കൊല്ലം: ശക്തമായ മഴയെ തുടർന്ന് ജില്ലയുടെ കിഴക്കൻ മലയോരമേഖലയിൽ വ്യാപക നാശനഷ്ടം. കുന്നത്തൂർ, പുനലൂർ, പത്തനാപുരം താലൂക്കുകളിൽ മഴയ്ക്കൊപ്പം ഉണ്ടായ കാറ്റിലാണ് കൂടുതലും നാശം സംഭവിച്ചത്. മഴയിൽ ജില്ലയിൽ രണ്ട് മരണവും സംഭവിച്ചു. ചവറ തേവലക്കര കോയിവിള അജി ഭവനത്തിൽ ബനഡിക്ട് മരം മുറിക്കുന്നതിനിടെ വീണ് പരിക്കേറ്റാണ് മരിച്ചത്. വീടിന് മുകളിൽ വീണ മരം മുറിച്ച് മാറ്റുന്നതിനിടെയാണ് സംഭവം. ചവറ തേവലക്കരയിൽ 12 വയസുകാരൻ ഷോക്കേറ്റ് മരിച്ചു. കൂഴംകുളങ്ങര വടക്കതിൽ അനൂപ് കൂട്ടുകാരുമൊത്ത് വെള്ളക്കെട്ടിൽ കളിക്കവെ എർത്ത് ലൈനിൽ നിന്നും ഷോക്കേൽക്കുകയായിരുന്നു. പലയിടത്തും മരം വീണ് ഗതാഗതതടസമുണ്ടായി. ഇത്തിക്കര ആറ് കരകവിഞ്ഞൊഴുകുകയാണ്. കരുനാഗപ്പള്ളി താലൂക്കിൽ രണ്ട് വീടുകൾ പൂർണമായും 24 വീടുകൾക്ക് ഭാഗികമായി കേടുപാടുകളുണ്ടായി. കൊട്ടാരക്കര താലൂക്കിൽ ഒരു വീട് പൂർണമായും മൂന്ന് വീടുകൾ ഭാഗികമായും നശിച്ചു. കുന്നത്തൂർ താലൂക്കിൽ മൂന്ന് വീടുകൾക്ക് ഭാഗികമായി കേടുപാടുകൾ സംഭവിച്ചു.…
Read MoreCategory: Kollam
ഞാൻ കോഴിക്കള്ളനല്ല; സദാചാരഗുണ്ടാ ആക്രമണത്തിൽ ഇതരസംസ്ഥാനത്തൊഴിലാളി മരിച്ച സംഭവം; രണ്ട്പേർ അറസ്റ്റിൽ
കൊല്ലം: അഞ്ചലിന് സമീപം പനയഞ്ചേരിയിൽ നാട്ടുകാരായ സദാചാര ഗുണ്ടകളുടെ മർദനമേറ്റ് ഇതരസംസ്ഥാന ത്തൊഴിലാളി മരിച്ച സംഭവത്തിൽ രണ്ടുപേർ അറസ്റ്റിൽ. പനയഞ്ചേരി സ്വദേശി ശശിധരക്കുറുപ്പ് , അഞ്ചൽ സ്വദേശി ആസിഫ് എന്നിവരാണ് അറസ്റ്റിലായത് പശ്ചിമ ബംഗാൾ സ്വദേശി മണിക് റോയി (32) ആണ് കഴിഞ്ഞ ദിവസം അഞ്ചലിലെ സ്വകാര്യ ആശുപത്രിയിൽ മരിച്ചത്. കഴിഞ്ഞ 25ന് വൈകുന്നേരം ആറോടെ പനയഞ്ചേരിയിൽ ആണ് മണിക് റോയിക്ക് മർദനമേൽക്കുന്നത്. സമീപത്തെ വീട്ടിൽനിന്നു ഒരു കോഴിയെ വാങ്ങി താമസസ്ഥലത്തേക്ക് പോകുന്പോൾ റോഡ് വക്കിലെ കലുങ്കിലിരിക്കുകയായിരുന്ന നാട്ടുകാരായ മൂന്ന് പേർ മണിക് റോയിയെ തടഞ്ഞു നിർത്തുകയും മോഷ്ടാവെന്ന് ആരോപിച്ച് മർദിക്കുകയുമായിരുന്നു. രക്തം വാർന്ന് ബോധരഹിതനായ മണിക് റോയിയെ നാട്ടുകാരാണ് അഞ്ചലിലെ സ്വകാര്യ ആശുപത്രിയിൽ പ്രവേശിപ്പിച്ചത്. ഏതാനും ദിവസത്തെ ചികിത്സയ്ക്കുശേഷം പുറത്തുവന്ന മണിക് റോയി അടുത്തിടെ കൂലിവേലയ്ക്ക് പോകൽ തുടർന്നു. കഴിഞ്ഞ ദിവസം ജോലിസ്ഥലത്ത് വച്ച് രാവിലെ പത്തോടെ…
Read Moreവക്കം ഷബീർ വധം; വിദേശത്തേക്ക് കടന്ന പ്രതി രണ്ട് വർഷത്തിന് ശേഷം തിരികെ നാട്ടിലേക്ക് വരാൻ മുംബൈ എയർപോട്ടിലെത്തിയപ്പോഴാണ് അറസ്റ്റിലായത്
ആറ്റിങ്ങൽ: വക്കം ഷബീർ വധക്കേസിലെ ഏഴാം പ്രതിയെ അറസ്റ്റു ചെയ്തു .വക്കം രാമർ വിളാകത്ത് വിഷ്ണു(27) ആണ് പിടിയിലായത്.സംഭവത്തിന് ശേഷം വിദേശത്തേക്ക് കടന്ന വിഷ്ണു കഴിഞ്ഞദിവസം മുംബയ് സഹർ എയർപോർട്ടിലെ എമിഗ്രേഷൻ വിഭാഗം ഉദ്യോഗസ്ഥർ പിടികൂടിയിരുന്നു.തുടർന്ന് കടയ്ക്കാവൂർ സി.ഐ ജി.ബി. മുകേഷിന്റെ നേതൃത്വത്തിലുള്ള സംഘത്തിന് കൈമാറി. 2016 ജനുവരി 31നായിരുന്നു സംഭവം.ഇതോടെ ഈ വധക്കേസ്സിലെ മുഴുവൻ പേരേയും അറസ്റ്റു ചെയ്തു. ഏഴ് പേരിൽ ഒരാൾ വിചാരണയ്ക്കിടെ ആത്മഹത്യ ചെയ്തിരുന്നു. ഒരാളെ വെറുതെവിട്ടു.
Read Moreമരം മുറിക്കുന്നതിനിടയിൽ വീണുപരിക്കേറ്റ പോലീസുകാരൻ മരിച്ചു; ഉടൻതന്നെ ആശുപത്രിയിലെത്തിച്ചെങ്കിലും ബെനടിക്കിന്റെ ജീവൻ രക്ഷിക്കാനായില്ല
ചവറ: ശക്തമായ കാറ്റിൽ വീടിന്റെ പുറത്തേക്ക് വീണ മരം മുറിക്കുന്ന തിനിടയിൽ നിലത്തുവീണു പരിക്കേറ്റ പോലീസുകാരൻ ആശുപത്രിയിൽ ചികിത്സയിലിരിക്കെ മരിച്ചു. കോയിവിള അജിഭവനത്തിൽ ബെനഡിക്ട് ( 46 ) ആണ് മരിച്ചത്. ഇന്നലെ വൈകുന്നേരം വീട്ടിന്റെ മുകളിലേയ്ക്ക് വീണ മരത്തിന്റെ ശിഖരങ്ങൾ മുറിച്ചുമാറ്റുന്ന തിനിടയിൽ കാൽവഴുതി ഇയാൾ നിലത്ത് വീഴുകയായിരുന്നു . ഉടൻതന്നെ ബന്ധുക്കൾ ആശുപത്രിയിലെത്തിച്ചുവെങ്കിലും ചികിത്സയിലിരിക്കെ രാത്രി യിൽമരിച്ചു. ചവറ പോലീസ് സ്റ്റേഷനിൽ നിന്നും കരുനാഗപ്പള്ളിയിലേയ്ക്ക് സ്ഥലമാറ്റം കിട്ടി നിന്ന സീനിയർ സിവിൽ പോലീസ് ഓഫീസറാണ് ബനഡിക്ട് .ഭാര്യ: പ്രീത , മക്കൾ: അനറ്റ് ,ഏബൽ
Read Moreസദാചാര ഗുണ്ടകളുടെ ആക്രമണം; കൊല്ലത്ത് ഇതര സംസ്ഥാന തൊഴിലാളിയുടെ മരണം തലയ്ക്ക് അടിയേറ്റ്
അഞ്ചൽ: കൊല്ലം അഞ്ചലിൽ അന്യ സംസ്ഥാന തൊഴിലാളി മരിച്ചത് മർദനമേറ്റാണെന്നു സ്ഥിരീകരിച്ചു പോസ്റ്റ്മോർട്ടം റിപ്പോർട്ട്. ബംഗാൾ സ്വദേശി മാണിക് റോയി(32) ആണ് മരിച്ചത്. കഴിഞ്ഞ ദിവസം രാവിലെ 10 മണിയോടെ അഞ്ചലിലെ സ്വകാര്യ ആശുപത്രിയിലായിരുന്നു മരണം. തലയ്ക്കേറ്റ അടിയാണു മരണകാരണമെന്നാണ് റിപ്പോർട്ട്. പനയഞ്ചേരിയിൽ കുടുംബത്തോടൊപ്പം താമസിക്കുകയായിരുന്ന മാണിക് റോയിയെ കുറച്ചു ദിവസം മുമ്പ് സദാചാര ഗുണ്ടകൾ മർദ്ദിച്ചിരുന്നു. കോഴിയെ മോഷ്ടിച്ചെന്നാരോപിച്ചായിരുന്നു മർദനം. രക്തംവാർന്ന് അവശനായ റോയിയെ നാട്ടുകാർ ചേർന്ന് ആശുപത്രിയിൽ പ്രവേശിപ്പിച്ചിരുന്നു. പുറത്തിറങ്ങി ഏതാനും ദിവസങ്ങളായി ജോലിക്ക് പോയിരുന്ന മണിക് കഴിഞ്ഞദിവസം കുഴഞ്ഞുവീണതോടെ വീണ്ടും ആശുപത്രിയിൽ പ്രവേശിപ്പിക്കുകയായിരുന്നു. മരണത്തിൽ ദുരൂഹതയുണ്ടെന്ന് ബന്ധുക്കൾ അറിയിച്ചതിനെത്തുടർന്ന് മൃതദേഹം പോസ്റ്റ്മോർട്ടം ചെയ്യുകയായിരുന്നു.
Read Moreകൊല്ലത്ത് ട്രെയിൻ എഞ്ചിന് തീപിടിച്ചു; സംഭവത്തിൽ ആർക്കും പരിക്കില്ല
കൊല്ലം: അനന്തപുരി എക്സ്പ്രസ് ട്രെയിനിന്റെ എഞ്ചിന് തീപിടിച്ചു. കൊല്ലത്താണ് സംഭവം നടന്നത്. ഇതേതുടർന്ന് തെക്കൻ മേഖലയിൽ നിന്നുള്ള ട്രെയിൻ ഗതാഗതം താറുമാറായി. സംഭവത്തിൽ ആർക്കും പരിക്കേറ്റിട്ടില്ല. പുതിയ എഞ്ചിൻ എത്തിച്ച ശേഷമേ അനന്തപുരി എക്സ്പ്രസിന് യാത്ര തുടരാൻ കഴിയൂ. ഇതോടെ മറ്റ് സർവീസുകളുടെ സമയക്രമവും മാറ്റുമെന്നാണ് റെയിൽവേയുടെ അറിയിപ്പ്. ഷോർട്ട് സർക്യൂട്ടാണ് തീപിടുത്തത്തിന്റെ കാരണമെന്നാണ് പ്രാഥമിക നിഗമനം.
Read Moreഅഷ്ടമുടി കായല് മലിനം; പരിസ്ഥിതി ആഘാത റിപ്പോര്ട്ട് രണ്ടാഴ്ചയ്ക്കകം നല്കാന് നിയമസഭാ സമിതി നിര്ദേശം
കൊല്ലം: അഷ്ടമുടി കായല് മലിനമാകുന്നതുമായി ബന്ധപ്പെട്ട പരാതികള് പരിഗണിച്ച് പരിസ്ഥിതി ആഘാത പഠന റിപ്പോര്ട്ട് 15 ദിവസത്തിനകം സമര്പ്പിക്കാന് നിയമസഭാ പരിസ്ഥിതി സമിതി നിര്ദേശിച്ചു. മുല്ലക്കര രത്നാകരന് എംഎല്എ അധ്യക്ഷനായ സമിതി ഇന്നലെ കളക്ട്രേറ്റ് കോണ്ഫറന്സ് ഹാളില് സിറ്റിംഗ് നടത്തിയശേഷം കായലിന്റെ വിവിധ മേഖലകളില് സന്ദര്ശനവും നടത്തി. എംഎല്എമാരായ പി.ടി.എ റഹിം, കെ. ബാബു, കെ.വി. വിജയദാസ് എന്നിവരാണ് സംഘത്തിലുണ്ടായിരുന്നത്. സിറ്റിംഗില് പരിസ്ഥിതി സംഘടനകളുടെ പ്രതിനിധികള് കായലിന്റെ അവസ്ഥ സംബന്ധിച്ച തെളിവുകള് സമിതിക്ക് നല്കി. വിവിധ മേഖലകളില് കായലില് മാലിന്യം തള്ളുന്നതിനെക്കുറിച്ചുള്ള പരാതികളാണ് പ്രധാനമായും ഉയര്ന്നത്. കായലില് അറവ് മാലിന്യം കണ്ടെത്തിയതായും പരിസ്ഥിതി പ്രവര്ത്തകര് അറിയിച്ചു. പരാതികള് പരിഗണിച്ച് കര്ശന പരിശോധനയും കുറ്റക്കാര്ക്കെതിരെ ശിക്ഷാനടപടിയും സ്വീകരിക്കണമെന്ന് സമിതി നിര്ദേശിച്ചു. എല്ലാ വകുപ്പുകളും ചേര്ന്നുള്ള പ്രവര്ത്തനം സജീവമാക്കണം. കായലിലെ മണലെടുപ്പ്, മത്സ്യസമ്പത്ത് തുടങ്ങിയവ സംബന്ധിച്ച വിവരങ്ങള് ശാസ്ത്രീയമായി ശേഖരിക്കണം.…
Read Moreസര്വംസഹയായി ഒതുങ്ങാതെ സ്ത്രീകള് അതിജീവനത്തിന്റെ മാതൃകകളാകണമെന്ന് ജെ.മേഴ്സിക്കുട്ടിയമ്മ
കരുനാഗപ്പള്ളി: അതീജീവനത്തിന്റെ മാതൃകകളാകാന് സ്ത്രീകള്ക്ക് കഴിയണമെന്ന് മന്ത്രി ജെ. മേഴ്സിക്കുട്ടിയമ്മ പറഞ്ഞു. കുടുംബശ്രീ ജില്ലാ മിഷന്റെയും കരുനാഗപ്പള്ളി താലൂക്ക് ലൈബ്രറി കൗണ്സിലിന്റെയും സംയുക്താഭിമുഖ്യത്തില് കരുനാഗപ്പള്ളി ടൗണ് ക്ലബില് ആരംഭിച്ച ത്രിദിന റീജിയണല് വിമെന് കോണ്ക്ലേവ് പെണ്ണകം ഉദ്ഘാടനം ചെയ്ത് ചെയ്യുകയായിരുന്നു മന്ത്രി. സര്വംസഹയായി ഒതുങ്ങാതെ സ്വന്തം സുരക്ഷിതത്വം ഉറപ്പാക്കാനും അര്ഹമായത് നേടിയെടുക്കാനും സ്ത്രീകള് പരിശ്രമിക്കണം. പൊതുവിഷയങ്ങള് ഫലപ്രദമായി ഏറ്റെടുത്ത് സമൂഹത്തിന് വഴികാട്ടാന് കഴിയുന്ന ഒരു വനിതാ നേതൃനിര കാലഘട്ടത്തിന്റെ ആവശ്യമാണ്. ഈ ലക്ഷ്യം മുന്നിര്ത്തി കുടുംബശ്രീ നടത്തുന്ന പ്രവര്ത്തനങ്ങള് പ്രശംസാര്ഹമാണെന്ന് മന്ത്രി ചൂണ്ടിക്കാട്ടി. നിശബ്ദമായി സഹിക്കുമ്പോഴാണ് സ്ത്രീകള്ക്ക് വീണ്ടും അതിക്രമങ്ങള് ഏറ്റുവാങ്ങേണ്ടി വരുന്നതെന്നും അതിക്രമങ്ങള്ക്കെതിരെ പ്രതികരിക്കാന് സാധിക്കണമെന്നും മുഖ്യപ്രഭാഷണം നടത്തിയ പി. അയിഷ പോറ്റി എംഎല്എ പറഞ്ഞു. കുടുംബശ്രീ ജില്ലാ മിഷന് കോ-ഓര്ഡിനേറ്റര് എ.ജി. സന്തോഷ് ആമുഖ പ്രഭാഷണം നടത്തി. വിമന് കോണ്ക്ലേവ് സംഘാടക സമിതി ചെയര്പേഴ്സണ്…
Read Moreസര്ക്കാര് നടപ്പാക്കുന്നത് നികുതി ഭാരം അടിച്ചേല്പ്പിക്കാത്ത വികസനമെന്ന് ജി സുധാകരൻ
കൊല്ലം: ജനങ്ങള്ക്ക് നികുതിഭാരം ഒഴിവാക്കിയുള്ള വികസനമാണ് സംസ്ഥാന സര്ക്കാര് നടപ്പിലാക്കുന്നതെന്ന് മന്ത്രി ജി. സുധാകരന് പറഞ്ഞു. ഉമയനല്ലൂര്-കല്ലുവെട്ടാംകുഴി-താഹമുക്ക്-കരിക്കോട്-കേരളപുരം റോഡിന്റെ നിര്മാണോദ്ഘാടനം നിര്വഹിച്ച് പ്രസംഗിക്കുകയായിരുന്നു അദ്ദേഹം. ജനങ്ങളുടെ ആവശ്യമറിഞ്ഞു പ്രവര്ത്തിക്കുന്നതു കൊണ്ടാണ് ഇന്ധന വില വര്ധനയുടെ ഭാരം സര്ക്കാര് ഏറ്റെടുത്തത്. ജില്ലയില് 5000 കോടി രൂപയുടെ വികസനമാണ് പൊതുമരാമത്ത് മേഖലയില് നടപ്പിലാക്കുന്നത്. കടല്ക്ഷോഭം തടയാന് നിര്മിക്കുന്ന പുലിമുട്ടുകള്ക്ക് മാത്രമായി 200 കോടി രൂപയാണ് നല്കുന്നതെന്നും മന്ത്രി പറഞ്ഞു. എല്ലാ റോഡുകളും നിലവാരം ഉറപ്പാക്കിയാണ് നിര്മിക്കുന്നതെന്ന് ചടങ്ങില് അധ്യക്ഷയായ മന്ത്രി ജെ.മേഴ്സിക്കുട്ടിയമ്മ പറഞ്ഞു. കിഫ്ബി റോഡുകളുടെ പൂര്ത്തീകരണം അതിവേഗം നടപ്പിലാവുമെന്നും മന്ത്രി കൂട്ടിച്ചേര്ത്തു. എം. നൗഷാദ് എംഎല്എ, ജില്ലാ പഞ്ചായത്ത് പ്രസിഡന്റ് സി. രാധാമണി, മുഖത്തല ബ്ലോക്ക് പഞ്ചായത്ത് പ്രസിഡന്റ് എസ്. രാജീവ്, ഗ്രാമപഞ്ചായത്ത് പ്രസിഡന്റുമാരായ ജെ. സുലോചന, എസ്. നാസറുദീന്, സുജാത മോഹന്, വിനിത കുമാരി, മറ്റു ജനപ്രതിനിധികള്,…
Read Moreഗൃഹനാഥന്റെ മരണം: പോലീസ് മർദനം മൂലമെന്ന് പരാതി; സംഭവത്തെ കുറിച്ച് അന്വേഷണം നടത്തുമെന്ന് റൂറൽ എസ്പി ബി.അശോകൻ
കൊട്ടാരക്കര: ഓയൂർ ആക്കൽ ലക്ഷ്മീഭവനിൽ സോമൻപിള്ള(55)യുടെ മരണം പോലീസ് മർദനത്തിൽ ഏറ്റ പരിക്കു മൂലമെന്ന് ആരോപണം. 2015ൽ വീടിനു സമീപം തീവയ്പുണ്ടായ കേസിൽ സാക്ഷിയാണ് സോമൻപിള്ളയും ഭാര്യ ലളിതയും. കേസന്വേഷിക്കുന്ന ക്രൈംബ്രാഞ്ച് ഉദ്യോഗസ്ഥർ ഇവരെ കഴിഞ്ഞ 28ന് കൊട്ടാരക്കരയിലെ ഓഫീസിലേക്ക് വിളിച്ചു വരുത്തിയിരുന്നു. ഇവിടെ ചോദ്യം ചെയ്യുന്നതിനിടെ കേസിലെ പ്രതികളുടെ മുന്നിൽ സോമൻപിള്ളയെ മർദിച്ചെന്നു കാട്ടി ഇവർ റൂറൽ എസ്പിക്ക് പരാതി നൽകിയിരുന്നു. തുടർന്ന് മുഖ്യമന്ത്രിക്കും ഡിജിപിക്കും ഇവർ പരാതി നൽകിയിട്ടുണ്ട്. നെഞ്ച് വേദനയെ തുടർന്ന് 28 ന് രാത്രിയിൽ സോമൻപിള്ള താലൂക്കാശുപത്രിയിൽ ചികിത്സ തേടിയിരുന്നു. മുമ്പ് ഹൃദയ ശസ്ത്രക്രീയ നടത്തിയിട്ടുള്ള ആളാണ് സോമൻപിള്ള. പോലീസ് ഉദ്യോഗസ്ഥർക്കെതിരെ പരാതി നൽകിയതിന് പോലീസുകാർ ഭീഷണിപ്പെടുത്തിയെന്നും മകനെ കള്ളക്കേസിൽ കുടുക്കുമെന്ന് ഭീഷണിപ്പെടുത്തുന്ന ഫോൺകോളുകൾ ലഭിച്ചിരുന്നതായും ബന്ധുക്കൾ പറയുന്നു. നെഞ്ചു വേദന കൂടി വരികയും കഴിഞ്ഞ ദിവസം തിരുവനന്തപുരം മെഡിക്കൽ കോളേജാശുപത്രിയിൽ…
Read More