കൊട്ടാരക്കര: മാരക രാസവസ്തുക്കൾ ചേർത്ത മത്സ്യവ്യാപാരത്തെക്കുറിച്ച് വ്യാപക പരാതി ഉയർനന്നതോടെ സംസ്ഥാനമെന്പാടും പരിശോധനകൾ തുടരുന്പോൾ കൊട്ടാരക്കരയിലെ ഭക്ഷ്യസുരക്ഷാ വകുപ്പിന് അനക്കമില്ല. ഭക്ഷ്യസുരക്ഷാ ഓഫീസിന്റെ തൊട്ടടുത്തുള്ള കൊട്ടാരക്കര ചന്തയിൽപോലും പേരിനെങ്കിലും പരിശോധന നടത്താൻ ഉദ്യോഗസ്ഥർ തയറായിട്ടില്ല. മത്സ്യവ്യാപാരത്തെ ചൊല്ലി ഏറ്റവും അധികം പരാതികൾ ഉയരുന്ന ചന്തകളിൽ ഒന്നാണ് നഗരഹൃദയത്തിലുള്ളത്. മാലിന്യവും ദുർഗന്ധവും മൂലം പരിസരമലിനീകരണം പോലും സൃഷ്ടിക്കുന്ന മത്സ്യവ്യാപാരകേന്ദ്രമാണിത്. അഴുകിയതും കാലപ്പഴക്കം ചെന്നതും രാസവസ്തുക്കൾ ചേർന്നതുമായ മത്സ്യം ഇവിടെ വിൽക്കപ്പെടുന്നതായി വളരെ നേരത്തെ തന്നെ പരാതികൾ ഉയർന്നിരുന്നു. മൂന്നുവർഷം മുന്പ് വിവിധ വകുപ്പുകളുടെ സംയുക്ത പരിശോധനയും അഴുകിയതും പുഴു അരിച്ചതുമായ മത്സ്യം ഇവിടെ നിന്നും പിടികൂടിയിരുന്നു. ചന്തയ്ക്കുള്ളിൽ ഉണ്ടായിരുന്ന ഫ്രീസറുകൾ നീക്കം ചെയ്യുകയും കുറ്റക്കാരായ വില്പന്നക്കാരുടെ പേരിൽ കേസെടുക്കുയും ഉണ്ടായി. എന്നാൽ ദിവസങ്ങൾക്കകം ഈ ഫ്രീസറുകൾ തിരികെ വരുകയും മത്സ്യവ്യാപാരം പഴയപടി ആവുകയും ചെയ്തു. തുടർ പരിശോധനകൾ ഇല്ലാത്തതുമൂലം…
Read MoreCategory: Kollam
വിശന്നിട്ട് ഇനി അവർ കരയില്ല; പ്രജീഷിന്റെയും പ്രണവിന്റെയും ദുരിതം മാറ്റാന് ഗ്രാമം കൈകോര്ക്കുന്നു
പത്തനാപുരം: പ്രജീഷിന്റെയും പ്രണവിന്റെയും കണ്ണുകള് നിറയാതിരിക്കാന് ഗ്രാമം കൈകോര്ക്കുന്നു. സ്കൂളില് പോകാന് ബസ് കൂലി നല്കാന് ഇല്ലാഞ്ഞതോടെ പഠനം പാതിവഴിയില് നിലച്ച് പട്ടിണിയിലായ ഇവരുടെ ദുരിത ജീവിതത്തിന് ഇതോടെ അവസാനമാവുകയാണ്. ഇവരുടെ ദുരിതമറിഞ്ഞ സുമനസുകളും സന്നദ്ധ സംഘടകളും സഹായങ്ങളുമായി രംഗത്തെത്തി. പഠനാവശ്യത്തിനുളള പണവും, ഭക്ഷണത്തിനുള്ള ചിലവുകളും നൽകുമെന്ന് ഇവരുടെ വീട്ടിലെത്തിയ വിവിധ സന്നദ്ധ പ്രവർത്തകർ പറഞ്ഞു.പിറവന്തൂര് പഞ്ചായത്ത് പ്രസിഡന്റ് ലത സോമരാജന്റെ നേതൃത്വത്തില് കുട്ടികള്ക്ക് വേണ്ടുന്ന സഹായമെത്തിക്കാനുള്ള ശ്രമങ്ങളും ആംഭിച്ചു. അധ്യയനം ആരംഭിച്ച് ഒന്നര മാസത്തോളമായിരുന്നങ്കിലും പ്രജീഷും പ്രണവും ഏതാനും ചില ദിവസങ്ങളേ പോയിരുന്നുളളു. സ്കൂളിൽ നിന്നും കിട്ടിയിരുന്ന ഉച്ചക്കഞ്ഞിയായിരുന്നു ഒരു നേരത്തെ വിശപ്പടക്കാനുളള ഏകആശ്രയം. ഒരു മാസം രണ്ടുപേർക്കും കൂടി 1200 രൂപയാണ് സ്കൂൾ ബസിന് നൽകേണ്ടിയിരുന്നത്. മൂന്ന് വർഷം മുമ്പ് മാതാവ് മിനി പാമ്പ് കടിയേറ്റ് മരിച്ചതോടെയാണ് നിർധനകുടുംബത്തിന്റെ താളം തെറ്റിയത്. ഇതോടെ കുട്ടികൾ…
Read Moreകുന്നിക്കോട്ട് ജുമാമസ്ജിദിൽ മോഷണം; ഇരുപതിനായിരത്തോളം രൂപ നഷ്ടപ്പെട്ടു; സമീപത്തെ കടകളിൽ കാമറകൾ തകർത്തനിലയിൽ
പത്തനാപുരം: കുന്നിക്കോട് പച്ചില സായി ജുമാ മസ്ജിദിൽ മോഷണം. പള്ളിയ്ക്കകത്തുണ്ടായിരുന്ന അലമാര കുത്തിപ്പൊളിച്ച് ഇരുപതിനായിരം രൂപയോളം കവർന്നു. പുറത്ത് പള്ളിയോട് ചേർന്ന് വഴിയരികിലെ പ്രധാന വഞ്ചി പൊളിക്കാനുള്ള മോഷ്ടാക്കളുടെ ശ്രമം നടന്നില്ല. സമീപത്തെ വ്യാപാര സ്ഥാപനത്തിലുണ്ടായിരുന്ന സി സി ക്യാമറ നശിപ്പിച്ചിട്ടാണ് മോഷ്ടാക്കൾ പള്ളിയിൽ കവർച്ച നടത്തിയിരിക്കുന്നത്.വഞ്ചിയിൽ നിന്ന് മാസത്തിൽ ഒരു ലക്ഷം രൂപവരെ വരുമാനമുള്ളതാണ്. ഇന്ന് രാവിലെ നിസ്ക്കാരത്തിനെത്തിയ വിശ്വാസികളാണ് പള്ളി തുറന്ന് കിടക്കുന്നതും അലമാര പൊളിച്ചതായും കണ്ടത്. മഴക്കാലം പ്രയോജനപ്പെടുത്തി പ്രദേശത്ത് മോഷണ പരമ്പര തുടരുകയാണ്. കഴിഞ്ഞ ഒരാഴ്ചയിക്കിടെ പ്രദേശത്ത് നിരവധിവീടുകളിലും വ്യാപാര സ്ഥാപനങ്ങളിലും മോഷണ ശ്രമം നടന്നിട്ടുണ്ട്. മോഷണം നടന്ന പള്ളിയിൽകുന്നിക്കോട് പൊലീസ് എത്തി തെളിവെടുത്തു അന്വേഷണം ആരംഭിച്ചു.
Read Moreജില്ലയിലെ പെട്രോൾപമ്പുകൾ പ്രവർത്തിക്കുന്നത് നോ ഒബ്ജക്ഷൻ സർട്ടിഫിക്കറ്റ് ഇല്ലാതെ; പരിശോധനയിൽ കണ്ടത് ഞെട്ടിക്കുന്ന വിവരങ്ങൾ
കരുനാഗപ്പള്ളി: ജില്ലയിലെ 90 ശതമാനത്തോളം പെട്രോൾ പമ്പുകളും പ്രവർത്തിക്കുന്നത് ഫയർഫോഴ്സിന്റെ നോ ഒബ്ജക്ഷൻ സർട്ടിഫിക്കറ്റ് ഇല്ലാതെയെന്ന് വിവരം. കഴിഞ്ഞ ദിവസങ്ങളിൽ ജില്ലയുടെ വിവിധ മേഖലകളിൽ ഫയർഫോഴ്സ് നടത്തിയ പരിശോധനയിലാണ് ഈ വിവരം. ഫയർഫോഴ്സ് ജില്ലാ ഓഫീസറുടെ നിർദേശപ്രകാരം കരുനാഗപ്പള്ളി, ചവറ, ശാസ്താംകോട്ട, കുണ്ടറ, പത്തനാപുരം, കൊട്ടാരക്കര, പുനലൂർ, കടയ്ക്കൽ, പരവൂർ, ചാമക്കട, കൊല്ലം എന്നീ യൂണിറ്റുകളുടെ നേതൃത്വത്തിൽ പെട്രോൾ പമ്പുകളിൽ നടത്തിയ പരിശോധനയിലാണ് ഈ റിപ്പോർട്ട് . സർക്കാർ ഉത്തരവുപ്രകാരമാണ് ഫയർഫോഴ്സ് അധികൃതർ പരിശോധനയുമായി രംഗത്ത് വന്നിരിക്കുന്നത്. പെട്രോളിയം റീട്ടെയിൽ ഔട്ട് ലൈറ്റ്, ഗ്യാസ് സംഭരണം, മണ്ണെണ്ണ സംഭരണം എന്നിവിടങ്ങളിൽ എൻ ഒ സി എടുക്കാത്തവരും പുതുക്കാത്തവരുണ്ടെങ്കിൽ ഇവർക്കെതിരെ നിയമ നടപടികളുമായി മുന്നോട്ട് പോകുമെന്നാണ് സൂചന. ചില ഗ്യാസ് ഗോഡൗണുകളിലും എൻഒസി യില്ലായെന്നും വിവരം ഉണ്ട്.
Read Moreപത്താംക്ലാസ് വിദ്യാർഥി കുഴഞ്ഞുവീണ് മരിച്ചതിൽ ദുരൂഹത; സ്കൂളിൽ വീണ് കാലിന് പരിക്കേറ്റ കുട്ടി എങ്ങനെയാണ് കുഴഞ്ഞ് വീണ് മരിക്കുന്നതെന്ന് ബന്ധുക്കൾ, പോലീസ് കേസെടുത്തു
കൊട്ടാരക്കര: പത്താംക്ലാസ് വിദ്യാർഥി കുഴഞ്ഞുവീണ് മരിച്ചു, ദുരൂഹതയെന്ന് ബന്ധുക്കൾ. കിഴക്കേ കല്ലട ഉമ്മിണി അയ്യത്ത് വീട്ടിൽ മധു-സുനിത ദമ്പതികളുടെ മകൻ മജീഷ്(15) ആണ് മരിച്ചത്. പുത്തൂർ ഗവ.ഹയർ സെക്കൻഡറി സ്കൂളിലെ പത്താം ക്ലാസ് വിദ്യാഥിയാണ്. പുത്തൂർ പഴവറയിൽ പട്ടികജാതി വികസന വകുപ്പിന്റെ കീഴിലുള്ള പ്രീമെട്രിക് ഹോസ്റ്റലിൽ താമസിച്ചാണ് മജീഷ് പഠിക്കുന്നത്. മൂന്ന് ദിവസംമുൻപ് സ്കൂളിൽ വീണ് മജീഷിന് പരിക്കേറ്റിരുന്നു. തുടർന്ന് ഹോസ്റ്റൽ അധികൃതർ കുട്ടിയെ എസ്എൻ പുരം പ്രാഥമികാരോഗ്യ കേന്ദ്രത്തിൽ പ്രവേശിപ്പിച്ച് ചികിത്സ നൽകി. ഇതിനുശേഷം മജീഷിന് കാലിന് വേദന കൂടിയപ്പോൾ അമ്മ സുനിതയെ ഹോസ്റ്റലിൽ വരുത്തി ഒപ്പംവിട്ടു. ഇവർ ശാസ്താംകോട്ട താലൂക്ക് ആശുപത്രിയിലെത്തിച്ചശേഷം ഡോക്ടറുടെ നിർദേശത്തെ തുടർന്ന് ജില്ലാ ആശുപത്രിയിലേക്ക് മാറ്റി. ഇന്നലെ രാവിലെ 11 ഓടെ ജില്ലാ ആശുപത്രിയിലെ ഓർത്തോ വിഭാഗം ഡോക്ടറെ കണ്ടു. എക്സ്റേ എടുത്ത ശേഷം വീണ്ടും ഡോക്ടറെ കാണാൻ കാത്തിരുന്നപ്പോഴാണ്…
Read Moreമരങ്ങൾ വീണ് സർവീസ് മുടങ്ങുന്നു; കൊല്ലം ചെങ്കോട്ട റെയിൽ പാതയിൽ സുരക്ഷാ ഉദ്യോഗസ്ഥർ പരിശോധന നടത്തി
പുനലൂർ: ട്രാക്കിലേയ്ക്ക് മരങ്ങൾ വീണ് സർവീസ് മുടങ്ങിയതിനെ തുടർന്ന് ഇന്നെലെ റെയിൽവേ സുരക്ഷാ വിഭാഗം കൊല്ലം-ചെങ്കോട്ട പാതയിൽ കിളികൊല്ലുരിനും ആര്യങ്കാവിനുമിടയിൽ സുരക്ഷാ പരിശോധന നടത്തി. ഈ ലൈനിൽ നിരന്തരമായി മരങ്ങൾ വീണ് സർവീസ് തടസപ്പെടുന്നത് കണക്കിലെടുത്താണ് പരിശോധന നടത്തിയത്. മരങ്ങൾ വീഴുന്നതിനെ തുടർന്നുള്ള ഭീഷണി കണക്കിലെടുത്ത് പാലരുവി എക്സ്പ്രസ് കൊല്ലത്തിനും തിരുനെൽവേലിക്കും ഇടയിൽ ഒരാഴ്ചത്തേക്ക് സർവീസ് നിർത്തിവച്ചിരിയ്ക്കുകയാണ്. കൂടാതെ ഈ പാതയിൽ ട്രെയിനുകളുടെ വേഗത 30 കിലോമീറ്ററിൽ നിന്നും 20 ആയി കുറച്ചു. പ്രത്യേകം തയാറാക്കിയ ട്രോളിയിൽ ഇന്നലെ രാവിലെ 10.30 ഓടെ കിളികൊല്ലൂരിൽ നിന്നും ദക്ഷിണ റെയിൽവേയുടെ മധുര ഡിവിഷനിലെ സുരക്ഷാ ഉദ്യോഗസ്ഥർ ആണ് പരിശോധന നടത്തിയത്. ട്രാക്കിന് ഇരുവശവും റെയിൽവേ ഭൂമിയിലും സ്വകാര്യ വ്യക്തികളുടെ സ്ഥലത്തും നിൽക്കുന്ന മരങ്ങൾ അടിയന്തിരമായി മുറിച്ചു മാറ്റുമെന്ന് അധികൃതർ അറിയിച്ചു. മരം മുറിച്ചുമാറ്റാൻ സ്വകാര്യ വ്യക്തികൾക്ക് അടിയന്തിര നോട്ടീസ്…
Read Moreവീട്ടിൽ ചാരായം വാറ്റുന്നുണ്ടെന്ന രഹസ്യ വിവരം; ആര്യനാട്ട് എക്സൈസ് റെയ്ഡിൽ വാറ്റ് ചാരായവും കോടയും പിടിച്ചെടുത്തു; മൂന്ന് പേർ പിടിയിൽ
തിരുവനന്തപുരം: ആര്യനാട്ട് എക്സൈസ് റെയ്ഡ്. 55 ലിറ്റർ വാറ്റ് ചാരായവും 450 ലിറ്റർ കോടയുമായി മൂന്ന് പേർ അറസ്റ്റിൽ. ആര്യനാട് ഈഞ്ചപുരി സ്വദേശികളായ അജിത്ത് (21), സനൽകുമാർ (55), പനവൂർ സ്വദേശി പുരുഷോത്തമൻ (60) എന്നിവരെയാണ് ആര്യനാട് എക്സൈസ് സംഘം പിടികൂടിയത്. അജിത്തിന്റെ പുരയിടത്തിലാണ് ചാരായ വാറ്റ് നടത്തി വന്നിരുന്നത്. എക്സൈസിന് ലഭിച്ച രഹസ്യ വിവരത്തെ തുടർന്ന് ആര്യനാട് എക്സൈസ് ഇൻസ്പെക്ടർ രാജീവിന്റെ നേതൃത്വത്തിൽ പ്രിവന്റീവ് ഓഫീസർ ഷഹാബുദ്ദീൻ, സിവിൽ എക്സൈസ് ഓഫീസർമാരായ ശ്രീകുമാർ, ഷിൻരാജ്, ജുനൈദാബീവി, റിജു എന്നിവരുടെ നേതൃത്വത്തിലുള്ള സംഘമാണ് റെയ്ഡ് നടത്തിയത് പ്രതികളെ പിടികൂടിയത്. വാറ്റ് ഉപകരണങ്ങളും പിടിച്ചെടുത്തു.
Read More‘കൂടുതല് പേര് മർദിച്ചു’; അന്യസംസ്ഥാന തൊഴിലാളിയെ മര്ദിച്ചു കൊന്ന സംഭവം; മരിക്കും മുമ്പ് മണിക് നല്കിയ മൊഴിപുറത്ത്
അഞ്ചൽ: അഞ്ചലില് മോഷണകുറ്റം ആരോപിച്ചു ബംഗാള് സ്വദേശിയെ മര്ദിച്ചു കൊന്ന സംഭവത്തിൽ കൊല്ലപ്പെട്ട മണിക് റോയിയുടെ മരണ മൊഴി പുറത്ത്. തന്നെ നാലുപേര് ചേര്ന്നാണ് മര്ദിച്ചതെന്ന് അഞ്ചലിലെ സ്വകാര്യ ആശുപത്രിയില് എത്തിയ മണിക് അന്ന് വ്യക്തമാക്കിയിരുന്നു. അഞ്ചലില് നിന്നും വരവേ ആദ്യം ഒരാള് തടഞ്ഞു നിര്ത്തി, പിന്നീട് ബൈക്കില് രണ്ടുപേരും, പിന്നീട് മറ്റൊരാളും എത്തി എന്നും ഇവര് നാലുപേരും തന്നെ മര്ദിച്ചുവെന്നും മണിക് റോയ് പോലീസിനോട് പറഞ്ഞിരുന്നു. എന്നാല് അഞ്ചല് പോലീസ് രണ്ടുപേരില് മാത്രമായി അന്വേഷണം ഒതുക്കിത്തീര്ക്കാനാണ് ശ്രമിക്കുന്നത്. മരണ മൊഴിയില് തന്നെ നാലുപേര് തന്നെ മര്ദിച്ചുവെന്ന് മണിക് പറയുമ്പോഴും അഞ്ചല് പോലീസ് രണ്ടുപേരില് മാത്രം കേസ് എടുത്തു ചിലരെ സംരക്ഷിക്കാനുള്ള ശ്രമം ആണ് നടത്തുന്നതെന്ന് ആരോപണം ഉയര്ന്നിട്ടുണ്ട്. യൂത്ത്കോണ്ഗ്രസ് പ്രാദേശിക നേതാവ് ഉള്പ്പെട്ട കേസില് പ്രതികളെ സംരക്ഷിക്കാനുള്ള നീക്കത്തിനെതിരെ സിപിഎം, ഡിവൈഎഫ്ഐ സംഘടനകള് പ്രതിഷേധവുമായി രംഗത്തെത്തിയിട്ടുണ്ട്.…
Read Moreകേരളത്തിലെ സ്ത്രീകളെ അന്തസുള്ളവരാക്കിയത് കുടുംബശ്രീയാണെന്ന് മന്ത്രി മാത്യു ടി .തോമസ്
കരുനാഗപ്പള്ളി: കേരളത്തിലെ സ്ത്രീകളെ അന്തസുള്ളവരും അഭിമാനബോധമുള്ളവരുമാക്കി മാറ്റിയത് കുടുംബശ്രീയാണെന്ന് മന്ത്രി മാത്യു.ടി തോമസ് പറഞ്ഞു.കരുനാഗപ്പള്ളിയിൽ നടന്ന റീജിയണൽ വുമൺ കോൺക്ലേവിന്റെ സമാപനസമ്മേളനത്തിന്റെ ഭാഗമായി നടന്ന യോഗം ഉദ്ഘാടനം ചെയ്ത് പ്രസംഗിക്കുകയായിരുന്നു മന്ത്രി. സമ്പത്തിന്റെ വിനിയോഗത്തിൽ സ്ത്രീകളുടെ പങ്ക് വർധിച്ചു കൊണ്ടിരിക്കുകയാണെന്നും മന്ത്രി കൂട്ടിച്ചേർത്തു. ആർ. രാമചന്ദ്രൻ എംഎൽഎ അധ്യക്ഷത വഹിച്ചു. ക്യാമ്പ് അംഗങ്ങൾ ചേർന്ന് പ്രതിരോധാഗ്നി തെളിയിച്ചു കൊണ്ടാണ് പരിപാടിക്ക് സമാപനമായത്. മന്ത്രിയിൽ നിന്നും സംസ്ഥാന ലൈബ്രറി കൗണ്സില് അംഗം ആര്.കെ. ദീപയും സിഡിഎസ് ചെയർപേഴ്സൺമാരും ചേർന്ന് അഗ്നി ഏറ്റുവാങ്ങി. തുടർന്ന് തുടർന്ന് മറ്റുള്ളവരിലേക്ക് തിരിനാളങ്ങൾ പകർന്നു. സ്ത്രീ മുന്നേറ്റത്തിന്റെ പോരാട്ടങ്ങൾക്ക് നാന്ദി കുറിക്കുന്ന പ്രതിജ്ഞ ഷെർളി ശ്രീകുമാർ ചൊല്ലിക്കൊടുത്തു. താലൂക്ക് ലൈബ്രറി കൗൺസിൽ സെക്രട്ടറി വി വിജയകുമാർ, ജില്ലാ പഞ്ചായത്ത് പ്രസിഡന്റ് സി. രാധാമണി, നഗരസഭാ അധ്യക്ഷ എം. ശോഭന, പി. ബി. ശിവൻ, എ.…
Read Moreനീതി ജനങ്ങളിലെത്തിക്കുന്നതില് ലോക് അദാലത്തുകള് മുഖ്യ പങ്കുവഹിക്കുന്നു: ജസ്റ്റീസ് സി.കെ അബ്ദുള് റഹീം
പത്തനാപുരം: പാര്ശ്വവത്കരിക്കപ്പെട്ടവര്ക്കും പാവപ്പെട്ടവര്ക്കും നീതി വീട്ടുപടിക്കലെത്തിക്കുന്ന അദാലത്തുകള് നീതിന്യായവ്യവസ്ഥിതിയുടെ പൂര്ണപ്രയോജനം ജനങ്ങളില് എത്തിക്കുന്നതില് മുഖ്യപങ്കുവഹിക്കുന്നുവെന്ന് ഹൈക്കോടതി ജഡ്ജി ജസ്റ്റിസ് സി.കെ അബ്ദുള് റഹീം. ഗാന്ധിഭവനില് ദേശീയ നിയമസേവന അതോറിറ്റി, സംസ്ഥാന നിയമ സേവന അതോറിറ്റി ( കെല്സ), പത്തനാപുരം ഗാന്ധിഭവന് എന്നിവയുടെ സംയുക്താഭിമുഖ്യത്തില് നടന്ന മെഗാ അദാലത്തും നിയമബോധനസെമിനാറും ഗുരുവന്ദനദിനാചരണവും ഉദ്ഘാടനം ചെയ്തു പ്രസംഗിക്കുകയായിരുന്നു അദ്ദേഹം. വ്യവസ്ഥാപിത കോടതി മുറികള്ക്ക് പുറത്ത് വ്യവഹാരങ്ങള്ക്ക് തീര്പ്പ് കല്പ്പിക്കപ്പടുമ്പോള്, നീതി അര്ഹിക്കുന്നവരുടെ കാല്ക്കീഴില് ലഭ്യമാക്കപ്പെടുകയാണ്. രമ്യമായ തര്ക്കപരിഹാരമാണ് ലോക് അദാലത്തുകളില് നടക്കുന്നത്. ഇരുകക്ഷികളും വാശി വെടിഞ്ഞ് വിട്ടുവീഴ്ചകള്ക്ക് തയാറാവുന്നതാണ് അദാലത്തുകളുടെ വിജയം. ജസ്റ്റീസ് സി.കെ അബ്ദുള് റഹീം പറഞ്ഞു. നിയോഗങ്ങളില് ദൈവം നിശ്ചയിച്ചിരിക്കുന്ന കര്മാണ് സഹജീവി സ്നേഹം. സൃഷ്ടിയുടെ അടിസ്ഥാനപരമായ കര്മംകൂടിയാണിത്. ഞാന് എന്ന വ്യക്തി ആരാണെന്ന് സ്വയം ഉത്തരം തേടുമ്പോഴാണ് സാമൂഹ്യജീവിതത്തിലുള്ള കടപ്പാട് നമുക്ക് മനസിലാവുക. മനുഷ്യനെപ്പോലെതന്നെ മൃഗങ്ങള്ക്കും…
Read More