കുമരകം: ചീപ്പുങ്കൽ മാലിക്കായൽ പ്രദേശത്ത് കുടിവെള്ളം എത്താതായിട്ട് ഒരു വർഷത്തിലേറെയായി. ചീപ്പുങ്കൽ പടിഞ്ഞാറു ഭാഗത്ത് വേന്പനാട് കായലിനോടു ചേർന്നുള്ള മാലിക്കായൽ പ്രദേശത്തെ മൂന്നു വീട്ടുകാർക്കാണ് ജീവിതം വഴിമുട്ടിയത്. ജലവിതരണ വകുപ്പിന്റെയും പഞ്ചായത്തിന്റെ തനതു പദ്ധതിയായ ജലനിധിയുടെയും കണക്ഷനുകളുള്ള ഉപയോക്താക്കളാണു കുടിവെള്ളത്തിനായി നെട്ടോട്ടം ഓടുന്നത്. കുമരകത്തോ വിരിപ്പുകാലയിലോ എത്തി ഏതെങ്കിലും പൊതുടാപ്പുകളിൽനിന്ന് വെള്ളം ശേഖരിച്ചു ഗതാഗതയോഗ്യമായ റോഡ് ഇല്ലാത്തതിനാൽ കിലോമീറ്ററുകൾ കാൽനടയായോ അർബാനയിലോ വെള്ളം എത്തിച്ചാണു ഈ കുടുംബങ്ങൾ ആവശ്യങ്ങൾ നിറവേറ്റുന്നത്. വിനോദ് മാലിക്കായൽ, മണി മാന്പറന്പിൽ, സജീവ് മാലിക്കായൽ എന്നീ വീട്ടുകാർക്ക് ഒന്നര വർഷം മുന്പ് വരെ പൈപ്പിൽനിന്നു സുലഭമായി വെള്ളം ലഭിച്ചിരുന്നു. പിന്നീട് വെള്ളം ലഭിക്കാതെ ആയതോടെ പലതവണ അറ്റകുറ്റപ്പണികൾ നടത്തിയിട്ടും തകരാർ കണ്ടെത്തി പരിഹരിക്കാനായില്ല. ഇതൊടൊപ്പം ചീപ്പുങ്കൽ പാലത്തിന്റെ പടിഞ്ഞാറൻ പ്രദേശങ്ങളിലെ മറ്റു പലവീടുകളിലും മാസങ്ങളായി കുടിവെള്ളം എത്തുന്നില്ല. റോഡ് സൗകര്യമുള്ള വീട്ടുകാർ 500…
Read MoreCategory: Kottayam
രാഹുലിനു പ്രിയം ബിരിയാണിയും ചിക്കനും! കരിമീനും ഫ്രൂട്ട് സാലഡും ഒഴിവാക്കി
കോട്ടയം: കടുത്ത ചൂടിൽ ജില്ലയിലെ മൂന്നു പ്രചാരണവേദികൾ പിന്നിട്ട് രാഹുൽ ഗാന്ധി പാലായിലെത്തിയപ്പോൾ ഉച്ചകഴിഞ്ഞ് രണ്ടര കഴിഞ്ഞു. മാണി സി. കാപ്പന്റെ പ്രചാരണ പ്രസംഗത്തിനുശേഷം പാലാ ഒലിവ് ഹോട്ടലിൽ ഭക്ഷണം കഴിയ്ക്കുന്പോൾ ഉച്ചകഴിഞ്ഞ് മൂന്നര. ബിരിയാണിയും തന്തൂരി ചിക്കനും ഉൗണും ഒരുക്കിയിരുന്നു. ബിരിയാണിയും ചിക്കനും രാഹുൽ തൃപ്തിയോടെ കഴിച്ചു. കരിമീൻ ഉൾപ്പെടെ മത്സ്യം തയാറാക്കിയിരുന്നെങ്കിലും മീൻ ഒഴിവാക്കി. ഫ്രൂട്ട് സാലഡ് ഒഴിവാക്കി അൽപം കരിക്കിൻ വെള്ളവും കുടിച്ചു. ചോറിന് ഫിഷ് ഫ്രൈ, അവിയൽ, പുളിശേരി, തോരൻ, പപ്പടം, അച്ചാർ തുടങ്ങിയവയും ഒരുക്കിയിരുന്നു. രുചികരമായ ഭക്ഷണം ഒരുക്കി വിളന്പിയവർക്കു നന്ദി പറഞ്ഞ് ഫോട്ടോ സെഷനുശേഷമാണ് രാഹുൽ മടങ്ങിയത്.
Read Moreകൂറ്റൻപതാകയുമായി പ്രവർത്തകർ പിന്നാലെ ഓടി; വാഹനം നിർത്തി രാഹുൽ
ചങ്ങനാശേരി: കോട്ടയം ജില്ലയിലെ യുഡിഎഫിന്റെ തെരഞ്ഞെടുപ്പ് യോഗങ്ങളിൽ പങ്കെടുക്കാനെത്തിയ കോണ്ഗ്രസ് നേതാവ് രാഹുൽ ഗാന്ധിയെ ആലപ്പുഴ-ചങ്ങനാശേരി റോഡ് സംഗമിക്കുന്ന പെരുന്ന റെഡ് സ്ക്വയർ ജംഗ്ഷനിൽ കോണ്ഗ്രസ് പ്രവർത്തകർ സ്വീകരിച്ചു. ആലപ്പുഴയിൽനിന്ന് എസി റോഡിലൂടെ ചങ്ങനാശേരിയിലേക്ക് രാഹുൽ ഗാന്ധിയുടെ വാഹനവ്യൂഹം പ്രവേശിച്ചപ്പോൾ റെഡ് സ്ക്വയർ ജംഗ്ഷനിൽ കാത്തുനിന്ന പ്രവർത്തകർ മുദ്രാവാക്യം മുഴക്കി റോഡിനു നടുവിൽ വാഹനത്തിനു മുന്പിൽ കയറി നിന്നെങ്കിലും പോലീസ് ഇവരെ മാറ്റി വഴിയൊരുക്കി. കോണ്ഗ്രസ് പ്രവർത്തകർ കൂറ്റൻപതാകയുമായി വാഹനത്തിനു പിറകെ ഓടിയെത്തുന്നതു കണ്ട് രാഹുൽ ഗാന്ധി വാഹനം നിർത്തി. നിർത്തിയിട്ട വാഹനത്തിലിരുന്നുകൊണ്ട് പ്രവർത്തകർക്കൊപ്പം സെൽഫിയെടുക്കുകയും സംസാരിക്കുകയും ചെയ്തു. കൂടുതൽ സമയം ചെലവഴിച്ചതോടെ പോലീസ് ഉദ്യോഗസ്ഥരും വിഐപി ചുമതലയുള്ള കമാൻഡോസും ഇറങ്ങി നിർദേശം നൽകിയതിനെത്തുടർന്ന് രാഹുൽഗാന്ധി ചിങ്ങവനത്തേക്ക് യാത്ര തുടർന്നു.
Read Moreബിന്ദു എല്ലാം സഹോദരിയോട് പറഞ്ഞിരുന്നു..! തോട്ടിൽ മരിച്ചനിലയിൽ കണ്ടെത്തിയ സംഭവം കൊലപാതകമെന്നു പോലീസ്
കുറവിലങ്ങാട്: കുറവിലങ്ങാട് ബസ് സ്റ്റാൻഡിന് സമീപം വലിയതോട്ടിൽ മരിച്ചനിലയിൽ കണ്ടെത്തിയ ഗൃഹനാഥന്റേതു കൊലപാതകമെന്ന പോലീസ്. ചിന്പനായിൽ തങ്കച്ച(57) നാണു മരിച്ചത്. സംഭവത്തിൽ ബസ് സ്റ്റാൻഡിൽ താമസിക്കുന്ന ഉഴവൂർ പുൽപ്പാറ കരിമാക്കീൽ ബിന്ദു (41)വിനെ പോലീസ് അറസ്റ്റ് ചെയ്തു. ഞായറാഴ്ച വൈകുന്നേരമാണ് തങ്കച്ചനെ വലിയതോട്ടിൽ മരിച്ചനിലയിൽ കണ്ടെത്തിയത്. ഞായറാഴ്ച ഉച്ചയോടെ തോടിനു സമീപമിരുന്ന് തങ്കച്ചനും ബിന്ദുവും മദ്യപിച്ചിരുന്നു. വഴക്കിനിടെ മരക്കഷണം ഉപയോഗിച്ച് തലയ്ക്കടിച്ചശേഷം തങ്കച്ചനെ തോട്ടിലേക്കു തള്ളിയിട്ടെന്നാണു ബിന്ദുവിന്റെ മൊഴി. തങ്കച്ചൻ തോട്ടിൽ വീണതു സഹോദരിയോട് ബിന്ദു പറഞ്ഞിരുന്നു.ഇതിനിടെ, വൈകുന്നേരം നാലിന് തിരികെ എത്തി തങ്കച്ചൻ മരിച്ചെന്ന് ബോധ്യപ്പെട്ടതോടെ വിവരം പുറത്തറിയിക്കുകയായിരുന്നു. കടുത്തുരുത്തിക്കടുത്ത് താമസിക്കുന്പോൾ ഒരു യുവാവിനെ തലയ്ക്കടിച്ച് പരിക്കേൽപ്പിച്ച സംഭവത്തിൽ ബിന്ദു ജയിൽ ശിക്ഷ അനുഭവിച്ചിട്ടുള്ളതായും പോലീസ് പറയുന്നു. വൈക്കം ഡിവൈഎസ്പി മുഹമ്മദ് റിയാസ്, കുറവിലങ്ങാട് എസ്എച്ച്ഒ ഇ.എസ് സാംസണ്, എസ്ഐ ടി.ആർ ദീപു, സ്ക്വാഡ് അംഗങ്ങളായ…
Read Moreതിരുവഞ്ചൂർ രാധാകൃഷ്ണന്റെ തെരഞ്ഞെടുപ്പ് യോഗത്തിൽ പ്രവർത്തകർക്ക് ആവേശം പകർന്ന് രാഹുൽഗാന്ധി
കോട്ടയം: ജില്ലയിലെ കോണ്ഗ്രസ് പ്രവർത്തകർക്ക് ആവേശം പകർന്ന് രാഹുൽഗാന്ധിയുടെ സന്ദർശനം. കായംകുളത്തു നിന്നുമാണ് രാഹുൽ ഗാന്ധി കോട്ടയം ജില്ലയിലേക്ക് എത്തിയത്.ചിങ്ങവനത്താണ് രാഹുൽ ഗാന്ധിക്കു ജില്ലയിലേക്കുള്ള വരവേൽപ്പ് നല്കിയത്. തുടർന്നു പരുത്തുംപാറയിലെത്തി പൊതുസമ്മേളനത്തിൽ പങ്കെടുത്തു. തുടർന്നു ചോഴിയക്കാട്, പാറയ്ക്കൽകടവ്, പുതുപ്പള്ളി വഴി മണർകാട് എത്തിയ രാഹുൽഗാന്ധി മണർകാട് കവലയിൽ ഉമ്മൻചാണ്ടിയുടെ തെരഞ്ഞെടുപ്പ് യോഗത്തിൽ പ്രസംഗിച്ചു. കൊടുങ്ങൂർ വഴി ഒന്നിനു പൊൻകുന്നത്തെത്തി കാഞ്ഞിരപ്പള്ളി നിയോജകമണ്ഡലത്തിൽ മത്സരിക്കുന്ന ജോസഫ് വാഴയ്ക്കനുവേണ്ടി പ്രചാരണം നടത്തും. പൈക വഴി പാലായിൽ എത്തി രണ്ടിനു മാണി സി. കാപ്പന്റെ തെരഞ്ഞെടുപ്പ് യോഗത്തിൽ പങ്കെടുക്കും. മരങ്ങാട്ടുപള്ളി വഴി മൂന്നിനു ഉഴവൂരിലെത്തി മോൻസ് ജോസഫിന്റെ തെരഞ്ഞെടുപ്പ് യോഗത്തിൽ പ്രസംഗിക്കും. തുടർന്നു കൂത്താട്ടുകുളം വഴി പിറവത്തേക്കു പോകും. മുൻമുഖ്യമന്ത്രി ഉമ്മൻചാണ്ടി, കെപിസിസി പ്രസിഡന്റ് മുല്ലപ്പള്ളി രാമചന്ദ്രൻ, എഐസിസി ജനറൽ സെക്രട്ടറി കെ.സി. വേണുഗോപാൽ, പ്രതിപക്ഷനേതാവ് രമേശ് ചെന്നിത്തല, എഐസിസി ജനറൽ…
Read Moreപോരാട്ടച്ചൂടിനിടയിൽ സൗഹൃദപ്പെരുമഴ! സി.കെ. ആശയും എന്ഡിഎ സ്ഥാനാര്ഥി അജിത സാബുവും മുമ്പേ പരിചയക്കാരാണ്…
വൈക്കം: കനത്ത ചൂടിലും പോരാട്ട വീര്യത്തോടെ ഇഞ്ചോടിഞ്ച് പൊരുതുന്ന വൈക്കത്തെ മുന്നണി സ്ഥാനാർഥികളായ മൂന്നുവനിതകളും സായാഹ്നത്തിൽ വൈക്കം കായലോര ബീച്ചിൽ ഒരുമിച്ചു കണ്ടപ്പോൾ സൗഹൃദം തിരതല്ലി. യുഡിഎഫ് സ്ഥാനാർഥി ഡോ. പി.ആർ. സോനയും എൽഡിഎഫ് സ്ഥാനാർഥി സി.കെ. ആശയും എൻഡിഎ സ്ഥാനാർഥി അജിത സാബുവും മുന്പേ പരിചയക്കാരാണ്. സി.കെ. ആശ വൈക്കത്തെ സിറ്റിംഗ് എംഎൽഎയാണെങ്കിൽ ഡോ. പി.ആർ. സോന കോട്ടയം നഗരസഭ ചെയർപേഴ്സണായിരുന്നു. ഇവർക്കു മുന്പേ കോട്ടയം ജില്ലാ പഞ്ചായത്ത് പ്രസിഡന്റായി അധികാരസ്ഥാനത്തെത്തിയ വനിതയായിരുന്നു അജിതാസാബു. ജനപ്രതിനിധികളായിരുന്നതിനാൽ ജനങ്ങളുടെ അഭിരുചികളും വികസന കാഴ്ചപ്പാടും മനസിലാക്കിയിട്ടുള്ള മൂവരും വോട്ടർമാരുടെ മനസിന്റെ രസതന്ത്രമറിഞ്ഞാണ് തെരഞ്ഞെടുപ്പു പ്രചരണം നടത്തുന്നത്. പരസ്പരം സഹായിച്ചും സഹകരിച്ചും പ്രവർത്തിച്ചുവന്ന ഇവർ സ്ഥാനാർഥികളായി പോരാടുന്പോഴും വ്യക്തിപരമായ ബഹുമാനത്തിനോ സൗഹൃദത്തിനോ യാതൊരു കോട്ടവും തട്ടിയിട്ടില്ലെന്നും ബന്ധങ്ങൾ കൂടുതൽ ഉൗഷ്മളമാകുകയാണ് ചെയ്തതെന്നും സോനയും ആശയും അജിതയും പറയുന്നു.
Read Moreമണർകാട്ടെ പെട്രോൾ പമ്പ് ആക്രമണം; പിന്നിൽ വിവാദ പണമിടപാടുകാരനോ? കുടുക്കാൻ സിസിടിവി ദൃശ്യം പരിശോധിച്ച് പോലീസ്
കോട്ടയം: മണർകാട്ടെ പെട്രോൾ പന്പ് ആക്രമണത്തിനു പിന്നിലും മാലം സ്വദേശിയായ വിവാദ പണമിടപാടകാരനെന്ന് സൂചന . ഇന്നലെ ഉച്ചകഴിഞ്ഞു രണ്ടിനാണ് പെട്രോൾ പന്പിലെത്തിയ സംഘം ജീവനക്കാരെ മർദിക്കുകയും ആക്രമണം നടത്തുകയും ചെയ്തത്. സംഭവത്തിൽ ഉൾപ്പെട്ട മൂന്നു പേരെ പോലീസ് പിടികൂടിയിട്ടുണ്ട്. മറ്റുള്ള പ്രതികൾക്കായി അന്വേഷണം ഉൗർജിതമാക്കിയിട്ടുണ്ട്. മണർകാട് സ്വദേശിയായ റജിൻ കെ. രാജു (37), പുതുപ്പള്ളി സ്വദേശിയായ പി.ടി. സരിൻ (30), മണർകാട് എരുമപ്പെട്ടി സ്വദേശി എ.ആർ. വൈശാഖ് (28) എന്നിവരെയാണ് മണർകാട് പോലീസ് അറസ്റ്റ് ചെയ്തത്. അക്രമത്തിൽ പന്പ് ഉടമയുടെ മകൻ ബിബിൻ കുരുവിള (23), വനിതാ ജീവനക്കാരായ സുനിതാ വിനോദ് (43), അഖില (36), സിനി (36) എന്നിവർക്കാണ് പരിക്കേറ്റ ഇവരെ കോട്ടയം ജനറൽ ആശുപത്രിയിൽ പ്രവേശിപ്പിച്ചു.ഗുണ്ടാ സംഘം ആക്രമണം നടത്തിയതു പന്പിന്റെ പിന്നിലൂടെ എത്തിയാണ്. നാളുകളായി മാലം സ്വദേശിയായ വിവാദ പണമിടപാട് കാരനുമായി…
Read Moreപി.സിക്കെതിരേ പ്രതിഷേധം എസ്ഡിപിഐയുടെ ശക്തികേന്ദ്രത്തിൽ; ആശാനെതിരേ അറ്റാക്ക്, കൗണ്ടർ അറ്റാക്ക്!
കോട്ടയം: തെരഞ്ഞെടുപ്പ് പ്രചാരണത്തിനിടയിൽ ജനപക്ഷം സ്ഥാനാർഥി പി.സി. ജോർജും ഒരു വിഭാഗം ആളുകളും തമ്മിലുണ്ടായ വാക്കേറ്റത്തിന്റെ വീഡിയോ സോഷ്യൽ മീഡിയയിൽ വൈറൽ. പൂഞ്ഞാറിലെ ജനപക്ഷം സ്ഥാനാർഥിയും എംഎൽഎയുമായി പി.സി. ജോർജിന് ഇന്നലെ തീക്കോയി പഞ്ചായത്തിലായിരുന്നു പ്രചാരണം. പഞ്ചായത്തിൽ ഉൾപ്പെട്ട തേവരുപാറയിൽ എത്തിയപ്പോഴാണ് നാടകീയ സംഭവങ്ങൾ അരങ്ങേറിയത്. പ്രചാരത്തിനിടയിൽ വോട്ട് അഭ്യർഥിച്ചു പ്രസംഗിക്കുന്പോൾ ഒരു സംഘം പി.സി.യെ കൂവിവിളിക്കുകയായിരുന്നു.ആദ്യം കൂവൽ കാര്യമാക്കാതെ അഭ്യർഥന തുടർന്ന സ്ഥാനാർഥി കൂവൽ കനത്തതോടെ ശരിക്കും പൂഞ്ഞാർ ആശാനായി മാറി. ഒട്ടും വിട്ടുകൊടുക്കാതെ തനതു ശൈലിയിൽ ജോർജ് മൈക്കിലൂടെ പ്രസംഗം തുടർന്നതോടെ കണ്ടു നിന്നവരും അന്തംവിട്ടു. എന്റെ ചിഹ്നം തൊപ്പിയാണെന്നും വോട്ടു ചെയ്യണമെന്നും ആദ്യം അഭ്യർഥന നടത്തിയ ജോർജ് കൂവൽ പരിധിവിട്ടതോടെ നിനക്കൊക്കെ സൗകര്യമുണ്ടെങ്കിൽ വോട്ടു തന്നാൽ മതി, വോട്ടു ചോദിക്കാൻ വരുന്നവരോടു മര്യാദയ്ക്കു പെരുമാറാൻ പഠിക്കടാ, നിന്റെയൊന്നും വോട്ടില്ലെങ്കിലും ജനം എന്നെ ജയിപ്പിക്കുമെന്നു…
Read Moreരാഹുൽ ഗാന്ധിയും കെ.കെ. ഷൈലജയും നാളെ കോട്ടയത്ത്; ഉമ്മൻചാണ്ടിയുടെ തെരഞ്ഞെടുപ്പ് യോഗത്തിൽ രാഹുൽ പ്രസംഗിക്കും
കോട്ടയം: തെരഞ്ഞെടുപ്പ് പ്രചാരണത്തിന്റെ ഭാഗമായി രാഹുൽ ഗാന്ധിയും ആരോഗ്യമന്ത്രി കെ.കെ. ഷൈലജയും നാളെ ജില്ലയിലെത്തും. കേന്ദ്രമന്ത്രി അമിത് ഷാ 24നും ജില്ലയിലെത്തും. നാളെ രാവിലെ എത്തുന്ന രാഹുൽ ഗാന്ധി 11ന് ചിങ്ങവനത്തു നിന്നും പരുത്തുംപാറയിലെത്തി പൊതുസമ്മേളനത്തിൽ പങ്കെടുക്കും. തുടർന്ന് ചോഴിയക്കാട്, പാറയ്ക്കൽകടവ്, പുതുപ്പള്ളി വഴി 12ന്് മണർകാട് എത്തുന്ന രാഹുൽ ഗാന്ധി മണർകാട് കവലയിൽ ഉമ്മൻചാണ്ടിയുടെ തെരഞ്ഞെടുപ്പ് യോഗത്തിൽ പ്രസംഗിക്കും. അവിടെനിന്നും കൊടുങ്ങൂർ വഴി ഉച്ചകഴിഞ്ഞ് ഒന്നിന് പൊൻകുന്നത്തെത്തി കാഞ്ഞിരപ്പള്ളി നിയോജകമണ്ഡലത്തിൽ മത്സരിയ്ക്കുന്ന ജോസഫ് വാഴയ്ക്കന് വേണ്ടി പ്രചാരണം നടത്തും. പൈക വഴി പാലായിൽ എത്തി ഉച്ചകഴിഞ്ഞു രണ്ടിന്് മാണി സി. കാപ്പന്റെ തെരഞ്ഞെടുപ്പ് യോഗത്തിൽ പങ്കെടുക്കും. മരങ്ങാട്ടുപള്ളി വഴി മൂന്നിന് ഉഴവൂരിലെത്തി മോൻസ് ജോസഫിന്റെ തെരഞ്ഞെടുപ്പ് യോഗത്തിൽ പ്രസംഗിക്കും. തുടർന്ന് കൂത്താട്ടുകുളം വഴി പിറവത്തേക്ക് പോകും.നാളെ രാവിലെ 10ന് എലിക്കുളത്താണ് ആരോഗ്യമന്ത്രി കെ.കെ. ഷൈലജയുടെ ആദ്യയോഗം.…
Read More‘ഇതാണോ സാറേ സ്ട്രച്ചർ?’; തകർന്ന സ്ട്രച്ചറിൽനിന്ന് വീഴാൻ തുടങ്ങിയ രോഗിയെ സുരക്ഷാ ജീവനക്കാർ രക്ഷപെടുത്തി; രോഗി വീഴാൻ കാരണമായതിനെക്കുറിച്ച് ആശുപത്രി അധികൃതർ പറയുന്നത്
ഗാന്ധിനഗർ: സ്ട്രച്ചറിൽനിന്ന് താഴെ വീണ രോഗിയെ തറയിൽ വീഴാതെ സുരക്ഷാ ജീവനക്കാർ രക്ഷപെടുത്തി. ഇന്നലെ രാവിലെ മെഡിക്കൽ കോളജ് അത്യാഹിത വിഭാഗത്തിനു മുൻവശത്തുള്ള മേൽപ്പാലത്തിലായിരുന്നു സംഭവം. മെഡിക്കൽ കോളജ് അസ്ഥിരോഗ വിഭാഗത്തിൽ ചികിത്സയിൽ കഴിയുകയാണ് മൂവാറ്റുപുഴ ഊരമല സ്വദേശി ശശി (53). സിടി സ്കാനിംഗിനു ശേഷം ശശിയെ സ്ട്രച്ചറിൽ വാർഡിലേക്കു കൂട്ടിരിപ്പുകാരൻ കൊണ്ടുപോകുന്നതിനിടെയാണ് സ്ട്രച്ചർ തകർന്നത്. ഇതു ശ്രദ്ധയിൽപ്പെട്ട സുരക്ഷാ ജീവനക്കാരായ മോഹൻ ദാസ്, സന്തോഷ്, സജികുമാർ എന്നിവർ ഓടിയെത്തി രോഗി താഴേയ്ക്കു വീഴാതെ താങ്ങിപ്പിടിച്ചു. പിന്നീട് മറ്റൊരു സ്ട്രച്ചർ കൊണ്ടുവന്നാണ് രോഗിയെ വാർഡിലേക്ക് എത്തിച്ചത്. കാലപ്പഴക്കം ചെന്ന സ്ട്രച്ചറാണ് വാർഡുകളിൽ ഉപയോഗിക്കുന്നതെന്നും ഇവ മാറ്റി പുതിയ സ്ട്രച്ചറുകൾ വാർഡുകളിൽ ക്രമീകരിക്കണമെന്നും രോഗികളുടെ ബന്ധുക്കൾ ആവശ്യപ്പെട്ടു. സ്ട്രച്ചർ ഉപയോഗിക്കുന്നതിലുള്ള പരിചയക്കുറവാണ് രോഗി വീഴാൻ കാരണമായതെന്ന് ആശുപത്രി അധികൃതരും പ്രതികരിച്ചു.
Read More