തൊടുപുഴ: അപകടത്തിൽ പരിക്കേറ്റ് വാഹനം കിട്ടാതെ വിഷമിച്ചവർക്ക് തുണയായി ഡീൻ കുര്യാക്കോസ് എംപി. കാർ നിയന്ത്രണംവിട്ട് തിട്ടയിൽ ഇടിച്ചുകയറി സാരമായി പരിക്കേറ്റ യാത്രക്കാർക്കാണ് എംപിയുടെ സഹായഹസ്തമെത്തിയത്. തൊടുപുഴ -മൂലമറ്റം റൂട്ടിൽ മലങ്കര പാലത്തിനു സമീപം ഇന്നലെ 4.45 ഓടെയായിരുന്നു സംഭവം. കോളപ്രയിലെ തെരഞ്ഞെടുപ്പ് യോഗത്തിനു ശേഷം മ്രാലയിലെ യോഗത്തിൽ പങ്കെടുക്കാൻ വരികയായിരുന്നു എംപി. ഇതിനിടെയാണ് കാർ അപകടത്തിൽപെട്ടു കിടക്കുന്നത് കണ്ടത്. കാറിലുണ്ടായിരുന്നു നാലുപേരും പരിക്കേറ്റ് റോഡരികിൽ നിൽക്കുകയായിരുന്നു. പല വാഹനങ്ങളും കൈകാണിച്ചിട്ടും നിർത്താതെ പോകുന്നതിനിടെയാണ് എംപിയുടെ വാഹനം എത്തിയത്. പിന്നീട് തന്റെ വാഹനത്തിൽ പരിക്കേറ്റവരെ എത്രയുംവേഗം ആശുപത്രിയിലെത്തിക്കാൻ ഡീൻ കുര്യാക്കോസ് ഒപ്പമുണ്ടായിരുന്നവർക്ക് നിർദേശം നൽകി. തുടർന്ന് മറ്റൊരു വാഹനം വരുത്തി യോഗസ്ഥലത്തേക്ക് എംപി യാത്രയായി. മുട്ടം കന്യാമല സ്വദേശികളായ ലിസി (50), ആലീസ് (60), ഗ്രേസി (55) എന്നിവർക്കാണ് അപകടത്തിൽ പരിക്കേറ്റത്. ഇവരെ സ്വകാര്യാശുപത്രിയിൽ പ്രവേശിപ്പിച്ചു.
Read MoreCategory: Kottayam
രോഗവ്യാപനം കൂടുന്നു! കോട്ടയത്ത് കോവിഡ് രോഗികൾ 600നു മുകളിൽ; 623 പേരും രോഗികളായത് സമ്പര്ക്കത്തിലൂടെ…
കോട്ടയം: ജില്ലയില് ഇന്ന് 629 പേര്ക്ക് പുതിയതായി കോവിഡ് സ്ഥിരീകരിച്ചു. ജില്ലയില് ഇതാദ്യമായാണ് രോഗികളുടെ എണ്ണം 600നു മുകളിലെത്തുന്നത്. ഇതില് 623 പേരും സമ്പര്ക്കത്തിലൂടെയാണ് രോഗികളായത്. സംസ്ഥാനത്തിന് പുറത്തുനിന്നെത്തിയ ആറു പേരും രോഗികളായി. 5415 പുതിയ പരിശോധനാ ഫലങ്ങളാണ് ഇന്ന് ലഭിച്ചത്. 11.6 ആണ് ഇന്നത്തെ ടെസ്റ്റ് പോസിറ്റിവിറ്റി നിരക്ക്. ജില്ലയില് ഇന്ന് 512 പേര് രോഗമുക്തരായി. 4233 പേരാണ് ചികിത്സയിലുള്ളത്. ജില്ലയില് ഇതുവരെ ആകെ 34843 പേര് കൊവിഡ് ബാധിതരായി. ഇതില് 30555 പേര് രോഗമുക്തി നേടി. ജില്ലയില് ആകെ 15574 പേര് ക്വാറന്റയിനില് കഴിയുന്നുണ്ട്. രോഗം ബാധിച്ചവരുടെ തദ്ദേശഭരണ സ്ഥാപന അടിസ്ഥാനത്തിലുള്ള വിവരം ഇങ്ങനെ: കോട്ടയം -54, ചങ്ങനാശേരി -34, മുണ്ടക്കയം -32, മാടപ്പള്ളി -31, തലയോലപ്പറമ്പ് -29, തൃക്കൊടിത്താനം -20, പുതുപ്പള്ളി, ഏറ്റുമാനൂര് -19, പാറത്തോട്, മണര്കാട് -17, വാഴപ്പള്ളി, മറവന്തുരുത്ത് -16,…
Read Moreചെങ്കുത്തായ കയറ്റം! പ്രായാധിക്യത്താലും രോഗത്താലും ക്ലേശിക്കുന്ന വയോധികയെ ആശുപത്രിയിലെത്തിക്കാൻ വഴിസൗകര്യമില്ലാതെ മക്കൾ
ചെറുതോണി: പ്രായാധിക്യത്താലും രോഗത്താലും ക്ലേശിക്കുന്ന വയോധികയെ ആശുപത്രിയിലെത്തിക്കാൻപോലും ഗതാഗതസൗകര്യമില്ലാതെ മക്കൾ വലയുന്നു. മണിയാറൻകുടി സ്കൂൾസിറ്റി സ്വദേശി പുളിവേലിൽ പരേതനായ നാണുക്കുട്ടന്റെ ഭാര്യ ഭവാനി(96)യെയാണ് മക്കളും നാട്ടുകാരുംചേർന്ന് കസേരയിൽ ഇരുത്തി ചുമന്ന് റോഡിലെത്തിച്ച് ആശുപത്രിയിൽ കൊണ്ടുപോകുന്നത്. ജില്ലാ ആസ്ഥാനത്തിന് പത്തുകിലോമീറ്റർ ഉള്ളിലാണ് ഈ ദയനീയ സംഭവം. ഇടുക്കി -ഉടുന്പന്നൂർ റോഡിലേക്ക് ഇവരുടെ വീട്ടിൽനിന്നും നൂറ്റന്പത് മീറ്ററോളം ദൂരമേയുള്ളൂ. എന്നാൽ ചെങ്കുത്തായ കയറ്റമായതിനാൽ റോഡ് നിർമിക്കുക സാധ്യമല്ല. 60 വർഷത്തിലധികമായി നാട്ടുകാരും സ്കൂൾ വിദ്യാർഥികളും ഉപയോഗിക്കുന്ന നടപ്പുവഴിയുണ്ട്. ഇതിലെയാണ് ഭവാനിയെ കസേരയിൽ ചുമന്നുകൊണ്ടുപോകുന്നത്. മണിയാറൻകുടി ഗവ. വൊക്കേഷണൽ ഹയർ സെക്കൻഡറി സ്കൂളിന്റെ സമീപത്തുകൂടിയാണ് നാട്ടുകാർ വർഷങ്ങളായി സഞ്ചരിക്കുന്നത്. ജില്ലാ പഞ്ചായത്ത് റോഡ് നിർമിക്കാൻ ഫണ്ട് നൽകാമെന്ന് അറിയിച്ചിട്ടുമുണ്ട്. എന്നാൽ സ്കൂളിനോടു ചേർന്നുള്ള തോടിന് സംരക്ഷണഭിത്തി നിർമിച്ചാൽ സമീപവാസികളുടെ പുരയിടത്തിലൂടെ റോഡുനിർമിച്ച് വാഹനം കടത്തിക്കൊണ്ടുപോകാനാവും. തോട് കരിങ്കല്ലിനു കെട്ടി സ്കൂളിനു സംരക്ഷണമൊരുക്കാൻ…
Read Moreസ്ഥാനാർഥികൾക്ക് കോവിഡ് കൂടുന്നു, പ്രചാരണത്തിൽ കരുതൽ വേണം! കോട്ടയം ജില്ലയിൽ മൂന്നു മൂന്നു സ്ഥാനാർഥികൾക്കു കൂടി കോവിഡ്
കോട്ടയം: തെരഞ്ഞെടുപ്പ് പ്രചാരണത്തെ ക്വാറന്റൈനിലാക്കി കോവിഡ്. ജില്ലയിൽ മൂന്നു മൂന്നു സ്ഥാനാർഥികൾക്കു കൂടി കോവിഡ് സ്ഥിരീകരിച്ച സാഹചര്യത്തിൽ തെരഞ്ഞെടുപ്പ് പ്രചാരണം അതീവ ജാഗ്രതയിൽ. ഇതോടെ ജില്ലയിൽ ഏഴു സ്ഥാനാർഥികൾക്കാണ് കോവിഡ് സ്ഥിരീകരിച്ചിരിക്കുന്നത്. എരുമേലി, എലിക്കുളം, പുതുപ്പള്ളി, ചങ്ങനാശേരി, തലയോലപ്പറന്പ്, പാന്പാടി, മുണ്ടക്കയം, പാല എന്നിവിടങ്ങളിലെ സ്ഥാനാർഥികളാണ് ഇപ്പോൾ നിരീക്ഷണത്തിൽ കഴിയുന്നത്. എരുമേലിയിൽ 200 പേരാണ് ഇപ്പോൾ നിരീക്ഷണത്തിലുള്ളത്. പാലാ നഗരസഭയിലെ യുഡിഎഫ് സ്ഥാനാർഥിക്കു കോവിഡ് സ്ഥിരീകരിച്ചതോടെ പാലാ നഗരസഭയിൽ യുഡിഎഫിന്റെ എല്ലാ പൊതുപ്രചാരണ പരിപാടികളും നിർത്തിയിരിക്കുകയാണ്. യുഡിഎഫ് സ്ഥാനാർഥികളും കുടുംബാംഗങ്ങളും 30 വരെ നിരീക്ഷണത്തിലാണ്. സ്ഥാനാർഥികൾ ക്വാറന്റൈനിൽ പോകേണ്ടി വന്ന സാഹചര്യമാണു മാറിചിന്തിപ്പിക്കാൻ രാഷ്ട്രീയ പാർട്ടികളെ ഇപ്പോൾ പ്രേരിപ്പിച്ചത്. സമൂഹമാധ്യമങ്ങളിലൂടെയും ഫോണ് വിളിച്ചുമാണ് ഇപ്പോൾ വോട്ടു തേടൽ നടക്കുന്നത്. 30നു നടക്കുന്ന പരിശോധനയിൽ കോവിഡ് നെഗറ്റീവായാൽ മാത്രമാണ് നേരിട്ടുള്ള പ്രചാരണത്തിന് ഇറങ്ങാന് ഇപ്പോൾ സ്ഥാനാർഥികൾക്ക് കഴിയൂ. കോവിഡ്…
Read Moreകുഴിയൊരു പ്രശ്നമാണ്, മണ്ണിട്ടു മൂടുന്നതിനും പരിധിയില്ലേ ? ഇവിടെ അപകടങ്ങൾ പതിവ് കാഴ്ച
കോട്ടയം: ഏറ്റുമാനൂർ പേരൂർ – സംക്രാന്തി റോഡിൽ കുത്തിയതോട് പാലത്തിൽ അപകടകരമായ വിധത്തിൽ കുഴി രൂപപ്പെട്ടിരിക്കുന്നു. പാലത്തിനും അപ്രോച്ച് റോഡിനും ഇടയിലാണ് വൻകുഴി രൂപപ്പെട്ടിരിക്കുന്നത്. ഇവിടെ അപകടങ്ങൾ പതിവായതോടെ നാട്ടുകാർ കുഴിയിൽ മണ്ണിട്ടു മൂടിവരികയായിരുന്നു. കഴിഞ്ഞ മഴയത്ത് മണ്ണ് കുത്തിയൊഴുകി പോയതോടെ കുഴി വീണ്ടും തെളിഞ്ഞു. പാലത്തിൽ കയറുന്ന വാഹനങ്ങൾ കുഴിയിൽ ചാടാതിരിക്കാൻ ബ്രേക്ക് പിടിക്കുകയോ വെട്ടിക്കുകയോ ചെയ്യുന്നതാണ് അപകടങ്ങൾക്ക് കാരണമാകുന്നത്. ഇന്നലെ വൈകുന്നേരം നാലിനു ഏറ്റുമാനൂർ ഭാഗത്തേക്ക് പോകുകയായിരുന്ന രണ്ടു വാഹനങ്ങളാണ് അപകടത്തിൽ പെട്ടത്. മുന്നിലുണ്ടായിരുന്ന സ്കോഡയുടെ ടെസ്റ്റ് ഡ്രൈവ് കാറ് ഇടുങ്ങിയ കലുങ്കിന് സമീപമുള്ള കുഴി കണ്ട് പെട്ടെന്ന് വേഗത കുറച്ചപ്പോൾ പിന്നാലെ എത്തിയ കാറ് ഇടിക്കാതിരിക്കാൻ വെട്ടിക്കുകയായിരുന്നു. ഇതോടെ നിയന്ത്രണം നഷ്ടപ്പെട്ട കാറ് മുന്നിൽപോയ കാറിൽ ഇടിച്ചശേഷം പത്തടിയോളം താഴ്ചയിലേക്കു മറിഞ്ഞു. അപകടത്തിൽ അഞ്ചു പേർക്ക് പരിക്കേറ്റു. പരിക്കേറ്റ കോട്ടയം മണർകാട് കുന്നുംപുറത്തു…
Read Moreസ്ഥാനാർഥികളുടെയും അണികളുടെയും ശ്രദ്ധയ്ക്ക്, അവർ പണി തുടങ്ങി! പിന്നിൽ എതിർ സ്ഥാനാർഥികൾ അല്ല…
കോട്ടയം: സ്ഥാനാർഥികളുടെയും അണികളുടെയും ശ്രദ്ധയ്ക്ക്, അവർ പണി തുടങ്ങി. ഇനി അനധികൃതമായി സ്ഥാപിക്കുന്ന പ്രചാരണ സാമഗ്രികൾ കാണാതായാൽ എതിർ സ്ഥാനാർഥിയേയും പ്രവർത്തകരേയും പഴിചാരരുത്. അതു ചെയ്യുന്നത് ആന്റി ഡീഫേസ്മെന്റ് സ്ക്വാഡുകളാണ്. ജില്ലയിൽ കഴിഞ്ഞ ദിവസങ്ങളിലായി വിവിധ കേന്ദ്രങ്ങളിൽ അനധികൃതമായി സ്ഥാപിച്ച 1468 പ്രചരണ സാമഗ്രികളാണ് ആന്റി ഡീഫേസ്മെന്റ് സ്ക്വാഡുകൾ നീക്കം ചെയ്തത്. ഇതിൽ 1192 പോസ്റ്ററുകളും 276 ബോർഡുകളും ഉൾപ്പെടുന്നു. തെരഞ്ഞെടുപ്പു പെരുമാറ്റ ചട്ടപ്രകാരമുള്ള ഇടപെടലാണ് ജില്ലാ, താലൂക്ക്തല ആന്റി ഡീഫേസ്മെന്റ് സ്ക്വാഡ് നിർവഹിക്കുന്നത്. ഈ ദിവസങ്ങളിലായി വൈക്കം -219, മീനച്ചിൽ – 428, ചങ്ങനാശേരി -466, കാഞ്ഞിരപ്പള്ളി – 309, കോട്ടയം – 46 എന്നിങ്ങനെയാണ് വിവിധ താലൂക്കുകളിൽ നീക്കം ചെയ്ത പ്രചാരണ സാമഗ്രികളുടെ എണ്ണം. സംസ്ഥാന തിരഞ്ഞെടുപ്പ് കമ്മീഷന്റെ മാർഗനിർദേശങ്ങൾ ലംഘിച്ചതിനാണ് നടപടി. ഇതിനു പുറമേ അനുവദനീയമല്ലാത്ത സ്ഥലങ്ങളിലെ ചുവരെഴുത്തുകൾ കരി ഓയിൽ ഉപയോഗിച്ച്…
Read Moreതെരഞ്ഞെടുപ്പ് സ്പെഷൽ കഞ്ചാവ് പൊതികൾ! പരിശോധനകൾ പുരോഗമിക്കുന്പോഴും കോട്ടയത്തേക്ക് കഞ്ചാവ് സുലഭമായി എത്തുന്നു
കോട്ടയം: പരിശോധനകൾ പുരോഗമിക്കുന്പോഴും ജില്ലയിലേക്ക് കഞ്ചാവ് സുലഭമായി എത്തുന്നു. തമിഴ്നാട് അതിർത്തികൾ കടന്നാണ് കഞ്ചാവ് ഇവിടേക്ക് കടത്തുന്നത്. ജില്ലയിലെ വിവിധ ടൗണുകൾ കേന്ദ്രീകരിച്ചുള്ള സംഘങ്ങൾ ഇതു ചെറു പൊതികളാക്കി വിൽപ്പന നടത്തുകയാണ് പതിവ്. കോട്ടയം നഗരത്തിലും സമീപ പ്രദേശങ്ങളിലും ഇത്തരത്തിൽ എത്തിക്കുന്ന കഞ്ചാവ് വിൽപ്പന നടത്തുന്നതിനും ആളുകൾ സജ്ജമാണ്. മെഡിക്കൽ കോളജ്, കുമാരനല്ലൂർ, ഏറ്റുമാനൂർ, പാലാ, ചങ്ങനാശേരി തുടങ്ങിയ പ്രദേശങ്ങളിൽ ഇത്തരക്കരുടെ സങ്കേതമുണ്ട്. ഇന്നലെ ചങ്ങനാശേരിയിലേക്കു ലോഡുമായി വന്ന പിക് അപ് വാനിൽ നിന്നും മുണ്ടക്കയം പോലീസ് രണ്ടുകിലോ കഞ്ചാവാണ് പിടികൂടിയത്. സംഭവത്തിൽ തമിഴ്നാട് സ്വദേശികളായ രാജീവ് നഗറിൽ മുരളി (30), അങ്കുർ പാളയം അവിൻ കുമാർ (26) എന്നിവരെ അറസ്റ്റ് ചെയ്തു റിമാൻഡ് ചെയ്തു. തമിഴ്നാട്ടിൽനിന്നും വാഴക്കുലയുമായെത്തിയ പിക് അപ് വാനിന്റെ ക്യാബിനിൽ ഒളിപ്പിച്ച നിലയിലാണ് പോലീസ് കഞ്ചാവ് കണ്ടെത്തിയത്. കഴിഞ്ഞ ഒരു മാസത്തിനുള്ളിലാണ്…
Read Moreഅയ്യപ്പനുള്ള വിവാഹ ക്ഷണക്കത്ത്, ഗൃഹപ്രവേശക്ഷണം, മണി ഓര്ഡറുകൾ! നിരവധി പ്രത്യേകതകളുള്ളതാണ് ശബരിമല സന്നിധാനത്തെ പോസ്റ്റ് ഓഫീസ്
ശബരിമല: നിരവധി പ്രത്യേകതകളുള്ളതാണ് ശബരിമല സന്നിധാനത്തെ പോസ്റ്റ് ഓഫീസ്. സാധാരണ പോസ്റ്റ് ഓഫീസ് സീലില് നിന്നു വ്യത്യസ്തമായി അയ്യപ്പ വിഗ്രഹത്തിന്റെയും പതിനെട്ട് പടികളുടെയും ചിത്രം ആലേഖനം ചെയ്ത സീലാണ് ഇവിടെ ഉപയോഗിക്കുന്നത്. ഈ സീല് പതിച്ച പോസ്റ്റ് കാര്ഡ് വാങ്ങി വേണ്ടപ്പെട്ടവര്ക്ക് അയച്ചു നല്കാന് ഭക്തര് പോസ്റ്റ് ഓഫീസ് സന്ദര്ശിക്കുന്നത് പതിവാണ്. 689713 പിന്കോഡുള്ള പോസ്റ്റ് ഓഫീസ് ശബരിമലയില് സേവനം തുടങ്ങിയത് 1963 ലാണ്. ശബരിമല മണ്ഡല മകരവിളക്ക് തീര്ഥാടന കാലത്ത് മാത്രമാണ് സന്നിധാനത്തെ പോസ്റ്റ് ഓഫീസിന്റെ പ്രവര്ത്തനം. കോവിഡ് പശ്ചാത്തലത്തില് ശബരിമലയില് ദര്ശനം നടത്താന് കഴിയാത്ത ഭക്തര്ക്കായി ഈ വര്ഷം മുതല് പ്രസാദം തപാല് വകുപ്പ് മുഖേന വിതരണം ചെയ്യുന്നുണ്ട്. അടുത്തുള്ള പോസ്റ്റ് ഓഫീസില് പണം അടയ്ക്കുന്നവര്ക്ക് ഇന്ത്യയിലെവിടെയും അയ്യപ്പസ്വാമിയുടെ പ്രസാദം തപാല് വകുപ്പ് എത്തിച്ചു നല്കും. അയ്യപ്പചിത്രം പതിച്ച മൈ സ്റ്റാമ്പും തപാല് വകുപ്പ്…
Read Moreആ ചുവന്ന പള്സര് ബൈക്ക് പ്രതികളെ കുടുക്കി! മാല പൊട്ടിക്കുന്ന സംഘത്തിന്റെ അടിവേരു തേടി പോലീസ്
കോട്ടയം: ബൈക്കിലെത്തി റോഡിലൂടെ നടന്നു പോവുകയായിരുന്ന വീട്ടമ്മയുടെ മാല പറിച്ച കേസിൽ പിടിയിലായ മൂന്നംഗ സംഘത്തെക്കുറിച്ചു പാലാ പോലീസ് കൂടുതൽ അന്വേഷണം ആരംഭിച്ചു. കഴിഞ്ഞ 19നു രാവിലെ കൊല്ലപ്പള്ളി ചൈതന്യ റോഡിൽ വച്ചു ക്ഷേത്രത്തിലേക്കു പോവുകയായിരുന്ന പ്രദേശവാസിയായ കമലാക്ഷിയുടെ മാലയാണ് സംഘം പൊട്ടിച്ചെടുത്തത്. സംഭവവുമായി ബന്ധപ്പെട്ടു തലനാട് സ്വദേശികളായ മണാങ്കൽ എം.എസ് ജിസ് (38), കുന്പിളിങ്കൽ അരുണ് (21), ആനന്ദശേരിൽ സിയാദ് (33) എന്നിവരാണ് അറസ്്റ്റിലായത്. മൂന്നംഗ സംഘം സഞ്ചരിച്ചിരുന്ന ചുവന്ന പൾസർ ബൈക്കിനെ ചുറ്റിപ്പറ്റി നടത്തിയ അന്വേഷണത്തിലാണ് പ്രതികളെ കുടുക്കിയത്. മാല പൊട്ടിച്ചെടുത്തവർ ചുവന്ന പൾസർ ബൈക്കിലാണ് സഞ്ചരിച്ചതെന്ന് കമലാക്ഷി പോലീസിനോട് പറഞ്ഞിരുന്നു. തുടർന്നു പോലീസ് പ്രദേശത്തെ സിസിടിവി കാമറ ദൃശ്യങ്ങൾ പരിശോധിച്ചു. ഇതോടെ ചുവന്ന പൾസർ പോകുന്നതിന്റെ ദൃശ്യങ്ങൾ ലഭിക്കുകയും ചെയ്തു. തുടർന്നു ഈ ബൈക്കിനെ കേന്ദ്രീകരിച്ചു പോലീസ് അന്വേഷണം നടത്തുകയായിരുന്നു. പ്രദേശത്തെ രണ്ടു…
Read Moreമാനസിക ആരോഗ്യ കേന്ദ്രങ്ങളിലെ അസ്വാഭാവിക മരണം! സംശയിക്കുന്ന മരുന്ന് പരീക്ഷിച്ച ചുണ്ടെലികൾ അരമണിക്കൂറിനുള്ളിൽ ചത്തു; മരുന്നു കന്പനികൾ പ്രതിക്കൂട്ടിൽ
കോട്ടയം: മാനസിക ആരോഗ്യ കേന്ദ്രങ്ങളിലെ അസ്വാഭാവിക മരണങ്ങളെപ്പറ്റിയുള്ള അന്വേഷണം മരുന്നു കന്പനികളിലേക്ക് നീങ്ങുന്നു. കഴിഞ്ഞ മാർച്ചിൽ ജില്ലയിലെ കറുകച്ചാൽ സജ്ഞീവിനി, കുറിച്ചി ജീവൻ ജ്യോതി, പുതുജീവൻ എന്നിവിടങ്ങളിൽ 11 അന്തേവാസികൾ ഒരാഴ്ചക്കിടെ അസ്വാഭാവികമായി മരണപ്പെട്ടിരുന്നു. ഇതേക്കുറിച്ചു നടക്കുന്ന അന്വേഷണമാണ് മരുന്നു കന്പനികളിലേക്കു നീങ്ങുന്നത്. സംഭവത്തിൽ യാഥാർഥ്യം കണ്ടെത്തി ശരീയായ രീതിയിൽ അന്വേഷണം നടത്താൻ ഹൈക്കോടതി ഉത്തരവിട്ടിരുന്നു. മരണത്തെത്തുടർന്ന് മാനസികാരോഗ്യ കേന്ദ്രങ്ങൾക്കെതിരെ വ്യാപക ആക്ഷേപവും പരാതിയും ഉയർന്ന സാഹചര്യത്തിൽ സജ്ഞീവിനി ഡയറക്ടർ ഫാ. ജേക്കബ് വാത്താട്ട്, ജീവൻ ജ്യോതി സിസ്റ്റർ സുപ്പീരിയർ സിസ്റ്റർ ആനി മരിയ എന്നിവർ ഹൈക്കോടതിയിൽ തങ്ങളുടെ സ്ഥാപനത്തിലെ അസ്വാഭാവിക മരണം സംബന്ധിച്ച സ്വകാര്യ മരുന്നു കന്പനിയുടെ മരുന്നിനെ സംശയിക്കുന്നതിനാൽ ജില്ലാ പോലീസ് ചീഫിന്റെ മേൽനോട്ടത്തിൽ ഡിവൈഎസ്പി റാങ്കിലുള്ള ഉദ്യോഗസ്ഥൻ അന്വേഷണം നടത്തണമെന്ന് ആവശ്യപ്പെട്ട് ഹൈക്കോടതിയിൽ ഹർജി നൽകിയിരുന്നു. ഈ ഹർജിയിൻമേലാണ് ഹൈക്കോടതി ജഡ്ജി അലക്സാണ്ടർ…
Read More