കൊച്ചി: ദേഹാസ്വാസ്ഥ്യം അനുഭവപ്പെട്ടതിനെത്തുടർന്നു ആശുപത്രിയിൽ പ്രവേശിപ്പിച്ച നടനും സംവിധായകനുമായ ശ്രീനിവാസന്റെ ആരോഗ്യനിലയിൽ നേരിയ പുരോഗതിയുണ്ടെന്ന് ആശുപത്രി വൃത്തങ്ങൾ അറിയിച്ചു. ഇന്നലത്തെ അപേക്ഷിച്ച് ഇന്ന് ആരോഗ്യനിലയിൽ മാറ്റമുണ്ടെന്നും നിലവിൽ വെന്റിലേറ്ററിന്റെ സഹായത്തോടെതന്നെയാണ് കഴിഞ്ഞുവരുന്നതെന്നും ആശുപത്രി അധികൃതർ അറിയിച്ചു. പുതിയ ചിത്രത്തിന്റെ ഡബ്ബിംഗുമായി ബന്ധപ്പെട്ടു കൊച്ചിയിൽ എത്തിയപ്പോൾ ഇന്നലെ രാവിലെ ശ്വാസതടസം അനുഭവപ്പെടുകയും ഉടൻ സ്വകാര്യ ആശുപത്രിയിലെ തീവ്രപരിചരണ വിഭാഗത്തിൽ പ്രവേശിപ്പിക്കുകയുമായിരുന്നു. ആശുപത്രിയിൽ പ്രവേശിപ്പിച്ച സമയത്തു ശരീരത്തിൽ ഓക്സിജന്റെ അളവ് കുറവായിരുന്നതായും ആയാസമുള്ള ജോലികൾ ചെയ്തതിനാലാകാം ശ്വാസതടസം നേരിട്ടതെന്നും ആശുപത്രി വൃത്തങ്ങൾ പറഞ്ഞു. ശ്രീനിവാസനെ ആശുപത്രിയിൽ പ്രവേശിപ്പിച്ചതറിഞ്ഞു സിനിമാ മേഖലയിലെ നിരവധി പേർ ആശുപത്രിയിലെത്തുന്നുണ്ട്. ശ്രീനിവാസന്റെ ഭാര്യ വിമലയും മക്കളായ വിനീത്, ധ്യാൻ എന്നിവർ ആശുപത്രിയിലുണ്ട്.
Read MoreCategory: Kochi
ബോട്ട് യാർഡുകൾക്കും വല വില്പനശാലകൾക്കും ഫിഷറീസ് വകുപ്പിന്റെ ലൈസൻസ് വേണം; ജില്ലയിലെ 44 യാർഡുകൾക്ക് ഫിഷറീസ് വകുപ്പിന്റെ നോട്ടീസ്
വൈപ്പിൻ: മത്സ്യബന്ധനമേഖലയിലെ ബോട്ട് നിർമ്മാണ യാർഡുകളും വല വില്പന ശാലകളും ഇനിമുതൽ ഫിഷറീസ് വകുപ്പിന്റെ ലൈസൻസ് കൂടി എടുക്കണം. ഇതുവരെ തദ്ദേശ സ്വയംഭരണ സ്ഥാപനങ്ങളുടെ ലൈസൻസിലാണ് ഇവ പ്രവർത്തിച്ചിരുന്നത്. കേരള മറൈൻ ഫിഷിംഗ് റെഗുലേഷൻ ആക്ട് (കെഎംഎഫ്ആർഎ) അനുസരിച്ച് 2018 സെപ്റ്റംബർ ഒന്നു മുതലാണ് ഫിഷറീസ് ലൈസൻസ് കൂടി എടുക്കണമെന്ന പുതിയ നിയമം പ്രാബല്യത്തിൽ വന്നതെങ്കിലും ഇപ്പോൾ മനുഷ്യക്കടത്തിനും അനധികൃത കുടിയേറ്റങ്ങൾക്കും മത്സ്യബന്ധനബോട്ടുകൾ ഉപയോഗിക്കുന്ന സാഹചര്യങ്ങൾ വർധിച്ചതോടെ ഈ അടുത്താണ് അധികൃതർ നടപടികൾ വേഗത്തിലാക്കിയത്. ഇത് പ്രകാരം ഈ അടുത്ത് ജില്ലയിലെ 44 ബോട്ട് യാർഡുകൾക്കും 30 ഓളം വല വിൽപ്പന ശാലകൾക്കും നോട്ടീസും രജിസ്ട്രേഷൻ ഫോമും നൽകിയതായി വൈപ്പിൻ ഫിഷറീസ് അസി. ഡയറക്ടർ ജോയ്സ് എബ്രാഹാം അറിയിച്ചു. പഞ്ചായത്തിന്റെയും മലിനീകരണ നിയന്ത്രണ ബോർഡിന്റെയും അഗ്നിസേനയുടേയും എൻഒസി സഹിതം നിശ്ചിത ഫീസ് അടച്ചാണ് ലൈസൻസിനു അപേക്ഷിക്കുന്നത്. അപേക്ഷ…
Read Moreസീറ്റ് വിഭജന പ്രശ്നപരിഹാരത്തിനായി കോണ്ഗ്രസ്; കടുംപിടുത്തവുമായി ഘടകകക്ഷികൾ; യുഡിഎഫ് യോഗം നാളെ
ജോണ്സണ് വേങ്ങത്തടം കൊച്ചി: സീറ്റുവിഭജനവുമായി ബന്ധപ്പെട്ട പ്രശ്നങ്ങൾ എത്രയും പെട്ടെന്നു കേരളത്തിൽ തന്നെ പരിഹരിക്കാൻ രാഹുൽഗാന്ധിയുടെ കർശനനിർദേശം വന്നതോടെ കോണ്ഗ്രസ് ഉണർന്നു. നാളെ യുഡിഎഫ് യോഗം വിളിച്ചു സീറ്റുവിഭജനത്തിന്റെ പ്രാരംഭ ചർച്ച ആരംഭിക്കുകയാണ്. കക്ഷികളുമായിട്ടുള്ള ഉഭയകക്ഷിചർച്ചയ്ക്കുള്ള തീയതി നാളെ നിശ്ചയിക്കും. മൂന്നിനു കെപിസിസി പ്രസിഡന്റ് മുല്ലപ്പളളി രാമചന്ദ്രന്റെ കേരള യാത്ര ആരംഭിക്കുന്ന സാഹചര്യത്തിൽ യുഡിഎഫ് യോഗം വിളിക്കാനുള്ള സമയമില്ലാത്തതു കൊണ്ടാണ് നാളെ യോഗം വിളിക്കുന്നത്. നാളെ ഉഭയകക്ഷി ചർച്ചയ്ക്കുള്ള തീയതി നിശ്ചയിച്ചാൽ ചർച്ചകൾ യാത്രയ്ക്കിടെയായിരിക്കും. രാഹുൽ ഗാന്ധിയുടെ കേരള സന്ദർശന സമയത്തു കേരള കോണ്ഗ്രസും ലീഗും കൂടുതൽ സീറ്റുകൾ ചോദിച്ചത് അസ്വസ്ഥത സൃഷ്ടിച്ചിരുന്നു. ഈ പ്രശ്നങ്ങൾ കേരളത്തിൽതന്നെ തീർക്കണമെന്നായിരുന്നു രാഹുലിന്റെ നിർദേശം. അതിനു കഴിവുള്ള നേതാക്കൾ ഇവിടെയുള്ള സ്ഥിതിക്കു പ്രശ്നപരിഹാരം ഹൈക്കമാൻഡിൽനിന്നും വേണ്ടെന്നും അദ്ദേഹം വെളിപ്പെടുത്തിരുന്നു. പ്രാദേശിക തലത്തിലുള്ള പ്രശ്നമെല്ലാം ഇവിടെ അവസാനിപ്പിക്കണം. യുഡിഎഫ് നേതാക്കളുമായി നടത്തിയ…
Read Moreഎറണാകുളം, തൃശൂർ ജില്ലകളിൽ പ്രവേശിക്കരുത്! നടിയെ തട്ടിക്കൊണ്ടുപോയ കേസ്: പൾസറിന്റെ കൂട്ടാളി വടിവാൾ സലിമിന് ജാമ്യം
കൊച്ചി: യുവനടിയെ തട്ടിക്കൊണ്ടുപോയി അശ്ളീല ദൃശ്യങ്ങൾ പകർത്തിയെന്ന കേസിലെ മൂന്നാം പ്രതി വടിവാൾ സലിം എന്ന സലിമിന് ഹൈക്കോടതി ഉപാധികളോടെ ജാമ്യം അനുവദിച്ചു. നിശ്ചിത തുകയുടെ ബോണ്ടും രണ്ട് ആൾജാമ്യവും വ്യവസ്ഥ ചെയ്തിട്ടുണ്ട്. ഇതിനു പുറമേ എറണാകുളം, തൃശൂർ ജില്ലകളിൽ പ്രവേശിക്കരുത്, സാക്ഷികളെ സ്വാധീനിക്കാനോ തെളിവു നശിപ്പിക്കാനോ ശ്രമിക്കരുത് എന്നീ വ്യവസ്ഥകളും ജാമ്യത്തിൽ ഉൾപ്പെടുത്തിയിട്ടുണ്ട്. ഒന്നാം പ്രതി പൾസർ സുനിക്കൊപ്പം യുവനടിയെ തട്ടിക്കൊണ്ടുപോയ സംഘത്തിൽ വടിവാൾ സലിം ഉൾപ്പെട്ടിരുന്നുവെന്നാണു പോലീസ് കണ്ടെത്തൽ.
Read Moreബ്രിട്ടോ ഹൃദ് രോഗി അല്ലായിരുന്നു; സൈമണ് ബ്രിട്ടോയുടെ മരണത്തിൽ സംശയങ്ങൾ ഉണ്ടെന്ന് ഭാര്യ സീന
കൊച്ചി: സിപിഎം നേതാവും മുൻ എംഎൽഎയുമായ സൈമണ് ബ്രിട്ടോയുടെ മരണത്തിൽ സംശയമുണ്ടെന്ന് കുടുംബം. ബ്രിട്ടോ ഹൃദ് രോഗി അല്ലായിരുന്നുവെന്ന് സീന ഭാസ്കർ പറഞ്ഞു. മരണത്തെ കുറിച്ച് വ്യക്തത വന്നിട്ടില്ലെന്നെന്നും അവർ കൂട്ടിച്ചേർത്തു. മെഡിക്കൽ സർട്ടിഫിക്കറ്റിലെ വിവരങ്ങളും തെറ്റായിരുന്നു. ആശുപത്രിയിലേക്ക് കൊണ്ടു പോകുന്ന വഴിക്കാണ് അദ്ദേഹം മരിച്ചതെന്നും അദ്ദേഹത്തിന്റെ പ്രായം 68 എന്നുമാണ് മെഡിക്കൽ സർട്ടിഫിക്കറ്റിലെ വിവരം. ബ്രിട്ടോയ്ക്കൊപ്പം ഉണ്ടായിരുന്നവർ പല തരത്തിലാണ് മരണത്തെക്കുറിച്ച് വിശദീകരണം നൽകുന്നത്. ആർക്കും കൃത്യമായ ഒരു ചിത്രം നൽകാനാകുന്നില്ല. എന്താണ് ബ്രിട്ടോയ്ക്ക് സംഭവിച്ചതെന്ന് തനിക്ക് അറിയാൻ അവകാശമുണ്ടെന്നും വിവാദങ്ങളിലേക്ക് വലിച്ചിഴയ്ക്കരുതെന്നും സീന പറഞ്ഞു. പാർട്ടിക്കാണ് മരണത്തെ കുറിച്ച് പറയാനാവുകയെന്നും സീന വ്യക്തമാക്കി. ഡിസംബർ 31നായിരുന്നു ബ്രിട്ടോയുടെ വേർപാട്. കൊച്ചിയിലെ സ്വകാര്യ ആശുപത്രിയിലായിരുന്നു ബ്രിട്ടോയുടെ അന്ത്യം.
Read Moreവിവാഹതട്ടിപ്പ്: റിട്ടയേർഡ് എഎസ്ഐക്കെതിരേ പരാതിയുമായി യുവതി അദാലത്തിൽ; നിർബന്ധിച്ച് വിവാഹം കഴിച്ച ശേഷം മുങ്ങിയ പോലീസുകാരനെക്കുറിച്ച് യുവതി പറയുന്നതിങ്ങനെ…
കൊച്ചി: വിവാഹിതനാണെന്ന വിവരം മറച്ചു വച്ച് വിവാഹം കഴിച്ച തലയോലപ്പറന്പ് സ്വദേശിയായ റിട്ടയേഡ് എഎസ്ഐക്കെതിരേ പരാതിയുമായി യുവതി വനിതാ കമ്മീഷൻ അദാലത്തിൽ. എറണാകുളം വൈഎംസിഎയിൽ നടന്ന അദാലത്തിലാണ് പുത്തൻ കുരിശ് സ്വദേശിനിയായ യുവതി തൃപ്പൂണിത്തുറ എഎസ്ഐയായിരുന്ന ആൾ വിവാഹം കഴിച്ച് വഞ്ചിച്ചുവെന്ന ആരോപണവുമായെത്തിയത്. യുവതി തൃപ്പൂണിത്തുറയിലെ സ്വകാര്യ ബാങ്കിൽ സ്വീപ്പറായി ജോലി നോക്കുന്നതിനിടെയായിരുന്നു സംഭവം. അന്ന് തൃപ്പൂണിത്തുറ സ്റ്റേഷനിൽ എഎസ്ഐയായിരുന്നയാളുമായി പരിചയത്തിലാവുകയും തുടർന്ന് ഇയാൾ യുവതിയെ വിവാഹത്തിന് നിർബന്ധിക്കുകയുമായിരുന്നു. വീട്ടുകാരുമായി ആലോചിച്ച് വിവാഹം നടത്താമെന്ന് പറഞ്ഞതോടെ ഇയാൾ വീട്ടിൽ വന്ന് വിവാഹാലോചന നടത്തുകയും തുടർന്ന് തലയോലപ്പറന്പിലുള്ള ഒരു ക്ഷേത്രത്തിൽ വച്ച് വിവാഹം നടത്താൻ തീരുമാനിക്കുകയുമായിരുന്നു. ബന്ധുക്കളോടൊത്ത് വിവാഹത്തിനെത്തുമെന്ന് അറിയിച്ചിരുന്ന ഇയാൾ ഒറ്റയ്ക്കാണ് വിവാഹ ചടങ്ങുകൾക്കെത്തിയത്. തുടർന്ന് വിവാഹശേഷം വാടകവീട്ടിലേക്ക് മാറുകയായിരുന്നു. വിവാഹം നടന്ന് ഒൻപതാം ദിവസം അത്യാവശ്യമായി പുറത്ത് പോയിവരാമെന്ന് പറഞ്ഞ് ഇറങ്ങിയ അദ്ദേഹം പിന്നീട് തിരികെ…
Read Moreപീഡനാരോപണം: ഒ.എം.ജോർജിനെ അന്വേഷണവിധേയമായി സസ്പെന്റ് ചെയ്തതായി മുല്ലപ്പള്ളി രാമചന്ദ്രൻ
കൊച്ചി: പ്രായപൂർത്തിയാകാത്ത ആദിവാസി പെണ്കുട്ടിയെ പീഡിപ്പിച്ചെന്ന പരാതിയിൽ വയനാട് മുൻ ഡിസിസി സെക്രട്ടറിയും സുൽത്താൻ ബത്തേരി പഞ്ചായത്ത് മുൻ പ്രസിഡന്റുമായ ഒ.എം.ജോർജിനെ അന്വേഷണ വിധേയമായി സസ്പെന്റ് ചെയ്തതായി കെപിസിസി പ്രസിഡന്റ് മുല്ലപ്പള്ളി രാമചന്ദ്രൻ. കുറ്റവാളികൾക്ക് പാർട്ടിയിൽ സ്ഥാനമില്ലെന്നും അദ്ദേഹം കൊച്ചിയിൽ മാധ്യമപ്രവർത്തകരോട് പറഞ്ഞു. ബ്ലോക്ക് തല അന്വേഷണം നടത്തും. കുറ്റക്കാരനാണെന്ന് തെളിഞ്ഞാൽ കർശന നടപടികളിലേക്ക് നീങ്ങും. സസ്പെന്റ് ചെയ്തതു സംബന്ധിച്ച നിർദേശം ജില്ലാ കമ്മിറ്റിക്ക് കൈമാറിയതായും മുല്ലപ്പള്ളി രാമചന്ദ്രൻ അറിയിച്ചു. സീറ്റുകളുടെ കാര്യത്തിൽ ഇന്നലെ രാഹുൽ ഗാന്ധിയുമായി നടന്ന ചർച്ചയിൽ തീരുമാനമായിട്ടില്ല. സൗഹാർദപരമായ ചർച്ചകൾ മാത്രമാണ് ഇന്നലെ നടന്നത്. പ്രാദേശിക തലത്തിൽ തീരുമാനിക്കാനാണ് അദ്ദേഹം നിർദേശിച്ചിരിക്കുന്നത്. ഇതിന്റെ അടിസ്ഥാനത്തിൽ ഒന്നിന് തിരുവനന്തപുരത്ത് യുഡിഎഫ് യോഗം ചേരുമെന്നും മുല്ലപ്പള്ളി രാമചന്ദ്രൻ അറിയിച്ചു.
Read Moreസർക്കാർ സ്കൂളുകൾ സ്മാർട്ടാകുമ്പോൾ അമ്പലമേട് സ്കൂളിൽ വിദ്യാർഥികളുടെ പഠനം വരാന്തയിൽ; വിദ്യാഭ്യാസ മന്ത്രിയുടെ വാക്ക് വെറുവാക്കായി
കിഴക്കന്പലം: സംസ്ഥാനത്ത് സർക്കാർ സ്കൂളുകൾ സ്മാർട്ടാകുന്പോൾ എറുണാകുളം ജില്ലയിലെ അന്പലമേട് ഗവ. സ്കൂളിലെ കുട്ടികളുടെ പഠനം വരാന്തയിലിരുന്ന്. കഴിഞ്ഞ മൂന്ന് വർഷമായി വിദ്യാർഥികൾ ഈ ദുരിതം അനുഭവിച്ചിട്ടും അധികൃതർ തിരിഞ്ഞു നോക്കുന്നില്ല. എൽകെജി മുതൽ 12-ാം ക്ലാസ് വരെയുള്ള സ്കൂളിൽ സ്റ്റാഫ്റൂം ഉൾപ്പെടെ ഒന്പത് ക്ലാസ് മുറികളാണുള്ളത്. 18 ഓളം ക്ലാസ് റൂമുകൾ വേണമെന്നിരിക്കെ അതിന്റെ പകുതി മാത്രമാണ് നിലവിലുള്ളത്. സ്കൂളിലെ ലൈബ്രറി, ലാബിലെ സാധനങ്ങൾ എല്ലാം വരാന്തയിലാണ്. പല ക്ലാസുകളും പകുതി വീതം തിരിച്ചാണ് കുട്ടികളെ ഇരുത്തിയിരിക്കുന്നത്. അതുകൊണ്ടുതന്നെ അധ്യാപകർക്ക് വേണ്ടവിധത്തിൽ ക്ലാസ് എടുക്കാനും കഴിയുന്നില്ല. എട്ടാം ക്ലാസിനെ പകുതിയായി തിരിച്ചാണ് ഹൈസ്കൂൾ ലാബ് പ്രവർത്തിക്കുന്നത്. അഞ്ച്, ആറ് ക്ലാസുകളിലെ കുട്ടികളെ ഒരു ക്ലാസിലിരുത്തി തിരിച്ചാണ് പഠിപ്പിക്കുന്നത്. ഒന്ന്, രണ്ട് ക്ലാസുകൾ വരാന്തയിലാണ്. സംസ്കൃത ക്ലാസും വരാന്തയിൽ തന്നെ. 2016 നവംബർ 29ന് റിഫൈനറിയിലുണ്ടായ വാതകചോർച്ചയെത്തുടർന്നാണ്…
Read More‘നല്ലവിശേഷം’ സംവിധായകന്റെ വാഹനം തടഞ്ഞ് അസഭ്യവർഷം; പ്രകൃതി ചൂഷണത്തിനെതിരേ തന്റെ സിനിമയിൽ പ്രതിപാദിച്ചതാണ് അക്രമത്തിന് പിന്നിലെന്ന് അജിതൻ
കൊച്ചി: സിനിമാ സംവിധായകനു ഭീഷണിയെന്നു പരാതി. അടുത്തിടെ പുറത്തിറങ്ങിയ “നല്ലവിശേഷം’ എന്ന ചിത്രത്തിന്റെ സംവിധായകൻ അജിതനാണു പരാതിയുമായി രംഗത്തെത്തിയത്. കഴിഞ്ഞ ദിവസം രാത്രി കോതമംഗലത്തെ തിയറ്ററിൽ സിനിമാ സംബന്ധമായ ആവശ്യങ്ങൾക്കു പോയി തിരികെ മുളന്തുരുത്തിയിലെ തുരുത്തിക്കരയിലുള്ള വീട്ടിലേക്കു വരവെ, ഒരു കൂട്ടമാളുകൾ വാഹനം തടഞ്ഞ് അസഭ്യം പറയുകയും ഭീഷണിപ്പെടുത്തുകയും ചെയ്തതായി അജിതൻ പറഞ്ഞു. കഴിഞ്ഞ 25നാണ് അജിതൻ കഥയും സംവിധാനവും നിർവഹിച്ച ബിജു സോപാനം കേന്ദ്ര കഥാപാത്രമായി എത്തുന്ന നല്ല വിശേഷം സിനിമ തിയറ്ററുകളിലെത്തിയത്. പ്രകൃതി ചൂഷണങ്ങളും മണ്ണെടുക്കലുമാണു ചിത്രത്തിൽ പ്രധാനമായും പ്രതിപാദിക്കുന്ന വിഷയങ്ങൾ. മുളന്തുരുത്തി പ്രദേശത്തും ഇത്തരത്തിൽ മണ്ണെടുപ്പ് പ്രക്രിയകൾ നടക്കുന്നുണ്ട്. ഇതിനു പിന്നിലുള്ളവരാണു തന്നെ ഭീഷണിപ്പെടുത്തിയവരെന്നു സംശയിക്കുന്നെന്നും മുളന്തുരുത്തി പോലീസ് സ്റ്റേഷനിൽ പരാതി നൽകിയെന്നും അതിജൻ പത്രസമ്മേളനത്തിൽ പറഞ്ഞു.
Read Moreകാലപ്പഴക്കം ചെന്ന, കുഴിച്ചുമൂടേണ്ട കേസ്; ഐസ്ക്രീം പാർലർ കേസിൽ വി.എസിനെ കുടഞ്ഞ് ഹൈക്കോടതി
കൊച്ചി: ഐസ്ക്രീം പാർലർ കേസിൽ സർക്കാരിനെതിരെ ഹർജിയുമായെത്തിയ ഭരണപരിഷ്കാര കമ്മീഷൻ അധ്യക്ഷൻ വി.എസ്.അച്യുതാനന്ദനെ രൂക്ഷമായി വിമർശിച്ച് ഹൈക്കോടതി. കാലപ്പഴക്കം ചെന്ന, കുഴിച്ചുമൂടേണ്ട കേസാണിതെന്നു തുറന്നടിച്ച കോടതി ഇത്തരം കേസുകൾക്കായി സമയം കളയാനാകില്ലന്നും വ്യക്തമാക്കി. കേസിലെ എതിർകക്ഷിയായ അഡ്വ.വി.കെ.രാജുവുമായി ചേർന്ന് കേസ് അട്ടിമറിക്കാൻ ശ്രമിക്കുന്നുവെന്നായിരുന്നു ഹർജിയിലെ വി.എസിന്റെ വാദം. അട്ടിമറിക്കേസിലെ അന്വേഷണം അവസാനിപ്പിക്കുന്നതിനെതിരെ സർക്കാർ അപ്പീൽ പോയില്ലെന്നും വി.എസ് വിമർശനമുന്നയിച്ചിരുന്നു.
Read More