കോട്ടയം: കോട്ടയത്ത് ഹണിട്രാപ്പ് ആസൂത്രണം ചെയ്ത ഗുണ്ടാതലനവുമായി പോലീസുകാർക്കും ബന്ധമോ ?ഹണിട്രാപ്പ് കേസിൽ ആറു പേർ പിടിയിലായെങ്കിലും കോട്ടയത്ത് കുപ്രസിദ്ധ ഗുണ്ടയെ കൂടി പിടികൂടാനുണ്ട്. ഇയാളുമായി ബന്ധമുണ്ടെന്ന് കണ്ടെത്തിയ കോട്ടയം വെസ്റ്റ് പോലീസ് സ്റ്റേഷനിലെ രണ്ടു എഎസ്ഐമാരെയാണ് സ്ഥലം മാറ്റിയിരിക്കുന്നത്. കോട്ടയം ജില്ലയിലെ തന്നെ മേലുകാവ്, കാഞ്ഞിരപ്പള്ളി സ്റ്റേഷനുകളിലേക്കാണ് ഇവരെ മാറ്റിയിരിക്കുന്നത്. ആരോപണ വിധയരായവരിൽ ഒരാൾ വിശിഷ്്ട സേവനത്തിനുള്ള മുഖ്യമന്ത്രിയുടെ പോലീസ് മെഡലും നിരവധി സർവീസ് മെഡലുകളും നേടിയിട്ടുള്ളയാളാണ്. ഹണിട്രാപ്പ് കേസ് നിരവധി ഉദ്യോഗസ്ഥർ അടങ്ങുന്ന വലിയ സംഘമാണ് അന്വേഷിച്ചത്. വിവിധ ജില്ലകളിലുള്ളവർ ഹണിട്രാപ്പ് കേസിൽ ഉൾപ്പെട്ടിട്ടുള്ളതായി സൂചന ലഭിച്ചതോടെ ജില്ലാ പോലീസ് ചീഫിന്റെ കീഴിലുള്ള സ്ക്വാഡ് കൂടി കേസ് അന്വേഷിക്കുകയായിരുന്നു. ഇവർ നടത്തിയ അന്വേഷണത്തിലാണ് രണ്ട് എഎസ്ഐമാർ സംഭവത്തിൽ ഉൾപ്പെട്ട ഗുണ്ടയുമായി നിരന്തരം ബന്ധപ്പെട്ടിട്ടുള്ളതിന്റെ തെളിവുകൾ ലഭിച്ചത്. അതേസമയം ഹണിട്രാപ്പ് കേസ് രമ്യമായി പരിഹരിക്കുന്നതിനു വേണ്ടിയാണ്…
Read MoreCategory: Kottayam
വിദ്യാഭ്യാസം മൂന്നാം ക്ലാസ്, ഭാര്യമാർ മൂന്ന്, 25ലധികം കേസുകൾ; കോട്ടയത്തെ ഹണി ട്രാപ്പിൽ അറസ്റ്റിലായ സംഘത്തലവൻ നൗഷാദ് ചില്ലറക്കാരനല്ല
കോട്ടയം: കോട്ടയത്ത് വ്യാപാരിയെ ഹണിട്രാപ്പിൽപ്പെടുത്തി രണ്ടു ലക്ഷം രൂപ തട്ടിയെടുത്ത കേസിൽ പോലീസ് പിടിയിലാകാനുള്ളതു രണ്ടുപേർ കൂടി. ഹണിട്രാപ്പ് സംഘത്തിന് ഒത്താശ ചെയ്തു കൊടുത്ത കോട്ടയത്തെ കുപ്രസിദ്ധ ഗുണ്ടയും കാസർകോഡ് സ്വദേശിയായ ഹണിട്രാപ്പ് സംഘത്തിൽപ്പെട്ടയാളെയുമാണ് പിടികൂടാനുള്ളത്. ഒളിവിൽ കഴിയുന്ന ഇവരെക്കുറിച്ചു പോലീസിനു വ്യക്തമായ സൂചന ലഭിച്ചിട്ടുണ്ട്. കേസുമായി ബന്ധപ്പെട്ട് കണ്ണൂർ തളിപ്പറന്പ് കുറ്റ്യാട്ടൂരിൽ മയ്യിൽകരയിൽ നൗഷാദ് (41), ഇയാളുടെ മൂന്നാം ഭാര്യയും കാസർഗോഡ് സ്വദേശിനിയുമായ ഫസീല (34), കാസർഗോഡ് സ്വദേശികളായ അൻസാർ (23), ഇയാളുടെ ഭാര്യ സുമ (30) എന്നിവരാണ് ഇന്നലെ പിടിയിലായത്. നാളുകൾക്കു മുന്പ് സംഘത്തിൽപ്പെട്ട പ്രവീണ് (സുനാമി), മലപ്പുറം സ്വദേശി മുഹമ്മദ് ഹാനിഷ് എന്നിവരെ പിടികൂടിയിരുന്നു. ഇതോടെ അറസ്റ്റിലായവരുടെ എണ്ണം ആറായി. കോട്ടയം ജില്ലയ്ക്കു പുറമേ മറ്റു സ്ഥലങ്ങളിലും സംഘം നിരവധി പേരെ ഹണിട്രാപ്പിൽപ്പെടുത്തി പണം തട്ടിയെടുത്തതായിട്ടാണ് പോലീസിനു ലഭിച്ചിരിക്കുന്ന സൂചന. പണം നഷ്്ടപ്പെട്ടവരിൽ…
Read Moreചുറ്റിക കൊണ്ട് ടോമി മേരിയെ അടിച്ചു വീഴ്ത്തി; മരണം ഉറപ്പാക്കാൻ തലയ്ക്ക് പിന്നിൽ കമ്പിവടിക്ക് അടിച്ചു; മദ്യത്തിന് അടിമയായ ഭർത്താവ് ഭാര്യയെ കൊന്നത് ക്രൂരമായി
കോട്ടയം: കുടുംബ വഴക്കിനെ തുടര്ന്ന് ഭര്ത്താവ് ഭാര്യയെ കൊലപ്പെടുത്തി. കോട്ടയം തെള്ളകം നെടുമലക്കുന്നേൽ ടോമിയുടെ ഭാര്യ മേരി(50) ആണ് മരിച്ചത്. ടോമിയെ പോലീസ് കസ്റ്റഡിയിലെടുത്തു. തിങ്കളാഴ്ച രാത്രിയോടെയാണ് സംഭവം. മദ്യപിച്ചെത്തിയ ടോമി മേരിയുമായി വഴക്കുണ്ടായി. ഇതിനിടെ ചുറ്റിക കൊണ്ട് ടോമി മേരിയെ അടിച്ചു വീഴ്ത്തി. തുടര്ന്ന് ഇരുമ്പ് കമ്പി കൊണ്ട് തലയ്ക്ക് പിന്നില് അടിച്ചു. മേരി മരിച്ചെന്ന് ഉറപ്പായപ്പോള് കണ്ണൂര് ഇരിട്ടിയിലെ സഹോദരനെ ഫോണില് വിളിച്ച് ടോമി വിവരം അറിയിച്ചു. ഇരിട്ടിയിലുള്ള സഹോദരന് അതിരമ്പുഴ വേദഗിരിയിലുള്ള സഹോദരനോട് കാര്യം പറഞ്ഞു. അദ്ദേഹമാണ് പോലീസിനെ അറിയിച്ചത്.
Read Moreഈ വെയ്റ്റിംഗ് ഷെഡ് ആർക്കുവേണ്ടി? ഇവിടെ ഒരു യാത്രക്കാരനുമില്ല; 50 മീറ്റർ മാറിയാണ് നിലവിൽ ബസുകൾ നിർത്തുന്നത്
മുട്ടം: കോടതിപ്പടിയിലുള്ള വെയ്റ്റിംഗ് ഷെഡ് ആർക്കും പ്രയോജനമില്ലാതെ നോക്കുകുത്തിയായി മാറി. തൊടുപുഴ ഭാഗത്തേക്കുള്ള ബസ് യാത്രക്കാർക്കായിട്ടാണ് മുൻ എംപിയുടെ കാലത്ത് വെയ്റ്റിംഗ് ഷെഡ് നിർമിച്ചത്. രണ്ട് മുറിയായിട്ടായിരുന്നു നിർമാണം. പിന്നീട് ഒരു മുറി വ്യാപാരത്തിന് ഉപയോഗിക്കാവുന്ന വിധം ഷട്ടറിട്ട് വേർതിരിച്ചു. എന്നാൽ ഈ കടമുറിയും വെറുതെ കിടക്കുകയാണ്. വെയ്റ്റിംഗ് ഷെഡിൽ നിന്നും 50 മീറ്റർ മാറി കോടതിയിലേക്ക് തിരിയുന്ന ഭാഗത്താണ് നിലവിൽ ബസുകൾ നിർത്തുന്നത്. വെയ്റ്റിംഗ് ഷെഡിന് മുൻവശം ബസ് നിർത്താനുള്ള നടപടി ഇടയ്ക്ക് പോലീസ് സ്വീകരിച്ചിരുന്നു. വീണ്ടും ബസുകൾ വെയ്റ്റിംഗ് ഷെഡിനു സമീപത്തു നിന്നും അകലെ നിർത്തി തുടങ്ങി. സന്ധ്യയായാൽ വെയിറ്റിംഗ് ഷെഡ് സാമൂഹ്യ വിരുദ്ധരുടെ താവളമാണ്.
Read Moreദൃശ്യം -2 പറയുന്നു..! ഇനി കാഞ്ഞാറിലെത്തിയാലും രാജാക്കാട് ടൗണ് കാണാം; ഇവിടെയുമുണ്ട് ഒരു രാജാക്കാട്
കാഞ്ഞാർ: ഇനി കാഞ്ഞാറിലെത്തിയാലും രാജാക്കാട് ടൗണ് കാണാം. ടൗണിനു സമീപമുള്ള കൈപ്പക്കവലയിൽ രാജാക്കാട് ടൗണിന്റെ ദൃശ്യഭംഗി മുഴുവൻ ദർശിക്കാനാവും. ദ്യശ്യം സിനിമയുടെ രണ്ടാംഭാഗം നിർമിക്കുന്നതിനായി മലങ്കര ജലാശയതീരത്ത് കൈപ്പകവലയിൽ ഒരുക്കിയിരിക്കുന്ന സെറ്റിലാണ് രാജാക്കാട് ടൗണ് പുനരാവിഷ്ക്കരിച്ചിരിക്കുന്നത്. റേഷൻ കട, ഇടുക്കി പോലീസ് സ്റ്റേഷൻ പുതിയതും പഴയതും, കുരിശുപള്ളി, വളം ഡിപ്പോ, പലചരക്ക് കട, സ്റ്റേഷനറി കട, തുണിക്കട, ഹോട്ടൽ, ഉന്തുവണ്ടി, പെട്ടിക്കട, സൈക്കിൾ ഷോപ്പ്, തട്ടുകട, നഴ്സറി, ലേഡീസ് സ്റ്റോർ, കൊടിമരം, വണ്ണപ്പുറം രാജാക്കാട് ബസ് എന്നിങ്ങനെ ഒരു സിറ്റിയിൽ വേണ്ട എല്ലാ സംവിധാനങ്ങളും സെറ്റിൽ ഒരുക്കിയിട്ടുണ്ട്. കൈപ്പക്കവലയുടെ ദ്യശ്യ ഭംഗി മുഴുവൻ തന്നെ സിനിമയിൽ പകർത്തുന്നുണ്ട്. ഇന്നലെ ആദ്യമായി ഇവിടെ ഷൂട്ടിംഗ് നടന്നു. സിനിമാക്കാരുടെ ഇഷ്ട ലൊക്കേഷനായ കൈപ്പക്കവലയെ വീണ്ടും അഭ്രപാളിയിലെത്തിക്കാൻ ജിത്തു ജോസഫ്- മോഹൻലാൽ കൂട്ടുകെട്ട് ഇവിടെ എത്തി. ദ്യശ്യം സിനിമയുടെ ഒന്നാംഭാഗം ചിത്രീകരിച്ച…
Read Moreശബരിമല തീർഥാടനം! 24 മണിക്കൂറിനകം ലഭിച്ച കോവിഡ് നെഗറ്റീവ് സർട്ടിഫിക്കറ്റ് കൈവശം കരുതണമെന്ന് നിർദേശം
പത്തനംതിട്ട: മണ്ഡല, മകരവിളക്കു കാലത്ത് ദർശനത്തിനെത്തുന്നവർ 24 മണിക്കൂറിനകം ലഭിച്ച കോവിഡ് നെഗറ്റീവ് സർട്ടിഫിക്കറ്റ് കൈവശം കരുതണമെന്ന് നിർദേശം. അതിനായി ആന്റിജൻ ടെസ്റ്റ് നടത്തിയാൽ മതിയാകുമെന്നും ഇന്നലെ മന്ത്രി കടകംപള്ളി സുരേന്ദ്രന്റെ അധ്യക്ഷതയിൽ തീർഥാടന ക്രമീകരണങ്ങൾ വിലയിരുത്താൻ ഓണ്ലൈനായി ചേർന്ന യോഗത്തിൽ തീരുമാനിച്ചു. കൂടുതൽ കോവിഡ് പരിശോധന കിയോസ്കുകൾ സ്ഥാപിക്കും. ഇതര സംസ്ഥാനങ്ങളിൽ നിന്നു വരുന്നവർ എവിടെയാണോ ട്രെയിൻ ഇറങ്ങുന്നത് അതിന് അടുത്തുള്ള പരിശോധനാ കേന്ദ്രത്തിലെത്തി ആന്റിജൻ ടെസ്റ്റ് നടത്തണം. നേരത്തെ 48 മണിക്കൂറിനകം ലഭിച്ച പരിശോധനാ ഫലം മതിയായിരുന്നു. കോടതി നിർദേശത്തിന്റെയും കോവിഡ് പ്രോട്ടോക്കോൾ കർശനമായി പാലിക്കുന്നതിന്റെയും ഭാഗമായാണ് 24 മണിക്കൂറിനകമുള്ള കോവിഡ് നെഗറ്റീവ് സർട്ടിഫിക്കേറ്റ് നിർബന്ധമാക്കിയത്. പ്രതിദിനം ആയിരം തീർഥാടകർക്കാണ് വെർച്വൽ ക്യൂ സംവിധാനത്തിലൂടെ ദർശനം അനുവദിക്കുക. മണ്ഡലകാലത്തിന്റെ അവസാന ദിവസവും മകരവിളക്കിനും ദർശനത്തിന് 5000 പേരെ അനുവദിക്കും. ഹൈക്കോടതിയുടെ നിർദേശപ്രകാരം നിലയ്ക്കലിൽ സാമൂഹികാ…
Read Moreസഹോദരനുപിന്നാലെ ഡോ. ജയദേവും അപകടത്തിൽ മരിച്ചു; വിശ്വസിക്കാനാവാതെ ബന്ധുക്കളും സുഹൃത്തുക്കളും; കാരണം…
ചെറുതോണി: നാലുവർഷം മുന്പാണ് ഇടുക്കി പാറേമാവിലുള്ള ജില്ലാ ആയുർവേദ ആശുപത്രിയിൽ ഡോ. ജെ.ടി. ജയദേവ് (30) കരാറടിസ്ഥാനത്തിൽ നിയമിതനായത്. രോഗികൾക്കും സഹപ്രവർത്തകർക്കും സഹോദരതുല്യനായ ഡോക്ടറുടെ വേർപാടിൽ ശോകമൂകമായിരിക്കയാണ് ജില്ലാ ആസ്ഥാനം. ഡോക്ടറുടെ അപകടമരണം ഇനിയും ഇവർക്ക് വിശ്വസിക്കാനാകുന്നില്ല. ഇടുക്കിയിലെത്തി അധികം വൈകാതെതന്നെ ജനങ്ങളുടെ പ്രീതി നേടിയ യുവഡോക്ടറെയാണ് വാഹനാപകടത്തിലൂടെ നഷ്ടമായിരിക്കുന്നത്. കഴിഞ്ഞ 22-ന് ഡോക്ടറുടെ പിതൃസഹോദര പുത്രനായ ഫയർഫോഴ്സ് ഉദ്യോഗസ്ഥൻ ശരത് മാടമണ്ണിൽ പന്പാനദിയിൽ ബോട്ടപകടത്തിൽപെട്ടവരെ രക്ഷിക്കുന്നതിനിടെ മരണമടഞ്ഞിരുന്നു. സഹോദരന്റെ വേർപാടിനെതുടർന്ന് തിരുവനന്തപുരത്ത് കാട്ടാക്കടയിലെ വീട്ടിലേക്കുപോയ ഡോ. ജയദേവൻ 29-ന് രാത്രിയാണ് തിരികെ ഇടുക്കിക്കു വന്നത്. തൊടുപുഴയിൽനിന്നും രാത്രി സ്വന്തം ബൈക്കിൽ ചെറുതോണിയിലെത്തിയ ഇദ്ദേഹം ഇടുക്കിയിലുള്ള സുഹൃത്തിന്റെ വീട്ടിലേക്ക് പോകുംവഴിയാണ് അപകടമുണ്ടായത്. ചെറുപ്പംമുതൽ ഒന്നിച്ചു കളിച്ചും പഠിച്ചും വളർന്ന പിതൃസഹോദര പുത്രന്റെ വേർപാടിലുള്ള മനോവിഷമവും ഉറക്കക്ഷീണവുമാകാം അപകടകാരണമെന്ന് സംശയിക്കുന്നു. റോഡരികിലുള്ള ഇലക്ട്രിക് പോസ്റ്റിനിടയിലേക്ക് ബൈക്ക് ഇടിച്ചുകയറിയ നിലിയിലാണ്…
Read Moreആട് ഫാമിൽ നിന്ന് കൊണ്ടുപോയത് ഇരുപതിനായിരത്തിന്റെ കറുത്ത മുട്ടനാടിനെ; ചെളിമണ്ണിൽ മോഷ്ടിച്ചവരുടെ കാൽപ്പാടുകൾ;പോലീസ് അന്വേഷണം തുടങ്ങി
കോട്ടയം: ആട് മോഷ്ടാവിനെ തേടി ചിങ്ങവനം പോലീസ്. പരുത്തുംപാറയിലുള്ള ആട് ഫാമിൽ നിന്നുമാണ് കഴിഞ്ഞ ചൊവ്വാഴ്ച രാത്രിയിൽ 20,000 രൂപ വിലയുള്ള കറുത്ത നിറമുള്ള മുട്ടനാടിനെ മോഷ്ടിച്ചു കടത്തിയത്. വീട്ടിൽ നിന്നും 100 മീറ്റർ മാറിയാണ് ഫാം സ്ഥിതി ചെയ്യുന്നത്. ബുധനാഴ്ച രാവിലെ ഫാമിൽ തീറ്റ കൊടുക്കാൻ എത്തിയപ്പോഴാണ് ആടിനെ നഷ്ടപ്പെട്ട വിവരം വീട്ടുകാർ അറിയുന്നത്. തുടർന്ന് ആടിനെ കണ്ടെത്തുന്നതിനായി പ്രദേശത്താകെ തിരച്ചിൽ നടത്തിയിരുന്നു. 14 ആടുകളെയാണ് ഫാമിൽ വളർത്തിയിരുന്നത്. ഇതിൽ നിന്നും ഒരു ആടിനെയാണ് നഷ്ടപ്പെട്ടിരിക്കുന്നത്. തെരച്ചിലിനൊടുവിൽ സമീപത്തെ പുരയിടത്തിൽ ആടിനെ നടത്തിക്കൊണ്ടു പോയ കാൽപ്പാടുകൾ കണ്ടെത്തിയിരുന്നു. തലേ ദിവസം രാത്രിയിൽ പെയ്ത മഴയിൽ നനഞ്ഞു കിടന്ന മണ്ണിൽ മോഷ്ടാക്കളുടെ കാൽപ്പാടുകളും പതിഞ്ഞിട്ടുണ്ട്.പ്രധാന റോഡിലെ വീടുകളിലെയും സ്ഥാപനങ്ങളിലെയും സിസിടിവി കാമറ ദൃശ്യങ്ങൾ പരിശോധിച്ചാണ് അന്വേഷണം പുരോഗമിക്കുന്നത്.
Read Moreപോലീസ് നിരീക്ഷിക്കുന്നുണ്ടെന്ന് അവർ അറിഞ്ഞില്ല; ചങ്ങനാശേരിയിൽ വീട്കേന്ദ്രീകരിച്ചുള്ള ചീട്ടുകളി സംഘത്തെ പൊക്കി; രണ്ടുലക്ഷത്തോളം രൂപ പോലീസ് പിടിച്ചെടുത്തു
ചങ്ങനാശേരി: പോലീസുകാരെ വെല്ലുവിളിച്ചു വീണ്ടും ജില്ലയിൽ ചീട്ടുകളി മാഫിയ. വീട്ടുടമസ്ഥനു ദിവസ വാടക നല്കി ചീട്ടുകളിച്ചിരുന്ന 12 അംഗ സംഘത്തെ ചങ്ങനാശേരി പോലീസ് പിടികൂടി. 1,86,000 രൂപയും വാഹനങ്ങളും ഫോണുകളും പ്രതികളിൽനിന്ന് പിടിച്ചെടുക്കുകയും ചെയ്തു.കൊച്ചുവടക്കേക്കര ബാബു (58), പാക്കിൽ ശ്രീവത്സം അനിൽ കുമാർ (50), തെള്ളകം തോനാട്ട് ശ്യം (44), വേളൂർ ഒറ്റപ്ലാക്കൽ രാംകുമാർ (38), കുറ്റപ്പുഴ ചുമത്ര മുണ്ടകത്തിൽ ചെറിയാൻ (55), കൊല്ലം താവനാട് മന്ദിരം രഞ്ജി (35), വെരൂർ പുതുശ്ശേരി ജയേഷ് (28), വാഴപ്പള്ളി പാറാശേരി ദിവാൻജി (31), വാലടി മനോജ് ഭവനിൽ മണിക്കുട്ടൻ(40), മുട്ടന്പലം മാങ്ങാനം മറ്റത്തിൽ സുരേഷ് (58), മാടപ്പള്ളി മോസ്കോ മഠംപറന്പ് രഞ്ജു(30), കുറ്റപ്പുഴ ചുമത്ര കിഴക്കേതിൽ ഷംസുദ്ദീൻ (42) എന്നിവരാണ് അറസ്റ്റിലായത്. നാളുകളായി ഇവർ ചങ്ങനാശേരി, തിരുവല്ല, കോട്ടയം, തുടങ്ങിയ വിവിധ സ്ഥലങ്ങൾ കേന്ദ്രീകരിച്ചു ചീട്ടുകളിച്ചിരുന്നു. പോലീസിനു വിവരം…
Read Moreനിയന്ത്രണം വിട്ട ബൈക്കിൽ നിന്നും വീണ് യുവ ആയുർവേദ ഡോക്ടർ മരിച്ചു; വീഴ്ചയിൽ തല പോസ്റ്റിലിടിച്ചതാകാം മരണകാരണമെന്ന് പോലീസ്
ചെറുതോണി: ബൈക്കപകടത്തിൽ യുവ ആയുർവേദ ഡോക്ടർ മരിച്ചു. ഇടുക്കി ജില്ലാ ആയുർവേദ ആശുപത്രിയിലെ ഫിസിഷ്യൻ തിരുവനന്തപുരം കാട്ടാക്കട സ്വദേശി ഡോ.ജയദേവ് ആണ് മരിച്ചത്. ഇന്ന് പുലർച്ചെ ഒന്നരയോടെ കട്ടപ്പന റൂട്ടിൽ ഇടുക്കിയ്ക്കും ആലിൻചുവടിനും ഇടയിലായിരുന്നു അപകടം. രാത്രി ഇതുവഴി പട്രോളിംഗ് നടത്തുകയായിരുന്ന ഇടുക്കി സ്റ്റേഷനിലെ പോലീസ് സംഘമാണ് റോഡിനു സമീപം വൈദ്യുതി പോസ്റ്റിനോട് ചേർന്നു കിടക്കുന്ന നിലയിൽ ജയദേവിനെയും ബൈക്കും കണ്ടെത്തിയത്. തല പോസ്റ്റിലിടിച്ചു തകർന്ന നിലയിലായിരുന്നു. ഉടൻ തന്നെ ഇടുക്കി മെഡിക്കൽ കോളജിലെത്തിച്ചെങ്കിലും ജീവൻ രക്ഷിക്കാനായില്ല. എന്നാൽ ബൈക്ക് പോസ്റ്റിലിടിച്ചതിന്റെ ലക്ഷണങ്ങളില്ലെന്ന് പോലീസ് പറഞ്ഞു. നിയന്ത്രണം വിട്ടി ബൈക്കിൽ നിന്നും വീണപ്പോൾ തല പോസ്റ്റിലിടിക്കുകയായിരുന്നെന്നാണ് നിഗമനം. മെഡിക്കൽ കോളജ് മോർച്ചറിയിൽ സൂക്ഷിച്ചിരിക്കുന്ന മൃതദേഹം ഇന്ന് പോസ്റ്റുമോർട്ടത്തിനു ശേഷം ബന്ധുക്കൾക്ക് വിട്ടു നൽകും.
Read More