തേവലക്കര: ബസ് അപകടത്തിൽ ഇടതു കൈ നഷ്ടമായതോടെ തൊഴിൽ ചെയ്യാൻ കഴിയാതായ കയർ തൊഴിലാളിക്ക് മെഡിക്കൽ ബോർഡിന്റെ ഇരുട്ടടി. തേവലക്കര അരിനല്ലൂർ മുണ്ടപ്പള്ളി കിഴക്കതിൽ ഇന്ദിരയമ്മ (48) യ്ക്കാണ് ഈ ദുസ്ഥിതി ഉണ്ടായത്. കയർ തൊഴിലാളിയായിരുന്ന ഇവർ കഴിഞ്ഞ ഡിസംബർ ആറിനാണ് ചവറ നീണ്ടകരയിൽ കെഎസ്ആർടിസി വേണാട് ബസ് മറിഞ്ഞതിനെ തുടർന്ന് അപകടത്തിൽപ്പെട്ടത്. അപകടത്തിൽ ഇവരുടെ ഇടതു കൈ മുറിച്ചു മാറ്റേണ്ടി വന്നു. ചികിത്സയ്ക്കും മറ്റും തന്നെ ധാരാളം പണം ചെലവായി. രണ്ടു പെൺകുട്ടികൾ മാത്രമുള്ള ഇവർക്ക് ഹൃദ്രോഗിയായ ഭർത്താവായിരുന്നു തുണ. തകർച്ച നേരിടുന്ന കയർ മേഖലയിൽ വല്ലപ്പോഴും കിട്ടുന്ന തൊഴിലും ചെയ്യാൻ കഴിയാതായതോടെ ക്ഷേമനിധിയിൽ നിന്നു കിട്ടുന്ന തുശ്ചമായ പെൻഷൻ ആനുകൂല്യത്തിനായാണ് മെഡിക്കൽ ബോർഡിനെ സമീപിച്ചത്. കളകട്രേറ്റിലെ നാലാംനിലയിലുള്ള ബോർഡ് ഓഫീസിൽ അപേക്ഷ നൽകി. കൈ നഷ്ടപ്പെട്ടതിനാൽ തുടർന്ന് ജോലി ചെയ്യാൻ കഴിയില്ലെന്നു തെളിയിക്കുന്നതിനുള്ള സർട്ടിഫിക്കറ്റിനായി…
Read MoreCategory: Kollam
കൈയുടെ തളർച്ച താമരയുടെ വളർച്ച..! കോണ്ഗ്രസ് എല്ലായിടത്തും ദുർബലമായത് ബിജെപിക്ക് വളരാനുള്ള വളക്കൂറായതായി മന്ത്രി കടകംപള്ളി സുരേന്ദ്രൻ
ആര്യനാട് : സംസ്ഥാനത്തും ദേശീയതലത്തിലും കോണ്ഗ്രസ് ദുർബലമായത്ബിജെപിക്ക് വളരുവാനുള്ള വളക്കൂറായതായി മന്ത്രി കടകംപള്ളി സുരേന്ദ്രൻ. മതനിരപേക്ഷ ചിന്താഗതിക്കാരുടെ ഏകോപനം മാത്രമാണ് വർഗീയ കക്ഷികളെ തടയിടുവാനുള്ള മാർഗമെന്നും സിപിഎം വിതുര ഏരിയ കമ്മിറ്റിയുടെ നേതൃത്വത്തിൽ ആര്യനാട് വി.കെ. ഓഡിറ്റോറിയത്തിൽ സംഘടിപ്പിച്ച ആർഎസ്എസ്-ബിജെപി വിരുദ്ധ കൂട്ടായ്മ ഉദ്ഘാടനം ചെയ്തുകൊണ്ട് മന്ത്രി പറഞ്ഞു. പാർട്ടി വിതുര ഏരിയ സെക്രട്ടറി എൻ. ഷൗക്കത്തലി അധ്യക്ഷത വഹിച്ച സമ്മേളനത്തിൽ സിപിഎം ജില്ലാ സെക്രട്ടറി ആനാവൂർ നാഗപ്പൻ, സി. അജയകുമാർ, ജില്ലാ പഞ്ചായത്ത് പ്രസിഡന്റ് വി.കെ. മധു, എ. സന്പത്ത് എംപി, എം. ശ്രീധരൻ, വി. വിജു മോഹൻ, എസ്. ദീക്ഷിത് എന്നിവർ പ്രസംഗിച്ചു.
Read Moreവല്ലാത്ത വകുപ്പായിപ്പോയി..! കടുത്ത ചൂടും വരൾച്ചയും മൂലം വാഴകൾ ഉണങ്ങി കർഷകർ ദുരിതത്തിൽ ; കാലവർഷ ക്കെടുതിക്കേ സഹായം നൽകൂവെന്ന് കൃഷിവകുപ്പ്
അമരവിള: കടുത്ത ചൂടിലും വരൾച്ചയിലും നെയ്യാറ്റിൻകര താലൂക്കിലെ നിരവധി വാഴ കർഷകർ ദുരിതത്തിലായി. നഷ്ടത്തിൽ ഏറിയ പങ്കും കരവാഴ കൃഷിയെ ആശ്രയിച്ചവർക്കാണെന്ന കണക്കുകളാണ് പുറത്ത് വരുന്നത്. നെയ്യാറ്റിൽകര കൃഷി ഓഫീസിലെ കണക്കുകൾ പ്രകാരം താലൂക്കിൽ കരവാഴ കൃഷി നടത്തി വന്നിരുന്ന 18 ഓളം കർഷകർ നല്ല വിളവ് ലഭിക്കാതെയും വാഴകൾ കരിഞ്ഞുണങ്ങിയും നഷ്ടത്തിലായെന്നാണ് റിപ്പോർട്ട്. കിണറുകളിലും കുളങ്ങളിലും വെള്ളം ക്രമാതീതമായി വറ്റിയതും മണ്ണിൽ ഒഴിക്കുന്ന വെള്ളം തങ്ങി നിൽക്കാത്തതുമാണ് കരവാഴ കർഷകരെ ദുരിതത്തിലാക്കിയത്. നെയ്യാറ്റിൻകര ഉൗരുട്ടുകാലയിൽ ഒന്നരയേക്കറിൽ കൃഷിയിറക്കിയ പെരുങ്കടവിള സ്വദേശി വേണുവിന് പറന്പിൽ നിന്ന് ഒരൊറ്റ വാഴ പോലും വളയിച്ചെടുക്കാൻ സാധിച്ചില്ല. ഒന്നരയേക്കർ സ്ഥലം അന്പതിനായിരം രൂപക്ക് പാട്ടത്തിനെടുത്താണ് വേണു കൃഷിയിറക്കിയത്. നട്ട് ആറ് മാസത്തിനിടയിൽ കുലച്ച വാഴകൾ ജലദൗർലഭ്യവും കടുത്ത വെയിലും കാരണം ഉണങ്ങി വീഴാൽ തുടങ്ങി. തുടർന്ന് കഴിഞ്ഞ മാസത്തോടെ നട്ട 1200…
Read Moreകുണ്ടറയില് പത്തു വയസുകാരിയെ പീഡന ത്തിനിരയാക്കിയത് മുത്തച്ഛനോ? കുട്ടിയുടെ അച്ഛനെ വീട്ടില് നിന്ന് ഒഴിവാക്കാന് പോലീ സില് പരാതി നല്കി, മുത്തച്ഛന്റെ പൂര്വകാലം ദുരൂഹം!
കുണ്ടറയില് പീഡനത്തിന് ഇരയായ ആറാംക്ലാസുകാരി ദുരൂഹസാഹചര്യത്തില് മരിച്ച സംഭവത്തില് പെണ്കുട്ടിയുടെ അമ്മയേയും മുത്തച്ഛനേയും ചോദ്യം ചെയ്യുന്നു. ഇവരെ ചുറ്റിപ്പറ്റിയുള്ള അന്വേഷണമാണ് പോലീസ് സംഘം നടത്തിവരുന്നത്. ഇവര് അന്വേഷണത്തോട് പൂര്ണമായും സഹകരിക്കാത്ത സാഹചര്യം പോലീസിനെ വലച്ചിരിക്കുകയാണ്. ഈ സാഹചര്യത്തില് ഇവരെ നുണപരിശോധനയ്ക്ക് വിധേയമാക്കാന് കോടതിക്ക് അപേക്ഷനല്കി. കേസുമായി ബന്ധപ്പെട്ട് ബന്ധുക്കളടക്കം നിരവധിപേരെ ചോദ്യം ചെയ്തിരുന്നു. അവരില്നിന്ന് ലഭിച്ച വിവരങ്ങളുടെ അടിസ്ഥാനത്തിലാണ് പെണ്കുട്ടിയുടെ മാതാവിനേയും മുത്തച്ഛനേയും കസ്റ്റഡിയിലെടുത്തത്. സംഭവത്തില് പിതാവിനെ കുട്ടികളുടെ മുത്തച്ഛന് അകറ്റി നിര്ത്താന് കാരണമായത് കുട്ടികളെ പീഡിപ്പിക്കാനുള്ള സൗകര്യത്തിന് വേണ്ടിയായിരുന്നെന്നാണ് ഇപ്പോള് ഉയര്ന്നിരിക്കുന്ന സംശയം. സമാന കേസുകള് മുത്തച്ഛനെതിരേ നേരത്തേയും ഉണ്ടായിട്ടുള്ളത് സംശയാസ്പദമായ സാഹചര്യം സൃഷ്ടിക്കുന്നുണ്ട്. പിതാവിനെ വീട്ടില് നിന്നും അകറ്റുന്നതിനായി മകളെ പീഡിപ്പിച്ചതായി അമ്മയെക്കൊണ്ടു മുത്തച്ഛന് തന്നെ കേസ് കൊടുപ്പിച്ചതാണെന്നും സംശയിക്കുന്നു. വീട്ടില് മുത്തച്ഛനല്ലാതെ മറ്റ് പുരുഷന്മാര് ആരുമില്ല എന്നതും അയല്ക്കാര് ആരും തന്നെ വീട്ടില്…
Read Moreകുണ്ടറയിൽ മരിച്ച പത്തു വയസുകാരി നിരന്തരം ലൈംഗിക പീഡനത്തിനിരയായി ; മരിക്കുന്നതിന് 3 ദിവസം മുൻപും പീഡനത്തിനിരയായെന്ന് ഡോക്ടറുടെ മൊഴി
കൊല്ലം: കുണ്ടറയിൽ ദുരൂഹസാഹചര്യത്തിൽ മരിച്ച പത്തു വയസുകാരി നിരന്തരം ലൈംഗിക പീഡനത്തിനിരയായെന്ന് ഡോക്ടറുടെ മൊഴി. മൃതദേഹം പോസ്റ്റുമോർട്ടം നടത്തിയ ഡോ. കെ വത്സലയാണ് ഇത്തരത്തിൽ മൊഴി നൽകിയത്. മരിക്കുന്നതിന് 3 ദിവസം മുന്പുവരെ പെണ്കുട്ടി പീഡനത്തിനിരയായെന്നും മൊഴിയിൽ പറയുന്നു. പോസ്റ്റ്മോർട്ടം റിപ്പോർട്ടിൽ മൃതദേഹത്തിൽ 52 മുറിവുകളുണ്ടെന്നും ലൈംഗീക പീഡനം നടന്നിട്ടുണ്ടെന്നും വ്യക്തമായി പറയുന്നുണ്ട്. പ്രകൃതിവിരുദ്ധപീഡനത്തിന് കുട്ടിയെ ഇരയാക്കിയതിന്റെ ലക്ഷണങ്ങളും സ്വകാര്യഭാഗങ്ങളിലെ മുറിവുകളും പോസ്റ്റുമോർട്ടം റിപ്പോർട്ടിൽ എടുത്തുപറയുന്നു. ജനുവരി 15നാണ് പെണ്കുട്ടിയെ വീടിനുള്ളിലെ ജനൽകന്പിയിൽ തൂങ്ങിമരിച്ച നിലയിൽ കണ്ടെത്തിയത്. സംഭവവുമായി അമ്മ അടക്കം ഒന്പതുപേരെ കസ്റ്റഡിയിലെടുത്തിട്ടുണ്ട്. ഇവരെ ചോദ്യം ചെയ്തുവരികയാണ്. അന്വേഷണത്തിൽ പോലീസിന്റെ ഭാഗത്ത് ഗുരുതരമായ വീഴ്ച സംഭവിച്ചതിനെ തുടർന്ന് കുണ്ടറ സിഐ ഷാബുവിനെ സസ്പെൻഡ് ചെയ്തു പകരം കൊല്ലം റൂറൽ എസ്പിക്ക് അന്വേഷണ ചുമതല നൽകിയിരുന്നു. സംഭവത്തിൽ മനുഷ്യാവകാശ കമ്മീഷൻ സ്വമേധയാ കേസെടുത്തിട്ടുണ്ട്.
Read Moreമണ്ടൻ കളക്ടർ കൊല്ലത്ത് ..! ജില്ലയിലെ വികസനങ്ങൾക്ക് എതിരായി മണ്ടൻ പരിഷ്കാരങ്ങൾ നടത്തുന്നയാണ് കൊല്ലത്തെ കളക്ടറെന്ന് കെ ബി ഗണേഷ് കുമാർ
പത്തനാപുരം: ജില്ലാ കളക്ടറുടെ പ്രവർത്തനങ്ങൾ വികസനപ്രവർത്തനങ്ങൾക്ക് എതിരാണെന്നും കളക്ടർ മണ്ടൻ പരിഷ്ക്കാരങ്ങൾ നടപ്പിലാക്കുകയാണെന്നും കെ.ബി.ഗണേഷ് കുമാർ എംഎൽഎ ആരോപിച്ചു. പിറവന്തൂർ ഗവ.മോഡൽ യുപി സ്കൂളിന് പുതിയതായി നിർമ്മിച്ച കെട്ടിടത്തിന്റെ ഉദ്ഘാടനം നിർവഹിച്ച് പ്രസംഗിക്കുകയായിരുന്നു അദ്ദേഹം. കുടിവെള്ളവിതരണത്തിന്റെ ഫയലുകളിൽ പോലും ഒപ്പ് വയ്ക്കാൻ കളക്ടർ തയ്യാറല്ല. മന്ത്രി ജെ.മേഴ്സിക്കുട്ടിയമ്മ പറഞ്ഞിട്ടുപോലും കുടിവെള്ള വിതരണത്തിനാവശ്യമായ നിർദേശങ്ങൾ തഹസിൽദാർമാർക്ക് കളക്ടർ നൽകുന്നില്ല. കഴിഞ്ഞ പത്തിന് ഫയലുകളിൽ തീർപ്പ് കൽപ്പിക്കണമെന്ന് സർക്കാർ നിർദേശം ഉണ്ടായിട്ടും ഇതൊന്നും ചെയ്യാൻ കളക്ടർ തയ്യാറല്ല. ജില്ലയിൽ ഈ കളക്ടർ സർവീസിൽ ഉള്ളപ്പോൾ ഒരു വികസനവും എത്തില്ല. ഇതിനെ തുടർന്ന് താൻ സ്പീക്കർക്കും മുഖ്യമന്ത്രിയ്ക്കും പരാതി നൽകിയിട്ടുണ്ട്. ഇടതുപക്ഷ സർക്കാർ പൊതു വിദ്യാഭ്യാസത്തിന്റെ ഉന്നമനത്തിനായി നിരവധി പദ്ധതികൾ ആവിഷ്ക്കരിച്ച് നടപ്പിലാക്കുകയാണെന്നും ഗണേഷ് കുമാർ പറഞ്ഞു.പിടിഎ പ്രസിഡന്റ് പി.അജികുമാർ അധ്യക്ഷത വഹിച്ചു. പൊതുമരാമത്ത് എക്സിക്യൂട്ടിവ് എഞ്ചനീയർ കെ.എ.ജയ റിപ്പോർട്ട് അവതരിപ്പിച്ചു.…
Read Moreനേരാ തിരുമേനി..!ഡോ.വി.വി. വേലുക്കുട്ടി പേരിനൊപ്പം അരയൻ എന്ന പേരു കൂടി സ്വീകരിച്ചത് ഒരു ജനസമൂഹത്തിനു വേണ്ടിയെന്ന് മന്ത്രി മേഴ്സിക്കുട്ടി അമ്മ
കരുനാഗപ്പള്ളി: മനുഷ്യരിൽ വർഗീയ ചിന്ത വളർത്തി സമൂഹത്തെ പിന്നോട്ട് വലിക്കാനുള്ള ശ്രമങ്ങൾ നടക്കുന്നതായി മന്ത്രി ജെ. മേഴ്സിക്കുട്ടി അമ്മ പറഞ്ഞു. സാമൂഹ്യ പരിഷ്കർത്താവും സ്വാതന്ത്ര്യസമര സേനാനിയുമായ ഡോ.വി.വി.വേലുക്കുട്ടി അരയന്റെ 1 2 3–ാം ജന്മദിനാഘോഷം കരുനാഗപ്പള്ളിയിൽ ഉദ്ഘാടനം ചെയ്ത് പ്രസംഗിക്കുകയായിരുന്നു മന്ത്രി. ഹിന്ദു വർഗീയതയെ ആളിക്കത്തിച്ച് ദളിതരെയും പിന്നോക്കക്കാരെയും ഉൾപ്പെടെ തങ്ങളുടെ പിന്നിൽ അണിനിരത്താം എന്നതിന്റെ വിജയമാണ് യുപിയിലെ തെരഞ്ഞെടുപ്പു ഫലം സൂചിപ്പിക്കുന്നത്. ഇവിടെയാണ് വർഗ രാഷ്ര്ടീയത്തിന്റെ പ്രസക്തി. ഡോ.വി.വി. വേലുക്കുട്ടി അദ്ദേഹത്തിന്റെ പേരിനൊപ്പം അരയൻ എന്ന പേരു കൂടി സ്വീകരിച്ചത് ഒരു ജനസമൂഹത്തിനു വേണ്ടിയായിരുന്നുവെന്നും മന്ത്രി പറഞ്ഞു. മറ്റ് സാമൂഹ്യ നവോഥാന നായകരോടൊപ്പം വളരെ സംഭാവനകൾ സമൂഹത്തിനു പകർന്നു നൽകിയ അദ്ദേഹത്തെ വേണ്ട വിധം പഠിക്കാനും ആദരിക്കാനും ഇന്നത്തെ സമൂഹത്തിനായിട്ടില്ലായെന്നും ജെ. മേഴ്സിക്കുട്ടിയമ്മ പറഞ്ഞു. ചടങ്ങിൽ കെ എൻ ബാലഗോപാൽ എംപി അധ്യക്ഷത വഹിച്ചു. ഡോ.…
Read Moreമകളാണ്, ഓർമിക്കുക..! പീഡനത്തിന് ഇരയായ പ്രായപൂർത്തിയാകാത്ത പെണ്കുട്ടി ജീവനൊടുക്കി: മൂന്നു കുട്ടികളുടെ പിതാവായ ബന്ധുവിനെ പോലീസ് അറസ്റ്റു ചെയ്തു
പോത്തന്കോട്: മംഗലപുരം മുരുക്കുംപുഴയില് പീഡനത്തിനു ഇരയായ പ്രായപൂര്ത്തിയാകാത്ത പെണ്കുട്ടി ജീവനൊടുക്കിയ സംഭവത്തില് കുട്ടിയുടെ അടുത്ത ബന്ധുവായ യുവാവ് അറസ്റ്റില്. പോസ്റ്റ്മോർട്ടം റിപ്പോര്ട്ടിന്റെ അടിസ്ഥാനത്തിലാണ് ശാര്ക്കര മഞ്ചാടിമൂട് മണ്ണംകുടി വയല്തിട്ടയില് വീട്ടില് രാജേഷ് (30)നെ പോലീസ് അറസ്റ്റ് ചെയ്തത്. മംഗലപുരം പോലിസാണ് പ്രതിയെ പിടികൂടിയത്. പിടിയിലായ രാജേഷ് പെൺകുട്ടിയുടെ അടുത്ത ബന്ധു കൂടിയാണ്. കുട്ടി പീഡനത്തിനു ഇരയായി എന്ന പോസ്റ്റ്മോര്ട്ടം റിപ്പോര്ട്ട് പുറത്തുവന്നതോടെ പോലീസ് നടത്തിയ അന്വേഷണത്തില് ആണ് ഇയാളെ അറസ്റ്റ് ചെയ്തത്. കഴിഞ്ഞ മാസം 23നാണ് മുരുക്കുംപുഴ സ്വദേശിനിയായ പതിനാറുകാരി വീട്ടിൽ ജീവനൊടുക്കിയത് . രാജേഷ് പെണ്കുട്ടിയുടെ അടുത്ത ബന്ധുവായതിനാല് നിരന്തരം വീട്ടില് എത്തുമായിരുന്നു. ഇയാള് കുട്ടിയെ പലതവണ പീഡിപ്പിച്ചു വരുകയായിരുന്നു. തുടര്ന്നു പെണ്കുട്ടിക്ക് രക്തസ്രാവം ഉണ്ടായതിനെ തുടര്ന്നു തിരുവനന്തപുരത്തെ മെഡിക്കല് കോളജ് എസ്എറ്റി ആശുപത്രിയില് പ്രവേശിപ്പിച്ചിരുന്നു. ഒരാഴ്ച പെണ്കുട്ടി ഇവിടെ ചികിത്സയിലായിരുന്നു. ഇതിനുശേഷമാണ് പെണ്കുട്ടി ജീവനൊടുക്കിയത്.…
Read Moreകാടും പുഴയും ഇഷ്ടമാണോ, പോരൂ അഗസ് ത്യവനത്തിലേക്ക് ..! കാട്ടിൽ സുരക്ഷിതമായി അന്തിയുറങ്ങാനും മൃഗങ്ങളെ കാണാനും അസുലഭ അവസരം ഒരുക്കി വനം വകുപ്പും
കോട്ടൂർസുനിൽ കാട്ടാക്കട: : കൊടും കാട്ടിൽ സുരക്ഷിതമായി അന്തിയുറങ്ങാനും കാട്ട് മൃഗങ്ങളെ കാണാനും അസുലഭ അവസരം ഒരുക്കി വനം വകുപ്പ് സഞ്ചാരികളെ വിളിക്കുന്നു. ഇനി ജില്ലയിലെ രണ്ടു വന്യജീവി സങ്കേതങ്ങളിലും സാഹസിക വിനോദത്തിന്റെ കൊടി ഉയരുന്നു. നെയ്യാറിലും പേപ്പാറയിലുമാണ് പദ്ധതി വരുന്നത്. വനമധ്യത്തിൽ മരത്തിനുമുകളിൽ നിർമിച്ച ഏറുമാടത്തിൽ രാത്രി താമസം.പകൽ നെയ്യാറിലും കരമനയാറിലും ചങ്ങാടത്തിൽ യാത്ര. കാടും പുഴയും ഇഷ്ടപ്പെടുന്ന ഏതൊരാൾക്കും മറക്കാനാവാത്ത അനുഭവമാണ് വനംവകുപ്പ് ഒരുക്കുന്നത്. ഏറുമാടത്തിൽ നാലുപേർക്ക് താമസിക്കാംകാടിനുള്ളിലെ ഏറുമാടത്തിൽ താമസിച്ചു തൊട്ടടുത്ത വെള്ളച്ചാട്ടത്തിന്റെ സൗന്ദര്യം പരമാവധി ആസ്വദിക്കാവുന്ന തരത്തിലാണ് ഏറുമാടത്തിന്റെ പൂർത്തീകരണം. ഇതു സന്ദർശകർക്കു വേറിട്ട അനുഭവം നൽകുമെന്ന് അധികൃതർപറയുന്നു. വന്യമൃഗങ്ങൾ വെള്ളം കുടിക്കാനെത്തുന്ന കാഴ്ചയും കാടിനുള്ളിലെ ശബ്ദങ്ങളും അനുഭവിച്ചറിയാവുന്ന തരത്തിലുള്ള പാക്കേജ് കൂടിയാണിത്. ഇതിനു പുറമെ പേപ്പാറ വനം-വന്യജീവി സങ്കേതത്തിന്റെ നേതൃത്വത്തിൽ ഗുഹാവാസം, ട്രക്കിംഗ്, വെള്ളച്ചാട്ട സന്ദർശനം എന്നിവയും സഞ്ചാരികൾക്കായി തയ്യാറാക്കിയിരിക്കുന്നു.സുരക്ഷിതമായ…
Read Moreവെറും രാഷ്ട്രീയപരാമർശം..! മുഖ്യമന്ത്രിയുടെ “വാടക’ പരാമർശം സഭാരേഖകളിൽ നിന്നും നീക്കില്ല; മുഖ്യമന്ത്രിയുടേത് ഒരു രാഷ്ട്രീയ പരാമർശം മാത്രമെന്ന് സ്പീക്കർ
തിരുവനന്തപുരം: കൊച്ചിയിൽ സദാചാര ഗുണ്ടായിസം നടത്തിയ ശിവസേനക്കാരെ പ്രതിപക്ഷം വാടകയ്ക്ക് എതുത്തതാണെന്ന മുഖ്യമന്ത്രിയുടെ നിയമസഭയിലെ പ്രസ്താവന സഭാരേഖകളിൽ നിന്നും നീക്കില്ലെന്ന് സ്പീക്കർ പി.ശ്രീരാമകൃഷ്ണൻ. മുഖ്യമന്ത്രിയുടേത് ഒരു രാഷ്ട്രീയ പരാമർശം മാത്രമാണെന്നും ഇത്തരത്തിലുള്ള പരാമർശങ്ങൾ രാഷ്ട്രീയമായി മറുപടി പറയാൻ പ്രതിപക്ഷത്തിന് സമയം അനുവദിച്ചിരുന്നുവെന്നുമാണ് സ്പീക്കറുടെ റൂളിംഗ്. കൊച്ചിയിലെ ശിവസേനയുടെ സദാചാര ഗുണ്ടായിസം അരങ്ങേറിയതിന്റെ പിറ്റേന്നാണ് നിയമസഭയിൽ നാടകീയ രംഗങ്ങളുണ്ടായത്. കൊച്ചിയിലെ സദാചാര ഗുണ്ടായിസത്തിന് എത്തിയ ശിവസേനക്കാർ പ്രതിപക്ഷം വാടകയ്ക്ക് എടുത്തവരായിരുന്നുവെന്നാണ് മുഖ്യമന്ത്രി ആരോപിച്ചത്. മുഖ്യമന്ത്രിയുടെ പരാമർശത്തിന് പിന്നാലെ നിയമസഭയുടെ നടുത്തളത്തിൽ ഭരണ-പ്രതിപക്ഷ അംഗങ്ങൾ രൂക്ഷമായി പോർവിളിച്ചു. പരാമർശം നീക്കണമെന്ന് പ്രതിപക്ഷ അംഗം വി.ഡി.സതീശനും പ്രതിപക്ഷ നേതാവ് രമേശ് ചെന്നിത്തലയും ആവശ്യപ്പെട്ടിരുന്നു. ഇതേതുടർന്നാണ് സ്പീക്കർ പരിശോധന നടത്തി പരാമർശം നീക്കില്ലെന്ന് റൂളിംഗ് നടത്തിയത്.
Read More