തിരുവനന്തപുരം: കൊല്ലം അഞ്ചലിൽ മദ്യലഹരിയിൽ ഐജിയെയും പോലീസ് ഡ്രൈവറെയും കണ്ടെത്തിയ സംഭവത്തിൽ ഇരുവർക്കുമെതിരെ സംസ്ഥാന പോലീസ് മേധാവി കൊല്ലം റൂറൽ എസ്പിയോടു റിപ്പോർട്ട് തേടി. ഇരുവർക്കുമെതിരേ വകുപ്പുതല നടപടി സ്വീകരിക്കുന്നതിനു മുന്നോടിയായാണു ഡിജിപി ലോക്നാഥ് ബെഹ്റ റിപ്പോർട്ട് തേടിയത്. കഴിഞ്ഞ ദിവസം വൈകുന്നേരം അഞ്ചരയോടെയാണ് അഞ്ചൽ തടിക്കാട് റോഡിനു സമീപത്തുനിന്നു ക്രൈംബ്രാഞ്ച് ഐജിയെയും ഡ്രൈവറെയും അഞ്ചൽ പോലീസ് കസ്റ്റഡിയിലെടുത്തത്. ഔദ്യോഗിക വാഹനം റോഡ് സൈഡിൽ പാർക്ക് ചെയ്തിരുന്നതു ശ്രദ്ധയിൽപ്പെട്ട പട്രോളിംഗ് സംഘമാണു ക്രൈംബ്രാഞ്ച് ഐജി ജയരാജ്, ഡ്രൈവർ സന്തോഷ് എന്നിവരെ മദ്യലഹരിയിൽ കണ്ടെത്തിയത്.
Read MoreCategory: Kollam
പിഎസ്സിയുടെ ആദ്യ വനിതാ എസ്ഐ പരീക്ഷ; ഒന്നാം റാങ്ക് കരസ്ഥമാക്കി ശാസ്താം കോട്ട സ്റ്റേഷനിലെ വനിതാ പോലീസ് ഓഫീസർ പ്രതിഭാ നായർ
സന്തോഷ് പ്രിയൻ കൊല്ലം: കാക്കിക്കുപ്പായത്തിലെ റാങ്കിന് പത്തരമാറ്റിന്റെ തിളക്കം. പിഎസ്സി ആദ്യമായി നടത്തിയ വനിതാ എസ്ഐ തസ്തികയിലേക്കുള്ള പരീക്ഷയിൽ ആദ്യ റാങ്ക് നേടിയതിന്റെ സന്തോഷത്തിലാണ് കൊല്ലം വനിതാപോലീസ് സ്റ്റേഷനിലെ സിവിൽ പോലീസ് ഓഫീസർ ആശ്രാമം ഉളിയക്കോവിൽ വൈദ്യശാലാ നഗർ 34 മംഗലത്ത് വീട്ടിൽ പ്രതിഭാ നായർ. ശാസ്താംകോട്ട സ്റ്റേഷനിലെ വനിതാ സിവിൽ പോലീസ് ഓഫീസറായ ധന്യയ്ക്കാണ് രണ്ടാം റാങ്ക്. പോലീസ് സേനയിലുളളവർക്ക് എഴുതാവുന്ന വിഭാഗത്തിൽ പ്രമോഷൻ വഴിയല്ലാതെയാണ് വനിതാ സബ് ഇൻസ്പെക്ടർ സ്ഥാനം പ്രതിഭയെ തേടിയെത്തിയത്. ജനറൽ തസ്തികയിലേക്കാണ് പിഎസ്സി പരീക്ഷ നടത്തിയത്. തൃശൂർ പോലീസ് അക്കാഡമിയിൽ ഒമ്പതുമാസത്തെ ട്രെയിനിംഗിനും നാലു മാസത്തെ പ്രായോഗിക പരിശീലനത്തിനും ശേഷം ഇവർ ക്രമസമാധാനചുമതലയുള്ള എസ്ഐമാരായി ചുമതലയേൽക്കും. 2007ൽ കൊല്ലം ഈസ്റ്റ് സ്റ്റേഷനിൽ വനിതാ സിവിൽ പോലീസ് ഓഫീസറായാണ് പ്രതിഭയുടെ ആദ്യനിയമനം. പിന്നീട് 2017 ജനുവരിയിൽ തുടങ്ങിയ പിങ്ക് പോലീസിലും കുറേനാൾ…
Read Moreസ്കൂൾ കെട്ടിടത്തിൽ നിന്നു വീണു പരിക്കേറ്റ ഗൗരി നേഹയ്ക്ക് ചികിത്സ നിഷേധിച്ചിട്ടില്ലെന്ന് ആശുപത്രി അധികൃതർ
കൊല്ലം: സ്കൂൾ കെട്ടിടത്തിൽ നിന്നു വീണു പരിക്കേറ്റ ഗൗരി നേഹയ്ക്ക് ചികിത്സ നിഷേധിച്ചിട്ടില്ലെന്ന് ആശുപത്രി അധികൃതർ. രക്തസമ്മർദം കുറവായതിനാലാണ് മറ്റ് ആശുപത്രി നിർദേശിക്കാതിരുന്നതെന്നും കേസന്വേഷണവുമായി സഹകരിക്കുമെന്നും അധികൃതർ അറിയിച്ചു. നേരത്തെ, കുട്ടിക്ക് നാലു മണിക്കൂറോളം ചികിത്സ ലഭിച്ചിരുന്നില്ലെന്നും, വിശദമായ സ്കാനിംഗ് നടത്തിയില്ലെന്നും പോലീസ് പറഞ്ഞിരുന്നു. ഇതിനു പിന്നാലെയാണ് അധികൃതർ വിശദീകരണവുമായി രംഗത്തെത്തിയത്. ആലാട്ടുകാവ് കെ. പി. ഹൗസിൽ പ്രസന്നകുമാറിന്റെ മകൾ ഗൗരി തിങ്കളാഴ്ച തിരുവനന്തപുരത്തെ സ്വകാര്യ ആശുപത്രിയിലാണ് മരിച്ചത്. ട്രിനിറ്റി ലൈസിയം സ്കൂളിലെ പത്താം ക്ലാസ് വിദ്യാർഥിനിയായിരുന്നു. കഴിഞ്ഞ വെള്ളിയാഴ്ച ഉച്ചകഴിഞ്ഞ് ഒന്നരയോടെയാണ് ഗൗരി സ്കൂൾ കെട്ടിടത്തിൽ നിന്നു വീണത്. തലയ്ക്കും നട്ടെല്ലിനും ഗുരുതരമായി പരിക്കേറ്റ് അബോധാവസ്ഥയിലാണ് ആശുപത്രിയിൽ പ്രവേശിപ്പിച്ചത്.
Read Moreകൊല്ലം ജില്ലയിൽ ചൊവ്വാഴ്ച വിദ്യാഭ്യാസ ബന്ദ്; പോലീസ് ലാത്തിചാർജിൽ പ്രതിഷേധിച്ച് കെഎസ് യു ആണ് ബന്ദ് നടത്തുന്നത്
കൊല്ലം: പോലീസ് ലാത്തിച്ചാർജിൽ പ്രതിഷേധിച്ച് കൊല്ലം ജില്ലയിൽ ചൊവ്വാഴ്ച വിദ്യാഭ്യാസ ബന്ദ് കെഎസ്യുവാണ് ബന്ദിന് ആഹ്വാനം ചെയ്തത്. വിദ്യാർഥിനി സ്കൂൾ കെട്ടിടത്തിൽനിന്ന് ചാടി മരിച്ച സംഭവത്തിൽ പ്രതിഷേധിച്ച് കെഎസ്യു നടത്തിയ മാർച്ചിനു നേരെയാണ് തിങ്കളാഴ്ച പോലീസ് ലാത്തിച്ചാർജുണ്ടായത്. വിദ്യാർഥിനി മരിച്ച സംഭവത്തിലെ കുറ്റക്കാർക്കെതിരേ നടപടിയെടുക്കണമെന്നാവശ്യപ്പെട്ടാണ് മാർച്ച് നടത്തിയത്.
Read Moreസ്കൂൾ കെട്ടിടത്തിൽ നിന്നും ചാടി വിദ്യാർഥിനി ആത്മഹത്യ ചെയ്ത സംഭവം; കൊല്ലം ട്രിനിറ്റി സ്കൂളിൽ സംഘർഷം; പോലീസ് കണ്ണീർ വാതകം പ്രയോഗിച്ചു
കൊല്ലം: വിദ്യാർഥിനി സ്കൂൾ കെട്ടിടത്തിൽനിന്ന് ചാടി മരിച്ച സംഭവത്തിലെ കുറ്റക്കാർക്കെതിരേ നടപടിയെടുക്കണ മെന്നാവശ്യപ്പെട്ട് കൊല്ലം ട്രിനിറ്റി ലൈസിയം സ്കൂളിലേക്ക് വിദ്യാർഥി, യുവജന സംഘടനകൾ നടത്തിയ മാർച്ച് അക്രമാസക്തമായി. എസ്എഫ്ഐ, കെഎസ്യു, യൂത്ത് കോണ്ഗ്രസ് പ്രവർത്തകരാണ് മാർച്ച് നടത്തിയത്. മാർച്ചിൽ പോലീസിനു നേരെ കല്ലേറുണ്ടായി. പ്രതിഷേധക്കാരെ പിരിച്ചുവിടാൻ പോലീസ് കണ്ണീർ വാതകം പ്രയോഗിച്ചു. മാധ്യമപ്രവർത്തകരുൾപ്പെടെ നിരവധിപ്പേർക്ക് പരിക്കേറ്റതായാണ് വിവരം. സ്കൂളിലെ മൂന്നാം നിലയിൽനിന്ന് ചാടിയ പത്താംക്ലാസ് വിദ്യാർഥിനി ഗൗരിമേഘ തിങ്കളാഴ്ച രാവിലെയാണ് മരിച്ചത്. പെണ്കുട്ടിയുടെ പിതാവിന്റെ മൊഴിയുടെ അടിസ്ഥാനത്തിൽ സ്കൂളിലെ രണ്ട് അധ്യാപികമാർക്കെതിരേ ആത്മഹത്യാപ്രേരണ കുറ്റത്തിന് പോലീസ് കേസെടുത്തിരുന്നു. ഇവർ രണ്ടുപേരും ഒളിവിലാണ്.
Read Moreഭര്ത്താവിന്റെ വീട്ടില് താമസിക്കണം! കോടതി ഉത്തരവുമായി എത്തിയ യുവതിക്ക് പോലീസ് സ്റ്റേഷന് മുന്നില് ഭര്ത്താവിന്റെ ബന്ധുക്കളുടെ മര്ദനം; സംഭവം കുളത്തൂപ്പുഴയില്
കുളത്തൂപ്പുഴ: ഭർതൃവീട്ടിൽ താമസിക്കുന്നതിന് കോടതി മുഖേന പോലീസ് സംരക്ഷണവും സഹായവും ആവശ്യപ്പെട്ട് പോലീസ് സ്റ്റേഷനിൽ എത്തിയ യുവതിയെ പോലീസിന്റെ മുന്നിൽ ഭർത്താവിൻെറ ബന്ധുക്കൾ ക്രൂരമായി മർദിച്ചതായി പരാതി. കിളിമാനൂർ തട്ടത്തുമല പഴയകുന്നുമേൽ ചരുവിള പുത്തൻ വീട്ടിൽ സന്ധ്യക്കാണ് മർദനമേറ്റത്. ഇന്നലെ വൈകുന്നേരം കുളത്തൂപ്പുഴ സ്റ്റേഷന് മുന്നിലാണ് സംഘം ചേന്ന് യുവതിയെ മർദിച്ചത്. സന്ധ്യയുടെ ഭർത്താവ് ശശികുമാർ ബന്ധുക്കളായ രജനീഷ്കുമാർ, സജീവ്, ഗോമതി, ശാരദ, മഞ്ചു, രജിത സഞ്ചു എന്നിവരെ പ്രതി ചേത്ത് കുളത്തൂപ്പുഴ സിഐക്ക് സന്ധ്യ പരാതി നൽകിയിട്ടുണ്ട്. ഭർത്താവ് ഉപേക്ഷിച്ച് പോയതോടെ വീട്ടിൽ നിന്നും ഇറങ്ങേണ്ടി വന്ന സന്ധ്യ ജീവനാംശത്തിനായി കോടതിയെ സമീപിക്കുകയായിരുന്നു. ആറ്റിങ്ങൾ ജുഡീഷ്യൽ ഫസ്റ്റ് ക്ലാസ് മജിസ്ട്രേറ്റ് കോടതി ഉത്തരവുമായാണ് സന്ധ്യ കഴിഞ്ഞ ദിവസം കുളത്തൂപ്പുഴയിൽ എത്തിയത്.
Read Moreപേടിച്ചൊരു ഗ്രാമം..!പുലിയിറങ്ങി വളര്ത്തു മൃഗങ്ങളെ കൊന്നു; കാവലിനായി നിർത്തി യിരുന്ന നായയെ പുലികടിച്ചുകൊണ്ടുപോയി
പത്തനാപുരം : പുലിയിറങ്ങി വളര്ത്തു മൃഗങ്ങളെ കൊന്നു. രണ്ട് പോത്തുകളെ പുലി കൊല്ലുകയും ഒരു പട്ടിയെ പിടിച്ചുകൊണ്ടുപോകുകയും ചെയ്തു. വെരുകുഴി തോട്ടത്തില് വീട്ടില് കെ.സി.ചെറിയാന്റെ ഉടമസ്ഥതയിലുള്ള പോത്തുകളെയാണ് പുലി പിടിച്ചത്.വ്യാഴാഴ്ച രാത്രി ഏഴോടെയായിരുന്നു സംഭവം.ചെറിയാന് സമീപത്തെ തോട്ടത്തില് വേലി കെട്ടിയാണ് പോത്തുകളെ വളര്ത്തിയിരുന്നത്. നാല്പത് പോത്തുകളാണ് ആകെ ഉണ്ടായിരുന്നത്. അതിനുള്ളില് കയറി പുലി പോത്തുകളെ ആക്രമിക്കുകയായിരുന്നു.പോത്തുകളുടെ കഴുത്ത് കടിച്ച് മുറിച്ചനിലയിലാണ്.തുടര്ന്ന് കാവലിനായി കെട്ടിയിരുന്ന പട്ടിയെയും കൊണ്ടുപോയി.ശബ്ദം കേട്ട് നാട്ടുകാര് ഓടികൂടിയപ്പോഴേക്കും പുലി കാട്ടിലേക്ക് കയറിയിരുന്നു.പത്തനാപുരം റേഞ്ചിലെ വെള്ളംതെറ്റി ഫോറസ്റ്റ് ഓഫീസിന്റെ അധീനതയില് വരുന്ന ഈ പ്രദേശത്ത് രണ്ടാഴ്ചയ്ക്കുള്ളില് രണ്ടാം തവണയാണ് പുലിയിറങ്ങുന്നത്. ഒന്നിലധികം പുലി ഉണ്ടായിരുന്നതായും സംശയം ഉണ്ട്.
Read Moreകേക്കിൽ കൈവച്ചെന്ന് പറഞ്ഞ് വിദ്യാർഥിയെ കച്ചവടക്കാരൻ ക്രൂരമായി മർദിച്ചു;സാരമായി പരിക്കേറ്റ കുട്ടിയെ ആശുപത്രിയിൽ പ്രവേശിപ്പിച്ചു
കൊട്ടാരക്കര: ഒമ്പതാംക്ലാസ് വിദ്യാർഥിയെ കച്ചവടക്കാരൻ ക്രൂരമായി മർദിച്ചതായി പരാതി. കുളക്കട ഗവ. വി എച്ച് എസ് എസിലെ ഒമ്പതാം ക്ലാസ് വിദ്യാർഥിയായ ഏനാത്ത് ഇറങ്ങ്മംഗലം താരാ ഭവനിൽ മോഹനന്റെയും താരയുടെയും മകൻ അക്ഷയിയെ ആണ് കച്ചവടക്കാരൻ മർദിച്ചതായി പരാതി. സ്കൂളിന് സമീപത്ത് ബേക്കറി നടത്തുന്ന ശശിയാണ് കടയിൽ വെച്ചിരുന്ന കേക്കിനു മേൽ കൈവെച്ചു എന്ന കാരണം പറഞ്ഞ് മർദിച്ചതത്രെ. ഇന്നലെ വൈകുന്നേരം 4 30 നാണ് സംഭവം. സ്കൂൾ വിട്ടു കടയിൽ കയറി സാധനം വാങ്ങി തിരിച്ചിറങ്ങിയ അക്ഷയയെ കടയിലേക്ക് വിളിച്ചു കയറ്റി മർദിക്കുകയായിരുന്നുവെന്ന് പറയുന്നു. കഴുത്ത് പിടിച്ച് വലിക്കുകയും ചെയ്തു.തലയ്ക്കും കഴുത്തിനും ചെവിയിലും മുഖത്തും സാരമായി പരുക്കേറ്റു. വിദ്യാർഥി കൊട്ടാരക്കര താലൂക്ക് ആശുപത്രിയിൽ ചികിത്സയിലാണ്. രക്ഷിതാക്കൾ പുത്തൂർ പോലീസിൽ പരാതി നൽകി.
Read Moreഞാൻ എന്ത് ചെയ്താലും ഇങ്ങനെയാ..! ഹർത്താൽ ദിനത്തിൽ സഞ്ചാരസ്വാതന്ത്ര്യം തടസപ്പെടുത്തിയതിനെതിരേ ബിന്ദു കൃഷ്ണയ്ക്കെതിരെ കേസ്
കൊല്ലം: യുഡിഎഫ് ഹര്ത്താലിനിടെ വാഹനങ്ങള് തടഞ്ഞ മഹിളാകോണ്ഗ്രസ് സംസ്ഥാന അധ്യക്ഷയും കൊല്ലം ഡിസിസി പ്രസിഡന്റുമായി ബിന്ദു കൃഷ്ണയ്ക്കെതിരെ കേസെടുത്തു. ഹര്ത്താലിനിടെ സഞ്ചാരസ്വാതന്ത്ര്യം തടസപ്പെടുത്തിയതിനാണ് കേസ് രജിസ്റ്റര് ചെയ്തത്. ഹര്ത്താല്ദിനത്തില് ബിന്ദു കൃഷ്ണ വാഹനയാത്രികരെ തടയുന്നതും ഭീഷണിപ്പെടുത്തുന്നതുമായ ദൃശ്യങ്ങള് പുറത്തുവന്നിരുന്നു. ഇതേതുടര്ന്നാണ് കോണ്ഗ്രസ് നേതാവിനെതിരേ കേസ് രജിസ്റ്റര് ചെയ്തത്. ഈസ്റ്റ് പോലീസാണ് കേസ് രജിസ്റ്റര് ചെയ്തത്. ബിന്ദുകൃഷ്ണയ്ക്ക് പുറമെ നൂറോളം കോണ്ഗ്രസ് പ്രവര്ത്തകര്ക്കെതിരേയും കേസെടുത്തിട്ടുണ്ട്. സഞ്ചാരസ്വാതന്ത്ര്യം തടഞ്ഞതിനെതിരെയുള്ള വകുപ്പ് അനുസരിച്ചാണ് കേസെടുത്തത്.
Read Moreവനിതാ പ്രസിഡന്റിന്റെ നാട്ടിൽ..! ഹർത്താൽ ദിനത്തിൽ വാഹനത്തിലെത്തിയ കോൺഗ്ര സുകാർ ഓട്ടോറിക്ഷയിലെത്തിയ ഗർഭിണിയെയും കുടുംബത്തെയും ഇറക്കിവിട്ടു
കൊല്ലം: ഓട്ടോ തടഞ്ഞുനിർത്തി ഗർഭിണിയായ യുവതിയെയും കുടുംബത്തെയും ഇറക്കിവിട്ടതായി പരാതി. കുണ്ടറയിൽ നിന്നും കൊല്ലം വിക്ടോറിയ ആശുപത്രിയിലേക്ക് വന്ന യുവതിയെയും മകനെയും അമ്മയെയുമാണ് കടപ്പാക്കട- ചിന്നക്കട റോഡിൽ ഉപാസന ആശുപത്രിക്ക് മുന്നിൽ ബൈക്കിലെത്തിയ യൂത്ത് കോണ്ഗ്രസുകാർ തടയുകയും ഓട്ടോയിൽ നിന്നും ഇറക്കിവിടുകയും ചെയ്തതായി പറയുന്നത്. രാവിലെ ഒന്പതോടെയാണ് സംഭവം. തുടർന്ന് ഇവരെ മറ്റൊരു ഓട്ടോ ഡ്രൈവർ ആശ്രാമം റോഡിലൂടെ വിക്ടോറിയ ആശുപത്രിക്ക് സമീപം എത്തിച്ചു. തിരികെവന്ന ഓട്ടോ ചിന്നക്കടയിൽ യുഡിഎഫുകാർ തടഞ്ഞുനിർത്തി ഡ്രൈവറെ മർദിച്ചതായും പരാതി യുണ്ട്. പോളയത്തോട് വയലിത്തോപ്പിൽ എം എച്ച് ഷിബുവിനാണ് മർദനമേറ്റത്. ഇയാൾ ജില്ലാ ആശുപത്രിയിൽ ചികിൽസ തേടി. ഷിബു കൊല്ലം ഈസ്റ്റ് പോലീസിൽ പരാതി നൽകി.
Read More