കൊച്ചി: കാത്സ്യം കാർബൈഡ് ഉപയോഗിച്ച് പഴുപ്പിച്ച ആഞ്ഞിലിച്ചക്ക പിടികൂടി. വഴിയരികിൽ വിൽപ്പനയ്ക്കു വച്ചിരുന്ന ആഞ്ഞിലിച്ചക്കയാണ് കൊച്ചി മരട് പോലീസ് പിടിച്ചെടുത്തത്. മരട് ന്യൂക്ലിയസ് മാളിനു സമീപം കിലോഗ്രാമിനു 100 രൂപ നിരക്കിലാണ് ആഞ്ഞിലിച്ചക്ക വിറ്റിരുന്നത്. വിൽപ്പനക്കാരൻ കുന്നംകുളം സ്വദേശി തന്പിയെ പോലീസ് അറസ്റ്റ് ചെയ്തു. വിഷം കലർത്തിയ പഴം വിൽക്കാൻ ഉപയോഗിച്ച വാഹനവും പോലീസ് കസ്റ്റഡിയിലെടുത്തു. മറ്റൊരാൾക്കു വേണ്ടിയാണ് താൻ ആഞ്ഞിലിച്ചക്ക വിറ്റിരുന്നതെന്നാണ് ഇയാൾ പോലീസിനു നൽകിയ മൊഴി. ആഞ്ഞിലിച്ചക്ക വിറ്റ വാഹനത്തിൽ നടത്തിയ പരിശോധനയിൽ മുഴുവൻ പെട്ടിയിലും കടലാസിൽ പൊതിഞ്ഞ കാർബൈഡ് വച്ചിരുന്നതായി കണ്ടെത്തിയെന്നു പോലീസ് അറിയിച്ചു.
Read MoreCategory: Kochi
മറ്റൊരാളുടെ വാഹന നമ്പറിൽ വാഹന ലോൺ; രണ്ടര വർഷമായിട്ടും നീതി കിട്ടാതെ വാഹന ഉടമ
ആലുവ: മറ്റൊരാളുടെ വാഹന നമ്പറിൽ വാഹന ലോൺ അനുവദിച്ചതിനെത്തുടർന്ന് വെട്ടിലായ ഇരുചക്രവാഹന ഉടമയ്ക്ക് രണ്ടര വർഷം കഴിഞ്ഞിട്ടും നീതിയില്ല. തൃപ്പൂണിത്തുറ മിൽമ ജീവനക്കാരനും ചോറ്റാനിക്കര സ്വദേശിയുമായ തലക്കോട് ചീറനാട്ടുപറമ്പിൽ മനോഹരനാണ് ആർസി ബുക്കിലെ നമ്പറും അനുബന്ധ രേഖകളിലെ നമ്പറും വ്യത്യസ്തമായതിനെത്തുടർന്ന് നെട്ടോട്ടമോടുന്നത്. പ്രശ്നം പരിഹരിച്ച് തരാൻ ലോൺ നൽകിയ സ്ഥാപനമോ മോട്ടോർ വകുപ്പോ പോലീസോ തയാറാകുന്നില്ലെന്ന് എസ്പിക്ക് ഇന്നലെ പരാതി നൽകി കാത്തിരിക്കുകയാണ് വാഹന ഉടമ. വാഹനം വാങ്ങി ആറ് മാസം കഴിഞ്ഞപ്പോഴാണ് തനിക്ക് പറ്റിയ അമളി തിരിച്ചറിഞ്ഞത്. എന്നാൽ തെറ്റ് തിരുത്തി തരേണ്ടതിനു പകരം ഇപ്പോൾ ഭീഷണിപ്പെടുത്തുകയാണ് ചെയ്യുന്നതെന്ന് എസ്പിക്കു നൽകിയ പരാതിയിൽ പറയുന്നു. തിരുവാണിയൂരിലെ എൽഎംഎൽ (ഹീറോ) മോട്ടോഴ്സിൽനിന്നാണ് ഇരുചക്ര വാഹനം 2017 ഓഗസ്റ്റ് 10ന് വാങ്ങുന്നത്. കെഎൽ 39 എൽ 5718 എന്ന നമ്പറിലാണ് രജിസ്റ്റർ ചെയ്തത്. ആദ്യ ഗഡു 10,000 രൂപയും…
Read Moreനാലാം ക്ലാസ് വിദ്യാർഥിനിയെ പീഡിപ്പിച്ച സംഭവം ; കീഴടങ്ങിയ പ്രതിയെ കസ്റ്റഡിയിൽ വാങ്ങും ; പ്രതി മുൻപും സമാന കേസിൽ പ്രതിയെന്ന് പോലീസ്
വടക്കേക്കര: നാലാം ക്ലാസ് വിദ്യാർഥിനിയെ പീഡിപ്പിച്ച സംഭവത്തിൽ കോട്ടപ്പുറം കോടിശേരി ചന്ദ്രൻ (65) എറണാകുളം പോസ്കോ കോടതിയിൽ കീഴടങ്ങി. കോടതി ഇയാളെ റിമാൻഡ് ചെയ്തു. ഇയാളുടെ കടയിൽവച്ചാണു കുട്ടിയെ പീഡിപ്പിച്ചത്. കുട്ടിയുടെ ശരീരത്തിൽ ഇയാൾ സ്പർശിക്കുന്നതു കണ്ട ചിലർ കുട്ടിയുടെ വീട്ടിൽ വിവരമറിയിച്ചു. തുടർന്നു വീട്ടുകാർ ചൈൽഡ് ലൈനിൽ പരാതി കൊടുത്തു. ചൈല്ഡ് ലൈൻ പ്രവർത്തകർ നടത്തിയ കൗണ്സിലിങ്ങിലാണു പീഡന വിവരങ്ങൾ പുറത്തുവന്നത്. ഒന്നര വർഷം മുന്പ് മറ്റൊരു കുട്ടിയെ സമാനരീതിയിൽ പീഡിപ്പിച്ച സംഭവത്തിലും ചന്ദ്രനെതിരേ പോലീസ് കേസെടുത്തിട്ടുണ്ട്. ഏതാനും ദിവസങ്ങളായി ഒളിവിൽ കഴിഞ്ഞിരുന്ന ചന്ദ്രൻ ഇന്നലെയാണു കോടതിയിൽ കീഴടങ്ങിയത്. കേസിൽ കൂടുതൽ അന്വേഷണം നടത്തുന്നതിനായി അടുത്ത ദിവസം ഇയാളെ പോലീസ് കസ്റ്റഡിയിൽ വാങ്ങും.
Read Moreപൂക്കാട്ടുപടിയിൽ പണംവച്ചു ചീട്ടുകളിയും ലഹരി വില്പനയും ; എല്ലാത്തിനും പോലീസ് ഒത്താശ ചെയ്യുന്നതായി ആരോപണം
കിഴക്കമ്പലം: പുക്കാട്ടുപടി ജംഗ്ഷൻ കേന്ദ്രീകരിച്ച് ലഹരി വില്പനയ്ക്കു പുറമെ പണംവച്ചുള്ള ചീട്ടുകളിയും വർധിച്ചിട്ടും നടപടിയെടുക്കാതെ പോലീസ് ഒത്താശ ചെയ്യുന്നതായി പ്രദേശവാസികൾ. അവധി ദിവസങ്ങളിൽ ഇതര സംസ്ഥാനക്കാരാണ് ചീട്ടുകളിക്കു നേതൃത്വം നൽകുന്നത്. കനാൽ ബണ്ട് റോഡിലെ ഇതര സംസ്ഥാന തൊഴിലാളികൾ തിങ്ങിപ്പാർക്കുന്ന കെട്ടിടത്തിലും ജംഗ്ഷനോട് ചേർന്നുള്ള കെട്ടിടങ്ങളുമാണ് ഇവരുടെ വിഹാരകേന്ദ്രം. രാപ്പകൽ വ്യത്യാസമില്ലാതെയാണ് വിവിധ പ്രദേശങ്ങളിൽ താമസിക്കുന്ന ഇതര സംസ്ഥാനക്കാർ ഉൾപ്പെടെയുള്ളവർ ഇവിടെയെത്തി ചീട്ടുകളി നടത്തുന്നത്. അവധി ദിവസങ്ങൾക്കു പുറമെ ഇടദിവസങ്ങളിലും ചീട്ടുകളി സജീവമാണെന്ന് നാട്ടുകാർ പറഞ്ഞു.പ്രദേശത്ത് ലഹരി വസ്തുക്കളുടെയും മദ്യത്തിന്റെയും വില്പനയും തകൃതിയാണെന്ന് നാട്ടുകാർ പറയുന്നു. ഇതു സംബന്ധിച്ച് പല തവണ പോലീസിൽ പരാതി നൽകിയെങ്കിലും യാതൊരു നടപടിയുമുണ്ടായിട്ടില്ലെന്നും നാട്ടുകാർ ആരോപിക്കുന്നു. പോലീസ് പിടികൂടിയാൽത്തന്നെ പണം കൊടുത്ത് കേസ് ഒതുക്കിത്തീർക്കുകയാണെന്നും ആരോപണമുണ്ട്.
Read Moreകച്ചവടക്കാർക്കും തൊഴിലാളികൾക്കും അതിശയക്കാഴ്ച! മുനന്പം ഹാർബറിൽ സ്റ്റാറായി റോക്ക് ലോബ്സ്റ്റർ കൊഞ്ചുകൾ
ചെറായി: മുനന്പം ഹാർബറിൽ വില്പനക്കെത്തിയ റോക്ക് ലോബ്സ്റ്റർ ഇനത്തിൽപെട്ട കൊഞ്ചുകൾ കച്ചവടക്കാർക്കും തൊഴിലാളികൾക്കും അതിശയക്കാഴ്ചയായി. ആഴക്കടൽ മത്സ്യബന്ധനം കഴിഞ്ഞ് ഹാർബറിലെത്തിയ ബോട്ടുകൾക്കാണ് ഈ മത്സ്യങ്ങൾ ലഭിച്ചത്. തമിഴ്നാട് തീരത്ത് ഇതിന്റെ സാന്നിധ്യമുണ്ടെങ്കിലും കേരളത്തിന്റെ തീരക്കടലിൽ വളരെ അപൂർവമായി ഇവ കാണാറുള്ളത്. സാധാരണ കൊഞ്ചുകളിൽനിന്നു വളരെ വ്യത്യസ്ഥമായ രൂപമാണ് റോക്ക് ലോബ്സ്റ്റർ കൊഞ്ചുകൾക്കുള്ളത്. ഇന്നലെ 16റോക് ലോബ്സ്റ്റർ കൊഞ്ചുകളാണ് വില്പനയ്ക്ക് ഉണ്ടായിരുന്നത്. 350 ഗ്രാം മുതൽ ഒന്നര കിലോഗ്രാംവരെ തൂക്കം വരുന്നവ കൊഞ്ചുകൾ കൂട്ടത്തിലുണ്ടായിരുന്നു. വലുതിന് ഒന്നേകാൽ അടിയോളമാണ് വാൽമുതൽ തലവരെയുള്ള നീളം. ഇതിന്റെ ഇരട്ടി നീളം വരും കൊന്പുകൾക്ക്. കറുത്ത കാലുകളും തലഭാഗത്തെ കറുത്ത പുള്ളികളും സ്വർണ നിറത്തിലുള്ള വരകളുമാണ് ഇവയുടെ പ്രത്യേകത. കിലോഗ്രാമിനു 1500 രൂപയ്ക്കാണ് ഇവ ഇന്നലെ വിറ്റത്. അതേസമയം ജീവനുള്ളവക്ക് കിലോഗ്രാമിനു 3,000 രൂപവരെ വില ലഭിക്കുമെന്ന് ഹാർബറിലെ കച്ചവടക്കാരനായ സജീവ് പറയുന്നു.…
Read Moreകാക്കനാട് കൊലപാതകം; പ്രതികൾ അഞ്ച് ദിവസം പോലീസ് കസ്റ്റഡിയിൽ; വിശദമായി ചോദ്യം ചെയ്യും
കൊച്ചി: കാക്കനാട് കൊലപാതകത്തിൽ പ്രതികൾ അഞ്ച് ദിവസം പോലീസ് കസ്റ്റഡിയിൽ. പിടിയിലായ 13 പ്രതികളിൽ ഏഴ് പേരെയാണ് കോടതി 19 വരെ പോലീസ് കസ്റ്റഡിയിൽ വിട്ടുകൊടുത്തിട്ടുള്ളത്. ഇവരെ ഇന്നലെ ഉച്ചയോടെയാണു കോടതി കസ്റ്റഡിയിൽ നൽകിയത്. വാഴക്കാല ഓലിക്കുഴി സ്വദേശി അസീസ് (47), മരുമകൻ ആലുവ ശ്രീമൂലനഗരം അനീസ് (34), അസീസിന്റെ ഇളയ മകൻ മനാഫ് (28), കാക്കനാട് ഓലിമുകൾ ഷിഹാബ് (33), വാഴക്കാല ഓലിക്കുഴി സലാം (42), വാഴക്കാല കുഴിപ്പറന്പിൽ ഫൈസൽ (23), വാഴക്കാല സ്വദേശി അലി (40) എന്നിവരെയാണ് കസ്റ്റഡിയിൽ അനുവദിച്ചത്. കേസുമായി ബന്ധപ്പെട്ട് പ്രതികളെ വിശദമായി ചോദ്യം ചെയ്യുമെന്നും തെളിവെടുപ്പ് പൂർത്തിയാക്കിയശേഷം തിരികെ കോടതിയിൽ ഹാജരാക്കുമെന്നും അധികൃതർ പറഞ്ഞു. അതിനിടെ, ഇവരെ ഇന്നലെ കാക്കനാട്ടെ വിവിധ സ്ഥലങ്ങളിലെത്തിച്ചു തെളിവെടുപ്പു നടത്തി. വെണ്ണല ചക്കരപ്പറന്പ് സ്വദേശി ജിബിന്റെ കൊലപാതകം നടന്ന വാഴക്കാലയിലെ വീട്ടിലും മൃതദേഹം തള്ളിയ…
Read Moreഇന്നസെന്റിനായി താരനിര ഇക്കുറി കൂടുതൽ വിയർപ്പൊഴുക്കും; സൂപ്പർ താരങ്ങളും പങ്കെടുക്കുമെന്ന് സൂചന
സിജോ പൈനാടത്ത് കൊച്ചി: ചാലക്കുടിയിൽ രണ്ടാം അങ്കത്തിനിറങ്ങുന്ന സിറ്റിംഗ് എംപിയും നടനുമായ ഇന്നസെന്റിനായി സിനിമാതാരങ്ങൾ ഇക്കുറി കൂട്ടമായെത്തും. മത്സരരംഗത്തേക്കിറങ്ങാൻ ആദ്യഘട്ടത്തിൽ മടിച്ച ഇന്നസെന്റിന്റെ മനസുമാറ്റത്തിനു പിന്നിൽ പ്രമുഖ താരങ്ങളുടെകൂടി ഇടപെടലുണ്ടായിരുന്നു. മമ്മൂട്ടിയുൾപ്പടെയുള്ളവർ ഇന്നസെന്റിനായി വൈകാതെ കളത്തിലിറങ്ങുമെന്നാണു സൂചന. കഴിഞ്ഞ തെരഞ്ഞെടുപ്പിലും ഇന്നസെന്റിനായി താരങ്ങൾ ഏറെപ്പേരെത്തിയിരുന്നു. മണ്ഡലത്തിലെ ഗ്രാമീണ മേഖലകളിലുൾപ്പടെ ആവേശമുണ്ടാക്കാൻ അത് സഹായിച്ചു. മാറിയ സാഹചര്യത്തിൽ പ്രചാരണം കൂടുതൽ ശക്തവും ആകർഷകവുമാക്കിയാലേ സീറ്റ് നിലനിർത്താനാവൂ എന്ന് സ്ഥാനാർഥിയും ഇടതുകേന്ദ്രങ്ങളും കണക്കുകൂട്ടുന്നുണ്ട്. സ്ഥാനാർഥി പ്രഖ്യാപനത്തിനു മുന്പു തന്നെ ഇന്നസെന്റിനായി വൻ താരനിര പ്രചാരണത്തിനിറങ്ങുന്നതിനാവശ്യമായ ചർച്ചകൾ താരസംഘടനാതലത്തിലും പുറത്തും നടന്നു. താരങ്ങളെയിറക്കി പ്രചാരണം കൊഴുപ്പിക്കുന്ന കാര്യത്തിൽ പാർട്ടി നേതൃത്വത്തിന് ഏതാനും താരങ്ങൾ ചില ഉറപ്പുകൾകൂടി നൽകിയിട്ടുണ്ടത്രെ. ഗ്രാമങ്ങളിൽ സ്ത്രീകളെ ഉൾപ്പടെയുള്ളവരുടെ വോട്ട് ഇന്നസെന്റിനുറപ്പിക്കാൻ താരങ്ങളുടെ സാന്നിധ്യം പ്രയോജനം ചെയ്യുമെന്നാണു പാർട്ടി പ്രാദേശിക ഘടകങ്ങൾ വിലയിരുത്തിയിട്ടുള്ളത്. പ്രാദേശികതലങ്ങളിൽ കൂടുതൽ സമയം ചെലവഴിച്ചുകൊണ്ടാകും…
Read Moreശമ്പളവും ഇതര ആനുകൂല്യങ്ങളും ലഭിച്ചിട്ട് ആറുമാസം; നടുക്കര കമ്പനി തൊഴിലാളികൾ വോട്ട് ബഹിഷ്കരണത്തിന്
വാഴക്കുളം: നടുക്കരയിലെ വാഴക്കുളം അഗ്രോ ആൻഡ് ഫ്രൂട്ട് പ്രോസസിംഗ് കമ്പനി തൊഴിലാളികൾ വോട്ട് ബഹിഷ്കരണത്തിന് ആഹ്വാനം ചെയ്തു. കഴിഞ്ഞ ആറുമാസമായി ശമ്പളവും ഇതര ആനുകൂല്യങ്ങളും ലഭിക്കാത്തതിൽ കടുത്ത അമർഷമാണ് തൊഴിലാളികൾക്ക്. മന്ത്രി സുനിൽ കുമാർ കമ്പനി സന്ദർശിച്ച് പ്രശ്ന പരിഹാരത്തിന് അടിയന്തര നടപടി സ്വീകരിക്കുമെന്ന് തൊഴിലാളികൾക്ക് ഉറപ്പു നൽകിയിരുന്നു.എന്നാൽ അതിനുശേഷവും ശമ്പളം മുടങ്ങിയതായാണ് തൊഴിലാളികൾ പറയുന്നത്. തെരഞ്ഞെടുപ്പു കാലമായിട്ടും ശമ്പള കുടിശിക നൽകാൻ അധികൃതർ തയാറാകുന്നില്ലെന്നും തൊഴിലാളികൾ പറയുന്നു.ഇക്കാരണത്താൽ തെരഞ്ഞെടുപ്പ് ബഹിഷ്കരണത്തിന് തൊഴിലാളികൾ ആഹ്വാനം ചെയ്തിരിക്കുകയാണ്. ഈ അറിയിപ്പോടെ കമ്പനിയുടെ മുന്നിൽ ബാനർ സ്ഥാപിച്ച് നോട്ടീസുകളും വിതരണം ചെയ്യുകയാണ് തൊഴിലാളികൾ. കമ്പനി തൊഴിലാളികളും അവരുടെ കുടുംബാംഗങ്ങളും തെരഞ്ഞെടുപ്പിൽനിന്ന് വിട്ടുനിൽക്കാനാണ് തീരുമാനമെടുത്തിട്ടുള്ളത്. തെരഞ്ഞെടുപ്പ് ലക്ഷ്യത്തോടെയെങ്കിലും അധികൃതർ കുടിശികയായ ശമ്പളം നൽകാൻ തയാറാകുമെന്നാണ് തൊഴിലാളികൾ കരുതുന്നത്. അതേസമയം കമ്പനിയിൽ ഉത്പാദനം നടക്കുന്നുണ്ടെങ്കിലും തൊഴിലാളികൾക്ക് ശമ്പളം നൽകാൻ പാകത്തിൽ വിറ്റുവരവ് കാര്യക്ഷമമല്ലെന്നാണ്…
Read Moreവിദ്യാർഥിനിയുടെ മുഖത്ത് തുപ്പിയ സംഭവം; കണ്ടക്ടറെ സസ്പെൻഡ് ചെയ്യുമെന്ന് ഉറപ്പു ലഭിച്ചു; കെഎസ്ആർടിസിക്ക് മുന്നിലെ സമരം പിൻവലിച്ച് പിടിഎ
പിറവം: സ്റ്റോപ്പിൽ നിർത്തണമെന്നാവശ്യപ്പെട്ടതിനെ തുടർന്നുണ്ടായ തർക്കത്തിനിടെ വിദ്യാർഥിനിയുടെ മുഖത്ത് തുപ്പിയ കെഎസ്ആർടിസി ബസ് കണ്ടക്ടറെ സസ്പെൻഡ് ചെയ്യുമെന്ന് ഉറപ്പു ലഭിച്ചതായി നഗരസഭ വിദ്യാഭ്യാസ സ്റ്റാൻഡിംഗ് കമ്മിറ്റി ചെയർമാൻ ജിൽസ് പെരിയപ്പുറം അറിയിച്ചു. ഇതേ തുടർന്ന് കണ്ടക്ടറെ പിരിച്ചുവിടണമെന്ന് ആവശ്യപ്പെട്ട് പിറവം കെഎസ്ആർടിസി ഡിപ്പോയ്ക്കു മുന്നിൽ ജിൽസും സ്കൂൾ പിടിഎ പ്രസിഡന്റ് ടൈറ്റസും നടത്തിവന്ന സത്യഗ്രഹസമരം അവസാനിപ്പിച്ചു.അതേസമയം, സംഭവത്തിൽ പോലീസ് അറസ്റ്റ് ചെയ്ത ബസ് കണ്ടക്ടറെ റിമാൻഡ് ചെയ്തു. പാലാ കെഎസ്ആർടിസി ഡിപ്പോയിലെ കണ്ടക്ടറായ പുലിയന്നൂർ പടിഞ്ഞാറ്റുങ്കര നടുവത്തേത്ത് എൻ.പ്രവീണിനെ ഇന്നലെ രാത്രി എട്ടോടെയാണു റിമാൻഡ് ചെയ്തത്. ഇന്നലെ ഉച്ചയോടെ പ്രതിയെ പിറവം പോലീസ് അറസ്റ്റ് ചെയ്തിരുന്നു. തുടർന്ന് സ്റ്റേഷൻ ജാമ്യം നൽകി വിട്ടയച്ചു. സംഭവം സാമൂഹ്യ മാധ്യമങ്ങളിലൂടെ വിവാദമായതോടെ കണ്ടക്ടറെ തിരികെ വിളിച്ചുവരുത്തി രാത്രി എട്ടോടെ വീണ്ടും അറസ്റ്റ് രേഖപ്പെടുത്തി മജിസ്ട്രേറ്റിന് മുന്നിൽ ഹാജരാക്കുകയും റിമാൻഡ് ചെയ്യുകയായിരുന്നു.…
Read Moreചിഹ്നങ്ങൾ ഇനി എൽഇഡി വെട്ടത്തിൽ മിന്നിത്തിളങ്ങും; തെരഞ്ഞെടുപ്പ് ആവശേം കൂടുതലുള്ള തെക്കൻ കേരളത്തിലും മലബാറിലും ആവശ്യക്കാരേറെ…
സിജോ പൈനാടത്ത് കൊച്ചി: സ്ഥാനാർഥികളുടെ തെരഞ്ഞെടുപ്പു ചിഹ്നങ്ങൾ ഇക്കുറി ക്രിസ്മസ് നക്ഷത്രങ്ങൾപോലെ മിന്നിത്തിളങ്ങും. എൽഇഡികൾകൊണ്ടു ചിഹ്നങ്ങൾ ഒരുക്കുന്നതാണു തിളങ്ങാൻ കാരണം. സംസ്ഥാനത്തെ മൂന്നു പ്രധാന രാഷ്ട്രീയകക്ഷികളുടെ തെരഞ്ഞെടുപ്പു ചിഹ്നങ്ങളും ഈവിധം വിപണിയിൽ സജീവമായിത്തുടങ്ങി. കോണ്ഗ്രസിന്റെ ചിഹ്നമായ കൈപ്പത്തി ത്രിവർണങ്ങളിലുള്ള എൽഇഡികൾകൊണ്ടാണു നിർമിച്ചിട്ടുള്ളത്. മൂന്നു വർണങ്ങളിൽ മാറിമാറി മിന്നിത്തിളങ്ങുന്ന കൈപ്പത്തി വോട്ടർമാരെ ആകർഷിക്കും. പൂർണമായും ചുവപ്പുവെട്ടത്തിലാണു സിപിഎം ചിഹ്നമായ അരിവാൾ ചുറ്റിക നക്ഷത്രം പ്രകാശിക്കുക. ഓറഞ്ചു വർണത്തിലുള്ള എൽഇഡികളിലൊരുക്കിയ താമര ബിജെപിയുടെ പ്രചാരണവേദികൾക്കു ശോഭ പകരും. ഒരു ചതുരശ്രയടി വിസ്തീർണത്തിലാണ് എൽഇഡിചിഹ്നങ്ങൾ നിർമിച്ചിട്ടുള്ളത്. എറണാകുളം ജില്ലയിലുള്ള നിർമാണ യൂണിറ്റിൽനിന്ന് എൽഇഡി തെരഞ്ഞെടുപ്പു ചിഹ്നങ്ങൾ സംസ്ഥാനത്തിന്റെ വിവിധ മേഖലകളിലെ വിപണികളിലേക്ക് എത്തിച്ചുകഴിഞ്ഞു. തെരഞ്ഞെടുപ്പ് ആവേശം കൂടുതലുള്ള മലബാറിലും തെക്കൻകേരളത്തിലും വലിയ തോതിൽ ഇതിന് ആവശ്യക്കാരുണ്ടെന്നു നിർമാതാക്കൾ പറയുന്നു. 80 മുതൽ നൂറു വരെ എൽഇഡികളാണ് ഒരു ചിഹ്നത്തിൽ ഉപയോഗിക്കുന്നത്. ഒന്നിനു…
Read More