കോട്ടയം: കാഞ്ഞിരപ്പള്ളി സീറ്റിന്റെ കാര്യത്തില് ഒരു വിട്ടുവീഴ്ചയ്ക്കും തയാറല്ലെന്ന് സിപിഐ നേതൃത്വം. കഴിഞ്ഞ ദിവസം ചേര്ന്ന ജില്ലാ എക്സിക്യൂട്ടീവ്, കൗണ്സില് യോഗവും ഇക്കാര്യത്തില് ഒറ്റക്കെട്ടായി നിലപാടെടുത്തു. അതേ സമയം കാഞ്ഞിരപ്പള്ളി ഉള്പ്പെടെ മത്സരം സംബന്ധിച്ച നിലപാട് 10 മുതല് 12 വരെ ചേരുന്ന സിപിഐ സംസ്ഥാന കമ്മിറ്റിയില് പ്രഖ്യാപിക്കും. സിപിഐ നാലു പതിറ്റാണ്ടിലേറെ തുടരെ മത്സരിച്ച വാഴൂര് മണ്ഡലത്തിലെ ഏറെ പ്രദേശങ്ങളും ഉള്പ്പെടുത്തി കാഞ്ഞിരപ്പള്ളി മണ്ഡലമായി മാറിയതിനാല് അതൊഴിഞ്ഞുകൊടുക്കാന് സാധിക്കില്ല. കഴിഞ്ഞ തവണ നേരിയ വോട്ടുകള്ക്കായിരുന്നു പരാജയം. അന്നു മത്സരിച്ച വി.ബി. ബിനു വീണ്ടും മത്സരിക്കുമെന്നാണ് സൂചന. ഇദ്ദേഹം കാഞ്ഞിരപ്പള്ളി കേന്ദ്രമായി പ്രവര്ത്തിച്ചു വരുന്നുമുണ്ട്. അടുത്ത നാളില് മണ്ഡലത്തില് സജീവവുമാണ്. കാഞ്ഞിരപ്പള്ളി ജോസ് കെ.മാണി വിഭാഗത്തിനു നല്കി കാഞ്ഞിരപ്പള്ളിക്കു പകരം ചങ്ങനാശേരി, പൂഞ്ഞാര്, കോട്ടയം, സീറ്റുകളില് ഒരെണ്ണം പകരം നല്കാന് സിപിഎം നീക്കം നടത്തുന്നുണ്ടെങ്കിലും സിപിഐ ഇതിനോടു…
Read MoreCategory: Kottayam
മാസ്ക് ഉണ്ടെങ്കിലും രക്ഷയില്ല! മാലിന്യ കേന്ദ്രമായി ചങ്ങനാശേരി റെയിൽവേ സ്റ്റേഷൻ പരിസരം
ചങ്ങനാശേരി: റെയില്വേ സ്റ്റേഷനടുത്തുള്ള ഗുഡ്സ് ഷെഡ് റോഡ് വീണ്ടും മാലിന്യം തള്ളുന്ന കേന്ദ്രമായി മാറി. ദുര്ഗന്ധപൂരിതമായ ഈ റോഡിലൂടെ മാസ്ക് ധരിച്ചുള്ള യാത്രപോലും ദുരിതം നിറഞ്ഞതാണ്. മേരിമൗണ്ട് കുന്നേപ്പള്ളി, ക്ലൂണി പബ്ലിക് സ്കൂൾ, വാട്ടര് അഥോറിറ്റി ഓഫീസ് എന്നിവിടങ്ങളിലേക്കുള്ള റോഡാണ് മാലിന്യ നിക്ഷേപ കേന്ദ്രമായിരിക്കുന്നത്. ചാക്കിലും പ്ലാസ്റ്റിക്ക് കൂടുകളിലുമാക്കിയാണ് റോഡരുകില് മാലിന്യം തള്ളുന്നത്. വാഹനങ്ങളുടെ ചക്രങ്ങള് കയറി മാലിന്യം റോഡിലേക്കു വ്യാപിക്കുന്നത് സ്ഥിതി കൂടുതൽ മോശമാക്കുന്നു. ആശുപത്രികള്, ഹോട്ടലുകള്, ബേക്കറികള്, അറവുശാലകള് എന്നിവിടങ്ങളില് നിന്നുള്ള മാലിന്യമാണ് രാത്രികാലങ്ങളില് ഈ ഭാഗത്തു തള്ളുന്നത്. വഴിവിളക്കുകള് പ്രകാശിക്കാത്തത് മാലിന്യം തള്ളുന്നവര്ക്ക് സഹായകമാകുന്നുണ്ട്. മാലിന്യം ഭക്ഷിക്കാനെത്തുന്ന തെരുവു നായ്ക്കളും വിഷപ്പാമ്പുകളും യാത്രക്കാര്ക്ക് ഭീഷണിയാകുന്നതായും വ്യാപക പരാതിയുണ്ട്. ഈ റോഡില് മാലിന്യ ചാക്കുകള് കത്തിക്കുന്നതും പതിവായിട്ടുണ്ട്. മാലിന്യം തള്ളുന്നവരെ പിടികൂടാന് പോലീസിന്റെയും ആരോഗ്യ വകുപ്പിന്റെയും രാത്രികാല പട്രോളിംഗ് ശക്തമാക്കണമെന്ന ആവശ്യവും ശക്തമായിട്ടുണ്ട്.
Read Moreപതിനായിരത്തോളം താറാവുകൾ ചത്തു! വിശദ പരിശോധനയ്ക്കായി അയച്ച സാമ്പി ളുകളുടെ പരിശോധനാ ഫലം വന്നു; വെച്ചൂരിൽ പക്ഷിപ്പനി സ്ഥിരീകരിച്ചു
വൈക്കം:വെച്ചൂരിൽ പക്ഷിപ്പനി സ്ഥിരീകരിച്ചു. രോഗബാധയെ തുടർന്ന് വിവിധ കർഷകരുടേതായി പതിനായിരത്തോളം താറാവുകൾ ഏതാനും ദിവസങ്ങൾക്കുള്ളിൽ ചത്തു. പക്ഷി പനി ലക്ഷണങ്ങളോടെയാണ് താറാവുകൾ ചത്തതെങ്കിലും ആദ്യഘട്ടത്തിലെ സാന്പിൾ പരിശോധനകളിൽ പക്ഷി പനി സ്ഥിരീകരിച്ചിരുന്നില്ല. വിശദ പരിശോധനയ്ക്കായി അയച്ച സാന്പിളുകളുടെ പരിശോധനാ ഫലം വന്നപ്പോഴാണ് പക്ഷിപനി സ്ഥിരീകരികരിച്ചതെന്ന് അധികൃതർ പറഞ്ഞു. പക്ഷി പനി സ്ഥിരീകരിച്ച സാഹചര്യത്തിൽ തുടർനടപടികൾ സ്വീകരിക്കാൻ മൃഗ സംരക്ഷണ ആരോഗ്യ വകുപ്പ് അധികൃതർ രാവിലെ സ്ഥലത്തെത്തുമെന്ന് അറിയിച്ചതായി വെച്ചൂർ പഞ്ചായത്ത് പ്രസിഡന്റ് കെ.ആർ.ഷൈല കുമാർ അറിയിച്ചു.
Read Moreപത്തനംതിട്ടയിൽ എംഎൽഎമാർ വീണ്ടും മത്സരിക്കുമോ? മാത്യു ടി. തോമസും വീണയും ജനീഷും പോരിനിറങ്ങും; രാജുവിനും ചിറ്റയത്തിനും പാര്ട്ടി തീരുമാനം നിര്ണായകം
പത്തനംതിട്ട: ജില്ലയിലെ സിറ്റിംഗ് എംഎല്എമാരില് ആറന്മുളയില് വീണാ ജോര്ജും കോന്നിയില് കെ.യു. ജനീഷ് കുമാറും തിരുവല്ലയില് മാത്യു ടി. തോമസും വീണ്ടും മത്സരരംഗത്തിറങ്ങും. റാന്നിയില് രാജു ഏബ്രഹാം, അടൂരില് ചിറ്റയം ഗോപകുമാര് എന്നിവരുടെ സ്ഥാനാര്ഥിത്വം സംബന്ധിച്ച് സിപിഎം, സിപിഐ സംസ്ഥാന ഘടകങ്ങളുടെ തീരുമാനം നിര്ണായകമാകും. 96 മുതൽ പരാജയമറിയാതെ ഇതിനോടകം അഞ്ചു തവണ റാന്നിയില് ജനവിധി തേടിയ രാജു ഏബ്രഹാമിന് ആറാമതൊരു അവസരം കൂടി നല്കുമോയെന്ന സിപിഎം തീരുമാനത്തിനുവേണ്ടി കാത്തിരിക്കുകയാണ് നിയോജകമണ്ഡലം. 1996 മുതല് റാന്നിയില് പരാജയം അറിയാതെ ജനവിധി തേടുന്ന രാജുവിനെ തന്നെ മത്സരിപ്പിക്കുകയായിരിക്കും ജയസാധ്യത ഉറപ്പിക്കാന് നല്ലതെന്ന് സിപിഎം ജില്ലാ സെക്രട്ടേറിയറ്റ് അഭിപ്രായപ്പെട്ടിരുന്നു. തുടര്ച്ചയായി രണ്ട് ടേമില് കൂടുതല് ഒരാള്ക്കു തന്നെ സീറ്റ് നല്കേണ്ടതില്ലെന്ന പാര്ട്ടി തീരുമാനം ഓരോ ഘട്ടത്തിലും രാജുവിന് ഇളവ് നല്കിവരികയായിരുന്നു. ഇത്തവണ കൂടി അതു വേണമെന്ന അഭിപ്രായത്തിനാണ് സിപിഎമ്മില് മുന്തൂക്കം.…
Read Moreസീറ്റ് വിഭജനം കീറാമുട്ടിയായി! കോണ്ഗ്രസും കേരള കോണ്ഗ്രസ് ജോസഫ് വിഭാഗവും തമ്മിലുള്ള സീറ്റുവിഭജനം തലവേദനയാകുമെന്ന് ഉറപ്പായി; സംഭവം ഇങ്ങനെ…
കോട്ടയം: ജില്ലയിലെ കടുത്തുരുത്തി ഒഴികെ എട്ടും സീറ്റും വേണമെന്ന് കോണ്ഗ്രസ് ജില്ലാ നേതൃത്വം നിലപാട് എടുത്തതോടെ കോണ്ഗ്രസും കേരള കോണ്ഗ്രസ് ജോസഫ് വിഭാഗവും തമ്മിലുള്ള സീറ്റുവിഭജനം തലവേദനയാകുമെന്ന് ഉറപ്പായി. സിറ്റിംഗ് സീറ്റായ കടുത്തുരുത്തിക്കും ചങ്ങനാശേരിക്കും പുറമേ പാലാ, ഏറ്റുമാനൂർ, പൂഞ്ഞാർ സീറ്റുകളാണ് ജോസഫ് വിഭാഗം ആവശ്യപ്പെടുന്നത്. ഇതിൽ പാലാ വിട്ടു നൽകാൻ തയാറാണെങ്കിലും ഏറ്റുമാനൂർ, പൂഞ്ഞാർ സീറ്റുകളുടെ കാര്യത്തിൽ ഒരു വിട്ടുവീഴ്ചയ്ക്കും തയാറല്ലെന്നാണ് ജോസഫ് വിഭാഗത്തിന്റെ നിലപാട്. ഈ രണ്ടു സീറ്റുകളിലും മത്സരിക്കാൻ ജോസഫ് വിഭാഗത്തിൽ നിരവധി നേതാക്കൾ ഇതിനോടകം രംഗത്ത് എത്തിയിട്ടുമുണ്ട്. പൂഞ്ഞാർ, ഏറ്റുമാനൂർ, പാലാ, കാഞ്ഞിരപ്പള്ളി സീറ്റുകൾ നോട്ടമിട്ട് കോണ്ഗ്രസിലും നിരവധി നേതാക്കളാണ് രംഗത്തുള്ളത്.
Read Moreആരോ ഒറ്റി..! കീരിയെ പിടിച്ച് കറിവെക്കാന് ശ്രമിച്ച യുവാവ് കുടുങ്ങി; സംഭവം വൈക്കം ഉദയനാപുരത്ത്
വൈക്കം: കീരിയെ പിടിച്ച് കറിവെക്കാൻ ശ്രമിച്ചയാൾ അറസ്റ്റിൽ. വൈക്കം ഉദയനാപുരം മൂലയിൽ നവീൻ ജോയി(48) ആണ് വനംവകുപ്പിന്റെ പിടിയിലായത്. കഴിഞ്ഞദിവസം വൈകുന്നേരം ആറോടെയായിരുന്നു സംഭവം. നവീൻ കീരിയെ പിടിച്ച് കറിവെക്കാൻ ശ്രമിക്കുന്നതായി വനംവകുപ്പിന് രഹസ്യവിവരം ലഭിച്ചു. തുടർന്ന് എരുമേലി ഫോറസ്റ്റ് ഡിവിഷനിൽ നിന്നും പ്രത്യേക സംഘം നവീന്റെ വീട്ടിലെത്തി പരിശോധന നടത്തി. പരിശോധനയിൽ ഇയാൾ കീരിയെ കറിവെക്കാൻ ശ്രമിക്കുകയായിരുന്നുവെന്ന് സെക്ഷൻ ഫോറസ്റ്റ് ഓഫീസർ കെ.എസ്.ജയപ്രകാശ് പറഞ്ഞു. കീരിയുടെ സാന്പിളുകൾ വിദഗ്ധപരിശോധനയ്ക്കായി തിരുവനന്തപുരത്തെ ലാബിലേക്ക് അയച്ചതായും അദ്ദേഹം പറഞ്ഞു. വന്യജീവിസംരക്ഷണ നിയമപ്രകാരം അറസ്റ്റ് ചെയ്ത നവീനെ കാഞ്ഞിരപ്പള്ളി കോടതിയിൽ ഹാജരാക്കി 14 ദിവസത്തേക്ക് റിമാൻഡ് ചെയ്തു. ബീറ്റ് ഫോറസ്റ്റ് ഓഫീസർമാരായ ബിപിൻ കെ.ചന്ദ്രൻ, ജോസഫ്, ഫോറസ്റ്റ് വാച്ചർ വർഗീസ് എന്നിവരുടെ നേതൃത്വത്തിലുള്ള സംഘമാണ് പ്രതിയെ പിടികൂടിയത്.
Read Moreനോ മാസ്ക്… നോ എൻട്രി..! മാസ്ക് ധരിക്കാതെ ആരും ഇങ്ങോട്ട് വരേണ്ട; പോലീസും ആരോഗ്യവകുപ്പ് ഉദ്യോഗസ്ഥരും അതിര്ത്തിയില് ഉണ്ട്
അയ്മനം: മാസ്ക് ധരിക്കാതെ ആരും അയ്മനം പഞ്ചായത്തിലേക്ക് വരരുത്. ആർക്കും പ്രവേശനവും അനുവദിക്കില്ല. പഞ്ചായത്തിൽ കോവിഡ് രോഗികളുടെ എണ്ണം വർധിക്കുന്ന സാഹചര്യത്തിലാണ് ’നോ മാസ്ക് നോ എൻട്രി’ കാന്പയിൻ എന്ന പേരിൽ നിയന്ത്രണങ്ങൾ ശക്തമാക്കുന്നത്. പഞ്ചായത്തും പ്രാഥമികാരോഗ്യകേന്ദ്രവും ചേർന്നാണു പ്രതിരോധ ബോധവത്കരണ പരിപാടി സംഘടിപ്പിക്കുന്നത്. എല്ലാ വാർഡുകളിലും ആരോഗ്യ ജാഗ്രതാ സമിതികൾ സജീവമാക്കാനും വാർഡ് തലത്തിൽ പ്രതിരോധ പ്രവർത്തനങ്ങൾ ഉൗർജ്ജിതമാക്കാനും തീരുമാനിച്ചു. പഞ്ചായത്ത് അതിർത്തിയിൽ പോലീസിന്റെയും ആരോഗ്യവകുപ്പ് ഉദ്യോഗസ്ഥരുടെയും സേവനമുണ്ടാകും. മാസ്ക് ധരിക്കാത്തവരെ പഞ്ചായത്തിലേക്ക് പ്രവേശിപ്പിക്കില്ല. കണ്ടയ്ൻമെന്റ് സോണിൽ ജാഗ്രതാ സമിതി കൂടി മൈക്ക് അനൗണ്സ്മെന്റും അണുവിമുക്ത പ്രവർത്തനങ്ങളും നടത്താൻ തീരുമാനിച്ചിട്ടുണ്ട്. കോവിഡ് മാനദണ്ഡങ്ങൾ പാലിക്കാത്ത സ്ഥാപനങ്ങൾ, പൊതുജനങ്ങൾ എന്നിവർക്കെതിരെ ശക്തമായ നിയമ നടപടി സ്വീകരിക്കുമെന്നും പഞ്ചായത്തിൽ കോവിഡ് നിയന്ത്രണ വിധേയമാക്കുന്നതിന് മുഴുവൻ ജനങ്ങളും സഹകരിക്കണമെന്ന് പഞ്ചായത്ത് പ്രസിഡന്റ് സബിതാ പ്രേംജിയും മെഡിക്കൽ ഓഫീസർ ഡോ. മിനിജ…
Read Moreനല്ല മഞ്ഞ നിറവും രുചിയും, ചിപ്സുണ്ടാക്കാൻ ഏത്തനേക്കാളും കേമന് ! ഇന്തോനേഷ്യൻ പൊപൗലു മഞ്ഞപ്പെട്ടിയിലും; പ്രത്യേകതകള് ഇങ്ങനെ…
നെടുങ്കണ്ടം: പൊപൗലുവിന്റെ രുചി ഇടുക്കിയിലും. നെടുങ്കണ്ടം മഞ്ഞപ്പെട്ടി ദേവാലയ മുറ്റത്താണ് പൊപൗലു വിളഞ്ഞത്. ഇന്തോനേഷ്യക്കാരനാണ് പൊപൗലു. കാഴ്ചയ്ക്കുതന്നെ കൗതുകം തോന്നുന്ന രൂപം. ഏത്തപ്പഴത്തിന് സമാനമായ രുചി. ചിപ്സുണ്ടാക്കാൻ ഏത്തനേക്കാളും കേമനാണ് പൊപൗലു. മൂന്നേകാൽ കിലോ ഏത്തക്കായ വറുക്കുന്പോഴാണ് ഒരുകിലോ ചിപ്സ് ലഭിക്കുന്നതെങ്കിൽ രണ്ടുകിലോ പൊപൗലു പച്ചക്കായയിൽനിന്ന് ഒരു കിലോ ചിപ്സ് ലഭിക്കും. നല്ല മഞ്ഞ നിറവും രുചിയും ഇതിന്റെ പ്രത്യേകതയാണ്. കേരളത്തിലെ കാലാവസ്ഥയ്ക്ക് അനുയോജ്യമാണെങ്കിലും അപൂർവമായാണ് പൊപൗലു ഇവിടെ കൃഷിചെയ്യുന്നത്. തങ്കമണി കർഷക സംഘത്തിൽ എത്തിച്ച വിത്തുകളിൽനിന്നാണ് മഞ്ഞപ്പെട്ടി സെന്റ് മേരീസ് ദേവാലയ വികാരി ഫാ. ജോസഫ് പൗവത്ത് വിത്ത് സ്വന്തമാക്കിയത്. ദേവാലയ മുറ്റത്ത് പരിപാലിച്ച രണ്ടു വാഴകളാണ് കുലച്ചത്. ഇന്തോനേഷ്യയിൽ വ്യാപകമായി ഈ വാഴയാണ് കൃഷിചെയ്യുന്നത്. കേരളത്തിലെ കാലാവസ്ഥയിൽ പൊപൗലു നന്നായി വളരുമെന്നു കണ്ണാറ വാഴ ഗവേഷണ കേന്ദ്രത്തിൽ നടത്തിയ പഠനങ്ങളിൽ തെളിഞ്ഞിട്ടുണ്ട്. കായ് പഴുക്കുന്തോറും…
Read Moreപി.സി. ജോർജ് രാഷ്ട്രീയ മുതലെടുപ്പ് നടത്തുന്നു..! എംഎൽഎയ്ക്കെതിരേ വിമർശനവുമായി ഓർത്തഡോക്സ് സഭാ നേതൃത്വം
കോട്ടയം: പി.സി. ജോർജ് എംഎൽഎയ്ക്കെതിരേ വിമർശനവുമായി ഓർത്തഡോക്സ് സഭാ നേതൃത്വം. ജോർജ് രാഷ്ട്രീയ മുതലെടുപ്പ് നടത്തുകയാണ്. യാക്കോബായ വിഭാഗത്തിനുള്ള ജോർജിന്റെ പിന്തുണ രാഷ്ട്രീയ ലക്ഷ്യം വച്ചുള്ളതാണെന്നും സഭാ നേതൃത്വം അറിയിച്ചു. യാക്കോബായ സഭ നേരിടുന്നത് അന്യായമായ വിധിയെ തുടർന്നുള്ള നീതി നിഷേധമാണെന്ന് കഴിഞ്ഞ ദിവസം പി.സി. ജോർജ് പറഞ്ഞിരുന്നു. സെക്രട്ടേറിയറ്റിനു മുന്നിൽ യാക്കോബായ സഭയുടെ രാപകൽ സഹന സമരം ഉദ്ഘാടനം ചെയ്ത് സംസാരിക്കവെയാണ് ജോർജിന്റെ പരാമർശം. കേരളത്തിലെ 35 നിയോജക മണ്ഡലങ്ങളിൽ ആരു ജയിക്കണം എന്നു തീരുമാനിക്കാനുള്ള ശക്തി യാക്കോബായ സഭയ്ക്ക് ഉണ്ടെന്നും സഭ വിചാരിച്ചാൽ സഭയിൽ നിന്നുള്ള എംഎൽഎമാരെ നിയമസഭയിലേക്ക് അയയ്ക്കാൻ കഴിയുമെന്നും ജോർജ് പറഞ്ഞു.
Read Moreസ്ഥലം കളിക്കളത്തിനു മാത്രമായി ഉപയോഗിക്കണം! മകന്റെ ഓർമയ്ക്കായി സ്റ്റേഡിയം പണിയാൻ 80 സെന്റ് സ്ഥലം പഞ്ചായത്തിനു സൗജന്യമായി നല്കി
കടുത്തുരുത്തി: കാണക്കാരി പഞ്ചായത്തിലെ കുറുമുളളൂര് കരയില് കോളവേലില് കെ.യു. ജെയിംസ് 80 സെന്റ് സ്ഥലം സൗജന്യമായി പഞ്ചായത്തിന് കൈമാറി. പഞ്ചായത്തിന് സ്വന്തമായി അന്താരാഷ്ട്ര നിലവാരത്തിലുളള സ്റ്റേഡിയം നിര്മിക്കുന്നതിനായാണ് മകന് ഫിലിപ്പ് ജെയിംസിന്റെ ഓര്മയ്ക്കായി പഞ്ചായത്തിന് സ്ഥലം ദാനം ചെയ്തത്. സ്ഥലം കളിക്കളത്തിനു മാത്രമായി ഉപയോഗിക്കണമെന്നും ഫിലിപ്പ് ജെയിംസിന്റെ ഓര്മയ്ക്കായി രേഖപെടുത്തണമെന്നുമാണ് സ്ഥലം ദാനം ചെയ്തപ്പോള് ജെയിംസിന്റെ വ്യവസ്ഥ. പഞ്ചായത്ത് പ്രസിഡന്റ് മിനു മനോജിന്റെ ശ്രമങ്ങളാണ് ഇതിനു സഹായകമായത്. പഞ്ചായത്തിന് ലഭിക്കുന്ന സ്ഥലത്തിന്റെ രജിസ്ട്രേഷന് ഫീസ് ഉള്പെടെയുള്ള നടപടിക്രമങ്ങള് ഒഴിവാക്കി ആധാരം എഴുതി വാങ്ങുകയായിരുന്നു. മുഖ്യമന്ത്രിയുടെ നൂറുദിന പദ്ധതിയില് ഉള്പെടുത്തി ഈ സ്ഥലത്ത് ആധുനിക നിലവാരത്തിലുളള സ്റ്റേഡിയമായി ഉയര്ത്തുന്നതിനുളള നടപടികള് ആരംഭിച്ചതായി പഞ്ചായത്ത് പ്രസിഡന്റ് മിനു മനോജ്, സെക്രട്ടറി ബെന്നി ജേക്കബ് എന്നിവര് അറിയിച്ചു.
Read More