മുത്തോലി: മീനച്ചിലാറ്റിൽ മുത്തോലിക്കടവിൽ അജ്ഞാത മൃതദേഹം കണ്ടെത്തി. ഇന്നു രാവിലെ മുത്തോലിക്കടവിലെ പാലത്തിനു താഴെയാണ് ഒരാഴ്ചയോളം പഴക്കമുള്ള പുരുഷന്‍റെ മൃതദേഹം കണ്ടെത്തിയത്.
പ്രദേശത്ത് രൂക്ഷമായ ദുർഗന്ധം അനുഭവപ്പെട്ടതോടെ നാട്ടുകാർ നടത്തിയ തെരച്ചിലിലാണ് മൃതദേഹം കണ്ടെത്തിയത്. മൃതദേഹം അഴുകി തുടങ്ങിയിട്ടുണ്ട്.
നാട്ടുകാർ വിവരമറിയിച്ചതോടെ പാലാ പോലീസ് സ്ഥലത്തെത്തി മേൽനടപടികൾ ആരംഭിച്ചു. ഇൻക്വസ്റ്റ് നടപടികൾ പൂർത്തിയാക്കി മൃതദേഹം കോട്ടയം മെഡിക്കൽ കോളജിലേക്കു മാറ്റി.
പാലാ എസ്എച്ച്ഒ അനൂപ് ജോസിന്റെ നേതൃത്വത്തിലുള്ള പോലീസ് സംഘം അന്വേഷണം ആരംഭിച്ചു.
