കുളത്തൂപ്പുഴ: ബൈക്കിൽനിന്ന് തെറിച്ചുവീണ് യുവാവ് മരിച്ചു. കുളത്തൂപ്പുഴസാംനഗർ സ്വദേശി ഷിബു (35) ആണ് മരിച്ചത്. ഇന്ന് രാവിലെ ഒന്പതോടെ ഏഴംകുളത്തായിരുന്നു അപകടം. നിർമാണ തൊഴിലാളിയായ ഷിബു സുഹൃത്തിനോടൊപ്പം ബൈക്കിൽവരികയായിരുന്നു. ലോറിയെ മറികടക്കാൻ ശ്രമിക്കുന്നതിനിടയിൽ എതിരെവന്ന കാറ് കണ്ട് ബ്രേക്ക് പിടിച്ചതോടെ ബൈക്കിന് പിറകിലിരുന്ന ഷിബു തെറിച്ച് റോഡിലേക്കുവീണു. തലയ്ക്ക് പരിക്കേറ്റ ഷിബു വിനെ ഉടൻസ്വകാര്യ ആശുപത്രിയിലെത്തിച്ചെങ്കിലും ജീവൻ രക്ഷിക്കാനായില്ല. മൃതദേഹം താലൂക്ക് ആശുപത്രി മോർച്ചറിയിൽ.
Read MoreCategory: Kollam
രക്ഷതേടി കുട്ടികൾ പോലീസ് സ്റ്റേഷനിൽ..! ആംഗൻവാടിക്കു സമീപത്തെ കടന്നൽ കൂട് ഭീഷണിയാവുന്നു; കുട്ടികളെ പുറത്തിറക്കാതെ ടീച്ചർമാർ
കരുനാഗപ്പള്ളി: ആംഗൻവാടിക്ക് സമീപത്തെ കൂറ്റൻ കടന്നൽകൂട് ഭീഷണിയാവുന്നു. ഇരുപതോളം കുട്ടികൾ പഠിക്കുന്ന റോഡിന് ഓരം ചേർന്ന് നിൽക്കുന്ന സ്ഥലത്താണ് കടന്നൽകൂട് ഭീഷണിയാവുന്നത്. കരുനാഗപ്പള്ളി തറയിൽ മുക്കിനു സമീപമുള്ള തൈയ്ക്കാവിന്റെ സമീപത്തെ നാൽപത്തിനാലാം നമ്പർ ആംഗൻവാടിയ്ക്കു സമീപമാണ് ഭീഷണി ഉയർത്തി കടന്നൽകൂട് രൂപം കൊണ്ടിരിക്കുന്നത്. ആംഗൻവാടിയുടെ അടുക്കള ഭാഗത്തോടു ചേർന്ന് സ്വകാര്യ വ്യക്തിയുടെ വീടിനോടു ചേർന്നുള്ള മാവിലാണ് കൂറ്റൻ കടന്നൽകൂട്. മൂന്നു മാസം മുമ്പ് വീട്ടുടമസ്ഥനെ വിവരം അറിയിച്ചെങ്കിലും ഗൗരവത്തിലെടുത്തില്ലെന്നും അധ്യാപകരും രക്ഷകർത്താക്കളും പറയുന്നു. ഇപ്പോൾ കൂട് വലുതായതോടെ കുട്ടികളെ ആംഗൻവാടിക്ക് പുറത്തിറക്കാതെ കതകടച്ചിരിക്കുകയാണ് ആംഗൻവാടി പ്രവർത്തകർ. ഭക്ഷണം പാകം ചെയ്യാൻ വെള്ളമെടുക്കാൻ പോലും പുറത്തിറങ്ങാൻ പോലുമാവാത്ത സ്ഥിതിയാണ്. ഇതുകാരണം പിഞ്ചു കുട്ടികളെ ആംഗൻവാടിയിലേക്കയക്കാൻ രക്ഷകർത്താക്കളും ഭയപ്പെടുകയാണ്. പ്രശ്ന പരിഹാരത്തിനായി കരുനാഗപ്പള്ളി പോലീസിൽ പരാതി നൽകി കാത്തിരിക്കുകയാണ്.
Read Moreമരുമകന്റെ മർദനമേറ്റ അമ്മായിയമ്മയുടെ നില ഗുരുതരം; മദ്യപാനിയായ ഇയാളുടെ ഉപദ്രവം സഹിക്കാതെ ഭാര്യ അമ്മയുടെ കൂടെയാണ് കഴിഞ്ഞിരുന്നത്; ഇവിടെ വെച്ചായിരുന്നു ക്രൂരമർദനം
ശാസ്താംകോട്ട: മദ്യലഹരിയിലെത്തിയ മരുമകൻ അമ്മായി അമ്മയെ ക്രൂരമായി മർദിച്ച് കൊലപ്പെടുത്താൻ ശ്രമിച്ചതായി പരാതി. മൈനാഗപ്പള്ളി തോട്ടുംമുഖം പുത്തൻപുര വടക്കതിൽ വിജയമ്മ(65)യ്ക്കാണ് മർദനമേറ്റത്. ഗുരുതരമായി പരിക്കേറ്റ ഇവരെ ശാസ്താംകോട്ട താലൂക്കാശുപത്രിയിൽ പ്രവേശിപ്പിച്ചു. സംഭവവുമായി ബന്ധപ്പെട്ട് പോലീസ് കസ്റ്റഡിയിലെടുത്ത മരുമകൻ മൈനാഗപ്പള്ളി കിണറുവിള കിഴക്കതിൽ സതീഷ് (38)നെ ശാസ്താംകോട്ട കോടതി റിമാൻഡ് ചെയ്തു. തിങ്കളാഴ്ച രാവിലെ 11 ഓടെയായിരുന്നു സംഭവം. വിജയമ്മയുടെ മകൾ അനിതയുടെ ഭർത്താവാണ് സതീഷ്. മദ്യപാനിയായ സതീഷിന്റെ പീഡനം മൂലം അനിത കുടുംബവീട്ടിലാണ് കഴിയുന്നത്. ഇടയ്ക്കിടെ ഇവിടെയെത്തി ഇയാൾ പ്രശ്നങ്ങൾ സൃഷ്ടിക്കുന്നത് പതിവാണ്. സംഭവ ദിവസം മദ്യപിച്ചെത്തിയ സതീഷ് വിജയമ്മയെ മുറിയിലേക്ക് പിടിച്ചു വലിച്ചിട്ടശേഷം വാക്കത്തി ഉപയോഗിച്ച് വെട്ടുകയും തലയ്ക്കടിച്ച് വീഴ്ത്തുകയുമായിരുന്നുവെന്ന് പോലീസ് പറഞ്ഞു. ക്രൂരമായ മർദനത്തെ തുടർന്ന് ഇവരുടെ ഇടതു കൈ ഒടിയുകയും തലയ്ക്ക് പൊട്ടൽ ഉണ്ടാകുകയും ചെയ്തിട്ടുണ്ട്. കണ്ണുകൾക്കും മുഖത്തും സാരമായ പരിക്കേറ്റിട്ടുണ്ട്.
Read Moreഎസ്ഐയെ ആക്രമിച്ച കുഴൽപ്പണ സംഘത്തിലെ നാലുപേർ പിടിയിൽ; പ്രധാന പ്രതിക്കായി തിരച്ചിൽ; പണത്തിന്റെ ഉറവിടത്തെക്കുറിച്ച് പോലീസ് അന്വേഷണം തുടങ്ങി
പാറശാല: പാറശാലക്കു സമീപം ഇഞ്ചിവിളയിൽ നിന്നും തമിഴ്നാട് പോലീസ് പിടികൂടിയ കുഴൽപ്പണം എസ്ഐ യെ ആക്രമിച്ചു തട്ടിയെടുത്തു കടന്നുകളഞ്ഞ സംഘത്തിലെ നാലുപേരെ പോലീസ് അറസ്റ്റുചെയ്തു. ഇടിച്ചക്കപ്ലാമൂട് ഫാത്തിമ കോട്ടേജിൽ അസീം (40 ) , ഇഞ്ചിവില എസ് പി മൻസിലിൽ പീരുമുഹമ്മദ് (24 ),ഇടിച്ചക്കപ്ലാമൂട് പ്രാക്കത്തേരി വീട്ടിൽ ഫിറോസ് ഖാൻ (30 ) ഇടിച്ചക്കപ്ലാമൂട് പുരയ്ക്കോട്ടുകോണം അജീബ് (38 ) എന്നിവരാണ് അറസ്റ്റിലായത്. പുതുക്കട എസ് ഐ റോബർട്ട് ജെയ്നിനെ ആക്രമിച്ച സംഭവത്തിലാണ് അറസ്റ്റ് . ഇക്കഴിഞ്ഞ ഏഴിനാണ് സംഭവം . സംഭവത്തെ കുറിച്ച് പോലീസ് ഭാഷ്യം : കേസ് അന്വേഷണത്തിന്റെ ഭാഗമായി പുതുക്കട എസ്ഐ മാർത്താണ്ഡത്തു നിൽക്കവേ ബൈക്കിൽ രണ്ടുകോടി രൂപയുടെ ഹവാലപ്പണം കടത്തുന്നു എന്ന രഹസ്യ വിവരം ലഭിച്ചു.ഇതനുസരിച്ച് പണവുമായി വന്ന ഇരുചക്ര വാഹനം നിർത്താൻ കൈകാണിച്ചുവെങ്കിലും ,നിർത്താതെ പോയതിനാൽ , സ്വന്തം ബൈക്കിൽ…
Read Moreകൂവീ പായും തീവണ്ടി..! 2018ൽ കൊല്ലം-ചെങ്കോട്ട റെയിൽപാതയിലൂടെ ചെന്നൈയിലേക്ക് ട്രെയിൻ സർവീസ്
തെന്മല: നവവൽസര സമ്മാനമായി 2018 ൽ കൊല്ലം-ചെങ്കോട്ട റയിൽപാതയിലൂടെ ചെന്നൈയിലേക്ക് ട്രെയിൻ സർവീസ് ആരംഭിക്കുമെന്ന് എൻകെ പ്രേമചന്ദ്രൻ എംപി അറിയിച്ചു. കൊല്ലം-ചെങ്കോട്ട ഗേജ്മാറ്റ പ്രവർത്തിയിൽ പൂർത്തീകരിക്കാനുണ്ട ായിരുന്ന ന്യൂ ആര്യങ്കാവ് മുതൽ ഇടമണ് വരെയുള്ള ഭാഗം പണി പൂർത്തീകരണഘട്ടത്തിലാക്കി ട്രെയിൻ എഞ്ചിന്റെ പരീക്ഷ ണ ഓട്ടം വിജയകരമായി പൂർത്തീകരിച്ചു. 2017 ജൂലൈ 12ന് നടന്ന ഉന്നതതല യോഗത്തിൽ 2017 ഡിസംബറിൽ ലൈൻ കമ്മീഷൻ ചെയ്യുമെന്നാണ് ദക്ഷിണ റയിൽവേ അറിയിച്ചത്. തീരുമാനപ്രകാരം ഡിസംബറിൽ കമ്മീഷൻ ചെയ്യും എന്ന ഉറപ്പ് പാലിക്കപ്പെടുമെന്നതിന്റെ സൂചകമാണ് എഞ്ചിന്റെ പരിശോധനാ ഓട്ടം വിജയകരമായി പൂർത്തീകരിച്ചത്. ന്യൂ ആര്യങ്കാവ് മുതൽ ഇടമണ് വരെയുള്ള 21 കിലോമീറ്റർ ദൂരം പരിശോധന നടത്തിയതിലൂടെ പുനലൂർ ചെങ്കോട്ട ഗേജ്മാറ്റ പ്രവർത്തികൾ പൂർത്തീകരണ ഘട്ടത്തിലായി. രാവിലെ 10.30 ന് ചെങ്കോട്ടയിൽ നിന്ന് പുറപ്പെട്ട എഞ്ചിൻ 11.05 ന് ന്യൂ ആര്യങ്കാവിലെത്തി. എൻകെ…
Read Moreകുരുന്നുകൾക്ക് ഭീഷണിയായി അമൃതവും..! ആംഗൻവാടിയിൽ വിതരണം ചെയ്ത അമൃതം പൊടിയിൽ ചത്തപല്ലി;
പത്തനാപുരം: ആംഗൻവാടിയില് വിതരണം ചെയ്ത അമൃതം പൊടിയില് ചത്തപല്ലിയെന്ന് ആക്ഷേപം. പിറവന്തൂര് അഞ്ചാം നമ്പര് ആംഗന്വാടിയില് നിന്നും വിതരണം ചെയ്ത അമൃതംപൊടിയില് നിന്നുമാണ് പല്ലിയുടെ അവശിഷ്ടങ്ങള് ലഭിച്ചത്. പിറവന്തൂര് പുളിമൂട്ടില് വീട്ടില് രാധികയുടെ മകന് രണ്ടേകാല് വയസുള്ള ആദിദേവിന് ലഭിച്ച അമൃതംപൊടി വീട്ടിലെത്തിച്ച് പൊട്ടിച്ചപ്പോഴാണ് ചത്ത പല്ലിയുടെ അവശിഷ്ടം കണ്ടത്. പുനലൂര് ഐക്കരക്കോണം കേന്ദ്രമാക്കി പ്രവര്ത്തിക്കുന്ന കുടുംബശ്രീ യൂണിറ്റിന്റെ പേരിലുള്ള സ്ഥാപനമാണ് മേഖലയില് ആംഗന്വാടികളില് അമൃതംപൊടി എത്തിക്കുന്നത്. സാമൂഹ്യക്ഷേമ വകുപ്പിന് കീഴിലുള്ള ഐസിഡിഎസിനാണ് ആംഗന്വാടികളുടെ ചുമതല. ഐസിഡിഎസ് ഭക്ഷ്യവസ്തുക്കളടക്കമെത്തിക്കുന്നതിന് ഇത്തരം സ്ഥാപനങ്ങള്ക്ക് കരാർ നല്കുകയാണ് പതിവ്. കരാര് അടിസ്ഥാനത്തില് എത്തിക്കുന്ന ഭക്ഷ്യസാധനങ്ങള്ക്ക് വേണ്ടത്ര ഗുണമേന്മയില്ലെന്ന ആരോപണം മുന്പും ഉണ്ടായിട്ടുണ്ട്.
Read Moreപോലീസിന്റെ വിശദീകരണം ഇങ്ങനെ..! മകളെ പിതാവ് പീഡിപ്പിച്ച സംഭവം; കേസ് കെട്ടിച്ചമച്ചതാണെന്ന വാദത്തെ പൊളിച്ച് പോലീസ്
പത്തനാപുരം: മകളെ പിതാവ് പീഡിപ്പിച്ച സംഭവം; കേസ് നിയമപരമെന്ന് പോലീസ്. പതിനഞ്ച് വയസുകാരിയായ മകളെ പിതാവ് ലൈംഗികമായി പീഡിപ്പിച്ചുവെന്ന കേസിലാണ് പോലീസിന്റെ സാക്ഷ്യം.പരാതിക്കാരിയായ പെണ്കുട്ടിയും,മാതാവും കേസ് പോലീസ് കെട്ടിച്ചമച്ചതാണെന്ന ആരോപണവുമായി രംഗത്തെത്തിയതോടെയാണ് വിശദീകരണവുമായി പോലീസുമെത്തിയത്. കഴിഞ്ഞ മാസം മുപ്പതിനാണ് കേസിനാസ്പദമായ സംഭവം നടന്നത്.രാത്രിയോടെ സ്റ്റേഷനിലെത്തിയ പെണ്കുട്ടിയും,മാതാവും സ്റ്റേഷനിലെത്തി മദ്യപിച്ചെത്തിയ പിതാവ് ആക്രമിച്ചതായി പരാതി നല്കുകയും കേസെടുത്ത് മജിസ്ട്രേറ്റിന് മുന്നില് ശാരീരിക പീഡനം നടന്നതായി പെണ്കുട്ടി മൊഴി നല്കുകയും ചെയ്തു. എന്നാല് കേസ് കൈവിട്ടൂപോകുന്നുവെന്ന് ബോധ്യപ്പെട്ടതോടെ ചില ബാഹ്യശക്തികളുടെ ഇടപെടലാണ് പോലീസിനെതിരെ ആരോപണമുന്നയിക്കാന് കാരണമെന്നും പത്തനാപുരം പോലീസ് പത്രക്കുറിപ്പില് അറിയിച്ചു.
Read Moreപാര്ട്ടി പത്രമെടുക്കണമെന്ന് സുശീല; വീട്ടില് പാര്ട്ടി പത്രം വരുത്തുന്നുണ്ടെന്ന് സാവിത്രി; പിന്നെ നടന്നത് ലേഡി ഹെല്ത്ത് ഇന്സ്പെക്ടര്മാര് തമ്മില് കൂട്ടത്തല്ലും തെറിവിളിയും
ചവറ: പാർട്ടി പത്രമെടുക്കാത്തതിനെ ചൊല്ലിയുള്ള തർക്കത്തിൽ ആശുപത്രി ജീവനക്കാരിയെ അതേ വകുപ്പിലുള്ള മറ്റൊരു ജീവനക്കാരി മർദ്ദിച്ചതായി പരാതി. തേവലക്കര പ്രാഥമികാരോഗ്യ കേന്ദ്രത്തിലെ ലേഡി ഹെൽത്ത് ഇൻസ്പെക്ടർ സാവിത്രിക്കാണ് ജീവനക്കാരിയുടെ മർദ്ദനമേറ്റത്. തെക്കുംഭാഗം പ്രാഥമികാരോഗ്യ കേന്ദ്രത്തിലെ ലേഡി ഹെൽത്ത് ഇൻസ്പെക്ടറായ സുശീലക്കെതിരെയാണ് തെക്കുംഭാഗം പോലീസിൽ ശാസ്താംകോട്ട ഭരണിക്കാവ് ശിവഗംഗയിൽ സാവിത്രി (52) പരാതി നൽകിയത്. ഇന്നലെ ഉച്ചകഴിഞ്ഞ് 2.30നാണ് സംഭവം. തേവലക്കര പ്രാഥമികാരോഗ്യ കേന്ദ്രത്തിലെത്തിയ സുശീല പത്രം എടുക്കണമെന്ന് ആവശ്യപ്പെട്ടെങ്കിലും വീട്ടിൽ പാർട്ടി പത്രം വരുത്തുന്നുണ്ടെന്ന് പറഞ്ഞ് ഒഴിഞ്ഞതിൽ പ്രകോപിതയായി തന്നെ മർദിക്കുകയായിരുന്നു എന്ന് ചികിത്സയിലുള്ള സാവിത്രി പറയുന്നു. നിരവധി അസഭ്യവാക്കുകൾ പറഞ്ഞ് കൊണ്ട് രണ്ട് തവണ തന്നെ പിടിച്ചു തെള്ളിയെന്നും സാവിത്രി പറഞ്ഞു . എൻജിഒ യൂണിയന്റെ സംസ്ഥാന ഭാരവാഹിയാണന്ന് പറഞ്ഞായിരുന്നു ആക്രോശവും അക്രമവുമെന്ന് തെക്കുംഭാഗം പോലിസിൽ നൽകിയ പരാതിയിൽ പറയുന്നു. മർദന വിവരം ആശുപത്രി അധികൃതരെ…
Read Moreമൃതദേഹത്തില് മുറിവുകളും ക്ഷതങ്ങളുമായി 13 ഓളം അടയാളങ്ങള്; മരണകാരണം ശ്വാസകോശത്തില് നിറഞ്ഞ വെള്ളവും ചെളിയും; സിന്ജോമോന്റെ പോസ്റ്റുമോര്ട്ടം റിപ്പോര്ട്ട് പുറത്ത്
അത്തിക്കയം: മടന്തമണ് മമ്മരപ്പള്ളിൽ സിൻജോമോന്റെ (21) ദുരൂഹമരണവുമായി ബന്ധപ്പെട്ട പോസ്റ്റുമോർട്ടം റിപ്പോർട്ട് പുറത്തുവന്നു. മൃതദേഹത്തിൽ മുറിവുകളും ക്ഷതങ്ങളുമായി 13 ഓളം അടയാളങ്ങൾ ഉണ്ടായിരുന്നതായി റിപ്പോർട്ടിൽ പറയുന്നു. ശ്വാസകോശത്തിൽ നിറഞ്ഞ വെള്ളവും ചെളിയുമാണ് മരണകാരണമായി ചൂണ്ടിക്കാട്ടുന്നതെന്ന് വടശേരിക്കര സിഐ പറഞ്ഞു. ബൈക്കിൽ സഞ്ചരിക്കവേ അപകടമുണ്ടായതായും കുളത്തിലിറങ്ങി മുഖം കഴുകാൻ ശ്രമിക്കുന്നതിനിടെ കാൽവഴുതി വീണ് മരണം സംഭവിച്ചതാകാമെന്നുമാണ് പോലീസ് നിഗമനം. എന്നാൽ ബന്ധുക്കളും നാട്ടുകാരും ഇത് വിശ്വസിക്കുന്നില്ല. പോസ്റ്റുമോർട്ടം റിപ്പോർട്ടിലുള്ള തെളിവുകളുടെ അടിസ്ഥാനത്തിൽ കേസ് സിബിഐയ്ക്കോ ക്രൈെംബ്രാഞ്ചിനോ വിടണമെന്ന് ആക്ഷൻ കൗണ്സിൽ കണ്വീനർ കെ.എസ്. ഫിലിപ്പ് ആവശ്യപ്പെട്ടു
Read Moreകേസെടുക്കാന് വ്യവസ്ഥയുണ്ട്! അഞ്ചുവയസുകാരിയെ പീഡിപ്പിച്ചെന്ന പരാതിയില് പരിശോധിക്കാന് വിസമ്മതിച്ച ഡോക്ടര്ക്കെതിരേ കേസ്; ഡോ. ഗംഗയും ഡോ. ലേഖയും കുടുംങ്ങും
പത്തനംതിട്ട: അഞ്ചുവയസുകാരിയെ പീഡിപ്പിച്ചെന്ന പരാതിയിൽ കോഴഞ്ചേരിയിലെ ജില്ലാ ആശുപത്രിയിലെത്തിച്ചപ്പോൾ പരിശോധനയ്ക്കു വിസമ്മതിച്ച ഗൈനക്കോളജിസ്റ്റ് ഡോ.ഗംഗയ്ക്കെതിരെ കോഴഞ്ചേരി സിഐ കേസെടുത്തു. കുട്ടിയുടെ ബന്ധുക്കൾ നൽകിയ പരാതിയിലും പത്തനംതിട്ട ജുഡീഷൽ മജിസ്ട്രേറ്റ് കോടതി (രണ്ട്) പുറപ്പെടുവിച്ച ഉത്തരവിന്റെയും അടിസ്ഥാനത്തിലാണ് കേസ്. പോസ്കോ നിയമപ്രകാരമാണ് ഡോ.ഗംഗയ്ക്കെതിരേ കേസെടുത്തിരിക്കുന്നതെന്ന് പോലീസ് അറിയിച്ചു. ജില്ലാ ആശുപത്രിയിലെ മറ്റൊരു ഗൈനക്കോളജിസ്റ്റ് ഡോ.ലേഖയുടെ ഡ്യൂട്ടി രജിസ്റ്റർ പരിശോധിച്ചശേഷം നടപടിയുണ്ടാകുമെന്നും പോലീസ് പറഞ്ഞു. ഇത്തരത്തിൽ ഡോക്ടർമാർക്കെതിരെ കേസെടുക്കുന്നത് ആദ്യമായിട്ടായതിനാൽ കേസിന്റെ നിയമവശങ്ങളെക്കുറിച്ച് പോലീസ് ഉപദേശം തേടിയിരുന്നു. പോസ്കോ നിയമപ്രകാരമുള്ള കേസിന്റെ നടപടി ക്രമങ്ങൾ പാലിക്കുന്നതിൽ പാലിക്കുന്നതിൽ വീഴ്ച വരുത്തുന്ന ഉദ്യോഗസ്ഥർക്കെതിരെ കേസെടുക്കാൻ വ്യവസ്ഥയുണ്ട്. നിയമത്തിലെ 166 എ, ബി വകുപ്പുകൾ പ്രകാരം കേസ് നിലനിൽക്കുമെന്ന് നിയമവിദഗ്ധർ ചൂണ്ടിക്കാട്ടി. എന്നാൽ മജിസ്ട്രേറ്റ് കോടതി ഡോക്ടർമാർക്കെതിരെ കേസെടുക്കാൻ നേരത്തെതന്നെ നിർദേശിച്ചിരുന്നതാണ്. കോടതി നിർദേശം വന്നതിനേ തുടർന്ന് ഡോ.ലേഖലയും ഡോ.ഗംഗയും ഹൈക്കോടതിയിൽ മുൻകൂർ…
Read More