കോട്ടയം: വനിതാ എസ്ഐയെ കൈയേറ്റം ചെയ്യാന് ശ്രമിച്ച അഭിഭാഷകന് അറസ്റ്റില്. കോട്ടയം പാലായ്ക്കടുത്ത് രാമപുരത്താണ് സംഭവം. വിപിന് ആന്റണിയാണ് പിടിയിലായത്. വിപിനും സുഹൃത്തുക്കളും സഞ്ചരിച്ച കാറില് നിന്നും വാഹനപരിശോധനയ്ക്കിടെ മദ്യക്കുപ്പികള് പോലീസ് കണ്ടെടുത്തിരുന്നു. തുടര്ന്ന് വാഹനത്തില് നിന്നുമിറങ്ങിയ വിപിന് വനിത പോലീസ് ഉദ്യോഗസ്ഥയോട് അപമര്യാദയായി പെരുമാറുകയും കൈയേറ്റം ചെയ്യാന് ശ്രമിക്കുകയുമായിരുന്നു. വിപിന് മദ്യലഹരിയിലായിരുന്നു. ഇയാള്ക്കൊപ്പമുണ്ടായിരുന്നവര് സ്ഥലത്ത് നിന്നും ഓടി പോയി. ഇവരെ കണ്ടെത്താനുള്ള ശ്രമത്തിലാണ് പോലീസ്. ഉന്നതപോലീസ് ഉദ്യോഗസ്ഥര് സ്ഥലത്തെത്തി സ്ഥിതി വിലയിരുത്തി. വിപിന് ആന്റണി റിമാന്ഡിലാണ്. വിപിന് മദ്യലഹരിയിലായിരുന്നു. ഇയാള്ക്കൊപ്പമുണ്ടായിരുന്നവര് സ്ഥലത്ത് നിന്നും ഓടി പോയി. ഇവരെ കണ്ടെത്താനുള്ള ശ്രമത്തിലാണ് പോലീസ്. ഉന്നതപോലീസ് ഉദ്യോഗസ്ഥര് സ്ഥലത്തെത്തി സ്ഥിതി വിലയിരുത്തി. വിപിന് ആന്റണി റിമാന്ഡിലാണ്.
Read MoreCategory: Kottayam
18ന് 21 വയസാകും, 19ന് രേഷ്മ പത്രിക നൽകും! നാമനിർദേശ പത്രിക സമർപ്പിക്കാനുള്ള പ്രായം തികയാൻ 18 വരെ കാത്തിരിക്കുകയാണ്അരുവാപ്പുലത്തെ ഇടതു സ്ഥാനാർഥി രേഷ്മ മറിയം റോയി
കോന്നി: നാമനിർദേശ പത്രിക സമർപ്പിക്കാനുള്ള പ്രായം തികയാൻ 18 വരെ കാത്തിരിക്കുകയാണ്അരുവാപ്പുലത്തെ ഇടതു സ്ഥാനാർഥി രേഷ്മ മറിയം റോയി. അരുവാപ്പുലം പഞ്ചായത്തിലെ പതിനൊന്നാം വാർഡിലെ എൽഡിഎഫ് സ്ഥാനാർഥിയായി രേഷ്മ മറിയം റോയിയുടെ പേര് പ്രഖ്യാപിച്ചു. എന്നാൽ സ്ഥാനാർഥിക്ക് 21 വയസ് പൂർത്തിയാകുന്നത് 18നാണ്. 19ന് നാമനിർദേശപത്രിക സമർപ്പിക്കാനാണ് ഇപ്പോഴത്തെ തീരുമാനം. 19നാണ് പത്രിക നല്കാനുള്ള അവസാനദിനം. കോന്നി മണ്ഡലത്തിലെ ഏറ്റവും പ്രായം കുറഞ്ഞ സ്ഥാനാർഥിയും താനായിരിക്കുമെന്നാണ് രേഷ്മ പറയുന്നത്. ഡിവൈഎഫ്ഐ ജില്ലാ കമ്മിറ്റി അംഗമാണ്.
Read Moreറോഡപകടങ്ങൾ വർധിക്കുന്നു; അപകടത്തിൽ കൂടുതലും പെടുന്നതു ഇരുചക്ര വാഹനങ്ങൾ; ഈരയിൽക്കടവ്-മണിപ്പുഴ റോഡിലെ അമിതവേഗം യുവാക്കളുടെ ജീവനെടുക്കുന്നു
കോട്ടയം: ജില്ലയിൽ റോഡപകടങ്ങളുടെ എണ്ണം ദിനംപ്രതി വർധിക്കുന്നു. കൂടുതലും ഇരുചക്രവാഹനങ്ങളാണ് അപകടത്തിൽ പെടുന്നത്. കഴിഞ്ഞ രണ്ടു ദിവസങ്ങളിലായി കോട്ടയം നഗരത്തിലും ചുറ്റുപാടും നടന്ന വിവിധ റോഡപകടത്തിൽ ഒരു ജീവൻ പൊലിയുകയും അഞ്ചു പേർക്ക് പരിക്കേൽക്കുകയും ചെയ്തു. അമിതവേഗതയും അശ്രദ്ധമായ ഡ്രൈവിംഗുമാണ് മിക്ക അപകടങ്ങൾക്കും കാരണമാകുന്നത്. കഴിഞ്ഞ ദിവസം ഈരയിൽക്കടവ്-മണിപ്പുഴ റോഡിൽ ബൈക്ക് കാറിലിടിച്ചുണ്ടായ അപകടത്തിൽ പുതുപ്പള്ളി സ്വദേശിയായ തൃക്കോതമംഗലം കടവിൽപറന്പിൽ ഗോകുലത്തിൽ ജി. ഗോകുൽ (20) മരിച്ചു. ഇതിനുപിന്നാലെ ചുങ്കം മെഡിക്കൽ കോളജ് റോഡിൽ തിരുവാറ്റയിൽ രണ്ടു ദിവസങ്ങളിലായി ഒരേ സ്ഥലത്ത് നടന്ന രണ്ട് അപകടങ്ങളിൽ മൂന്നുപേർക്കും ഏറ്റുമാനൂർ പേരൂരിൽ ഓട്ടോറിക്ഷയും കാറും കൂട്ടിയിടിച്ച് ഉണ്ടായ അപകടത്തിൽ രണ്ടു പേർക്കും പരിക്കേറ്റിരുന്നു. കോവിഡ് നിയന്ത്രണത്തിന്റെ ഭാഗമായി സുരക്ഷാ സംവിധാനങ്ങളും പോലീസ് നിരീക്ഷണവും കൂടിവരുന്ന സാഹചര്യത്തിലാണ് റോഡപകടങ്ങളും കൂടുന്നത്. ഇരുചക്ര വാഹനങ്ങളുടെ അമിത വേഗതയാണ് പലപ്പോഴും അപകടങ്ങൾ ക്ഷണിച്ചുവരുത്തുന്നത്.…
Read Moreകോടിയേരി ഈ തീരുമാനം നേരത്തെ എടുത്തിരുന്നുവെങ്കിൽ വിവാദം ഒഴിവാക്കാമായിരുന്നുവെന്ന് ഉമ്മൻ ചാണ്ടി
കോട്ടയം: കോടിയേരി ബാലകൃഷ്ണന് സിപിഎം സംസ്ഥാന സെക്രട്ടറി പദം ഒഴിഞ്ഞ സംഭവത്തില് പ്രതികരണവുമായി മുന്മുഖ്യമന്ത്രി ഉമ്മന് ചാണ്ടി. ഈ തീരുമാനം കോടിയേരി നേരത്തെ എടുത്തിരുന്നുവെങ്കില് വിവാദം ഒഴിവാക്കാമായിരുന്നുവെന്നും വൈകിയെങ്കിലും തീരുമാനം നല്ലതാണെന്നും ഉമ്മന് ചാണ്ടി പറഞ്ഞു. അതേസമയം, മകൻ ഏൽപ്പിച്ച പരിക്കിൽ നിന്നും രക്ഷപെടാനാണ് കോടിയേരി രാജി വച്ചതെന്നാണ് പ്രതിപക്ഷനേതാവ് രമേശ് ചെന്നിത്തല പറഞ്ഞത്. കേരളത്തിന്റെ ചരിത്രത്തില് ഒരു പാര്ട്ടിക്കും പാര്ട്ടി സെക്രട്ടറിക്കും ഇത്രെയധികം ദുഷിച്ച കാലഘട്ടമുണ്ടായിട്ടില്ലെന്നും ചെന്നിത്തല കൂട്ടിച്ചേർത്തു.
Read Moreശബരിമല: 15ന് നട തുറക്കും; മണ്ഡലകാല തീര്ഥാടനം തിങ്കളാഴ്ച മുതല്
പത്തനംതിട്ട: മണ്ഡലകാല മഹോത്സവത്തിനായി ശബരിമല ക്ഷേത്ര നട 15നു വൈകുന്നേരം തുറക്കും. ഭക്തര്ക്ക് 16 മുതല് ശബരിമല ദര്ശനം നടത്താം. സംസ്ഥാനത്തു കോവിഡ് വ്യാപനം രൂക്ഷമായി തുടരുന്ന സാഹചര്യത്തില് പ്രതിദിനം 1000 പേര്ക്ക് മാത്രമായിരിക്കും ശബരിമലയില് പ്രവേശനം അനുവദിക്കുകയെന്ന് ജില്ലാ കളക്ടര് പി.ബി. നൂഹ്. ദര്ശനത്തിനെത്തുന്നവര് 24 മണിക്കൂറിനുളളില് പരിശോധിച്ച കോവിഡ് നെഗറ്റീവ് ആയതിന്റെ സര്ട്ടിഫിക്കറ്റ് കരുതണം. റിസല്ട്ട് ഇല്ലാതെ വരുന്നവര്ക്ക് പരിശോധനയ്ക്കുള്ള സൗകര്യമുണ്ടാകും. കെഎസ്ആര്ടിസി പമ്പ- നിലയ്ക്കല് റൂട്ടില് 25 ബസുകള് സര്വീസ് നടത്തും.പമ്പ, എരുമേലി, പന്തളം എന്നിവിടങ്ങളിലേക്ക് സംസ്ഥാനത്തിന്റെ എല്ലാ ഭാഗത്തേക്കും കെഎസ്ആര്ടിസി ബസുകള് സര്വീസ് നടത്തും. തീര്ഥാടനക്രമീകരണങ്ങളുടെ ജില്ലാതല അവലോകന യോഗം ഇന്നലെ ജില്ലാ കളക്ടര് പി.ബി. നൂഹിന്റെ അധ്യക്ഷതയില് നടന്നു.
Read Moreകടന്നൽക്കുത്തേറ്റ് 52കാരന് ഗുരുതര പരിക്ക്; ശരീരത്തിൽ നിന്ന് കണ്ടെടുത്തത് 69 മുള്ളുകൾ; രണ്ട് വളർത്തുനായ ചത്തു
ഗാന്ധിനഗർ: കടന്നൽ കുത്തേറ്റു രണ്ട് വളർത്തുനായ്ക്കൾ ചത്തു. കടന്നൽ കുത്തേറ്റസമീപവാസി ഗുരുതരാവസ്ഥയിൽ മെഡിക്കൽ കോളജിൽ. മെഡിക്കൽ കോളജിന് സമീപം പുത്തൻപുരയ്ക്കൽ മോഹൻ ദാസിന്റെ രണ്ടു വളർത്തുനായാണ് ചത്തത്. കടന്നലിന്റെ കുത്തേറ്റ് ഗുരതര പരിക്കേറ്റ മോഹൻദാസിന്റെ അയൽവാസി, കോട്ടയം കെഎസ്ആർടിസി ജീവനക്കാരനുമായ, ഗാന്ധിനഗർ കാക്കശേരി സജി (52) യെ മെഡിക്കൽ കോളജിൽ പ്രവേശിപ്പിച്ചു. ഇന്നലെ രാവിലെയായിരുന്നു സംഭവം. സജിയുടെ സഹോദരന് പോത്ത് വളർത്തലുണ്ട്. പോത്ത് അമിതമായി ബഹളമുണ്ടാക്കുന്നത് സജിയുടെ ശ്രദ്ധയിൽപ്പെട്ടു. എന്താണെന്ന് അറിയുവാൻ പോത്തിൻ കുഞ്ഞുങ്ങളുടെ സമീപമെത്തിയപ്പോഴാണ് കടന്നൽ കുത്തുകയാണെന്ന് മനസിലായത്. തുടർന്ന് പിന്നോട്ടു മാറാൻ ശ്രമിക്കുന്നതിനിടയിൽ സജിയെയും കടന്നൽ കുത്തി. ബഹളം കേട്ട് ഓടിയെത്തിയ ബന്ധുക്കൾ ഉടൻ മെഡിക്കൽ കോളജിലെത്തിച്ചു. മുഖത്തും ശരീരത്തിന്റെ വിവിധ ഭാഗങ്ങളിൽ നിന്നുമായി 69 മുള്ളുകൾ ഉണ്ടായിരുന്നു . ഇതിനിടയിൽ മോഹൻദാസിന്റെ വളർത്തുനായ്ക്കൾക്കും കടന്നൽ കുത്തേറ്റിരുന്നു. സന്ധ്യയോടെ മൃഗസംരക്ഷണ വകുപ്പ് അധികൃതരെത്തി കുത്തിവയ്പ്…
Read Moreഎല്ലാം മാറ്റിമറിച്ച് കോവിഡ്… സ്റ്റുഡിയോ വർക്കുകൾ കുറഞ്ഞു; മീൻവിൽപ്പനയുമായി യുവാവ്…
കടുത്തുരുത്തി: കോവിഡ് 19 ദുരന്തമായി സമൂഹത്തിൽ വ്യാപിച്ചതോടെ വിവിധ മേഖലകളിൽ പണിയെടുത്തിരുന്നവർ പലർക്കും തൊഴിൽ നഷ്ടപെട്ടു. മാസങ്ങളോളം പണിയൊന്നുമില്ലാതെ വീട്ടിൽ കുത്തിയിരുന്നവരിൽ പലരും മറ്റു മാർഗങ്ങളൊന്നുമില്ലെന്നായതോടെ ഒരിക്കൽ പോലും ചിന്തിച്ചിട്ടില്ലാത്ത തൊഴിൽമേഖലകൾ തേടിയിറങ്ങി. കാറ്ററിംഗ്, വാഹനമേഖല, സ്റ്റുഡിയോ, ലൈറ്റ് ആന്റ് സൗണ്ട്, മേളക്കാർ, കലാകാര·ാർ, ടൂറിസ്റ്റ് മേഖല എന്നിങ്ങനെ തൊഴിൽ നഷ്ടപെട്ട മേഖലകൾ എണ്ണിയാൽ തീരില്ല. കാറ്ററിംഗ്, സ്റ്റുഡിയോ തുടങ്ങീ മേഖലകളിൽ അടുത്ത കാലത്തായി അനക്കം വച്ചു തുടങ്ങിയിട്ടുണ്ടെങ്കിലും പഴയ പ്രതാപത്തിലേക്കു എന്ന് മടങ്ങിയെത്തുമെന്ന് ആർക്കും ഉറപ്പ് പറയാൻ കഴിയാത്ത സാഹചര്യമാണ് ഇപ്പോഴുമുള്ളത്. കാലങ്ങളായി ഇഷ്ടപെട്ട തൊഴിൽ മാത്രം ചെയ്തു ശീലിച്ചവർ ഇന്ന് ജീവിക്കാനായി പല വേഷങ്ങൾ ഇതിനോടകം മാറി കഴിഞ്ഞു. വരുമാനം നിലച്ചതോടെ പലരും മറ്റു തൊഴിൽ മേഖലകളിലേക്ക് കളം മാറി ചവുട്ടി. മീൻപിടുത്തവും കച്ചവടവും പെയിന്റിംഗ്, ഡ്രൈവിംഗ്, പാൽ, പച്ചക്കറി, മത്സ്യ വിൽപന, കന്നുകാലി,…
Read Moreകോട്ടയം മെഡിക്കൽ കോളജിൽ കോവിഡ് രോഗികളെ കയറ്റി ഇറക്കുന്ന ലിഫ്റ്റ് ശുചീകരിക്കുന്നില്ലെന്ന് പരാതി
ഗാന്ധിനഗർ: കോട്ടയം മെഡിക്കൽ കോളജ് ആശ്രുപത്രിയിൽ കോവിഡ് ചികിത്സയിൽ കഴിയുന്ന രോഗികളെ വാർഡിൽ നിന്നും വിവിധ പരിശോധനയ്ക്കായി കൊണ്ടുപോകുന്നതിനായി ഉപയോഗിക്കുന്ന ലിഫ്റ്റ് ശുചീകരിക്കുന്നില്ലെന്ന് ആക്ഷേപം. പ്രധാന ശസ്ത്രക്രിയ തിയറ്ററിലേക്കുള്ള രണ്ടു ലിഫ്റ്റുകൾ അടക്കം ഭൂരിപക്ഷം ലിഫ്റ്റുകളും തകരാറിലാണ്. ശേഷിക്കുന്ന മെഡിസിൻ വാർഡിൽ പ്രവർത്തിക്കുന്ന ലിഫ്റ്റ് വഴിയാണ് പേ വാർഡിൽ കഴിയുന്ന കോവിഡ് സ്ഥിരീകരിച്ചവരേയും, നിരീക്ഷണത്തിൽ കഴിയുന്നവരേയും, എക്സറേ, വിവിധ സ്കാനിംഗ് എന്നീ പരിശോധനകൾ വേണ്ടിവരുന്പോൾ കൊണ്ടു പോകുന്നത്. മറ്റ് ലിഫ്റ്റുകൾ പ്രവർത്തന രഹിതമായതിനാൽ മറ്റു വാർഡുകളിൽ കഴിയുന്ന രോഗികളെയും ഈ ലിഫ്റ്റ് വഴിയാണ് കൊണ്ടു പോകുന്നത്. കോവിഡ് രോഗികളെ കയറ്റിയ ശേഷം ലിഫ്റ്റ് ശുചിയാക്കിയില്ലെങ്കിൽ, ആശുപത്രിയിൽ തന്നെ രോഗവ്യാപനം ഉണ്ടാകുമെന്നാണ് രോഗികളുടെ ബന്ധുക്കളുടെ ആക്ഷേപം.
Read Moreവെട്ടാൻ കൊണ്ടുവന്ന പോത്ത് വിരണ്ടു ഒപ്പം ഏറ്റുമാനൂരുകാരും
കോട്ടയം: വെട്ടാൻ കൊണ്ടുവന്ന പോത്ത് വിരണ്ടോടി. ഇന്നു രാവിലെ എട്ടിന് ഏറ്റുമാനൂർ ബസ്റ്റാൻഡിനു സമീപമുള്ള യൂദാ മീറ്റ്സിൽ അറക്കുന്നതിനായി ലോറിയിൽ എത്തിച്ച പോത്ത് ലോറിയിൽ നിന്നും ഇറക്കുന്നതിനിടയിൽ വിരണ്ടോടുകയായിരുന്നു. വിരണ്ട പോത്ത് മെയിൻ റോഡിലൂടെ കോട്ടയം ഭാഗത്തേക്ക് കുതിക്കുകയായിരുന്നു. ഈ സമയം റോഡിൽ മോട്ടോർ വാഹനവകുപ്പ് എൻഫോഴ്സ്മെന്റ് വിഭാഗം പട്രോളിംഗ് നടത്തുന്നുണ്ടായിരുന്നു പോത്ത് വിരണ്ടോടുന്നതു കണ്ട ഉടൻ എൻഫോഴ്സ്മെന്റ് വിഭാഗം വാഹനത്തിലുണ്ടായിരുന്ന എഎംവി അൻഷാദും ടീമും പോത്തിന്റെ പുറകെ വാഹനം ഓടിച്ചെത്തി പാറോലിക്കൽ ഭാഗത്തുള്ള ബ്രദേഴ്സ് ട്രേഡിംഗ് കന്പനിയുടെ പുറകിലുള്ള ഗ്രൗണ്ടിലാക്കി. പുറത്തേക്കുളള വഴികൾ നാട്ടുകാർ അടച്ചു. വിവരമറിഞ്ഞെത്തിയ പോലീസും ഫയർഫോഴ്സും പോത്തിനെ കുടുക്കിട്ട് കെട്ടുകയായിരുന്നു. റോഡിലൂടെ വിരണ്ടോടിയ പോത്ത് നിരവധി ഇരുചക്ര വാഹനങ്ങൾ ഇടിച്ചു തെറിപ്പിക്കാൻ ശ്രമിച്ചു. പോത്ത് വിരണ്ടതോടെ പ്രദേശത്തെ വ്യാപാരികളും നാടൊന്നാകെ പരിഭ്രാന്തരായി.
Read Moreകോവിഡുകാലത്തെ പുതിയ തട്ടിപ്പുകളിൽ വീഴരുതേ..! പോലീസ് ഉദ്യോഗസ്ഥന്റെ പേരിൽ വ്യാജ ഫേസ്ബുക്ക് അക്കൗണ്ട്; സൈബർസെൽ അന്വേഷണം തുടങ്ങി
ചങ്ങനാശേരി: പോലീസ് ഉദ്യോഗസ്ഥരുൾപ്പെടെയുള്ളവരുടെ പേരിൽ സമൂഹമാധ്യമങ്ങളിൽ വ്യാജ പ്രൊഫൈലുകളുണ്ടാക്കി പണം തട്ടുന്ന സംഘത്തെക്കുറിച്ചു സൈബർ സെൽ അന്വേഷണം ആരംഭിച്ചു. ചങ്ങനാശേരി സിഐ പ്രശാന്ത്കുമാറിന്റെ പേരിലാണ് വ്യാജ ഫേസ്ബുക്ക് അക്കൗണ്ട് ഉണ്ടാക്കി തട്ടിപ്പിനുള്ള ശ്രമം നടത്തിയിരിക്കുന്നത്. സിഐ പഠിച്ച കോളജ്, പോലീസിലെ പോസ്റ്റ്, യൂണിഫോമിലുള്ള ഫോട്ടോ തുടങ്ങിയ വിവരങ്ങളും അക്കൗണ്ടുകളിലുണ്ട്. ഈ ഐഡിയിൽനിന്ന് ഫ്രണ്ട് റിക്വസ്റ്റ് അയച്ചശേഷം അത്യാവശ്യമായി ഗൂഗിൾപേയിലൂടെ അക്കൗണ്ടിലേക്കു 2000 രൂപ നിക്ഷേപിക്കാനാണ് സന്ദേശത്തിലൂടെ ആവശ്യപ്പെട്ടിരിക്കുന്നത്. വിവരമറിഞ്ഞു പരിചയമുള്ളവരും സുഹൃത്തുക്കളും സിഐയോട് ചോദിച്ചു തുടങ്ങിയതോടെയാണ് ഇതേക്കുറിച്ച് അദ്ദേഹമറിയുന്നത്. തുടർന്ന് സിഐ സമൂഹമാധ്യമത്തിലെ അക്കൗണ്ട് ലോക്ക് ചെയ്യുകയും സംഭവം മറ്റുള്ളവരുടെ ശ്രദ്ധയിൽപ്പെടുത്തുകയും ചെയ്തു. ഇതിനോടകം നിരവധി പേർക്കാണ് സിഐയുടെ വ്യാജ പ്രൊഫൈലിൽനിന്നു ഫ്രണ്ട് റിക്വസ്റ്റ് പോയിരിക്കുന്നത്. സംഭവം സംബന്ധിച്ച് സിഐ നൽകിയ പരാതിയുടെ അടിസ്ഥാനത്തിലാണ് സൈബർ സെൽ അന്വേഷണം ആരംഭിച്ചത്. ദിവസങ്ങൾക്ക് മുന്പു കുറവിലങ്ങാട് എസ്ഐയുടെ…
Read More