കൊച്ചി : കൊല്ലം ട്രിനിറ്റി ലൈസിയം സ്കൂളിലെ പത്താം ക്ലാസ് വിദ്യാർഥിനി സ്കൂൾ കെട്ടിടത്തിൽ നിന്നു വീണുമരിച്ച സംഭവത്തിൽ അധ്യാപികമാർക്കെതിരേ ആത്മഹത്യാ പ്രേരണക്കുറ്റം നിലനിൽക്കുമെന്നു സർക്കാർ ഹൈക്കോടതിയെ അറിയിച്ചു. അധ്യാപികമാരായ ക്രസൻസ് നേവിസ്, സിന്ധു പോൾ എന്നിവർ നൽകിയ മുൻകൂർ ജാമ്യാപേക്ഷ പരിഗണിക്കവെയാണ് പ്രോസിക്യൂഷൻ ഇക്കാര്യം വ്യക്തമാക്കിയത്. അധ്യാപികമാർ ശകാരിച്ചതിനെത്തുടർന്നു പെണ്കുട്ടി ആത്മഹത്യ ചെയ്തതാണെന്ന് സ്കൂളിലെ സിസി ടിവി ദൃശ്യങ്ങൾ പരിശോധിച്ചാൽ വ്യക്തമാകുമെന്നു പ്രോസിക്യൂഷൻ ചൂണ്ടിക്കാട്ടി. ഉച്ചഭക്ഷണം കഴിക്കാനിരുന്ന കുട്ടിയെ മറ്റൊരു ക്ലാസിലേക്ക് കൊണ്ടുപോയി പരസ്യമായി ശാസിച്ചു. ദൃശ്യങ്ങളിൽ നിന്ന് ഇക്കാര്യം വ്യക്തമാണെന്നും കൂടുതൽ വിവരങ്ങൾ ലഭിക്കണമെങ്കിൽ അധ്യാപികമാരെ കസ്റ്റഡിയിൽ ചോദ്യം ചെയ്യേണ്ടത് അനിവാര്യമാണെന്നും പ്രോസിക്യൂഷൻ വാദിച്ചു. വിദ്യാർഥികൾ തമ്മിലുള്ള നിസാരപ്രശ്നം മൂലമാണ് ഗൗരി നേഹ സ്കൂൾ കെട്ടിടത്തിൽ നിന്ന് ചാടി ആത്മഹത്യ ചെയ്തതെന്നും തങ്ങൾക്ക് ഇതിൽ പങ്കില്ലെന്നുമുള്ള അധ്യാപികമാരുടെ വാദം ശരിയല്ലെന്നും സർക്കാർ വ്യക്തമാക്കി.
Read MoreCategory: Kollam
പാഴ്സൽ വാങ്ങിയ ഷവർമയിൽ പുഴു; ഭക്ഷണശാലയിൽ ജീവനക്കാരും ഉപയോക്താവും തമ്മിൽ വാക്കേറ്റം; ഒടുവിൽ നാട്ടുകാർ ഇടപെട്ടതോടെ…
കൊല്ലം: ഭക്ഷണശാലയിൽ നിന്നും വാങ്ങിയ ഷവർമയിൽ പുഴവുനെ കണ്ടുവെന്നാരോപിച്ച് വാക്കേറ്റവും ബഹളവും. ഒടുവിൽ ഫുഡ് സേഫ്റ്റി ഉദ്യോഗസ്ഥർ സ്ഥലത്തെത്തി ഭക്ഷണത്തിന്റെ സാന്പിൾ ശേഖരിച്ച് മടങ്ങി. സംഭവത്തെത്തുടർന്ന് ഇരവിപുരം പോലീസും സ്ഥലത്തെത്തി . ഇന്നലെ രാത്രി ഏഴോടെയാണ് പള്ളിമുക്ക് പോസ്റ്റ് ഓഫീസ് ജംഗ്ഷനിലെ ഭക്ഷണശാലയിൽ പ്രശ്നങ്ങളുടലെടുത്തത്. ഇരവിപുരം സ്വദേശി ഇവിടെ നിന്നും ഷവർമ പാഴ്സലായി വാങ്ങി. വീട്ടിലെത്തിയപ്പോഴാണ് ഇതിൽ പുഴുവിനെ കണ്ടത്. തുടർന്ന് തിരികെ ഭക്ഷണശാലയിലെത്തി ജീവനക്കാരനോട് കാര്യം പറഞ്ഞു. എന്നാൽ ജീവനക്കാരന്റെ ധിക്കാരപരമായ മറുപടിയാണ് ഉപഭോക്താവിനെ പ്രകോപിതനാക്കിയതെന്ന് പോലീസ് പറഞ്ഞു. ഇതേതുടർന്നാണ് ഉപഭോക്താവും ജീവനക്കാരും തമ്മിൽ സംഘർഷാവസ്ഥയിലെത്തിയത്. പ്രശ്നം രൂക്ഷമായതോടെ നാട്ടുകാർ തടിച്ചുകൂടി. ഫുഡ്സേഫ്റ്റി ഉദ്യോഗസ്ഥരെ വരുത്തണമെന്നും കട അടച്ചുപൂട്ടണമെന്നും നാട്ടുകാർ ആവശ്യപ്പെട്ടു. തുടർന്ന് പോലീസും ഫുഡ്സേഫ്റ്റി ഉദ്യോഗസ്ഥരും സ്ഥലത്തെത്തുകയായിരുന്നു. വിൽപനക്കായി വച്ചിരുന്ന ഷവർമ മാറ്റിയ ശേഷം കട തുറന്നുപ്രവർത്തിച്ചു.
Read Moreനടപ്പാലം തകർന്ന് മരിച്ചവരുടെ കുടുംബങ്ങൾക്കുള്ള ധനസഹായം ഉടൻ വിതരണം ചെയ്യാൻ നടപടിയായി
ചവറ: നടപ്പാലം തകർന്നുവീണു മരിച്ച മൂന്ന് കമ്പനി ജീവനക്കാരുടെ കുടുംബങ്ങൾക്കുള്ള ധനസഹായം കൈമാറാനുള്ള നടപടി പൂർത്തിയായി. ആദ്യഘട്ടം 10 ലക്ഷം രൂപ വീതം നൽകാനുള്ള അനുമതിയാണ് സർക്കാരിൽ നിന്നും ലഭ്യമായതെന്ന് കെ എം എം എൽ കമ്പനി അധികൃതർ അറിയിച്ചു. പാലം തകർന്നതിനെ തുടർന്നുണ്ടായ അപകടത്തിൽ 35 പേർ തിരുവനന്തപുരം , കൊല്ലം , കരുനാഗപ്പള്ളി എന്നിവിടങ്ങളിലെ വിവിധ ആശുപത്രികളിൽ ചികിത്സയിലുണ്ട്. ഇതിൽ 20 പേർ കമ്പനി ജീവനക്കാരാണെന്നും 15 പേർ പ്രദേശവാസികൾ ആണെന്നും കമ്പനി അധികൃതർ പറഞ്ഞു. ഇതിൽ ഗുരുതരമായി പരിക്കേറ്റ നാലു പേർ തിരുവനന്തപുരത്തുള്ള രണ്ട് സ്വകാര്യ ആശുപത്രികളിൽ ചികിത്സയിലാണ് . പരിക്കേറ്റവരുടെ ചികിത്സാ ചെലവുകൾ പൂർണമായും കമ്പനിയാണ് വഹിക്കുന്നത്. പരിക്കേറ്റ് വിവിധ ആശുപത്രികളിൽ ചികിത്സയിലുള്ളവരെ കെ എം എം എൽ മാനേജിംഗ് ഡയറക്ടർ കെ.കെ. റോയി കുര്യൻ , യൂണിറ്റ് ഹെഡ് രാഘവൻ…
Read Moreഅന്തോനിയുടെ തോന്ന്യാസം..! നീണ്ടകരയിൽ ഗർഭിണിക്കുനേരെ സിപിഎം നേതാവിന്റെ അക്രമം; യുവതി ആശുപത്രിയിൽ
നീണ്ടകര: കൊല്ലം നീണ്ടകരയിൽ ഗർഭിണിയെയും പോലീസുകാരനെയും മദ്യലഹരിയിൽ അഴിഞ്ഞാടിയ സിപിഎം കൗണ്സിലർ മർദിച്ചു. നീണ്ടകര പഞ്ചായത്ത് വാർഡ് കൗണ്സിലർ അന്തോനിയും സംഘവുമാണ് അക്രമം നടത്തിയത്. വ്യാഴാഴച് വൈകിട്ട് എട്ടരയോടെയായിരുന്നു സംഭവങ്ങളുടെ തുടക്കം. വാഹനം പാർക്ക് ചെയ്യുന്നതിനെ ചൊല്ലിയുള്ള തർക്കത്തെ തുടർന്ന് ഗർഭിണിയടക്കമുള്ളവർ സഞ്ചരിച്ച വാഹനം അന്തോനിയും സംഘവും ആക്രമിച്ചു. ഗർഭിണിയായ സ്ത്രീയെ സംഘം ക്രൂരമായി മർദിച്ചു. തുടർന്നു പോലീസെത്തി സംഘത്തെ പിടികൂടി സ്റ്റേഷനിലേക്കു കൊണ്ടുപോകുകയും മർദനമേറ്റ ഗർഭിണിയെ ആശുപത്രിയിലാക്കുകയും ചെയ്തു. സ്റ്റേഷനിലെത്തിച്ച അന്തോനിയും സംഘവും പോലീസുകാരെ മർദിക്കുകയും അസഭ്യം പറയുകയുമായിരുന്നു. നീണ്ടകര സ്റ്റേഷനിലെ സിവിൽ പോലീസ് ഓഫീസർക്കാണു മർദനമേറ്റത്. ഈ ദൃശ്യങ്ങൾ പകർത്തിയ മാധ്യമപ്രവർത്തകരെ അക്രമി സംഘം അസഭ്യം പറഞ്ഞു.
Read Moreകുട്ടനാടൻ പുഞ്ചയിലെ കൊച്ചുപെണ്ണേ കുയിലാളേ… വഞ്ചിപ്പാട്ടിന്റെ ആവേശക്കൊടുമുടിയിൽ മുകേഷ് എംഎൽഎ യുടെ പാട്ട്
കൊല്ലം: കുട്ടനാടൻ പുഞ്ചയിലെ കൊച്ചുപെണ്ണേ കുയിലാളേ… കേട്ട് പരിചിതമെങ്കിലും എം. മുകേഷ് എം.എൽ.എ പാടിയപ്പോൾ ആവേശം ഇരട്ടിയായി. ചന്പക്കുളം ബേബിയുടെ നേതൃത്വത്തിലുള്ള 17 അംഗ സംഘം പാടിയുണർത്തിയ വഞ്ചിപ്പാട്ടുത്സവത്തിലാണ് എംഎൽഎയും പങ്കു ചേർന്നത്. ആവേശം അലതല്ലിയ അന്തരീക്ഷത്തിൽ ജില്ലയിലെ വിവിധ സ്കൂളുകളിൽ നിന്നെത്തിയ നൂറു കണക്കിന് വിദ്യാർഥികൾ വഞ്ചിപ്പാട്ട് ഏറ്റു പാടി. ജലോത്സവത്തിന് കൊടിയേറാൻ മണിക്കൂറുകൾ മാത്രമാണ് ബാക്കിയെങ്കിലും ഉത്സവാവേശത്തിന്റെ തിരികൊളുത്തലായി മാറി സമൂഹവഞ്ചിപ്പാട്ടാലാപനം. തുടർന്ന് നടന്ന ചടങ്ങിൽ എൻ. കെ. പ്രേമചന്ദ്രൻ എം. പി. അധ്യക്ഷനായി. എം. മുകേഷ് എം. എൽ. എ. ജലസംരക്ഷണ പ്രതിജ്ഞ ചൊല്ലി. എം. നൗഷാദ് എംഎൽഎ വിവിധ മത്സര വിജയികൾക്ക് സമ്മാനങ്ങൾ നൽകി. പ്രസിഡന്റ്സ് ട്രോഫിയുടെ കൾച്ചറൽ കമ്മിറ്റി സംഘടിപ്പിച്ച പരിപാടിക്ക് ചെയർമാൻ എൻ. ജയചന്ദ്രൻ, ഐ. ജി. ഷിലു, സുരേഷ് നാരായണൻ, ജി. ആർ. ഷാജി, ഹബീബ്, റിയാസ്…
Read Moreചവറയിൽ പാലംതകർന്ന് മൂന്നുപേർ മരിച്ചസംഭവം; കായലിൽ വീണ്ടും തിരച്ചിൽ ആരംഭിച്ചു; സംഭവത്തിൽ സമഗ്രമായ അന്വേഷണം നടത്തും
കൊല്ലം: കെ എം എം എം എൽ എം എസ് പ്ലാന്റിലേക്കുള്ള ഇരുമ്പ് നടപ്പാലം തകർന്ന് ടി എസ് കനാലിലേക്ക് പതിച്ച് കമ്പനി ജീവനക്കാരായ മൂന്ന് പേർ മരിച്ച സംഭവത്തെത്തുടർന്ന് വെള്ളത്തിൽ വല്ലവരും അകപ്പെട്ടിട്ടുണ്ടോ എന്നറിയാനായി ഫയർ ഫോഴ്സ് മുങ്ങൽ വിദഗ്ധസംഘമെത്തി രാവിലെ എട്ടുമുതൽ തിരച്ചിൽ തുടങ്ങി. അപകടത്തിൽ 45 പേർക്ക് പരിക്കേറ്റിരുന്നു. പരിക്കേറ്റവർ വിവിധ ആശുപത്രികളിൽ ചികിത്സ തേടി. പന്മന കൊല്ലക കൈരളിയിൽ പരേതനായ പി ആർ ചന്ദ്രശേഖരപിളളയുടെ ഭാര്യ ശ്യാമളാ ദേവിയമ്മ (57), പന്മന മേക്കാട് ഫിലോമിന മന്ദിരത്തിൽ പരേതനായ ക്രിസ്റ്റഫറുടെ ഭാര്യ റെയ്ച്ചൽ എന്നു വിളിക്കുന്ന ആഞ്ചലീന (45), പന്മന മേക്കാട് ജിജിവിൻ വില്ലയിൽ ഡോ. ഷിബുവിന്റെ ഭാര്യ അന്നമ്മ (45) (ഷീന) എന്നിവരാണ് മരിച്ചത്. ഇവരുടെ മൃതദേഹം കരുനാഗപ്പള്ളി താലൂക്ക് ആശുപത്രി മോർച്ചറിയിൽ സൂക്ഷിച്ചിരിക്കുകയാണ്. ഇന്ന് ഉച്ചകഴിഞ്ഞ് സംസ്കാര ചടങ്ങ് ഉണ്ടായേക്കും.…
Read Moreസ്ഥിരമാണല്ലേ..! മദ്യപിച്ച് ഔദ്യോഗിക വാഹനം ഉപയോഗിച്ച ഐജി ജയരാജിന് സസ്പെൻഷൻ; മുൻപ് മദ്യപിച്ച് ട്രെയിനിൽ പ്രശ്നമുണ്ടാക്കിയിട്ടുണ്ട്
തിരുവനന്തപുരം: മദ്യപിച്ച് ഔദ്യോഗിക വാഹനത്തിൽ അപകടകരമായ വിധത്തിൽ സഞ്ചരിച്ച സംഭവത്തിൽ ക്രൈംബ്രാഞ്ച് ഐജി ഐ.ജെ.ജയരാജന് സസ്പെൻഷൻ. സംഭവത്തിൽ ഐജിയുടെ ഡ്രൈവറായ പോലീസുകാരനെ നേരത്തെ സസ്പെൻഡ് ചെയ്തിരുന്നു. ഐജി നടത്തിയത് അച്ചടക്ക ലംഘനമാണെന്നും നടപടി വേണമെന്നും ഡിജിപി മുഖ്യമന്ത്രി റിപ്പോർട്ട് നൽകിയിരുന്നു. ഈ റിപ്പോർട്ട് പരിഗണിച്ച ശേഷം മുഖ്യമന്ത്രിയാണ് സസ്പെൻഷൻ ഉത്തരവിൽ ഒപ്പുവച്ചത്. കഴിഞ്ഞ ദിവസമാണ് സംഭവമുണ്ടായത്. മദ്യപിച്ച് ഔദ്യോഗിക വാഹനത്തിൽ കറങ്ങുകയായിരുന്ന ഐജിയെയും ഡ്രൈവറെയും കൊല്ലം അഞ്ചലിൽ വച്ച് പോലീസ് കസ്റ്റഡിയിലെടുക്കുകയായിരുന്നു. തുടർന്ന് ഡിജിപിയുടെ നിർദ്ദേശപ്രകാരം വൈദ്യപരിശോധന നടത്തി ഇരുവർക്കെതിരേയും അന്വേഷണം നടത്തി. ഐജി ജയരാജ് മുൻപ് ട്രെയിൻ യാത്രയ്ക്കിടെ അമിതമായി മദ്യപിച്ച് ബഹളമുണ്ടാക്കിയ സംഭവം ഉണ്ടായിട്ടുണ്ട്.
Read Moreഅമ്മമ്മാർ രണ്ട് തട്ടിൽ..! കൊല്ലത്തെ വിദ്യാർഥിനിയുടെ മരണം: സ്കൂൾ തുറക്കുന്ന കാര്യത്തിൽ രക്ഷിതാക്കൾ തമ്മിൽ ഏറ്റുമുട്ടി
കൊല്ലം: വിദ്യാർഥിനി ജീവനൊടുക്കിയതിന് തുടർന്ന് അടഞ്ഞുകിടക്കുന്ന കൊല്ലം ട്രിനിറ്റി ലൈസിയം സ്കൂൾ തുറക്കുന്നതിനായി ജില്ലാ ഭരണകൂടം വിളിച്ചുച്ചേർത്ത പിടിഎ യോഗത്തിൽ ബഹളം. രക്ഷിതാക്കൾ ചേരിതിരിഞ്ഞ് ഏറ്റുമുട്ടി. സ്കൂൾ തുറക്കാൻ അനുവദിച്ചില്ലെങ്കിൽ ഹൈക്കോടതിയെ സമീപിക്കണമെന്ന് ഒരു വിഭാഗം രക്ഷിതാക്കൾ ആവശ്യപ്പെട്ടു. കുറ്റക്കാരായ അധ്യാപകർക്കെതിരെ നടപടി എടുത്തശേഷം സ്കൂൾ തുറന്നുപ്രവർത്തിച്ചാൽ മതിയെന്ന ആവശ്യവുമായി ചില മാതാപിതാക്കളും രംഗത്തെത്തി. ഇരുവിഭാഗങ്ങൾ തമ്മിലുള്ള തർക്കം രൂക്ഷമായതോടെ പോലീസ് ഇടപെട്ട് രംഗം ശാന്തമാക്കി. മാധ്യമപ്രവർത്തകർക്ക് നേരെയും കയ്യേറ്റമുണ്ടായി. രണ്ടാഴ്ച മുന്പാണ് പത്താം ക്ലാസ് വിദ്യാർഥിനി ഗൗരി നേഹ സ്കൂളിലെ മൂന്നാം നിലയിൽനിന്ന് ചാടി മരിച്ചത്. സ്കൂളിലെ രണ്ട് അധ്യാപികമാർക്കെതിരേ ആത്മഹത്യാപ്രേരണ കുറ്റത്തിന് പോലീസ് കേസെടുത്തിരുന്നു. ഇന്ന് കേസ് ഡയറി ഹൈക്കോടതിയിൽ നൽകും.
Read Moreഅധികൃതരുടെ അനാസ്ഥ..! ചവറയിൽ പഴയ പാലം തകർന്ന് ഒരു സ്ത്രീ മരിച്ചു; അപകട ത്തിൽ ഇരുപതോളം പേർക്ക് പരിക്ക്
ചവറ: കൊല്ലം ചവറയിൽ പഴയ ഇരുന്പുപാലം തകർന്ന് വീണ് ഒരാൾ മരിച്ചു. ചവറ സ്വദേശി ശ്യാമളാദേവിയാണ് മരിച്ചത്. അപകടത്തിൽ ഇരുപതോളം പേർക്ക് പരിക്കേറ്റു. ഇവരിൽ ചിലരുടെ നില ഗുരുതരമാണ്. കൊല്ലം ജില്ലാ ആശുപത്രിയിലാണ് പരിക്കേറ്റവരെ പ്രവേശിപ്പിച്ചിരിക്കുന്നത്. പതിനൊന്നോടെയാണ് അപകടം സംഭവിച്ചത്. ചവറ കഐംഎംഎല്ലിന് സമീപം കായലിന് കുറുകെ നിന്നിരുന്ന കാലങ്ങൾ പഴക്കമുള്ള ഇരുന്പുപാലം തകർന്നു വീഴുകയായിരുന്നു. സംഭവ സമയത്ത് 20 ഓളം പേരാണ് പാലത്തിലുണ്ടായിരുന്നത്. ഇവരെല്ലാം കായലിൽ വീണു. നല്ല ആഴമുള്ള ഭാഗമാണിതെന്ന് നാട്ടുകാർ പറഞ്ഞു. നാട്ടുകാരാണ് വെള്ളത്തിൽ വീണവരെ ആശുപത്രിയിൽ എത്തിച്ചത്. ഗുരുതരമായി പരിക്കേറ്റ ശ്യാമളാദേവി ആശുപത്രിയിൽ എത്തിച്ചതിന് പിന്നാലെ മരിച്ചു. പഴയ ഇരുമ്പുപാലം പുതുക്കിപ്പണിയണമെന്ന നാട്ടുകാരുടെ ആവശ്യത്തിന് വർഷങ്ങളുടെ പഴക്കമുണ്ട്. അധികൃതരുടെ കനത്ത അനാസ്ഥയാണ് ഇത്തരമൊരു ദുരന്തം വരുത്തിവച്ചതെന്ന് നാട്ടുകാർ ആരോപിച്ചു. പാലത്തിനടിയിൽ കൂടുതൽ ആളുകൾ കുടുങ്ങിയിട്ടുണ്ടോ എന്ന പരിശോധന തുടരുകയാണ്.
Read Moreമുഖ്യമന്ത്രിയുടെ ഉറപ്പ് കിട്ടി..! കൊല്ലത്ത് സ്കൂൾ വിദ്യാർഥി ജീവനൊടുക്കിയ സംഭവം: ഗൗരിയുടെ മാതാപിതാക്കൾ മുഖ്യമന്ത്രിയെ കണ്ടു
തിരുവനന്തപുരം: കൊല്ലത്തെ സ്വകാര്യ സ്കൂളിലെ കെട്ടിടത്തിൽനിന്നു ചാടി മരിച്ച ഗൗരിയുടെ മാതാപിതാക്കൾ മുഖ്യമന്ത്രി പിണറായി വിജയനെ കണ്ടു പരാതി നൽകി. കേസിലെ പ്രതികളെ ഉടൻ പിടികൂടണമെന്നും ഇവർ ആവശ്യപ്പെട്ടു. പ്രദേശിക തലത്തിൽ നടക്കുന്ന അന്വേഷണത്തിലെ അതൃപ്തിയും മുഖ്യമന്ത്രിയെ അറിയിച്ചതായി കുട്ടിയുടെ പിതാവ് പ്രസന്നകുമാർ പറഞ്ഞു. കുറ്റവാളികളെ പിടികൂടുമെന്ന് മുഖ്യമന്ത്രി ഉറപ്പു നൽകിയതായി പ്രസന്നകുമാർ പറഞ്ഞു. സംഭവത്തിൽ ഉന്നതതല അന്വേഷണം വേണമെന്നും ഇക്കാര്യത്തിൽ പുതിയ സംഘത്തെ പരിഗണിക്കുമെന്നു മുഖ്യമന്ത്രി ഉറപ്പുനൽകിയതായും അദ്ദേഹം പറഞ്ഞു. കേസിൽ പ്രതിചേർത്ത അധ്യാപകരെ പിടികൂടാൻ സാധിക്കാത്തത് അന്വേഷണത്തിലെ വീഴ്ചയാണെന്നും സ്കൂൾ തുറന്നു പ്രവർത്തിക്കണമെന്നും പ്രസന്നകുമാർ പറഞ്ഞു. കഴിഞ്ഞ വെള്ളിയാഴ്ചയാണ് പത്താം ക്ലാസ് വിദ്യാർഥിനിയായ പെൺകുട്ടി സ്കൂളിന്റെ മൂന്നാം നിലയിൽ നിന്നും താഴേയ്ക്ക് ചാടിയത്. വീഴ്ചയിൽ തലയ്ക്ക് ഗുരുതരമായി പരിക്കേറ്റ ഗൗരി ഞായറാഴ്ചയാണ് മരണത്തിന് കീഴടങ്ങിയത്.
Read More