വെച്ചൂച്ചിറ: ലോക്സഭാ തെരഞ്ഞെടുപ്പിൽ രമ്യ ഹരിദാസ് പാട്ടുപാടി ആലത്തൂരിലെ താരമായെങ്കിൽ, പത്തനംതിട്ടയിലെ നാറാണംമൂഴി ഗ്രാമപഞ്ചായത്ത് മൂന്നാംവാർഡിലെ സ്ഥാനാർഥി ബീനാ ജോബി മറ്റൊരു പരീക്ഷണത്തിലാണ്. തനിക്ക് വോട്ടഭ്യർഥിച്ചു കൊണ്ട് ബീന തന്നെ പാടിയ പാട്ട് സമൂഹമാധ്യമങ്ങൾ ഏറ്റെടുത്തു കഴിഞ്ഞു. ബീനാ ജോബി….. മൂന്നാം വാർഡിലെ സ്ഥാനാർഥി… കൈപ്പത്തിയാ ചിഹ്നം…; ഈ വരികൾ പൂന്തേനരുവി പൊന്മുടി പുഴയുടെ അനുജത്തീ…. എന്ന പാട്ടിന്റെ ഈണത്തിൽ പാടിയാണ് ബീന ജോബി സമൂഹമാധ്യമങ്ങളിൽ വൈറലായത്. സംഗീതവാസനയുള്ള ബീന സ്ഥാനാർഥിയായപ്പോൾ സ്വന്തം പേരിലുള്ള പാട്ട് പാടണോ എന്ന് ആദ്യം വിചാരിച്ചെങ്കിലും പിന്നീട് എല്ലാവരും പിന്തുണ നൽകിയപ്പോൾ പാടാൻ തീരുമാനിക്കുകയായിരുന്നു. ആദ്യമായാണ് മത്സരരംഗത്തേക്ക് എത്തുന്നത്. കോണ്ഗ്രസ് സ്ഥാനാർഥിയാണ്. ഭർത്താവ് കരോട്ടുപാറ വീട്ടിൽ ജോബി കെ. ജോസ് രാഷ്ട്രീയത്തിൽ സജീവപ്രവർത്തകനാണ്. ജോബിയുടെ പിതാവ് ഔതക്കുട്ടി 20 വർഷം മുന്പ് നാറാണംമൂഴി പഞ്ചായത്ത് പ്രസിഡന്റായിരുന്നു. ചെന്പനോലി വാർഡിലാണ് ബീനയുടെ കന്നി…
Read MoreCategory: Kottayam
ശബരിമലയിൽ വീണ്ടും കോവിഡ്; ദേവസ്വം മരാമത്തിലെ ഓവർസിയർക്ക് രോഗം സ്ഥിരീകരിച്ചു
പത്തനംതിട്ട: ശബരിമലയിൽ വീണ്ടും കോവിഡ് സ്ഥിരീകരിച്ചു. സന്നിധാനത്ത് ദേവസ്വം മരാമത്തിലെ ഓവർസിയർക്ക് കോവിഡ് സ്ഥിരീകരിച്ചു. രോഗലക്ഷണങ്ങൾ ഉണ്ടായതിനെ തുടർന്ന് പമ്പയിൽ നടത്തിയ പരിശോധനയിലാണ് സ്ഥിരീകരണം. ശബരിമലയിൽ നെഗറ്റീവ് സർട്ടിഫിക്കറ്റുള്ളവർക്കാണ് നിലവിൽ പ്രവേശനം. നെഗറ്റീവ് സർട്ടിഫിക്കറ്റ് ഇല്ലാത്തവര്ക്ക് നിലയ്ക്കലില് ആന്റിജന് പരിശോധന ഉണ്ടാകും. പോസിറ്റീവ് ആകുന്നവരെ റാന്നിയിലെ സിഎഫ്എല്ടിസിയിലേക്ക് മാറ്റും.നിലക്കലിൽ നടന്ന ടെസ്റ്റുകളുടെ ഫലം പരിശോധിക്കുമ്പോൾ ആയിരത്തിൽ അഞ്ച് പേർക്കാണ് രോഗബാധ കണ്ടെത്തിയത്. രോഗബാധയുടെ പശ്ചാത്തലത്തിൽ ദേവസ്വം ബോർഡിൽ പുറംജോലി ചെയ്യുന്ന ഉദ്യോഗസ്ഥർക്കും ജീവനക്കാർക്കും പിപിഇ കിറ്റ് നൽകാൻ നിർദേശം നൽകിയിട്ടുണ്ട്.
Read Moreയുഡിഎഫ് സ്ഥാനാർഥികളുടെ പ്രചാരണ ബോർഡുകൾ വ്യാപകമായി നശിപ്പിക്കപ്പെടുന്നു; പ്രതിഷേധിച്ച് യുഡിഎഫ് തെരഞ്ഞെടുപ്പ് കമ്മിറ്റി
മൂലേടം: കോട്ടയം നഗരസഭ 31-ാം വാർഡിലെ യു.ഡി.എഫ് സ്ഥാനാർഥി ഷീനാ ബിനുവിന്റെ പോസ്റ്ററുകൾ വ്യാപകമായി നശിപ്പിക്കപ്പെട്ട നിലയിൽ. കഴിഞ്ഞ ദിവസം യുഡിഎഫ് തിരഞ്ഞെടുപ്പ് കൺവൻഷൻ നടന്നിരുന്നു. അതിന് പിന്നാലെയാണ് ഇരുട്ടിന്റെ മറവിൽ സാമൂഹ്യ വിരുദ്ധർ പോസ്റ്ററുകൾ വ്യാപകമായി നശിപ്പിച്ചത്. സംഭവത്തിൽ യുഡിഎഫ് തെരഞ്ഞെടുപ്പ് കമ്മിറ്റി പ്രതിഷേധിച്ചു. ശ്രീകണ്ഠപുരം: ശ്രീകണ്ഠപുരം നഗരസഭയിലെ യുഡിഎഫ് സ്ഥാനാർഥികളുടെ തെരഞ്ഞെടുപ്പ് പ്രചാരണ ബോർഡുകൾ സാമൂഹിക വിരുദ്ധർ നശിപ്പിച്ചു. പുള്ളിമാൻകുന്ന് സ്ഥാനാർഥി പി.പി. ചന്ദ്രാംഗദന്റെ മങ്കട്ട റോഡരികിലെയും നെടുങ്ങോം വാർഡ് സ്ഥാനാർഥി എ.പി. മുനീറിന്റെ ഐച്ചേരി ടൗണിൽ തെരഞ്ഞെടുപ്പ് കമ്മിറ്റി ഓഫീസിന് മുന്നിൽ സ്ഥാപിച്ച പ്രചാരണ ബോർഡും എള്ളിരിഞ്ഞി വാർഡ് സ്ഥാനാർഥി കാഞ്ചന മോഹന്റെ കൂട്ടുംമുഖത്ത് സ്ഥാപിച്ച പ്രചാരണ ബോർഡുകളുമാണ് നശിപ്പിച്ചത്. സംഭവത്തിൽ യുഡിഎഫ് തെരഞ്ഞെടുപ്പ് കമ്മിറ്റി പ്രതിഷേധിച്ചു. ശ്രീകണ്ഠപുരം പോലീസിൽ പരാതി നൽകി.
Read Moreസ്ഥാനാർഥി ചിത്രം പൂർണമായതോടെ അങ്കത്തട്ടിൽ ആവേശം; വരവായി നേതാക്കളും
എസ്.ആർ.സുധീർകുമാർകൊല്ലം: തദ്ദേശ തെരഞ്ഞെടുപ്പിന്റെ സ്ഥാനാർഥി ചിത്രം പൂർണമായതോടെ അങ്കത്തട്ടിൽ ആവേശം മൂത്തു. ഇതിനോടകം തന്നെ മൂന്ന് മുന്നണി സ്ഥാനാർഥികളും പ്രചാരണത്തിന്റെ ആദ്യറൗണ്ട് പിന്നിട്ട് കഴിഞ്ഞു. സ്ഥാനാർഥികളെല്ലാം തുടക്കത്തിലേ വീടുകളിൽ സന്ദർശനവും നടത്തി. പ്രചാരണത്തിന്റെ ഭാഗമായി അങ്ങിങ്ങ് ചുവരെഴുത്തുകൾ ഇപ്പോഴും നടക്കുന്നുണ്ട്.രണ്ടാംഘട്ടം എന്ന നിലയിൽ സ്ഥാനാർഥികളുടെ വാർഡുതല കൺവൻഷനുകളും ആരംഭിച്ച് കഴിഞ്ഞു. കുടുംബ യോഗങ്ങളും തുടങ്ങാറായി. ലഘുലേഖകളും അഭ്യർഥനകളും വീടുകളിൽ എത്തിച്ച് തുടങ്ങി. കോവിഡ് കാലമായതിനാൽ സ്ക്വാഡ് പ്രവർത്തനത്തിൽ ഇറങ്ങുന്നവരുടെ എണ്ണം എല്ലാവരും പരിമിതപ്പെടുത്തിയിട്ടുണ്ട്. തെരഞ്ഞെടുപ്പ് പ്രചാരണ പ്രവർത്തനത്തിന്റെ ഭാഗമായി സംസ്ഥാന നേതാക്കളും പൊതുയോഗങ്ങളിൽ പങ്കെടുക്കാൻ എത്തി. കെപിസിസി പ്രസിഡന്റ് മുല്ലപ്പള്ളി രാമചന്ദ്രനും മുൻ മുഖ്യമന്ത്രി ഉമ്മൻചാണ്ടിയും ജില്ലയുടെ വിവിധ പ്രദേശങ്ങളിൽ നടന്ന പൊതുയോഗങ്ങളിൽ പങ്കെടുത്തു. ഇത് യുഡിഎഫ് കേന്ദ്രങ്ങളിൽ ആത്മവിശ്വാസം വർധിപ്പിച്ചിട്ടുണ്ട്. എൽഡിഎഫിന്റെയും എൻഡിഎയുടെയും പ്രമുഖ നേതാക്കളും വരും ദിവസങ്ങളിൽ ജില്ലയിൽ പര്യടനം നടത്തും. അതേസമയം വിമതശല്യം…
Read Moreവൈക്കത്തും റിബലുകളെക്കൊണ്ട് പൊറുതിമുട്ടി; റിബലുകളിൽ മുൻ ജനപ്രതിനിധികളും പാർട്ടി പ്രവർത്തകരും
വൈക്കം: വൈക്കം നഗരസഭയിലും പഞ്ചായത്തുകളിലും മുന്നണി സ്ഥാനാർഥികൾക്ക് എതിരായി റിബലുകൾ. റിബലുകളിൽ മുൻ ജനപ്രതിനിധികളും പാർട്ടി പ്രവർത്തകരുമൊക്കെയുണ്ട്. ചില വാർഡുകളിലെ തെരഞ്ഞെടുപ്പു ഫലത്തെവരെ സ്വാധീനിക്കാനോ മുന്നണി സ്ഥാനാർഥികളെ നിഷ്പ്രഭരാക്കി വിജയം എത്തിപ്പിടിക്കാനോ റിബലുകൾക്കു കഴിയുമോയെന്ന ജിജ്ഞാസയിലാണ് ജനങ്ങളും. വൈക്കം നഗരസഭ ഒന്നാം വാർഡിൽ സ്വതന്ത്ര സ്ഥാനാർഥിയായി മൽസരിക്കുന്ന അയ്യപ്പൻ കഴിഞ്ഞതവണ എൽ ഡി എഫിനൊപ്പം നിന്ന നഗരസഭ കൗണ്സിലർ രോഹിണിക്കുട്ടിയുടെ ഭർത്താവാണ്. യു ഡി എഫിലെ കെ. ഷഡാനനൻനായരും എൽ ഡി എഫിലെ ടി.ജി. ബാബുവുമാണ് ഇവിടെ എതിരാളികൾ. അയ്യപ്പന്റെ രംഗപ്രവേശം വാർഡിലെ പോരാട്ടം ത്രികോണമൽസരമാക്കി മാറ്റി. നഗരസഭ പത്താം വാർഡിൽ കോണ്ഗ്രസിലെ മുൻ നഗരസഭ കൗണ്സിലർ എം.ടി.അനിൽകുമാർ നാമനിർദ്ദേശ പത്രിക പിൻവലിച്ചിട്ടില്ല. കോണ്ഗ്രസ് സ്ഥാനാർഥിയായി ഇവിടെ മുൻ നഗരസഭ വൈസ് ചെയർമാൻ വി.സന്പത്താണ് മൽസരിക്കുന്നത്. എൽ ഡി എഫ് സ്ഥാനാർഥിയായി നഗരസഭ മുൻ സ്ഥിരം…
Read Moreകേരള കോണ്ഗ്രസ് എമ്മിന് 14 ജില്ലകളിലും ജില്ലാ പഞ്ചായത്ത് സ്ഥാനാർഥികൾ
കോട്ടയം: എൽഡിഎഫ് മുന്നണിയിലെത്തിയ കേരള കോണ്ഗ്രസ് എമ്മിന് 14 ജില്ലകളിലുമായി 27 ജില്ലാ പഞ്ചായത്ത് ഡിവിഷനുകളാണ് എൽഡിഎഫ് മുന്നണി മത്സരിക്കാനായി നൽകിയിരിക്കുന്നത്. കോട്ടയം ജില്ലയിലാണ് ഏറ്റവും കൂടുതൽ സീറ്റുകൾ. ഇവിടെ ഒന്പത് സീറ്റിൽ മത്സരിക്കുന്പോൾ ഇടുക്കിയിൽ നാല് ഡിവിഷനുകളിൽ കേരള കോണ്ഗ്രസ് എം എൽഡിഎഫ് പാനലിൽ മത്സരിക്കുന്നു. 27 ജില്ലാ പഞ്ചായത്ത് ഡിവിഷനുകളിലേക്ക് കേരള കോണ്ഗ്രസ് എം പ്രതിനിധികൾ എൽഡിഎഫ് സ്ഥാനാർഥികളായി രണ്ടില ചിഹ്നത്തിലാണ്് മത്സരിക്കുന്നതെന്ന് ജോസ് കെ.മാണി അറിയിച്ചു. കോട്ടയം ജില്ലയിൽ കുറവിലങ്ങാട് – നിർമ്മല ജിമ്മി, കടുത്തുരുത്തി -ജോസ് പുത്തൻകാലാ, ഉഴവൂർ- പി.എം മാത്യു, ഭരണങ്ങാനം -രാജേഷ് വാളിപ്ലാക്കൽ, അയർക്കുന്നം- ജോസഫ് ചാമക്കാല, കിടങ്ങൂർ- ടോബിൻ കെ.അലക്സ്, കാഞ്ഞിരപ്പള്ളി- ജസി സാജൻ, അതിരന്പുഴ-ബിന്ദു ബൈജു മാതിരന്പുഴ, പൂഞ്ഞാർ- ബിജു ജോസഫ് ഇളംതുരുത്തി എന്നിവരാണ് സ്ഥാനാർഥികൾ. (മറ്റു ജില്ലകൾ,ഡിവിഷൻ, സ്ഥാനാർഥി എന്ന ക്രമത്തിൽ.) ഇടുക്കി: വണ്ടൻമേട്…
Read Moreഎല്ലാം പ്ലാസ്റ്റിക് കയ്യടക്കി! പഴമയുടെ അഴകിൽ പായ നെയ്ത് തഴനെയ്ത്തമ്മ! ‘അന്ന് 60 പായ നെയ്തുകൊടുത്ത് വാങ്ങിയത് രണ്ട് പവൻ
കടുത്തുരുത്തി: പുതുതമുറയ്ക്കു തഴയെയും കൈതയെയും തഴപ്പായെയും മനസിലാക്കുന്നതിന് കോതനല്ലൂര് സ്വദേശി തഴനെയ്ത്തമ്മ നടത്തുന്ന അധ്വാനത്തിന് പിന്നിലുള്ളത് വിലയിടാനാവാത്ത ആത്മസമര്പ്പണം. തഴയുടെ നെയ്ത്തു സംസ്കാരത്തെയും കൈത നല്കുന്ന പാരിസ്ഥിതിക സംരക്ഷണത്തെയും നില നിര്ത്തി 2000 ത്തോളം കൈതക്കൂട്ടങ്ങളെയാണ് തഴനെയ്ത്തമ്മ എന്ന കൊയ്പ്പള്ളി തെയ്യാമ്മ പരിപാലിക്കുന്നത്. എല്ലാം പ്ലാസ്റ്റിക് കയ്യടക്കിവര്ഷങ്ങളായി തെയ്യമ്മയുടെ വരുമാനമാര്ഗമാണ് പായ നിര്മാണം. 1978 ല് മൂത്ത മകള്ക്ക് വിവാഹാവശ്യത്തിനാവശ്യമായ രണ്ട്്് പവന് സ്വര്ണം വാങ്ങിയത് 60 പായ നെയ്തു കൊടുത്താണെന്ന് പായനെയ്ത്തമ്മ പറഞ്ഞു. വൈക്കം താലൂക്ക് കേന്ദ്രീകരിച്ചു നാല്പതില്പരം കുടുംബങ്ങളാണ് പായ നിര്മിച്ച് വില്ക്കുന്നത്. എന്നാല് പ്ലാസ്റ്റിക് പായ വിപണിയില് എത്തിയതോടെ തഴപ്പായ നിര്മാണം അവഗണിക്കപെട്ടു. യന്ത്രവത്കരണവും അസംസ്കൃത സാധനങ്ങളുടെ കുറവും സാങ്കേതികവിദ്യകള് സ്വീകരിക്കാത്തതും ഈ മേഖലയെ പിന്നോട്ടടിപ്പിച്ചു. വിവിധയിനം പായകള്പായ നെയ്യുന്നവര് കൈതകളില്നിന്ന് അരിവാള് ഉപയോഗിച്ച് തഴ മുറിച്ചെടുക്കും. പിന്നീട് തഴയിലെ മുള്ള് നീക്കം…
Read Moreഅന്ത്യശാസനയുമായി പാര്ട്ടികള്; പിന്മാറിയില്ലെങ്കില് ആറുവര്ഷത്തേക്ക് പുറത്താക്കുമെന്ന് ഡിസിസി
പത്തനംതിട്ട: നാമനിര്ദേശപത്രിക പിന്വലിക്കാനുള്ള അവസാനസമയത്തിനു മുമ്പായി മത്സരരംഗം വിടണമെന്ന അന്ത്യശാസനയുമായി പ്രമുഖ രാഷ്ട്രീയകക്ഷികള്. ഇന്ന് മൂന്നുവരെയാണ് പത്രിക പിന്വലിക്കാനുള്ള സമയം. ഇതോടെ പോരാട്ടചിത്രം വ്യക്തമാകും. സ്ഥാനാര്ഥികള്ക്ക് ചിഹ്്നം അനുവദിക്കുന്നതും ഇന്നാണ്.ഔദ്യോഗിക സ്ഥാനാര്ഥികള്ക്കെതിരെ പത്രിക നല്കിയിട്ടുള്ളവര് പാര്ട്ടി നിര്ദേശം പാലിച്ച് പിന്വലിക്കണമെന്നാണ് പ്രമുഖ രാഷ്ട്രീയകക്ഷികളുടെ നിര്ദേശം. യുഡിഎഫിനാണ് വിമതഭീഷണി പ്രധാനമായും ഉള്ളത്. നഗരസഭ, ഗ്രാമപഞ്ചായത്ത് വാര്ഡുകളിലാണ് ഇത് കൂടുതലായി ഉണ്ടായിട്ടുള്ളത്. കോണ്ഗ്രസില് നിന്നാണ് വിമതസ്ഥാനാര്ഥികളുടെ അരങ്ങേറ്റം കൂടുതല്. പാര്ട്ടി ഭാരവാഹികള് അടക്കം ഇത്തരത്തില് പത്രിക സമര്പ്പിച്ചവരിലുണ്ട്. യുഡിഎഫില് ഘടകകക്ഷികള്ക്ക് നല്കിയിട്ടുള്ള സീറ്റുകളിലും കോണ്ഗ്രസുകാരുടേതായ സ്ഥാനാര്ഥിത്വമുണ്ട്. കോഴഞ്ചേരിയിലെ സിപിഎം, സിപിഐ തര്ക്കത്തിനു പരിഹാരം കാണാത്തതിനാല് രണ്ടു പാര്ട്ടികളും വെവേറെയാണ് മത്സരിക്കാന് തീരുമാനിച്ചിട്ടുള്ളത്. ജില്ലാ പഞ്ചായത്ത് റാന്നി മണ്ഡലത്തില് കേരള കോണ്ഗ്രസ് ജോസഫ് വിഭാഗത്തിനു നല്കിയ സീറ്റില് കോണ്ഗ്രസ് സേവാദള് ജില്ലാ കോ ഓര്ഡിനേറ്റര് ബെന്നി പുത്തന്പറമ്പില് നാമനിര്ദേശ പത്രിക നല്കിയിട്ടുണ്ട്.…
Read Moreദൃശ്യം മോഡൽ ഫലിച്ചില്ല; മുക്കുപണ്ടം പണയം വെച്ച് തട്ടിപ്പ് നടത്തിയ കുട്ടിസംഘത്തെ എറണാകുളത്ത് നിന്ന് പൊക്കി പോലീസ്
കിടങ്ങൂർ: മുക്കുപണ്ടം പണയം വെച്ച് പണം തട്ടിപ്പ്. പോലീസ് പിന്നാലെ എത്തുന്നുവെന്ന് അറിഞ്ഞപ്പോൾ ദൃശ്യം സ്റ്റൈലിൽ അന്വേഷണം വഴിതെറ്റിക്കാൻ ശ്രമം. എന്നിട്ടും ഈരാറ്റുപേട്ട സ്വദേശികളായ മൂവർ സംഘം പോലീസ് പിടിയിൽ. പൂഞ്ഞാർ കരോട്ട് മുഹമ്മദ് ഷിജാസ്(20), പൂഞ്ഞാർ വെള്ളാപ്പള്ളിയിൽ മുഹമ്മദ് റാഫി(21), നടയ്ക്കൽ വലിയവീട്ടിൽ മുഹമ്മദ് ഷാഫി(20) എന്നിവരാണ് മുക്കുപണ്ടം നിർമിച്ചു സ്വകാര്യ പണമിടപാട് സ്ഥാപനത്തിൽനിന്നും 70,000 രൂപ തട്ടിയെടുത്ത കേസിൽ ഇപ്പോൾ ജയിലിലായത്. സംഭവത്തിൽ കിടങ്ങൂർ പോലീസ് അന്വേഷണം ആരംഭിച്ചെന്നു മനസിലാക്കിയതോടെയാണ് പ്രതികൾ ദൃശ്യം സിനിമ സ്റ്റൈലിൽ അന്വേഷണം വഴിതിരിച്ചുവിടാൻ ശ്രമിച്ചത്. ഒരു പ്രതിയുടെ സിം കാർഡ് മറ്റൊരു മൊബൈലിലിട്ട് നാഷണൽ പെർമിറ്റ് ലോറിയിൽ കയറ്റിവിട്ടാണ് അന്വേഷണത്തിന്റെ ഗതിമാറ്റാൻ ശ്രമിച്ചത്. പോലീസ് പഴുതടച്ചുള്ള അന്വേഷണം നടത്തിയതോടെയാണ് ശനിയാഴ്ച മൂവർസംഘം എറണാകുളത്തെ ഒളിസങ്കേതത്തിൽ നിന്നും പിടിയിലായത്. ഉരച്ചു നോക്കിയാലും സ്വർണപണിക്കാർക്കു പോലും തിരിച്ചറിയാൻ കഴിയാത്തവിധം വൈദഗ്ധ്യത്തോടെയുള്ള മുക്കുപണ്ടം…
Read Moreഅഞ്ചു ഭർത്താക്കൻമാർ ഈ തെരഞ്ഞെടുപ്പിൽ അണിയറയിലേക്ക് മാറി; ഭാര്യമാർ അടുക്കളയിൽനിന്നും അരങ്ങിലേക്കെത്തി
തൊടുപുഴ: നഗരസഭയിൽ കൗണ്സിലർമാരായിരുന്ന അഞ്ചു ഭർത്താക്കൻമാർ ഈ തെരഞ്ഞെടുപ്പിൽ അണിയറയിലേക്ക് മാറിയപ്പോൾ ഭാര്യമാർ അടുക്കളയിൽനിന്നും അരങ്ങിലേക്കെത്തി. നാലുപേർ ഭർത്താക്കൻമാരുടെ വാർഡ് നില നിർത്താനായി മൽസരരംഗത്തെത്തിയപ്പോൾ ഒരാൾ വാർഡു മാറിയാണ് മൽസരിക്കുന്നത്. കഴിഞ്ഞ ഭരണസമിതിയിലെ മൂന്നു വൈസ് ചെയർമാൻമാരുടെ ഭാര്യമാർ ഇത്തവണ തെരഞ്ഞെടുപ്പിൽ അങ്കം കുറിയ്ക്കുന്നുവെന്ന പ്രത്യേകതയുമുണ്ട്. കഴിഞ്ഞ തവണ നഗരസഭയുടെ ഒന്നാം വാർഡായ വെങ്ങല്ലൂരിൽനിന്നും വിജയിച്ച മുൻ വൈസ് ചെയർമാൻ ടി.കെ. സുധാകരൻനായരുടെ ഭാര്യ സുധ സുധാകരൻനായർ ഇത്തവണ ആറാം വാർഡിലാണ് മൽസരിക്കുന്നത്. ഒന്നാം വാർഡ് പട്ടിക ജാതി സംവരണമായതോടെയാണ് അന്പലം വാർഡിലേക്ക് മാറേണ്ടി വന്നത്. 2010-15 കാലത്ത് നഗരസഭ കൗണ്സിലറായിരുന്ന സുധ യുഡിഎഫ് സ്ഥാനാർഥിയായാണ് ജനവിധി തേടുന്നത്. ഇവിടെ എൻഡിഎ സ്ഥാനാർഥിയായി മൽസരിക്കുന്നത് കഴിഞ്ഞതവണ കൗണ്സിലറായിരുന്ന ഗോപാലകൃഷ്ണന്റെ ഭാര്യ ജയലക്ഷ്മി ഗോപനാണ്. 2010-ലും ജയലക്ഷ്മി മൽസരരംഗത്തുണ്ടായിരുന്നു. മുൻ വൈസ് ചെയർമാൻ സി.കെ. ജാഫറിന്റെ ഭാര്യ ഷഫ്ന…
Read More