പത്തനാപുരം: ഓരോ മനുഷ്യന്റെ ഉള്ളിലും ദൈവം കുടിയിരിക്കുന്നുണ്ടെന്നും, സ്വന്തം അച്ഛനും, അമ്മയും, മക്കളും ഉപേക്ഷിച്ചാലും ദൈവം നമ്മളെ ഉപേക്ഷിക്കില്ലെന്നും കെ.ബി.ഗണേഷ് കുമാർ എംഎൽഎ. പത്തനാപുരം ഗാന്ധിഭവനിൽ നടന്ന പ്രത്യേക പ്രാർഥന യോഗത്തിൽ പ്രസംഗിക്കുകയായിരുന്നു അദ്ദേഹം. നമ്മൾ ഒരു മനുഷ്യനെ സ്നേഹിക്കുകയും ആദരിക്കുകയും ചെയ്യുമ്പോൾ ആവരുടെ ഉള്ളിലുള്ള ദൈവത്തെയാണ് സ്നേഹിക്കുകയും ആദരിക്കുകയും ചെയ്യുന്നത്. ഒരാൾ നമ്മളെ അനുഗ്രഹിക്കുമ്പോൾ അയാളിലുള്ള ദൈവാത്മാവാണ് അത് ചെയ്യുന്നത്. കുറ്റകൃത്യങ്ങൾ ചെയ്യുന്ന മനുഷ്യന് അനുഗ്രഹിക്കാൻ അവകാശമില്ല. അവന്റെ ഉള്ളിലുള്ള ജീവാത്മാവായ പരമാത്മാവിനാണ് അതിനുള്ള അവകാശം. ഗാന്ധിഭവനെ ദൈവം ഉപേക്ഷിക്കില്ല. നന്മ നിറഞ്ഞുനിൽക്കുന്ന ഒന്നിനെയും ദൈവം ഉപേക്ഷിച്ചിട്ടില്ല. ഗാന്ധിഭവനെ തകർക്കാൻ ശ്രമിക്കുന്നവർക്ക് ഉറങ്ങാൻ പറ്റില്ല. തകർക്കുക തകർക്കുക എന്ന് ചിന്തിക്കുന്നവർ സ്വയം അങ്ങ് തകരും. നന്മചെയ്യുന്നവർ പൊയ്ക്കൊണ്ടേയിരിക്കും.നല്ല മരങ്ങൾ വീണാൽ അത് നൽകുന്ന തണൽ നഷ്ടമാകും. ആരും ആരെയും തകർക്കാൻ ശ്രമിക്കേണ്ടാ. അത് നല്ലതിനല്ല. നല്ല…
Read MoreCategory: Kollam
പെരുമൺ ദുരന്തത്തിന് ഇന്ന് 29 വർഷം; അഷ്ടമുടിക്കായലിൽ 1988 ജൂലൈ എട്ടിനാണ് 105 പേരുടെ ജീവൻ അപഹരിച്ച ടെയിൻ അപകടം ഉണ്ടായത് ; ദുരന്തത്തിന്റെ യഥാർഥ കാരണം ഇപ്പോഴും അജ്ഞാതം
സ്വന്തം ലേഖകൻ കൊല്ലം: രാജ്യത്തെ ഞെട്ടിച്ച പെരുമൺ തീവണ്ടി ദുരന്തത്തിന് ഇന്ന് 29 വർഷം. 1988 ജൂലൈ എട്ടിനാണ് 105 പേരുടെ ജീവൻ അപഹരിച്ച ടെയിൻ അപകടം അഷ്ടമുടിക്കായലിന് മുകളിലെ പെരുമൺ പാലത്തിൽ സംഭവിച്ചത്.സ്ത്രീകളും കുട്ടികളും അടക്കമുള്ളവരാണ് മരിച്ചവരിൽ കൂടുതൽ പേരും. ഇരുനൂറിലധികം പേർക്കാണ് പരിക്കേറ്റത്. ബാംഗളൂരിൽ നിന്ന് തിരുവനന്തപുരത്തേയ്ക്ക് വന്ന ഐലന്റ് എക്സ്പ്രസിന്റെ പത്ത് ബോഗികളാണ് മറിഞ്ഞ് അഷ്ടമുടി കായലിലേക്ക് പതിച്ചത്. ദുരന്തത്തിന്റെ യഥാർഥ കാരണം ഇപ്പോഴും അജ്ഞാതമായി തുടരുകയാണ്. അപ്രതീക്ഷിതമായി വീശിയടിച്ച ടൊർണാഡോ എന്ന ചുഴലിക്കാറ്റ് ആണ് ദുരന്തത്തിന് കാരണമായതെന്നാണ് റെയിൽവേ സേഫ്റ്റി കമ്മീഷണറുടെ കണ്ടെത്തൽ.ഇത്ത് പ്രദേശവാസികളോ ട്രെയിൻ യാത്രികരോ റെയിൽവേ ഉദ്യോഗസ്ഥർ പോലുമോ വിശ്വസിക്കുന്നില്ല എന്നതാണ് വാസ്തവം. അങ്ങനെയൊരു ചുഴലിക്കാറ്റ് ഉണ്ടായതായി പ്രദേശത്തെ മത്സ്യത്തൊഴിലാളികൾക്ക് പോലും അനുഭവപ്പെട്ടതുമില്ല. വർഷാവർഷം ദുരന്തസ്മരണകളുമായി പ്രദേശവാസികളും മരിച്ചവരുടെ ബന്ധുക്കളും പെരുമണിൽ ഒത്തുചേരും–മരിച്ചവരുടെ ഓർമ പുതുക്കാൻ. പെരുമൺ തീവണ്ടി…
Read Moreപണിയിച്ചാൽ പോരാ കൂലി കൊടുക്കണം..! തൊഴിലുറപ്പ് തൊഴിലാളികളുടെ കൂലി കുടിശിക ഉടൻ നൽകണമെന്ന് ആവശ്യപ്പെട്ട് എൻ കെ പ്രേമചന്ദ്രൻ എം പിയുടെ നിരാഹാരം തുടങ്ങി
കൊല്ലം: തൊഴിലുറപ്പ് തൊഴിലാളികളുടെ കൂലി നൽകുന്നതിലുളള ഉത്തരവാദിത്വത്തിൽ നിന്നും സംസ്ഥാന സർക്കാരിന് ഒഴിഞ്ഞുമാറാൻ കഴിയില്ലെന്ന് ആർഎസ്പി സംസ്ഥാന സെക്രട്ടറി എ.എ. അസീസ് പറഞ്ഞു.കേന്ദ്രത്തിൽ പഴിചാരി രക്ഷപ്പെടാമെന്ന സംസ്ഥാന സർക്കാരിന്റെ വഞ്ചനാപരമായ നിലപാട് തൊഴിലാളി സമൂഹം തിരിച്ചറിയുമെന്നും അദ്ദേഹം കൂട്ടിച്ചേർത്തു. എൻ.കെ. പ്രേമചന്ദ്രൻ എംപി യുടെ നേതൃത്വത്തിൽ എൻആർഇജിഎസ് – യുടിയുസി യുടെ ആഭിമുഖ്യത്തിൽ തൊഴിലുറപ്പുകാരുടെ വേതനം കുടിശിക സഹിതം നൽകണമെന്ന് ആവശ്യപ്പെട്ട് നടത്തുന്ന രാപകൽ സമരം ഉദ്ഘാടനം ചെയ്തു പ്രസംഗിക്കുകയായിരുന്നു അദ്ദേഹം. വൻകിടക്കാരുടെയും സമ്പന്നരുടെയും താല്പര്യം സംരക്ഷിക്കാൻ പണം കണ്ടെത്തുന്നതിന് യാതൊരു ബുദ്ധിമുട്ടുമില്ലാത്ത സർക്കാരിന് പാവപ്പെട്ട തൊഴിലാളികളുടെ വേതനം നൽകാൻ പണമില്ലാത്തത് തൊഴിലാളി വിരുദ്ധ നയമാണെന്നും എ.എ. അസീസ് പറഞ്ഞു. തൊഴിലുറപ്പ് വേതന കുടിശികയ്ക്ക് കേന്ദ്ര സംസ്ഥാന സർക്കാരുകൾക്ക് തുല്യ ഉത്തരവാദിത്തമാണ്. യുഡിഎഫ് കാലത്ത് കുടിശികയില്ലാതെ വിതരണം ചെയ്തിരുന്ന കൂലി ഒമ്പത് മാസമായി മുടങ്ങിയത് സംസ്ഥാന സർക്കാരിന്റെ…
Read Moreരുചിക്കും മുമ്പ് ചതിച്ചത് ആര്..! കാട്ട്പന്നിയെ പടികൂടി ഇറച്ചിയാക്കി പാചകം ചെയ്ത് സൂക്ഷിച്ച ആർപിഎൽ ജീവനക്കാർ അറസ്റ്റിൽ; രഹസ്യ വിവരത്തെ തുടർന്നാണ് ഇവരെ അറസ്റ്റ്ചെയ്തത്
അഞ്ചൽ: കാട്ട് പന്നിയെ പടികൂടി ഇറച്ചിയാക്കി പാചകം ചെയ്ത് സൂക്ഷിച്ച ആർപിഎൽ ജീവനക്കാരായ മൂന്ന് പേരെ അഞ്ചൽ ഫോറസ്റ്റ് അധികൃതർ അറസ്റ്റ് ചെയ്തു. എരുമേലി മുണ്ടക്കയം എസ്റ്റേറ്റ് മണ്ണന്തലയിൽ വിശ്വംഭരൻ (54), തിങ്കൾ കരിക്കം കൊച്ചു തറയിൽ വീട്ടിൽ കെ.വി.വിശ്വനാഥൻ (64), ചന്ദനക്കാവ് കോളനികോർട്ടേഴ്സിൽ തമ്പി എന്ന ’മനോരാജ് (33) എന്നിവരെയാണ് വനപാലകർ അറസ്റ്റ് ചെയ്തത്. അഞ്ച് കിലോ പന്നിയിറച്ചി സഹിതമാണ് ഇവരെ കസ്റ്റഡിയിലെടുത്തത്.അഞ്ചൽ റെയ്ഞ്ച് ഫോറസ്റ്റ് ഓഫീസർ ബി.ആർ.ജയ ന് ലഭിച്ച രഹസ്യവിവരത്തെത്തുടർന്ന് നടത്തിയ അന്വേഷണത്തിലാണ് പ്രതികളെ പിടികൂടിയത്. റേഞ്ച് ഫോറസ്റ്റ് ഓഫീസർ ബി.ആർ .ജയന്റെ നിർദ്ദേശാനുസരണം ഡെപ്യൂട്ടി റെയ്ഞ്ച് ഫോറസ്റ്റ് ഒഫീ സർമാരായ എസ്.ശശീന്ദ്രൻ, ഗ്രേഡ് ഡെപ്യൂട്ടി ഫോറസ്റ്റ് ഓഫീസർമാരായ വി.ഉല്ലാസ്, സി.മുരളി, ബീറ്റ് ഓഫീസർമാരായ ആർ.രാജേഷ് ,ജോബി, മാത്യു ജ്യേസഫ്, എൽ.ആർ ഷാം, വാച്ചർ എം മധു എന്നിവരടങ്ങിയ വനപാലക സംഘമാണ് പ്രതികളെ…
Read Moreഒന്നു ചിന്തിച്ചിരുന്നെങ്കിൽ..! ബൈക്ക് വാങ്ങി നൽകാത്തതിൽ മനംനൊന്ത് പ്ലസ്ടു വിദ്യാർഥി ആത്മഹത്യ ചെയ്തു; അച്ഛൻ വരുമ്പോള് വാങ്ങിത്തരാമെന്ന് പറഞ്ഞതല്ലേയെന്ന അമ്മയുടെ കരച്ചിൽ നൊമ്പരമാകുന്നു
അഞ്ചൽ: 18 കാരനെ തൂങ്ങി മരിച്ച നിലയിൽ കണ്ടെത്തി. ഏരൂർ അയിലറ ജയമോഹന വിലാസത്തിൽ ജയചന്ദ്രൻ പിള്ളയുടേയും ഇന്ദുവിന്റെയും മകൻ ജയകൃഷ്ണ (18)നാണ് മരിച്ചത്.കഴിഞ്ഞ ദിവസം വൈകുന്നേരം അഞ്ചോടെയാണ് സംഭവം.അഞ്ചലിലെ പാരലൽ കോളജിൽ പ്ലസ് ടു പഠനം കഴിഞ്ഞതാണ് ജയകൃഷ്ണൻ. ഏതാനും ദിവസമായി ജയകൃഷ്ണൻ ബൈക്ക് വാങ്ങിത്തരണമെന്ന് പറഞ്ഞ് വഴക്കിടാറുണ്ടായിരുന്നു. വിദേശത്തുള്ള പിതാവ് നാട്ടിലെത്തിയ ശേഷം ആവശ്യം പരിഗണിക്കാമെന്ന് മാതാവ് പറഞ്ഞിരുന്നതാണ്. ഇതേച്ചൊല്ലി കഴിഞ്ഞ ദിവസവും വീട്ടിൽ ജയകൃഷ്ണൻ ബഹളമുണ്ടാക്കി. തുടർന്ന് കിടപ്പുമുറിയിൽ കയറി വാതിലടക്കുകയായിരുന്നു. സംശയം തോന്നിയ മാതാവ് കതക് തുറന്നു നോക്കിയപ്പോഴാണ് ആത്മഹത്യ ചെയ്യാ ൻ ശ്രമിക്കുന്നതായി കണ്ടത്. നിലവിളി കേട്ട് ഓടിയെത്തിയ പരിസരവാസികൾ കെട്ടറുത്തിട്ട ശേഷം അഞ്ചലിലെ സ്വകാര്യ ആശുപത്രിയിലെത്തിച്ചുവെങ്കിലും ജീവൻ രക്ഷിക്കാനായില്ല. ഏരൂർ പോലീസ് മേൽനടപടി സ്വീകരിച്ചു. പുനലൂർ താലൂക്കാശുപത്രിയിൽ പോസ്റ്റ്മോർട്ടം നടത്തിയ ശേഷം മൃതദേഹം വിട്ടുകൊടുത്തു. വിദേശത്തുള്ള പിതാവ് മടങ്ങിയെത്തിയ ശേഷം…
Read Moreഇനി നാട്ടിലേക്ക് വരണ്ട..! വീട്ടുകാരുടെ ഉറക്കം കെടുത്തിയ മൂർഖൻ മുരുകന്റെ മുന്നിൽ പത്തി താഴ്ത്തി; ആറടി നീളമുളള മൂർഖനെ വനപാലകരുടെ അനുമതിയോടെ കാട്ടിലേക്ക് അയച്ചു
ചവറ: വീട്ടുകാരുടെ ഉറക്കം കെടുത്തിയ മൂർഖൻ ഒടുവിൽ മുരുകന്റെ കൈയിൽ. ചവറ നല്ലേഴ്ത്ത് മുക്കിൽ ആരാധ് ഭവനത്തിൽ മുരളിയുടെ വീട്ടിലെ വിറക് പുരയിൽ നിന്നാണ് മൂർഖനെ പിടികൂടിയത്. ചൊവാഴ്ച രാത്രി 10 ഓടെയായിരുന്നു വീട്ടുകാരുടെ ഉറക്കം കെടുത്തിയ മൂർഖൻ വിറക് പുരയിൽ കയറിയത് കണ്ടത് സമീപവാസിയാണ്. ഉടൻ തന്നെ ഇദ്ദേഹം വീട്ടുകാരെ വിവരം ധരിപ്പിച്ചു.വീട്ടുകാർ ആവുന്ന പണി പലതും നോക്കിയിട്ടും അകത്ത് കയറിയ മൂർഖനെ പുറത്തെത്തിക്കാൻ കഴിഞ്ഞില്ല. തുടർന്ന് പാമ്പ് സ്നേഹിയായ മുരുകനെ ഫോണിൽ ബന്ധപ്പെടുകയും ചെയ്തു. സംഭവമറിഞ്ഞ് പരിസരവാസികളും കൂടി. അരമണിക്കൂറിനുളളിൽ മുരുകനെത്തി വിറകെല്ലാം എടുത്ത് മാറ്റിയതിന് ശേഷമാണ് ആറടി നീളമുളള മൂർഖനെ പിടികൂടി വീട്ടുകാരുടെ ഭയം ഇല്ലാതാക്കിയത്. കൊല്ലത്തെത്തിച്ച മൂർഖനെ വനപാലകരെ അനുമതിയോടെ കാട്ടിലേക്ക് കടത്തി വിട്ടു.
Read Moreഇവരേ സൂക്ഷിക്കുക..! വീടുകൾ തോറും കച്ചവടത്തിനെത്തുന്നവരെ സൂക്ഷിക്കണം; ഇങ്ങനെയെത്തുന്നവരിൽ പലർക്കും നാട്ടിലെ മോഷണങ്ങളിൽ പങ്കുളളതായി ഡിവൈഎസ്പി
കുണ്ടറ: വില്പന സാധനങ്ങളുമായി വീടുകൾ തോറും കയറിയിറങ്ങുന്നവരെ സൂക്ഷിക്കണമെന്ന് ഡിവൈഎസ്പി ബി.കൃഷ്ണകുമാർ. കച്ചവടത്തിനെന്ന മട്ടിൽ ഇവർ വീടുകളിലെത്തുന്നത് തട്ടിപ്പിനാണ്. നമ്മുടെ നാട്ടിൻപ്രദേശങ്ങളിൽ നടക്കുന്ന പീഡനങ്ങളിലും മോഷണങ്ങളിലും ഇവർക്കുള്ള പങ്ക് വ്യക്തമായിട്ടുള്ളതായും ഡിവൈഎസ്പി പറഞ്ഞു. വീട്ടിലെത്തുന്ന ഇത്തരക്കാർ പരിസരം നിരീക്ഷിക്കും. പിന്നീട് കോളിംഗ് ബെല്ലടിക്കും. ആളനക്കമില്ലെങ്കിൽ വീടിന്റെ പിൻഭാഗത്തേക്ക് പോകും. തക്കം കിട്ടിയാൽ വീടിനുള്ളിൽ കടക്കും. മോഷണശ്രമം കണ്ടെത്തിയാൽ സാധനങ്ങൾ വിൽക്കാനാണെന്ന് പറഞ്ഞ് രക്ഷപെടും. ഇങ്ങനെയെത്തുന്നവർ പിന്നീടൊരിക്കൽ ഇവിടെത്തന്നെ മോഷണമോ, പീഡനമോ നടത്തും. പല വീടുകളിലും അനുകൂല സാഹചര്യങ്ങളാണുള്ളത്. അയൽക്കാർ തമ്മിൽ സഹകരണമില്ലാത്ത വീടുകളിലാണ് അധികവും മോഷണവും പീഡനവും നടക്കുന്നത്. അയൽവീട്ടിൽ നിന്ന് നിലവിളി കേട്ടാൽപ്പോലും തിരിഞ്ഞുനോക്കാത്ത പ്രദേശങ്ങളുണ്ട്. അവിടങ്ങളിൽ മോഷണമോ മറ്റ് അനാശാസ്യ പ്രവർത്തനങ്ങളോ നടത്താൻ വളരെ എളുപ്പമാണ്. അയൽക്കാർ തമ്മിലുള്ള കൂട്ടായ്മ അപകടങ്ങളൊഴിവാക്കും. സംശയകരമായ സാഹചര്യത്തിൽ ഇത്തരക്കാരെ കണ്ടാൽ പിടിച്ചുനിർത്തി ചോദ്യം ചെയ്യണമെന്നും ആവശ്യമെങ്കിൽ പോലീസിനെ…
Read Moreഎല്ലാവർക്കും ജയയേ മതി..! എല്ലാവർക്കും ജയയേ വേണ്ടതിനാൽ വില കുറയ്ക്കാൻ കളക്ടർ വിളിച്ച യോഗത്തിൽ തീരുമാനം; ഓണത്തിന് വിലകുറയ്ക്കുന്ന കാര്യം ആലോചിക്കാമെന്ന് മൊത്ത വ്യാപാരികൾ
കൊല്ലം: അരിവില വർധന സംബന്ധിച്ച പരാതികൾ ശ്രദ്ധയിൽപ്പെട്ടതിനെ തുടർന്ന് ജില്ലാ കളക്ടർ ഡോ. മിത്ര റ്റി വിളിച്ചുചേർത്ത യോഗത്തിൽ ജയ അരി കിലോയ്ക്ക് ഒരു രൂപ കുറയ്ക്കാൻ ധാരണയായി. നിലവിലെ വിലയിൽ നിന്ന് ഒരു രൂപ ഉടൻ കുറയ്ക്കുമെന്ന് മൊത്തവ്യാപാരികൾ യോഗത്തിൽ അറിയിച്ചു. ഓണത്തോടനുബന്ധിച്ച് ഒരു രൂപ കൂടി കുറയ്ക്കുന്നത് സംബന്ധിച്ച് ആലോചിക്കും. ചില്ലറ വ്യാപാരികൾ പല വിലകളിൽ അരി വില്ക്കുന്നതാണ് പരാതികൾക്ക് കാരണമെന്ന് യോഗം വിലയിരുത്തി. വില കുറയ്ക്കുന്നതിനും ഏകീകരിക്കുന്നതിനും വ്യാപാരികളുടെ സംഘടനാ പ്രതിനിധികൾ ഇടപെടണമെന്ന് ജില്ലാ കളക്ടർ അഭ്യർഥിച്ചു. ആന്ധ്രയിൽ ജയ അരി ഉത്പാദനം നാൽപ്പത് ശതമാനത്തോളം വർധിച്ച സാഹചര്യത്തിൽ വിപണിയിൽ വില കുറയുന്ന സ്ഥിതിയാണുള്ളത്. അമിത ലാഭത്തിനായി ഭക്ഷ്യ സാധനങ്ങളുടെ വില കൂട്ടി വില്പന നടത്തുന്നവർക്കെതിരെ ശക്തമായ നടപടി സ്വീകരിക്കുമെന്ന് കളക്ടർ പറഞ്ഞു. കുറ്റക്കാർക്കെതിരെ അവശ്യ സാധന നിയമപ്രകാരവും പാക്ക്ഡ് കമ്മോഡിറ്റീസ് ആക്ട്…
Read Moreപണിതരത്തുമില്ല, വിളിച്ചാൽ എടുക്കത്തുമില്ല..! പിഎസ്സി ഓഫീസിൽ ഫോൺ വിളിച്ചാൽ കിട്ടാറില്ല; ഫോൺ എടുത്താൽ ജീവനക്കാർ മോശമായി സംസാരിക്കുന്നതായും പരാതി
കൊല്ലം: ജില്ലാ പിഎസ്സി ഓഫീസിലെ ഫോണിൽ വിളിച്ചാൽ പലപ്പോഴും കിട്ടാറില്ലെന്ന് പരാതി. ഫോൺ എടുത്താൽ കൃത്യമായ മറുപടിയില്ല. മിക്കപ്പോഴും ഫോൺ കിട്ടാറുമില്ല. ഈ ടെലിഫോൺ നമ്പറിലെ സേവനം താല്ക്കാലികമായി നിർത്തിവച്ചിരിക്കുന്നു എന്നാണ് കേൾക്കാൻ കഴിയുക. ചിലപ്പോൾ ഫോൺ മാറ്റിവയ്ക്കുന്നതായും ഉദ്യോഗാർഥികൾക്ക് പരാതിയുണ്ട്. മറുപടി പറയുന്നയാൾ ഒന്നും വ്യക്ത മായി പറയാറില്ല. ഉദ്യോഗാർഥികളോട് ചിലപ്പോൾ ധിക്കാരപരമായി മറുപടി പറയുന്നതായും ആക്ഷേപമുണ്ട്. പകുതി മറുപടി പറയുമ്പോൾ തന്നെ ഫോൺ കട്ട് ചെയ്യുന്നതും പതിവാണ്. ജില്ലാ ഓഫീസിൽ ഫോൺ കോളുകൾ സ്വീകരിച്ച് വ്യക്തമായ മറുപടി നൽകാൻ പ്രാപ്തരായവരെ നിയമിക്കണമെന്ന് ഉദ്യോഗാർഥികൾ ആവശ്യപ്പെട്ടു.
Read Moreട്രെയിനിലും ആടിമാസക്കിഴിവ്..! കാലവർ ഷത്തിൽ പാസഞ്ചർ ട്രെയിനുള്ളിലിരുന്ന് മഴ നനഞ്ഞ് യാത്രചെയ്യാം; ഈ ദുരവസ്ഥ അടിയന്തിരമായി മാറ്റണമെന്ന് പാസഞ്ചേഴ്സ് അസോസിയേഷൻ
കൊല്ലം: കേരളത്തിലാകമാനം ഓടുന്ന വിവിധ ട്രെയിനുകളിലെ ചോരുന്ന കോച്ചുകൾ ഉടൻ പിൻവലിക്കണമെന്ന് റെയിൽവേ പാസഞ്ചേഴ്സ് അസോസിയേഷൻ സംസ്ഥാന പ്രസിഡന്റ് പരവൂർ സജീബ് ആവശ്യപ്പെട്ടു. വിവിധ പാസഞ്ചർ ട്രെയിനുകളിലെ ഒട്ടനവധി കോച്ചുകളും ചോർന്ന് ഒലിക്കുകയാണ്. ട്രെയിനനകത്തും കുട പിടിക്കേണ്ട സാഹചര്യമാണ് നിലവിലുളളത്. പാസഞ്ചർ ട്രെയിനുകളിൽ മാത്രമല്ല സംസ്ഥാനത്താകമാനം ഓടുന്ന ഹ്രസ്വദൂര – ദീർഘദൂര എക്സപ്രസ് ട്രെയിനുകളിലും സ്ഥിതി വ്യത്യസ്തമല്ല. ചോരുന്ന കോച്ചുകൾ ഉടൻ പിൻവലിക്കുകയോ അറ്റകുറ്റപണി നടത്താൻ പറ്റുന്നവ അടിയന്തിരമായി പണികൾ നടത്തണമെന്നും റെയിൽവേ പാസഞ്ചേഴ്സ് അസോസിയേഷൻ പ്രസ്താവനയിൽ ആവശ്യപ്പെട്ടു. ഈ ആവശ്യമുന്നയിച്ച് റെയിൽവേ പാസഞ്ചേഴ്സ് അസോസിയേഷൻ സംസ്ഥാന കമ്മിറ്റി തിരുവനന്തപുരം, പാലക്കാട് ഡിവിഷണൽ മാനേജർമാർക്ക് നിവേദനം നൽകി.
Read More