കൊച്ചി: വിദേശ ജോലി വാദ്ഗാനം ചെയ്ത് മുന്നൂറിലധികം യുവാക്കളില്നിന്നും ലക്ഷങ്ങള് തട്ടിയ കേസില് തൊടുപുഴ കോലാനി സ്വദേശി കണ്ണന് എന്ന വിളിപ്പേരുള്ള ജെയ്സണെ(40) തിരേ പാലാരിവട്ടം പോലീസ് ഒരു കേസു കൂടി രജിസ്റ്റര് ചെയ്തു. ഇതോടെ ഇയാള്ക്കെതിരെയുള്ള കേസുകളുടെ എണ്ണം ഏഴായി. കേസില് കൂടുതല് പേര് തട്ടിപ്പിന് ഇരയായതായാണ് പോലീസ് നിഗമനം. ഒളിവില് കഴിയുന്ന ഇയാളുടെ ഭാര്യ ജെന്സി ദേവസിയെ കണ്ടെത്തുന്നതിനായി പോലീസ് അന്വേഷണം ആരംഭിച്ചു. 2018ല് പ്രതിയും ഭാര്യ ജെന്സി ദേവസിയും ചേര്ന്ന് തൊടുപുഴയിലും പിന്നീട് 2021ല് പാലാരിവട്ടം തമ്മനം ഭാഗത്ത് ആരംഭിച്ച കണ്ണന് ഇന്റര്നാഷണല് എഡ്യൂക്കേഷന് എന്ന സ്ഥാപനം മുഖേനയായിരുന്നു തട്ടിപ്പ്. സ്ഥാപനത്തിന്റെ പരസ്യം സമൂഹമാധ്യമങ്ങളിലടക്കം നല്കി കാനഡ, ഓസ്ട്രേലിയ, അര്മേനിയ, ചെക്ക് റിപ്പബ്ലിക്, പോളണ്ട്, ലിത്വാനിയ, മറ്റ് യൂറോപ്യന് രാജ്യങ്ങളിലേക്ക് ജോലിയും വിസയും വാഗ്ദാനം ചെയ്ത് നാല് ലക്ഷം മുതല് എട്ട് ലക്ഷം…
Read MoreCategory: Kochi
വസ്ത്രവ്യാപാര സ്ഥാപനത്തിലെ ജീവനക്കാരിയെ പീഡിപ്പിച്ച അസി. സെക്യൂരിറ്റി ഓഫീസര് അറസ്റ്റില്
കൊച്ചി: വിവാഹ വാഗ്ദാനം നല്കി എറണാകുളത്തെ പ്രമുഖ മാളിലെ സ്റ്റോർ ജീവനക്കാരിയെ പീഡിപ്പിച്ച അതേ സ്ഥാപനത്തിലെ അസി. സെക്യൂരിറ്റി ഓഫീസര് അറസ്റ്റില്. പാലക്കാട് ആലത്തൂര് അന്തൂര്ക്കാട് വീട്ടില് രമേഷ് കൃഷ്ണ(31)യെയാണ് എറണാകുളം നോര്ത്ത് പോലീസ് ഇന്സ്പെക്ടര് പ്രതാപ് ചന്ദ്രന്, എസ്ഐ ടി.എസ്. രതീഷ് എന്നിവരുടെ നേതൃത്വത്തിലുള്ള പോലീസ് സംഘം അറസ്റ്റ് ചെയ്തത്. ഭാര്യയും രണ്ടു മക്കളുമുള്ള പ്രതി സ്ഥാപനത്തിലെ ജീവനക്കാരിയായ 19കാരിയെ പരിചയപ്പെട്ട ശേഷം വിവാഹ വാഗ്ദാനം നല്കി പീഡിപ്പിക്കുകയായിരുന്നു. താന് ഭാര്യയുമായി പിരിഞ്ഞ് കഴിയുകയാണെന്നും വിവാഹബന്ധം വേര്പ്പെടുത്തിയ ശേഷം പരാതിക്കാരിയെ വിവാഹം ചെയ്യാമെന്ന് വാഗ്ദാനം നല്കി വിശ്വസിപ്പിച്ച് മാര്ച്ച് ഒമ്പത് മുതല് ഏപ്രില് ആറ് വരെയുള്ള സമയങ്ങളില് വൈപ്പിന് ബീച്ചിലും കച്ചേരിപ്പടി, കതൃക്കടവ് എന്നിവിടങ്ങളിലെ ഹോട്ടലുകളിലും കൊണ്ടുപോയി പല തവണ പീഡിപ്പിക്കുകയായിരുന്നു. അറസ്റ്റിലായ പ്രതിയെ ഇന്നു കോടതിയില് ഹാജരാക്കും.
Read Moreവിദേശജോലി വാഗ്ദാനം ചെയ്ത് തട്ടിപ്പ്; കൂടുതല് പേര് തട്ടിപ്പിന് ഇരയായതായി സൂചന
കൊച്ചി: വിദേശ ജോലി വാദ്ഗാനം ചെയ്ത് മുന്നൂറിലധികം യുവാക്കളില്നിന്നും ലക്ഷങ്ങള് തട്ടിയ കേസില് കൂടുതല് പേര് തട്ടിപ്പിന് ഇരയായതായി സൂചന. കേസുമായി ബന്ധപ്പെട്ട് തൊടുപുഴ കോലാനി സ്വദേശി കണ്ണന് എന്ന വിളിപ്പേരുള്ള ജെയ്സണ്(40) ആണ് പാലാരിവട്ടം പോലീസിന്റെ പിടിയിലായത്. 2018ല് പ്രതിയും ഭാര്യ ജെന്സി ദേവസിയും ചേര്ന്ന് തൊടുപുഴയിലും പിന്നീട് 2021ല് പാലാരിവട്ടം തമ്മനം ഭാഗത്ത് ആരംഭിച്ച കണ്ണന് ഇന്റര്നാഷണല് എഡ്യൂക്കേഷന് എന്ന സ്ഥാപനം മുഖേനയായിരുന്നു തട്ടിപ്പ്. സ്ഥാപനത്തിന്റെ പരസ്യം സമൂഹമാധ്യമങ്ങളിലടക്കം നല്കി കാനഡ, ഓസ്ട്രേലിയ, അര്മേനിയ, ചെക്ക് റിപ്പബ്ലിക്, പോളണ്ട്, ലിത്വാനിയ, മറ്റ് യൂറോപ്യന് രാജ്യങ്ങളിലേക്ക് ജോലിയും വിസയും വാഗ്ദാനം ചെയ്ത് നാല് ലക്ഷം മുതല് എട്ട് ലക്ഷം രൂപ വരെ ചെലവു വരുമെന്ന് കാണിച്ച് കരാറെഴുതി. അതിനു ശേഷം പ്രതികള് അഡ്വാന്സ് തുകയായി ഒരു ലക്ഷം മുതല് മൂന്ന് ലക്ഷം രൂപ വരെ വാങ്ങിയെടുത്ത്…
Read Moreചോദ്യം ചെയ്യലിന്റെ പേരില് പീഡനം; ഇഡിക്കെതിരായ സിഎംആര്എല് ഉദ്യോഗസ്ഥരുടെ ഹര്ജി ഹൈക്കോടതിയിൽ
കൊച്ചി: എക്സാലോജിക്കുമായുള്ള ഇടപാടിലെ ഇഡി നടപടികള്ക്കെതിരെ സിഎംആര്എല് ഉദ്യോഗസ്ഥരും, എംഡി ശശിധരന് കര്ത്തയും സമര്പ്പിച്ച ഹര്ജികള് ഹൈക്കോടതി ഇന്ന് പരിഗണിക്കും. ചോദ്യം ചെയ്യലിന്റെ പേരില് എന്ഫോഴ്സ്മെന്റ് ഡയറക്ടറേറ്റ് (ഇഡി) ഉദ്യോഗസ്ഥര് പീഡിപ്പിച്ചെന്നായിരുന്നു ഉദ്യോഗസ്ഥരുടെ പരാതി. വനിത ഉദ്യോഗസ്ഥയെ 24 മണിക്കൂറോളം ചോദ്യചെയ്തത് നിയമവിരുദ്ധമെന്നും സിഎംആര്എല് ഹര്ജിയില് ചൂണ്ടിക്കാട്ടിയിരുന്നു. ചോദ്യം ചെയ്തതിന്റെ സിസിടിവി ദൃശ്യങ്ങളടക്കം സൂക്ഷിച്ചുവയ്ക്കണമെന്നും ഹാജരാക്കാന് നിര്ദേശിക്കണമെന്നും സിഎംആര്എല് ആവശ്യപ്പെട്ടിട്ടുണ്ട്. വിഷയത്തില് ഇഡി ഇന്ന് കോടതിയില് വിശദീകരണം നല്കും. പിടിച്ചെടുത്ത രേഖകള് ഇഡി പരിശോധിക്കുന്നുകേസില് ഇഡി പിടിച്ചെടുത്ത രേഖകളുടെ പരിശോധന തുടരുകയാണ്. അതേ സമയം, വരു ദിവസങ്ങളിലും സിഎംആര്എല് ജീവനക്കാരുടെ ചോദ്യം ചെയ്യല് തുടരുമെന്നാണ് സൂചന. ഇന്നലെ ചീഫ് ഫിനാന്സ് ഓഫീസര് പി. സുരേഷ്കുമാര്, മുന് കാഷ്യര് വി. വാസുദേവന് എന്നിവരെയാണ് ഇഡി വീണ്ടും ചോദ്യംചെയ്തത്. മുഖ്യമന്ത്രി പിണറായി വിജയന്റെ മകള് വീണ വിജയന്റെ ഐടി കമ്പനിയായ…
Read Moreഎറണാകുളത്തു വീണ്ടും കോവിഡ് ഉയരുന്നു; ജാഗ്രതാ നിര്ദേശവുമായി ഐഎംഎ
കൊച്ചി: എറണാകുളം ജില്ലയില് വീണ്ടും കോവിഡ് ഉയരുന്ന സാഹചര്യത്തില് ജാഗ്രതാ നിര്ദേശവുമായി ഐഎംഎ. മൂന്നു മാസത്തെ ഇടവേളയ്ക്കു ശേഷമാണ് ജില്ലയില് കോവിഡ് രോഗികളുടെ എണ്ണത്തില് വര്ധനയുണ്ടായിരിക്കുന്നത്. കോവിഡാനന്തര പ്രശ്നങ്ങള് ഒഴിവാക്കാന് വീണ്ടും രോഗം വരാതെ നോക്കുന്നതാണ് നല്ലതെന്നു ഐഎംഎ യോഗത്തില് വിലയിരുത്തി. ഏപ്രില് രണ്ടാം വാരം നടത്തിയ കോവിഡ് പരിശോധനകളില് ഏഴു ശതമാനം പേര് പോസിറ്റീവ് ആയിട്ടുണ്ട്. ആര്ക്കും രോഗം ഗുരുതരമായിട്ടില്ല.
Read Moreമാസപ്പടിക്കേസ്; എക്സാലോജിക് ഇടപാടിന്റെ പൂര്ണരേഖകള് സിഎംആര്എല് കൈമാറുന്നില്ലെന്ന് ഇഡി; ചോദ്യംചെയ്യല് തുടരുന്നു
കൊച്ചി: മാസപ്പടി കേസില് എക്സാലോജിക്കുമായുള്ള ഇടപാടിന്റെ പൂര്ണ രേഖകള് സിഎംആര്എല് കൈമാറുന്നില്ലെന്ന് എന്ഫോഴ്സ്മെന്റ് ഡയറക്ടറേറ്റ് (ഇഡി). ഇടപാടുകള് സംബന്ധിച്ച രേഖകളും കരാര് രേഖകളുമായി കഴിഞ്ഞ ദിവസം ചോദ്യം ചെയ്ത ഉദ്യോഗസ്ഥരില്നിന്ന് ഇഡി ആവശ്യപ്പെട്ടത്. എന്നാല്, ചീഫ് ഫിനാന്സ് മാനേജര് പി. സുരേഷ് കുമാര് കരാര് രേഖ ഹാജരാക്കിയില്ല. ഇതിനെ തുടര്ന്നു സുരേഷ് കുമാറിനെ ഇഡി ഇന്നും ചോദ്യംചെയ്യും. ആവശ്യപ്പെട്ട രേഖകള് ആദായ നികുതി വകുപ്പിന്റെ ഇന്ററിം സെറ്റില്മെന്റ് ബോര്ഡ് പരിശോധിക്കുകയും തീര്പ്പാക്കുകയും ചെയ്തതാണെന്നാണ് സുരേഷ് കുമാര് ചോദ്യംചെയ്യലില് പറഞ്ഞത്. അങ്ങനെ തീര്പ്പാക്കിയ കേസിന്റെ രേഖകള് കൈമാറാന് സാധിക്കില്ലെന്നായിരുന്നു അദ്ദേഹത്തിന്റെ മറുപടി. എക്സാലോജിക്കുമായി ബന്ധപ്പെട്ട ചോദ്യങ്ങള്ക്ക് അറിയില്ലെന്ന മറുപടിയാണ് ഉദ്യോഗസ്ഥര് നല്കുന്നതെന്നാണ് ഇഡി പറയുന്നത്. സുരേഷ് കുമാറിനെ കൂടാതെ മുന് കാഷ്യര് വാസുദേവനെയും ഇന്നും ചോദ്യംചെയ്യും. എക്സാലോജിക്കിന്റെ സോഫ്റ്റ് വെയര് ഡെവലപ്പ്മെന്റ് മെയ്ന്റനന്സുമായി ബന്ധപ്പെട്ട കരാറില് ഒപ്പിട്ടയാളാണ് പി.…
Read Moreകെ.ജി. ജയന് കലാകേരളത്തിന്റെ യാത്രാമൊഴി; സംസ്കാരം ഇന്ന് വൈകിട്ട് 5.30ന് ഔദ്യോഗിക ബഹുമതികളോടെ തൃപ്പൂണിത്തുറ പൊതുശ്മശാനത്തിൽ
തൃപ്പൂണിത്തുറ: ഇന്നലെ അന്തരിച്ച പ്രശസ്ത സംഗീതജ്ഞൻ കെ.ജി. ജയന് (90) കലാകേരളത്തിന്റെ യാത്രാമൊഴി. മൃതദേഹം അന്ത്യകർമങ്ങൾക്കായി ഇന്ന് രാവിലെ 7.30 ഓടെ തൃപ്പൂണിത്തുറ എരൂർ എസ്എംപി കോളനി റോഡിലുള്ള വിൻയാർഡ് മെഡോസിലുള്ള വസതിയിലെത്തിച്ചു. കച്ചേരികളിലൂടെയും ഭക്തിഗാനങ്ങളിലൂടെയും എണ്ണം പറഞ്ഞ ചലച്ചിത്ര ഗാനങ്ങളിലൂടെയും ആസ്വാദക മനം കവർന്ന സംഗീത പ്രതിഭയ്ക്ക് അന്ത്യാഞ്ജലിയർപ്പിക്കാൻ ചലച്ചിത്ര, സംഗീത രംഗത്തെ ഒട്ടേറെ പ്രമുഖർ രാവിലെ മുതൽ എരൂരിലെ വസതിയിലേയ്ക്കെത്തി. മന്ത്രി പി. രാജീവ്, കെ. ബാബു എംഎൽഎ എന്നിവർ വസതിയിലെത്തി ആദരാഞ്ജലിയർപ്പിച്ചു. വീട്ടിലെ കർമങ്ങൾക്കുശേഷം ഇന്ന് ഉച്ചതിരിഞ്ഞ് മൂന്നിന് തൃപ്പൂണിത്തുറ സ്റ്റാച്ച്യു ജംഗ്ഷനിലെ ലായം കൂത്തമ്പലത്തിൽ മൃതദേഹം പൊതുദർശനത്തിന് വയ്ക്കും. അഞ്ച് വരെ തുടരുന്ന പൊതുദർശനത്തിന് ശേഷം 5.30 ഓടെ തൃപ്പൂണിത്തുറ പൊതുശ്മശാനത്തിൽ സർക്കാരിന്റെ ഔദ്യോഗിക ബഹുമതികളോടെ സംസ്കാരം നടക്കും. വാർധക്യസഹജമായ അസുഖങ്ങളെ തുടർന്ന് വിൻയാർഡ് മെഡോസിലെ വസതിയിൽ ഇന്നലെ പുലർച്ചെ 5.26…
Read Moreകളിസ്ഥലം ഇല്ലെങ്കില് സ്കൂളേ വേണ്ട; അടച്ചുപൂട്ടുന്നതടക്കം നടപടിയെടുക്കണമെന്ന് സര്ക്കാരിനോടു ഹൈക്കോടതി
കൊച്ചി: സ്കൂളുകളില് കളിസ്ഥലങ്ങള് നിര്ബന്ധമെന്ന് ഹൈക്കോടതി നിര്ദേശം. കേരള വിദ്യാഭ്യാസ ചട്ടമനുസരിച്ച് കളി സ്ഥലങ്ങളില്ലാത്ത സ്കൂളുകള്ക്കെതിരെ ശക്തമായി നടപടി സ്വീകരിക്കണമെന്ന് ഹൈക്കോടതി സിംഗിള് ബെഞ്ച് നിര്ദ്ദേശം നല്കി. സ്കൂളുകള് അടച്ചുപൂട്ടുന്നത് അടക്കമുള്ള നടപടികള് സ്വീകരിക്കാനാണ് ജസ്റ്റിസ് പി.വി. കുഞ്ഞികൃഷ്ണന് സര്ക്കാരിന് നിര്ദേശം നല്കിയത്. സ്കൂളുകളില് കളിസ്ഥലങ്ങള് ഏത് അളവില് വേണം എന്നതിനെക്കുറിച്ച് സര്ക്കാര് മാര്ഗനിര്ദേശങ്ങള് പുറത്തിറക്കണം. കളി സ്ഥലങ്ങളില് ഒരുക്കേണ്ട സൗകര്യങ്ങളെ ക്കുറിച്ചും സര്ക്കുലറില് വ്യക്തമാക്കണം. നാലുമാസത്തിനുള്ളില് മാര്ഗനിര്ദേശങ്ങള് പുറത്തിറക്കാനാണ് നിര്ദേശം നല്കിയിരിക്കുന്നത്. കൊല്ലം തേവായൂര് ഗവണ്മെന്റ് വെല്ഫെയര് എല്പി സ്കൂളിലെ കളിസ്ഥലത്ത് വാട്ടര് ടാങ്ക് നിര്മിക്കുന്നത് ചോദ്യം ചെയ്തു നല്കിയ ഹര്ജിയില് ആണ് നിര്ദേശം.
Read Moreമാസപ്പടിക്കേസ്; സിഎംആര്എല് എംഡി ഉൾപ്പെടെ നാലുപേര് തിങ്കളാഴ്ച ചോദ്യം ചെയ്യലിനു ഹാജരാകാന് ഇഡി നോട്ടീസ്
കൊച്ചി: മുഖ്യമന്ത്രിയുടെ മകള് വീണ വിജയന് ഉള്പ്പെട്ട മാസപ്പടി കേസില് സിഎംആര്എല് എംഡി അടക്കം നാലു പേര് തിങ്കളാഴ്ച ചോദ്യം ചെയ്യലിനു ഹാജരാകാന് എന്ഫോഴ്സ്മെന്റ് ഡയറക്ടറേറ്റി(ഇഡി)ന്റെ നോട്ടീസ്. സിഎംആര്എല് എംഡി ശശിധരന് കര്ത്ത, കമ്പനി ചീഫ് ഫിനാന്സ് ഓഫീസര് കെ.എസ്. സുരേഷ് കുമാര്, മാനേജര് എന്.സി. ചന്ദ്രശേഖരന്, സീനിയര് ഐടി ഓഫിസര് അഞ്ജു റേച്ചല് എന്നിവരാണ് ചോദ്യം ചെയ്യലിന് ഹാജരാകേണ്ടത്. സിഎംആര്എല് കമ്പനിയും വീണ വിജയന്റെ ഉടമസ്ഥതയിലുള്ള എക്സലോജിക് കമ്പനിയും തമ്മില് ഉണ്ടാക്കിയ സാമ്പത്തിക ഇടപാടിന്റെ രേഖകളും പണം കൈമാറിയ ഇന്വോയ്സുകളും ലെഡ്ജര് അക്കൗണ്ടും ചോദ്യം ചെയ്യലിന് എത്തുമ്പോള് ഹാജരാക്കാനും ഇ ഡി നിര്ദേശിച്ചിട്ടുണ്ട്. ഈ മാസം എട്ടിന് ഹാജരാകാന് ആയിരുന്നു നേരത്തെ ഉദ്യോഗസ്ഥര്ക്ക് നോട്ടീസ് നല്കിയതെങ്കിലും ഉദ്യോഗസ്ഥര് ആരും അന്ന് ഹാജരായിരുന്നില്ല. ഇഡി നടത്തുന്ന അന്വേഷണത്തില് ഇടപെടാനാകില്ലെന്നു ഹൈക്കോടതിഅതേസമയം, മുഖ്യമന്ത്രിയുടെ മകള് വീണ വിജയന്റെ ഉടമസ്ഥതയിലുള്ള…
Read Moreവേനല്മഴ ചതിച്ചു; മഴയിൽ 71 ശതമാനത്തിന്റെ കുറവ്
കൊച്ചി: സംസ്ഥാനത്ത് ഇക്കുറിയും വേനല്മഴയില് വലിയ കുറവ്. മാര്ച്ച് ഒന്നു മുതല് കഴിഞ്ഞ പത്തു വരെ 71 ശതമാനത്തിന്റെ കുറവാണ് രേഖപ്പെടുത്തിയിട്ടുള്ളത്. സാധാരണ ലഭിക്കേണ്ടിയിരുന്നത് 481.2 മില്ലിമീറ്റര് മഴയാണ്. എന്നാല് ഈ കാലയളവില് ലഭിച്ചതാകട്ടെ 303.8 മില്ലിമീറ്റര് മഴ. ചൂട് കനക്കുന്ന സാഹചര്യത്തില് കൂടുതല് ജില്ലകളില് കാലാവസ്ഥാ വകുപ്പ് യെല്ലോ അലര്ട്ട് പ്രഖ്യാപിച്ചിട്ടുണ്ട്. ഭൂരിഭാഗം ജില്ലകളിലും ചൂട് 40 ഡിഗ്രി സെല്ഷസ് പിന്നിടുമെന്നും കാലാവസ്ഥാ വകുപ്പ് മുന്നറിയിപ്പ് നല്കുന്നു. വയനാട്, കോഴിക്കോട്, മലപ്പുറം ജില്ലകള്ക്കു പുറമെ കണ്ണൂര്, കാസര്ഗോഡ്, പാലക്കാട് ജില്ലകളിലാണ് കുറഞ്ഞ മഴ ലഭിച്ചിട്ടുള്ളത്. കണ്ണൂരും കാസര്ഗോഡും വേനല്മഴയില് 99 ശതമാനത്തിന്റെ കുറവ് രേഖപ്പെടുത്തിയപ്പോള് പാലക്കാട് 97 ശതമാനത്തിന്റെ കുറവാണ് സംഭവിച്ചിട്ടുള്ളത്. ഏറ്റവും കൂടുതല് മഴ ലഭിച്ചത് പത്തനംതിട്ട ജില്ലയിലാണ് 64.3 മില്ലിമീറ്റര്. 60.5 മില്ലിമീറ്റര് മഴ ലഭിച്ച കോട്ടയമാണു രണ്ടാമത്. തിരുവനന്തപുരത്ത് 52.4 മില്ലിമീറ്റര്…
Read More