നെടുമ്പാശേരി: കനത്ത സുരക്ഷാസംവിധാനം ഒരുക്കിയിരുന്ന കഴിഞ്ഞ ഒരാഴ്ചയ്ക്കുള്ളിൽ കൊച്ചി അന്താരാഷ്ട്ര വിമാനത്താവളത്തിൽ, അനധികൃതമായി കടത്താൻ ശ്രമിക്കുന്നതിനിടെ കസ്റ്റംസ് എയർ ഇന്റലിജൻസ് വിഭാഗം പിടികൂടിയത് 45 ലക്ഷത്തിന്റെ വിദേശ കറൻസിയും 36 ലക്ഷത്തിന്റെ സ്വർണവും ആറു കോടി രൂപയുടെ ഹാഷിഷും. 27 ന് എത്തിയ രണ്ടു യാത്രക്കാരിൽ നിന്നാണ് വിദേശത്തേക്കു കടത്താൻ എത്തിച്ച വിദേശ കറൻസി പിടിച്ചെടുത്തത്. കോഴിക്കോട് നെല്ലിക്കുന്ന് നെച്ചിപ്പാടത്ത് അഫ്നൽ എൻ. അബ്ദുള്ളയിൽനിന്ന് 26.34 ലക്ഷത്തിന്റെയും തിരുവല്ല സ്വദേശി കലമാൺമിൽ ജോസഫ് ഏബ്രഹാമിൽ നിന്ന് 18.95 ലക്ഷത്തിന്റെയും വിദേശ കറൻസിയാണ് പിടികൂടിയത്. ഇൻഡിഗോ വിമാനത്തിൽ ദുബായിലേക്കുള്ള യാത്രക്കാരനായിരുന്ന അഫ്നൽ അരിപ്പൊടിയിലാക്കി ഒന്പതു ലക്ഷം രൂപയുടെയും ബാഗേജിന്റെ പ്രത്യേക അറയിൽ ഒളിപ്പിച്ച് 17 ലക്ഷം രൂപയുടെയും വിദേശ കറൻസി കടത്താനായിരുന്നു ശ്രമം. എയർ ഇന്ത്യാ എക്സ്പ്രസ് വിമാനത്തിൽ ദോഹയ്ക്ക് പോകാനെത്തിയതാണ് ജോസഫ് ഏബ്രഹാം. വസ്ത്രത്തിനുള്ളിൽ ഒളിപ്പിച്ചാണ് ഇയാൾ…
Read MoreCategory: Kochi
എടിഎം ഹാക്കിംഗ് കേസിൽ മധ്യപ്രദേശ് സ്വദേശി പടിയിലായ സംഭവം; പ്രതി ആലുവയിലും, കോട്ടയത്തും തട്ടിപ്പ് നടത്തി
മൂവാറ്റുപുഴ: എടിഎം ഹാക്കിംഗുമായി ബന്ധപ്പെട്ട് പിടിയിലായ മധ്യപ്രദേശ് സ്വദേശി സംസ്ഥാനത്ത് സമാനമായി നടന്ന മറ്റ് തട്ടിപ്പു കേസുകളിലെയും പ്രതിയെന്ന് സൂചന. വലന്പൂർ മേലത്ത് ബേസിലിന്റെ 5,15,000 രൂപയാണ് മധ്യപ്രദേശ് സ്വദേശി മുഹമ്മദ് ഷക്കീൽ ദിവാൻ (28) തട്ടിയെടുത്തത്. 2015ൽ നടന്ന സംഭവത്തിലാണ് ഇയാളെ മൂവാറ്റുപുഴ പോലീസ് മഹാരാഷ്ട്രയിൽനിന്നും അറസ്റ്റ് ചെയ്തത്. സിഐസിഐ ബാങ്ക് അക്കൗണ്ട് ഉടമയായ ബേസിലിന്റെ പരാതിയെ തുടർന്ന് നടത്തിയ അന്വേഷണത്തിലാണ് ഇയാൾ വലയിലായത്. നെറ്റ് ട്രാൻസ്ഫറിംഗ് വഴി മധ്യപ്രദേശിലെ ദെമോ, ചിൻഡ്വാഡാ, നരസിംഗ്പൂർ എന്നിവിടങ്ങളിലെ വിവിധ അക്കൗണ്ടുകളിലേക്കാണ് ഇയാൾ പണം മാറ്റിയെടുത്തത്. ആലുവയിലും, കോട്ടയത്തും കഴിഞ്ഞവർഷം സമാനമായ രീതിയിൽ നടന്ന തട്ടിപ്പുകളിലും ഇയാൾ പ്രതിയാണെന്നാണ് പോലീസിന് ലഭിച്ച വിവരം. തട്ടിപ്പുവഴി അപഹരിച്ച പണം ഇയാളുടെ അക്കൗണ്ടിലേക്കും വന്നതായിട്ടാണ് അറിയാൻ കഴിഞ്ഞിരിക്കുന്നതെന്ന് പോലീസ് പറഞ്ഞു. രാജസ്ഥാൻ ജയിലിൽ കഴിഞ്ഞിരുന്ന മുഹമ്മദ് ഷക്കീൽ ദിവാൻ ജയിൽ മോചിതനായിരുന്നു.…
Read Moreരാഹുലിനോട് ആരും ഒരു സീറ്റും ചോദിക്കില്ല; ജോസ് കെ. മാണിക്ക് ബെന്നി ബെഹനാന്റെ മറുപടി
കൊച്ചി: ലോക്സഭാ തെരഞ്ഞെടുപ്പിൽ കൂടുതൽ സീറ്റ് ആവശ്യപ്പെട്ട് രാഹുൽ ഗാന്ധിയെ കാണുമെന്ന ജോസ് കെ. മാണിയുടെ പ്രസ്താവനയ്ക്ക് മറുപടിയുമായി യുഡിഎഫ് കണ്വീനർ ബെന്നി ബെഹനാൻ. രാഹുലിനോട് ആരും ഒരു സീറ്റുപോലും ചോദിക്കില്ല. ഇതു സംബന്ധിച്ചുള്ള എല്ലാ ചർച്ചകളും കേരളത്തിലാണ് നടക്കുന്നതെന്ന് അദ്ദേഹം പറഞ്ഞു. ലോക്സഭാ തെരഞ്ഞെടുപ്പിൽ പാർട്ടി മത്സരിക്കുന്ന നിലവിലെ സീറ്റിനെ കൂടാതെ ഒരു സീറ്റുകൂടി വേണമെന്ന് കേരള കോൺഗ്രസ്-എം ചെയർമാൻ കെ.എം. മാണി മാധ്യമങ്ങളോട് പറഞ്ഞിരുന്നു. ഏതു സീറ്റു നൽകിയാലും സ്വീകരിക്കുമെന്നും അദ്ദേഹം വ്യക്തമാക്കി. ഇതിനു പിന്നാലേയാണ് ഇതേ ആവശ്യവുമായി ജോസ് കെ. മാണിയും രംഗത്തെത്തിയത്. കോട്ടയത്തെ കൂടാതെ ഇടുക്കിയോ ചാലക്കുടിയോ വേണമെന്നും ഇക്കാര്യം രാഹുൽ ഗാന്ധിയെ അറിയിക്കുമെന്നുമായിരുന്നു ജോസ് കെ. മാണി വ്യക്തമാക്കിയിരുന്നത്.
Read Moreപ്രളയം മനുഷ്യനിർമിതം; കൃത്യമായ മുൻകരുതലുകൾ എടുത്തില്ലെങ്കിൽ സമാന ദുരന്തങ്ങൾ ഇനിയും ആവർത്തിക്കാം; ഹൈക്കോടതിയിൽ ഹർജിയുമായി ഇ. ശ്രീധരൻ
കൊച്ചി: പ്രളയം മനുഷ്യനിർമിതമാണെന്ന് ചൂണ്ടിക്കാട്ടി ഹൈക്കോടതിയിൽ ഹർജി. ഇ. ശ്രീധരനാണ് ഹർജി സമർപ്പിച്ചത്. ഹർജി ചൊവ്വാഴ്ച ചീഫ് ജസ്റ്റീസ് അധ്യക്ഷനായ ബെഞ്ച് പരിഗണിക്കും. പ്രളയത്തെപ്പറ്റി വിശദമായ സാങ്കേതിക പഠനം ആവശ്യമെന്ന് മുഖ്യമന്ത്രിക്കും പ്ലാനിംഗ് ബോർഡ് ചെയർമാനും കത്ത് അയച്ചിരുന്നെങ്കിലും അത് സർക്കാർ അവഗണിച്ചുവെന്നും ശ്രീധരൻ ഹർജിയിൽ ആരോപിച്ചു. കൃത്യമായ മുൻകരുതലുകൾ എടുത്തില്ലെങ്കിൽ സമാന ദുരന്തങ്ങൾ ഇനിയും ആവർത്തിക്കാം. ഉന്നതതല ടെക്നിക്കൽ കമ്മിറ്റി രൂപീകരിച്ച് ദുരന്തത്തിന് കാരണമെന്തെന്ന് അന്വേഷിക്കണം. ഈ കമ്മിറ്റിക്ക് സർക്കാരിന്റെ പിന്തുണ ഉറപ്പുവരുത്തണമെന്നും ശ്രീധരൻ ഹർജിയിൽ ആവശ്യപ്പെട്ടു. ഫൗണ്ടേഷൻ ഫോർ റീസ്റ്റോറേഷൻ ഓഫ് നാഷണൽ വാല്യൂസ് സൊസൈറ്റിയുടെ പ്രസിഡന്റെന്ന നിലയിലാണ് ശ്രീധരൻ ഹർജി സർപ്പിച്ചത്.
Read Moreപ്രായപൂർത്തിയാകാത്ത പെൺകുട്ടിയെ പീഡിപ്പിച്ചുവെന്നാരോപണം; റിട്ടയേർഡ് പോലീസുകാരനു മുൻകൂർജാമ്യം; കുട്ടിയുടെ വെളിപ്പെടുത്തൽ ഇങ്ങനെ…
ചെറായി: പ്രായപൂർത്തിയാകാത്ത തന്നെ പീഡിപ്പിച്ചുവെന്നാരോപിച്ച് കളമശേരി സ്വദേശിനിയായ 16 വയസുകാരി മജിസ്ട്രേറ്റിനു നൽകിയ മൊഴിയിൽ കേസെടുത്തതിനെത്തുടർന്ന് ഒളിവിൽപ്പോയ പള്ളിപ്പുറം കോവിലകത്തുംകടവ് സ്വദേശിയായ റിട്ടയേർഡ് പോലീസുകാരനു ഹൈക്കോടതി ഡിവിഷൻ ബഞ്ച് മുൻകൂർ ജാമ്യം അനുവദിച്ചു. കഴിഞ്ഞവർഷം ഒക്ടോബറിൽ നടന്ന സംഭവത്തിൽ മുനന്പം പോലീസ് പള്ളിപ്പുറം സ്വദേശിയായ രണ്ട് യുവാക്കളെയും തിരുവന്തപുരം സ്വദേശിയായ മറ്റൊരു യുവാവിനെയും അറസ്റ്റു ചെയ്ത് കോടതിയിൽ ഹാജരാക്കിയിരുന്നു. പിന്നീട് രണ്ടാമത് ബാലിക നൽകിയ മൊഴിയിലാണ് റിട്ട. പോലീസും മുനന്പം സ്വദേശിയായ മറ്റൊരു യുവാവും ഉൾപ്പെട്ടത്. ഇതോടെ ഇരുവരും ഒളിവിൽ പോയി. ഇതിൽ റിട്ട. പോലീസുകാരൻ ആദ്യം ഹൈക്കോടതി സിംഗിൾബെഞ്ച് മുന്പാകെയും പിന്നീട് സെഷൻസിലും മുൻകൂർ ജാമ്യാപേക്ഷ നൽകിയെങ്കിലും രണ്ടുംതള്ളി. തുടർന്ന് ഡിവിഷൻബെഞ്ചാണ് ജാമ്യം അനുവദിച്ചത്. 10 ദിവസത്തിനുള്ളിൽ അന്വേഷണ ഉദ്യോഗസ്ഥനായ മുനന്പം എസ്ഐ മുന്പാകെ ഹാജരാകണമെന്നാണ് ജാമ്യവ്യവസ്ഥ. മുനന്പം സ്വദേശിയായ യുവാവ് ഇപ്പോഴും ഒളിവിലാണ്. ആദ്യ…
Read Moreപള്ളികളിലും കോണ്വന്റുകളിലും കേന്ദ്രീകരിച്ച് മോഷണം; നാഗർകോവിൽ സ്വദേശി ഡാനിയേൽ പോലീസ് പിടിയിൽ; ചോദ്യം ചെയ്യലിൽ നിരവധി മൊബൈയിൽ മോഷണക്കേസിന് തുമ്പ്
വൈപ്പിൻ: പള്ളികളും കോൺവന്റുകളും കേന്ദ്രീകരിച്ച് മൊബൈൽ ഫോണും ലാപ്ടോപ്പും മോഷ്ടിക്കുന്ന നാഗർകോവിൽ സ്വദേശിയെ പോലീസ് പിടികൂടി. നാഗർകോവിൽ സുനാമി കോളനിയിൽ ഡാനിയേലിനെ (21) ആണ് ഞാറക്കൽ പോലീസ് അറസ്റ്റ് ചെയ്തത്. എടവനക്കാട് സെന്റ് അംബ്രോസ് പള്ളിക്ക് എതിർവശത്തുള്ള കോൺവന്റിനു സമീപം അസമയത്ത് കണ്ട പ്രതിയെ പിടികൂടി ചോദ്യം ചെയ്തതോടെയാണ് മോഷണത്തിന്റെ ചുരുളഴിഞ്ഞത്. പ്രതിയുടെ പക്കൽനിന്ന് ഒരു ലാപ്ടോപ്പും എടവനക്കാട്ടെ കോൺവന്റിൽനിന്ന് മോഷ്ടിച്ച മൊബൈൽ ഫോണും പോലീസ് പിടിച്ചെടുത്തു. ഞാറക്കൽ സിഐ എം.കെ. മുരളിയുടെ നേതൃത്വത്തിൽ നടത്തിയ ചോദ്യംചെയ്യലിൽ മറ്റു സ്ഥലങ്ങളിൽ നടത്തിയ മോഷണത്തിന്റെ വിവരങ്ങളും ലഭിച്ചു. കൊച്ചി നഗരത്തിൽ നടന്ന പല മൊബൈൽ ഫോണ് മോഷണങ്ങൾക്കും തുന്പായതായി എസ്ഐ പി.കെ. മോഹിത് അറിയിച്ചു. കോടതിയിൽ ഹാജക്കിയ പ്രതിയെ റിമാന്ഡ് ചെയ്തു. കൂടുതൽ ചോദ്യംചെയ്യലിനായി പ്രതിയെ കസ്റ്റഡിയിൽ വാങ്ങുമെന്നും പോലീസ് പറഞ്ഞു.
Read Moreരാഹുൽ ഗാന്ധിയുടെ സന്ദർശനം; കൊച്ചിയിൽ ഗതാഗത നിയന്ത്രണം; പോലീസിന്റെ നിയന്ത്രണം ഇങ്ങനെയൊക്കെ…
കൊച്ചി: കോണ്ഗ്രസ് പ്രസിഡന്റ് രാഹുൽ ഗാന്ധി കൊച്ചിയിൽ നാളെ പങ്കെടുക്കുന്ന കോൺഗ്രസ് നേതൃസംഗമത്തോടനുബന്ധിച്ചു നഗരത്തിലെത്തുന്ന വാഹനങ്ങൾക്കു പ്രത്യേക ഗതാഗത പാർക്കിംഗ് നിയന്ത്രണമേർപ്പെടുത്തി. കാസർഗോഡ്, കണ്ണൂർ, വയനാട്, കോഴിക്കോട്, മലപ്പുറം, പാലക്കാട്, തൃശൂർ ജില്ലകളിൽനിന്നു വരുന്ന വാഹനങ്ങളും അങ്കമാലി, ആലുവ, പെരുന്പാവൂർ, കോതമംഗലം എന്നീ നിയോജക മണ്ഡലങ്ങളിൽനിന്നു വരുന്ന വാഹനങ്ങളും ആലുവ-എറണാകുളം ഹൈവേയിൽ മുട്ടം പാലം കഴിഞ്ഞ് (എസ് സിഎംഎസ് കോളജിന് മുന്നിൽ) വലത്തോട്ടു തിരിഞ്ഞു ഫ്ളൈ ഓവറിന് അടിയിലുള്ള കണ്ടെയ്നർ റോഡിലൂടെ വന്നു ബോൾഗാട്ടി ജംഗ്ഷനിൽ എത്തിച്ചേരണം. അവിടെനിന്ന് ഇടത്തോട്ടു തിരിഞ്ഞു പ്രസ്റ്റീജ് ഫ്ളാറ്റിന് മുൻവശം പ്രവർത്തകരെ ഇറക്കണം. പ്രവർത്തകർ ഏബ്രഹാം മാടയ്ക്കൽ റോഡ് വഴി ഹൈക്കോടതി ജംഗ്ഷനിൽ എത്തി മറൈൻഡ്രൈവിലെ സമ്മേളനനഗരിയിൽ പ്രവേശിക്കണം. വാഹനങ്ങൾ ക്യൂൻസ് വാക്ക് വേയുടെ ഇരുവശങ്ങളിൽ ആയി പാർക്ക് ചെയ്യണം. ഉച്ചയ്ക്ക് 12 ന് മുന്പായി വരുന്ന വാഹനങ്ങൾ ഹൈക്കോടതി ജംഗ്ഷനിൽ…
Read Moreകൊച്ചി റിഫൈനറിയെ ലോക നിലവാരത്തിലേക്ക് ഉയർത്തുന്ന പുതിയ പദ്ധതിയുടെ മുതൽമുടക്ക് 16,504 കോടി
ജോണ്സണ് വേങ്ങത്തടം കൊച്ചി: പ്രധാനമന്ത്രി നരേന്ദ്ര മോദി ഉദ്ഘാടനം ചെയ്ത സംയോജിത വികസന പദ്ധതി (ഐആർഇപി) കൊച്ചി റിഫൈനറിയെ ലോകോത്തര നിലവാരത്തിലേക്കു പിടിച്ചുയർത്തും. ഇതോടൊപ്പം ഉദ്ഘാടനം ചെയ്ത ഐഒസിയുടെ മൗണ്ടഡ് എൽപിജി സ്റ്റോറേജ് സംവിധാനവും ശിലാസ്ഥാപനം നടത്തിയ പെട്രോ കെമിക്കൽ കോംപ്ലക്സ്, നൈപുണ്യ വികസന ഇൻസ്റ്റിറ്റ്യൂട്ട് എന്നിവയും കേരളത്തിനു വികസന നേട്ടമുണ്ടാക്കാൻ പര്യാപ്തമായവയാണ്. 16504 കോടി രൂപ മുതൽമുടക്കുള്ള ഐആർഇ പദ്ധതി സംസ്ഥാനത്ത് ഒറ്റ പദ്ധതിയിലായി ഉണ്ടായിട്ടുള്ള ഏറ്റവും വലിയ വ്യവസായനിക്ഷേപമാണ്. തൊഴിൽ അവസരം സൃഷ്ടിക്കുന്നതിനോടൊപ്പം സംസ്ഥാനത്തിന്റെ സാന്പത്തിക വളർച്ചയ്ക്കും വികസനത്തിനും പദ്ധതി സഹായകമാകും. ഈ പദ്ധതിയുടെ നാലു വർഷത്തെ നിർമാണ കാലഘട്ടത്തിൽ 20,000 ത്തിലധികം ആളുകൾക്കു പരോക്ഷമായി തൊഴിൽ ലഭ്യമാക്കുകയും ചെറുകിട, ഇടത്തരം വ്യവസായ സംരംഭങ്ങൾക്കും അനുബന്ധ അടിസ്ഥാന സൗകര്യ, സേവന പ്രവർത്തനങ്ങൾക്കും പിന്തുണ നൽകുകയും ചെയ്യുമെന്നു മാനേജിംഗ് ഡയറക്ടർ ഡി. രാജ്കുമാർ ചൂണ്ടിക്കാട്ടി. സംയോജിത…
Read More2013ലും മനുഷ്യക്കടത്ത്; 70 പേർ ക്രിസ്മസ് ദ്വീപിലേക്ക് കടന്നെന്ന് പ്രതിയുടെ വെളിപ്പെടുത്തൽ
കൊച്ചി: മുനമ്പത്തുനിന്ന് മുമ്പും മനുഷ്യക്കടത്ത് നടന്നെന്ന് സ്ഥിരീകരിച്ച് പ്രതി. കേസിൽ പോലീസ് കസ്റ്റഡിയിലുള്ള പ്രഭുവാണ് മൊഴി നൽകിയത്. 2013ൽ മുനമ്പത്ത് നിന്ന് മത്സ്യബന്ധന ബോട്ടിൽ 70 പേർ പോയി. ഓസ്ട്രേലിയയിലെ ക്രിസ്മസ് ദ്വീപിലേക്കാണ് അവർ പോയതെന്നും മുഖ്യപ്രതി പ്രഭു മൊഴി നൽകി. മനുഷ്യക്കടത്തുമായി ബന്ധപ്പെട്ട വിശദമായ ചോദ്യം ചെയ്യലിലാണ് പ്രതിയുടെ വെളിപ്പെടുത്തൽ. താനും കൂടി ഉൾപ്പെട്ട സംഘമാണ് ഓസ്ട്രേലിയയിലേക്ക് പുറപ്പെട്ടത്. എന്നാല് എന്നാല് ഓസ്ട്രേലിയന് സേന പിടികൂടി അഭയാര്ത്ഥി ക്യാമ്പിലേക്ക് മാറ്റി. അഭയാര്ത്ഥി വിസയില് രണ്ടരവര്ഷം ജോലിചെയ്തു. ഇതിനുശേഷം രണ്ടു ലക്ഷത്തോളം രൂപ തിരിച്ചയച്ചെന്നും പ്രഭു പോലീസിന് മൊഴി നല്കി. മുനമ്പം മനുഷ്യക്കടത്തുമായി ബന്ധപ്പെട്ട് പോലീസ് അന്വേഷണം പുരോഗമിക്കുകയാണ്. ഓസ്ട്രേലിയയിലേക്കു കടന്നുവെന്നു സംശയിക്കുന്ന 80 പേരുടെ പട്ടിക തയാറായി. അന്വേഷണസംഘത്തിന് ഇവരുടെ ചിത്രവും ലഭിച്ചിട്ടുണ്ട്. ബോട്ടിൽ 120 ഓളം പേരെങ്കിലുമുണ്ടാകുമെന്നാണു പോലീസ് നിഗമനം. ഓസ്ട്രേലിയയിലെ ക്രിസ്തുമസ് ദ്വീപ്…
Read Moreലൈംഗിക തൊഴിലാളികളിൽ നിന്നു കൈക്കൂലി , അനധികൃത അവധി, ക്രിമിനൽ സ്വഭാവം..! ഏഴു വർഷത്തിനിടെ ജില്ലയിലെ 31 പോലീസുകാരുടെ തൊപ്പി തെറിച്ച കഥകൾ ഇങ്ങനെയൊക്കെ…
സിജോ പൈനാടത്ത് കൊച്ചി: കഴിഞ്ഞ ഏഴു വർഷത്തിനിടെ എറണാകുളം ജില്ലയിൽ 31 പോലീസുകാരുടെ പണി പോയി. അനുവാദമില്ലാതെ വിദേശയാത്ര നടത്തിയതു മുതൽ ലൈംഗിക തൊഴിലാളികളിൽ നിന്നു കൈക്കൂലി വാങ്ങിയതുൾപ്പടെയുള്ള കുറ്റങ്ങളുടെ പേരിലാണു പോലീസുകാരെ സർവീസിൽ നിന്നു പിരിച്ചുവിട്ടതെന്നു രേഖകൾ വ്യക്തമാക്കുന്നു. 2016 ഏപ്രിൽ ഒന്നു മുതൽ 2018 ഡിസംബർ 18 വരെ പുറത്താക്കപ്പെട്ട പോലീസുകാരിൽ കൂടുതൽ പേരും കൊച്ചി സിറ്റി പോലീസ് സേനയിൽ നിന്നുള്ളവരാണ്. ഇക്കാലയളവിൽ എറണാകുളം റൂറലിൽ നിന്ന് അഞ്ചു പേർക്കു ജോലി നഷ്ടമായപ്പോൾ, സിറ്റിയിൽ തൊപ്പിയൂരേണ്ടിവന്നതു 15 പോലീസുകാർക്ക്. കഴിഞ്ഞ മൂന്നു വർഷങ്ങളിലും അഞ്ചു പേർ വീതമാണു സിറ്റിയിൽ പുറത്താക്കപ്പെട്ടത് . പ്രതികളെ അകാരണമായി മർദിച്ചതിനും അപര്യാദയായി പെരുമാറിയതിനും മൂന്നു പേരുടെ പണി പോയിട്ടുണ്ട്. അവധിയുടെ കാലയളവിനു ശേഷം ജോലിക്കു ഹാജരാകാതിരുന്നതിനാൽ പുറത്താക്കപ്പെട്ടവരും പട്ടികയിൽ ഇടം നേടി. 2016-2018 വർഷങ്ങളിൽ എറണാകുളം റൂറലിൽ നിന്നു…
Read More