മുണ്ടക്കയം ഈസ്റ്റ്: മാസങ്ങളായി തുടരുന്ന വന്യജീവി ആക്രമണത്തിൽ പൊറുതിമുട്ടി പെരുവന്താനം പഞ്ചായത്തിലെ ടി ആർ ആൻഡ് ടി എസ്റ്റേറ്റ് മേഖല. അജ്ഞാതജീവി പശുക്കളെയും നായകളെയുമടക്കമുള്ളവയെ വേട്ടയാടാൻ തുടങ്ങിയിട്ട് ആറുമാസം പിന്നിട്ടിട്ടും ഇത് എന്താണെന്നു പോലും തിരിച്ചറിയാൻ വനം വകുപ്പിനാകുന്നില്ലെന്ന് ആക്ഷേപം ശക്തമായിരിക്കുകയാണ്. ഇന്നലെ രാവിലെ ചെന്നാപ്പാറമുകള് ഭാഗത്ത് 94 ഫീല്ഡിലാണ് രണ്ട് വയസ് പ്രായമുള്ള പശുക്കിടാവിനെ ചത്തനിലയില് കണ്ടെത്തിയത്. പുലിയുടെ ആക്രമണമാണിതെന്ന് തൊഴിലാളികൾ ഉറപ്പിച്ചു പറയുമ്പോഴും വനം വകുപ്പ് ഇതുവരെ ഇത് സ്ഥിരീകരിച്ചിട്ടില്ല. കൂടാതെ കൊമ്പുകുത്തി കൊച്ചുവീട്ടില് സുരേഷിന്റെ വളര്ത്തുനായയെ കഴിഞ്ഞ രാത്രി പുലികൊണ്ടുപോയതായി നാട്ടുകാർ പറയുന്നു. വീട്ടുകാര് സ്ഥലത്തില്ലായിരുന്നു. തിങ്കളാഴ്ച വീട്ടിലെത്തിയ സുരേഷും കുടുംബവും വളര്ത്തുനായയെ കാണാതായതോടെ നടത്തിയ അന്വേഷണത്തിലാണ് വീട്ടുപരിസരത്ത് പുലിയുടേതെന്നു കരുതുന്ന കാല്പ്പാടുകള് കണ്ടത്. കൂടാതെ വീടിന്റെ ഭിത്തിയില് മാന്തിയതെന്നു കരുതുന്ന നഖത്തിന്റെ പാടുകളും കണ്ടെത്തിയിട്ടുണ്ട്. വന്യമൃഗ ശല്യത്തിൽ ഉറക്കം നഷ്ടപ്പെട്ട്…
Read Moreപുലിയോ പൂച്ചയോ… കാമറയിലും കൂട്ടിലും കുടുങ്ങാതെ അജ്ഞാതജീവി; ഉറക്കം നഷ്ടപ്പെട്ട് മലയോരം
