കോഴിക്കോട്: മാനഭംഗത്തേക്കാള് ഭീകരമാണ് സ്ത്രീകള്ക്കെതിരേയുള്ള സൈബര് ആക്രമണത്തിന് ഉപയോഗിക്കുന്ന ഭാഷാപ്രയോഗങ്ങളെന്ന് വനിതാ കമ്മീഷന് ചെയര്പേഴ്സൺ എം.സി. ജോസഫൈൻ. സമൂഹമാധ്യമത്തില് അധിക്ഷേപിച്ചുകൊണ്ട് പോസ്റ്റിട്ടതുമായി ബന്ധപ്പെട്ട ചോദ്യങ്ങള്ക്കു മറുപടി പറയുകയായിരുന്നു അവർ. മലയാള ഭാഷയില് പോലുമില്ലാത്ത മോശമായ പദപ്രയോഗങ്ങളാണ് സമൂഹമാധ്യമങ്ങൾ വഴിയുള്ള സൈബര് ആക്രമണത്തിന് ഉപയോഗിക്കുന്നതെന്നും അവര് പറഞ്ഞു. വിമര്ശനങ്ങളും സ്വയം വിമര്ശനങ്ങളും അംഗീകരിക്കുന്നയാളാണ് താന്. എന്നാല് വിമര്ശനത്തിന് സഭ്യമായ ഭാഷയാണ് ഉപയോഗിക്കേണ്ടത്. തന്നെ അപമാനിച്ചതിനെതിരേ ഡിജിപിക്ക് പരാതി നല്കിയിട്ടുണ്ട്. കന്യാസ്ത്രീകള്ക്കെതിരേ പി.സി.ജോർജ് മോശമായി സംസാരിച്ചതുമായി ബന്ധപ്പെട്ട് സ്പീക്കര്ക്ക് വനിതാ കമ്മീഷന് പരാതി നല്കിയിരുന്നു. ഈ പരാതി സ്പീക്കര് എതിക്സ് കമ്മിറ്റിക്ക് കൈമാറിയിട്ടുണ്ട്. ഈ കമ്മിറ്റിയിലെ ഒരംഗമാണ് പി.സി.ജോര്ജ്. കുറ്റാരോപിതനായ ഒരാള് ഈ കമ്മിറ്റിയിലിരിക്കുന്നത് ശരിയായ രീതിയല്ല -അവർ പറഞ്ഞു.
Read MoreCategory: Kozhikode
അപകടത്തില് മരിച്ച യുവതിയുടെയും കുഞ്ഞിന്റെയും ആശ്രിതർക്ക് നഷ്ടപരിഹാരത്തുക കിട്ടിയില്ല; ഇൻഷ്വറൻസ് ഓഫീസ് ജപ്തി ചെയ്യാൻ ഉത്തരവ്
മഞ്ചേരി: ഭർത്താവിനൊപ്പം ബൈക്കിൽ സഞ്ചരിക്കവെ ടിപ്പർ ലോറിയിടിച്ച് മരിച്ച യുവതിയുടെയും കുഞ്ഞിന്റെയും ആശ്രിതർക്ക് കോടതി വിധിച്ച നഷ്ടപരിഹാരത്തുക നൽകുന്നതിൽ വീഴ്ച വരുത്തിയ ഇൻഷ്വറൻസ് കന്പനിയുടെ ശാഖാ കാര്യാലയത്തിലെ ഇളകുന്ന മുതലുകൾ ജപ്തി ചെയ്യാൻ കോടതി ഉത്തരവായി. കാവനൂർ ഇരിവേറ്റി തോട്ടിലങ്ങാടി തൊണ്ടങ്ങാട്ടിൽ സന്തോഷിന്റെ ഭാര്യയും വെട്ടുപാറ കൊളന്പലം പരേതനായ ഉണ്ണിപ്പെരവൻ-സരോജിനി ദന്പതികളുടെ മകളുമായ സന്ധ്യ (24), മകൻ സഞ്ജയ് ലാൽ (രണ്ട്) എന്നിവരാണ് മരിച്ചത്. കേസിൽ 2017 ഒക്ടോബർ 21ന് മഞ്ചേരി മോട്ടോർ ആക്സിഡന്റ്് ക്ലെയിം ട്രൈബ്യൂണൽ കോടതി സന്ധ്യയുടെ മരണത്തിൽ 24,98,000 രൂപയും കുഞ്ഞിന്റെ മരണത്തിൽ 5,87,000 രൂപയും നഷ്ടപരിഹാരം നൽകാൻ വിധിച്ചിരുന്നു.
Read Moreരാജ്യത്തിന്റെ അതിർവരന്പുകൾ മാഞ്ഞു ; സായൂജിനും ബെവേർലിക്കും പ്രണയസാഫല്യം
പേരാമ്പ്ര: ഫിലിപ്പീൻസ് ബഡാംഗ്സിലെ ബെവേർലി ലംബോയ് ഇന്നലെ ചക്കിട്ടപാറ ഗ്രാമ പഞ്ചായത്തിലെ മുതുകാട് തറപ്പക്കുന്നേൽ സായൂജ് ജേക്കബിന്റെ ഭാര്യയായി. ഇവരുടെ വിവാഹം മുതുകാട് ക്രിസ്തുരാജ ദേവാലയത്തിൽ വികാരി ഫാ. പ്രിയേഷ് തേവടിയിൽ ആശീർവദിച്ചു. അഞ്ചു വർഷം മുമ്പ് ദുബായിൽ കണ്ടു മുട്ടി പ്രണയത്തിലായ ഇരുവരും വീട്ടുകാരുടെ സമ്മതത്തോടെയും നിയമപരമായ നടപടിക്രമങ്ങൾ പൂർത്തിയാക്കിയുമാണു വിവാഹിതരായത്. സായൂജ് അമേരിക്കൻ ഷിപ്പിൽ ജീവനക്കാരനാണ്. വിവാഹിതരാകാൻ ഇരുവരും തീരുമാനമെടുത്തതോടെ ഈ മാസം 19 നു ബെവേർലി കേരളത്തിലെത്തി സായൂജിന്റെ സഹോദരിയുടെ വയനാട്ടിലെ വീട്ടിൽ താമസിച്ചു. ഇന്നലെ രാവിലെ വധു സായൂജിന്റെ സഹോദരിയോടപ്പം മുതുകാട് ദേവാലയത്തിലേക്കെത്തി വിവാഹിതരാകുകയായിരുന്നു.
Read Moreഅസാധാരണമാം വിധം ചൂട് ! സംസാരിക്കുന്നതിനിടെ മൊബൈൽ ഫോണ് പൊട്ടിത്തെറിച്ചു
മലപ്പുറം: സംസാരിക്കുന്നിതിനിടെ മൊബൈൽ ഫോണ് പൊട്ടിത്തെറിച്ചു. യുവാവ് അത്ഭുതകരമായി രക്ഷപ്പെട്ടു. മലപ്പുറം മൂന്നാംപടിയിലെ കോട്ടക്കുന്ന് റോഡിനു സമീപം പ്രവർത്തിക്കുന്ന ഹോട്ടലിലെ ജീവനക്കാരൻ ആസാം സ്വദേശി മൈനുൽ ഇസ്ലാമി (22)ന്റെ മൈക്രോമാക്സ് കന്പനിയുടെ ക്യു-413 ഫോണ് ആണ് പൊട്ടിത്തെറിച്ചത്. ഇന്നലെ ഉച്ചയ്ക്കു രണ്ടുമണിയോടെയാണ് സംഭവം. ഫോണിൽ സംസാരിച്ചുകൊണ്ടിരിക്കേ അസാധാരണമാം വിധം ചൂട് അനുഭവപ്പെട്ടപ്പോൾ മൈനുൽ ഇസ്ലാം ഫോണ് താഴെയിടുകയായിരുന്നു. ഇതോടെ വലിയ ശബ്ദത്തോടെ ഫോണ് പൊട്ടിത്തെറിക്കുകയായിരുന്നു. നിമിഷങ്ങളുടെ വ്യത്യാസത്തിലാണ് യുവാവ് രക്ഷപ്പെട്ടത്. മലപ്പുറം കുന്നുമ്മലിലെ കടയിൽ നിന്നാണ് യുവാവ് ഫോണ് വാങ്ങിയിരുന്നത്
Read Moreവ്യാജ വെളിച്ചെണ്ണ വ്യാപകം; നടപടിയെടുക്കാതെ അധികൃതർ; നിരോധിച്ച 92 ബ്രാൻഡുകളുടെ സ്ഥാനത്ത് പുതിയ പേരുകളിലാണ് വിപണനം നടക്കുന്നത്
പേരാവൂർ: മലയോരമേഖലയിൽ വ്യാജ വെളിച്ചെണ്ണ സുലഭം. നിരോധിച്ച 92 ബ്രാൻഡുകളുടെ സ്ഥാനത്ത് പുതിയ പേരുകളിലാണ് വിപണനം നടക്കുന്നത്. ഉപഭോക്താക്കളെ തെറ്റിദ്ധരിപ്പിക്കുന്ന രീതിയിൽ തേങ്ങയുടേയും വെളിച്ചെണ്ണയുടേയും ചിത്രങ്ങളും നൽകി ടെസ്റ്റ് കോക്കനട്ട് ഓയിൽ, കോക്കനട്ട് എഡിബിൾ ഓയിൽ എന്നപേരുകളിൽ ആക്കിയാണ് വ്യാജന്മാർ വിലസുന്നത്. തമിഴ്നാട്ടിൽനിന്ന് പാലക്കാട് വഴി കേരളത്തിലെത്തുന്ന വെളിച്ചെണ്ണ എന്ന പേരിലുള്ള വ്യാജൻ മലയോരം കേന്ദ്രീകരിച്ചാണ് വിതരണം നടക്കുന്നത്. നിലവിലുള്ള വെളിച്ചെണ്ണയുടെ വിലയിൽനിന്നും 30 മുതൽ 40 രൂപവരെ താഴ്ത്തിയാണ് ഇവർ വ്യാപാരികൾക്ക് നൽകുന്നത്. എന്നാൽ ഉപഭോക്താവിന് നിലവിലുള്ള വിലയിൽ നിന്നു നാമമാത്രമായ കുറവുവരുത്തി ശുദ്ധമായ വെളിച്ചെണ്ണ ആണെന്നുള്ള വ്യാജേനയാണ് വിൽക്കുന്നത്. വെളിച്ചെണ്ണ കമ്പനികളുടെ പേര് പറയാതെ വെളിച്ചെണ്ണ നൽകാൻ മാത്രം കടക്കാരനോട് ആവശ്യപ്പെടുന്ന ഉപഭോക്താവാണ് ഇത്തരത്തിൽ കബളിപ്പിക്കപ്പെടുന്നത്. മായമുള്ളതെന്നു കണ്ടെത്തിയ 92 ബ്രാൻഡുകൾ സംസ്ഥാന ഫുഡ് സേഫ്റ്റി കമ്മീഷണർ നിരോധിച്ചിരുന്നു.
Read Moreസംശയരോഗം! മദ്യലഹരിയില് നടുറോഡില് ഭാര്യയെ കുത്തിവീഴ്ത്തിയ ഭര്ത്താവ് പിടിയില്; ഇയാള് ഗള്ഫിലായിരുന്നു
തിരൂർ : തിരൂർ ബിപി അങ്ങാടി കോലുപ്പാലത്തിനടുത്ത് മുസ്ല്യാരങ്ങാടിയിൽ റോഡരികിൽ ഭർത്താവ് കുട്ടികളുടെ മുന്നിലിട്ട് ഭാര്യയെ കുത്തി വീഴ്ത്തി. കത്തിയുമായി ഭീകരാവസ്ഥ സൃഷ്ടിച്ച ഇയാളെ നാട്ടുകാർ പിടികൂടി പോലീസിലേൽപ്പിച്ചു. ഇന്നലെ വൈകിട്ടു അഞ്ചിനാണ് സംഭവം. പൊയിലിശേരി തെരുളിപ്പറന്പിൽ സിദ്ദിഖ് (35) ആണ് പിടിയിലായത്. ഗുരുതരമായി പരിക്കേറ്റ ഭാര്യ താജുന്നീസ (28)യെ കോഴിക്കോട് മെഡിക്കൽ കോളജ് ആശുപത്രിയിൽ പ്രവേശിപ്പിച്ചു. ഗൾഫിലായിരുന്ന സിദ്ദിഖ് സംശയരോഗത്തിലും മദ്യലഹരിയിലും ഭാര്യയെ അക്രമിക്കുകയായിരുന്നുവെന്നു തിരൂർ എസ്ഐ സുമേഷ് സുധാകർ പറഞ്ഞു. കൈനിക്കര സ്വദേശി സൂർപ്പിൽ മൊയ്തീൻകുഞ്ഞാണ് താജുന്നീസയുടെ പിതാവ്. മൂന്നു മക്കളുള്ള താജുന്നീസ ഭർത്താവുമായി വേർപിരിഞ്ഞു കഴിയുകയായിരുന്നു. നാട്ടുകാരുടെ മധ്യസ്ഥതയിൽ ബന്ധം തുടരാൻ നേരത്തേ തീരുമാനിച്ചിരുന്നെങ്കിലും ദാന്പത്യജീവിതം പ്രശ്നത്തിലായതോടെ വീണ്ടും വേർപിരിഞ്ഞു കഴിയുകയായിരുന്നു. വിവാഹ മോചനത്തിനായി ഇരുവരും തമ്മിലുള്ള കേസ് നടന്നു വരികയാണ്. ഇതിനിടെയാണ് ആക്രമണമുണ്ടായത്. സ്കൂൾവിട്ടു വന്ന കുട്ടികളെ കൊണ്ടുപോകാനെത്തിയ താജുന്നീസയെ പിറകിലൂടെയെത്തി…
Read Moreകോടികൾ പാഴാവുന്ന വഴി…”അംബേദ്കർ ഗ്രാമം’ പദ്ധതിയിൽ വൻ അപാകത; കരാറുകാർക്കെതിരേ ആരോപണവുമായി നാട്ടുകാർ
മുക്കം: പട്ടികജാതി കോളനികളുടെ സമഗ്രവികസനം ലക്ഷ്യമിട്ട് നടപ്പാക്കുന്ന അംബേദ്കർ ഗ്രാമം കോളനി നവീകരണ പദ്ധതിയിൽ പ്രവൃത്തി കരാറുകാർക്ക്തോന്നിയപോലെ. മുക്കം നഗരസഭയിലെ തടപ്പറമ്പ് ഐഎച്ച്ഡിപി കോളനിയിൽ അംബേദ്കർ ഗ്രാമം പദ്ധതിയിൽ ഉൾപ്പെടുത്തി വാസയോഗ്യമാക്കുന്ന വീടുകളുടെ നിർമാണ പ്രവൃത്തികളിൽ വൻ അപാകതയെന്ന് നാട്ടുകാർ ആരോപിക്കുന്നു. വീടിന്റെ നിലത്ത് പതിച്ച ടൈലുകൾ ദിവസങ്ങൾക്കകം തന്നെഇളകി പോയിട്ടുണ്ട്. നവീകരിക്കുന്ന വീടുകളിൽ പുകയും പായലും പിടിച്ച ചുമരുകൾ തൊഴിലാളികൾ തേയ്ക്കുന്നില്ലെന്നും നാട്ടുകാർ പറയുന്നു . വീടിന്റെ സൺഷേഡ് തേയ്ക്കാതെയാണ് മിക്ക വീടുകളുടെയും ചുമരുകൾ തേയ്ക്കുന്നത്. സാമ്പത്തിക പ്രയാസം കൊണ്ട് നിർമാണ പ്രവൃത്തി പാതിവഴിയിലായ 33 വീടുകളാണ് പദ്ധതിയിൽ ഉൾപ്പെടുത്തി വാസയോഗ്യമാക്കുന്നത്. നിർമാണ പ്രവൃത്തികൾ നിലച്ചിട്ട് വർഷങ്ങൾ കഴിഞ്ഞ വീടുകളാണ് ഇവയിലേറെയും. ജില്ലാ കളക്ടർ നേതൃത്വം നൽകുന്ന നിർമിതി കേന്ദ്രയ്ക്കാണ് നിർമാണ ചുമതല. അഞ്ച് മാസം കൊണ്ട് നിർമാണ പ്രവൃത്തികൾ പൂർത്തീകരിക്കുമെന്ന് പറഞ്ഞ് ആരംഭിച്ച പ്രവൃത്തി…
Read Moreപ്രളയദുരിതബാധിതർക്ക് ഇളവുകൾ പ്രഖ്യാപിച്ച് ബാങ്കുകൾ; ഇളവുകളുടെ വിശദാംശങ്ങൾ ഇങ്ങനെ….
കോഴിക്കോട്: കേരളത്തിലെ പ്രളയ- വെള്ളപ്പൊക്ക ദുരിതബാധിതർക്ക് സർക്കാരും സംസ്ഥാനതല ബാങ്കേഴ്സ് സമിതിയും സംയുക്തമായി പ്രഖ്യാപിച്ച ഇളവുകളും ആനുകൂല്യങ്ങളും കോഴിക്കോട് ജില്ലയിൽ നടപ്പാക്കി തുടങ്ങിയതായി ലീഡ്ബാങ്ക് ജില്ലാ മാനേജർ അറിയിച്ചു. ഇളവുകളുടെ വിശദാംശങ്ങൾ അറിയാം. വ്യാപാരവ്യവസായ സംരഭങ്ങൾക്ക് = നിലവിലുള്ള വായ്പകൾക്ക് 12 മുതൽ 18 മാസംവരെ തിരിച്ചടവിന് മൊറൊട്ടോറിയം. = നിലവിലുള്ള പ്രവർത്തനമൂലധന വായ്പകൾ 36 മാസംകൊണ്ട് തിരിച്ചടയ്ക്കാവുന്ന കാലാവധി വായ്പകളാക്കി മാറ്റാം. = നിലവിലുള്ള കാലാവധി വായ്പകൾക്ക് ഒരു വർഷംവരെ മൊറൊട്ടോറിയവും തിരിച്ചടവിന് കൂടുതൽ കാലാവധിയും. = നിലവിലെ സംരംഭങ്ങൾ നടത്തിക്കൊണ്ടുപോകുന്നതിന് നിബന്ധനകൾക്ക് വിധേയമായി പുതിയ വായ്പകൾ. ഭവനവായ്പകൾ = തിരിച്ചടവിന് ഒരുവർഷംവരെ മൊറൊട്ടോറിയം. =വീടു പുതുക്കുന്നതിനും അറ്റകുറ്റപ്പണികൾ നടത്തുന്നതിനും പുതിയ വായ്പ. = അഞ്ചുലക്ഷം വരെ മാർജിൻ ഇല്ല. കാർഷിക വായ്പ = നിലവിലുള്ള വിളവായ്പകൾ തിരിച്ചടയ്ക്കുന്നതിന് ഒരുവർഷംവരെ മൊറട്ടോറിയവും തുടർന്ന് തിരിച്ചടവിന് അഞ്ചു…
Read Moreസിദ്ദിഖ് വധക്കേസ് : പ്രതിക്കു ഏഴു വർഷം കഠിന തടവും അരലക്ഷം രൂപ പിഴയും; കൊലയിലേക്ക് നയിച്ചത് വാടക സംബന്ധിച്ച തർക്കമെന്ന് പോലീസ്
മഞ്ചേരി: മധ്യവയസ്കനെ മരത്തടി കൊണ്ടു തലക്കടിച്ച് കൊലപ്പെടുത്തിയ സംഭവത്തിൽ പ്രതിക്ക് ഏഴു വർഷം കഠിന തടവിനും അര ലക്ഷം രൂപ പിഴയടക്കാനും മഞ്ചേരി അഡീഷണൽ ജില്ലാ സെഷൻസ് കോടതി (രണ്ട്) ശിക്ഷ വിധിച്ചു. തമിഴ്നാട് കടലൂർ കാട്ടുമുന്നാർകുടി കതിരുമേട് വടക്കുമാൻകുടി ചിന്നയ്യന്റെ മകൻ സി. ദേവദാസി (52) നെയാണ് ശിക്ഷിച്ചത്. കുറ്റിപ്പുറം പഴയ റെയിൽവേ ഗേറ്റിന് സമീപം വാടക ക്വാർട്ടേഴ്സിൽ താമസിക്കുന്ന പാലക്കളത്തിൽ സൈതലവിയുടെ മകൻ മുഹമ്മദ് സിദ്ദിഖ് (50) ആണ് കൊല്ലപ്പെട്ടത്. 2016 ആഗസ്റ്റ് ഒന്പതിനു രാത്രി 8.30നാണ് കേസിനാസ്പദമായ സംഭവം. സുഹൃത്തുക്കളും കൂലിപ്പണിക്കാരുമായ ഇരുവരും ഒരേ വാടക ക്വാർട്ടേഴ്സിൽ താമസിച്ചു വരികയായിരുന്നു. മുറിയുടെ വാടക സംബന്ധിച്ചും പ്രതി ഉച്ചത്തിൽ ഫോണ് വിളിച്ചതു സംബന്ധിച്ചുമുണ്ടായ തർക്കമാണ് കൊലപാതകത്തിൽ കലാശിച്ചത്. വളാഞ്ചേരി സിഐ കെ.എം സുലൈമാനാണ് 2016 ആഗസ്റ്റ് 22ന് പ്രതിയെ അറസ്റ്റ് ചെയ്തതും കേസന്വേഷണം നടത്തി…
Read Moreജിൻസൺ ജോൺസന്റെ നാട്ടിൽ സ്പോർട്സ് കോംപ്ലക്സ് ; മന്ത്രിയുടെ നേതൃത്വത്തിൽ നടപടി തുടങ്ങി
പേരാമ്പ്ര: ഒളിന്പ്യൻ ജിൻസൻ ജോൺസന്റെ ജന്മനാടായ ചക്കിട്ടപാറയിൽ അത്യാധുനിക സ്പോർട്സ് കോംപ്ലക്സ് സ്ഥാപിക്കാൻ പദ്ധതി തയാറാകുന്നു. മന്ത്രി ടി.പി. രാമകൃഷ്ണൻ മുൻകൈയെടുത്ത് ഇതിനുള്ള പ്രവർത്തനങ്ങൾ തുടങ്ങി. കഴിഞ്ഞ ദിവസം ചക്കിട്ടപാറ ഗ്രാമപഞ്ചായത്ത് ഹാളിൽ മന്ത്രി ടി.പി. രാമകൃഷ്ണന്റെ അധ്യക്ഷതയിൽ സർവകക്ഷി യോഗം ചേർന്നു പ്രവർത്തന അവലോകനം നടത്തി. പദ്ധതിയുടെ സൂത്രധാരനായ ചക്കിട്ടപാറ സർവീസ് സഹകരണ ബാങ്ക് പ്രസിഡന്റ് ഇ.എസ്. ജെയിംസ് കൺവീനറായി 15 അംഗ സ്റ്റിയറിംഗ് കമ്മിറ്റിക്കു രൂപം നൽകി. കായിക യുവജന കാര്യാലയം എക്സി. എൻജിനിയർ ആർ. ബിജു, പ്രമുഖ ആർക്കിടെക്ട് ബിനു സിറിയക്, ജില്ലാ സ്പോർട്സ് കൗൺസിൽ പ്രസിഡന്റ് കെ.ജെ. മത്തായി തുടങ്ങിയവർ യോഗത്തിൽ സംബന്ധിച്ചു. സംസ്ഥാന കായിക വകുപ്പിന്റെ സഹകരണത്തോടെയാണു പദ്ധതി നടപ്പാക്കുന്നത്. മൊത്തം 9.68 ഏക്കർ സ്ഥലമാണു നിശ്ചയിച്ചിട്ടുള്ളത്. ഇതിൽ കാലിക്കട്ട് യൂണിവേഴ്സിറ്റിയുടെയും ചക്കിട്ടപാറ ഗ്രാമപഞ്ചായത്തിന്റെയും ഉടമസ്ഥതയിലുള്ള മൂന്നു ഏക്കർ സ്ഥലം…
Read More