കോട്ടയം: കറുകച്ചാലിലെ അനാഥാലയത്തിൽനിന്ന് ഇന്നലെ രാത്രി കാണാതായ നാല് പെണ്കുട്ടികളെ ഇന്നു രാവിലെ കണ്ടെത്തി. പോലീസ് രാത്രി മുതൽ നടത്തിയ അവസരോചിതമായ അന്വേഷണത്തിനൊടുവിലാണു ഇന്നു രാവിലെ ഏറ്റുമാനൂരിൽനിന്നും പെണ്കുട്ടികളെ കണ്ടെത്താൻ സാധിച്ചത്. കറുകച്ചാൽ നെത്തല്ലൂർ ഏകാന്മതാ കേന്ദ്രത്തിന്റെ കീഴിലുള്ള ജ്യോതിർമയി ബാലികാ സദനത്തിൽനിന്നാണു പെണ്കുട്ടികളെ കാണാതായത്. ഇന്നലെ രാത്രി മുതലാണു പെണ്കുട്ടികളെ സ്ഥാപനത്തിൽനിന്നും കാണാതാകുന്നത്. 14 വയസ് പ്രായമുള്ള മൂന്നു പെണ്കുട്ടികളെയും 13 വയസുള്ള ഒരു പെണ്കുട്ടിയേയുമാണു കാണാതായത്. ഇന്നലെ രാത്രി 8.30നു ഭക്ഷണം കഴിച്ചശേഷമാണു സ്ഥാപനത്തിൽ മുങ്ങിയത്. 17 കുട്ടികളാണു സ്ഥാപനത്തിലുള്ളത്. രാത്രി മുഴുവൻ പോലീസ് നടത്തിയ പരിശോധനയ്ക്കുശേഷം ഇന്നു രാവിലെ ലഭിച്ച സൂചനയുടെ അടിസ്ഥാനത്തിൽ നടത്തിയ അന്വേഷണത്തിലാണു കുട്ടികളെ കണ്ടെത്തുന്നത്. ഏറ്റുമാനൂർ പോലീസ് സ്റ്റേഷൻ പരിധിയിൽ ജവഹർ കോളനി, മൂശാരിമലയിൽനിന്നുമാണു കണ്ടെത്തിയത്. രണ്ടു കുട്ടികൾ വീതം രണ്ടു സ്ഥലത്താണു ഇന്നലെ രാത്രിയിൽ ഇവർ എത്തിയത്.…
Read MoreCategory: Kottayam
വാഗ്ദാനങ്ങൾ നിരത്തി വലയുമായി നേതാക്കൾ..! ചങ്ങനാശേരി നഗരസഭയിൽ സ്വതന്ത്രരെ പാളയത്തിലെത്തിക്കാൻ തന്ത്രങ്ങളുമായി മുന്നണികൾ
ചങ്ങനാശേരി: ചങ്ങനാശേരി നഗരസഭയിൽ ഭരണത്തിലേറാൻ ഇരുമുന്നണികളും സ്വതന്ത്രാംഗങ്ങളുമായി ചർച്ചകൾ പുരോഗമിക്കുന്നു. നഗരസഭ ചെയർപേഴ്സണ് സ്ഥാനം വനിതാ സംവരണമായതിനാൽ സ്വതന്ത്രരായി വിജയിച്ച സന്ധ്യാ മനോജ്, ബീനാ ജോബി എന്നിവരെ തങ്ങളുടെ പക്ഷത്ത് എത്തിക്കാനുള്ള നീക്കങ്ങളാണു ഇരുമുന്നണികളും ആസൂത്രണം ചെയ്യുന്നത്. ഇവരുമായി ഇരുമുന്നണികളിലെയും ഉന്നതനേതാക്കൾ ചർച്ചകൾ നടത്തിവരുകയാണ്. ക്രിസ്മസിനുശേഷമേ ചർച്ചകൾ അന്തിമഘട്ടത്തിലെത്തുകയുള്ളൂ. 28നു രാവിലെ 11നാണു ചെയർപേഴ്സണ് തെരഞ്ഞെടുപ്പ് നടക്കുന്നത്.ഇരുവരും ഇരുമുന്നണികളോടും ചെയർപേഴ്സണ്സ്ഥാനം ആവശ്യപ്പെട്ടിട്ടുണ്ട്. സ്വതന്ത്രാംഗമായ ബെന്നി ജോസഫ് വൈസ്ചെയർമാൻ സ്ഥാനവും ഇരുമുന്നണികളോട് ആവശ്യപ്പെട്ടിട്ടുണ്ട്.സ്വതന്ത്രാംഗങ്ങളുടെ ആവശ്യം പരിഗണിക്കുന്നതിനൊപ്പം പാർട്ടിലെ മുതിർന്ന അംഗങ്ങൾക്കുകൂടി സ്ഥാനമാനങ്ങൾ നൽകി പ്രതിസന്ധി പരിഹരിക്കാനാണു മുന്നണി നേതാക്കൾ ആലോചിക്കുന്നത്.
Read Moreവിലക്കുറവിന്റെ സഞ്ചരിക്കുന്ന കേക്ക് മേളയുമായി കൺസ്യൂമർ ഫെഡ്; പൊതു വിപണിയേക്കാൾ 18 ശതമാനം വരെ വിലക്കുറവ്
കോട്ടയം: സാധാരണക്കാർക്ക് വിലക്കുറവിൽ കേക്കുകൾ വാങ്ങുന്നതിനായി കണ്സ്യൂമർ ഫെഡിന്റെ സഞ്ചരിക്കുന്ന കേക്ക് മേളയ്ക്കു തുടക്കമായി. പൊതുവിപണിയേക്കാൾ വിലക്കുറവിലാണ് സഞ്ചരിക്കുന്ന കേക്ക് മേളയിൽ ത്രിവേണി കേക്കുകൾ വിൽക്കുന്നത്. എലൈറ്റ്, മോഡേണ് കന്പനികളുടെ പ്ലം, ചോക്ലേറ്റ്, കാരറ്റ് കേക്കുകളാണ് മേളയിലുള്ളത്. പ്ലം കേക്കിന് 330ഗ്രാമിന് 80 രൂപയും 680ഗ്രാമിന് 165 രൂപയുമാണ് വില. കാരറ്റ് പുഡിംഗ് കേക്കിന് 330 ഗ്രാമിന് 80 രൂപയും ചോക്ലേറ്റ് പ്ലം കേക്കിന് 330 ഗ്രാമിന് 108 രൂപയുമാണ് വില. രാവിലെ 10നു തുടങ്ങുന്ന സഞ്ചരിക്കുന്ന മേള കോട്ടയം ടൗണിലെ പ്രധാന ജംഗ്ഷനുകളിലെത്തും. 24നു രാത്രി 7.30 വരെ മേള പ്രവർത്തിക്കും. പൊതുവിപണിയേക്കാൾ 10 മുതൽ 18 ശതമാനം വരെ വിലക്കുറവിലാണ് കേക്കുകൾ വിൽക്കുന്നതെന്ന് കണ്സ്യൂമർ ഫെഡ് കോട്ടയം യൂണിറ്റി ക്രിസ്മസ് പുതുവത്സര വിപണി ഇൻ ചാർജ് കെ.എസ്. സുമിത്ത് പറഞ്ഞു.
Read Moreകഞ്ചാവ് വിൽപനയെക്കുറിച്ച് പോലീസിന് വിവരം നൽകിയതിലുള്ള വൈരാഗ്യം; മാങ്ങാനത്ത് യുവാവിനെ വെട്ടിപ്പരിക്കേൽപ്പിച്ച കേസിൽ നാലുപേർ പിടിയിൽ
കോട്ടയം: യുവാവിനെ പതിയിരുന്നാക്രമിച്ച സംഭവത്തിനു പിന്നിൽ കഞ്ചാവ് സംഘത്തിന്റെ മുൻ വൈരാഗ്യം. പോലീസ് പിടിയിലായ പ്രതികളെ റിമാൻഡ് ചെയ്തു. ഡിവൈഎഫ്ഐ നേതാവായ മാങ്ങാനം ചെന്പകശേരിയിൽ അരുണ് സി. അപ്പുവി(27)നെ വെട്ടി പരിക്കേൽപ്പിച്ച സംഭവത്തിലാണ് അറസ്റ്റ് നടന്നത്. മാങ്ങാനം ചെമ്മരംപള്ളി സ്വദേശികളായ പരുപ്പറന്പിൽ ബിനോയി മാത്യു (26), പരുപ്പറന്പിൽ എബിൻ മാത്യു (22), പുളിമൂട്ടിൽ ബിബിൻ ബൈജു (22), കുന്നേൽപ്പറന്പിൽ കെ.എസ്. ഷാരോണ് (26) എന്നിവരെയാണ് കോട്ടയം ഈസ്റ്റ് പോലീസ് അറസ്റ്റ് ചെയ്തത്. പരിക്കേറ്റ അരുണ് മെഡിക്കൽ കോളേജ് ആശുപത്രിയിൽ ചികിത്സയിലാണ്.കഴിഞ്ഞ 20 നായിരുന്നു കേസിനാസ്പദമായ സംഭവം. കേസിലെ പ്രതികൾ മാങ്ങാനം പ്രദേശം കേന്ദ്രീകരിച്ചു കഞ്ചാവ് കച്ചവടം ചെയ്തിരുന്നു. അരുണിന്റെ നേതൃത്വത്തിലുള്ള യുവാക്കൾ നൽകിയ പരാതിയുടെ അടിസ്ഥാനത്തിൽ പൊലീസ് പ്രദേശത്ത് റെയിഡ് നടത്തുകയും കേസിലെ പ്രതികളെ കഞ്ചാവുമായി പിടികൂടുകയും ചെയ്തു. ഇതിനു പിന്നാലെ ജാമ്യത്തിലിറങ്ങിയ പ്രതികൾ തങ്ങളെ ജയിലിലാക്കിയ…
Read More9മാസത്തെ ഇടവേളയ്ക്ക് ശേഷം ബാറുകളും ബിയർ ആൻഡ് വൈൻ പാർലറുകളും തുറക്കുന്നു; നിരവധി പേർക്ക് തൊഴിൽ സാധ്യത
കോട്ടയം: ഒന്പതു മാസമായി അടഞ്ഞു കിടക്കുന്ന ബാറുകൾ തുറക്കാനുള്ള നീക്കം അനുകൂലമായതോടെ ജില്ലയിൽ 52 ബാറുകളുടെയും 32 ബിയർ ആൻഡ് വൈൻ പാർലറുകളും പ്രവർത്തനം ആരംഭിക്കും. നിലവിൽ ബാറുകളെല്ലാം ബിവറേജസ് ഒൗട്ട്ലെറ്റുകളായാണ് പ്രവർത്തിച്ചിരുന്നത്. അനുമതി ലഭിച്ചതോടെ അടഞ്ഞു കിടന്ന ബാറുകളെല്ലാം വൃത്തിയാക്കുന്ന ജോലികൾ പുരോഗമിക്കുകയാണ്. ഇപ്പോൾ പാഴ്സൽ കേന്ദ്രങ്ങൾ മാത്രമായ ബാറുകളിൽ മദ്യസൽക്കാരം ആരംഭിക്കുന്നതോടെ രാവിലെ 11 മുതൽ രാത്രി 11 വരെയാണ് പ്രവർത്തി സമയം അനുവദിച്ചിരിക്കുന്നത്. ബാറുകൾ പഴയപടി പ്രവർത്തനം ആരംഭിക്കുന്നതോടെ നിരവധിപേർക്ക് തൊഴിൽ സാധ്യതയേറും. ജില്ലയിൽ മാത്രമായി രണ്ടായിരത്തോളം പേരാണ് മുന്പ് ബാറുകളിലും ബിയർ ആൻഡ് വൈൻ പാർലറുകളിലുമായി ജോലി ചെയ്തിരുന്നത്. കൗണ്ടർ വഴി മാത്രം കച്ചവടം നടന്നുവന്നതിനാൽ തീരെ കുറച്ചു പേർ മാത്രമാണ് ജോലി ചെയ്തിരുന്നത്. ബാറുകൾ ചില്ലറവില്പന ശാലകളായതോടെ നികുതികളെല്ലാം പഴയപടി നൽകുന്നതിനാൽ ലാഭമില്ലെന്നതായിരുന്നു ബാറുടമകളുടെ പരാതി. അതുകൊണ്ടു തന്നെ എല്ലാവർക്കും…
Read Moreമുഖ്യമന്ത്രി നാളെ കോട്ടയം ജില്ലയിൽ
കോട്ടയം: മുഖ്യമന്ത്രി പിണറായി വിജയൻ നാളെ ജില്ലയിലെത്തും. നാട്ടകം മണിപ്പുഴയിലെ പാംഗ്രൂം ഓഡിറ്റോറിയത്തിൽ വൈകുന്നേരം നാലിനാണ് പരിപാടി. തദ്ദേശ തെരഞ്ഞെടുപ്പിലെ വൻ ജനകീയ അംഗീകാരത്തിനു പിന്നാലെ തുടർ ഭരണം ലക്ഷ്യമിട്ടാണ് മുഖ്യമന്ത്രിയുടെ പര്യടനം.നവകേരള സൃഷ്ടിക്കായുള്ള മുന്നേറ്റത്തിൽ ജില്ലയുടെ വികസന ആവശ്യങ്ങളും പ്രശ്നങ്ങളും പരിഹാര നിർദേശങ്ങളുമെല്ലാം ചർച്ച ചെയ്യും. ജില്ലയിലെ രാഷ്്ട്രീയ സാമൂഹിക സാംസ്കാരിക സമുദായ മാധ്യമ രംഗത്തെ പ്രമുഖരുമായി ചർച്ച നടത്തും. കോവിഡ് സാഹചര്യമായതിനാൽ പ്രത്യേകം ക്ഷണിക്കപ്പെട്ടവരുമായാണ് കൂടിക്കാഴ്ച നടത്തുന്നത്.
Read Moreഊണിനൊപ്പം സ്മോളും ലാർജും; ഹോട്ടൽ നടത്തിപ്പിനൊപ്പം മദ്യവിൽപനയും; ഉടമയെ പൊക്കി പോലീസ്
തൃക്കൊടിത്താനം: അനധികൃതമായി മദ്യം വിൽപ്പന നടത്തിയ ആളെ പോലീസ് പിടിയിൽ. ചങ്ങനാശേരി തുരുത്തി പൈങ്ങോട്ടുപള്ളിയിൽ ഉണ്ണിപ്പിള്ള(54)യേയാണ് ജില്ലാ പോലീസ് മേധാവിയുടെ ലഹരി വിരുദ്ധ സ്ക്വാഡ് അറസ്റ്റ് ചെയ്തത്. മാമ്മൂട് കവലയിൽ ഹോട്ടൽ നടത്തിവരുകയായിരുന്ന ഇയാളുടെ പക്കൽനിന്നും ആറര ലിറ്റർ വിദേശ മദ്യം പിടികൂടി. ഹോട്ടലിൽ എല്ലാ ദിവസവും രാത്രിയിലാണ് ഇയാൾ മദ്യ വിൽപ്പന നടത്തിയിരുന്നത്. രണ്ടു മാസം മുന്പ് ഇതേ ഹോട്ടലിൽ നിന്നും നിരോധിത പുകയില ഉല്പന്നങ്ങൾ വില്പന നടത്തിയതിനും ഇയാളെ പോലീസ് പിടികൂടിയിരുന്നു. നർക്കോട്ടിക് സെൽ ഡിവൈഎസ്പി വിനോദ് പിള്ളയ്ക്കു ലഭിച്ച രഹസ്യ വിവരത്തിന്റെ അടിസ്ഥാനത്തിൽ ഇയാളെ നിരീക്ഷിച്ചു വരികയായിരുന്നു. തൃക്കൊടിത്താനം എസ്എച്ചഒ ഇ. അജീബ്, എസ്ഐ രാജശേഖരൻ, എഎസ്ഐ മനോജ്, ലഹരി വിരുദ്ധ സ്ക്വാഡ് അംഗങ്ങളായ പ്രതീഷ് രാജ്, എസ്. അരുണ് എന്നിവരുടെ സംഘമാണ് പ്രതിയെ പിടികൂടിയത്. കോടതിയിൽ ഹാജരാക്കിയ പ്രതിയെ റിമാൻഡ്…
Read Moreക്രിസ്മസ് വിപണിയിൽ നക്ഷത്രത്തിളക്കവുമായികൊതിയൂറും കേക്കുകൾ
കോട്ടയം: കേക്കിന്റെ മാധുര്യമില്ലെങ്കിൽ എന്തു ക്രിസ്മസ് ആഘോഷം. ക്രിസ്മസ് ആഘോഷങ്ങളിലെ ഏറ്റവും പ്രധാനപ്പെട്ട വിഭവമായ കേക്കിന്റെ വിപണി സജീവമായി. കോവിഡ് കാലമാണെങ്കിലും ആഘോഷങ്ങൾക്ക് കുറവുവരുത്താതെ ആളുകൾ എത്തുമെന്ന പ്രതീക്ഷയിലാണ് പ്രമുഖ ബേക്കറികൾ വിവിധ തരത്തിലുള്ള കേക്കുകൾ തയാറാക്കിയിരിക്കുന്നത്. പ്ലം കേക്കിന് 300 രൂപയാണ് വില. 800 ഗ്രാമാണുള്ളത്. മാർബിൾ കേക്കിനും 300 രൂപയാണ് വില. ക്രീം കേക്കുകൾക്ക് 600 രൂപ മുതലാണ് വില. കേക്ക് നിർമാണത്തിനാവശ്യമായ സാധനങ്ങൾക്ക് വില വർധിച്ചെങ്കിലും കേക്കിന്റെ വില ഇത്തവണ വർധിപ്പിച്ചിട്ടില്ല. ബ്ലാക്ക് ഫോറസ്റ്റ്, റിച്ച് ഫ്രൂട്ട്, ബദാം, പിസ്ത, കിസ്മിസ്, വാനില, റിച്ച്മണ്ട്സ്, വാൾനട്സ്, ഡ്രൈഫ്രൂട്ട്സ്, ബ്രൗണി, വാൻജോ, പൈനാപ്പിൾ ക്രീം തുടങ്ങിയവയാണ് ഇത്തവണത്തെ ക്രിസ്മസ് സ്പെഷൽ കേക്കുകൾ. മുൻ വർഷങ്ങളിലേതുപോലെ കാരറ്റ് കേക്കിനും ഡിമാന്ഡ് ഏറെയാണ്. 340 രൂപയാണ് കാരറ്റ് കേക്കിന്റെ വില. ബ്ലാക്ക് ഫോറസ്റ്റ്, വൈറ്റ് ഫോറസ്റ്റ് എന്നിവയ്ക്ക്…
Read Moreഎതിരേ വന്ന വാഹനം ഇടിക്കാതിരിക്കാൻ വെട്ടിക്കുന്നതിനിടെ നിയന്ത്രണം വിട്ട ഓട്ടോറിക്ഷ മറിഞ്ഞ് നാലാം ക്ലാസ് വിദ്യാർഥിനി മരിച്ചു; അനിയത്തിക്ക് മരുന്നു വാങ്ങാൻ വരവേയായിരുന്നു അപകടം
ഗാന്ധിനഗർ: നിയന്ത്രണംവിട്ട ഓട്ടോറിക്ഷ മറിഞ്ഞ് പെണ്കുട്ടി മരിച്ചു. മാതാപിതാക്കൾക്കും സഹോദരനും പരിക്കേറ്റു. പീരുമേട് കരുടിക്കുഴി, കുളംകോട്ടിൽ പ്രദീപിന്റെ മകൾ അനശ്വര(9)യാണ് മരിച്ചത്. പ്രദീപ് (29), ഭാര്യ നീന (25), ഇളയ മകൻ അനന്തു പ്രദീപ്( അഞ്ച്) എന്നിവർക്കാണ്് പരിക്കേറ്റത്. ഇവരെ കോട്ടയം മെഡിക്കൽ കോളജ് ആശുപത്രിയിൽ പ്രവേശിപ്പിച്ചു. ഇന്നലെ രാത്രി ഒന്പതിന് കാഞ്ഞിരപ്പള്ളി-മുണ്ടക്കയം റോഡിൽ ചോറ്റി ഭാഗത്തായിരുന്നു അപകടം. ഇളയ കുട്ടിയെ കാഞ്ഞിരപ്പള്ളി ഗവ. ആശുപത്രിയിൽ കൊണ്ടുവന്നശേഷം മടങ്ങിപ്പോകുന്പോഴായിരുന്നു അപകടം. എതിരേ വാഹനം ഇടിക്കാതിരിക്കാൻ ഓട്ടോറിക്ഷ വെട്ടിച്ചപ്പോൾ നിയന്ത്രണംവിട്ട് മറിയുകയായിരുന്നു. ശബ്ദം കേട്ട് ഓടിക്കൂടിയ നാട്ടുകാർ കാഞ്ഞിരപ്പള്ളി ആശുപത്രിയിലും, തുടർന്ന് മെഡിക്കൽ കോളജിലും എത്തിച്ചെങ്കിലും യാത്ര മധ്യേ അനശ്വര മരിച്ചു. മൃതദേഹം കോട്ടയം മെഡിക്കൽ കോളജ് മോർച്ചറിയിൽ.കോവിഡ് പരിശോധനയ്ക്കു മൃതദേഹം പോസ്റ്റ്മോർട്ടം നടത്തി ബന്ധുക്കൾക്ക് നൽകും. മുണ്ടക്കയം സിഎംഎസ് സ്കൂളിലെ നാലാം ക്ലാസ് വിദ്യാർഥിനിയാണ് അനശ്വര.
Read Moreകഞ്ചാവ് കേസിൽ എരുമേലി സ്വദേശി പിടിയിൽ; കൂടെയുണ്ടായിരുന്ന യുവാവിനെ തിരഞ്ഞ് എക്സൈസ്
പൊൻകുന്നം: ഒരുകിലോഗ്രാം കഞ്ചാവുമായി എത്തി എക്സൈസിനെ വെട്ടിച്ചു കടന്നു കളഞ്ഞയാൾക്കു വേണ്ടി അന്വേഷണം ഉൗർജിതമാക്കി. കഞ്ചാവുമായി സ്കൂട്ടറിൽ എത്തിയ എരുമേലി വഴക്കനാട് പനച്ചിയിൽ ഫിറോസ് ഫൈസലാണ് പിടിയിലായത്. ഇയാൾക്കൊപ്പം സ്കൂട്ടറിലുണ്ടായിരുന്ന കനകപ്പലം നെല്ലിക്കശേരി ജിബിൻ ബിജുവിനെയാണ് എക്സൈസ് അന്വേഷിക്കുന്നത്. ഇന്നലെ എരുമേലി-കുറുവാമൂഴി റോഡിൽ ഓരുങ്കൽക്കടവ് പാലത്തിന് സമീപത്തുനിന്നാണ് വാഹനപരിശോധനക്കിടെ കഞ്ചാവ് കണ്ടെത്തിയത്. ഇവർക്ക് കഞ്ചാവ് വിൽപ്പനക്കായി കൈമാറിയ വെണ്കുറിഞ്ഞി കൊല്ലമുള വെള്ളാപ്പള്ളിൽ ടോണി തോമസിനെതിരെയും എക്സൈസ് കേസെടുത്തിട്ടുണ്ട്. ഫിറോസ് ഫൈസലിനെ കാഞ്ഞിരപ്പള്ളി ജുഡീഷ്യൽ ഫസ്റ്റ് ക്ലാസ്സ് മജിസ്ട്രേറ്റ് കോടതിയിൽ ഹാജരാക്കി റിമാൻഡ് ചെയ്തു. സർക്കിൾ ഇൻസ്പെക്ടർ സഞ്ജീവ്കുമാർ, എക്സൈസ് പ്രിവന്റീവ് ഓഫീസർ ജെയ്സണ് ജേക്കബ്, വി.ആർ.വിനോദ്, വി.ടി.അഭിലാഷ്, ശ്രീലേഷ്, നിമേഷ്, നിയാസ്, അഫ്സൽ കരീം, ആനന്ദ് ബാബു, ഷാനവാസ് എന്നിവരാണ് പ്രതികളെ പിടികൂടിയത്.
Read More