ങളുടെ നുണപരിശോധന കഴിഞ്ഞു
കൊച്ചി: നടൻ കലാഭവൻ മണിയുടെ മരണവുമായി ബന്ധപ്പെട്ട കേസിൽ സിബിഐയുടെ നുണ പരിശോധന പൂർത്തിയായി. സിനിമാ താരങ്ങളായ ജാഫർ ഇടുക്കി, സാബുമോൻ, മണിയുടെ മാനേജരായ ജോബി സെബാസ്റ്റ്യൻ, മണിയുടെ സുഹൃത്തുക്കളായ എം.ജി. വിപിൻ, സി.എ. അരുണ്, മുരുകൻ, അനിൽകുമാർ എന്നിവരെയാണു നുണ പരിശോധനയ്ക്കു വിധേയരാക്കിയത്. ചെന്നൈയിലെ ഫോറൻസിക് ലബോറട്ടറിയിൽനിന്നുള്ള ഉദ്യോഗസ്ഥരാണു കൊച്ചി കതൃക്കടവിലെ സിബിഐ ഓഫിസിൽ നടന്ന പരിശോധനയ്ക്കെത്തിയത്. ലഭ്യമായ വിവരങ്ങൾ വിദഗ്ധ പരിശോധനയ്ക്കായി ചെന്നൈയിലേക്ക് അയച്ചിട്ടുണ്ട്. 2016 മാർച്ച് ആറിനാണ് കലാഭവൻ മണിയെ മരിച്ചനിലയിൽ കണ്ടെത്തിയത്. മരണത്തിൽ ദുരൂഹതയുണ്ടെന്ന് ആരോപിച്ചു കുടുംബം രംഗത്തെത്തുകയും കേസ് അന്വേഷണം സിബിഐക്കു വിടുകയുമായിരുന്നു. മണിയുടെ ശരീരത്തിൽ കീടനാശിനിയുടെ അംശം കണ്ടെത്തിയെന്ന രാസപരിശോധനാ ഫലമാണ് ദുരൂഹതയ്ക്കു വഴിയൊരുക്കിയത്.
Read Moreതട്ടിക്കൊണ്ടുപോകൽ; ഇതരസംസ്ഥാനക്കാരെ വിട്ടുകിട്ടാൻ ആവശ്യപ്പെട്ടത് 80000 രൂപ
പെരുന്പാവൂർ: ഇതരസംസ്ഥാനക്കാരെ തട്ടിക്കൊണ്ടുപോയി ഒളിവിൽ താമസിപ്പിച്ച് ബന്ധുക്കളിൽ നിന്ന് മോചനദ്രവ്യം ആവശ്യപ്പെട്ട നാല് ആസാം സ്വദേശികളെ കാലടിയിൽനിന്നു പോലീസ് പിടികൂടി. ആസാം മോറിഗാവ് സ്വദേശികളായ ബാബുൽ ഹുസൈൻ (22), മുഖ്സിദുൽ ഹഖ് (22), അജീജുൽ ഹഖ് (26), ജുൽഫിക്കൽ അലി (20) എന്നിവരെയാണ് പെരുന്പാവൂർ പോലീസ് തന്ത്രപൂർവം അറസ്റ്റു ചെയ്തത്. ആസാം സ്വദേശികളായ മുഹമ്മദ് ഷൂരജ് അലി (43), ഷഫിദുൽ ഇസ്ലാം (42) എന്നിവരെ തട്ടിക്കൊണ്ടുപോയ ശേഷം ഇരുവരുടെയും ആസാമിലെ ബന്ധുക്കളെ വിളിച്ച് മോചനദ്രവ്യമായി 80,000 രൂപയാണ് പ്രതികൾ ആവശ്യപ്പെട്ടത്. സംഭവത്തെക്കുറിച്ച് പോലീസ് പറയുന്നത്: ഷൂരജ് അലിയുടെ മകൻ മൊബൈൽ ഫോണ് മോഷ്ടിച്ചെന്ന് ആരോപിച്ചാണ് ഷൂരജ് അലിയേയും ഒപ്പം താമസിച്ചിരുന്ന ഷഫിദുൽ ഇസ്ലമിനേയും പ്രതികൾ തട്ടിക്കൊണ്ടു പോകുകയായിരുന്നു. ഫോണ് കോൾ കേന്ദ്രീകരിച്ച് പ്രതികളെ തിരിച്ചറിയാതിരിക്കുന്നതിനായി ഷൂരജിന്റെയും ഷഫിദുലിന്റെയും ഫോണിൽനിന്നാണ് നാലംഗസംഘം ബന്ധുക്കളെ വിളിച്ച് മോചനദ്രവ്യം ആവശ്യപ്പെട്ടത്. തുടർന്ന്…
Read Moreഡിടിപിസിയുടെ അനാസ്ഥ; പരിപാലനമില്ലാതെ ഭൂതത്താൻകെട്ട് ബോട്ട്ജെട്ടി നശിക്കുന്നു
കോതമംഗലം: ഭൂതത്താൻകെട്ടിൽ ഡിടിപിസിയുടെ പെഡൽബോട്ടിംഗും കയാക്കിംഗും നിലച്ച് ഒരു വർഷത്തോളമായിട്ടും പുനഃരാരംഭിക്കാൻ നടപടിയായില്ല. ആറു പെഡൽ ബോട്ടുകളും രണ്ടു കയാക്കിംഗ് വഞ്ചികളും ബോട്ടുജെട്ടിയും പരിപാലനമില്ലാതെ നശിക്കുകയാണ്. ഭൂതത്താൻകെട്ട് ടൂറിസ്റ്റ് കേന്ദ്രത്തിൽ ജില്ലാ ടൂറിസം പ്രമോഷൻ കൗണ്സിലാണ് പെഡൽ ബോട്ടിംഗിന് സൗകര്യമൊരുക്കിയിരുന്നത്. വിശാലമായ തടാകത്തിൽ മുതിർന്നവർക്കും കുട്ടികൾക്കും പെഡൽബോട്ട് യാത്ര പ്രിയപ്പെട്ടതായിരുന്നു. കയാക്കിംഗും ആകർഷകമായിരുന്നു. ബോട്ടുജെട്ടിയുടെയും ബോട്ടുകളുടെയും നിയന്ത്രണം ഡിടിപിസി സ്വകാര്യവ്യക്തികൾക്ക് ലീസിന് നൽകുകയാണ് ചെയ്യുന്നത്. ഇത്തവണ ആരും ഏറ്റെടുക്കാൻ തയാറായില്ല. കർശന നിബന്ധനകളും ഉയർന്ന തുകയുമാണ് കരാറുകാർ വിട്ടുനിൽക്കാൻ കാരണമെന്ന് പറയപ്പെടുന്നു. സീസണ് ആരംഭിച്ചശേഷം ഇവിടെയെത്തുന്ന സഞ്ചാരികളിൽ പലരും പെഡൽബോട്ട് സവാരിക്ക് താത്പര്യം പ്രകടിപ്പിക്കാറുണ്ട്. ഇത്തരത്തിൽ ഡിടിപിസിക്ക് ലഭിക്കാവുന്ന വരുമാനമാണ് നഷ്ടപ്പെടുന്നത്. ഭൂതത്താൻകെട്ടിലും പെരിയാറിലെ മറ്റു ചില ഭാഗങ്ങളിലും സ്വകാര്യസംരംഭകർ പെഡൽബോട്ടിംഗിനും കയാക്കിംഗിനും സൗകര്യമൊരുക്കിയിട്ടുണ്ട്. ഡിടിപിസിയുടെ അനാസ്ഥയാണ് സ്വകാര്യവ്യക്തികൾ നേട്ടമാക്കുന്നതെന്നാണ് ആക്ഷേപം.
Read More2009 ൽ ഹൈബി മോഹിച്ചു, മാഷിനു കിട്ടി; 2019 ൽ മാഷ് മോഹിച്ചു, ഹൈബിക്കു കിട്ടി
കൊച്ചി: എറണാകുളം ലോക്സഭാ മണ്ഡലത്തിൽ യുഡിഎഫ് സ്ഥാനാർഥിയായി ഹൈബി ഈഡന്റെ വരവ് ഒരു വരിയിൽ ഇങ്ങനെ വിശേഷിപ്പിക്കാം -അന്ന് മോഹിച്ചു, ഇത്തവണ നേടിയെന്ന്. ഇൗ തെരഞ്ഞെടുപ്പിൽ യുഡിഎഫ് സ്ഥാനാർഥിയായി ആദ്യം മുതൽക്കേ ഹൈബിയുടെ പേര് ഉയർന്നുവന്നിരുന്നെങ്കിലും സ്ഥലം എംപിയായ കെ.വി. തോമസിനെ മാറ്റി മറ്റൊരു സ്ഥാനാർഥിയെന്നത് ദുഷ്കരമാണെന്ന് പലരും കരുതി. സിറ്റിംഗ് എംപിമാർക്ക് വീണ്ടും അവസരം നൽകുമെന്ന ഹൈക്കമാൻഡ് അറിയിപ്പും പലയിടങ്ങളിലും കെ.വി. തോമസിന്റെ പേരിൽ ചുവരെഴുത്തുകൾ പ്രത്യക്ഷപ്പെട്ടതും യുഡിഎഫ് സ്ഥാനാർഥി കെ.വി. തോമസ് തന്നെയാണെന്ന പ്രചാരണങ്ങൾക്ക് ആക്കംകൂട്ടി. എന്നാൽ, ഹൈക്കമാൻഡ് സ്ഥാനാർഥിപ്പട്ടിക പുറത്തുവിട്ടപ്പോഴാകട്ടെ ഹൈബി ഈഡൻ സ്ഥാനാർഥി. ലോക്സഭാ സീറ്റിലേക്ക് മത്സരിക്കാൻ നിശ്ചയിക്കപ്പെട്ടത് അപ്രതീക്ഷിതമായിട്ടാണെങ്കിലും അതിലേക്കുള്ള ഓർമകൾക്ക് ഹൈബി ഈഡന് വർഷങ്ങളുടെ പഴക്കമുണ്ട്. കൃത്യം പറഞ്ഞാൽ പത്ത് വർഷംമുന്പ് 2009 മുതൽക്കേ സീറ്റിനു വേണ്ടി അന്നും മത്സരമുണ്ടായിരുന്നു. അന്നാകട്ടെ കെ.വി. തോമസ് എംഎൽഎയും ഹൈബി ഈഡൻ…
Read Moreകർഷകരെ വഞ്ചിച്ച യുഡിഎഫിനെ വീണ്ടും പരാജയപ്പെടുത്തണമെന്ന് മന്ത്രി എം.എം.മണി
മൂവാറ്റുപുഴ: മലയോര ജനതയെയും കർഷകരെയും വഞ്ചിച്ച യുഡിഎഫിനെ വീണ്ടും പരാജയപ്പെടുത്തണമെന്ന് മന്ത്രി എം.എം. മണി. ഇടുക്കി ലോക്സഭാ മണ്ഡലം എൽഡിഎഫ് സ്വന്ത്ര സ്ഥാനാർഥി ജോയ്സ് ജോർജിന്റെ തെരഞ്ഞെടുപ്പ് പ്രവർത്തനങ്ങൾക്കായി ചേർന്ന മൂവാറ്റുപുഴ നിയോജക മണ്ഡലം കണ്വൻഷൻ ഉദ്ഘാടനം ചെയ്യുകയായിരുന്നു മന്ത്രി. അഞ്ചു വർഷത്തിനിടെ 4750 കോടിയുടെ വികസന പ്രവർത്തനങ്ങളാണ് ജോയ്സ് ജോർജ് നടപ്പാക്കിയതെന്ന് മന്ത്രി പറഞ്ഞു. യോഗത്തിൽ എൽദോ ഏബ്രാഹാം എംഎൽഎ അധ്യക്ഷത വഹിച്ചു. ജോയ്സ് ജോർജ്, ജനാധിപത്യ കേരള കോണ്ഗ്രസ് ചെയർമാൻ കെ. ഫ്രാൻസിസ് ജോർജ്, എൽഡിഎഫ് അസംബ്ലി മണ്ഡലം കണ്വീനർ എൻ. അരുൺ, സിപിഎം ജില്ലാ സെക്രട്ടറിയേറ്റ് അംഗം പി.ആർ. മുരളീധരൻ, മൂവാറ്റുപുഴ ഏരിയ സെക്രട്ടറി എം.ആർ. പ്രഭാകരൻ തുടങ്ങിയവർ പ്രസംഗിച്ചു. എൽഡിഎഫ് ലോക്സഭാ മണ്ഡലം സെക്രട്ടറി ഗോപി കോട്ടമുറിക്കൽ, മുൻ എംഎൽഎ ബാബു പോൾ, നഗരസഭ ചെയർപേഴ്സണ് ഉഷാ ശശിധരൻ, നേതാക്കളായ പി.എം.…
Read Moreകോടതിയലക്ഷ്യത്തിന് പ്രീത ഷാജിക്കു ശിക്ഷ; 100 മണിക്കൂർ രോഗികളെ പരിചരിക്കാൻ ഉത്തരവ്
കൊച്ചി: കോടതിയലക്ഷ്യത്തിന് പ്രീത ഷാജിക്കും ഭർത്താവിനും ശിക്ഷ. ഹൈക്കോടതി ഉത്തരവു ലംഘിച്ചതിനു പ്രീതയും ഭർത്താവും എറണാകുളം ജില്ലാ ജനറൽ ആശുപത്രിക്കു കീഴിലുള്ള കിടപ്പു രോഗികളെ 100 മണിക്കൂർ പരിചരിക്കണമെന്നു ഹൈക്കോടതി ഉത്തരവിട്ടു. ദിവസം ആറുമണിക്കൂർ വീതമാണു പരിചരിക്കേണ്ടത്. പരിചരണം നടത്തിയെന്നു മെഡിക്കൽ സൂപ്രണ്ട് റിപ്പോർട്ട് നൽകണമെന്നും കോടതി നിർദേശിച്ചു. വീടും പറന്പും ലേലത്തിൽ പിടിച്ചയാൾക്ക് ഒഴിഞ്ഞുകൊടുക്കാനുള്ള ഹൈക്കോടതി ഉത്തരവു പാലിക്കാതിരുന്ന പ്രീത ഷാജിയും ഭർത്താവ് ഷാജിയും സാമൂഹ്യസേവനം അനുഷ്ഠിക്കണമെന്നു കഴിഞ്ഞ ദിവസം ഹൈക്കോടതി നിർദേശിച്ചിരുന്നു. ഏതു തരത്തിലുള്ള സേവനമാണ് ഇവർ ചെയ്യേണ്ടതെന്നാണു കോടതി ഇന്നു തീരുമാനിച്ചത്. വീടും പറന്പും ഒഴിയാനുള്ള ഉത്തരവു പ്രീത ഷാജിയും കുടുംബവും പാലിച്ചില്ലെന്നാരോപിച്ചു ഭൂമി ലേലത്തിൽ പിടിച്ച എം.എൻ. രതീഷ് നൽകിയ കോടതിയലക്ഷ്യ ഹർജിയിലാണു ചീഫ് ജസ്റ്റീസ് ഉൾപ്പെട്ട ഡിവിഷൻ ബെഞ്ചിന്റെ നിർദേശം. കോടതി വിധി നടപ്പാക്കുന്നതു തടഞ്ഞ ഇവർ പൊതുജന പ്രതിഷേധം…
Read Moreവോട്ടർപട്ടികയിൽ ഇനി എളുപ്പത്തിൽ പേര്ചേർക്കാം; വോട്ടർ ഹെൽപ്പ്ലൈൻ ആപ്പ് പ്ലേസ്റ്റോറിലുണ്ട്
കൊച്ചി: തെരഞ്ഞെടുപ്പ് കമ്മീഷൻ വികസിപ്പിച്ചെടുത്ത പുതിയ മൊബൈൽ ആപ്പ് -വോട്ടർ ഹെൽപ്പ്ലൈൻ- ഉപയോഗിച്ച് വോട്ടർമാർക്ക് ഇനി വീട്ടിലിരുന്നും വോട്ടർ പട്ടികയിൽ പേരുചേർക്കാം. ഇതിലൂടെ രാജ്യത്തെന്പാടുമുള്ള സമ്മതിദായകർക്ക് തെരഞ്ഞെടുപ്പ് സംബന്ധിച്ച എല്ലാ സേവനങ്ങളും വിവരങ്ങളും ഒരിടത്തുനിന്നു ലഭ്യമാക്കുക എന്നതാണ് തെരഞ്ഞെടുപ്പു കമ്മീഷന്റെ ലക്ഷ്യം. വോട്ടർക്ക് ഈ ആപ്പിലൂടെ തിരിച്ചറിയൽ കാർഡിലെ നന്പർ ഉപയോഗിച്ച് താനുമായി ബന്ധപ്പെട്ട വിശദാംശങ്ങൾ ആപ്ലിക്കേഷൻ വഴി തെരയാവുന്നതാണ്. കൂടാതെ വോട്ടർക്ക് മറ്റൊരു നിയോജകമണ്ഡലത്തിലേക്ക് ഷിഫ്റ്റ് ചെയ്യൽ, ഓവർസീസ് വോട്ടർമാർക്കുള്ള സേവനങ്ങൾ, വോട്ടർ പട്ടികയിൽനിന്ന് പേര് നീക്കം ചെയ്യൽ, പരാതികൾ നൽകൽ, എതിർപ്പ് പ്രകടിപ്പിക്കൽ, പ്രവാസി വോട്ടർമാർക്കുള്ള സേവനങ്ങൾ, തുടങ്ങിയ സേവനങ്ങൾ ഈ മൊബൈൽ ആപ്ലിക്കേഷനിലൂടെ ലഭ്യമാകും. തെരഞ്ഞെടുപ്പ് സേവനങ്ങളുമായി ബന്ധപ്പെട്ട പരാതികൾ രജിസ്റ്റർ ചെയ്യാനും അതിന്റെ ഡിസ്പോസൽ സ്റ്റാറ്റസ് ട്രാക്ക് ചെയ്യുന്നതിനും ആപ്പിലൂടെ സാധിക്കും. ഒരു നിയമസഭാ മണ്ഡലത്തിലെ തെരഞ്ഞെടുപ്പ് പട്ടികയിലെ ഒരു എൻട്രി…
Read Moreകൊല്ലത്തു നിൽക്കുന്നതിനേക്കാൾ ഭേദം മലപ്പുറം; നേതൃത്വത്തെ കുത്തി കണ്ണന്താനം
കൊച്ചി: കൊല്ലത്തു മത്സരിക്കുന്നതിനേക്കാൾ ഭേദം മലപ്പുറത്തു മത്സരിക്കുന്നതെന്ന് കേന്ദ്രമന്ത്രി അൽഫോണ്സ് കണ്ണന്താനം. ബിജെപി തന്നെ കൊല്ലത്തു മത്സരിപ്പിക്കുമെന്ന റിപ്പോർട്ടുകളോടു പ്രതികരിക്കുകയായിരുന്നു അദ്ദേഹം. കൊല്ലത്തു മത്സരിക്കാൻ തനിക്കുമേൽ സമ്മർദമുണ്ട്. പക്ഷേ, കൊല്ലത്ത് ആരെയും പരിചയമില്ല. അതിലും ഭേദം തനിക്ക് മലപ്പുറം കിട്ടുന്നതാണ്. മത്സരിക്കാൻ താൽപര്യമില്ലെന്ന് നേതൃത്വത്തെ അറിയിച്ചിരുന്നു. മത്സരിക്കണമെന്നു പാർട്ടിക്കു നിർബന്ധമാണെങ്കിൽ കോട്ടയമോ എറണാകുളമോ പത്തനംതിട്ടയോ വേണം. തന്റെ മണ്ഡലം പത്തനംതിട്ടയാണ്. അതുകൊണ്ട് തന്നെ മത്സരിക്കാൻ അവിടെയാണ് താൽപര്യമെന്നും കണ്ണന്താനം പറഞ്ഞു.
Read More