കൊല്ലം: കുളത്തൂപ്പുഴയിൽ എണ്പത്തിയെട്ട് വയസുളള വൃദ്ധയെ ഒപ്പം താമസിക്കുന്ന മകൻ മർദിച്ച് പരിക്കേല്പിച്ച സംഭവത്തിൽ വനിതാ കമ്മീഷൻ സ്വമേധയാ കേസെടുത്തു. തുടർനടപടികൾ സ്വീകരിക്കുന്നതിന് കുളത്തുപ്പുഴ പോലീസ് സ്റ്റേഷൻ ഹൗസ് ഓഫീസറോട് കമ്മീഷൻ റിപ്പോർട്ട് ആവശ്യപ്പെട്ടു. സംഭവവുമായി ബന്ധപ്പെട്ട മാധ്യമവാർത്തകളുടെ അടിസ്ഥാനത്തിലാണ് വനിതാ കമ്മീഷൻ നടപടി. കുളത്തുപ്പുഴ കല്ലുവെട്ടാംകുഴി നാല് സെന്റ് കോളനി റാഹേൽ ഭവനിൽ റാഹേലമ്മയെ മകൻ ബാബുക്കുട്ടി മർദിച്ചതായി കഴിഞ്ഞ ദിവസം മാധ്യമങ്ങൾ റിപ്പോർട്ട് ചെയ്തിരുന്നു
Read MoreCategory: Kollam
കെഎസ്ആർടിസി ബസിൽ യുവതിയെ ശല്യം ചെയ്ത റിട്ടയേർഡ് ജയിൽ വകുപ്പ് ഉദ്യോഗസ്ഥൻ അറസ്റ്റിൽ
വെഞ്ഞാറമൂട്: ബസിൽ യാത്ര ചെയ്യുകയായിരുന്ന യുവതിയെ ശല്യം ചെയ്ത സംഭവത്തിൽ റിട്ട. ജയിൽ വകുപ്പ് ഉദ്യോഗസ്ഥനെ പോലീസ് അറസ്റ്റു ചെയ്തു. കിളിമാനൂർ ഊമൻപള്ളിക്കര സ്വദേശി സലിമിനെയാണ് വെഞ്ഞാറമൂട് പോലീസ് അറസ്റ്റു ചെയ്തത്. ഇന്നലെ വൈകുന്നേരം മൂന്നിനാണ് സംഭവം. കഴക്കൂട്ടത്തു നിന്നും വെഞ്ഞാറമൂട്ടിലേക്ക് പോയ കെഎസ്ആർടിസി ബസിൽ യാത്ര ചെയ്യുകയായിരുന്ന യുവതിയെ ഇതേ ബസിൽ യാത്ര ചെയ്തിരുന്ന സലിം ശല്യപ്പെടുത്തുകയായിരുന്നുവെന്നാണ് പരാതി. ബസ് വെഞ്ഞാറമൂട് സ്റ്റാൻഡിലെത്തിയതോടെ ജീവനക്കാരും യാത്രക്കാരും ചേർന്ന് ഇയാളെ തടഞ്ഞു വയ്ക്കുകയും പോലീസിൽ വിവരമറിയിക്കുകയുമായിരുന്നു. വെഞ്ഞാറമൂട് എസ്ഐ എം.സഹിലിന്റെ നേതൃത്വത്തിലുള്ള സംഘം ഇയാളെ അറസ്റ്റു ചെയ്തു.
Read Moreഇനി കോടതി കയറേണ്ടി വരും; നിയമ ലംഘനത്തിലൂടെ പോകുന്ന വാഹനങ്ങൾ ഇനി കോടതി നടപടികൾ കൂടി നേരേണ്ടി വരുമെന്ന് പോലീസ്
ചവറ : നിയമ ലംഘനത്തിലൂടെ പോകുന്ന വാഹനങ്ങൾ ഇനി കോടതിയിൽ ഹാജരാക്കും. ഇതുമായി ബന്ധപ്പെട്ട നടപടികളുമായി ചവറ പോലീസ് രംഗത്തുവന്നു. അമിതവേഗത, ഇരുചക്രവാഹനത്തിൽ ട്രിപ്പിൾ പോകുന്നവർ , മദ്യപിച്ച് വാഹനമോടിക്കൽ തുടങ്ങി നിയമ ലംഘനം നടത്തി വാഹനങ്ങൾ ഓടിക്കുന്നവരാണ് പിടിക്കപ്പെട്ടാൽ കോടതി കയറേണ്ടത്. നേരത്തെ ഇത്തരത്തിലുള്ളവരെ സ്റ്റേഷനിൽ കൊണ്ട് വന്ന് പിഴ ഒടുക്കി വിടുകയായിരുന്നു പതിവ്. ഇനി മുതൽ വാഹനം കസ്റ്റഡിയിൽ എടുത്ത് കോടതിയിൽ ഹാജരാക്കുമെന്ന് പോലീസ് പറഞ്ഞു. ദേശീയപാതയോരങ്ങളിലും മറ്റും സ്ഥാപിച്ചിട്ടുള്ള കാമറകൾ വഴി വാഹന നമ്പർ എടുത്ത് വീടുകളിൽ പോലീസ് എത്തി വാഹനം കസ്റ്റഡിയിൽ എടുക്കും.<br> തുടർന്ന് വാഹനം കോടതിയിൽ ഹാജരാക്കും .അപകടങ്ങളും മറ്റ് ഇതരകേസുകളും കുറയ്ക്കാനുള്ള ശ്രമത്തിന്റെ ഭാഗമാണ് ഈ നടപടി
Read Moreതനിക്ക് മർദനമേറ്റത് എസ്എഫ്ഐക്കാരിൻ നിന്നെന്ന് പോലീസുകാരൻ; പ്രതികളെ പിടികൂടാനാകാതെ പോലീസ്; ഉടൻ അറസ്റ്റു ചെയ്തില്ലെങ്കിൽ ശക്തമായ സമരമെന്ന് ബിജെപി
ചവറ : പോലീസുക്കാരനു നടുറോഡിൽ മർദന മേറ്റിട്ടും പ്രതികൾക്കായി പോലീസ് ഇരുട്ടിൽ തപ്പുന്നു. ഡ്യൂട്ടി കഴിഞ്ഞു മടങ്ങുകയായിരുന്ന തന്നെ എസ്എഫ്ഐ പ്രവർത്തകരായ ചിലർ പ്രകോപനം കൂടാതെ മർദിച്ചതെന്ന് പോലീസുക്കാരനായ ചവറ സ്വദേശി സുകേഷ് പോലീസിന് നൽകിയ പരാതിയിൽ പറയുന്നു. എന്നാൽ അക്രമം കഴിഞ്ഞ് ദിവസങ്ങൾ കഴിഞ്ഞിട്ടും അക്രമികളെ പിടികൂടാൻ പോലീസിനു കഴിഞ്ഞിട്ടില്ല. ഇതിൽ ബിജെപിയും കോൺഗ്രസും പ്രതിഷേധവുമായി രംഗത്തു വന്നിട്ടുണ്ട്. മുൻ ഏരിയാ സെക്രട്ടി ലോക്ഡ് ഉൾപ്പെടെയുള്ള 10 എസ്എഫ്ഐ പ്രവർത്തകർക്കെതിരെയാണ് ചവറ പോലീസ് കേസെടുത്തിരിക്കുന്നത് . ഇവർ ഒളിവിലാണെന്നാണ് പോലീസ് പറയുന്നത്. എന്നാൽ ഭരണസ്വാധീനമുപയോഗിച്ച് സ്റ്റേഷൻ ജാമ്യത്തിൽ വിടാനുള്ള വകുപ്പാണ് പോലീസ് അധികൃതർ എടുത്തിരിക്കുന്നത്. ഇതിലും പ്രതിഷേധം വ്യാപകമായിട്ടുണ്ട്. അക്രമികളെ ഉടൻ അറസ്റ്റ് ചെയ്തില്ലെങ്കിൽ ശക്തമായ സമരപരിപാടികളുമായി മുന്നോട്ട് പോകുമെന്ന് ബിജെപി നേത്യത്വവും മുന്നറിയിപ്പ് നൽകുന്നു
Read Moreഓപ്പറേഷൻ സാഗർ റാണി ; ആര്യങ്കാവിൽ ഫോർമാലിൻ കലർത്തിയ 9000 കിലോ മത്സ്യം പിടികൂടി
കൊല്ലം: ആര്യങ്കാവ് ചെക്ക് പോസ്റ്റിൽ ഫോർമാലിൻ കലർത്തിയ 9000 കിലോ മത്സ്യം പിടികൂടി. ഓപ്പറേഷൻ സാഗർ റാണിയുടെ ഭാഗമായി ഭക്ഷ്യസുരക്ഷാ വിഭാഗം നടത്തിയ പരിശോധനയിലാണ് മത്സ്യം പിടികൂടിയത്. കൊച്ചിയിലേക്കും കോട്ടയത്തേക്കും കൊണ്ടുവന്നതാണ് ഈ മായം കലർത്തിയ മത്സ്യം. പിടിച്ചെടുത്തവ കൂടുതൽ പരിശോധനകൾക്കായി അയക്കുമെന്ന് അധികൃതർ അറിയിച്ചു.കഴിഞ്ഞ ഞായറാഴ്ച വാളയാർ ചെക്ക് പോസ്റ്റിൽ ഫോർമാലിൻ കലർത്തിയ നാല് ടൺ ചെമ്മീൻ പിടികൂടിയിരുന്നു. തിരുവനന്തപുരം ജില്ലയുടെ വിവിധ പ്രദേശങ്ങളിൽനിന്നും ഫോർമാലിൻ കലർത്തിയ മത്സ്യം പിടിച്ചെടുത്തിരുന്നു. മൃതദേഹങ്ങൾ അഴുകാതെ സൂക്ഷിക്കാൻ ഉപയോഗിക്കുന്ന ലായനിയാണ് ഫോർമാലിൻ.
Read Moreമുൻവൈരാഗ്യത്തെത്തുടർന്ന്എട്ടംഗ സംഘത്തിന്റെ വെട്ടും കുത്തുമേറ്റ് രണ്ടു പേർക്ക് പരിക്ക്
കൊല്ലം: മുൻവൈരാഗ്യത്തെത്തുടർന്ന് ബൈക്കിലെത്തിയ സംഘം രണ്ടുപേരെ വെട്ടിയും കുത്തിയും പരിക്കേൽപ്പിച്ചു. പള്ളിത്തോട്ടം ആറ്റുവാൽ പുരയിടത്തിൽ അജ്മൽ (38), എന്നായാൾക്കും സുഹൃത്തിനുമാണ് പരിക്കേറ്റത്. രണ്ടുപേരെയും കൊല്ലം ജില്ലാആശുപത്രിയിൽ പ്രവേശിപ്പിച്ചു. ഇന്നലെ രാത്രി ഒന്പതോടെ പള്ളിതത്തോട്ടം തടിപ്പാലത്തിന് സമീപമായിരുന്നു ആക്രമണം.പരാതിയെതുടർന്ന് പള്ളിത്തോട്ടം പോലീസ് കേസെടുത്തു. പ്രതികൾക്കെതിരെഅന്വേഷണം ഊർജിതമാക്കി.
Read Moreബാഗിൽ വെടിയുണ്ടകൾ; നെടുമ്പാശേരിയിൽ അമേരിക്കൻ മലയാളി പിടിയിൽ; പുനലൂർ സ്വദേശി തോമസ് ബിജുവാണ് പരിശോധനയിൽ പിടിയിലായത്
നെടുമ്പാശേരി: വിദേശത്തേക്കുപോകാനെത്തിയ യാത്രക്കാരന്റെ ബാഗിൽ അഞ്ച് വെടിയുണ്ടകൾ കണ്ടെത്തി. ഇതിനെ തുടർന്ന് അമേരിക്കൻ മലയാളി പ്രഫസർ സിഐഎസ്എഫിന്റെ പിടിയിലായി. കൊല്ലം പുനലൂർ സ്വദേശി തോമസ് ബിജു (52) ആണ് കൊച്ചി അന്താരാഷ്ട്ര വിമാനത്താവളത്തിൽ സുരക്ഷ പരിശോധനക്കിടെ പിടിയിലായത്. ഇന്നലെ രാത്രി 11 ഒാടെ കൊച്ചിയിൽ നിന്നു സിംഗപ്പൂർ വഴി അമേരിക്കയിലേക്കുള്ള സിംഗപ്പൂർ എയർലൈൻസിൽ യാത്ര ചെയ്യുന്നതിനാണ് തോമസ് ബിജു നെടുമ്പാശേരിയിലെത്തിയത്. ലഗേജ് പരിശോധനയിലാണ് കുടുങ്ങിയത്. ഇതേതുടർന്ന് ഇദ്ദേഹത്തിന്റെ യാത്രയും മുടങ്ങി. ഏറെ കാലമായി അമേരിക്കയിലെ യൂണിവേഴ്സിറ്റിയിൽ പ്രഫസറാണ്. അവധിക്ക് നാട്ടിലെത്തി മടങ്ങിപ്പോകുകയായിരുന്നു. പക്ഷികളെ കൊല്ലുന്നതിന് ഉപയോഗിക്കുന്ന ഉണ്ടകളാണ് കണ്ടെത്തിയത്. പുനലൂരിലെ പഴയ വീട് പൊളിച്ചപ്പോൾ ബാഗിൽ ഉപേക്ഷിച്ചിരുന്ന ഉണ്ടകളാണെന്നും അറിയാതെയാണ് യാത്രാബാഗിൽ പെട്ടെതെന്നുമാണ് തോമസിന്റെ വിശദീകരണം. ഇയാളെ നെടുമ്പാശേരി പൊലീസിന് കൈമാറി. ഇന്ന് കോടതിയിൽ ഹാജരാക്കും.
Read Moreനാലര വയസുള്ള മകളെ പീഡിപ്പിച്ചയാൾക്ക് 17 വർഷം കഠിനതടവും 75000 രൂപ പിഴയും; സംഭവം കൊല്ലത്ത്
കൊല്ലം: നാലരവയസുള്ള മകളെ ലൈംഗീക പീഡനത്തിനിരയാക്കിയ തഴുത്തല സ്വദേശിയായ 32കാരന് പോക്സോ നിയമപ്രകാരം 17 വർഷം കഠിനതടവും 75000 രൂപ പിഴയും ശിക്ഷവിധിച്ചു. കൊല്ലം ഫസ്റ്റ് അഡീഷണൽ സെഷൻസ് കോടതി(പോക്സോ) സ്പെഷ്യൽ ജഡ്ജി ഇ. ബൈജുവിന്േറതാണ് ഉത്തരവ്. പീഡനത്തെക്കുറിച്ച് സൂചന ലഭിച്ചതിനെത്തുടർന്ന് കുട്ടിയുടെ മതാവാണ് കഴിഞ്ഞ വർഷം ജൂലൈ 11ന് കൊട്ടിയം പോലീസ് സ്റ്റേഷനിൽ പരാതി നൽകിയത്. പ്രോസിക്യൂട്ടർമാരായ കെ.പി. ജബ്ബാർ, ജി. സുഹോത്രൻ, അന്പിളി ജബാർ എന്നിവർ പ്രോസിക്യൂഷനുവേണ്ട ി കോടതിയിൽ ഹാജരായി.
Read Moreട്രോളിംഗ് നിരോധനം; ജില്ലയിൽ രാസവസ്തുക്കൾ ചേർത്ത മത്സ്യവിൽപന വ്യാപകമാകന്നു
കൊട്ടാരക്കര: ട്രോളിംഗ് നിരോധനം ആയതോടെ രാസവസ്തുക്കൾ ചേർത്ത മത്സ്യവിൽപന വ്യാപകമാകുന്നു. മത്സ്യ ലഭ്യത കുറഞ്ഞതോടെയാണ് ജില്ലയിൽ ഇത്തരത്തിലുള്ള മത്സ്യ വിൽപന തകൃതിയായി നടന്നു വരുന്നത്. ട്രോളിംഗ് നിരോധനം നിലവിൽ വന്നതോടെ പടിഞ്ഞാറൻ മേഖലയിൽ നിന്നുള്ള മത്സ്യ വരവ് ഗണ്യമായി കുറഞ്ഞിട്ടുണ്ട്. കിഴക്കൻ മേഖലയിലെ ചന്തകളിൽ വൈകുന്നേരത്തുള്ള മത്സ്യ വിൽപന കൊല്ലം മേഖലയിൽ നിന്നുള്ള മത്സ്യ വരവിനെ ആശ്രയിച്ചാണ് പ്രധാനമായും നടന്നു വരുന്നത്. ട്രോളിംഗ് നിരോധനം ആയതോടെ ദിവസങ്ങളോളം പഴക്കമുള്ള മത്സ്യങ്ങളാണ് രാസപ്രയോഗത്തിനു ശേഷം കന്പോളങ്ങളിൽ എത്തുന്നത്. തമിഴ് നാട്ടിലെ തൂത്തുകുടിയിൽ നിന്നാണ് ചന്തകളിൽ ഇപ്പോൾ മീനുകൾ എത്തുന്നത്. ആഴ്ചകൾ കഴിഞ്ഞ മത്സ്യമാണ് ഇവിടെ എത്തുന്നത്. ചന്തകളിൽ എത്തുന്ന മത്സ്യം ചന്തയുടെ പരിസരങ്ങളിലും രഹസ്യ കേന്ദ്രങ്ങളിലും സംഭരിച്ച ശേഷമാണ് ദിവസങ്ങൾ നീളുന്ന കച്ചവടങ്ങൾ നടത്തുന്നത്. ഈ സമയങ്ങളിലെല്ലാം മത്സ്യം കേടാകാതെ സൂക്ഷിക്കുവാനും തിളക്കം കിട്ടുവാനുമായി ഫോർമാലിൻ പോലുള്ള മാരക…
Read Moreഗണേഷ് കുമാർ യുവാവിനെ മർദ്ദിച്ച കേസ് ഒത്തുതീർപ്പിലേക്ക്; ബാലകൃഷ്ണപിള്ളയും എൻഎസ്എസും ചേർന്ന് യുവാവിന്റെ കുടുംബവുമായി ചർച്ച നടത്തി
കൊല്ലം: കാറിന് സൈഡ് നൽകിയില്ലെന്ന് ആരോപിച്ച് കെ.ബി. ഗണേഷ് കുമാർ എംഎൽഎ യുവാവിനെ മർദിച്ച സംഭവം ഒത്തുതീർപ്പിലേക്ക്. കെ. ബാലകൃഷ്ണപിള്ള മുൻകൈയെടുത്താണ് ശ്രമം. ബാലകൃഷ്ണപിള്ളയും എൻഎസ്എസും ചേർന്ന് യുവാവിന്റെ കുടുംബവുമായി ചർച്ച നടത്തി. ഇക്കാര്യം യുവാവിന്റെ കുടുംബം സ്ഥിരീകരിച്ചിട്ടുണ്ട്. അഞ്ചൽ അഗസ്ത്യക്കോട് സ്വദേശി അനന്തകൃഷ്ണനെയാണ് ഗണേഷ് കുമാറും ഡ്രൈവറും ചേർന്ന് മർദിച്ചത്. അനന്തകൃഷ്ണന്റെ അമ്മ ഷീനയെ അസഭ്യം പറയുകയും ചെയ്തിരുന്നു. ഇക്കാര്യം ചൂണ്ടിക്കാട്ടിയാണ് ഇവർ പോലീസിൽ പരാതി നൽകിയത്. കേസിൽ ഷീന മജിസ്ട്രേറ്റിന് രഹസ്യമൊഴി നൽകുകയും ചെയ്തു. ഷീന മൊഴി ഉറച്ചുനിന്നാൽ ജാമ്യമില്ല വകുപ്പ് പ്രകാരം ഗണേഷിനെതിരെ കേസെടുക്കും. ഇതോടെയാണ് കേസ് ഒത്തുതീർക്കാൻ ശ്രമിക്കുന്നത്. അതേസമയം ഇതു സംബന്ധിച്ച വാർത്തകളോട് ഗണേഷ് കുമാറോ ബാലകൃഷ്ണപിള്ളയോ എൻഎസ്എസ് നേതൃത്വമോ പ്രതികരിച്ചിട്ടില്ല.
Read More