പത്തനാപുരം: മനുഷ്യനില് നഷ്ടമാകുന്നത് ജീവിത മൂല്യങ്ങള് അനുഭവങ്ങളിലൂടെ തിരിച്ച് പിടിക്കണമെന്ന് വി. മുരളീധരന് എംപി. പത്തനാപുരം ഗാന്ധിഭവന് സ്നേഹമന്ദിര് ഓഡിറ്റോറിയത്തില് നടന്ന ചടങ്ങില് മികച്ച ജീവകാരുണ്യ സ്ഥാപനത്തിനുള്ള യൂണിവേഴ്സല് റെക്കോര്ഡ് ഫോറത്തിന്റെ ലൈഫ് ടൈം അച്ചീവ്മെന്റ് അവാര്ഡ് ഗാന്ധിഭവന് സമ്മാനിച്ച് പ്രസംഗിക്കുകയായിരുന്നു അദ്ദേഹം. സാങ്കേതികവിദ്യകള് അനുദിനം വര്ധിച്ചുകൊണ്ടിരിക്കുന്ന സമകാലീന സാഹചര്യത്തില് പോലും മനുഷ്യര് അവനവനിലേയ്ക്ക് സ്വയം ചുരുങ്ങുകയാണ്. മനുഷ്യനെ നന്മയിലേയ്ക്ക് നയിക്കാന് ജീവിതാനുഭവങ്ങള് വേണം. പാഠപുസ്തകത്തിലൂടെ ലഭിക്കുന്ന അറിവുകളേക്കാള് ഉപരി ജീവിതത്തില് പ്രായോഗികമാകുന്നത് ജീവിത ഗന്ധിയായ അനുഭവങ്ങള് തന്നെയാണെന്ന് അദ്ദേഹം പറഞ്ഞു. വിശക്കുന്നവന്റെ മുമ്പില് ദൈവം അന്നത്തിന്റെ രൂപത്തിലാണ് പ്രത്യക്ഷപ്പെടുകയെന്നും സ്വന്തം പോരായ്മകള് ചൂണ്ടിക്കാട്ടി നേര്വഴിക്ക് നയിക്കുവാന് ആര് തയാറാകുന്നവോ അവരെ ഗുരുവായി ആദരിക്കുവാന് തയാറാകണമെന്നും അദ്ദേഹം കൂട്ടിച്ചേര്ത്തു. യൂണിവേഴ്സല് റെക്കോര്ഡ് ഫോറത്തിന്റെ അവാര്ഡ് വി.മുരളീധരന് എംപിയില് നിന്നും ഗാന്ധിഭവന് പ്രവര്ത്തകര് ഏറ്റുവാങ്ങി. സംസ്ഥാന വനിതാകമ്മീഷന് മെമ്പര്…
Read MoreCategory: Kollam
രാഖി കെട്ടാൻ നിർബന്ധിച്ചതിനെ എതിർത്ത കോളജ് വിദ്യാർഥിയെ വെട്ടിയ സംഭവം; രണ്ട് ആർഎസ്എസ് പ്രവർത്തകർ പിടിയിൽ
കുണ്ടറ: കോളജ് വിദ്യാർഥിയും എസ്എഫ്ഐ പ്രവർത്തകനുമായ മതിലിൽ അരുൺ ഭവനിൽ അരുൺ കൃഷ്ണനെ (20) വെട്ടി പരിക്കേൽപ്പിച്ച സംഭവത്തിൽ രണ്ട് ആർഎസ്എസ് പ്രവർത്തകരെ അഞ്ചാലുംമൂട് പോലീസ് അറസ്റ്റ് ചെയ്തു. ചവറ തെക്കുംഭാഗം വൃന്ദാവനത്തിൽ വിനു കൃഷ്ണൻ (24), പാലയ്ക്കൽ തറയിൽ വീട്ടിൽ ദീപു (34) എന്നിവരെയാണ് എസ്ഐ ദേവരാജനും സംഘവും അറസ്റ്റ് ചെയ്തത്. കഴിഞ്ഞ 27നായിരുന്നു അരുൺ കൃഷ്ണനെ ഇരുവരും ചേർന്ന് വെട്ടി പരിക്കേൽപ്പിച്ചത്. വീട്ടിൽ നിന്നിറങ്ങിയ അരുണിന് പിന്നാലെയെത്തി രാഖി കെട്ടാൻ നിർബന്ധിച്ചതിനെ എതിർത്തതാണ് അക്രമത്തിന് കാരണമായതെന്ന് പറയപ്പെടുന്നു. കോടതിയിൽ ഹാജരാക്കിയ ഇരുവരെയും റിമാൻഡ് ചെയ്തു. ഇതിനിടെ പ്രതികളെ അറസ്റ്റ് ചെയ്തതറിഞ്ഞ് പോലീസ് സ്റ്റേഷന് മുന്നിലെത്തിയ ഡിവൈഎഫ്ഐ-ആർഎസ്എസ് പ്രവർത്തകർ തമ്മിൽ ഏറ്റുമുട്ടലിന്റെ വക്കിലെത്തി. ഇരുവിഭാഗക്കാരെയും പിരിച്ചുവിടാൻ പോലീസിന് നന്നേ പണിപ്പെടേണ്ടി വന്നു.
Read Moreവർക്കലയിൽ സബ് കളക്ടർ സ്വകാര്യ വ്യക്തിക്ക് കൈമാറിയത് സര്ക്കാര് ഭൂമി തന്നെയെന്ന് റിപ്പോർട്ട്
തിരുവനന്തപുരം: വർക്കലയിലെ സർക്കാർ ഭൂമി സ്വകാര്യ വ്യക്തിക്ക് കൈമാറിയ തിരുവനന്തപുരം മുൻ സബ് കളക്ടർ ദിവ്യ എസ്. അയ്യരുടെ നടപടി തെറ്റാണെന്ന് കണ്ടെത്തൽ. ജില്ലാ സർവേ സൂപ്രണ്ട് നടത്തിയ പരിശോധനയിലാണ് സ്വകാര്യ വ്യക്തിക്ക് കൈമാറിയ സ്ഥലം സർക്കാർ പുറന്പോക്ക് തന്നെയാണെന്ന് കണ്ടെത്തിയത്. വര്ക്കല വില്ലേജിലെ ഇലകമണ് പഞ്ചായത്തിലുള്ള ഭൂമി വിട്ടുകൊടുത്തുകൊണ്ട് ദിവ്യ എസ്. അയ്യർ ഉത്തരവിറക്കിയത്. അയിരൂര് പോലീസ് സ്റ്റേഷന് നിര്മിക്കാന് സര്ക്കാര് തീരുമാനിച്ച സ്ഥലമായിരുന്നു ഇത്. നിയമമനുസരിച്ച് നോട്ടീസ് നല്കി നടപടി ക്രമങ്ങള് പൂര്ത്തിയാക്കിയായിരുന്നു റവന്യൂ വകുപ്പ് സ്ഥലം ഏറ്റെടുത്തത്. എന്നാൽ ഇതിനെതിരെ സ്ഥലമുടമ ജെ. ലിജി ഹൈക്കോടതിയെ സമീപിച്ചിരുന്നു. പരാതിക്കാരിക്ക് പറയാനുള്ളത് കേട്ട് നടപടിയെടുക്കാന് റവന്യൂ ഡിവിഷണല് ഓഫീസറായ സബ് കളക്ടറെ ചുമതലപ്പെടുത്തി ഹൈക്കോടതി ഉത്തരവിട്ടിരുന്നു. ഇതിന്റെ അടിസ്ഥാനത്തിലാണ് സ്ഥലം ഏറ്റെടുത്ത തഹസില്ദാറുടെ നടപടി റദ്ദ് ചെയ്ത് സബ് കളക്ടര് ഉത്തരവിട്ടത്.
Read Moreറേഡിയോ ജോക്കി വധം; മുഖ്യപ്രതികളിൽ ഒരാളായ അപ്പുണി ഉപയോഗിച്ച ആയുധം കണ്ടെത്തി
കൊല്ലം: മുന് റേഡിയോ ജോക്കി മടവൂര് സ്വദേശി രാജേഷിനെ വെട്ടിക്കൊലപ്പെടുത്തിയ കേസില് മുഖ്യപ്രതികളിൽ ഒരാളായ അപ്പുണി ഉപയോഗിച്ച ആയുധം കണ്ടെത്തി. കൂട്ടുപ്രതിയായ സനുവിന്റെ കൊല്ലം വള്ളക്കീഴിലെ പുരയിടത്തിൽ നിന്നാണ് വാൾ കണ്ടെത്തിയത്. അപ്പുണ്ണിയുമായി അന്വേഷണ സംഘം തെളിവെടുപ്പ് നടത്തുകയാണ്. കൊലപാതകത്തില് നേരിട്ടു പങ്കെടുത്ത അപ്പുണ്ണി ചൊവ്വാഴ്ചയാണ് അറസ്റ്റിലായത്. കായംകുളത്തെ ബന്ധുവിന്റെ വീട്ടിൽ ഒളിവിൽ കഴിയുകയായിരുന്ന അപ്പുണ്ണിയെ കഴിഞ്ഞ ദിവസം രാത്രിയിലാണ് പ്രത്യേക അന്വേഷണ സംഘം കസ്റ്റഡിയിലെടുത്തത്. രാജേഷ് വധത്തിന്റെ ആസൂത്രണം മുതലുളള എല്ലാകാര്യങ്ങളിലും പ്രധാനപങ്ക് വഹിച്ചയാളാണ് അപ്പുണ്ണിയെന്ന് പോലീസ് പറയുന്നത്. മാര്ച്ച് 27 ന് പുലര്ച്ചെ രണ്ട് മണിക്ക് മുഹമ്മദ് സ്വാലിഹ്, അപ്പുണ്ണി, തന്സീര് എന്നിവരാണു മടവൂരിലെത്തി രാജേഷിനെ കൊലപ്പെടുത്തിയത്. കേസിലെ ഒന്നാംപ്രതി കൊലപാതകത്തിന് ക്വട്ടേഷന് നല്കിയ ഖത്തർ വ്യവസായി സത്താറാണ്. ഇയാളെ നാട്ടിലെത്തിക്കാന് പോലീസ് ശ്രമം തുടരുകയാണ്.
Read Moreസിപിഎമ്മിലെ ഭിന്നത വീണ്ടും മറനീക്കി; വി.എസിനെ തള്ളി കോടിയേരി; കോൺഗ്രസിനെ വേണ്ടേ വേണ്ട…
തിരുവനന്തപുരം: സിപിഎം പാർട്ടി കോൺഗ്രസ് ബുധനാഴ്ച ഹൈദരാബാദിൽ തുടങ്ങാനിരിക്കവെ സിപിഎമ്മിലെ ഭിന്നത വീണ്ടും മറനീക്കിപുറത്തു വന്നു. മതേതര കക്ഷികളുമായി സഖ്യം വേണമെന്ന മുതിർന്ന സിപിഎം നേതാവും ഭരണപരിഷ്കാര കമ്മീഷൻ ചെയർമാനുമായ വി.എസ്.അച്യുതാനന്ദന്റെ നിലപാട് തള്ളി പാർട്ടി സംസ്ഥാന സെക്രട്ടറി കോടിയേരി ബാലകൃഷ്ണൻ രംഗത്തെത്തി. ബിജെപിയെ തോൽപിക്കാൻ കോൺഗ്രസ് സഖ്യം ആവശ്യമില്ലെന്ന് കോടിയരി തുറന്നടിച്ചു. ഈ വിഷയത്തിലെ നിലപാട് പാർട്ടി നേരത്തെ വ്യക്തമാക്കിയിട്ടുള്ളതാണെന്നും അദ്ദേഹം കൂട്ടിച്ചേർത്തു.
Read Moreഭാരതത്തിന്റെ മതേതരത്വ മുഖം വീണ്ടെടുക്കുവാൻ ജന മനസുണരണമെന്ന് എൻ.കെ പ്രേമചന്ദ്രൻ എംപി
ചവറ : ഭാരതത്തിന്റെ നഷ്ടമായിക്കൊണ്ടിരിക്കുന്ന മതേതരത്വ മുഖം വീണ്ടെടുക്കുവാൻ ജന്മനസുണരണമെന്ന് എൻ.കെ.പ്രേമചന്ദ്രൻ എംപി അഭിപ്രായപ്പെട്ടു. ജവഹർ ബാലജനവേദി ചവറമണ്ഡലം കമ്മിറ്റിയുടെ ആഭിമുഖ്യത്തിൽ ഊഞ്ഞാൽ എന്നപേരിൽ കൊട്ടുകാട് സംഘടിപ്പിച്ച സർഗാത്മക ക്യാമ്പ് ഉദ്ഘാടനംചെയ്ത് പ്രസംഗിക്കുകയായിരുന്നു എംപി. ആസിഫയുടെ ഘാതകരെ വിട്ടയക്കുവാൻ രണ്ടു ബിജെപി മന്ത്രിമാർ തെരുവിലിറങ്ങിയത് ഇന്ത്യൻ ജനാധിപത്യത്തെ കളങ്കപ്പെടുത്തുന്ന പ്രവർത്തിയാണെന്നും അദ്ദേഹം പറഞ്ഞു. ബാലജനവേദി ചവറ ബ്ലോക്ക് ചെയർമാൻ എ. സാദിഖ് അധ്യക്ഷനായിരുന്നു. രണ്ടാം തവണയും മികച്ച പാർലമെന്റേറിയൻ അവാർഡ് നേടിയ എൻ.കെ.പ്രേമചന്ദ്രൻ എംപിയേയും വനം വകുപ്പിന്റെ വനമിത്ര പുരസ്കാരജേതാവ് സുമൻജിത്ത്മിഷയേയും യോഗത്തിൽ ആദരിച്ചു. ഗ്രാമപഞ്ചായത്ത് പ്രസിഡന്റ് ലളിത, കോൺഗ്രസ് മണ്ഡലം പ്രസിഡണ്ട് ബാബു ജി.പട്ടത്താനം , യൂത്ത്കോൺഗ്രസ് ബ്ലോക്ക് പ്രസിഡന്റ് ശരത് പട്ടത്താനം, എൻ.രാജു, ബി.ശങ്കരനാരായണപിള്ള , കുറ്റിയിൽ സാലിയത്, ഷംസുദീൻ, നസീർ അഹമ്മദ്, നാസിം, കണ്ണൻ, അൽത്താഫ് എഫ് എന്നിവർ പ്രസംഗിച്ചു. തുടർന്ന് വിവിധ…
Read Moreസ്കൂൾ പ്രിൻസിപ്പലിന്റെ ആത്മഹത്യ: കുറ്റക്കാർക്കെതിരെ മാതൃകാപരമായ ശിക്ഷണ നടപടി സ്വീകരിക്കണമെന്ന് ആവശ്യപ്പെട്ട് എംപി മുഖ്യമന്ത്രിക്ക് കത്ത് നൽകി
കൊല്ലം: അഷ്ടമുടി ഹയർ സെക്കന്ററി സ്കൂളിലെ പ്രിൻസിപ്പാൾ ശ്രീദേവിയുടെ ആത്മഹത്യയ്ക്ക് സാഹചര്യമൊരുക്കിയ സംഭവങ്ങളെ സംബന്ധിച്ച് സത്യസന്ധവും നീതിപൂർവവുമായ അന്വേഷണം നടത്തി കുറ്റക്കാർക്കെതിരെ മാതൃകാപരമായ ശിക്ഷണ നടപടി സ്വീകരിക്കണമെന്ന് ആവശ്യപ്പെട്ട് എൻ.കെ.പ്രേമചന്ദ്രൻ എംപി മുഖ്യമന്ത്രിക്ക് കത്ത് നൽകി. സ്കൂളിൽ മദ്യപിച്ച വിദ്യാർഥികളെ താക്കീത് നൽകിയതിലുള്ള വിരോധം നിമിത്തം വിദ്യാർഥിയുടെ ബന്ധുക്കളിലൊരാളായ പോലീസ് ഉദ്യോഗസ്ഥന്റെ ഭീഷണിയാണ് ആത്മഹത്യയ്ക്ക് നിർബന്ധിതമായതെന്ന ബന്ധുക്കളുടെ സംശയം ദൂരീകരിക്കുവാൻ ഉന്നതല അന്വേഷണം അനിവാര്യമാണ്. പോലീസ് ഉദ്യോഗസ്ഥൻ സംശയത്തിന്റെ നിഴലിൽ നിൽക്കുന്ന കേസിൽ സഹായികളായി ചില അധ്യാപകരും പ്രവർത്തിക്കുന്നു എന്ന പരാതി ഉണ്ടായിട്ടും നിഷ്പക്ഷമായ അന്വേഷണം നടത്തുന്നതിൽ പോലീസ് വീഴ്ച വരുത്തുന്നു. അധ്യാപകർക്കുനേരേ നിരന്തരമായുണ്ടാകുന്ന അതിക്രമങ്ങൾ സംസ്ഥാനത്ത് വ്യാപകമാകുന്ന സാഹചര്യത്തിൽ ശ്രീദേവിയുടെ മരണകാരണം സംബന്ധിച്ച് അന്വേഷണം നടത്തുന്നതിലെ ദുരൂഹത ഒഴിവാക്കാൻ സത്വരനടപടി സ്വീകരിക്കണമെന്നും എംപി ആവശ്യപ്പെട്ടു.
Read Moreസ്കൂൾ-കോളജ് വിദ്യാർഥികൾക്കിടയിൽ കഞ്ചാവ് വിൽപന; മുന്ന് പേർ പിടിയിൽ
കൊട്ടാരക്കര: കൊട്ടാരക്കരയില വിവിധ സ്ഥലങ്ങളിലെ സ്കൂൾ കോളേജ് പരിസരങ്ങൾ കന്ദ്രീകരിച്ച് കഞ്ചാവ് വിൽപ്പന നടത്തിവന്നിരുന്ന മൂന്ന് പേരെ കൊട്ടാരക്കര എക്സൈസ് റെയ്ഞ്ച് സംഘം പിടികൂടി. പിടിയിലായവരിൽ നിന്നും വാഹനവും മൂന്ന് കിലോ കഞ്ചാവും പിടിച്ചെടുത്തു. ചക്കുവരക്കൽ തലച്ചിറ ചക്കാലക്കുന്ന് പീലിക്കോട് മേലേതിൽ ഹനീഫ, കോട്ടവട്ടം മാക്കന്നൂർ പ്ലാവിള വീട്ടിൽ രാജീവ്, പുനലൂർ വാളക്കോട് തുമ്പോട്ട് ഊറ്റുകുഴിൽ നാസർ എന്നിവരെയാണ് പിടികൂടിയത്. വെട്ടിക്കവല, തലച്ചിറ , കോട്ടവട്ടം, ചക്കുവരക്കൽ, എന്നീ സ്ഥലങ്ങളിലെ സ്കൂൾ – കേളേജ് പരിസരങ്ങൾ കേന്ദ്രീകരിച്ച് കുറച്ചു കാലമായി കഞ്ചാവിന്റെ ചില്ലറ വിൽപ്പന നടന്നു വരുന്നതായി എക്സൈസിന് വിവരം ലഭിച്ചിരുന്നു. പ്രതികളെ കോടതിയിൽ ഹാജരാക്കി. എക്സൈസ് റേഞ്ച് ഇൻസ്പെക്ടർ ബെന്നി ജോർജ്, പ്രിവന്റീവ് ഓഫീസർമാരായ ബി ആർ പ്രദീപ് കുമാർ, ജി സുരേഷ് കുമാർ, എം എസ് ഗിരീഷ്, ഗ്രേഡ് പ്രിവന്റീവ് ഓഫീസർ ഷിലു എ…
Read Moreമാധ്യമ പ്രവർത്തകരെ സമ്മർദത്തിലാക്കി വരുതിയിൽ നിർത്താൻ കേന്ദ്രസർക്കാരിന്റെ ശ്രമം അപലപനീയം: എംപി
കൊല്ലം: മാധ്യമ പ്രവർത്തകരെ സമ്മർദത്തിലാക്കി വരുതിയിൽ നിർത്താൻ കേന്ദ്രസർക്കാർ നടത്തിയ ശ്രമം അപലപനീയമാണെന്ന് എൻ.കെ.പ്രേമചന്ദ്രൻ എംപി. എല്ലാ ജനവിഭാഗങ്ങളിൽ നിന്നും ഉയർന്ന പ്രതിഷേധം കണക്കിലെടുത്താണ് പത്രമാരണ ഉത്തരവ് പിന്നീട് സർക്കാർ പിൻവലിച്ചതെന്നും അദ്ദേഹം കൂട്ടിച്ചേർത്തു. ജില്ലയിലെ വ്യാപാരി വ്യവസായികളുടെ മുഖപത്രമായ ബാലൻസ് മാസികയുടെ വാർഷികാഘോഷം ഉദ്ഘാടനം ചെയ്ത് പ്രസംഗിക്കുകയായിരുന്നു എംപി. ചടങ്ങിൽ എസ്.രമേശ്കുമാർ ടി.എം.എസ് മണി അധ്യക്ഷത വഹിച്ചു. പതിനഞ്ച് വർഷം ബാലൻസ് മാസികയ്ക്ക് പിന്നിൽ പ്രവർത്തിച്ചവരെ എം.നൗഷാദ് എംഎൽഎ ആദരിച്ചു. യുഎൻ ഇൻഫർമേഷൻ സെന്ററിന്റെ ബെസ്റ്റ് ജേർണലിസ്റ്റ് പുരസ്കാര ജേതാവ് പെരുമൺ എൻജിനീയറിംഗ് കോളജിലെ രണ്ടാം സെമസ്റ്റർ കന്പ്യൂട്ടർ സയൻസ് വിദ്യാർഥി പരവൂർ കുറുമണ്ടൽ ശ്രീരാഗത്തിൽ എസ്.ഐ.ആദിത്യനെയും ചടങ്ങിൽ പൊന്നാട അണിയിച്ച് ആദരിച്ചു. ഡോ.എ.യൂനുസ്കുഞ്ഞ്, വ്യാപാരി വ്യവസായി ഏകോപന സമിതി ജില്ലാ പ്രസിഡന്റ് എസ്.ദേവരാജൻ, ജനറൽ സെക്രട്ടറി ജി.ഗോപകുമാർ, മുൻ ജനറൽ സെക്രട്ടറി എം.എസ്.ബാബു, മുഹമ്മദ്…
Read Moreകടയുടമയായ വയോധികനെ തള്ളിയിട്ട് മാല കവർന്ന കേസിലെ പ്രതി പിടിയിൽ
കൊട്ടാരക്കര : കൊട്ടാരക്കര വല്ലം മാമൂട്ടില് സ്റ്റേഷനറികടയില് കയറി കടയുടമയായ വയോധികനെ തള്ളിയിട്ട് നാലര പവനന്റെ സ്വര്ണമാല കവര്ന്ന കേസിലെ പ്രതി പത്തനംതിട്ട കടമ്മിനിട്ട അടിയാനി പുന്നമൂട്ടില് വീട്ടില് അജ്മല് (25) നെ പോലീസ് അറസ്റ്റ് ചെയ്തു . കഴിഞ്ഞ ശനിയാഴ്ച്ച ഉച്ചകഴിഞ്ഞ് മൂന്നോടെ വെള്ളം ആവശ്യപെട്ട് കടയില് എത്തിയ പ്രതി വയോധികനായ കടയുടമയെ തള്ളിയിട്ട് മാല അപഹരിച്ച് ബൈക്കില് രക്ഷപെടുകയായിരുന്നു . സംഭവം കണ്ടു നിന്ന നാട്ടുകാര് വിവരം നല്കിയതിന്റെ അടിസ്ഥാനത്തില് പോലീസ് നടത്തിയ അന്വേഷണത്തിലാണ് പ്രതി പിടിയിലാകുന്നത് . മോഷ്ടിച്ച സ്വര്ണം കൊട്ടാരക്കരയിലെ ജുവലറിയില് ഒരു സ്ത്രീയുടെ സഹായത്തോട് കൂടി വില്ക്കുകയായിരുന്നുവെന്ന് പ്രതി പോലീസിനോട് സമ്മതിച്ചിട്ടിട്ടുണ്ട് . കൊട്ടാരക്കര ഡിവൈഎസ്പി ജെ .ജേക്കബിന്റെ നിര്ദേശപ്രകാരം സിഐ ഒ.എ സുനില്, എസ് ഐ സി .കെ മനോജ് , അഡി.എസ് ഐ നവാസ്, എഎസ്…
Read More